أحببت المطلقة💗

الحلقة 1

الحلقة 1
لطيفة-أسماء عيش بنتي كول حاجة
أسماء-يامي مانحبش نحب نبقا وحدي راو مابقالي حد بعد بابا وتوا مات هو لشكون بقيت أنا
لطيفة-بنيتي ماتقولش هكا نتغشش عليك راه و أنا شقاعدة نعمل و راجلك معاك زادة نحنا عايلتك من أمس مش ماليوم
باهي نعرفكم على بطلتنا أسماء الصويعي عمرها 22سنة بنية مشاءالله عليها زين وعين وڨد العينين كبار و خضر والشعر لصفر قاورية على حالها عندها الازم في الازم ولي يحبو أي راجل أما مسكينة الدنيا ماعطتهاش لتحب عليه أمها توفات ملي عمرها 13 سنة بطلها بوها مالقراية بعد ما خذات الباك وبقات تخدم فيه لين دخل نهار و قلها لهي غدوة بش تعرس مسكينة صدمها بلي تصورتو ماتصوراتوش يبيعها في ليلة و نهار كاينها سلعة ليوم أسماء بوها توفى و مابقالها حد مالدنيا هاذي كان أمها لطيفة (أم راجلها)
بقات تبكي في تركينة وحدها تبكي على سعدها لحرف ماتهنات حتى نهار في حياتها بعد ماتوفت أمها و توا عندها 4سنين معرسة لا رت الخير في راجلها لكل يوم يروحلها شارب لا جابت صغار أسماء بقات تخمم و لقت الحل لبش يريحها من هالعيشة الكلبة
أسماء-تيم
-.......
أسماء-تيم نكلم فيك
   تيم و هو يعيط- أووووفف ماكش قاعدة تشوف فيا نخدم و إنت من بكري تيم تيم
دموعها هبطو زايد مايتبدلش -تيم أأأ..ن.ا نححح..ب نط..لق
-شنواا؟؟؟؟ عاود ماسمعتش!!!
-أنا نحب نطلق ماو بابا مات معناها صاي السفقة لبناتكم وفات يزيني ماعشت لعذاب معاك
- ههههه شبي ر**تحب تجهلني شنية اللوغة الجديدة هاذي قالو طلاق؟ ماخممتش شنيا بش يقولو عليك مطلقة و وين بش تسكن؟؟
-عندي دار بابا مش مستحقية فلوسك و ماحاجتيش بنفقة نعيش في الفقر و لانعيش معاك في الذل
-و أميي أمي فيبالها؟؟
-مافيبالهاش أما تو تتقبل هي حاسبتني كيف بنتها و ماترضاليش الشر
-معناها تحب تقول لإنت كنت عايشة في جحيم معايا
-......
-أوك غدوة يجوك وراق الطلاق ملا راحة خلي لواحد يعرس و يجيب الصغار