تألمت ثم عشقت آلامي في حبها >> الحلقه 48
#_منقول
.
.
سحر - ﺧﺎﻳﻔﺔ .. محمود .... ﺧﺎﻳﻔﺔ ﻻ نخسرك .. ﻭﻧﻌﺎﻭﺩ نتعدب ﻣﻦ ﺍﻭﻝ وﺟﺪﻳﺪ ..... ﻋﻼﺵ ﺻﺎﻳﺮ ﻓﻴﺎ هدا كله .... ﻋﻼﺵ ﻓﺮﺣﺘﻲ ﻣﺎﺩﻭﻣﺶ ﻓﻲ ﻛﻞ ﻣﺮﺓ ﻧﺘﺤﻤﻞ نتحمل بعدها ﻧﻔﻴﻖ ﻋﻠﻰ ﻛﺎﺑﻮﺱ ....💔
.
محمود ﺗﻜﺎﻫﺎ ﻋﻠﻰ ﺻﺪﺭه ﻭﻗﻌﺪ ﻳﻠﻌﺒﻠﻬﺎ ﺑﺸﻌﺮﻫﺎ لين رفعها ﺍﻟﻨﻮﻡ ....
.
وبعد ساعة ⏱
جا كشف عليها دكتور وشاف حالتها ..وفاطمه قعدت تنوض فيها باش تاخد دواء ...
.سحر .. تحس في راسها رزين ..وريحة الدوا خنقتها...مقدرتش حتى تفتح عيونها...رفعت يدها حطتها على بطنها تتحسس فيها...تفكرت صغارها ..فتحت عيونها بقوة..شافت قدامها..دكتور وفاطمه ..وخديجة دايرين بيها...نظرتهم ليها عطاتها لمحة خوف..تكلمت بصوت ضعيف موجوع..
.
سحر - صغاري ؟؟!!
دكتور - مدام .. سحر (سكت شوية و كمل) لازم ترتاحي لان ..نبضهم ضعيف ...هلبا ..
سحر - يعني ..!!
دكتور - ماتخفيش اهم شي راحه وخودي دوء هدا في موعده .. ولازم ترقدي ع ضهرك هلبا .. وتحركي بشويه .. والحمدالله ع سلامة ...
فاطمة - شكرإ دكتور تفضل نوصلك .للباب.
.
سحر شافت محمود ...متكي عالحيط..ايديه في جيوبه ..ويشوفلها بحزن ..سحر نزلت دمعة على خدها سخونة تحرق.. .. محمود طلع بسرعة من الغرفة
خديجة لحقاته ..حطت يدها ع كتفه محمود حط يديه ع راسه بلقوة .. وعيونه حمر ..💔
.
خديجة - خليك قوي ولدي. ..
محمود - اني سبب كله مني محفضتش عليها ..
خديجة - قول الحمدالله وهدا لي كتبه ربي ..لازم تستحمل ..
محمود - نشوف فيها تتعدب بسببي ..وصغاري قريب خسرتهم .. 💔
خديجة - الله غالب يابابا ..معلشي ورد بلك عليها نفسيتها تعبانه .. وانت لازم طمنهاا وتحسيها بلقوة ..خش لي مرتك خش ..خليك بحدها .. وانشاءالله كل شي يتحسن ..
.
محمود دخل للغرفة .. سحر لفتت راسها لي جيه تانيه .. محمود قرب منها .. وحط يديه ع يدها ..
محمود - اسف ياروحي اني محميتكش ..💔
سحر - مدخلكش انت ... اني ماحميتش صغاري ..قريب ضاعو مني 💔
محمود - اسس ماتقوليش هكي .. قاعدين هما معانا .. وتو يجو وينورنا بجودهم .. متخفيش معاك اني ..❤
.
.
لوقت فات بسرعة ...🕧
وطول ليل ..سحر غارقة في نوم .. ومحمود غارق فيها ..عيونه متصكرتش ولا لحظة ... حاضنه بكل قوته .. ويتأمل فيها .. وهيه راقدة مرتاحة عالاخير ...
.ليلة كاملة مرقدش....بايت يخمم و يراجع في حساباته ..كل شي جاه مع بعضه ... 💔
.
يوم جديد..شمس جديدة..الطقس صبح احسن من امس...السماء صافية و النسمة باردة هلبا...
.
....محمود ناض .. وقعد يشوف لسحر كيف مستمتعه بي نومه .. مباش يفيقها ويحرمها منها لازم ترتاح .. ركحها ع المخدة وناض .دخلل لحمام غسل وجهه و .فتح باب لغرفة بشويه .. وطلع .. ..
نزل لوطه ..دخلل للكوجينة ..
.
فاطمه - صباح الخير وليدي ..
محمود - صباح نور امي فاطمه ...
فاطمه - كيف حالك اليوم ...
محمود - الحمدالله .. مدب مرتي قدام عيوني الحمدالله ... في احسن حال .. ❤
خديجة - ربي يحفضهلك وليدي وربي يفرحك .
محمود ضحك وعيونه يلمعو .. - فيه قهوء ..
فاطمه - القهوء .. والفطور جاهز كان سحر ناضت .. نزلها تفطر اكيد جعانه بنيتي ... اهو جهزنا لفطور ..
محمود - تمام تو شويه ونوضها صبيلي قهوء.. ..
.خديجة - ولدي قولي .. كيف يصير في تحضيرات العرس .. وقفنا كل شي ...؟؟
محمود - لا .. لي بدينا فيه نكملوه والعرس في الموعد نفسه ..ماتغيرو شي ..وكملو تجهزات العرس في اسرع وقت.. ..
.:
..
سحر فتحت ايديها تتكسل...تحس في روحها مدڨدڨة و اعصابها متوترة ...وعيونها يوجعو فيها من كثر ما شبعت بكى..رفعت ايدها تحك في عيونها تبي تصحصح... لفتت راسها .. ملقتش محمود ستغربت ... ناضت وقفت بشويه ونحت روبها متع النوم.. و مشت بخطوات ثقيلة للدوش ...لازم دير دوش باش تصحصح ...عبت البانيو بالمياء السخونه ودخلت فيه و نست الدنيا و ما فيها.....
محمود كمل قهوته وركب للغرفة دخل و سكر الباب.
...دور عيونه في لغرفة ملقاهاش... قلبه قريب طلع من مكانه من الخوف ...قدم جيهت الدوش..حط ودنه عالباب..سمع حس تڨربيع صغير ...عرفها ادوش...حط ايديه عالباب ..غمض عيونه .. حط يديه ع قلبه ..كانه يهدي في دقاته ... ...قدم جيهت سرير ...قعد عليه...رفع مخدتها يشم في ريحتها...الريحة الي يعشقها...رجعها لمكانها...شاف روب متع النوم متاعها طايحة في لارض...لمعت عيونه و تفكرها .و بعدها فيسع هرب من الافكار الي تملكته لحظتها ...ضحك ووقف فتح الدولب متاعها .. وطلعلها قفطان متع حوش جبده وحطه فوق السرير و قعد بجنبه ..
وحط مرافقه على رجليه و ايديه مشبكة في بعضهم..يستنى فيها تكمل و تطلع...
.
.سحر فتحت عيونها مفجوعة سرقها الوقت و حستش بي روحها.....وقفت و جبدت المنشفه لفت بيها روحها.. ورمت منشفه فوق شعرها وتجفف فيه ..
.
فتحت الباب طلعت و هي مطبسة راسها و تجفف في شعرها....
محمود رفع راسه يشوفلها...لابسة فوطة قصيرة هلبا...قطرات مياء نازلة عالأرض من جسمها...رجليها مفورمين ابهبلو...انوثتها طاغية عليه..و ريحة الجال متع الدوش متاعها سكرته و هو فايق...خذا نفس طويل وهو يشم فيه ....
.
.. سحر رفعت راسها من الخلعة ...طيحت لمنشف لي على راسها ..وحطت ايدها الزوز عالمنشف كابسة عليه خايفته لا اطيح ..واتجهة للدوالب .. و في رمشة عين محمود كان وراها خطفها ما بين ايديه...دور وجهها لوجهه ..
يشوفلها وساكت ضايع فيها....عيونه دارت على كل تفصيل في وجهها...عيونها الي تلمع من الخوف...خدودها الحمر ..وشفايفها الي يرعشو و مع رعشتهم رعش قلبه كأنه ضي سرى في كامل جسمه...حس الدم جمد في عروقه...يتأمل فيها ويحس في روحه قاعد يغرق في بحر ماليشي نهاية
.وجودها قدامه و هي بين ايديه..حير فيها نار الاشتياق... حطت ايديها ع لحيته .. وقربت منه
سحر - محمود معاش تخليني .. نخاف من غيرك ..
محمود - ششش تخافيش صغيرونتي..نوعدك نحميك لاخر نفس في حياتي❤
.سحر..تبسمت تبسيمة تسحر...وغرست راسها في حضنه ...و طربقت بالبكاء...حاوطها بايديه..
.
محمود -اس ما تبكيش...كل شي تم تو .واحني مع بعضنا لاخر نفس
... بعدت عليه رفعت ايدها تتحسس في وجهه..نزلت على شفتها و تكلمت بصوت مخنوق. ..
سحر - محمود
محمود - نعم .
سحر - نحببببببببببك
.. محمود ضحك ..جبدها لحضنه و عصرها بين ايديه باسها من راسها.
محمود -انتي احلى حاجة عشتها في حياتي...(بعدها عليه يشوفلها في عيونها) ..انتي ملكتي احساسي وقلبي وعقلي سحر...ندعي لي ربي ازيدني عمر باش نعوضك عالي فات كله ... ❤
سحر - جعاانه ..😢
محمود - ههههه يا مهبولة.. هدا لي قريب ضيعنا.. هي أنزلي لفطور جاهز ...راك تكليني 😂
.
ضحكت و تكلمت بالشوية
سحر - صغارك هدم جعانين .. مش أني 🙈 .
.
.محمود حط ايديه على بطنها
..محمود . -انا نعشق ونموت في أمهم صغاري. 😍
.سحر عيونها لمعت و الفرحة طيرتها لسابع سماء ..وحضنته بلقووووه ....
.
.
في مكان تاني في مصحة ..🕧
.
مريم فتحت عيونها .. لقت بحدها مختار .. قعدت تلفت في راسها أيمين يسار كاتها دور في حد ..
مختار طلع فيسع كلم للمرضه قاللها راهو فاقت ...
دخلت للمرضه ومعاها ..دكتور ....
دكتور - الحمدالله ع سلامة مدام مريم ..
مريم تشوفله وتشوف لي مختار بستغراب ..
دكتور - طمنيني شن تحسي تو ...
مريم - اني وين شن ندير هني .!!
دكتور - اكيد تأثير ضرب قوي ونسيتي شن صار معاك امس ... اطمني جتك خبطة بسيطه ع راس ..وفقدتي الوعي منها .. والحمدالله ع سلامتك ...
.مريم - شن تقول انت ... محمود وينك محموووود .. ..عمي مختار وين صغاري وين صغاري ... وين محمود .. وين امي خديجة ..خيرهم مش هني .. شن صار معاي امس ... شن يقول هدا ... فهموني ...محمود حبيبي وينك ....
.
مريم ناضت من مكانها واللمرضه ودكتور يشدو فيها ..ودكتور عطاها يبرة ..باش هدت ورجعت رقدت ..ومختار يشوفلهاا ... وقريب يموت من زعله عليهااا ... حس بدنب والقهره .والحسرة وزعل منها .. وخايف عليها ... .. ومش عارف ... شن يدير ... 💔
.
دكتور - سيد مختار ممكن نتكلم معاك على انفراد ..
مختار - تفضل ...
.دكتور - حالة مريم 70% خطيرة .. يعني حالتها نفسية تاعبه هلبا .. ويمكن قاعدة .. في زمن معين عايشة فيه ..ومش قادرة طلعه من راسها توقيت معين .. ويمكن موت صغارها .. وفراق راجلها .. ولي صارلها ..لفتره الاخير ..تعبها اكثر ... و لخبطة لي جتها ع راسها قوية .. يمكن جزاء من دكرتها تمسح .. لازم تقعد تحت المراقبه ..وتتحول ..للقسم لخاص بي حالتها ..
.
مختار يسمع وساكت ..حت السانه رزن ...
مش مصدق .. ان الكلام هدا ينقال ع مريم ..💔
مريم بنت خوه ..لي تعب هلبا في تربيتها وخسر هلبا اشياء باش يسعدها .. تو مريضه وقدام عيونه ومش قادر يديرلها شي.. قاعده تغرق قدام عيونه 💔
.
.
مريم تم تحوليها لي قسم الأمرض نفسية 💔
وصلاح تم القبض عليه بتهمت .. رشوة لي خدها بي مقابل مراقبت سحر .. وبي تهمت انه شارك في عملية اختطاف سحر .. بي مدة 3 سنوات ...🚫
.وزياد جاري البحث عليه ... 🚫
.
.
في مزرعة المطيري 🕧
.
في الكوجينة .. طاولة الفطور ..منصوبة ..بي كل نوع وكل شكل .. وعليها ..فاطمه ..وخديجة .. ومنى ..وبسمة .. وسليم .. ومحمود ..
وسحر لي ..قاعده تاكل ..بكل قوتها .ليها يومين مكلتش ..شافت الماكلة تحولت .. لي أنسانه تانيه😂
تاكل وغطسه كله في الماكلة ... وتركيزها كله ع الطاولة لي قدامها .. ومحمود يشوفلهااا ..
وعيونه غارقات فيها ... 😍 وفي داخله ميت بضحك ..ع طريقة لي تاكل بيها ...
.
سحر - مم يسلم ايديك امي خديجة ..
خديجة - صحه لي بنتي صحه ..
سحر - ممم قد ماناكل نحس في روحي مازل مشبعتش.. 😻
منى - بشويه بشويه ..مرت فيلو لعرس معاش يجي عليك 😂..
سحر وقفت الماكله ..ونزلت راسها ...وبدت تشبك في ايديها ..وتكلمت بصوت كله .. حزن ..💔
سحر - اصلآ خلاص معاش فيه ...فيلو لا حت حاجه ... تم ..تم كل شيي💔
محمود تكلم بصوت رجولي .. - مافي شي تم ..تو كل شي بدي من جديد ..😉
بسمة - تي حت فيلو جبنهولك من عالم ديزني .. زي متع المليكات 😍 ..
سحر - حقه..الفيلو متاعي جاهز ..
منى - غدو يكون هني ..😉
سحر - وو .. 😍
..
و محمود يتامل في حب حياته كيف فرحانه 😻
و تقطع عليه رسال من زياد ... .
ناض من جنبهم و هو متعصب 🔥🔥🔥
.
#_يتبع
بهاء الحطاب