حَين سَألتنِي كيف حَالي أردتُ
أن أُخبركِ بَأن الأيَام لا تَمضَي
بشَكل جَيد مُنذ فَارقتَنِي وإنِي
اختَلط بَالكثير مُرغمَاً لعلِي
أنسَاكَ لَكن مَلامحَكَ كانت
تَرتسَم فِـي وجُوه كُل الذِينَ
أراهُم و انِي مُتعبَه جَداً مِني
ومِن كُل مَا يَحَدث هُنا لكِنّي
أختَرت الصَمت كمَا أفعلُ
دَائِمًا ومَضَيتُ ومِئات الأصَواتِ تَصرخ فِي دَاخلِي
وبنيتُ فِي قَلبِي لقَلبُكَ مِنزُلاً
وَعِشقتُ قَلبِي حِينَ أمِسَىٰ مِنزُلكَ ،
يَاليتُ هَذَا العَمرُ يُهِدىٰ ليتهُ لوهِبتُ عُمَري يَا حَبيبُ العُمرِ لكَ
قُل لِي بربِّكَ أيُّ سرٍّ في الهَوىٰ؟
هذا الهَوىٰ يُحيّي الذي فيهِ هلَكَ
يا منِ قتلتَ القَلبُ حُبًّا ليتنِي
بالحُبِّ أغدُوّ يا حَبيبي قاتِلكَ .
بقلمي انا ايڤين
لا تنسون التصويت وتنطوني رائيكم بالتعليقات لان مُهم عندي كُلش سَومرياتي 🩷🩷.
_________________________
حسن - دكتور شعجب يعني صحتنا
سميدع - زمُرد بيها شي
الدكتور - الام حالتها جدًا مُمتازه وبحاله جيده بس
سميدع - بس شنو دكتور بس شنو
الدكتور - ياريت تسمع كلامي بس لا تكون عندك ردة فعل قويه
حسن - دكتور احجي مو حيلنا باد
سميدع - بنتي شبيها
الدكتور - للآسف بنتك مريضه عدها
سميدع - شنو مريضه شبيها
الدكتور - نقص كالسيوم بس لا تخاف تكدرون تعوضون الها
حسن - بس هيه صغيره ماتكدر تاكل شون
الدكتور - تخلطون وي الحليب عسل
سميدع - دكتور متأكد مابيها شي بعد
الدكتور - متأكد ابني بس هذا الشي الوحيد بيها و كُلت الكم حتى تاخذون احتياطاتكم
سميدع - مشكور تعبناك ويانا
الدكتور - أهلًا وسهلًا بيكم
سميدع - طلعنا من الغرفه بعد ماكلنا طن هوى بسبب كلامه على نيار لحضات اجتني خلتني احس بيها شي مو زين يخليني انحرم منها للابد
حسن - والله مادري شحجي على هل دكتور من صدُك خوفني لو مافشله جان هلهلت بنص الغرفه
سميدع - كلامه وحده يجيب الرعب
حسن - هسه المُهم مابيها شي امشينا نطلعهم من المستشفى اجوائهم مو خوش لا تتمرض بالزايد بعدهي صغيره
سميدع - روح حضر السياره حتى اول مانطلع نرجع لبيتنا
حسن - خوش خويه رايح
سميدع - دخلت للغرفه وسط انضار الزمُرد الخوف واضح بعيونها بس تحاول تبعده عني
حسين - ها شنو راد منك الدكتور
سميدع - لا ما راد شي
حسين - عمي عليه ماتباوع وجهك اصفر مبلوع بلع بس لا كال الك شي مو زين
سرمد - عمي بس كول شكال الك الدكتور هسه احط حسين و ادوس ببطنه
حسين - بيك خير تعال و دوس ببطني
سرمد - الرفق بالحيوان من واجب الانسان شفقت عليك
حسين - باع هذا مدري منين جايب كلامه ابو شفقه
سميدع - كافي إنتوا تتناكرون فوك راس البنيه
سرمد - عمي بعد مصار عليها يوم و تسكتنا علمودها
سميدع - نيار و الزمُرد خط احمر لا تندكون بيهم
زمرد - شكال الدكتور ادري كال الك شي مايصيحك هيج بدون سبب احجي حباب
سميدع - مابيها شي زمرده
زمرد - گلبي حاس بيها شي و أنتَ ضام عليه احجي
سميدع - عدها شويه نقص كالسيوم
لطيفه - يا مكروده يا نيار سوده عليه بعدهي صغيره منين اجه هل نقص
زمرد - يعني مو شي بي خطوره على نيار
سميدع - لا مابي اي خطوره تطمنؤا
رشا - اني باجر رايحه للشمال اجيبلها مناك عسل طبيعي
زمرد - لا يمه
رشا - اشششش ولا نفس ماتحجين ولا حجايه ومحد يعارض عليه و الله لو ابوج يسمع يلعب بيج لعب على هاي سوالفج ، صايره حيل تتنعوصين لا يمه ولا يمه ماكو اسُكتي هاي حفيدتي حالها حال البقيه
زمرد - اكلتيني و شربتيني خو
رشا - لان لسانج طولان شويه محتاجه اكرص اذنج عود صارت ام وكامت تتنعوص ماريد و ماريد والله لو ما فشله
شهرزاد - قابل تحطيها وتكتليها
رشا - إذًا اضطريت اي اكتلها
سرمد - احم ابوي كال إذًا يطلعون من المستشفى خل يجون بسرعه يريد يذبح خروف لسلامتكم
سميدع - مجان اله داعي والله اني هم جنت مقرره اسوي هيج
حسين - هسه لحم و بلاش عجيبه عجيبتكم
سرمد - ادري بيك طماع على الاكل مالتنا تجي
حسين - نهله شونها مشتاقلها
- عزاااا ولك حسين عيب تحجي هيج على خالتك اني ماعرفت اربيك عدل
حسين - هسه شكلت الها هو نهله قابل شسمها ماتكوليلي
- عيب هاي خالتك ميصير تكلها هيج احترمها
حسين - ابن نهله شو جنك ماعاجبك لا لا شو بالله معاجبك
سرمد - عمي أنتَ مامجذب اني امي اسمها نهله ام المشاكل الي تتعارك حتى وي الذبانه
حسين - شوفي شوووفي وتحجين عليه
- عيب يمه هاي امك عيب سرمد
سرمد - ام عن ام تختلف خالتي
حسين - ولا يهمك تعال اصير اني امك
سرمد - دخيلك ياعلي شبيه مخبل ما رايد روحي
حسين - هو ..
سميدع - الي يحجي حجايه بعد احطه واكتله
سرمد - حاضر سيدي
حسين - تدلل مولاي
شهرزاد - اوووي دكافي بس تحجون شنو هاي ماتشوفون البنيه مزعوجه من عدكم دخلوها تنام سوده عليه شون تعبانه
حسين - اي مو جانت تحارب وتعبانه
سرمد - اسكت ولك اسكت شتكلك كُلها حاضر
حسين - حاضر شهروزه
سرمد بهمس - راح ارفس ببطنك
حسين - هاي شبيك شو تهمس شووو احجي بصوت عالي
سميدع - امشوا اطلعوا برا البنيه نزعجت منكم
سرمد - رقيقه الله يسلمها
حسين - غصبًا ماعليك ترا اني عمها
سرمد - داشك بالموضوع
سميدع - شنو
سرمد - فيمالا اني رايحه مع السلامه اشوفكم بخير وصحه وسلامه
سميدع - كومي زمُردتي خل نطلع
زمرد - بس الزمها عدل لا تطيح
- يمه علكيف من تشيلها لا تتاذه
سميدع - لطيفه لا تعوفين الزمُرد
لطيفه - حاضر خويه
زمرد - طلعنا من المستشفى حتى نرجع لبيتنا الي زاد علينا شخص جديد هل مره بكُل خطوه اخطيها احس بفرحه ماتسيعني بنيتي و جميلتي بحضني وسط ناس يحبونا ويحترمونا ماكو احلى من هيج
اول مادخلنا للبيت استقبلونا بالهلاهل بعد ماذبحوا الخروف على سلامتنا .. اباوع لشهرزاد الي مبين بوجها هواي كلام بس ماتكدر تحجي ماتكدر ادري بيهم تخرب فرحتي بس خل افرغ نفسي شويه و أجي احجي وياها افهم من عدها
لطيفه - علكيفج نامي على الجربايه
زمرد - جيبيها يمي تنام
رزان - لعد الكريكوت المن مشتري
شهرزاد - لبناتي
زمرد - فدوه الهن خل ياخذنهم شسوي بي
شهرزاد - لا ميخالف داتشاقه وياكم
سميدع - احم
رشا - يلا يلا بنات اطلعوا خلي يرتاحون أكيد تعبانين هسه
لطيفه - بس تكعد لو تبجي صيحني حباب
سميدع - صار من عيوني
شهرزاد - ديري بالج على نفسج زمرده
سميدع - بس شي شهرزاد
شهرزاد - شنو هو
سميدع - عمي يريدج كالي صيحها ولا تخافين ملامح وجهه ثابته مابيها شي
شهرزاد - يريدني
زمرد - روحي شوفي وبس تكعد نيار تجين تسولفين الي مو لان ماكدر احجي بصوت عالي
طلعت شهرزاد من الغرفه و سدت الباب علينا .. وكفت يباوع و يرفع بشعره لفوك
صرت اعرف حركاته كُلها من يريد يسوي شي ومايعرف شون يضل يحرك بأرنبة خشمه او يرفع شعره لفوك
سميدع - تقربت من يم جربايتهم كعدت على الطرف مركز عيوني على الزمُرد .. تدرين ماكدر افاركهن لهل عيون مو
زمرد - اني خايفه
سميدع - من شنو
زمرد - بس خايفه من شنو ماعرف
سميدع - حبيبتي ميخالف لان بعدج ماتعرفين تتصرفين وي نيار وصغيره تخافين بس تكبر كُلشي يتغير
زمرد - مارح تتخلى عنها بيوم من الايام .. مارح تخليها محتاجتك وأنتَ ماموجود
سميدع - باقي وياها السند الي ترفع راسها بي
زمرد - مارح تتركها بيوم وهيه محتاجه الك و لمساعدتك
سميدع - اوعدج و اوعدها مابيوم اتركها تحتاج الي وما اجيت آلا إذًا الوضع طارئ
زمرد - تشبهك راح تصير
سميدع - جنت ادعي و أتمنى تشبهج حتى تصير فراشتي الي معشعشه ببستان گلبي
زمرد - هههههههه بس البستان بي ورود يعني اكو بنات ثانيه وياي
سميدع - بس أنتِ وامي
عيوني صارت بعيونها العب بشعرها بهدوء .. تحتضن ايدي بداخل أناملها الرقيقه ..
النوم بده يطغي عليها صارت تغفي بهدوء وسط اختلاط انفاسنا و دكة گلبي الي تزيد وي كُل دكة مرتبط بيها
سميدع - بعدهي عيني ماخذت النوم و اجاني اتصال من المستشفى
حسام - الف ميروك يول صرت أب
سميدع - الله يبارك بيك خويه عسا ما شر
حسام - محتاجيك تعال للرمادي بسرعه
سميدع - شصاير حسام
حسام - تعال وانت تعرف احسن من هل وضع
سميدع - جايكم
شهرزاد - بابا صحتني
حجي سعد - ادخلي بنيتي ادخلي
شهرزاد - شبيك بويه وضعك من طبيعي
حجي سعد - أنتِ بنتي شهرزاد وكتلج إذًا الدنيا كُلها تصير ضدج اني مارح اسوي هل شي ماسوي بس انتِ شسويتي رحتي وسكتي على وضعج سكتي على سوالف حميد الي محد يكدر يحجي بيهن على كميه قذارتهن
سكتي و ما حجيتي الي هنا الصوج بيمن بيه لان انطيت بنتي وخليتها تعيش وي هذا الشخص لو بيج لان سكتي و تحملتي كُل اخطاءه وانطيته فرصه و ثنين
شهرزاد - ماردت تضوج ماردت تزعل وانتَ عندك امراض خفت عليك ماكدر اصير انانيه واحجي الك شي ياذيك بابا اني اموت إذًا يصير عليك شي عيشتي عليك حياتي و روحي فدوه الك
حجي سعد - صدمتيني شهرزاده حيل صدمتيني بنيتي شنو نجبرتي تعيشين وي ذاك الحيوان بس حتى تحافضين على زواجكم وما تأذيني بس الصح اني تأذيت لان سكتي على هل موضوع
شهرزاد - مجان بأيدي شي بابا مجان بايدي شيي
حجي سعد - لعد تطلكين من عنده هسه و بدون نقاش أبدآ شنو اكُلج الج تسوي خوش بنيتي
شهرزاد - حاضر بابا شنو تريد شنو تطلب من عندي اسوي
حجي سعد - توقعين على اوراق الطلاك
شهرزاد - شنو
حجي سعد - اوراق طلاكج ماكو بعد تبقين يمه ذاك الجلب ماتعيشين تبقين بهذا البيت جوه جناحي و تبقين شهرزاد بنت السعد مُعززه مُكرمه وحسابي وياهم بعدين
توقعين لو الج رأئي ثاني
شهرزاد - اوقع نطيني
اخذت القلم منه بايدي الضعيفه الي جانت ترجف حتى لو جان بداخل گلبي مشاعر ماكدرت احررها بشكل الصحيح بس مشيت مره وره گلبي وتاذيت ومستحيل اسويها مره ثانيه ابد .. وقعت على الورقه وسط الغواش الي صار يملي عيوني
حجي سعد - ربي يعوضج بالاحسن شهر لا تيأسين وابد لا تفكرين بيوم امج و ابوج يتعاجزون منج .. نحبج و نريد الج كُلشي زين بحياتج
شهرزاد - بابا
بعدني ماكملت كلامي و ندفرت الباب .. دخل حميد للديوان يتقرب من عندي
حميد - شهرزاد حبيبتي سمعتج بيج مريضه كلبي وكف عليج
عكدت حاجبي باستغراب على كلامه - مرضيش شكاعد تحجي أنتَ
شبيك مو كافي لعبات
حميد - كالوا الي آن أنتِ مريضه ماكدرت ما اجي گلبي اجه يوكف من الخوف عليج حبيبتي جم مره كتلج لا ترحين للمستشفى لان تتمرضين و تجيج جرثومه بس اووف من عنادج
شهرزاد - أنتَ اضاهر انسان عديم الكرامه عديم الكبرياء مو
حميد - ليش حبيبتي شنو سويت مجرد جنت خايف عليج هيج تحجين عليه بس يالله معذوره اكيد من التعب ماتحسين نفسج شكاعد تحجين
شهرزاد - بابا خلي يوقع على الاوراق ويحجيها كدامك اريد اخلص من شكله وبعد ماشوفه أبد لهل الحقير الجذاب
حميد - عمي شوفها شوفها شون تحجي و تغلط عليه والله عيب عليج حييييل عيب عليج
حجي سعد - لو ماموجود اني وحجت هيج عليك راح تفشخها بالمزهريه مو
حميد - عم .. عمي ب ب بس افهمك الموضوع يا افشخ بالمزهريه مادري مادري على شن شنو كاعد تحجي
حجي سعد - لك أنت عبالك فد واحد زوج اني وينضحك عليه ها ولك جااااوب جااااوب شايفني زوج ومافتهم لو عبالك مثلكم ماعندي بنات ياخذن حقهن و ادفنهن بهل دنيا
حميد - لا عمي اني ماقصدي هيج ابد صدكني
حجي سعد - ماكو بيناتنا اي كلام بعد خليني محترم الرابط الي يجمعنا يا ابن اخوي ويلااااا يلاااا وقع على اوراق الطلاك
حميد - خلي يكون ببالج مالج اي حقوق يمي مانطيج خوووش فلس ماتشوفين مني
حجي سعد - دوقع لك دوقع بنتي عايشه بخيري بس الفلوس الي تخصها تشتريك و تشتري اهلك يا نذل
حميد - الاطفال حتى ماريدهم ماتجي تطالب باي حق من حقوقهم
حجي سعد - لككك أنتَ فد وااااحد ..
شهرزاد - لحضه بابا لحضه
حميد - ها ما عجبتج هل سالفه تردين فلوس مني مووو
شهرزاد - تنكسر ايدي اكطعها لهاي ايدي واشمرها للجلاب اذا بيوم اجيك و اكُلك نطيني فلوس كسر بهاي ايدي الي تاخذ منك فلوس يا حقير يا نذل فهمت لو لا
حميد - اهووو حتسوي محاضره خل اوقع حتى اروح من هنا كافي مسرحيات سخيفه
شهرزاد - إذًا بيوم من الايام اطفالي حبوا يزوروك مارح امنعهم لشي واحد بس ماكدر احرمهم من ابوهم الخيخه
حميد - لسانج طولان
شهرزاد - ابن امك و أبوك إذا تجي وتسويلي شي
حميد - أنتِ ..
حجي سعد - اششششششش ولا نفس امشي اطلع بره مثل الجلاب بررررررره بيتييييي
حميد - اطلع من هذا البيت أصلًا صرت اختنك من عنده يخنككك يخنكككك من الناس الي بي .. هاا قبل لا اطلع
حجي سعد - لا تضل تماطل لككك مالنا خلكك فهمت لو لا يلا
حميد - ههههههههه بس اوجه كلامي لبنتك المحترمه
شهرزاد - احجي الي تريده بسرعه
حميد - بعمري ماحبيتج بعمري ماشفتج مره أنتِ ذره انووثه مااابيجججج لا جمال ولا شكل ولا بيج شي حلو مُجرد نكره شمرها ابوها عليه حتى اتزوجها لان محد يقبل بيج
شهرزاد - هههههههههه و عبالك راح انقهر لا لا ابد .. تدري ليش مارح انقهر لان اني على الاقل ارجل من عندك اني وكفت كدام التنور و حرارته اخبز لساعات ساعات طويله حتى نحصل على فلوس وناكل لكمه حلال
بعمري ماشفت نفسي الي داسوي عيب لو يخليني انسانه نكره ومو جميله يمكن أنتَ شفتني بهذا المنضر بس اني اشوف نفسي احلى انسانه بهل العالم كُله زين حميد.
حميد - كلام تقنعين نفسج بي بس
شهرزاد - اكون مو حلوه اهون من اصير شخص ماعنده رجوله .. لملم كرامتك الي صارت بالكاع و اطلع من البيت يلا
عدل ياخته قميصه وهو يحرك راسه بتوعد ديطلع من الباب وانصدم بسرمد كدامه هو و السميدع
سرمد - وثول كون حتى ثول دمشي عدل تمشي وترفس جنك ثور
حميد - وخر من وجهي احسن ماخرب ملامحك
سرمد - لا عليك العباس شسوي شسوي
سميدع - كافي سرمد .. وأنتَ تفضل اطلع من البيت لو حاب اكمل عليك الكتله واسويها كتلتين
حميد - أصلًا رايح بدون هاي السوالف كُلها وخروا
حجي سعد - تعالوا بويه تعالوا شنو الاخبار
سرمد - الجيش نسحب للبصره
سميدع - احم عمي اريد اكُلك شي
حجي سعد - كول وليدي
سميدع - اني لازم اروح للبصره
حجي سعد - شسوي بالبصره
سرمد - أنتَ مخبل ولك شايف شصاير بيها هسه
سميدع - لازم اروح راح يسحبونا طبابه عسكريه ولان اني معاون مختبر بمستشفى الرمادي
حجي سعد - تروح تذب نفسك بنص النار ولك بويه شكاعد تحجي
سميدع - هاي بعد لازم اروح
شهرزاد - طلعت زمرد من غرفتها عاكده حواجبها مستغربه الوضع الي ديحجي سميدع
زمرد - شدتحجي شنو تروح شنو للبصره ماتشوف الاخبار شون محتركه
سميدع - وهذا واجبي ياعيني لازم اروح
زمرد - ياربي لا تخبلني شنو واجبك تذب نفسك بنص الموت
شهرزاد - اهدئي زمرده شبيج
زمرد - شنو اهدء شنو شبيه سميدع أنت مقتنع بشي الي دتسوي
سميدع - إي وأصلًا اليوم رايح
حجي سعد - لا حول ولا قوة الا بالله العلي العظيم يعني أنت مكمل كُلشي ومخطط و اجيت بس تخبرنا و تروح
سميدع - اي
سرمد - خطا دتسوي ولك مو هيججج
سميدع - بعد تقريبًا ساعتين أقل و أروح
حجي سعد - يعني حتى ماتعرف تخليها على باجر ولك ابني
سميدع - ماكدر
زمرد - خوش لعد روح روح
شهرزاد - زمرررده وينج تعالي وين رايحه
سميدع - زمرده
حجي سعد - عوفوها
شهرزاد - بس بابا
حجي سعد - عوفيها بنيتي عوفيها
سميدع - ليش هيج تصعبون الموضوع
- مانصعب روح يمه مدام هيج أنت مقرر
زمرد - يلا هاك روح هسه تكدر تروح
سميدع - شنو هذا زمرد
زمرد - غراضك مو رايح للبصره يلا هاي غراضك تكدر تروح هسه واني رايحه انام بصف بنتي لحد يجي ويكعدني ماريد اسمع صوت نفس يم عتبت غرفتي
حجي سعد - زمرده
سميدع - عوفها عمي
شهرزاد - ترا حقها
سميدع - ادري حقها ادري
سرمد - شو تعال وياي شويه
اخذته وي الغراض وطلعنا بره بالشارع ادخن جكاير وصافن عليه
سميدع - مضيع شي بوجهي
سرمد - ليش تروح فهمني ليش
سميدع - ماعدهم احد ولازم واحد يروح
سرمد - إذًا متت
سميدع - هذا حكم ربك ماعترض عليه
سرمد - والزمُرد مافكرت بيها
سميدع - ماكدر حتى اودعها ماكدر اباوع بعيونها
سرمد - بنتك ماصار على جيتها سنه حتى تروح هيج و تتركها
سميدع - لا تزيدها عليه
سرمد - مارح تودع احد مو
سميدع - ماكدر اودعهم
سرمد - لان تدري الي دتسوي غلط بس مستمر
سميدع - لخاطر الوطن ماكو شي غلط
سرمد - هاي السياره الك
سميدع - اي اني رايح
سرمد - خوش
سميدع - سرمد الزمُرد و نيار بأمانتك همه وامي ولطيفه
سرمد - روح روح ولا تخاف
سميدع - واثق بيك
صعدت بالسياره الي راح تجهه للبصره احنا المجموعه الطبيه الي حنقدم العلاج للجنود المتصاوبه .. ما جان عندي حل احجي الهم آن الموضوع جان مجبرين عليه لان مو بس اني هاي حالتي اكو هواي
تمشي السياره ساعات صرت اسمع اشكال القصص .. المشاكل و الحُِب المستحيل جان كُل شخص بهاي السياره بداخله قصه هو البطل بيها .. تذكرت عيونها والخيبه الي صارت بوجها
دموعها الي جانت تلزمها رغم هيه تدري ماكو اي حل ثاني غير تتقبل الوضع الي حيصير ماضجت من تصرفها بكد ماضجت من نفسي من تركتها بلا وداع .. سويت هيج حتى يصيرلي هدف ارجع الها سالم مابيه شي
وصلنا للمكان الي جان المفروض نعالج بي المصابين .. دخلت للمكان مصدوم بالاشخاص المصابه كدامي انواع الاصابات والجروح .. غير الجثث المحتركه المركونه على صفحه
امير - حتى أنتَ نصدمت من المنظر مو
سميدع - لهل درجه العالم ماعدها رحمه
امير - هاي الحرب يا كاتل يا مكتول
سميدع - باي مكان بالتحديد احنا هسه
امير - بالفاو
سميدع - الوضع تعبان حيل عكس الي جان ينقلوه
امير - جانوا رايدين يصير عليهم تكتم حتى محد يعرف تفاصيل اكثر وتحتج العالم على ولدها .. نسيت اعرفكم عن نفسي اسمي امير اختصاصي تخدير
سميدع - تشرفت بيك اني سميدع
امير - تخصصك شنو
سميدع - تحليلات مرضيه
امير - منين جابوك ليش هيج يعني اقصد وين جنت تداوم
سميدع - بالرمادي
امير - ماتوقعت ينطون هيج شخص مثلك لحلك الموت
سميدع - لازم التضحيه مرات
امير - لازم
انهيت الكلام وياه و كُل شخص بينا صار يتنقل بي الجرحى من مكان للثاني .. صارت ارواحهم تطلع كدام عيونا و مجنا نكدر نسوي الهم اكثر من هيج
المكان صار عباره عن دم ناس أبرياء .. عباره عن احلام تهدمت وعود نخذلت .. كُل احد من الجنود جان محتفظ بوصيه حتى توصل لاهله البعض وصلت والبعض الثاني جانت تنهمل و تنشمر لبعدين
صار منتصف الليل تقريبًا و أحنا على وكفه وحده من شخص لشخص ثاني .. اخر شخص جان عدنا أمل يقاوم ويضل على قيد الحياة بس راحت روحه للسما وهو مبتسم على الي صار
مجان واحد من الموجودين يتقرب من عنده جانوا يحسون بالخوف بسبب ملامحه المتفحمه تقربت من يمه حتى اغطي و حسيت بقبضة ايده الي جانت قويه حيل
لزمتها و صرت ابعد اصابعه بهدوء حتى اشوف الي بداخلها وسط كلام الاشخاص الموجودين حتى مافتح ايده خايفين
فتحتها بهدوء .. شفت قلاده جانت بوسطها صوره لبنيه ماكدر اباوع على الصوره ولا اركز بيها احترامًا اله .. القبضه الي جان لازمها بهل قويه كأنوا جان خايف احد يجي وياخذ هل شي منه و تكون نواياه سيئه
باوعت عليه بعد مانزلت دمعه من عيونه بهدوء جانت جثته بارده بس محد يكدر ينكر أن هو شهيد تقربت من عنده اهمس اله :- راح ادفنها بمكان محد يكدر يشوف صورتها بي أبد
غطيته و أبتعدت من المكان متوجهه لبرا الكه مكان ادفن بي هل قلاده حسيت بخطوات شخص وراي كأن جان يراقبني من اول
سميدع - بمكان ما تلحكني طلع نفسك الي
امير - شمدريك اني وراك والحكك
سميدع - خطواتك مسموعه
امير - ليش اجيت لهنا ها
سميدع - ادفن أمانه
امير - جانوا يخافون يتقربون من هل جثه ماخفت
سميدع - لا ماخفت لان بيوم من الايام جان هو شخص مثلنا على الاقل فاز بالجنه و صار شهيد
امير - شنو بيها هل أمانه
سميدع - سر بداخله محد يعرفه بس هو
امير - وين راح تدفنها
سميدع - وكفت اشوف المكان الي جان خالي من الزرع بسبب القصف ضليت امشي لحد مالمحت من بعدين مكان بي شجره صغيره حيل
امير - راح تدفنها هنا
سميدع - اي
تقربت من المكان و صرت احفر بايدي حتى تكون بمسافه زينه محد يكدر يلكاها .. طلعتها من جيبي و دفنتها بهدوء.
كعدت بصف هذا المكان صافن على الفراغ الهدوء جان هو السيد بهاي اللحضات مُجرد صوت انفاسنا الي جانت تتعالى
امير - ليش اختاريت هل مكان بالتحديد ليش يم الزرع
سميدع - حتى ماتموت الذكرى
امير - هواي ماتوا وخسروا حياتهم
سميدع - ضحوا لوطنهم لاخر مره بأنفاسهم بس راح يضلون عايشين بداخلنا
امير - انت تعرف ان المُهمه تطول هواي
سميدع - ادري بيها
امير - يالله اني رايح
سميدع - مع السلامه
مرت الايام والاشهر واحنا على نفس الروتين لحد اليوم الي كُلها صارت تصيح سقطت البصره راحت البصره
سميدع - هاي شصاير امير
امير - جاي يصير قصف حتى على المحافظات
سميدع - تعال كولي بغداد بيها شي
امير - يمعود كل المحافظات
سميدع - صار صوت انفجار عنيف قريب من عدنا خلى المكان يهتز من قوته .. بسبب قصف التحالف على العراق
صرنا نركض نسعف الجنود الي اجت طايحه قليل الي كدر ينجي من هل مئسات الي صارت .. لحد ما اجه جندي منظره خلى شعر جسمي يوكف من المنظر الي كدامي
امير - شون نساعده ش .. شون
سميدع - جان صاروخ فاتح بطنه واكف و ممفجور ابد
- اني اني ماكدر اسويله شي مانكدر نساعده هذا مايعيشش
امير - رجليه بعد ماتشيلني ماكدر
سميدع - الصاروخ لا ينفجر بأي لحضه
- وخرواا منااا و خرواا خل نطلعه برا
سميدع - شنو تطلعه براا ترااا انساااان عنننددده روووح حراام الي دتسووووييي
- شنوووو أنت تريدنا نمووت هسه بس ينفجر محد بينا يبقى عايش مالها داعي هل الانسانيه بهيج موقف ترا حتى انت تموت اسلم على حياتك
امير - تعال عوفهم يطلعوه
سميدع - شون ولكم
امير - هو ميت ميت مايعيش صاروخ ببطنه شون يعيش ترا ماكو داعي نموت احنا هم وياه
سميدع - وخر عني وخر اكمل شغلي
امير - لا تتخبل اخذوووه منا
سميدع - خرب ولكم حرام عليكم ليش هيج
- الحياة هيج تتطلب منه مرات
سميدع - بس فهمني شنو الحياة تتطلب منك هيج يا بشر هاي روووح روووح حرام الي دتسوي بيها
- مو ينفجر الصاروخ ترا
سميدع - خلي ينفجر بينا ولا نعوف واحد منا وبينا هيج متصاوب برا حرام عليكم باجر عكبه تنحطون بنفس الموقف منو يجي يساعدكم منو يدير باله عليكم وانتوا بهيج حاله و تخليتوا عنه
- شوف اني راح اخليك تساعده مو لشي بس اني بشر وكلام يعني .. ساعده برا مايدخل لهنااا ابد
سميدع - برا جوه المهم اساعده و اخفف عنه ولو شويه
امير - بس هسه تلكي اكيد مات
سميدع - بلكي الله بعده عايش ماصار عليه شي بعده صغير حرامات خسر شبابه لا حول ولا قوة الا بالله العلي العظيم
- هذا شي جاي احاول افهمه الك حتى لو ساعدته راح يبقى يتمنى الموت لاخر يوم بعمره على الوجع الي راح يحس بي راح يخسر هواي و ظائف بجسمه مهمه
سميدع - احنا اقسمنا نسوي شغلنا على اكمل وجه ومو من مبادئي اعوف شخص محتاج المساعده وياي ابقى وياه لاخر نفسه بحياته
امير - امشي امشي اني وياك
سميدع - رحنا للولد الي جان ياخذ أنفاسه الأخيره بصعوبه انتبه علينا و عيونه كُلها دموع
امير - احنا اجينا نساعدك تحمل شويه
- اشش اشش لحد يتقرب عليه
سميدع - بس خويه
- الموت حيل احسن الي من ما اظل عايش بهل الحياة الي ظلمتني هواي حتى لو رجعت عشت وين راح اروح واني مكطوع من شجره لا ام لا اب محد يوكف وياي الموت اهون الي اهوون هاي امنيتي بهاي الحياة اتركوني اموت
امير - كلام دتحجي بصعوبه لا تحجي شي خليك ساكت
- لا تنقذوني ماريد اعيش
سميدع - هذا شي واجب علينا ننقذك
- الموت احسن الي خويه احسن
سميدع - ظل فتره عيونه على السما صافن عليها بس لسه بي نفس خليت ايدي على رساله و بديت أقرأ اله قرآن بهدوء
امير بهمس - شكاعد تسوي
سميدع - اقره اله قرآن فوك راسه
- اني رايح رايح يم اهلي
سميدع - حجه هاي كلماته وهو يبتسم عرفنا بي مات وانتقل لرحمة الله خليت ايدي على عيونه اقره اله الفاتحه
امير - هنياله راح شهيد
سميدع - بقى بمكانه لان المكان مابي اي مجال للدفن ولا يصلح بي أبد .. صارت هل مشاهد الدمويه جزء من حياتنا باليوم الي مايصير هذا الشي نحمد الله و نشكره و نتفاجئ باليوم الثاني بالاشياء الي تصير
الضحايه جانت كُلها اعمار ببداية شبابها و اغلبها إذًا مو كُلها وراها قُصص تفطر الگلب وراها .. بيوم من الايام الي اعتبروا العالم يوم الفرج الهم
صار أمر الانسحاب من مواقعنا و كلمن يرجع لاهله من صار هل موضوع كُلها عافت المكان و راحت تركت الجثث بالكاع بدون مساعده العالم جانت تستنجد تركوها و طلعوا بدون محد يهتم الهم
امير - شوكت تمشي
سميدع - ابقى اتاكد بلكي اكو احد عايش ماعوفهم
- أنتَ ماتكول الي شجاك يمعود ماتشوف الي جاي يصير اكو واحد يذب نفسه بنص التهلكه
سميدع - شنو ذنب العالم الي عايشه بس تحتاج مساعده
- يمعود ميتين مايعيشون ترا
سميدع - ماتركهم الا أتأكد بنفسي
امير - أنتَ بيك شي اكو واحد يبقى يم جثث فوككك الـ 100 جثه هسه شون تبقى وياهم بنصهم تفتر عليهم واحد واحد
سميدع - اي ابقى وافتر عليهم واحد واحد بلكي اشوف واحد عايش حتى اساعده
- مايفيد الكلام وياه امشينا خل نخلص من هل ضيم
امير - احييك على هل شجاعه الي بداخلك تشرفت بمعرفتك
سميدع - كُل الهلا خويه الله وياكم
تركوني وابتعدوا من المكان .. صرت امشي اشوف بلكي اكو احد عايش اكدر انقذه و احاول شكد ماكدر يرجع لاهله .. نص اليوم خلصته ادور بي على شخص على قيد الحياة
خلص الأمل عندي لميت الغراض الموجوده عندي .. جانت الدنيا بعدهي نهارطلعت اتمشى لنص البصره بلكي الكه سياره تاخذني لبغداد .. مشيت مسافه وشفت رتل عسكري ينفجر كدامي بسبب قصف الطيارات
سميدع - يارب رحمتك و عطفك علينا
صرت ادور مكان اكعد بي لحد مايصير الليل حتى امشي بي براحتي .. ما جانت اكو سيارات تكدر تاخذني لبغداد جنت مجبور امشي كُل هل مسافه بلكي اكدر ارجع الهم عايش ضليت كاعد بالمكان احس الدقايق حساب عين على الساعه و عين ثانيه على الشارع الي صار لون الاحمر جزء مايتجزء من شكله
مر وقت الغروب حضرت غراضي و طلعت حتى امشي ماجنت اكدر اشغل اي ضوه كشاف صرت معتمد على ضوه القمر الي يعكس كدامي شي بسيط بس من الأماكن الي كدامي.. صرت امشي بنص الحشائش بهدوء حتى محد يحس او ينتبه .. جان بين فتره و ثانيه صوت قصف لسيارات
مجان ببالي احد غير اهلي بهل لحضه شون اكدر اوصل الهم سالم وما اموت .. طلعت من مكان الحشائش و صرت امشي على طرف الشارع على كيفي خايف اكو ناس منتشره من عدهم بداخل هل الأماكن المهجوره الي صار خاليه من البشر والحياة
وصلت لنص الطريق و اني حاس بخطوات ورايه صرت اسرع بخطواتي وجان الصوت يزيد أكثر و أكثر التفت استجمعت قوتي و التفت لوره مجان اكو اي احد وراي
سميدع - لازم تفكر حتى لا تموت ماعندي حل ثاني غير ادخل بواحد من ذني البيوت المهجوره
ثواني بس حسيت ايد تنمد على متني .. بهل لحضه عرفت وصلت لنهاية محطه بحياتي اخذت نفس بهدوء انطق الشهاده
..يتبع
___________________________
ومثل ماوعدتكم التنزيل يومي وملتزمه وياكم كُل بارت فوك الـ 4000 كلمه 🩷🩷.
أتمنى منكم تتفاعلون و تنشرون القُصه بكل مكان و تسولي تاك
حساب الانستگرام