تألمت ثم عشقت آلامي في حبها >> الحلقه 39
#_منقول
.
.
منى بعد ساعة سكتت من البكاء ..سلمت امرها لي ربي .. ناضت تكركر في رجليها .. علمت امها و فاطمه و سليم بقدوم مدام سعاد ... الضيفة الي غير مرغوب فيها من الجميع .. ماعدا فاطمه لي بطييييير من الفرحة ههههه ...💛
صاحبتها جاية بعد غيبة سنين.. طاولة الفطور تنصبت .. كالعادة طاولة طوييييييلة عريضة مش ناقصها شي .. مشكلة و منوعة بكل الاكلات ... سليم فرحان و مش فرحان.. فرحان لجية امه و لخطبة اخته... لكن فادد من لي يستنى فيه ههههههه .. و منى لاصقة في سليييم هههههه . كل شويه تخطف بوسة منه .. 💋
و محمود من اول ما سمع الخبر قالب وجهه و يغلي .. نبه على سحر ومن غير ماببين ان الغيرة بتقتله ... ... كبس روحه .... ختارلها قفطان أسود طويييييل و وكمامه طوووال و فرض عليها وقاللها ألبسي هدا و ممنوع منعا باتا تتكلمي مع اي حد ..و بالاخص جنس الذكور 😂😂 ... سحر استغربت ... اول مرة يديرها .. عطاته نضرا تخوف و لبسته ..
بعد شوية وقت دقت ساعة الحسم .... سيارات ترعب وقفت قدام باب الفيلا ... 😍
و دخلت المدام سعاد هي و فريق الكورة علي حسب رأي مودي 😂😂...
هي و راجلها السيد مصطفى و بنتها حلى و أقاربهم معدودين .. و طبعا كان الحضووووور المطلق لي " " " مهيب " 😍😍.... نجم السهرة .. و كائن تاني غريب توا نعرفكم عليه هههههه .. 😂
.و مختار و مصطفى فرحو ببعضهم و طلعو للجنينة ...
سعاد و خديجة و فاطمه باسو بعضهم لين فدو ههه ... بعد مدة من البوس و الاحضان كلهم توجهو صالت الفطور .. فطرو ... و بداو يهدرزو ..
.
سعاد - منى يا بنيتي قوليلي الحمل شن مدير فيك..
منى - والله الحمد لله يامي سعاد ... مرتاحة ...
قريت منها سعاد شويه و وشوشتها .
سغاد - اي و سليم ؟؟ ..
منى - خيرا سليم ..
سعاد - ترقدي جنبه ؟؟ ...
منى - ووعليا ... ملا وين بنرقد؟؟ ... 😳
سعاد تبسمت و تكلمت بكل جدية ... تقول حق مكتسب ..
سعاد - في غرفة تانية ... ولا نقولك اني جيت .. من اليوم لحد ما تولدي تباتي بجنبي اني .. ما نتهنش عليك غير معايا ...😌
وسليم يسمع و حاسس روحه بيتجلط ...
سليم - امي وعلاش بترقد جنبك ؟؟ ...
سعاد - و أنت علاش ترقد معاك؟؟ ..😐
سليم رفع حواجبه مش مصدق ..
سليم - امي مرتي راهو ... تبي نرقدها عندي .😶.
سعاد عدلت وشاحه .. وتلفتت لفاطمه و كملت كلامها ..
سعاد- شفتي اختي فاطمه هالجيل الجديد ... لا حشمة و لا عيب يقولي مرتي تبات عندي يبات عندك حنش ان شاء الله .. المرا حامل وانت تفتش في المبات ؟؟ ... 😡
و محمود داااايخ بضحك ...
محمود- ايه خالتي سعاد .. والله الحشمة تقطعت ... اسمعي تهنى اطلعي انتي وياها و توا اني نعطيك مفتاح الغرفة باش تسكري بيها في الليل ... 😂
.
سليم يتحلف فيه بعيونه.. و فجاة سمعو صوت ضحكه مستفزه ههههههه .... صوت ضحك سوسو هيهي... اوووووبس .. نسيت ما قلتلكمش... سوسو هذا ولد عم سليم ههههههه ... 😂 واحد ما نقدرو نقولو علي غير كلمة " سوسو " ههههههه .... لابس في الاحمر كله .. صابغ شعره ومداير فيه ميش هههه ... لابس خراس و شكله غريب مريب ههههههههه...الله يسترنا 😦😂
مقعمز بجنب فاطمه و كل شويه فاطمه تبدا تستغفر في ربي و تقول لي سليم بعده عليا يا وليدي راني متوضية و هدا منجوس ههههههههههه ... 😂
.
لمهم القعدة فاتت حلوة في الاول... وبعد شوية وقت سحر نزلت تتمخطر .. ااااااععععععع .... قفطان أسود يجنن ... مفصل على جسمها و. شعرها الطوييييل مشدود عالي لفوق و برغم من هدا واصل لي نهاية ضهرها ... شفايف عليهم روج احمر فاااااااقع ...👄رموش بلمسكارا زادهم اغراء .. ... اااااااععع ..
.. محمود انقهر عالاخير لدرجة انه قلب طاسة مياء في فمه لي جف...💔
... و مهيب حس بنار ولعت في كيانه ... حاول يتمسك روحه علي قد ما يقدر ... لكن ما قدرش ... حضور سحر كان طاغي لدرجة كبيييييرة ...❤
لدرجة انه مهيب عيونه لي طلع في القلوب فضحته ...
.. و محمود لي عيونه تقدح بي نار لغيره فضحته🔥
.
.... لكن هوا ما يقدر يدير شي توا ... لا يقدر يقول راهو مرتي ... و لا ملكي .. و لا عشيقتي و لا حتى يرضا يقول انها حامل بصغاري ... 💔
.
علي خاطر محمود في الحالات هدي يفكر في مصلحة العيلة اكثر من مصلحته ...هما مهما كانو عيلة محافظة و ما يرضوش بالشي هدا ولا ح يصدقو أنه مرته علي سنة الله ورسوله ألا بي عرس وناس كلهااا تسمع و بالاخص لو تسمع سعاد بي جوازه من سحر في جزر المالديف حتقول جواز غير شرعي وح يقعدو علكة في حوش الانساب و ناس..
{ .. وفي الحقيقه مافي حد كان يعلم بي جواز محمود بي سحر ألا فاطمه وخديجة لان..مختار كان مستحيل يرضا أنه ولده يتجوز من غير علمه ومن غير ..عرس ف هما سكتو علي الموضوع لكن لما سحر حملت قالو لي مختار انه محمود متجوز سحر علي سنة الله هو صح زعل وعصب لكن لي سكته وريح قلبه أن سحر حامل بي 3. وقرر أن ماحد يعلم بي جواز محمود وسحر ألا بي عرس يليق بي عيلة المطيري ..}
.
و محمود مستحيييييل يرضا يقول حد على صغاره انهم جو في غلطة و مش داخل اطار الزواج ... هوا قدام ربي متجوزها وسحر مرته و عرضه ... لكن الناس ما تعرفش الشي هدا ... و هوا طبعا اكثر انسان حريص ان يبعد صغاره على اي شبهة ... 👌
.ههههههههه ... يعني يا محمود توا تشوف بعيونك و تمووووت بقلبك ههههههه .... 😂
مهيب ... في لحضة كان واقف قدامها ... رفع يدها و باسها و تكلم ..
مهيب - مرحبا أنسه سحر ... القعدة نورت بي حضورك .. 😗
سحر تحشمت و قتله مرسي ... ☺
و محمود وين تلقاه هههه ... ضيق عيونه.. كلمة انسه نزلت عليه تقول صاقعة هههههه ... ضيق عيونه و بدا يفنص😠 ..
.
سعاد - شه .. شه ... شه .. محلاها بنتي .... ما أحلاها هالبنيه تهبل يا فطوم ...
فاطمه - هدي بنتي يا سعاد ... شن رايك فيها عجبتك ؟
سعاد - ههههه ... وووو تعجب لي مايعجبه العجب مهيب من يوم عرس منى يقولي يا خالتي ياريت نعاود نلقاها.. تعالي بجنبي تعالي ...
سعاد ضيقت عيونها شويه... ركزت فيها مليح و تكلمت - مش كأنه سمنتي شويه على عرس منى ولا اني غالطة ؟؟؟ ....
... محمود كان يشرب في القهوة شرق مسكين هههههه ... 😂 و خديجة تخلعت و فاطمه نقضت الموقف ..
فاطمه - ... ماك تعرفي ... ماكلتنا هني ترفع الصحة ههههه ... 😌
سعاد - اي والله كلامك صح اختي فاطمه ... لكن قوليلي هالعروسة قاعده من غير عريس لي توا ...
.
شربت شويه من قهوتها ... غمزت فاطمه لي قاعدة تتبسم و فاهمتها ع شن ناوية ... و كملت كلامها ...
اني والله عندي عريس يستاهل الزين هدا كله ... شن رايك في عوض الخطبة نديرو خطبتين ؟؟
.
ااااععههعععع ... لا لا لا .... هههههههه ... 😂💔
محمود شرق مرة ثانيه... شويه لا يموت اصلآ هههههههه ... طيح فنجان القهوة على روحه و تحرق ههههه ... الناس كلها تخلعت عليه و قربوله ... وفاطمه ميته بضحك علي خاطر فاهمته و فاهمة غيرته لي بتحرقله قلبه ... و سليم قرب يضرب فيه علي ضهره و يتسهوك عليه ... 😂
.
سليم - اشرب مياء .. اشرب ياهمي لا تموت ... مازلنا مستحقينك .... ناقصنا شاهد في عرس خونا مهيب ... 😂
.
سليم يتكلم ويتسهوك ... محمود يرد في النفس بالسيف ... خديجة مسكينة تمسح على كتفه و مهيب استغل الفرصة ... قرب من سحر و قعد بجنبها ... قول لصق فيها .. لكن الكارثة انه سحر مش مركزة معاه بكل .. هي كالعادة عيونها مرشوقة في صحن حلو ... لكن الصحن المرة هدي كان في يد مهيب ههههههههه ... مهيب لي مش مصدق عيونه . يشوف في عيون سحر تلمع بالفرحة و تتبسم و في لحظة زادت قربت منه باش تقرب لصحن لي في يده ههههههه ...😂
.
.مهيب - أنسه سحر ... شن رايك نطلعو نتمشو البرا شويه ... خلينا نتنفسو هواء نقي اكثر ...
سحر تبسمتله بخبث من غير ولا كلمة ... ومدت يدها و كلت طرف بكلاوة ... و مهيب فرح ...
مهيب - يعني السكوت علامة الرضاء ؟؟ ... 😍
سحر زادت تبسيمة تانيه تتتتتتتتتقتل.. و مدت يدها ورفعت طرف كعك و كلاته ... و مهيب ميت بضحك هههههه .. 😂. صح مصدوم في حركاتها لكن جاته حركات بريئة عالاخير و مغرية الاخير ...😍
.مهيب - باهي شن رايك نطلعو لجنينة ... قرب منها و وشوشها.... نقصلك شوية تمر من النخلة و تاكليه ..احلا تمر هوا تمر مزرعة المطيري ....
سحر زادة تبسمت و سرقت طرف مقروض من الصحن و كلاته ... اصلآ هي مش مركزة معاه بكل .. 😂
.
محمود - بااهي شن رايك كان نقصلك اني حاجة تاتيه و نرزيك في امها ؟؟ ... 😠🔥
.
اااااعععععع هههههه ..😂. جملة نزلت على مهيب و سحر كيف الصاقعة ... جملة خلت سحر ترفع راسها بخلعة ... و تشوف عيون محمود لي تقدح نار .. ومهيب كبس روحه.. وضيق عيونه و جاوبه ببرود دم .. ..
مهيب - تتكلم معاي ؟؟ ...
عكس محمود لي دمه محروووووق و حقره ..
محمود - سحر نوضي نبيك ... 😠
.
سحر مسكينة من الصدمة رخت شفايفها .. لفتت عيونها لفاطمه كانها تستنجد فيها ... الشي لي زاد نرفز محمود .. و زاد خلاه ينطق اسمها بطريقة ترعب عالاخير
محمود - سسسسحر !!
مهيب قدم يده يشدها ...لكن لي حد هني وستووووووب .... محمود جن .. عيونه حمر ... شدله يده بكل غل و قوة قبل حتى ما يحطها فوق سحر .. في لحظة الجو تكهرب ... الاثنين عيونهم ولعت نار ... سليم و مراد و حتى مختار فهم انه محمود جاب اخره و بتبدا البونيه توا توا ههههه ... 👊👊
لذلك قرب سليم بيهدي الموقف ... و بالاخص يهدي محمود🔥
سليم - سحر بري مع محمود على ما اضن منى تبيك ...
محمود سبق ... يمشي بسرعة يغلي كله .. و سحر مسكينة رجليها يخبطو في بعضهم من الخوف.. لاحقته و قلبها بيوقف 💔 ...
محمود جا بيطلع الفوق لكن حس انه العيون كلهم عليهم... ف اتجه للجناح لي على يده اليمين و بعد عن انضارهم ... و هي متبعته و مش فاهمة شي ...
.
سحر لي لحظات معدودة تحس يد تلفت على بطنها ... تحس في جسمها كله طاير الفوق و رجليها بعدو على الارض ... و تشوف غير في عيون بيطربقو من شدة العصبية .... عيونه يا ماااامي ترعب ... حواجبه لي قارنهم ما يبشروش بالخير .... و طبعا صوت نفسه مبين قداش هوا محروق ... في لحضة قرب منها عالاخير....ودخلها لي غرفة و لصقها في لباب من داخل و دخل يده من ورا حزامها و سكر الباب بالمفتاح .... رشق عيونه في وسط عيونها و اكتفى فقط بنضرت عيون ليها ... نضرات تحكي و كلامها فيه تهديد واااااضح عالاخير .... .
سحر - مح ... محمود .. اني.. اني و الله مادرت شي ...😢
هربت عيونها من عيونه و من نضراته و كملت كلامها .
سحر - . اشتهيت الحلو لي في يده اني
.
" ههههه سحر كملت كلامها ... بوزت شفايفها و الدموع في عيونها من شدة الخوف ... منضرها مستفز لدرجة انه محمود نطق بصوت مغلغل ....
محمود - شني نبهت على 🔞.. اني ؟ ...كيف تبني نتصرف معاك توا ؟ ... مش قتلك 🔞 تبعدي عليه بعد السماء عالارض ؟؟ .. 😡
فوت صبعه الكبير علي شفايفها الحمر بلروج و تكلم
محمود - و شني ... ليش مديرتيه ؟؟ توري في روحك قدامه ؟؟ ... تستفزي فيا سحر ؟؟ 😠
.
سحر - عاد ...عا عادي ... أشتهيته .. 😢
محمود - أشتهيته... أشتهيته كل حاجة و انتي شتهيتها ... حت اني أشتهيت😡
أنتي ملك محمود .. افهميها .. استوعبيها.. و احفضيها .... احفضيها علي خاطر مستحيل نتساهل معاك في الحاجات هدي ... مرتي متاعي ..
. سكت شويه وعضها من فمها بشويه... و كمل نزل لي رقبتهااا حرقهااا منها بي شفايفه لين بدت زرقة .. وكمل كلامه بصوت فيه بحة مش عادية بكل ... تقدري تنسى اسمك .. لكن لكن ممنوووووع تنسي انك ملك لمحمود .. 😠
.
قال الكلمتين و طلع و خلاها مخلوعه ... لدرجة انها حست بلأرض تحركت بيها .... كلام علي كثر ما خوفها على كثر ما فرحها .. ❤
لكن للاسف سحر ماحستش ان في عيون كانت مرشوقة عليها هي و محمود ... شافتهم شن دارو ... و حلفت على قد حرقت قلبها انها بتنتقم من سحر .... عيون على طول ماهو محمود يبوس في سحر حرمت على روحها انها حتى ترمش مجرد ترميش و تضيع ثانية من هالمشهد ... المشهد لي حرقها و حرقها و بكاها ... مشهد خلا نيران الحقد تولع في هالعيون وولع نار الانتقام 🔥🚫
.
اليوم فات بسرعة و العشية جت ..🕧
و البنات كلهم جهزو ارواحهم ماشين للحمام مع العروسة .. كلهم فرحانين ما عدا سحر ... سحر لي وجهه اصفر و مش عارفة شن دير في أثار لي في رقبتها .. هههههه .. وتفنص في محمود لي راقد فوق حجر فاطمه ... ويشوفلها و وميت بضحك ... فاهمها و مش معدل بكل ...😂
.
فاطمه - سحر خيرك ما لميتيش دبشك زي البنات ..
سحر - لا .. لا مانبيش نمشي خالتي فاطمه ..
.
محمود - عمرك شفتي قطوسة تحب لمياء ؟ القطوسة فقط فالحة في سرقت الماكلة هههههه .. 😂
.
فاطمه- 😂😂 - في هدي عندك الحق ولدي هههههه ..
محمود - امي فاطمه ... لجين نبيها تمشي مع البنات ... وصيهم عليها .... و توا اني نروح بيها باش ناخد بوسة الحمام ... 😌
.
فاطمه - ايه تو نبعثها .. و نوصيهم يديرولها نقشه زي حلى ههههه ... والله تفضحنا بنت المطيري و كان ما نديرولهش حنه ... 😂
محمود - مدب ولا فيها حنه اني بنوصل عروستي و اني بنروح بيها ...😍
.
" هههههه 😂... كلمات خلو سحر تولع و نار الغيرة تاكلها من ساسها لي راسها ... ههههه ... هي اصلآ تتوحم على لجين و مودي ههههه..😂. لكن الفرق الوحيد تعشق محمود و وحمها جا عليه .. وكرهت لجين لي تنافس فيها في حبه .. 😂💔
حطت يدها بغل في حزامها .. وضربت رجليها في الارض بقوة ...و تكلمت بصوت رقيق مغلغل .. "
.
سحر - حت اني ماشية للحمام .. 😏
فاطمه تصدمت هههههه تشوفلها و حايرة ... ومحمود دار فيها مش معدل بكل الشي لي خلا سحر تزيد تغلغل ...
سحر - و بندير نقشه من فوق ... 😌
.... هي تتكلم و محمود يشوف في مهيب يمشي باكتافه ... متوجه ناحيتهم و نضرت الخبث في عيونه .. ومركز مع سخر عالاخير و جاي يتبسم ...
.
مهيب - انسة سحر خيرك مش ماشية مع البنات ؟؟ ..
" سحر تبسمت بنصر هههههه ... رجعت شعرها بدلع ورا كتفها ... رمشت وتكلمت بدلع. ..
سحر - اكيد ماشيه مسيو مهيب .. وبندير حت حنه 😌 ...
مهيب تبسم... و عيونه كلها قلوب ...ههههه .. 😍
مهيب - صحة لي أحلا عروسة في العالم ... 😍
.
نياهاها 😈😈.... ومحمود تبسم ...وميت بضحك في داخله .. سكر عين و فتح عين ... يا مييييييمتي .... جماله و رجولته يقطعو القلب ..😍 حك لحيته و هوا عيونه تلمع لمع بي لخبث ههه ... ميل راسه و تكلم ..
.
محمود - مهيب اهو تشوف في الانسه سحر ماشيا تعوم .. شن رايك في ماتش كورة ؟؟ ... 😎
.
" ااااااااعععععع ... ههههههه .... فاطمه سمعت كلمت ماتش كورة قلبها رعش 😂 ههههههه .. تعرفه و تعرف افعاله هههه ...من وهو صغير لما يبي ينتقم من حد يقوله تعال نلعبو ماتش كورة ... و ثم يعلن عليه الحرب نياهاها 😈... لي يكسره و لي كسرله فمه و لي في ضربات خفاف على بطنه و ضهره.. لمهم كل واحد و شن حظه ههههه ... فاطمه من الخوف تكلمت مسكينة ... 😂 "
.
فاطمه - لا لا .. مهيب ولدي .. برا ريح روحك خير ..ليش التعب عالفاضي ؟
لكن مهيب عجبته الفكرة و مش عارف شن يستنا فيه ههههه .. 😂
مهيب - لا لا .. بالعكس ... فكرة حلوة .. نبدل دبشي و نقول لشباب و نجي ... 😌
فاطمه - يا ولدي خود مني و فكك .. 😰
.
"مودي تبسم ..و حط رجل فوق رجل و حط يديه الاثنين تحت راسه لي قاعد فوق حجر فاطمه و تكلم "
محمود - يا بنتي الراجل يبي يلعب ... علاش تقوليله لا ؟ ..
فاطمه عوجت فمها و تمتم بصوت دوب يتسمع ..
فاطمه - يا ناري عليك .. والله ولد زي الورده .. ربي يرحمه 😩 ..
" ههههه😂 محمود سمعها .. شد روحه بالسيييييف على الضحك ... تنطر جي واقف ... عطى نظرا ترعب لسحر .. حقرها و طلع بسرعة بيبدل دبشه ... ههههه في طريق عرضته اخته منى و البنات ماشين للحمام... قرب منها و وشوشها ..🙊
.الشي الغريب في انه منى عيونها تفتحو من كلام محمود هههههه ... 😳😂مش مصدقة لي تسمع فيه .. اكتفت فقط انها تشوفله و مش مصدقة ههههه .. و هوا كالعادة ميت بضحك في داخله ومش مبين .. باسها على جبينها و كمل كلامه ...
محمود - ديري لي قتلك عليه .. ما نبيش ولا اعتراض .... وقولي للحمار راجلك عندنا ماتش كورة توا توا ... 😂
.
وبعد شوية وقت البنات كلهم ومعاهم سحر انطلقو للحمام لي في المنطقة ... حمام صغييييير حلو و تقليدي بأتم معنى الكلمة .... دخلو يعومو و يضحكو و مديرين جو مع بعضهم ..طبعا ما عدا سحر و لجين لي من اول ما خشو اعلنو الحرب على بعضهم ههههه .😂.. و بالاخص بالاخص لما جت المرا لي تنقش في لحنه ....
كل وحدة تبي حنتها تجي احلى😂 و طبعا على خاطر محمود 😍...
..و في الوقت هدا شباب لبسو سبور .. سليم ... مراد .. مختار ... مصطفى ... مهيب و طبعا حبيب الكل مووووودي 😍😍....
اااااااااععععععع ... تشرت نص يد .. سروال نايك أسود و فيه خط ... اسبيدرو نايك أبيض . ... اااااعععععععع ... يجننن ...العضلات مفصلين وبينطقو من تحت تشرت ... رجوولة صاااارخة ... يمشي بشموووووخ تقول أسد داخل للملعب .. 😍
تقول الكابتن ماجد عاد من جديد هههههه ... 😂
يتبسم بخبث و عيونه تلمع بي شر ... تقسمو لي فرقين للعب و طبعا حرص انه هوا و مهيب يكونو في فرقين مختلفين باش يقدر يضرب على راحته ... ههههه 😈😈.... نقصد ياخد الكورة على راحته و ما فيها باس مرة مرة يضرب ههههههه...😂
صفارة الحكم بدت ... و الحكم هي فاطمه هههههههه ...😂. كالعادة .....ايه ايه فطوم .. ما تتصدموووووش هههههه ... 😂
الماتش بدا ... و الكابتن محمود بدا في انتقامه ...
.
وفي الوقت هذا سحر كانت واقفة قدام المراية مصدووووووووومة ... رافعه شعرها لفووووووق و مش مصدقة .😦
.. مش مصدقة لي تشوف فيه في ظهرها ... عيونها مفتوحيت على وسعهم و شفايفها الصغرونين يتبسمو من لي تشوف فيه...
تشوف في خط عربي اصيييييل مكتوب بطريقة تجنن على كامل ضهرها ... حروف مكتوبة بلحنة .. مكتوبين تحت بعضهم على كامل ضهرها .. من تحت رقبتها لي نهاية ضهرها بطول..
م ل ك م ح م و د ا ل م ط ي ر ي
😍❤
منى تضحك وميته بضحك و المرا لي نقشت الكلام حت هيه تضحك .. 😂
ايه .. ايه .. محمود وص منى وشوشها .. وقاللها تكتب على ضهرها ...ملك محمود المطيري .. 😌✌
.
.
#_يتبع
بهاء الحطاب