♣️الجزء :1193
كراميلا : هادا بيتي وهادي انا ولكن ماعاقلاش عليهم بجووج
اشرف :حاولي تستعقلي شوفي الدار شوفي الديكور كنتي كتنعسي هنا وكتتفرجي فهاد التلفازة شوفي داك الماريو يمكن فيه حوايجك
كراميلا تنهدات وحطات التصويرة ومشات جيهة الماريو حلات الباب كتشوف كمية كبييرة دالحوايج مستفين وكلشي مقزب كساوي قصاار وشورطات حلات باب اخرى لقات فيها لي شوميز بالاشكال قرنات حاجبها داكشي عريان بزااف الصيكان على الاشكال والسبابط الانواع وداكشي كيبان غااالي
كراميلا : مافهمتش كيفاش كنت كنقدر نلبس هاد اللبس ؟ انا دابا كندير جلابة وكنتمشى حشانة عنداك يكون كيشوف فورمتي شي حد
اشرف بتاسم : كنتي عايشة فطبقة غنية وهادشي عندكم عاادي تلبسوه
كراميلا هزات كسوة بين يديها كتشوفها مقطعة من جيهة الكرش وقصيرة بزاااف ومغطية غير شوية صدر
كراميلا : لا اويلي ماشي عادي وخا نكون كيفما كنت مانلبسش هاد اللبس راه عييب
اشرف تنهد :وادا رجعات ليك الذاكرة
كراميلا : ترجع ولا ماترجعش ماشي مهم الأهم ان هادشي حاسة بيه ماشي محتارم وماغاديش نبغي شي نهار نلبس هاكا
اشرف بتاسم :حتى لراجلك ماتلبسيش ليه
كراميلا خدودها حمارو : هههه لا راجلي غادي يكون حلال عليا احم عادي نلبس هاكا
اشرف عض على فمو مبتاسم وحل الماريو كيقلب مالقى حتى حاجة منغير حوايجها مشى الكوافوز وحلو لقى البوم تصاور جرها من يديها جلس فوق السرير وجلسها قدامو وحل الالبوم كان فيه تصاورها ملي كانت صغيرة وهي كتكبر .
تصاورها وهي مراهقة فالمدراسة وتصويرة التخرج ديالها وتصاور مع اكرم نفس التصاور لي كان عندو فتيليفون
اشرف :بصح كنتو قراب لبعضكم بزااف
كراميلا حركات راسها :هادشي لي كيبان من التصاور واخا ماعاقلة على والو
اشرف قلب صفحة من الالبوم حتى ضهرات صورتها مع ماماها وهي صغيرة هازاها
اشرف :هادي ماماك يمكن
كراميلا قربات الصورة كتشوف عينيها دمعو وبسرعة مسحاتهم وسدات الالبوم ووقفات
كراميلا : ماشي مهم
اشرف : مابغيتيش تعرفي ماماك
كراميلا شافت فيه والدموع فعينيها : علاش هي مهتمة ليا ولا فين كاينة ؟ عايشة حياتها مع ولادها وحتى الاب ديالي عايش حياتو مع ولادو وانا مجرد شخص منبوذ جا لهاد الدنيا
اشرف وقف وقرب منها هز يديه كيمسح ليها دميعاتها وحط صبعو على شنيفاتها
اشرف :شوووووو ماتقوليش هاد الهضرة كيفاش منبوذة
كراميلا نزلو دموعها بقهر : شنو كاتسمي هادشي بنت عايشة بوحدها وواليديها كل واحد فبلاد ماكيسول عليها حد ، اختفت وغاابت عليهم وماكيقلبوش عليها عايشين حياتهم بحالا ماكايناش وماهاماهمش، كاين احتمال احد انني ماكانهممش ووجودي او عدمه فحياتهم عاادي مازايدة ماناقصة يمكن يكونو دابا رتاحو مني كااع
اشرف : شووو تهدني ماتبكيش
♣️الجزء :1194
كراميلا بدات كتشهق : اشرف يالله نمشيو بحالنا مابقيتش بغيت نعرف شكون انا مابقيتش بغيت نتفكر مابغيتش ترجع ليا الذاكرة ، باينة غادي نكون تع/ذبت بزااف وكنت عايشة بوحدي ومخنوقة ومقهوة حيت مامعايا حد ،مابقيتش بغيت نعرف الماضي ديالى ااشرف
اشرف تنهد وعنقها وهي غير حطات راسها على صدرو بدلت كتبكي بقوة
كراميلا: مابغيتش ماما الحقيقية بغيت خالتو سمية تكون مامااا
اشرف : صافي تهدني كنت باغيك تشوفي الدار على الله تعقلي على ماضيك
كراميلا : ماعندييش ماضي ومابغيتش يكون عندي صافي وليت باغية غير الحاضر مابغيتش والديا بغيت نبقى معاكم غير نتوما
اشرف بعد راسها وشاف فعويناتها : واش باغية تبقاي معانا ديما
كراميلا حركات راسها بأه
اشرف :نتي عارفة مايمكنش تبقاي ونتي مارابطك بينا حتى حاجة
كراميلا عيونها دمعو وميلات شنايفها بحال شي طفلة :بغيتيني نبقى هنا هادشي علاش جبتيني لهاد الدار
اشرف حرك راسو بلا : لا عمرني ماغادي نخليك ولا غادي نسمح فيك
كراميلا هزات يديها كتمسح دميعاتها: وعلاش قلتي ليا مايمكنش ليا نبقى معاكم
اشرف عض على فمو كيشوف عويناتها الباكيين هز يديه بجوج كيلعب فخدودها من جوج جوايه
اشرف :كراميلا
كراميلا شافت فعينيه وتمتمات : اممممم
اشرف بقى مدة كيشوف فيها عاد نطق :تقبلي تتزوجي بيا
كراميلا صدمها بقات مشرعة عينيها : ش شنو
اشرف : تبغي تكوني مراتي وحلالي تعيشي معايا بلي قسم الله ترضاي بيا بلي عندي وتكوني شريكتي فهاد الحياة
كراميلا سمعاتو بدات كتشهق بصوت عالي
اشرف زير ليها على خدودها :تقبلي بيا واخا ماشي نفس مستواك الاجتماعي تقبلي
كراميلا حركات راسها بأه كتشهق
اشرف :قولي بلسانك واش قابلة .هضري
كراميلا ببكاء : اه قابلة
اشرف غير سمعها بتاسم وعنقها هزها كيضور بيها وهي بدات كتضحك
كراميلا :هههههه صافي صافي دخت دخت
اشرف حطها كيشوف فعينيها وبسرعة شرك فمو مع فمها كيبوس فيها ويديه شاد ليها راسها متبتها كانت قبلة عمييقة كتبين مدى المشاعر والحب لي كيحسو بيهم لبعضهم ، بعد عليها خلاها كتلهت
اشرف : كنبغييك
كراميلا بتاسمات كتمسح دموعها : حتى انا كنبغييك
اشرف عنقها وخرج بيها وسد الباب
♣️الجزء :1195
وسط القصر وبالضبط فغرفة ليليان القديمة ، البيت لي كانت كتنعس فيه هي وبراءة جالسة فوق الفراش كتتفرج فالتلفازة مربعة رجليها لابسة شورط وديباردور وكريشتها بدات تخرج شوية تقريبا عندها ربعة شهور شادة فيديها قرعة كوكا كولا فيها لتر ونص
كتشرب فيها وتتكرع بصوت عااالي
اما يوسف طلع نالبيت كيقلب عليها مالقاهاش حساب ليه غير راها فشي بلاصة فالقصر قال دابا وهي جات دخل لدوش دوش ورجع خرج مالقاهاش استغرب دخل لبس عليه وخرج كيقلب عليها ، نزل لتحت مالقاهاش خرج الجردة والو الصالونات ماكايناش دخل لكوزينة ماكايناش لقى غير الخدامات
يوسف :ماشفتوش ليليان
الخدامة :قبيلة نزلات خدات كوكا وشيبس وطلعات
يوسف :فين طلعات ماكايناش فالبيت
الخدامة : ماعرفتش اسيدي خداتهم وطلعات
يوسف ساط بعصبية وطلع كيقلب عليها فالبيوتة وصل لبيتها القديم حلو ودخل لقاها مربعة فوق السرير و شادة قرعة دكوكا هازاها بين يديها معليا راسها وكتشرب منها خنزر وقرب قلعها ليها بعصبية
يوسف : وااش نتي مرييضة
ليليان شافت فيها : مالك
يوسف : علاش كااااتشربي هاد الزبل ياك وصيتك ماتبقايش تشربيهاااا
ليليان ببرود : تشهييييتهاااا
يوسف عض على فمو وتنهد ماباغيش يتقلق : شنو كاتديري هناا علاش مامشيتيش نالبيت
ليليان كتجاوبو على قد السؤال مبرررردة : شمن بييت
يوسف :بيتك .
ليليان :هادا هو بيتي
يوسف بعصبية : ليييييليااااان تجمعيييي ولا نجمعك
ليليان شافت فيه مخنزرة : دابا شنووو بغيتي
يوسف : نوضي لبيتك
ليليان : بغيت ننعس هناااا مابغيتش نمشي معااك توحشت بيتي
يوسف عض على فمو بعصبية قلع التيشورط لي كان لابس والسروال بقى غير بالبوكسور ودخل تكى حداها فوق الفراش
ليليان شافت فيه بنص عين : علاش لاسقني
يوسف علا عينو فيها مخنزر
ليليان : ياك انا هبييلة وماكانفكرش
يوسف : مالي كذبت كتشوفي تصرفاتك؟؟ كيجيوك عادييين حنا كنهضرو فموضوع جدي ونتي كتهضري فحاجة تااانية
ليليان : واخا ماكنعرفش نهضر هانا عطيتك التيساع علاش دابا لاسقني فزوك الليل
يوسف هز حاجبو ودار ابتسامة ماكرة : بغيت نحو/يك
ليليان قلبات عينيها : انا مامحويااااش صافي بعد عليا طلعتي ليا فراسي نتا وحواااك
يوسف عض على فمو بشهوة : كاين شي حد كيكره الحوااا
ليليان مخنزرة : اناا ،
يوسف غادي معاها على حسب عقلها ولف حماقها :وعلاش
ليليان : نتوما الرجال مرتاحين تح_ويو وتنوضو مبندرين ولكن حنا لي كانبقاو حاصلين بالسيلان تحتنا خاص ضاروري نبيت فوطة تحتي مخرقاني ولانوض نتمشى نالحمام بحال البطريق وزيد داكشي لي كتخويه ماكيبغيش يتسالا .مالني على حالتي وهاد العذااب كلو
♣️الجزء :1196
يوسف كيلعب فتيليفون : ملي كتكوني هازا رجليك وكتوحوحي كيكوني عاجبك الحال ودابا مالك على حالتك
ليليان توترات :داك الساعة كتلعب ليا على احاسيسي
يوسف بتاسم جنب : نوضي تكعدي بولي ودوزي تنعسي
ليليان خنزرات :ومالك كتهضر معايا بحالا كنبات نبول عليك
يوسف خنزر :داك ليتر دكوكا لي شربتي فين ناوية تديريه؟؟
ليليان :وماشي سوقك فيه
يوسف بحدة : نوووضي تكعدييييي باااراااكا من الهضرة ماكاتسالايش
ليليان شافت فيها وحركات راسها : وااخا
ناضت نالحمام قدات غراضها ورجعات نعسات فبلاصتها عاطياه بالضهر هو بقى شحاال كيجاوب على الرسائل لي واصلين ليه حط التيليفون عنقها من كرشها ودخل يديه تحت تيشوت حتى قاص كرشها عاد نعس
بعد ساعة تقريبا حلات ليليان عينيها لي اصلا ماكانوش ناعسين وبقات مدة قاطعة الحس ، حتى حسات بيه ناعس عاد بتاسمات بمكر عضات على فمها وهزات يديها حتى هزاتها ونزلات عليه بشحطة لوجهو حتى قفز وضارت كملات نعاسها بحالا كانت ناعسة
يوسف الشحطة قفزاتو ماعرف باش تبلى جلس شاف فيها لقاها ناعسة ورجع تكى فبلاصتو دقائق تانية حسات بيه رجع ينعس ناضت بالحس هزات راسها ونزلات بيه على راسو بالجهد حتى دوخاتو وحتى هي براسها داخت معاه من قوة الضرية
يوسف جلس شاد فراسو : ليييييلياااااان ماتمرضينيش
ليليان ناضت قافزة بحالا ماعارفة والو: حيااتي مالك
يوسف خنزر فيها ورجع ينعس وجرها نعسها
يوسف : نعسيييييي
ليليان نعسات وتغطات تحت الكوفلي كتضحك بهمس بقات كتساين فيه حتى رجع ينعس مدات يديها لكوافوز لي قدامها هزات قرعة دالماء صغيرة وبزربة دخلاتها تحت الكوفرلي مبتاسمة وعاضة على لسانها حلاتها بشوية وبدات كتكب فيها بين رجليه حساب ليها ماغاديش يفطن ولكن غير كبات نصها حل عينيه
يوسف : ليييليااااااااتاتن
ليليان كانت تحت الكوفرلي عاضة على لسانها سمعات صوتو قفزات ولاحت القرعة بالجهد جات فقلا_ويه خلاتو شد فيهم مألم وناضت كتغوت من تحت الكوفرلي وكتقلب منين تخرج باش تهرب الكوفلي كبير مابغاش يتهز ليها
ليليان: وييييك ويييييييك اعباااد الله بااال عليااااااا وااااععععععععع واماااامااااا ولدك باااااال علياااا
يوسف سمع غواتها نسى قلا/ويه وهز الكوفلي لقاها كتتضارب معاه باش تحيدو وجهها حمر وكتغوت
شد ليها فمها
يوسف : شوووووو سكتيييييي
ليليان طالقة الحلوق ديالها: وااااعععععععع واماااااماااااا وابااااباااااا وافهههههههد ولدكم كيبوووول علياااااا زوجتوني بوااااال
يوسف كان حااس بيها ملي هزات القرعة كتخويها عليه قبل ماتهزها كان عساس عليها من الاول شنو غاتدير ضربها بالمخدة ووقف دخل نالحمام خلاها كتغوت
ليليان: اعباااااد الله حرااااام هادشيييييييي تزوجوني واحد مازااااال كيبول فحوايجوووو هادشي مايبغيه لا ربي لا عبدوووووو
ثواني وخرج يوسف هاز سطل ديال الماء ، ليليان شافتو خرجات عينيها مازال ماستوعبات كان وصل عندها وكب عليها السطل كلو فوق راسها باارد كلها فزكاات رجعات بحال الفلوسة والفراش كلو سرد
ليليان غير كب عليها السطل تفزعاات وشهقات وناضت قافزة كتجرييي حارجة من البيت
ليليان : اححححححححح يعطيك الموت ياالعاكر ولد العاكرة
خلاتو وخرجات من البيت كتجري وهو بقى واقف شاد السطل فيديه كيضور كلامها فراسو وتمتم
يوسف : العااكر ؟؟ اش درت فحياتي حتى بلاني الله بيك
♣️الجزء :1197
فبيت براءة واكرم
جالس اكرم فلاطيراص هاز راسو لفوق كيشوف فالنجوم كيفكر فحياتو وكيفاش فرمشة عين الانسانة لي حياتو كلها كيعتابرها ختو دابا تزوجها و زيد حاملة منو مازال عقلو ماتقبلهاش وملي كيفكر فالموضوع كيجيه غريب وكيقول يمكن غير كيحلم لكن الواقع كيصدمو ملي كيلقى هادشي حقيقة وهو ماكيحلمش
قطع تفكيرو صوت حراكة براءة فالبيت ضار لقاها جاية جيهتو لابسة بيجامة دالحرير لونها اخضر فاتح وشعرها مطلوق
ضار عندها شافها بتاسمات ليه رض ليها الابتسامة ، قربات وجلسات قدامو وعلات راسها حتى هي لسماء
اكرم شاف فيها مطولا : بيخير
براءة شافت فيه وبتاسمات وحركات راسها :بيخير
اكرم : حاس بيك مرتاحة
براءة تنهدات : مأخرا نفسيتي تحسنات وحسيت براسي بديت نتعافى ونرجع براءة القديمة
اكرم شاف فيها وبتاسم : هادشي لي بغيت تكوني مرتاحة ونفسيتك بيخير
براءة بتاسمات ليه
جلسو فصمت مدة كيشوفو فالسماء حتى رجعات شافت فيه براءة وتكلمات
براءة : تلاقيتي ليوم مع هند قلتي ليا باغي تاخدها لطبيب
اكرم حرك راسو بلا : صونيت على اشرف قال ليا خدام حتى يكون مسالي باش يمشي معاها
براءة هزات حاجبها : علاش بيناتهم شي حاجة
اكرم حرك راسو : ماعرفتش ولكن ادا كانت بيناتهم نتمنى يتجمعو فالحلال
براءة :اشرف ولد الناس مايتفلاش عليها
اكرم شاف فيه وقرن حاجبو :ونتي مين كتعرفيه باش متأكدة
براءة : كنعرفو غير من طرف صفاء وكنت مشيت عندهم واحد المرة لكاريان وشفتو تما
اشرف حرك راسو: اممممم
براءة : وماضيها ؟
اشرف : ماضيها ماغادي يعرفو حد داكشي دااز ومنحقها تبدأ حياة جديدة
براءة :وادا رجعات ذاكرتها
اكرم : بيني وبينك كنتمنى عمرها ماترجع ليها
براءة :حشومة عليك صعيبة تعيش بلا ذاكرة
اكرم : براءة هند كانت معذبة كانت حياتها كلها مقلوبة من الاحسن ماتعقلش على الماضي
براءة تنهدات وبقات ساكتة
اكرم وقف : نوضي تنعسي
براءة شافت فيه وبتاسمات : الصراحة ماغاديش نقدر ننعس
اكرم قرن حاجبو : علاش
براءة : فيا الجووع
اكرم بتاسم مد يديه ليها :نوضي نشوفو شي حاجة تاكليها
براءة بقات شحال كتشوف فيديه تنهدات وبتاسمات وشدات ليه فيديه وقفها وجرها معاه خارجين من البيت ونازلين نالكوزينة
♣️الجزء :1198
نزلو لكوزينة وشعلو الضو براءة بغات تمشي نالتلاجة وقفها اكرم
اكرم :لا غير خليك بلا ماتتعذبي انا غادي نطيب
براءة بتاسمات : هههه علاش نتا كتعرف تطيب
اكرم هز حاجبو : مالك حكرتيني
قرب ليها الكرسي ديال الطابلة وجرها جلسها
اكرم :جلسي بحالا راك فريسطو وتشهاي
براءة :امممممم تشهيت اللحم بالبرقوق والمكسرات
اكرم حرك يديه :واااهياا وااهيا الأخت راه غير كنضحك
براءة ضحكات : هههههههه صافي صيب ليا غير ليباط بصوص فروماج
اكرم دار لي باط يتسلقو وبدا كيصايب فلاصوص عاطيها بالضهر
براءة طلعاتو وهبطاتو مع لابس غير بيل سماطي كيبانو كتافو عرااض ومعرقين بتاسمات وتمتمات
براءة :مأخرا كتتريني بزااف
اكرم عاطيها بالضهر : اممم كنجي من الخدمة كنمشي نلاصال حلها صاحبي مأخرا
براءة حركات راسها مبتاسمة : والله حتى خدمتي فرمتك
اكرم بتاسم وضار عندها وقلع تيشورت : شوفي بعدا الصدر كيف مخدوم
براءة هزات حاجبها : كنتي ضعيف صدمتيني اصاحبي والله حتى رجعات ليك الفورمة واااعرة
اكرم : صافي غير تولدي بيخير وعلى خير غادي نسجلك حتى نتي معايا
براءة سرطات ريقها وبتاسمات :ان شاء الله
اكرم قاد ليها ليباط كيف تشهاتها وحطها فطبسيل وجبد من التلاجة قرعة دعاصير الليمون وجو كيسان حط كلشي فوق الطبلة قرب جلس قدامها كب ليها عصير وكب ليه عصير
اكرم : يالله كولي
براءة هزات المعلقة : ونتا جيب ليك معلقة
اكرم :لاا باراكا عليا غير العصير كولي نتي
براءة حركات راسها وبدات كتاكل وهو غير كيشرب العصير ويشوف فيها كيف كتاكل بشوية وشعيرات هابطين ليها على وجهها كانت كتاكل حتى تحركات الغطا ديال الطنجرة لي كان حطها اكرم مامقاداش ، طاحت وسط لافابو مع براءة كانت ساهية قفزاتها شهقات وعلات المعلقة لي كانت جاية بيها لفمها وسخات وجهها وشدات بيديها صدرها
اكرم :شوووو تهدني مالك غير الغطا طاح
براءة وجهها صفر : تخلعت
اكرم تنهد ومشى جاب ليها كأس دالماء عطاها شرباتو وحطات الكاس والمعلقة من يديها
اكرم شاف فوجهها لقى خدها مجلخ مد يديه ودوز على خدها بصبعو الكبير بشوية وهي كتشوف بإستغراب غير قاص وجهها بدات كتترعد مافهماتش
اكرم مسح ليها شافها كتترعد بتاسم وبعد يديه : غير مسحت ليك وجهك وسختيه
براءة بتاسمات وقلبات عينيها متوترة
اكرم : كملي عشاك
براءة : صافي شبعت
اكرم هز حاجبو : هاد جوج دغيمات شبعتي بيهم
براءة : ههههه اه
اكرم خنزر وهز المعلقة عمرها بلي باط وقربها لفمها
اكرم :كووولي واش نبقى حاضيك انا وليتي ماتفطري كيف الناس ماتتغداي ماتتعشاي حساب ليك ماكانشوفش ولا ماراضش البال شنو كتديري
براءة بقات غير كتشوف
اكرم : حلي فمك وكولي ولا نغبطك مع داك الحيط
براءة بتاسمات وحلات فمها كلات من عندو . هو عمر المعلقة وعلاها قدام فمها باش تاكلها
مضغات داكشي لي كان ففمها وسرطاتو وحلات فمها
اكرم عاد كان غادي يحط ليها المعلقة وسط فمها حتى كيشوف فهد داخل مخنزر لابس غير بيل سماطي وشورط
اكرم قشع فهد داخل وقف هو والمعلقة فيديه
فهد شاف جيهتهم هز حاجبو وشاف فأكرم لي عريان من صدرو لابس غير سروال سورفيت و شاد المعلقة فالهواء باين كان كيوكل براءة وختو جالسة قدامو وحالا فمها باش تاكل
دار ليه اشارة بيديه زعمة غير جلس ومشى هز قرعة دالعاصير من التلاجة وخرج بحالا ماكاين والو خلاهم كيسرطو ريقهم
براءة وقفات : احم شبعت
اكرم حتى هو وقف : زيدي تنعسي
♣️الجزء :1199
غدا صباحا فاقت سحر من النعاس شافت قدامها لقات عصام ناعس مبوودر عضلاتو بارزين وهي قدامو عريانة شعرها مشنتف تفكرات ليلة دلبارح ضحكات بخجل طلع مقلق وكيعاير حتى قلبوها ممارسة
قربات عندو بشوية وباستو من لحيتو تلوات فليزار ووقفات غطاتو بالكوفرلي ومشات نالحمام لاحت ليزار ودخلات تحت الرشاشة بفورمتها الماااقدة بلونطريما
غسلات شعرها مزياان ودوزات جيل دوش على لحمها تشللات من الصابون تلوات فالفوطة وخرجات مع خرجات مع حل عصام عينيه بتاسم وتكلم بصوت مبحوح
عصام : صباح زوين هادا اموو خدود
سحر قربات عندو مبتاسمة وباستو ففمو : صباح الخير احياتي
عصام دوز دير على شعرها لي قطر فوق صدرو :صباح نور الساحراني
سحر بتاسمات وبعدات :نوض احياتي دوش وغير بشوية على رجليك ماتضغطش عليها بزاف
عصام حرك راسو وهي ضارت غادية لدريسينج حتى وقفها
عصام : سحححححر
سحر ضارت عندو بالزربة لقات وجهو تلون رجعات بسرعة
سحر :مااالك
عصام علا عينو فيها لونو مخطوف : ماقدرتش نحرك واحد الرجل
سحر شرعات عينيها وبسرعة حيدات ليه الكوفلي كان لابس بوكسور قاصت ليه رجليه لي كانت كتضرو
سحر :كتحس بيا
عصام سرط ريقو :لااا
سحر شداتها الخلعة هزات يديها بقوة وضرباتو : ودااااباااا
عصام بقى ساااكت عينيه على رجليه مانطق بحتى كلمة ومابانش على وجهو انه حس ولو شوية بديك الضربة
سحر وجهها صفر وعينيها عمرو بالدموع وحركات راسها بلاا
♣️الجزء :1200
سحر قربات كتقيص فرجليه :عصااام حركهااا حاااول تحركهااااا
عصام غير ساكت وعينيه على رجليه
سحر رجعات بحال الميطية كتضرب ليه فرجليه باغياه يدير شي ردة فعل
سحر : حراااااااك رجليك حركهاااا
عصام قلب عينيه لجيها التانية وجهو رجع صفر
سحر حركات رايها بلاا وضارت خارجة كتجري وصلات نالباب لقات راسها غير بالفوطة رجعات بالزربة لدريسينج جبدات واحد العباية دالصلاة كانت معلقة لونها ازرق قلعات الفوطة ولبسات العباية منها نالحم وخرجات كتجري هابطة فالدروج وكتغوت
سحر :عمييييييييييي مااااااااااامااااااااااااا
العائلة كانو جالسين فالطبلة سمعو غواتها سدقو واقفين طالعين كيجريو فالدروج وهي هابطة كتجري كانت غادي تطيح على وجهها شدها غير يوسف قبل ماتطيح
يوسف :سححححر مالك
مراد :شنوو طاري ابنتي
ذكرى : بسم الله علييك ابنيتي ماالك
سحر كترجف وجهها مخطوف منو اللون ماقادراش حتى تنطق
سحر : ععععع
بلقيس : ماالك هضريييي
سحر : ععع عصااام
ذكرى ضربات على صدرها :ماالو ولدي
سحر : رجليييييه مابقاش حاس بيهم
غير سمعوها طلعو كيجريو وهي تابعاهم . هوما طالعين وفهد هابط
فهد :مااالكم شنو طااري
ماداوهاش فيه طالعين كيجريو وهو تبعهم وصلو لجناح عصام ودخلو نالبيت كلهمم ووقفو كيشوفو فيه جالس بنفس الوضعية لي كان عليها عينيه على رجليه ماكاترمشش
اول وحدة قربات ليه هي ذكرى تلاحت عليه كتقلب فرجليه
ذكرى :ولديييي مااالك مااال رجلك
عصام ماجاوبهاش
كلهم ضارو بيه
فهد :عصااام شنووو طاري ليك مااالك
سحر قربات عندو شعرها فازك مازال كيقطر شدات لبه فيديه
سحر :نوض احياتي نمشيو لوبيطال نشوفو مالك غادي يعطيوك غير دوا وتتشافى
فهد : هضروو معايا مااااالو
سحر علات عينيها فيه كتبكي :رجليه ماحاسش بيهاا ماعرفتش مالهاااا
فهد بقى واقف مخنزر مازال ماستوعبش
بلقيس قربات عند عصام كتقيص ليه رجليه وتدير ليها حركات
بلقيس : عصام قول ليا واش حاس بيديا
عصام ماتحركش
بلقيس كتقرص فرجليها : واش كتحس بالقرصة واخا يكون احساس مخذر
عصام بصوت هاادئ :خرجو برا
♣️الجزء :1201
سحر حركات راسها بلا دموعها مسرسبين : لا حتى حد ماغادي يخرج غادي تنوض تمشي نلوبيطال نشوفو رجليك مالها
عصام :خرجوووووو برااااااااا
فهد قرب عندو شدو من يديه باغي يوقفو دفعو مابغاش يقيصو
عصام : مااااتقررررربش ماااااتقرررربش خرجوووو برااااا
ذكرى قربات كتبكي :الله يرضي عليك اوليدي خلينا ناخدوك نشوفو مالك
عصام كيغوت شداتو الصعرة :بااااااين مااالي بااااااين صااافي رجلي تشللااااات مابقيتش حاااس بيها
بلقيس :شوف ماتقولش هاكا زيد نمشيو عند صاحبتي هي غادي تشوف رجليك مالها
مراد :ضاروري كاين حل غادي يكون وقع مشكل فشي عصبة نوض نشوفو مالها تقدر تحتاج شي عملية
عصام تنهد : خرجوووووو
سحر ببكاء :عااافااااك احبيبي ماتديرش هاكا سمع الهضرة
عصام هز ساعة كانت فوق المجر لي قدام السرير وخبطها مع الحيط جاتو هستيريا
عصام : خرجووووووووووو مابغيتش نشوف شي حد هناااااا كلشي ييخرج برااااااااااا
فهد جر بلقيس خرجها برا
بلقيس :ماالك افهد
فهد :هبطي شوفي شي ابرة دالمنوم
بلقيس :شنو نعسوه
فهد حرك راسو : ماعندناش حل خاص ناخدوه نلوبيطال
بلقيس خلاتو وهبطات كتجري نالعيادة كتقلب هزات إبرة ومنوم عمرات الابرة وضارت طالعة كتجري وصلات عندهم لقاتو مازال كيغوت جااهل لي كيبغي يشدو كيضربو
فهد شاف بلقيس جات مخبية الابرة ورا ضهرها قرب عندو بزربة وغمز يوسف
واحد شدو من جيهة والتانية شدو من الجهة التانية
عصام :طلقووووو ولا نضرب ديييينمكمممممم
فهد :تهدن اصاحبي باغين غير مصلاحتك
عصام كيتنتر : قااااااودووووو ماتفكروووش فمصلااااااااحتي
شدوه مزياااان وسحر غير واقفة كتبكي
بلقيس قربات جبدات الابرة من وراها وحطاتها على دراعو
عصام : طلقووووووووووووو
بلقيس دكات ليه الابرة فيديه بقاو تواني ضار المفعول فجسمو غيب وطاح راسو اللور
فهد هز ليزار لي كان مغطي خصرو لقاه غير بالبوكسور ورجع غطاه
فهد : خرجووو برا حتى نلبسو ليه
ضارو كلهم خارجين سحر معاهم حتى وقفها فهد بصراخ
فهد : فييييين غادية نتيييي دوزي جيبي لراااجلك الحوايج
♣️الجزء :1202
سحر تفافات رجعات كتجري دخلات لدريسينج هزات سورفيط وخىجات لقات غير فهد ويوسف فالبيت
حيدات ليه ليزار من فوق وبدات كتلبس ليه وكتبكي وهي كتشوفو مرخي قدامها
فهد خنزر فيها : ماااالنا على هاد البكااا كلووو
سحر كتعلي ليه فسروال ودموعها نازلين :رجلو مشاات افهد
فهد هز عصام شوية حتى طلعات ليه السروال
يوسف : ماتقوليش هاكا غادي تكون حاجة بسيطة
سحر حركات راسها ماقادراش تكتم دموعها لبسات ليه تيشورت من لفوق
غير لبسات ليه فهد تحنى :ديروه ليا فضهري
يوسف :خليني نهزو معاك
فهد : لااااا انا غادي نهزو ديرو ليا فضهري
سحر ويوسف قربوه داروه فضهرو وفهد شدو مزيان ووقف خرج بيه واخ تقيل بزااف ولكن قادر يهزو
لقاهم كلهم فالباب داز من قدامهم وهبط بيه لتحت وهوما تابعينو
وصل لطموبيلتو حطو اللور ركبات قدامو سحر وفهد ركب القدام وكسيرا طاير والعائلة كلهم ترشو ركبو فطوموبيلاتهم وخرجو بقات غير صفاء وابرار فالقصر
فهد كان مكسيري خارج وقف فالباب وشاف فالكارد
فهد : رضووو البال مراتي لداخل هي ومرات خويا حلو عينيكم
الكارد : اوامرك سيدي
فهد حرك راسو وكسيرا طاير والطموبيلات خرجو وراه
وصلو لباب دلوبيطال ونزل دار نفس العملية و هزو فوق ضهرو داخل بيه وهوما تابعينو
دخلو لداخل تلقاوهم الممرضات بالباياص مابغاش يحطو فيه دخل بيه حتى لقاعة الفحص عاد حطو
بلقيس :دكتورة سماح عيطو ليها داابا
الممرضة مشات كتجري جابت معاها الدكتورة وجات
.الدكتورة: بلقيس ياك لاباس ااااش طاري
بلقيس : ولد خويا رجليه ماكيقدرش يحركها
الدكتورة قربات عندو كتقيص فيه : مالو مغيب؟؟
فهد :لاا ناعس بمنوم
بلقيس :مابغاش يجي دار لينا الشوهة
الدكتورة حركات راسها وعيطات لواحد الممرض : خودوه لقسم الاشعة نديرو ليه الاشعة قبل مايفيق
دخلوه لقاعة الاشعة دارو ليه جميع الاشعات اللزمة وجروه لقاعة الفحص
الدكتورة وقفات شادة فيديها الاشعة كتشوف فيها وكلهم ضايرين بيها
سحر : شنووو
الدكتورة :خاصو يفيق باش نتأكدو
بدات كتفيق فيه وتضرب ليه فوجهو دكات ليه ابرة تواني وبدا كيحل عينيه
الدكتورة : سي عصام كتسمعني
عصام حل عينيه شاف فيهم وقلب راسو
الدكتورة قاصت ليه رجليه : كتحس بشي حاجة
عصام ماهضرش
.الدكتورة جابت واحد الالة على شكل مطرقة وضربات ليه فرجليه ماتحركش عضات على فمها
سحر كتشوف فيها كتساين شنو غادي تقول
بلقيس :مالها رجلو
الدكتوة : مع الاسف رجليه اليمنى طرا فيها شلل بسبب الضغط الكتيف على عصبة الرجل
غير سمعوها كلهم حلو فمهم
♣️الجزء :1203
عصام سمعها غمض عينيه
سحر دموعها تسربو :كيفاااااش شلل مايمككككككنش
ذكرى :لاااا للاااااا كيفاش رجليه تشللات وااش كتضحكيييي علييينا
براءة بدات كتبكي :خووويا كيفاش واش رجليه مشااات
اكرم قرب عندها وعنقها من كتفها
سحر : مااايمكنش مايمكنش كاين شي غلااااط
فهد بصراااخ : سكتووووووووووو خليونااااا نفهمو ااااش طاري
كلهم سكتو وفهد شاف فطبيبة
فهد : كيفااش شلل
الدكتورة :رجليه تعرضات لخبطة قوية على اثرها العصبة تضررات بزااف ودابا رجليه ترخات ومابقاش كيحس بيها
سحر ببكاء : كاين علاج يااك يدير شي عملية
الدكتورة : مع الاسف العملية لا ولكن مع الترويض وتكون عندو الارادة يقدر يرجع يمشي بيها
سحر قربات عند عصام لي مغمض عقنيه وشدات ليه فوجهو
سحر :سمعتي احيااتي سمعتي غادي تقدر توقف عليها خاص غير الترويض
عصام عض على فمو وحل عينيه لي كانو بحال نقطة الدم وتجلس باغي ينوض
فهد شافو قرب ليه يشد فيه
عصام دفعو بقوة : طلااااااق مني القلااااااوي مامحتاجكش
يوسف :عصااام تهدن اصاحبي
عصام باغي يوقف وماقادرش يشد التوازن برجل وحدة
يوسف بغى يشدو دفعو بقوة حتى كان غادي يطيح : قااااود مامحتاااج حد
ذكرى ببكاء :اوليدي الله يهديك
عصام شاد فالسرير باغي يزيد وماقادرش
فهد : عصاااام مايكونش راسك قاصك
عصام دفع مجر بيديه حتى ترضخ فالاض :بعدوووووووووووووووو
سحر شافت فيهم كتبكي :عافاكم خرجو
فهد : سحر
سحر :غير خرجو انا نهضر معاه
كلهم خرجو وخلاوها هي واقفة قبالتو وهو شاد فالسرير ماكيشوفش فيها
سحر مسحات دموعها وبتاسمات
سحر : علاش هاد الغواات كلو واش رجليك تقطعااات
عصام : سححححر بعدي منييييي
سحر : طرا ليها مسكل بسيييط وغادي تتشفى وترجع كيف كانت سمعتي الطبيبة قالت غير الترويض وتكون عندك الارادة
قربات عندو باغية تشد فيه ماخلاهاش
عصام : قاااااادر نمشي بوووحدي مامحتاج حد
سحر لوات يديها على ضهرو : قااادر احيااتي وغادي تمشي بوحدك ولكن من هنا لداك الوقت انا عكااازك انا رجليك
عصام شاف فيها :سحر سيري خرجي انا ماشي معاق
سحر بتاسمات :وعمرك غادي تكون معاق علاج وترويض بسيط غادي ترجع كيف كنتي كنعرفك احياتي جبل مايهزك رييح واش غادي تخلي حاجة بسيييطة تأتر عليك
عصام سكت
سحر شافت فيه :نتا ديما كتقول ليا سحر رمز القوة . وانا غادي نقول ليك راجلي عصااام رمز الصلااابة هادشي مايأترش فيه انا معاااك ويدي فيديك حتى ترجع بيخير وكيف كنتي من قبل عمرنا ماكيهزونا الازمات دزنا بما كتر اعصام (زيرات عليه من ضهرو ) شد فيااا اعصاااام شد فنصك التاني
عصام لوا يديه على كتفها وهي بتاسمات وبدات غادية بيه بشوية جيهة الباب
#يتبع