تألمت ثم عشقت آلامي في حبها >> الحلقه 12
#_منقول
.
.
محمود قرب لودنها وتكلم بصوت أقرب للهمس💤
.
محمود - آخر مرة تدخلي لي غرفتي من غير إدن ..👌
.
.
رفع راسه و شاف حالت الصدمة لي سحر فيها ...😳
.
هههههه .. فمها مفتوح و عيونها محلولين على وسعهم ههه .. 😂
منضرها ضحكه لكن شد روحه بالسيف ... 😂
وطلع فيسع مايبيش يضحك قدامها و قبل ما يسكر الباب قللها
محمود -حضري روحك .... أني راهو منستناش... في يدك 5 دقايق 👍
.
طلع يلقى لجين تستنا فيه ... من الفرحة ما صبرتش لين تلبسها المدام خديجة كندرتها ...جت و جابته في يدها ... ههه😂
_________
سحر قاعده مصدووووووومة من كلام محمود ... شنو معناها !!! ... يعني هو شافها !!!
إيه .. إيه .. لي متعرفاش إنه محمود شاف إنعكاس صورت سحر في بلار الدوش.. كيف شافها تجنن ...
.
ادا كان سحر بعيدة ملا مني لي بين يديه توا ...
تلفت و لقاها مريم ...لكن محمود معجباش أنه سحر تجرإت و دخلت لي غرفته بدون إستادن وشفاته هكي..🚫
____
.سحر كميت الصدمة و الفشلة لي نزلت عليها خلوها حتى متقدرش ترمش عيونها ... 😂
قعدت كيف صنبة شوية و بعدها تنطرت وجت واقفة على السرير و بدت تضرب بشوية في خدها
سحر - يا حماره يا سحر... يا غبيه يا سحر ... يا حي على هبالي وين وصلني ... حطت يديها على فمها ... يحي كيف شافني ... يا حشمتك قدامه يا سحر .. كيف بنقوله ... كيف بنقوله راني ريتك .... !! .. لا لا و أني ليش نقوله من اصله و هو أصلآ شافني .. 😬
.
سكتت شويه ... حطط يديها الزوز على جنابها و عوجت راسها .. بعدها شهقة و بدات تنقز و تصفق فوق السرير بفرحة .. 😍
. فرحانه كيف الصغار ... و شعرها الحرير يتمايل يمين و يسار مع جسمها 💃💃
سحر - باسني ... باسني ... والله باسني ... أقسم بالله باسني... تنقز و تصفق بديها كيف الصغار .😍
.
...بمجرد إنه محمود باسها نساها في كميت الوجع لي حستها البارح ... 💔
.قادر إنه بمجرد بوسة وحدة ينسيها في أبشع مشهد شافتها في حياتها
...تنهدت ونزلت فيسع
تختار في لبسة ... لبست سبور ودارت روج و رشة برفان وحطت شنطه علي جنب وطلعت تهببل...💖 ...
.
لقت محمود يستنا فيها بتبسيمة و في يده لجين ..👼
.
. فرحت بيها هلبااا ... ركبت و حطتها في حجرها ...
و هوا ولع سياره وطلع بفرحة كبييييييرة ... ❤
.
حس أنه ولت عنده عيلة صغيرة ..حس إنه هو بو و عنده طفل و مسؤول منه.....❤
طريق كامله و هو يدربك على الدومان هههه ..
.ويضحك ومداير هلبااا جو ...😍
كل مرة يقرب للجين لي قاعدة في حجر سحر و يخطف من خدها بوسة ..😚.
مدير علي سحر بالعاني .. 😂.
. محمود حس إنه عنده عيلة و هو مسؤول عليها ...
.حس إنه سحر مرته بالحق و لجين هي بنته ...
.
قرر يطلع من عالم الحقيقة و يدخل لي عالم الخيال 💨💕
. حتى لو يوم في حياته. .. مدام الحقيقة مرة خليه عالأقل يتمتع بالفرحة لي لقاها عالم الخيال ..💖
.
أول ما وصلو لي مدينة الملاهي ...
لجين نزلت تجري و عيونها كلها فرحة ...👼
وسحر ما كانت تزيد عليها غير بالصبر... 💕
.
ولت تضحك من غير ما تحس ...
و تقدم بخفة كبييييرة ...
قلبها يدق من حلاوت المشهد لي تشوف فيه ..
. لعب و جو و عالم خيااااالي ..🎄🎈🎉🤹♂️
.
تقدم بسرعه لدرجت إنها نست محمود و لجين وراها ...
محمود يشوف فيها و يضحك مداير عليها جو ..
لحق عليها بسرعه و شبك يديه في يديها ... ❤
خايف عليها لا ضيع ...💨
.
دخلو للملاهي و هي فتحه فمها ... مصدومه و مش مصدقة ... 💔
وأول ما لجين بدت تلعب .. سحر غارت منها ..😂.
قدمت و شدت يد محمود و نزلت عليها بقوة كأنها تقوله حتى أني... 😢
.
محمود ضحك عليها و قللها " تعالي تعالي ... العبي معاها .. أني جايب زوز صغار معاي اصلآ هههه 😂"
.
فات يوم عاااااالمي .... ❤
سحر و لجين طايرين في عالم تاني ... 🎈
و محمود نار الغيره تحرق فيه ..🔥
.. شباب لي يخطمو من جنب سحر كلهم يعكسو فيها ... 😂
.محمود حس روحه كأنه مش معاها ...
لي درجة مش محترمينه ... الوقت كله و هو على أعصابه ... و يفنص في لناس كلها .. 😠
أعصابه تحرقت مسكين ... 🔥
.
ولا ينق و يكشخ و حتى من لجين ما سلمتش منه هههه ..😂
.
. وفي الاخير رفع لجين بيد .. و عنق سحر بيد ...❤
وقللهم ساد لعب كملو المرة الجاية ... ✋
طلع و يفنص وكأنه يقوللهم راهم متاعي ...❤
ومانبي حد يقربهم.. هدم متاعيييي أنييي ❤🔥
. ساده..مسكين فاات نهار أسود عليه ... 😂
بعد ما طلعو من الملاهي شافهم كيف الزوز مبوزين ...😒
ضحك ورفعهم لي منتزه حلووو... 🎄
وشرالهم كريب بنوتيلا وعصير طبيعي 🍫
كلو لين شبعو ... ودرو جو بصياحهم و ضحكهم ههه . 🎈
.محمود .قال لسحر لحظه " ورفع معاه لجين لي وين يلعبو الصغار .. وصا عليها المسؤولة و رجع لي سحر يتبسم .. هههههه واخير تخلص من لجين 😂💕
.
محمود - شني رايك في الطلعه ..؟؟
سحر - تهبببببل ... هذا أحلى يوم في حياتي كلها ...😍
..
سحر تتكلم بسرعة و ترمش كيف الصغار .. ومحمود ضاع بين عيونها لي دبحوه...❤
محمود - سحر ع ما أعتقد أني نفدت لي وعدتك بيه؟
سحر نزلت راسها و شبكت يديها بخجل - إي ... كنت عند كلمتك ونفدت ❤
محمود - وع ما أعتقد ان عندي الحق نعرف قصتك ؟
سحر سكرت شفايفها و تنهدت بقوة و رفعت راسها كأنها تقوله اي ...
. و هو تكا ضهره لتالي .. ولع دخانه🔥
و ضيق عيونه كأنو يقوللها إحكي أني نسمع فيك ..!!
سحر تنفست نفس عميق ..وبدات تحكي 💕
.
سحر - أسمي سحر .. عمري 19 ... تربيت في الريف في قرية إسمها *** ... امي متوفية .الله يرحمها. و بابا عايش
- - عشت عمري كله متبهدله.. عشت عمري كله متمرمدة .. عمري ماشفت فرحة في حياتي و عمري ما ضحكت ولا يوم ... .
محمود يسمع فيها بتركيز
كبيييير و قلبه وجعه عليها 💔
.
سحر - الصغار كلهم اهلهم يحبوهم .. الصغار كلهم أهلهم يخافو عليهم ألا آني... بابا يكرهني كره العما و يتمنالي الموت كل يوم ...💔
محمود تصدم من كلامها و الصدمة
بانت على ملامح وجهه😦
.
سحر - أي ما تستغربش ... تنهدت و كملت .. امي الله يرحمها من بلاد الشام ... تجوزت بي بابا بعد قصت حب ... تجوزو ورجعو لي ليبيا و يا ريتهم ما رجعو ...😣
سكنو في قرية ناسها قلوبهم حجر و ميخافوش ربي ... ماكنوش يفلتو ولا فرصة باش يديرولها حاجة بشعه ...
جمالها كان خلاب و أنوثتها كانت طاغية ..
.
محمود زاد ركز اكثر ... وتو فهم سر جمال سحر ...❤
.
بابا الله يهديه دارو بيه أصحاب السوء و علموه الشرب
... كل مرة واحد منهم يقوله كلمة غلط في حق امي
..و هو كل مرة كان يصدقهم و ينقم عليها اكثر ...💔
كانت شخصيته ضعيفة لدرجة كبيرة .و أي كلمة كانت قادرة تهزه و أي كلمة قادرة تجيبه ..😪
.
عدبها و قهرها و قتلها ناقصة عمر .
..ماتت ناقصة عمر من بابا و من عمايله
.. وقت لي توفت أني كان عمري 5 سنين ... 💔
بابا وين يشوفني يشوف فيا إنعكاس لصورت أمي ...
.
عدبني و عيشني أبشع أيام عمري.
. السنين لي عشتهم معاه كان يفكر فيهم في حاجة وحدة و هي كيف يتخلص مني قبل ما نكبر و نزيد نجيبله لكلام كيف أمي الله يرحمها ...
.
سحر تحكي و الدموع كيف المطر 💧.
. مع كل كلمة تقولها تتفكر الماضي وألامه ..
سكتت شوي ترد في النفس و كملت تحكي 💔
.
سحر - بابا كان عازم و مقرر إنه يعطيني لأول واحد يدق بابه..
و من حظي أول واحد كان صلاح .. ههههه💔
بابا يوميتها رماني قدام الباب ..
و قالي هدا راجلك بري عيشي معاه
و أنسى إنه عندك بو ..😪
أنسي أنك ترجعلي هني .
.. و من يومها بدت قصت عذاب جديدة مع صلاح ...💔
ع ما أعتقد انه " خالتي فاطمه " قالتلك عليها و أنت حضرت على جزء منها ✋
.
محمود تنهد بغصة مسكين ... حس بيها و سخفه حالها ..💔
محمود - غريبة والله ... الجمال عمره ما كان نقمة أو حاجة يتحشمو منها ... الجمال هو مصدر فرحة لصاحبه.. مش مصدر نقمة 😣
.
سحر تبسمت بي حزن 💔
- الجمال بنسبة ليا أكبر نقمة
.. نقمة دمرتلي حياتي ..نقمة قتلت أمي ...✋
.
محمود - خلاص. ساد.. أنسي .. من اليوم أبدي من جديد و أني في ضهرك ... ما تخافي من حد و ما يهمك في حد .. عيشي و أفرحي ...
محمود قرب منها مسحلها دمعتها💧 و باس جبينها بحنية كبييييييرة ..❤
.
سحر فرحتتتتت بكلام محمود لي اول مره تسمعه ❤
مافيش أحلا من شعور أن يكون فيه شخص في ضهرك وسندك مهما صار ويفكر في ضحكتك وبس ...✋
.
سحر حست بالأمان ..💕
.
فات اليوم فيسسع 🕦
...
. محمود و أخيرا فات يوم عادي في حياته .. .
. يوم كيف ما هوا يحب يفوته ... ❤
.
سحر و لجين أول ما روحو دخلو طول للفرش و رقدو .. اللعب هدهم هههه ...🎈
.
و محمود قرر يطلع لي غرفته و ياخد دوش و يخدم شويه عنده أوراق مهمة 📚
.
دخل لي غرفته و لمح حاجة صغيرة على سريره .. قدم منها لقاه صندوق cadeau bleu ciel صغير وحلووو...💕..
.
استغرب منه... قلبه بين يديه و حاجبه مرفوع و بعدها فتحه ... لقا فيه رسالة صغيرة مكتوبة بخط اليد ..✍
. بدا يقرا فيها و معالم الصدمه توضح على وجهه.. ..
.
.
روحي .. قلبي .....و عيوني ...
حبيبي و بابا و خويا و حياتي و دنيتي كله ..
حاولت هلبا مرات نتكلم معاك في الموضوع لكن مقدرتش ... خفت نلمح نضرت الحزن في عيونك و نكون أني سببها ..
. إن نوقف قدامك و نحكيلك و نفرغ قلبي ...💜
ههههه يمكن حبي ليك و خوفي عليك خلوني نفتش على طريقة تاني نحكيلك بيها لي في قلبي ..
. فتشت فتشت و لقيت هذي أحسن طريقة .
.. خويا الغالي ... يا أحلى و أحن و أعضم خو في العالم ..يا احلى هدية قدمتهالي الدنيا
... نحب نقولك أن أنت يا محمود مقامك في قلبي من مقام بابا .... إنت لي ربيتني .. أنت لي حرست على قرايتي ... أنت لي حاويتني و خفت عليا من النسمة الطايرة ... مش قادرة نعبرلك علي لي في قلبي
... لو نكتبلك في مجلدات العالم كله كلامي ليك
.. و إحساسي بيك عمرهم ما يوقفو. و لا يتوصفو
باهي خليني نبدا في صلب الموضوع هههه ..
. متاكدة أن إنت توا عقدت حواجبك هههههه
و بديت تفد ...و أني نعرف أنك معندكش وسعة بال هههه
( سليم )ليوم تكلم معا أمي و بابا ....
قال أنه لازم نديرو العرس في اقرب وقت و نسافرو .... أنت تعرف خدمته و ضروفها أكثر مني ....
يوم العرس ... و الزغاريط و الفيلو الابيض هما حلم كل بنية ... ههههه و اني بالأخص كان خاطري فيه من لما كنت صغيرة و أنا نزن على راسك و نقولك نبي نولي عروسة ... نبي نلبس فيلو زي متع الباربي .. ونرقص و نفرح كيف العرايس كلها..❤
لكن المشكلة لي أن اليوم مش فرحانة يا خوي... أني اليوم فرحتي مش كاملة ... أني اليوم عروسة حزينة ...
تعرف علاش !!! ... اني اليوم حزينة علي خاطر في يوم فرحي بنشوف فجوة كبيييييرة بين أهم زوز رجاله في حياتي .. بنشوف بابا و خوي يهربو في عيونهم من بعضهم و هما شدين في يدي و يوصلو فيا لحب حياتي ...💔
بنشوف بسمة كدابة على شفايفهم
... لكن القلوب ما يعلم بيه غير ربي ...
بنشوف بابا كل مرة يسرق منك نضرة بعيون منكسرة و حزينة ...
أني اليوم نعرف و متأكدة إنه خوي بيوصلني للمنصة ويهرب من الفرح علي خاطر مش طايق يقعد مع ناس جرحوه ...
أنا مكتبتش الكلام هذا باش نقولك إنسا و أبدا صفحة جديدة ..
لا بالعكس أنا منبيكش تنسى ...
نبيك ديما تتفكر إنه ان كان عندك زوز صغار ياخذو لعقل ... نبيك ديما تتفكر إنك حبيتهم أكثر من روحك .
.. نبيك ديما تتفكر إن كنت بالنسبة ليهم أحن أب لدرجت إن كنت نغار منهم و نزاحمهم على مكان في حضنك الحنين ...❤
الكن أني والله مستصعبة فرح من غيرك ..
. مستصعبة نضرت الحزن لي في عيون بابا ...
مش ح نقدر نتحملها يوم فرحي .. ...
. مش ح نقدر نتحمل كميت التوتر لي في عيون أمي ...
أني اليلة قررت إني نتخلى على الفرح ...قررت إن نريحك و نريح بابا و امي و نريح روحي من وضع صعب ... اني إكتفيت بلمة صغيرة في يوم كتب الكتاب ...✋
.
.
#_يتبع
بهاء الحطاب