تألمت ثم عشقت آلامي في حبها >> الحلقه 40
#_منقول
.
.
منى تضحك وميته بضحك و المرا لي نقشت الكلام حت هيه تضحك .. 😂
ايه .. ايه .. محمود وص منى وشوشها .. وقاللها تكتب على ضهرها ...ملك محمود المطيري .. 😌✌
.
ههههههه ... سحر تتبسم و مش مصدقة لي تشوف فيه بكل ... فهمت ان هدي من افكار محمود ... و فهمت ان هدي جملته هوا .. علي كثر ما فرحت ...علي كثر ماقلبها تحرق 💔 .. عيونها فيسع ما تعبو دموع .. يديها لي شادة بيها شعرها ترخفت.و حست بحرقة في صدرها ... لازمها تبكي ... لازمها تفرغ قلبها .. لازم تقول الكلام لي ما قدرتش تقوله ليه هوا ..
الكلام لي كل مرة يرزن في لسانها و ما تقدرش تقولهوله. يمكن علي خاطر تخاف من ايجابته ... تخاف لا يجرحها و يقهرها اكثر من هكي .. الشي لي ميعرفاش محمود و حتى انتم ما تعرفوش انه سحر. تعبت من دور المرا لي عايشة في الضلام ..🖤
..في لحظة الدموع عبو عيونها .. صوت شهقتها بدت تطلع ...جرت لحضن منى ...
.
سحر - منى خوك علاش يدير فيا هكي... شني يبي مني ...منى راهو تعبت تعبت افهمني ... قوليله يحس بيا ...
" منى مسكينة وجها بدا أصفر .. خافت لا يسمع حد كلام سحر لي باينة قلبها يغلي كيف البركان و لازم تتكلم ... في الحمام في غرفة يلبسو فيها .. طلبت منهم بكل احترام انهم يخلوهم بروحهم .. ويطلعو و يسكرو الباب وراهم .."
.
منى - بسم الله الرحمان الرحيم .. سحر خيرك ..كنتي توا تضحكي .. ماتقوليش زعلتي من لجين ..
.سحر - اما لجين يامنى ؟؟ .. اما لجين ؟؟ .. ماتقوليش حتى انتي مش حاسة بيا ... 💔
منى - اكيد حاسة .. تكلمي و فرغي قلبك ..
سحر - قلبي محروق يا منى .. قلبي حارقني .. خوك مش حاسبني موجودة بين البشر
" ... تبكي بحرقة تقطع القلب .. تبكي و تشهق .."
سحر - أني عشقته. والله عشقته.. نشوف في الدنيا من عيونه .. محمود احلى هدية من ربي جتني .. محمود هوا الهدية لي ربي عوضني بيها بعد سنين مر وعداب .. أني نضرة منه تعوضني على العالم و ما فيه .. لو كان يقولي أعطيني عمرك نعطيهوله و مش شويه فيه.. هوا اول راجل و بعده محرمه على روحي رجاله .. لكن تعبت ... 😔
.
منى - ايه سحر فهميني شن لي مقلقك .. الكلام لي قلتيه كله حلو .. و حتى هوا .. والله وراسك عمري ماريته محمود هكي.. يعشق و يحب و يغير .. انتي ماشفتشي مبكري .. شويه لا كسر يد مهيب ع خاطر فكر يحطها عليك ..
"سحر رفعت راسها مسكينة .. تشوفلها و مش قادرة تنطق قداش ضعيفة و قداش شفافة الإنسانة هدي ... ومنى فهمتها .. تبسمت و جاوبتها .. "
منى - تبيه يعلن جوازكم لي ناس كلها ويقول أنه طلق مريم صح ..؟؟ ..
" سحر مسحت دموعها بكف يديها كيف الصغيرونة .. و رفعت راسها بسرعة سؤال منى.. كافي ان يخلي سحر تتبسم و جمالها يضوي من جديد 😍.. "
.
منى - والله الله الا ما يديرلك عرس وتكوني مرته قدام ناس كلها وقولي منى قالتها ...لكن خليني من توا نقولك هههههه .. الفعة لجين مستحييييل تخليك تتهنى بيه .. 😂
سحر ضحكت .. و منى شدتلها يدها بيديها الاثنين و كملت كلامها ..
منى - سحر محمود خوي موجوع .. انتي ما تعرفيشي قبل سنين.. انتي ما شفتي عدابه و لا حضرتي على وجعه. محمود رجع من حافة الموت خوي عدب روحه و عدبنا معاه ... و حملنا اكثر من طاقتنا ... لامنا على موت صغاره .. لامنا كلنا بدون استثناء ... تي توا كيف رجع عايش توا كيف رجع يتبسم و رجع يشوف في الدنيا كيف ما نشوفو فيها احني .. صغاره حطيهم في عيونك .. هما لي بجيتهم للدنيا بيرجعو معاهم بوهم .. بيرجعولي خوي
.
تبسمت بوج .. حطت يدها على بطن سحر و تكلمت بصوت فيه ضحكة .. لكن ضحكة موجوووووعة .. 💔
منى - السيد روحه هني و هي تقولي نبي ناس تعرف ههههههههههههه .. تي تهنى محمود راجلك انتي الاخر العمر .. ❤
سحر طبست راسها .. شبكت يديها..
سحر - ي . يعني هو تجوزني على خاطر صغار ؟؟ ..
.
منى ضيقت عيونها ...
منى - عندها الحق أمي فاطمه لما قالت ان لما يفرقو في العقول انتي غايبة .. 😡 تي خطفك و طار بيك لي جزر المالديف .. عسل بيك قبلي اني شخصيا .... و انا لي مديره فيها عروسة طلعتي انتي العروسة و انا مانندريش .. 😂
.
في الوقت هذا الماتش بدا.🕧
. مودي يتقدم .. مودي يتقدم .. يراوغ بالكورة .. ويتجه نحو الهدف .. يتجه بسرعة
..يتجه نحو مهيب .. يبتسم بخبث .. بخبث كبييير .. كم انت كبير يا مودي .. كم انت كبير يا ابن المغرب العربي ..
"عربي انا فإخشيني ... الويل اذا احببتني ❤.. "
يقترب .. يقترب .... إلي. الضربة القاضية .. الضربة القاضية في الدقيقة الأولى .. الضربة الفولادية .. ركبة ثلاثية الابعاااااد بين رجلين مهيب ههههههه .. 😬
.
مهيب مسكين وجهه ازرق و اخضر و احمر ههه..😂 يحس في النفس بينقطع عليه مش بصاره .. حط يديه بين رجليه .. و طاح في الارض ..
محمود حط الكورة تحت رجله .. ضيق عيونه .. رقق صوته و بدا يتكلم بشويه ...
.
محمود - أنسه سحر .. يا احلا عروسة ..في العالم .. أنسه سحر ..😒 .. تبسم بخبث و كمل كلامه 😈هههههه .. توا قوللها اختي سحر .. أهو ولينا جنس لطيف زي بعضنا 😂😂..
مهيب يتوجع .. ومحمود يضحك بالشويه و فاطمه جت تجري ههههه و تصفر ..
فاطمه - ورقة صفرة .. ورقة صفرة ... ⚠️
محمود - فطوم ... استهدي بالله قال صفرا لا موف ..مازلنا في اول الماتش ..🙄
سليم - كان هدا اول مالا آخره كيف؟؟ .. 😐
محمود - اخره مسك و عنبر .. 😂💔
.
جاوبه و طربق بضحك ...و عطا غمزة لفطمه .. صفق بيديه الاثنين ..و تكلم بتسهويك .. 👏
محمود- يا راجل تي نوض من اول الماتش مديت الاربعة ؟؟ .. نوض نوض .. الضربات الصح مازال ههههه ...😂
.بعد شوية وقت .. مهيب شد روحه شويه وناض وفاطمه. عاودت زفرت من جديد .. و المبارات تنطلق من جديد .. المرة هدي الكورة مش عند محمود ... عند مهيب ..ههههه .. مهيب لي مشي في باله نضرب بالخطأ... مسكين يلعب بقلب ... لكن محمود بالمرصاد .. مرة يطيحه .. مرة يضربه بونية .. مره يعطيه ضربة في الوجه ... و هوا مسكين مستحمل ههههههه 😈... لكن مره مره يولع في محمود ..
و محمود يتبسم .و يقوله ..
محمود - يا راجل عيب عليك .. بتنغر زي الصغار !! .. نلعبو راهو .😂.
كلمات يخليو مهيب يفشل و يسكت .. هوا يعاود يندمج من جديد زي لمهبول في العب .. و محمود يعاود يغدره من جديد .. 😂
وبعد شوية وقت .🕧
الماتش سخن اكثر .. وشباب يلعبو بقلب .. كلهم مركزين في الكورة ... ماعدا محمود لي كل مرة يعطي ضربة لمهيب و قاعد يغلي عليه .. وفاطمه شادة حكم .. لكن تحسها حكام واخد رشوه رسمي هههههه ... جاية معا محمود في كل حاجة و تساند فيه .. 😂
و الكورة المرة هدي عند مختار المطيري 😍😍.... اااااععععععع ... ما هدا .. اااااععععع .. تي طيح على ولده في الجمال و الشخصية .. يلعب تقول ولد في العشرينيات .. معوج فمه و مش عاجبه لي يدير فيه ولده ههههه .. و يغلغل عليه .. 😂
الكورة توا عنده و الماتش وصل الاخره. يجري بالكورة باتجاه القول .. يجري يجري و اووووووب يغير الاتجاه.. غيره شويه...بأتجاه محمود😳 .. عيونه تلمع بخبث😈 .و. الناس كلها مركزة معاه .. اول ما قرب لمحمود فوت الكورة لسليم و دخل هوا بركبته في محمود😬 .. او بالتحديد بالتحديد بين رجليه 😂
اااااععهععع و يسدد ... سليم يدخل الكورة ⚽️ في القول و مختار يدخل ركبته في القول ههههه ... 😂
.
و فاطمه ميته بضحك .. و محمود نزل ع الارض .... اااااعععععع .. يا ناااااااري على موووووودي ... 😭
سليم جا يجري هوا و مراد يتسهوكو على محمود ...
.
سليم .. يا ناري على للهداف الدرجة الاولى ... ههه ياناري على الذهبي المرصع 😂 ..صاحبي .. مكعبات الألماس طاحو ولا مازال لاصقين ...😂
و مراد جاوبه و هوا دايخ بالضحك .. 😂😂
مراد - ياناري ... توا لا في ذهب و ألماس .. توا حتى حديد مصدد ميجيش .. 😂
.
مختار بموت بضحك.. خلاهم و وخش للفيلا.. ومحمود مسكيييييبن بيموت من الوجع .. يا ناااااري على محمودي ههههه .. 😂 يا ناري على محبوب الجماهير .. 😭 سليم عوج فمه .. وتكلم
سليم - عيلة المهبلة لي طايح فيها ... من كانت ماتش كورة قلبوه ماتش مصارعة 🔞...
.
أليل نزل علي مزرعة المطيري . 🕧
وشباب مهدودين من العب ... ومحمود يفنص علي بوه من بعيد ههههههه😂
.ومختار يسبل في عيونه لي خديجة لي من لما سيبته لي تو رافعة خشمها عليه ... و هوا بيهبل ... ماعمرها مادرتله هكي .. لكن المرة هدي كسحت قلبها و رفعته لشهور ... و هدا الشي لي خلاه يلحق عليها لان ما حد يقدر يخبي عين الشمس بالغربال .. ومافيش واحد ما يقدر ينكر الحب لي بين خديجة و مختار 😍... هوا عارف و متأكد ان هي عندها الحق .. لكن ما تحملش ان مرته تهجره في جرت محمود .. هدا علاش تغلغل عليه في الماتش ههههه..😂 و غلغل عليه اكثر لما شاف خديجة تعشق فيه بعيونها و هوا يلعب ... و كل ما يتلفتلها تحقره و ترفع خشمها عليه هههه .. 😂
.
و البنات جهزو العشاء ... و تلمو العيلة كلهم ... وشباب ياكلو و يشكرو ... وسحر غاطسة تاكل و مش معدلة على حد .. ههههه .. مسكينة تجوع عالاخير.. علي قد ما تاكل ما تشبعش .😂
. رفعت صحتها و وجها نور و الحمل حلاها بطريقة غير طبيعية .😍.
محمود كل شويه يسرق منها نضرة .. مركز معاها عالاخير و ميت بضحك في داخله ... يضحك كيف تاكل اكثر من طاقتها و تبدا تبلع و تغص و تنقضها خديجة بي طاسة مياء ههههههههه .... 😂
و مش محمود بس لي ضايع في معالم وجها و يعشق فيها ... وحت مهيب كان مركز عالاخير .. ويشوفلها و يتبسم و هوا قلبه بيطلع من مكانه ... ❤
يعشق في جمالها و عيونه مرشوقين في صوبعها الصغار لي منقوشين بي نقشه حلوه ورقيقه ع الأخير 😍 ...
.
نظراته كانت مستفزة لدرجة خلت عيون محمود تقدح نار ..🔥. رفع عيونه و يعطه نظرا ترعب ... وسأله بطريقةة منرفزة عالاخير ..
محمود - يامعلم رايحه منك حاجة ؟؟ ... 😐
و مهيب تبسم .. و جاوبه بكل برود دم...
مهيب - كانت رايحه مني و اليوم لقيتها ..😌
.
.كلمات ولعو نار محمود اكثر و اكثر ..🔥
كملو العشاء و قعدو في الصالة الناس كلها يهدرزو .. ما عدا محمود لي كل مرة يغلغل على واحد .. مرة على سحر لي تقول مديره عليه بالعاني😂 ... لاصقة في مهيب تتكلم معاه .. تتبسمله و تضحكله .. مرة على مهيب لي لاصق في سحر وفرحان تقول من يقطرله في العسل .😒. و كل ما يتوجع من ضربة هههه يلفت راسه لي بوه و يعطيه نظرا ترعب ويغلغل عليه من جديد هههه .. 😂
.
سهره كاملة و هوا يفنص و يتحلف بعيونه في سحر 😬 .. يتنفس بالقويه تقول تنين يطلع في النار 🔥 ... و يستنا فيها أمت تجي عينه في عيونها و يحرقها بنظرا من نظراته ... لكن هي لا .. متجاهلته تجاهل كليييي تقول من موصيها .😂. يغلي يغلي يغلي .. و يحاول ينبها بأي حاجة باش تلم روحها و تبعد عليه لكن شي ..😶
و في الاخير.. لما يحس روحه اعصابه تلفت خلاص وبيمشيلهم توا. يلصقهم الاثنين في الحيط.. يغمض عيونه. ويقول في سره " أهدا يا محمود .. أهدا يا محمود" .. يفتح عيونه لي من كثر الاعصاب عروقهم برزت و يقول أستغفر الله العظيم بصوت قوي مغلغل ويخلي الناس كلها تستغرب .. ما عدا منى لي مطبسة راسها و تضحك .. علي خاطر و بكل بساطة هي لي قالت لسحر دير هكي ههه ... 😂
.
سعاد - .. محمود ولدي ما شاء الله عليك .. كل ليلة تستغفر هكي !! .. ما شاء الله من لما قعدنا ما بطلتش استغفار ..
سليم - الشيخ محمود ..استغفار و إيمان ...
مراد - استغفر الله العظيم .. مني إيمان ؟؟ ههههه 😂
.
كلهم طربقو بالضحك .. و محمود جاوب و هوا يغلي ..
محمود - لا خالتي سعاد .. اليوم بس كثرت من الاستغفار علي خاطر إبليس .. الله يلعنه و يخزيه قالي فلوسك ماشيا حرام في حرام يا ولد المطيري .. عندك قريب 40 محامي يخدمو و تخلص فيهم بدون اي مجهود .. يا أ طردهم ... يا ارتكب جريمة و خليهم يحللو خبزتهم و يخدمو على روسهم ... 🙄
.
سليم - ألا الحرام يا غالي .. ألا الحرام 😂😂..
سعاد - ووووو عليااااا 😦 يا وليدي جريمة ؟
محمود -ايه خالتي قالي جرب القتل .. حاجة جديدة وما جربتهاش قبل ... 🙄
" سحر مسكينة تخلعت .. وجها احمر . و لفتت عيونها طول لمنى .. و محمود حط رجل على رجل .. عطاها غمزة من العيون لي ااااااااااااه .. ما نقدر نقول عليهم غير عيون رجل شرقي الرجول تخلقت ليه هوا 😍سكت شويه و كمل كلامه .."
محمود - ما تخفيش عاد أنسه سحر .. نبصرو راهو ..😌لكن ماتندريش علي دنيا .. لو لقيت حد يستاهل ورحمت صغاري نديرهااا و خطيئته في رقبت لي كان سبب ... 😏
.
" سحر ..اااااعععععععع وجها مشي الوان الوان .. بدت تتصفر .😳. ناضت من جنب مهيب و لصقت في فاطمه .... خوافة هلبااااا هههه 😂... نزلت راسها و بدات تشبك في يديها من التوتر و الخوف هههههه ...😂
و في الحظة هدي لجين تنوض من نوم و تهد عليهم في الصالة .. . دخلت تجري حفيانة شعيرات صفر ... خديدات حمر ... عوينات كلهم براءة يجننو... تجري بأقسى سرعتها و طبعا اتجاها محمود 😍... اااااااعععععع ... الفرصة جت ليديك ... لازم تنتقم يا محمود .. تبسم ... صفق وفتح يديه
.
محمود - أهيا حبي جت ... اهيا نور عيوني .. اهيا العسسل جت .. 😍
".. لجين في لمح البصر كانت في حضنه..رفعها في حجره و بدا يبوس فيهاا. "
محمود - صحة الحمام قطوستي .. صحة الحمام ياقلب مودي .. هاتي هاتي نشم شانبو دوش هاتي.
لجين - سم مودي سم .. سنبو بلفلوله
محمود - ااااه .. مدب بالفلوله لازم نعض ..
.
" لجين تتضحك و محمود تقول مداير بالعاني .. يمسح على شعرها و بطنها .. و يبوس في رقبتها و سحر بتهبل ... هههه .. جنت و سخنت مسكينة عالاخير .. وجها أحمر ... ههههههه .. 😂 ركزت معاهم عالاخير .. عيونها طلعت ..🔥🔥. و من لغل بدت تاكل في ضوافرها ..😂 ولجين ما قصرتش .. تبسمت . . وشافت لسحر .. و قالت لمودي .."
.
لجين - مودي سوف لحنه .. سوف انا محلاني ... سوف ... 😌
"محمود زاد ف ضحك و كل ضحكة طالعة من القلب .. من كثر الضحك بطنه وجعته ... رافع راسه لفوق .. ومغمض عيونه .. و مش قادر يرد حتى النفس من الضحك ههههه ..😂 مش مصدق لي يشوف فيه .. مش مصدق يا ناس ... مصدوم من كمية الحقد و الغل لي بين لجين و سحر .. 😂😂....
.ههههه ...ايييييه .. ما تتصدمووووش .. لجين و سحر يفنصو لبعضهم و عيونهم تڨدح من نار هههههه ... كان يطلقوهم على بعضهم لما يقتلو بعضهم ..بالنسبة للجين محمود ملكية خاصة مستحيل حد يقربها .. هوا بوها و دنيتها كلها .. و بنسبة لسحر محمود هوا حبيبها و روحها هههههه ... و تغيييييير عليه .. والوحم مداير فيها لدرجت انها وصلت تغير من لجين !!... 😂🔥
وتغلغل منها كيف لصقه فيه و حضنته ... و لجين عاد .. قاعده في حضنه ..و غارسة راسها في رقبته .. تتبسم في بسمة النصر ... و لافة يديها على صدره العريض بكل قوتها ... و محمود استغل الفرصة شر إستغلال .. يبي يحرق قلب سحر .. مش هي لي بدت بنار الغيرة ؟؟ .. مش هي لي أعلنت الحرب عليه ؟؟ ... ايه .. لو ما يجيبهاش لعنده ما يتسماش محمود هههههه .😂.
.
السهرية تمت 🕧 " ..و سليم يشوف في منى طالعة تتمخطر في الدروج .. محلاها .. ومحلا نقشها لي ع الأسود 😍 عيون سود كبار زي عيون محمود 😍 ..وشعر طويل أسود ..تجنن قعد يعشق فيها .. لما بدت حامل هبل عليها ... سحر تتوحم على محمود و سليم هوا لي يتوحم على منى ..😂 "
سليم دور راسه يمين ويسار ... عيونه لمعت علي خاطر امه مش موجودة .. ههههه .😂. خلاها طلعت .. و بعد ربع ساعة هكي دار روحه غلبه النوم و مش قادر .. قاللهم تصبحو على خير و طلع صاروووووووخ ههههه ..😂 دخل فيسع ... لي غرفتهم طول وسكر الباب بالمفتاح .😈. و يسمع في نفس الوقت صوت الدوش .. عرفها هي تدوش .. صفق بالشويه و تكلم
سليم - عروستي تدوشلي هيا .. 😍
.
كيف بيدخل يلحقها لكن تصدم ... 😳
سعاد متكية فوق السرير😂 نياهاها .😈💔..واخذة راحت راحتها .. في يدها السبحة ... وتشوفله و مضيقة عيونها .. 😐و سليم تقول ضربه الضي .. من الصدمة نطق من غير ما يشعر ههه ...😂
سليم - بسم الله الرحمان الرحيم .. 😦
سعاد- خيرك شفت جن ؟ ..😌
سليم - نوعا ما ! .. ☹
سعاد- جن يركبك ... شن جاي دير هني ؟ .. 😡
سليم- امي جاي بنرقد ..😰
سعاد - أنسا ... بح ... 😏
سليم- امي شني هدي .. شن انسا بح هدي ؟؟ .. 😶
سعاد- يعني انسا يا ولد بطني ..أفتح الباب لي سكرته و ورينا عرض اكتافك .. 🙄
سليم - امي خيرك تتكلمي هكي .. مرتي راهو ..؟؟😡
.
سعاد حطت يدها في حزمها بغل ..
سعاد -ايه وكان مرتك ؟ .. اني قلت ممنوع يعني ممنوع .. ناوي ترزيني في اول حفيد ليا ؟؟ ... برا امشي العب بعيد ...😡
سليم - شن معناها ؟...
سعاد - تولد بعدين يصير خير ...ليلة مص ليم..😬
.
"سليم تصدم من كلمت مص اليم😳.. سعاد كملت كلامها وناضت بدت تدف فيه للباب وعطاته مخدة و بطنية ..😂 مسكين سليم رفع لفرش و نزل يتكلم مع روحه "
مراد - ياسي سيد .. طردوك ؟؟😂
سليم - مراد فك ...🔞. برا اطلع ارقد و اخطاني .. 😡
.
"قال الكلمتين و بدا يحضر في مكانه و ياكل في بعضه و يرعش من الاعصاب هههههه ...😬💔
و محمود ميت عليه بضحك ... قرب منه و مدله شريط متع حبوب .. 💊 "
محمود - استعمل هدم ... سمحات للأعصاب .. حسب ما فهمت قالو ترخف الاعصاب .".. قرب و وشوشه .. " ومش لأعصاب .بس حتى حاجات تانيه ههههههههه .. 😂
محمود قال الكلمتين و طلع .. داخل للغرفة ونافخ صدره و يتحلف في سحر.. لي دراته مش بيفوته بالساهل 😈... يتحلف و يعاود .. و في نفس الوقت يبي يشوف النقشة كيف طلعت .. وصل قدام باب غرفتهم .. كبس روحه .. قرن حواجبه... هوا كيف بيفتح الباب و....😳
.
.
#_يتبع
بهاء الحطاب