♣️الجزء :1281
بعد اربعة شهور
القصر مخيم عليه الحزن والهم كلشي مكتأب وحزين ، ربعة شهور باش خرجو من داك الباب ومن داك الوقت بجوجهم مارجعوش دخلو منو
صفاء لي نشقت الارض وبلعاتها واخا دار فهد جميع الطرق باش يوصل ليها مالقاش ليها الاثر كأنها تمسحات من الخريطة ولا الوجود من داك النهار مابانت لا هي ولا والديها
اما فهد لي غادي يتسطا ربعة دشهور ماداق طعم الراحة
وسط البرطمة ديالو القديمة وبالضبط وسط بيتو جالس فهد وسط الضلام لابس غير سورفيت وصدرو عريان شاعل سجارة دايرها ففمو وكأس دالشراب فيديه
السجارة والشراب لي مابقاش قادر يتخلا عليهم عايش غير بيهم لو ماكانوش كان غادي يموت مافيهاش شك
مستحيل يقدر يبقى صااحى وهي ماكايناش صورتها وطيفها ديييما قدام عينيه ضحيكتها وابتسامتها وعينيها السماويين الصافيين ديما حاضرين معاه
فهد لي كان جبل مايهزو ريح تهد فغيابها وفراقها دمروووو مستاعد يهد الدنيا باش يلقاها وجودها فحياتو هي الحاجة الوحيدة لي ممكن تريحو وتخليه مرتاح
من نهار مشات تقطع حبلو السري بهاد الحياة رجع ميت وسط جسد حي ، مافيهش الروح واخا كيتنفس ، عينيه فيها غير الضلام واخا كيشوف
مابقاش كيتدوق ولا كيشم ولا كيحس ، جمييع حواسو خداتهم معاها فرحتو وسعادتو مابقاوش فغيابها ، باغي غير يعرف شنو دار ياك كل ماكانت كتتمنى كان كيحضرو ليها ياك حبها حب سرمدي عمر شي حد حبها بحالو . ياك كان مستاعد يشق صدرو ويعطيها قلبو وروحو وكيانو وفؤادو غير تكون ليه مرتاحة وفرحانة .
علاش ماراعاتش كمية الحب لي حبها علاش ماخافتش عليه من حرمانها ليه ياك عارفاه كيعشقها ياك شحال من مرة قال ليها ادا مشيتي غادي نموت ادا بعدتي عليا غادي نق_تل راسي
واش حتى لهاد الدرجة حياتو رخيصة عندها؟ ماخافتش يطرا ليه شي حاجة ملي مايلقاهاش ؟
ماخافتش بصح يقتل راسو ؟
ماتوحشاتوش ؟
مافتاقداتش وجودو ؟
قلبها ماخبطش وقال ليها بغيت فهد ؟
جميع هاد التسائلات كانو شاغلين بالو وتفكيرو
هز الكاس دالشراب نوعو قاصح بزااف كيشربوه غير لي متعودين على الشراب مايقدرش يشربو اي واحد
هزو ونزل عليه كلو ماأثرش فيه وماحسش بيه كأنه شرب كاس دالما هز سجارة تانية شعلها يالله غادي يرجع يتكى براسو على الفوطوي وهو يسمع الدقان فالباب
خصر سيفتو ومابغاش يجاوب ولا ينوض لكن الدق ماتوقفش الباب كانت غادي تتهرس وهو مامسوقش حتى سمع صوتها عض على فمو ووقف بحال شي وحش صدرو كيطلع ويهبط ومشى جيهة الباب
♣️الجزء :1282
خرج من البيت وتوجه نالباب غير حلو وشافها شنق عليها من السورفيت وجرها دخلها شد الباب وخبطها مع الحيط حتى توجعات
فهد: علاااش جاية لقحبة ممممك دابا
سحر : فهد تهدن خلينا ندويو
فهد : اااش غاديي ندوييييييو ياااك لي حرضتيها مشااااااات شنووووو بغيتي دابا
سحر حيدات ليه يديه ووقفات قبالتو: ماحرضتهاااش ماقلتش ليها سيري انا وريتها حقوقها وقلت ليها دافعي على حقوقك وماتخليش شي حد يفرض راسو عليك
فهد :ااااناااااا راااجلهاااااااا
سحر :واااخا تكووون راجلها مااااعندكش الحق
فهد تنهد : خرجي قودي
خلاها ودخل هز السجارة كيشعلها
سحر دخلات بالزربة حيداتها ليه ولاحتها فالارض وسطمات عليها
سحر :شنوووو كتديييير هادا هو الحل لي لقييييتي صافي ستسلمتيييي وليتي عاطيها غير لشراااب شوف حالتك كيف رجعات شوف تحت عينيك كيف كحاالو بحال واحد مدمن على الهيرويين
فهد بتاسم جنب : كتقتلي الميت وتمشي فكنازتو ادماني انا تخطا الهيرورين
سحر بصراخ : علاااااش باغي تمرضنييي علاش باغي تحسسني بتأنيب الضميييير واجه اغلااااطك
فهد :اغلاطي يستاهلو ربعة شهور دالفراق ؟ واش انا نستاهل هاااااادشيييييي
سحر تنهدات :فهد
فهد : جاوبي واش غيرتي تستاهل ربعة شهور دالفراق تستاهل تمشي وتخليني غادي نحماق باش نلقاها . تستاهل تخليني كنهد الدنيا على قبلها . تستاهل تخليني غادي نحمااااااق ماعارف كيف دااايرة واش مرتاااحة واش فرحانة واش شي حد اذاااها
سحر : البنت تعذبات بزااف
فهد بصراااخ : وأنا تعذذذذذبت كتتتتر منهااااااا انا كل مرة كنت كنشوفها عريانة وكنشوف الشق لي فصدرها كنتعذذذذذذب غير كنشوف الخياطة لي فصدرها كنتفكر النهاااار لي كنت غادي نخصرها فيييييه هي ماخاصهاااش تتعب ماخاصهاااش تدير مجهوود
سحر:هي تشافات
فهد : ماتشاااافاااااتش انا شفتها كتمووووت قدااامي انا هزيييتها بين يدي وهي كتلفض انفااسها الاخيييرة انا شفت صباااعها كيشهد شفتووو بعييينييي
سحر نزلات ليها دمعة من عينها وهي كتشوف فهد كيف مدممممر
فهد: انا عشت كاااابوووووس وهي وسط العملياااات تمنيييت انا نكون مريض بالقلب وانا لي نتعذبوانا لي يتشق صدري فبلاصتهاااا كيييييفااااش كتقولي انا نكووون سباب فعذااابها وانا يمكن نضحيييي بنفسي من أجلهااااااا
سحر : فهد تهدن اخويا
فهد بصراخ : مااااااامهدددددنش طووول عمري وانا هربااان من النسا وماعاطيهم قييمة ونهار قلبي بغىىىى ورجعت مهوووس بيها مشاااات مشااات كأنها عمرها كااانت . واااش حتى لهاد الدرجة انا رخييص عندها ماعندي قييييمة
سحر : مارخيصش حتى هي بغاتك كيف بغيتيها
فهد سرط ريقو ومعاها الغصة لي فحلقو : حبي ليها ماليهش متيل وماكاينش فالدنيا لي غادي يبغي شي حد قد لي بغيتها انا
سحر عينيها تغرغرو : فهد
فهد عطاها بالضهر ومشى لجيهة البالكون
فهد :سدي الباب وراك
سحر بقات واقفة شحاال هبطو دموعها بلا ماتحس ندمات علاش تدخلات ولا هضرات معاها كانت تخليها تعيش مع راجلها كيف بغاو بقات فيها صفاء حيت كانت محرومة من حريتها وبقى فيها فهد دابا لي حاسة بنفسو كتغلي ومعذب بفراقها
هزات يديها مسحات دموعها وخرجات كتجري
♣️الجزء :1283
فهد وقف قبالت البالكون شاد السجارة كيشعل فيها ،مص منها بقوة كأنه باغي يطفي العافية لي وسطو بعافية تاانية
خدا اكبر كمية ديال الدخان ونفخو عينيه كيشوفو فمنحى واحد وبسرعة غاب على الواقع ورجع بذاكرتو لنهار لي تصدم فيه نهار لي عاش ابشع الكوابيس فحياتو
فلاش باك
بعد ساعة حل عينيه فهد كيرمش اول حاجة دار هبط عينيه يشوف صفاء غير لقى بلاصتها خاوية قلبو حس بيه خرج من بلاصتو ناض كيجري نالحمام لي فالبيت لقاه خاوي. حل الباب وخرج كيجري لقى ذكرى ومراد عاد وصلو شاف فيهم وجهو صفففر بالخلعة
فهد تمتم : فيين صفاااء
ذكرى قرنات حاجبها : كيفاش
فهد بصراخ : فيييييييين مراااااتيييييي
مراد : تهدن افهد حنا عاد وصلنا يمنكن خداوها تدير التحاليل
فهد خلاهم ومشى كيجري بحال شي حمق جيهة المختبر لي فالمستشفى . حل الباب بقوة بجوج يدين حتى تخبط مع الحيط ودخل كينهج وعينيه كيضورو فجميع الاتجاهات كسقلبو عليها
كانت الغرفة كبيرة فيها بزاف دالمرضى كياخدو ليهم الدم وغير دخل كلهم شافو جيهتو
وهو كيلهت وعينيه كيصكانيو القاعة
قربات عندو الممرضة كتجري حست عرفاتو :سيدي يغيتي نعاونك فشي حاجة
فهد عض على فمو وشاف فيها مخنزر :مراااااتي فييييينهاااااا
الممرضة :مدام الماس فالصباح كانت فغرفتها
فهد شنق عليها حتى تخلعات :علاااامن كتضحكي القحبة مااااكااايناااش فغرفتها فيييين مرتيييييي
الممرضة تخلعات منو ومن خالتو وتمتمات :والله اسيدي ماشفتها فالصياح بكري بغيت ندخل نبدل ليها صيروم ولقيتك معاها ومابغيتش نزعجكم
فهد دفعها حتى كانت غادي تطيح ورجع كيجري كيقلب فجميع الغرف لي فالمستشفى كيفتح البيبان وكيطل كيلقى المرضى كيخلي الباب محلول ويكمل طريقو
داز على جميع الغرف حتى وصل نالكولوار لي خلا فيه ذكرى ومراد لقاهم واقفين مع دكتورة تما ووقف مصدوم من كلامها
الدكتورة : الصباح بكري كنت كندير جولة على المرضى وشفتها خارجة هي وماماها باباها
فهد تمتم :كيفاش خارجة فين
كلهم شافو فيه
فهد عينيه حمارو :فيييييين مشاااااااااااو
الدكتورة :ماعرفتش اسي فهد
فهد عض على فمو وخرج كيجري ومراد وذكرى تبعوه ماجاو يوصلو لبرا حتى كان طار بالطموبيل خلا وراه غير العجاج
بسرعة ركبو حتى هوما وتبعوه
♣️الجزء :1284
مشى كيطير زايد فالسرعة الطموبيل قريبة تتقلب بيه شاد التيليفون وكيصوني على ياسين تيليفونو طافي وصل نالقصر فوقت قياسي نزل وخلا الباب محلول وتوجه عند الكارد
فهد :مرااااتييي جاااااات
الكارد :لا اسيدي من لبارح ملي خرجتي معاها مارجعات
فهد شنق عليه كيغوت عليه بصوت عاالي : كيييفااااااش مارجعاااااتش خاااصها تكووون هناااااااا
الدراري سمعو الغوات خرجو بالزربة
شدو يوسف وسحر جروه
فنفس الوقت وصلات طموبيل مراد
يوسف :تهدن اصاحبي مالك شانق عليه اش دار
فهد دفعو : طلااااااق القواااااد فييين مراااتي
سحر :كيفاش مراتك
فهد شاف فيها بعينيه الحومر :مراااتي لي هزيتيها وخديتيها نالعراااساااات فييينهاااااا
مراد نزل من الطموبيل وشدو : فهد تهدن
فهد ضرب الباب برجليه وتكلم بصراخ :ماتقوووولووووش لياااااا تهدددددددن فييييين مراااااااتيييييييي
ذكرى :غادي يكونو مشاو يفطرو فشي بلاصة دابا وهوما جاو
فهد حرك راسو بواخا وجبد التيليفون كيصوني ويعاود على مراد وبلقيس
فهد علا عينيه فيهم :تيليفوناتهم بجوج طافيين
كلهم بقاو ساكتين
فهد عض على فمو : شنو كيعني هادشييييييييي
حتى حد ماقدر يجاوبو كلهم فكرو فاحتمال ممكن يكونو خداوها ومشاو خصوصا بلقيس كانت باية ماغاديش تخلي ليه بنتها بعد داكشي لي دار
فهد شافهم كيف ساكتين غوت بصوت عالي : جمعوووولي الكاااارد لهناااااااا
الكارد تجمعو وعكاهم التعليمات يقلبو المدينة كلهم يفليوها شبر واحد مايخليوهش
الكارد تشتوو كلهم بقاو غير جوج لي واقفين فالباب عطاهم التعليمات ادا دخلات نالقصر ممنوع تخرج
ركب فطومو بيلتو وخرج كيقلب نهار كلو مارتاحش وماوقفش لتاني مرة المشهد كيتعاود
اول مرة ملي رجع من المانيا مالقاهاش فدارو وملي لقاها حالتها متدهورة وكتموت
ودابا مالقاهاش وخايف غير ملي يلقاها تكون فشي حالة لي تصدمو
ماوقفش بالتقلاب نهار كلو وليل كلوو ،ماكينعسش وماكيذوقش طعم الراحة حتى الماكلة ماكياكلهاش عايش غير بالكارو والقهوة
مرة ايام وشهور وهو غادي يتسطا ويهبل توحشها وقلبو شتاق ليها باغي غير يضمها ليه ويشبع من ريحتها ، كيشرب القهوة باش ماينعسش وادا غلب عليه راسو ونعس كيهلوس فأحلامو وكينوض مفزوع وخايف عليها ،مابقاش حامل ينعس
{باااك }
خرج فهد من تفكيرو فالماضي على واقعو المر. بقى مدة كيفكر و هز تيليفونو دوز الخط
فهد :جمعو الكارد كلهم فالقصر انا جاي
قطع ودخل يدوش باش يصحصح
♣️الجزء :1285
وسط القصر كانو جالسين على طاولة الفطور غير ذكرى وعصام وبراءة لي كرشها بدات كتضهر واكرم جالس قدامها ويوسف اما ليليان مازال ناعسة لفوق عيانة دخلات فشهرها وكرشها كبرات مابقاتش كتثدر تتمشى بزااف دغيا كتعيا
ذكرى : مافهمتش مالنا هاد القصر فيه شي سحور المشاكل مابغاوش يتسالاو منو غادي تكون ديك اماني دارت ليا سحور حتى فالقصر باش يتشتت
مراد خنزر فيها : سكتي نتي شنو هاد الهضرة
ذكرى : مالني كذبت ماشفتيش هاد الحالة لي حنا فيها فالاول داكشي لي طرا لعصام وهاهو رجليه تشللات وسلمان غابر فهد وصفاء مخاصمين وماعارفينش حتى فينها والولد غادي يحماق عليها
مراد :هادشي مكتاب وربي كيبتالينا باش يشوف مقدار صبرنا
يوسف تنهد :القصر رجع ساكت حتى الجماعة لي كنا كنتجمعو فهاد الفطور مابقاتش حط الفورشيط وناض خارج
ذكرى تزهدات :مراد نتا ماعارفش ياسين فين خداهم
مراد :واش انا غادي نعرف ونخلي ولدي هاكا كيحماق . كون عرفت على الاقل غادي نمشي نحاول نحل ليهم المشكل
براءة :تقول نشقت الارض وبلعاتهم بقى فيا فهد عمرني شفتو بهاد الحد من العصبية
اكرم :هو عصابي ودابا تزاد ملي مالقاش صفاء ،الصراحة عجبني الحال ملي هربوها باش يتربا على داكشي لي كان كيدير لكن ملي شفت حالتو وبلي مامرتاحش وغادي يحماق بقى فيا
ذكرى تنهدات :راه غير كيبغيها بزااف على داكشي كان داير ديك الحالة نتوما ماشفتوهش ملي كانت فالعملية وقلبو كان غادي يخرج من بلاصتو انا ولادي كلهم عمرني شفت شي حد كيبغي بحال لي بغى فهد صفاء . واخا ماكيبينش ولكن تصرفاتو كيبينو مقدار حبو ليها
اكرم :الله يهديه وينقص شوية من هادشي ونلقاو الواليد فين مخبيهم
داخلة من الجردة بشعرها القهوة مطلوق على ضهرها شادة كتاب فيديها لابسة كسيوة هابطة ساترة ركبتها شادة فكريشتها لي دغيا كبرات ،بعد خمسة شهور من الحمل كلشي فيها تبدل عمارت وزيانت جا معاها الحمل خديوداتها عمارو وصدرها تنفخ وكبر رجع كتر من صدر ليليان. ليهونش خرجو ليها وبان نصها كتبان بحال بنت فالعشرينات ملفتة وكتفتن بالزين حيت اصلا هي زوينة بزااف وزيد الحمل خلاها تعمار وزينها يبان كتر وكتر
شادة فكريشتها وداخلة بشوية مبتاسمة واخا الحزن بادي على وجهها كتبين انها نساتو ومابقاش همها فراقو كتبين انها مابقاتش متأثرة بالبعادو ،سايناتو بزااف حتى ملااات ومابقاتش متسوقة ليه ،بكات عليه بزااف حتى دموعها جفو ومابقاوش كينزلو واخا يطرا لي طرا
الوحم داز عليها صعيب بزااف شهرين الاولى داز عليها العذااب ماكانتش كتاكل كتشرب غير العصير وحتى هو داك الساعة كترضو عاشت شهراين غير بالفيتامينات حتى فاتها الوحم عاد بدات كتاكل وترتاح بعد شهراين دالعذاب عاد رجعات صحيحتها ولكن الاهم قدرات تحافض على وعدها ليهم وبقات مقاتلة وشادة فقرايتها بسناااانهااا . الامتحانات وسط القسم كلهم دوزاتهم مزياان وواخا كبرات كرشها مابقاتش مسوقة لتلاميذ لي كيهضرو ولا كيضحكو عليها كتمشي تقرا واخا قالت ليها ذكرى جلسي وقراي من الدار رفضات وتشبتات بالقراية فالمدراسة رغم كل الضروف. وحتى الاساتذة عارفينها مزوجة حاملة وكيحاولو يوفرو ليها الجو المناسب ويعاونوها ادا مافهماتش
دخلات عندهم مبتاسمة غير شافوها بتاسمو ليها حتى هوما
ذكرى :ابرار كنتي برا ابنتي كنقول ليك ماتخرجيش نالشمس بلا فطور
ابرار قربات عندهم مبتاسمة جرات الكرسي وجلسات بهدوء
ابرار : شربت عاصير عاد خرجت اخالتو
مراد :لا خاصك تفطري عاد خرجي العاصير ماداير ليك والو خصوصا مع الحمل
ابرار حركات راسها مبتاسمة :واخا اعمو دابا غادي نفطر
#يتبع