ياشاغل العينين كيف سلبتني
ووقعت في محظورِ ما أتحذرُ
يا سارق الانفاس كيف عبثتَ بي
وانا الكتوم الحاذق المتحذرُ
جد لي جوابًا للسؤالِ لكي ترى
إني أُحبك فوق ماتتصورُ
آمنت أن الحب فيك نبوءتي
وهواك شبه الموت لايكررُ
منفايَ أنتَ ومن سواك يُعيدُ لي
روحي، ومن ذا عن جفاكَ يصبرُ
بقلمي انا ايڤين
لاتنسون التصويت وتنطوني رائيكم بالتعليقات حبيباتي اهم شي تخلوووون النجمهه يعني تصوتون عمري إنتوا
_______________________________
بخطواتٍ هَادئه و بأنفاسً كأنها فحَيحِ أفعَي ، فِي عُروقِها تجَري بِها دِمًاء ليَسَّت مِن دِمًاء ، أنَما فِي دِمائهَّا الحُقد و الكَراهَّيةِ هَّي المُسَّيطَران
السجينه وره ظهرها فتحت الباب بهدوء تمشي على اطراف اصابعها تدور على فريستها ، تقربت من الزمرد وهيه مركزه السجينه على گلبها مُباشرةً
سيد حازم - نهلله شنو تسوين هااااا
نهله - هاا سي سيد لا تفهمني غلط جنت اريد ءء اجيب شغ شغله من الغرفه بس فدوه لا تفهمني خطأ يعني اني مو قصدي مو قصدي والله
سيد حازم - لجججج تجذذذبيييين عيوووووني وهااااي السجينه الي بااايدددج شنوووو ملفي ببيتيييي مجررررمين دتعاايي اربيج على ايدي اليوم
نهله - لااا سيد على بختكككك لاااا والله والله ماردت اكتلها سيدد
زمرد - فزيت مامستوعبه الي صار بس صوت عياط بباب غرفتنا طفر السميدع الهم يفاكك سيد حازم عن مرته كمت شمرت الحجاب على شعري و طلعت يمهم
جانت اكو سجينه جبيره مشموره بباب الغرفه صفنت عليها معقوله لهل درجه توصل بيها تريد تقتلني ياربي اني وين عايشه
ناديه - بووويه فدوه هدد امي والله راح تموت من كد الكتل بس عوفها
سيد حازم - وليييي منااااا ولجججج لا اكتلججج ويييي امجججججج ولجن انتن شنووو من مله ولجن شني من نساوين انتن اخخخ منجن اخخخ إذًا ماربيتجن من جديد
السميدع - عمي استهدي بالرحمن عمي راح تموت بين ايدك مو خطيه كافي عميي مووو هيج
زمرد - لازمه السميدع ويجر بي بس هيهات اول مره اشوف سيد حازم بهل الحاله يصيح ويحجي بحركة گلب ماقهرني بس ناديه وهيه تبوس باديه حتى يترك امها
سيد حازم - عمو عوفني اشفي غليلي بيها الضاهر اني جنت مآويلي ضبع ببيتي ماعنده رحمه لروح البشر لك عمي طابه تريد تذبحكم ببيتي وانتو نايمين يا صخام وجهي يا عمي لك سرررررمد تعال هنا ابن الحيوانه
سرمد: ها بويه
سيد حازم - هسه تروح تجيب الشيخ سحل من عمامته وتجي ما ابقي بعد هيج شكولات ببيتي ولجججج سنييين سننننيييين مخليج ببيتي تالي هيج تكسرين ضهري مع الاسف والله عليج ولج يامريه من شنو مخلوقه انتِ
نهله - كافي سيد والله التوبه التوبه بعد ماعيدها ماسوي هيج والله السماحه منك فدوه اتررركنننييي يبوووووويييي ولكم ولا واااحددد بيكم كفووووو يساااعدددنيييي ولكم وييينكم يااا ناااس يااا عالم
سيد حازم - ولجججج بعدججج تعيطيييين شهلللل صلااافه فهميييني شنووو الوكاااحه الي شايلتهاااا ولج اليوم إذا ماربيتج من جديد يا قليلة الآدب
نهله - فدوووه عوووفني ابوس رجليك عوفنييي اخررر مره اخررر مره وحق الحسين والله بعد ماسويها
سيد حازم - امشييي ولكككك جيييب السيييددد
سرمد - ليش بوي..
سيد حازم - امشي بدووون ما تسأل لك كلب اليوم انومج بالسجن تريدين تذبحين ابني موووو ولج اني نطيتج عين وخليتج تتوكحييين وخليتج شايخه على العالم
نهله - لكك عووفني راح اموت الحكوووني ياايمه ولج تعاالي خلصيني منه اني مو اختج تعااالي
- مو ردتي تكتلين وليدي و مرته بحجرتهم تستاهلين كُلشي راح يصير بيج اني ماتدخل بعد أبد ماتوقعت الحقد يوصلج لهل المرحله بحيث عادي عندج تضحين بحياة العالم
نهله - فدوه ولج سااعديني اختججج اختتتجججج انننيي
سيد حازم - ما اسمع منج ولا حرف اشششششش اشششش صووووتج المسموم اذا سمعته بعددد اكصه للسانج اكصهههه والخلقج والله اختها صرتي هسه موو ؟ اصبريلي اليوم اني ادخل للسجن بيججج ولج ردتي تخزيني وتخلين العالم تاكل وجهي
مرته كتلت ابن اخوه و مرته مررررررته الي هيه بنت صويحبه هسهههه اطللكككججج هسه ولكككك ابن الكلب وييينككك ماتروووح تصيح الشيخخخ لو صرتوا تستحووون هسه مووو
اصبرولي اصبرولي لعد
زمرد - ترك نهله و راح يركض للغرفه فتحت عيوني على وسعها واني اشوف الشي الي يريد يسوي
السميدع - كلنا دخلنا بصدمه بعد ما شفنا عمي لاول مره بهيج حاله هستيريه والي صدمنا اكثر ركضته للغرفه وراح جاب مسدس ومنيشن على نهله يريد يكتلها
ناديه - يبوووووويييي لا يبويه لااااا ابوسك رجليكككك يابه امييي امييي شووون تكتلها لا فدوه لعمرك فدوه لطولك لا تسويي هل شي
سرمد - الله عليك بويه بس استهدي بالرحمن
سيد حازم - اشششششش ولكم اشششششش والله الي يتقرب من يمي اخلي هل طلقه براااسه يا كلااااااب اني تخلوني مضحكه كدام العالم اني بتالي عمري هيج يصير بيه وسفه والله وسفه
زمرد - فدوه سوييي شييي راحح يكتلهااا حباب سوييي شيي
سميدع - ركضت عليه وحاوطته بأيدي وحاول يوخرني منه
سيد حازم - ولككك هدددنييي هدددنييي رادت تكتلك عمييي راادت تكتلك
سميدع - مسااامحيها عمي بس اهدى والله مسامحيها
سيد حازم - ابددددد والله
سميدع - بنص النقاش اني اشيل المسدس من ايده بالغلط ثارت طلقه من مسدسه وسمعنا عيطة لطيفه بالمطبخ
- يمهه عزاا العزااني بنيتي راحت
زمرد - رحنا للمطبخ جانت لطيفه كاعده بالكاع مخليه ايدها على اذنها
سميدع - شو كومي بيج شي لطيفه
حسين - لطيفو حبيبتي شو باوعيلي شصار بيج بس باوعي
حسن - يمكن مصدومه من الموقف الي صار
- يمه بنيتي يمه تعاليلي يمه شصار بحالج سوده عليه سوده عليه يايمه
لطيفه - ماما طلقه اجت طلقه
حسين - بس فهمينا دخلت بجسمج لووو لااا
لطيفه - لااا لااا مادخلت ماادخلت
- الف الحمدلله والشكر الي ياربي الف الحمدلله
سيد حازم - بنتي خو مابيج شي
لطيفه - اني زينه زينه
سيد حازم - امشي سرمد بعد مابيه اصيح روح جيب الشيخ
سميدع - لا بس من رخصتك عمي لا تروح سرمد ابقى
سيد حازم - ليش تمنعني يابني
سميدع - اني راح اخذ مرتي و نطلع ببيت وحدنا ماكو داعي بعد لهذا الكلام ولا انت مجبور تطلقها
سيد حازم - اني مجبووور مجبووور صار سنين مجبور اتحملها بعد ماكدر اصبر عليها اكثر من هيج
سميدع - حتى لو عمي بس إنتوا كبرتوا بالعمر وعدكم اولاد و أحفاد لا تخرب حياتك
سيد حازم - ماجانت عامره حتى اخربها
سميدع - اني اول و تالي ما باقي بالبيت ومن اليوم ابدي ادور
سيد حازم - بس ابني
سميدع - اذا تريد راحتي و سعادتي لا تعارض فدوه عمي
سيد حازم - إذًا بيها راحتك فا اني مارح اعارض بس حيل مستحي منكم حيل
حسين - عمي أنت مالك علاقه بكل الي صار بس اكو ناس قليله أدب تحتاج تتربى من جديد
- لك حسين
سيد حازم - ليش تصيحين بي ليش كلامه صحيح كُلش صحيح داخله لغرفتهم و شايله سجينه ومخليتها كدام گلب البنيه لو ما اجيت اني جانت هسه صارت بخبر كان
سميدع - ما صار شي عمي
سيد حازم - بنتي انتِ زينه خو مابيج شي
زمرد - عمو هاي شوفني بعينك كُلشي مابيه لا تخاف عليه والله وماكو داعي تطلقها والله لا تخرب حياتكم علمودنا احنا هسه ناخذ بيت و نطلع
سميدع - شفت عمي مابينا شي لا تزعل نفسك ساعده حسن خل يروح للغرفه يرتاح اكيد يصعد ضغطك هسه إذًا ماصعد
حسن - خوش راح اخذه
- يمه يعني راح تعزل
سميدع - مجبورر يمه ماشفتي بعينج شصار
سرمد - يعني شنو تريد تبتعد عني مو تعودت عليك ماتوقعتك هلكد بذات بسرعه تنساني
سميدع - افاا عليك اني انساك بس مرات الظروف تجبرنا واني هاي الظروف بعد حكمتني ولا تخافين يمه ماعوفج والله بس إذًا تردين راحة ابنج فا راحته بره هذا البيت اني اريد ابني عائلتي خاليه من المشاكل والعرك
- الشي الي يريحك سوي يمه سوي مارح اعرض بطريقكم والله
سميدع - فدوه رحتلج يمه
انعام بهمس - خوش فلم سوه حتى تعزل ببيت بوحدها حيه حمره
زمرد - سمعتها انداريت عليها خزرتها مشيت كدامها واني مركزه عيوني بعيونها عبرتها و دخلت لغرفتي
سيد حازم - والله مادري شون اخلي عيني بعينج بعد سوايتها
- أنت مالك دخل سيد فتحت النا بيتك وتحملتهم سنين وهسه صوج مو بيك الصوج باختي الي جان عادي عدها تحرك گلبي واتمنى منك ماتضوج من عندي بس اني هم اعوف البيت حالي من حال ولدي
سيد حازم - بس يا ام
- احسن النا هذا شي سيد من رخصتك
سميدع - بعد الي صار طلعت من يومها ادور على بيت ايجار حتى نخلص من هاي السالفه التعبانه الي تتكرر يوميا بس بشكل مختلف مجان عدنا غير حل الا اذا نطلع من هذا البيت الي مفروض نطلع منه من زمان
كُلشي صار وياي وصار لازم ابدي اباشر بمستشفى الرمادي بس ماجنت احس بالأمان على زمُردتي هناك تعبت واني ادور عن بيت من النهار لليل وجانت الناس تخاف ما تأجر لاي بشر بس الظروف الي صارت
زمرد - كمت اجمع بغراضي واخليهم بكراتين حتى نطلع من هذي الحفره الي عشت بيها اسوء ايام حياتي وجنت اشوف اكو عندي نقص بالتحفيات الي جانو تذكار من اخوي صادق
هفففف والله غريب شون جاي يختفن ذني التحفيات عجيييبه والله شكد دورت مالكاهن المشكله جاي تزيد يوم عن يوم الاشياء الي دتختفي
سميدع - وين صافن الحلو
زمرد - تنهدت واني اهز راسي بالنفي
سميدع - شبيج شصاير هم صار شي بيناتكم
زمرد - لا لتخاف ماصار شي بيناتنا
سميدع - لعد شبيج شو مبين عليج الضوجه
زمرد - سيد ترا التحفيات احس بيهن جاي يخفتن مو طبيعي هيج يعني شكد دورت عليهن مجاي الكاهن والله تعبت وماتدري شكد عزيزات على كلبي
سميدع - ادري بيهن شكد عزيزات على كلبج لان هديه من صادق بس خاف زاويتها شو وين
زمرد - اي يمكن ارتاح و ادورهن
سميدع - شون تفرح ام الاحمر
زمرد - شون افرح
سميدع - تعاي
زمرد - تقربت من يمه واني ابتسم بوجهه وكف كدامي خلاني امشي للمرايه وكفتها كدامها
سميدع - شنو كاعد تشوفين كدامج
زمرد - اشوف نفسي
سميدع - واني مجاي اشوف نفسي جاي اشوف وردتي ، جوريتي ، زمُردتي
زمرد - كل هذا دتشوفه
سميدع - اي وأكثر داشوف كدامي بُستان من الورود كُله مجتمع بيج
زمرد - ههههههه هسه اني بستان
سميدع - لا اله الا الله يعني عافت الورد والدنيا ركزت على البستان
زمرد - مو تكول بستان ورد
سميدع - عمي كدامي غصن ريحان ديلا
زمرد - لا ماريد مو حلو
سميدع - ورده حمره بلون خدودج
زمرد - اممم مُمكن بيها مجال ، زين تدري مابقى شي وتصير سنه على زواجنا
سميدع - صرت اصدك بمقوله الايام الحلوه تركض ركض
زمرد - صارت حلوه وياك
ايده تمشي على شعري بهدوء واحنا واكفين كدام المرايه نتأمل تفاصيلنا
سميدع - يَذُوبُ قَلبِي حَّينَ أرئ أحَّمِرارَ شَفَّتيكِ
زمرد - من زمان عن هذا الكلام الحلو
سميدع - من كد ماملتهين هذا يلي صار
زمرد - تلتهي عني
سميدع - افاا شون التهي عنج
زمرد - عفيه سوسو لا تلتهي
سميدع - هههههههههههه شنو شنو
زمرد - اوووي شبيك سوسو
سميدع - لا بربج بطليها لا تكوليها
زمرد - سوسو الخجلانه عشتوو
سميدع - ها ولج طالعلج لسان
زمرد - شوف اني من زمان عندي لسان بس مسويه نفسي حبابه كدامكم وهيج فا لا يغرك هل شي
سميدع - عمي ادري بيج وكحه من زمان بس لسانج صاير طويل شنو سوسو
زمرد - سووسيااتي
سميدع - ههههههه خربتي الأسم لدرجه ماتخيلها
زمرد - هففف هفففف منك
سميدع - عمري مايصير تنفخين هيج
زمرد - شنو ليش مايصير
سميدع - مايصير وخلص
زمرد - من عيوني مانفخ هيج زين
سميدع - كُلش زين
مشت الايام واني اجمع بغراضي بكراتين اجهز نفسنا حتى نترك هذا البيت تعبت ورحت للمطبخ حتى اشرب مي ورجعت اكمل شغل ولكيت ناديه وانعام يدورون بغراضي من شافوني انصدمو
ناديه بصوت متلعثم - منو سمحلج تاخذين غراض بيتنا ؟
انعام - اي اي صح ليش تبوكيهم
ناديه - ماتوقعتج هلكد ماتسحييين جايه تبوكين غراضنا و تطلعين من البيت مثل الشعر من العجين
انعام - شكد نفسج ضيكه قحط هنه شغلات للبيت عليمن تبوكين كولي اريد و ننطيج
زمرد - والله من بعد هذا الموقف عرفت إن كُل الكلام الي نحجى عليجن صحيح عفيه نسوان ماتملن ماتكلن عجيبه عجيبتجن
ناديه - احتررررمييي نفسج احنااا مو حراااميه وهااييي غراااض بيتنااا ترااا
انعام - يعني تبوكين من عدنا وجايه تذبيها براسنا الله اكبر عليج والله انتِ طلعتي حيه حيييه حمرررره من وراج كُلشي صار بينا
زمرد - عرفت وين راحو تحفياتي جنت يوميا افتقد شغله عوفو شكو شي بيدكم واطلعو برااا منو يبوك اني اشرف منكم وما اخلي عيني على شغلات غيري شكد ضعيفات نفس برااا والله هسهههه اصيييحححح سيد حااازم اخلييي يطيييحححح حضجننن عجيييبه عجييبتكم شنو من ناس إنتوا
طلعن يركضن بخوف من الغرفه كعدت على جرباتي اباوع على غراضي ادمع من الموقف الي صار لو جايات وكايلين محتاجين كم شغله انطيها الهن بدون مايسون هل شي ويبوكني
لحضات و دخل حسين عليه ويحجي وياي بقهر
حسين - صدك زمرد راح تعزلون عنا؟
زمرد - حسين شفت بعينك الي راد يصير ويانا بعد ماكو طاقه تتحمل الي راح يصير بس راح نجيكم يوميا من الصبح لليل ما اعتقد السميدع يكدر يعوفكم و همين ترا حيل ماعندي صبر بعد عليهن تعبت منهن حيل
لطيفه : زمرده زين ليش ما نطلع كلنا سوه نعيش ليش بس انتو تطلعون وتعوفونا هنا اول و تالي احنا راح نعيش الضيم هذا إنتوا تخلصون واحنا نبقى والله اني ماكدر اعيش بدون اخويه حبابه اخذونا وياكم نعيش بنفس البيت
حسين - اول مره تطلع منج شغله براسها خير تدرين ؟
لطيفه - شوف حسين تأدب واحترم نفسك زين اني من يوم يوم افكاري خطيره خطيييره
زمرد - اييي اكيد فكره حلوه بس يجي السميدع اكله على هاي الشغله و نروح نعيش سويه ومانتركم ابدددد
لطيفه - والله احلى مرت اخ انتِ فديتج
حسين - وعلى هاي المناسبه كومي سويلنا اكل ميتين من الجوع ترا
زمرد - ههههههههه انتَ همك بس ببطنك ماتكلي شبيك
حسين - عند البطون تعمى العيون يابه
بعد تعب حصلنا بيت قريب على بيت اهلي وهذا جان اكثر شي مفرح الي صرت اخلص يومي اني ولطيفه يمه اهلي صارت حياتي كُلها هناك و محد يكدر يخفي فرحه ابوي و امي بوجودي يمهم من جديد و خاصه حتى شهرزاد تبقى يمهم ايام هواي بالبيت
شهرزاد - لج زمرد ليش ماكفشتيهن واخذتي التحفيات منهن
زمرد - اني اريد بس اخلص منهن مو نوب اتعارك وياهن
لطيفه - والله ذني حيايه جانن يبوكن الذهب مالتنا شايفات انعام الحيه هيه جانت تاخذ الذهب مالتنا
زمرد - شون تاخذه
لطيفه - أصلًا ناديه ماخذته هيه ونعله وانطتها بعدين لانعام
شهرزاد - هههههه حلوه هاي نعله
لطيفه - لجج والله هيه هيج
زمرد - هنه غير الهن خلك يبوكن بي
شهرزاد - ولج العالم نفوسها ضعيفه اي شي كدامها تبوكه
لطيفه - اي والله عوفنا منهن شلونج شهر شخبار بنوتج
شهرزاد - الحمدلله زينه بس حيل تتنعوص وتبجي
زمرد - لان بعدهي صغيره طبعًا بس تبجي و تتنعوص
شهرزاد - ولج مخليه منبه بعدهي ستوني انام و كامت تعيط تبجي موتتني
لطيفه - اوووي فدوه لله شكد حلوات البنوتات
زمرد - اي والله خاصه من تسوين شعرها و ترتبي
شهرزاد - أصلًا بنتي صلعه منيلها شعر
زمرد - طالعه على ابوها
شهرزاد - مصلبخ ابو الجواميس
لطيفه - ههههههههه ليش ولج شمسوي
شهرزاد - لج ياكل لبن جنه جاموسه
زمرد - هيه جاموسه غير يسون منها لبن شون تاكله
لطيفه - عندج وجهة نظر
شهرزاد - شوفي عيني حيه حمره اذا تحجين عليه اكوم اكتلج ترا لا عبالج صرتي قريبه علينا يعني تاخذين خاوه لا لا باحلامج
لطيفه - لا لا عيني اني ما نطي بمرت اخويه ولا اخليج تكتليها ننادر عليج اني وياها نكتلج
زمرد - هسه راح تكوم تبجي وتصيح ماتحبني
شهرزاد - هو انتن ماتحبني تحبن رجولجنج الجواميس
لطيفه - اني مامتزوجه
شهرزاد - تحبين بطنج جاموسه
زمرد - ههههههههه هاي تلكيها ستوها سامعه كلمه جاموسه و لزكت بيها اختي و اعرفها
مالك - سلام عليكم
زمرد - ياااهلااا يبعد خالتك تعااال تعال شنو هاي كبران
مالك - خاله لعد ابقى صغير
زمرد - وطالع الك لسان
مالك - خل امده الج
شهرزاد - طاح حضك سخيف على ابوك
زمرد - لا لا حشاش طالع
لطيفه - جنه سرمد
مالك - يمه انطيني فلوس اشتري من المحل
زمرد - خل اني انطيك
مالك - لا شكرا ماخذ بس من امي
زمرد - ولك اني هم امك الثانيه شهرزاد شوفي ابنج
شهرزاد - ماما ترا هاي خالتك فلسها اخذ كل فلوسها لا تبقى بجيبها درهم ماتستاهل تبقى عدها دينااار يلا هاك هاك اخذ واشتري النا هم جم شغله نخلص بيها وقت
لطيفه - ابنج حيل مؤدب
شهرزاد - اووووف اني ربيته هيج مايقبل ياخذ من احد ولا يمد ايده ابددد لان هو السند الي بهل الحياة بس ياربي احفظه الي من كل شر خل اكوم امد راسي من الباب اخاف عليه لا يتعور
زمرد - جايه وياج
شهرزاد - تعاي
طلعنا من الكعده امشي وره شهرزاد الي مبين التعب عليها شمرت الشال عليها باهمال وهيه تراقب الشارع بهدوء
زمرد - انتِ تعرفين بيه احس بيج بدون اي شي مو
شهرزاد - ادري
زمرد - هم حميد مسوي الي شي
شهرزاد - زمرده ماصار الي ست اشهر من جبت رغد وهسه اني حامل
زمرد - عزااااا شهرزاد شجاي تحجين
شهرزاد - اسكتي عني لا تزيدين همي
زمرد - لجج شون تقبلين
شهرزاد - هو بيدي بيييدي اني واقبل والله كُلها مو بايدي اخخخ زمرده لو احجيلج
زمرد - ياعمري سوده عليه شنو شفتي بحياتج بحيث هيج صاير بيج
شهرزاد - لج اشوف خيانتا بعيوني وساكته يجيني يكلي اسوي الجهال حتى اربطج بيهم و ماتكدرين تطلكين لهل درجه يكسر ظهري بيهم
زمرد - ارررفضي شهرزاد ارررفضي
شهرزاد - ههه ارفض وانكتل وغصبًا ماعليه يصير
زمرد - استغفر الله هذا مو بشر حيوان
شهرزاد - شوفي ايدي شووفيها
رفعت ردان الدشداشه شهكت من المنظر الي كدامي مصدومه
زمرد - شن شنو هذا شهرزاد
شهرزاد - حركني حررركني حررركننيي لج اني بنت حجي سعد اطلع بنصاص الليالي مفرعه اطلب من احد يجي يساعدني اوووف لج زمرده شتحجين انتِ شتحجين اجاني سحلني من شعري و دخلني للبيت
زمرد - ماكلتي لابوووي
شهرزاد - تعاي احجي اشاورج
زمرد - تقربت عليها اسمع الي تحجي و احس اطرافي تجمدت من الكلام الي سمعته ... شهرزاد شكاعد تحجين
شهرزاد - وراس جهالي وراس مالك و رغد هيج مسوي
زمرد - يمه شهرزاد گلبي كام يوجعني والله
شهرزاد - لج احس نفسي مقيده الخنكه الي بصدري والله اخاف على بنتي لا القهر يطلع بحليبها
زمرد - ولج مستحيل هذا انسان مثلنا لا لا
سرمد - منو المستحيل انسان مثلنا
زمرد - ها شنو
شهرزاد - هلا خويه سرمد شونك
سرمد - هلا بيجج شهرزاد
شهرزاد - كل الهلا بيك
سرمد بهمس جان قريب على مسامع زمرده - هلا يلوعتي
زمرد - احم سرمد وين سميدع شوكت يرجع
سرمد - تدرين هناك بالرمادي هواي يلتهي بس اطمني الاخبار زينه يمه يكول الحمد لله زين
شهرزاد - ليش صار يداوم بالرمادي
زمرد - اي هناك ولو تسمعين كلامه تصدكين يكول يجيبون انواع الاكل والفواكه بس الهم لان هم مجموعه وبس تعالوا أكلوا
شهرزاد - ما شاء الله عليهم ربي يزيدهم شكد كريمين
زمرد - نفسهم طيبه هواي يمدحلي بيهم
سرمد - شعدجن واكفات بالباب هنا
شهرزاد - مو مالك طلع يشتري هسه يجي
زمرد - شونه سيد حازم سرمد
سرمد - متاذي على فراكم والله
زمرد - والله يا ..
شهرزاد - صخااام الصخمني عزا العزااني
زمرد - فزيت على لطم شهرزاد على صدرها وجهة نظري على مكان عيونها جان حميد كامش مالك يسحل بي الكاع بكل بروده
سرمد - لككككك شبيكككك خبلللل انتتتتت
حميد - هييييب لكككك لااا تدخللل مالك علاقه بيه معسا اكتله و ادوس راسه بسياره ماتحجي شي لك امشي منا ملطلط نساوين
سرمد - والكفل زينب اطيححححح حضككككك لكككك عاااررر كدرررتككك على الجااااهل
حميد - والعبااااس اذااا ماتروح مناااا اجنززززه اجنززززه
شال مالك من ملابسه و ركع راسه بالباب بكُل قوته وهو يعيط
شهرزاد - يبوووووو ابنننيييي ولكككك ابنييي الله ياااخذكككك
حميد - طبيييي جووووه لاااا وحق ربج هسه انيمه جوه سيارتي و ادوووس راسه دوووس
سرمد - ولككككك
شهرزاد - رووووح مناااا روووح ابوس ايدككك ابوس رجلك روووح منااا سرمددد ماريد اييي مساااعده منك فدوه روووح يمه ابني ابني بربك حميد ولك ابنك شون تسحله هيج بالشارع ولك باع راسه نفتح الدم يجري من راسه
زمرد - روح سرمد حباب روح
حميد - لج انتِ اربيج بس مو هسه بعدين
زمرد - والله شااايف نفسك فددد شوفه وكاااعد تهدد و تزامط ولكككك الله ياااخذككك شنو من رجال انت
حميد - طبي جوه انتِ مالج علاقه لا اطيح حضج وي اختج الجلبه
زمرد - مااكو غيرررككك جلب هناااا هدددد الطفلللل هدددده
حميد - وخررريي ايددج لجججج
دفعني من قوة دفعته طحت بالكاع .. شمر مالك بالكاع واخذ شهرزاد يجر بيها من شعرها .. قاومت الألم و كمت اشيل بمالك المه بحضني وهو يناشغ من البجي
زمرد - اهدى حبيبي اهدى خالاتي اهدى الله لاينطيك يا حميد الله ياخذك .. شلت مالك ودخلت للبيت
لطيفه - لج زمرد هذا ابن عمج جاي يكتل شهرزاد والله اخاف اتدخل والله
زمرد - اخذي مالك خلي جوه حضنج ابدد لاااتهدييي
لطيفه - من عيني والله من عيني
زمرد - دخلت اريد افك شهرزاد منه الي مجانت قاصره بله جانت كل ضربه يضربها الها تردها الها اضعافها
شهرزاد - لكككك حيييواااان ماكتفييييت بلي دتسوي بااابوووييي جاييي تكمله على ابني لككك عااار انت عاااار على الزلم
حميد - انجبييييي لججججج من طيحححح الله حضجججج انتِ وحده بلا اخلاااققق وتستاهليييين اموووته لابوووججج
شهرزاد - لكككك عبالككك اسكتتت الكككك هههههههههه الحبوووب الي تخلييبهااااا لابوي حتى تمرضه بيهننن انييي الي جاااييي ابدلهنننن مايصيررر بي شييي ماايصير مو اجيت تهددني اذا سويت شي لو حجيت تطيح حضي واني سوييييت و حجييييت همين لااان انييي شهرزاد مووو يااهو الجاااان
أني ازين شواربك النكسه بايدي يااا عااارر
حميد - لجججج اليووم ماخليج صاااحيه ماااخليج وييين رررغدددد ويييين
شهرزاد - هاااا لككك جباااان اندارريييت على طفله كل عمررررهاااا ماااصار السنه تريد تمااارس الحيوان الي بداخلك عليها تتتتفففف عليك وعلى شكو زلمه من امثالك
حميد - اليوم راااسج افلشه بهاااييي المزهريه يااا شهرزاد اصبريييلييي امووتتججج اليوم
شهرزاد - دفعته بعد مالزم المزهريه يريد يخليها براسي ركضت اريد الحك على بنتي اخاف يصير عليها شي
ثواني بس جانت توقفت عن الحركه واني اشوف زمرد الدم تارسها بدون اي حركه او ردة فعل منها.
..يتبع
__________________________
طبعا البارحه نزلت الكم بارت و اليوم هذا بارت وثنينهم طويلات ياريت تقدرون تعبي و تصوتون يعني تخلون النجمه و احركوا البارت بالتعليقات ..
ماستاهل اني تنشرون قصتي بكُل مكان و تخلوها تنشر ها 🥹؟
حساب الانستگرام