♣️الجزء :1161
فمكان تاني وقف اكرم بطموبيلتو فالشارع فين كاين دار ديال أشرف الضلام والسكات كلشي ناعس
وقف الطموبيل وشاف فيها لقى عينيها حمريين وشادة فيديها ديك البواطة تنهد ماعرفش كيفاش يتصرف معاها ماكرهش تبقى معاه طريق كلها وهو كيحاول يقنعها وااالو راسها قاصح كتتصرف معاه بحال شي حد غرييب عليها مستحيل تقول هادي راه كانت كتبغيه وتتسطى عليه شي نهار شاف فيها لقاها جالسة على اعصابها كتساينو يحل ليها الباب
اكرم :دابا مالكي مخلوعة
كراميلا بخوف : عافاك بغيت ننزل
اكرم بتاسم جنب مازال مامتيق واش هادي شخصية هند الجديدة
اكرم : شوفي انا عارفك ماعاقلاش عليا بغيت غير نقول ليك انا راه كنت اقرب انسان ليك . كنت صديقك المقرب وكنتي عزيزة عليا بزاااف
كراميلا :شكرا بزاااف ليك ولكن انا ماحاسة بواالو انا ماعاقلة على حتى حاجة وماكنعرفكش
اكرم حرك راسو وتنهد : واخا ماشي مشكل بشوية بشوية غادي تتعرفي عليا بقاي دابا مع اشرف ماغاديش نخاف عليك ونتي معاه ولكن بشرط غادي نجي ناخدك لطبيب
كراميلا حركات راسها بواخا باغية غير تتفاك وتنزل دغية
اكرم حل ليها الباب :رضي البال لراسك
كراميلا حركات راسها ونزلات كتجري ودخلات فالشارع لي غادي ويوصلها لدار واكرم بقى واقف عاطيها لعين حتى تدخل
فدار اشرف كان جالس فوق السداري مهبط راسو وسمية جالسة كتبكي وتغوت
سمية : علااااااش خليتيييها لييييهم علاش ماجبتيهاااش معااااك
اشرف :الواليدة هي صافي عرفات راسها شكون
سمية كتبكي وتغوت ولفاتها بزاااف مامتقبلاش غادي تمشي عليها
سمية :واااخا تعرف اصلهااااا ترجع عندنااا صافي كراميلا رجعت وحدة مننا
اشرف تنهد بقهر :الواليدة هادشي كان غادي يطرا طال الزمان ولا قصار مايمكنش تبقى معانا ديما حتى هي عندها حياتها
سمية : ماااشي سووووقي جيب ليا بنتيييي علااااااش خليتيييها ليييييهم
اشرف وقف كيغوت لقى قدامو غير تيليكوموند هزو شعطو حتى تشتت اصلا ربي لي عاالم بيه عيااا صابر
اشرف : شنووووووو غنديييييييير علااااش انا لخااااطرييييييي هو قال غادي تبقى معااااهم مالقيت شنووو ندييييير شكون انا لي نقوووول لاااااا كيفاش غادي نجيييبها بزز
سمية كتشهق : صاافي غير بعد من قدااامي هاد الساااعة علاش خديتيها معاااك ملي ماغاديش ترضها لياااا
اشرف سرط ريقو بصعوووبة وقرب عندها باش يهدنها
اشرف :الواليدة تهدني..
مازال ماكمل كلامو حتى سمع الخبيط ضار كيشوف جيهة الباب وشاف الساعة فيديه
اشرف: الجوج ديال الليل شكون جاي عندنا هاد الساعة
سمية قلبات وجهها جيهة الحيط غضبانة : ماانعرف
اشرف خلاها ومشى نالباب مستغرب حل الباب مع حلو مع تصدم وقلبو ضرب ملي لقاها واقفة والدموع فعينيها كتبكي وكتشوف فيه ببرائة مميلة شنيفاتها بحال شي طفلة
كراميلا : علاش سمحتي فيا تما صافي مابقيتيش بغيتيني نبقى معاكم
اشرف شافها تنهد وهي بقات واقفة كتبكي بحال شي برهوشة
كراميلا: خليتيني بووحدي تما عييت كنساينك تدخل ومادخلتييش خليتيني معاهم وجيتي
اشرف سرط ريقو : لقيتي صديقك المقرب
كراميلا كتبكي تحرك راسها بلا وكتمسح خناينها بيديها بحال شي طفلة : ماكااانعرفووووش خليتيني معاه وانا بقيت نبكي ليه نبكي ليه حتى رضني يااالااااه
اشرف تنهد من قلبو وخرج يديه شدها وجرها بقوة حتى دخلات سد الباب وهزها بسرعة لوا رجليها على خصرو وكالاها مع الحيط وشرك فمو مع فمها اول قبلة كتجمعو معاها
♣️الجزء :1162
عند اكرم وصل نالقصر نزل من طموبيلتو ودخل شاد فيديه السوارت طلع فدروج حتى نالبيت حل الباب بشويييية باش مايفيقهاش ودخل
حل الباب لقى الضو مشعول ستغرب شاف جيهة السرير لقاها متكية لابسة بيجامتها لونها وردي وشعرها مجموع بمقبط شادة رواية فيديها كتقراها ودايرة فعينيها نضاضر كتستعملهم غير وقت القراية
اكرم بتاسم:مازالة فايقة ؟
براءة علات عينيها فيه وبتاسمات وحركات راسها
براءة : هههه مازالة اخويا بقيت قصارة باغية نكمل هاد الرواية
اكرم حرك راسو ودخل لبيت لبس السورفيت ديالو وخرج جلس قبالتها فوق الفوطوي وحط راسو عليه وتنهد
براءة علات عينيها فيه شافت من تحت النضاضر
ورجعت شافت فالرواية
براءة: فين مشيتو
اكرم شاف فيها : انا و شكون
براءة : احم نتا وهند
اكرم تنهد :رضيتها عند اشرف
براءة هزات حاجبها :علاش
اكرم: مابغاتش تبقى هنا واخا وصيت الخدامات يقادو ليها بيتها هي رفضات
براءة :علاش رفضات
اكرم : طبيعي حيت مابقاتش عاقلة عليا
براءة حطات الكتاب وشافت فيه : احم وادا شي نهار عقلات عليك
اكرم :داكشي لي كنتمنى
براءة : ياك هي كتبغيك
اكرم تنهد وهز راسو لفوق : شنو كتخربقي نتي
براءة : زعمة ماتفكرش تاخدها تتزوجها
اكرم هبط راسو مخنزر :اشمن زواج يهديك الله
براءة :ياك عزيزة عليك
اكرم :عزيزة عليا اه ولكن نتزوجها لااا هي الله يسهل عليها ويجيب ليها ولد الناس لي يستاهلها
براءة :بغيت نسولك وماتفهمش هضرتي غلاط
اكرم تقاد فالجلسة : سولي
براءة :واش هند كانت هي اقرب صديقة ليك
اكرم حرك راسو : اه كانت اقرب صديقة ليا
براءة سرطات ريقها ماعاجبهاش الحال : وأنا
اكرم باستغراب:شنو نتي
براءة :ماشي انا كنت اقرب صديقة ليك واسرارك كلهم كانو عندي وكنتي كتقول ليا نتي ختي واقرب وحدة ليا فهاد الدنيا دابا دغية كلشي تبدل وهند خدات ليا بلاصتي قبايلة كنتي غادي تتسطى عليها
اكرم بتاسم :غرتي عليا
براءة تجمعو الدموع فعينيها وحركات راسها بأه :غرت عليك كأخ وكصديق مقرب ، ديما كنت انا صديقتك الصدوقة نخرج انا وياك واسراري نقولهم ليك ودابا كلشي بدا يتبدل رجعت بحال اي فرد من هاد القصر
♣️الجزء :1163
اكرم بتاسم وقرب عندها جلس قدامها وعنقها جنب من كتفها
اكرم : عههه هبيلة واش هادشي علاش كتدمعي دابا
براءة حركات راسها وعينيها كيقطرو بالدموع : واش مابقيتش انا صديقتك المقربة شنو دابا علاقتنا غادي تتبدل وغادي نبعدو على بعضنا وهند لي غادي تبقى اقرب صديقة ليك
اكرم : ههههه واش حمقة نتي ختي وصديقتي واقرب ليا من كلشي نتي عارفة شي حوايج ماعارفاهمش هند وماعارفهم حتى حد نتي اكتر انسانة كنتيق فيها فهاد الدار
براءة كتمسح دموعها : وعلاش علاقتنا مأخرا تبدلات ورجعات باااردة علاش مابقيناش نهضرو عرفتي (نزلات ليها دمعة ) ندمت علاش مشيت عندك لدار دالجبل كلشي بسبابي انا ، حطات يديها على وجهها وبدات كتبكي
اكرم علا راسو لفوق وتنهد بسخط ورجع شاف فيها : صاافي نسااي داكشي مكتاب وها حنا صححناه
براءة شافت فيه والدموع فعينيها : مابغيتش نخصرك بغيتك تبقى خويا واقرب صديق ليا
اكرم عنقها : غادي نبقى ديمااا خوك واقرب واحد ليك و هاد الورقة لي مضنينا ديال الزواج ماغادي تبدل والو
براءة : وممكن فالمستقبل نتطلقو ؟
اكرم تنهد :كلشي ممكن واخا انا ماعنديش مشكل نبقاو مزوجين
براءة : لا كاين مشكل خاصك تعيش حياتك صافي تزجنا وصححنا الخطأ ديالنا اذن صافي فالمستقبل شوف حياتك وعيشها
اكرم هز يديه ولعب ليها فشعرها مبتاسم : كاتفكريلي خاصني نحوي البرهوشة هعهههه
براءة ضحكات ورجعات لطبيعها بحالا لي كانت معاه من قبل
براءة : ههههه ومالك تبقى محروم ضاروري غادي تبغي تخرج هههههه
اكرم شدها من شعرها ونتفها : اش غادي نخرج ينعل ممممك الكلبة مابقيتيش تحشمي
براءة جاتها الهستيرية دالضحك :ههههههههههه وابقى مزوج بيا حتى تلقى داكشي فيك رجع تقييل بحال الرايب
اكرم بغى يشدها ينتفها :اجي لممممك اجيي الكلبة
براءة ناضت كتجري داخلات نالحمام
اكرم بقى مبتاسم اخيرا رجعات كتضحك معاه كيف كانت، هز الرواية كيقرا فيها ،براءة دارت بيبي وغسلات سنانها وخرجات كتطلق شعرها لقاتو متكي فوق الفراش شاد الرواية فيديه حنحنات
براءة : احممم
اكرم شاف فيها : شنو بغيتي اشنيولة
براءة :هههه نوض خليني ننعس
اكرم هز حاجبو :وانا فين غادي ننعس
براءة : نعس فالفوطوي مالك باغي تنعس قدامي
اكرم : مالني غادي ناكلك نعسي قدامي
براءة :لا اويل
اكرم :ياك انا بحال خوك نعسي عادي
براءة حشمات : عافاك ااكرم والله ماغادي ننعس فخاطري غير خليني ونوض نعس فالفوطوي
اكرم تنهد ووقف شاد فيديه روايتها : ممكن تخليها ليا نقراها
براءة بتاسمات وحركات راسها بأه : ممكن اخويا
اكرم بتاسم ليها وهي دازت من حداه باش تنعس بلاصتها حتى جرها وعنقها بقوووة وباسها فراسها
اكرم :غادي تبقاي ديييما أعز صديقة على قلبي للمرة الألف كنعتاااذر على داكشي لي طرا بيننا
براءة تنهدات وهي مبتاسمة : نسااا اخويا نسااا
نعسات فبلاصتها وهو نعس فوق الاريكة دار يديه ورا راسو وحل بيد وحدة الرواية بدا كيقراها ومرة مرة كيعلي راسو ليها حاضيها وهي كتسد عينيها وتحلها حتى خداها النعاس حاطة يديها تحت حنكها
اكرم شافها نعسات ناض من بلاصتو غطاها باسها من راسها
اكرم : سمحيلي اختي
تنهد ورجع لبلاصتو هز الرواية ورجع كيقراها
♣️الجزء :.1164
فجناح فهد كان نااعس حاضن صفاء حل عينيه حاس براسو باغي يدخل نالحمام شعل الفيوزة قدامو وشاف فيها لقاها ناعسة خديوداتها حميمرين مازالة عريانة وشعرها مطلوق بتاسم وباسها من خدها وكمدها مزياان قبل ماينوض عاد مشى نالحمام
قضى حاجتو و خرج من الحمام لابس غير شورط ومن لفوق صدرو عرياان مبودر عضلاتو السداسية مرسومين وكرشو فراكة
هز تيليفونو وشاف المساجات لي واصلين ليه فليل جاوب عليهم علا عينو فصفاء وبتاسم عاجبو الحال يشوفها فبيتو ووسط دارو تمشى جيهة الفراش وعلا الكوفرلي باش يدخل لبلاصتو وهو يخرجو عينيه من البقة ديال الدم لي كيشوف تصدم ورجع كلو كيرجف
حيد الكوفرلي كلو وحل ليها رجليها كيقلبها لقى الدم نازل عرف بلي جاها نزيف بدا كيحركها كيحاول يفيقها
فهد : صفاااء صفاااء حبييبة كتسمعيني
صفاء كانت مغيبة ماحاساش بيه كيحركها عقلو غادي يخرج وهي واالو
فهد :صفااااء شوووفي فياااا حلي عينييييك
ماحلاتش عينيها
فهد كيترعد نقطة ضعفو هي صفاء يموووت هو وماتتقاصلوش صفاء
فهد :شوووفي ماتخلعينيش الله يرضي علييك حلي عينيك
صفاء كيحكرها مرخية بحلا ميتة فهد وقف قلبو غادي يسكت بدى كيضرب راسو مع الحيط كيحمل نفسو المسؤولية
فهد :ااااناااااا ولد القحب/ة ماكااانش علياا نزرب عليييها كان عليا نصببببر بقى كيضرب فراسو وفنفس الوقت ماحاسش براسو
تفكر راها مغيبة وفيها نزيف يمكن فرعها يعني خاصو ياخدها لسبيطار تتخيط لواها فليزار بسرعة وضار خارج وصل لباب دالبيت وتفكر كيفاش غادي ياخدها لسبيطار يعني غادي يشوفوها وغادي يخيطوها لاا لاا مستحيل يخلي شي حد يشوفها
رجع كيجري حطها فوق السرير هاكاك مرخية وضار خارج كيجري عريان لابس غير شورط هبط حتى لتحت وخرج دار على القصر فين كاين فحال برطمة كبيرة فيها الأدوية الضرورية وتما طبيبة دالقصر ساكنة فيها دخل كيغوت بالجهد
فهد :فييييينك هييييييي فيييييقييييي
الطبيبة كانت ناعسة فالبيت سمعاتو ناضت كتجري لابسة بيجامتها وكتجمع شعرها شافتو عريان غير بشورط عينيها خرجو
الطبيبة :احم سي فهد ياك لاباس
فهد :عطيني علبة الاسعافات ضاروري
الطبيبة دخلات كتجري لغرفة الادوية وهو دخل وراها
الطبيبة :شكون اسيدي مريض انا نمشي
فهد :لااا عطيني الابرة دالخياطة معقمة وصيبيها وعطيني الابرة البنج وشي كينة تحبس النزيف
الطبيبة : واش شي حد مضرووب اسيدي انا نمشي
فهد بعصبية : لااااا ارا شنو قلت لييك
الطبيبة مدات ليه بسرعة داكشي لي طلب وهو ضار خارج من الباب تلقى سحر داخلة تجيب لعصام كينة دالألم رجليه ضاراه شافتو تصدمات
سحر :فهههههد مالك
فهد خلاها ومشى بالزربة وهي سمحات فالدوا وتبعاتو كتجري
♣️الجزء :.1165
سحر كتجري وراه لابسة بيجامة وبينوار فوقها وشعرها مطلوق ورا ضهرها
سحر : فههههد فهد اااش طااري
فهد مامديهاش فيها غادي بديك العلبة بالزربة عقلو غير مع صفاء لي خلاها فالبيت كتنزف
سحر مشات كتجري ووقفات فطريقو قبل مايطلع فالدروج
سحر : فاااااهد هضر ماالك شنو طااري
فهد ضور عينو كيشوف واش كاين شي حد وهضر وهو عاض على سنانو
فهد : ق ااااو دييييييي
ضار طالع وسحر غادية وراه : داابا غير فهمني واش طرات شي حاجة قول ليا مال وجهك زرق هااكا
فهد بعصبية : ماطاااري واالو بعديييي مني اسحر سيري ديري اش كنتي كتديري
سحر :ماااغااااداش دابا غادي تهضر ولا والله حتى نغوت ونفيق القصر كلوووو
فهد ماهضرش
سحر وقفات وغوتات بالجهد :عميييييييييييييي
فهد وقف وعض على فمو مغدد مخصر سيفتو : قحبببة
سحر : اااه قح/بة غير هضر
فهد : صفاء
سحر :مااالها
فهد تنهد :جاها نزيييف
سحر ضربات على صدرها :اويييلي فرعتيييها
فهد خلاها وزاد غادي لجناحو وهي تبعاتو كتجري ديما خاشية راسها فمشاكلهم
سحر : واافييييين غادي عيط لعمتي تشوف ماالها
فهد : شفت ماالها خاصها تتخيط واحد الغرزة وتشرب كينة دالنزيف باش يوقف
سحر :واعيط لعمتي تخيط ليها اوييييييلي شنو كتدير نتا داابا
فهد حرك راسو بلا :انا غادي نخيط ليها
سحر خرجو عينيها :اويييييلي مااالك طبييب
فهد ماتنسايش كنت خدام مع البوليس ومع المافيا ومعلم هادشي دالاسعافات وشحال من مرة خيطت لراسي ملي كنت كنتقاص بالسلاح
سحر نتفات شعرها ونطقات بلا ماتشعر :كنتيييي كتخيط صدرك كتافك ماشي كتخيط الطبااابن
فهد بحدة :غاااادي تتجمعي ولا نجمع دييينمممممك راك ضصرتيييي الكلبة
♣️الجزء :1166
سحر :شوووف نتا اااش كتدييييير واش حماقيتيييي
فهد داخل لبيت فبن ناعسة صفاء وسحر تابعاه
فهد :عااارف شنو كندير اسحر وأنا مايمكنش ندير شي حاجة مامتأكدش منها راه فألمانيا مع البوليس تعلمت هادشي من عند طبيب
سحر :غير علاش ماتعيطش لعمتي راها طبيبة دالنسااا
فهد :واااش بغيتيها تسخف ليااا هنااا قدام بنتهاااا وزيدون انا مرتي مايشوفها حد
سحر بقات غير كتشوف : والله حتى نتا مريض
فهد حل الضوار ديال البيت كلو حتى تجهد مزيااان وقرب عند صفاء
سحر بغات تقرب وقفها بصوت
فهد :ماتقربيييييش ولا ضوريييي تقووودي
سحر:امااالك انا مرا بحالي بحالها
فهد بصراخ :غادي تمرضيييني خرجييييي
سحر بقات واقفة متوترة وهو كيلبس ليكات
سحر بخوف :وااش كتعرف تخيط عنداك تشد ليها الفتحة كلها
فهد شاف فيها بنص عين مخنزر
عرا ليها ليزار وحل ليها رجليها بحالا غادي يولدها
سحر قربات جلسات قدام راسها ماكاتشوف واالو من لتحت حيت ملوية فليزار ،جلسات قدامها متوترة وخايفة من هادشي لي غادي يدير عارفاه حمق ولكن ماتوقعاتش هبالو غادي يوصل لهادشي ماقدراتش تصبر
سحر :فهد ياك كتعرف تخيط
فهد كيشوف فالفرج دصفاء مسح ليها الدم بانت ليه جريحة صغيييرة تقريبا نص سانتيم
فهد :امممم
سحر : وااخا ارا تيليفونك
فهد علا راسو فيها :واش مريضة انا دابا فالتيليفون
سحر : واغير عطيييه ليا ماالك
فهد شار ليها بعينيه :راه محطوط قدامك
سحر هزاتو من فوق الكوافوز لقات فيه الكود : شحال الكووود
فهد :ألماس
سحر بتاسمات كتبات الكود وتحل ليها دخلات ليوتوب كتقلب كتبات ( كيفية خياطة المهبل ) طلع ليها واحد الفيديو مرا حالة رجليها بعد الولادة وطبيب كيخيط فيها ودايرين الصوت كيشرحو
سحر قلبات ليه التيليفون :فهد شووف كيف كيخيطو
فهد كان يالاه دك ليها الابرة دالبنج علا راسو فالفيديو لقى طبو_ن دالمرا مشرع ومشرك والطبيب كيخيطو جابت ليه الرضة خصر سيفتو
فهد : هااا العااار غير نوضي تقااااودي من علياااااااا نتي وطبووونك
♣️الجزء :1167
سحر :راه باغية نعاااونك غير شوف كيف كيخيط
فهد :رااااه كنعرف المررررررض كنعرف ماغانديرش شي حاجة مافاهمش فييها
سحر بقات جالسة على اعصابها وهو جبد الابرة كانت قاداتها ليه الطبيبة ومعقمة ؛ عقم مزيااان البلاصة لي غادي يخيط ليها وقرب غادي بشوية غادي يشد الجليدة وهي توقفو سحر
سحر :فاااهد فااااهد العاار خويا كتعرف
فهد :سحر صااافي هنييييناااا
سحر سكتات عاضة على فمها ومزييييرة على فمها شدات فاليد دصفاء وزيراات عليه ومرة مرة كتحل عينيها تشوفها واش تحركات وهي واالو ناعسة
فهد شد ليها لحيمة وشركها من لداخل ومن برا دار ليها جوج غريزات صغاار قد الفتيحة لي كانت مفتوحة تأكد بلي الخياطة مقادة ووقف كيقلع ليكات
سحر :اااش درتي واش خيطتي
فهد : امممم
سحر :واش متأكد عنداك تكون ماخيطتيهاش مزيااان
فهد :ديها فراسك ياك انا لي غادي نحوييه مشرك
سحر :ماكاتحشمش اصاحبي
فهد هز الكينة ديال النزيف ودارها ففم صفاء
فهد :سيري جيبي من عندك واحد ليكوش
سحر هزات حاجبها :كيفاش ليكوش مالني كنبول
فهد داخل لحمام باش يجيب لما سخون يمسح لصفاء
فهد :لاا ماكاتبوليش غير كتنزفي من لتحت واااسيري جيبي داكشي لي كتديريه ملي كتجيك الددددم
سحر ميقات فيه موالفة هي وياه على تخصار الهضرة زاعمين على بعضهم خلاتو ومشات كتجري لبيتها حلات الباب ودخلات لقات عصام فوق السرير عاض على فمو بالألم شافها غزز على فموو
عصام :فيييين كنتي
سحر شهقات كانت نساتو قربات عندو كتجري هزات يديه باستها
سحر :وييلي وييلي نسيتك احياتي دااابا ننزل نجيبليك الدوا
عصام : فين كنتي
سحر دخلات لحمام كتجري جبدات اولويز :غييير سكت ماشي فهد دار واحد المصيبة
عصام تنهد :ونتي مشيتي تحليها ليييه الخيط لبيض
سحر : صبر دقيقة وهانا معاك
خرجات كتجري وخلاتو دخلات لبيت فهد لقاتو كيمسح لصفاء باش يبدل ليها لاحت ليه اولويز وخرجات كتجري
سحر :بسبابك نسيت راجلي فيه الحريق
فهد : هييييي
سحر خارجة كتجري من الجناح جاوباتو بالجهد باش يسمعها :شنوووووو
فهد :شي نهااااار يفرعك عصام هانااا موجوووود ماتحشميييييش
سحر : تفووووو على تريييكة بلاني بيها الله حتى حد مابعقلو
خلاتو ونزلات كتجري تجيب الدوا
♣️الجزء :1168
غدا صباحا بلقيس واقفة فالكوزينة كتعصر الليمون والخدامات كيصايبو الفطور وابرار جالسة قدامهم فالطابلة الكوزينة كتفطر حيت مزروبة ماتقدرش تساينهم عندها امتحان
بلقيس حطات ليها كأس دعصير الليمون كانت عصراتو ليها وجبدات الجبن حطاتو ليها
بلقيس :فطري اماما الله يرضي عليك
ابرار :صافي شبعت والله ماقادرة
بلقيس :لااا فطري مافطرتيش مزياان وعندك امتحان كيفاش غادي تركزي
ابرار :والله حتى كليت
بلقيس :واشربي غير العاصير الله يرضي عليك
ابرار هزات كأس دالعاصير شرباتو كلو ووقفات خارجة وبلقيس خارجة معاها كتوصيها
بلقيس:شوفي اماما ركزي وتبتي هاد الامتحان مهم وبيه غادي يشوفو مستواك واش تقراي هاد العام التاسعة (التالتة اعدادي ) ولا ترجعي لسابعة (الاولى اعدادي )
ابرار: غادي نحاول اصلا حفضت بزااف
بلقيس : راه غير حيت عندنا معارف باش قدرنا نخليوك تدوزي هاد الامتحان ويشوفو مستواك اما نتي كان خاصك تقراي الاولى اعدادي ، ركزي اماما الله يرضي عليك
ابرار :واخا اماما غادي نركز حفضت مزياان وخى المواد العلمية جاوني صعاب
بلقيس :واخا تطلعي ادبية ماشي ضاروووري تكوني علمية المهم تنجحي فهاد الامتحان عندك اربع دساعات فصباح تدوزي فيهم وسيري رتاحي فالكافيطيريا وكولي وغادي ترجعي مع الجوج نالقاعة حتى لربعة عاد غادي تسالي غادي يحرصوك جوج اساتذة ماتتخلعي ماوالو
ابرار :صاافي اماما ماغاديش نتخلع
بلقيس : واش نمشي معاك ؟؟
ابرار :واخا تمشي غادي تبقاي برا ماغاديش تدخلي معايا نالقاعة
بلقيس باستها من جبهتها ودوزات يديها على شعرها بحنان: الله يرضي عليك والله ينجحك تفكري سلمان غادي يكون فخوور بيك ادا لقاك قدرتي تقراي التاسعة وتطلعي لتانوية
ابرار بتاسمات ليها ابتسامة صفرة وتنهدات
بلقيس حلات ليها الباب وركبات ابرار وشدات الباب وضارت كتهضر مع الشيفور
بلقيس :مصطفى نسيت ماخرجت ليها قرعة دالماء خودها ليها من الطريق وختاصر الطريق ماتضورش بزاااف باش ماتدوخش عندها امتحان ومع الربعة دير فبالك ترجع وراها
مصطفى : واخا الالة
ركب فطوموبيل وكسيرا وبلقيس بقات تابعاها بعينيها وكتمتم بفمهم
بلقيس : اللهم سهل الا ماجعلته انت سهلا ، وأنت تجعل الصعب ان شئت سهلا
♣️الجزء :1169
خرجات الطموبيل ورجعات بلقيس لقات الخدامات حطو الفطور وذكرى هبطات كتقاد معاهم حيت فطور العريسات
بلقيس : صباح الخير ذكرى
ذكرى : صباح النووور واخا ماقدرتش نفيق حيت سهرت بزااف
بلقيس :انا راه مانعستش هاد الليلة كلها طار مني النعاس
ذكرى ميقات فيها :علاش مالك نتي العروسة
بلقيس :لا بنتي العروسة
ذكرى خنزرات : مالك لبارح درتي لينا الشوهة واقفين فباب الدري هو كيحوييي وحنا عساسين عليه كنساينوه يتقبهااا الشوووهة الشوووهة مراد ملي رجعت نالبيت دار ليا حاالة سمعني خل وذنيا
بلقيس: راه مارتاحيتش اذكرى قلبي ماطمنيييش راه كان يقدر يفرعها بكارتها صعييبة وبزااف كان ممكن يجيها نزيف ولا تموت كااع
ذكرى: مالو غادي يفرعها نتي هبيلة راه كيحماق عليها مايقدرش يأذيها
بلقيس: لمهم كلشي داز ورتاحينا
ذكرى قربات عندها : ماعرفتش براءة واكرم شنو دارو
بلقيس ميلات شفايفها : زعمة يكون قرب ليها ؟؟
ذكرى : ناعسين فبيت واحد وقدام بعضهم يقدرو بالليل يتقربو من بعضهم
بلقيس: والله ماكرهتهم يتقاربو ويبغيو بعضهم ويبعدو فكرة الطلاق من عقلهم
ذكرى: انا دويت معاهم الطلاق عمرو غادي يكون بغاو يعيشو مع بعضهم ويعطيو فرصة يتحابو مزيان مابغاوش. يبقاو عايشين بحال الخوت
بلقيس تنهدات
بعد نصف ساعة الطبلة تحطات وتجمعو كلهم منغير فهد وصفاء لي ماهبطوش
ذكرى: صفاء وفهد ماغاديش يهبطو
كلهم بقاو ساكتسن مالقاو باش يجاوبو
ليليان : نطلع نفيقهم ؟؟
يوسف شاف فيها بنص عين :نتي كتقلبي تاكلي العصااا تبتي الارض
ليليان : علاش قلت شي حاجة فيها العيب بغيت غير ندير الخير بغيتهم غير يفطرو
يوسف :شووفي فطبسيلك وهنينا باغية تديري الخير ديريه فيا لي غادي تسطيني بهبالك
مراد :ههه يابنتي شحال ماكبرتي عقلك ماكيكبرش قربتي 19 عام ومازالة حمقة
ليليان : والله ماكاندير شي حاجة هو كيضلمني
يوسف : صافي غيير سكتي
ليليان شافت فيه :دابا انا مادايراش عقلي يااك
يوسف : علامن كتضحكي وداك الطيسط لي درتيه فالحلوة
ليليان: مابغيتيش تنساه راه مارضيتش البال
يوسف : على هاكا كنقول ليك هبيلة حيت ماكاترضيش البال
ليليان حركات راسها وبتاسمات بمكر وتمتمات بهمس : امممم ادن نتا لي حكمتي على راسك بغيتي ليليان القديمة مالقيتي غير الموجود ادا ماخليتكش تطلبني وتقول نتي لالة مولاتي ونتي مولات العقل مانتسماش ليليان
♣️الجزء :1170
اكرم قرب عند براءة وهضر فوذنيها : شفتي العنااد لي فيك ها انا صبحت بعنقي معنز شنو فيها ادا كنت نعست قدامك
براءة بتاسمات : واش نت نيتك هاكا غادي تبقى ديما تنعس فوق الفوطوي حتى نطلقو
اكرم : علاش ماننعسش انا فوق الفراش ونتي فوق الفوطوي
براءة بلا ماتحس : وتبغي ولدك يتعذب مسيكيين
اكرم سمع ولدك قبلو خبط بقى كيشوف فيها وبتاسم : لاا مانبغيش ولدي يتعذب ليا انا نتعذب
براءة رضات لبال لشنو قالت حنحنات وهبطات راسها لطبسيلها
ذكرى كانت حاضياهم بتاسمات بانو ليها متفاهمين
ذكرى : براءة نعستي مزيان ابنتي
مراد حنحن :احمم
ذكرى شافت فيه : مالك حتى نتا معايا اش قلت
مراد :نتي وديك الشيطانة فولة وتقسمات فطرو وهنييونا
ليليان قلبات عينيها عارفة الهضرة عليها
مراد :عصام اش درتي فرجليك
عصام : غدا جاي طبيب من فرانسا يشوفها ماقدرتش نسافر أنا
ذكرى : ياكما كتضرك اوليدي
عصام :اممم لبارح عطاتني الصداع
بلقيس :ادا ضراتك راه الدوايات كلهم كاينين فالعيادة دالقصر
سحر :ااه جبتو ليه
عصام تمتم : حتى كنت قريب نهبط برجلي نجبها عاد جيتي
سحر قربات عندو : ياك عاودت ليك المشكل لي طرا ماقصدتش نتعطل عليك
عصام : امممم فينما كانت شي حريرة مدخلة راسك فيها ماعليك حكاااام ؟؟ ، اااخر مرة تتدخلي فشي مشكل ،لي عندو مشكل يحلو راسو مايدخليش مرتي فيه
سحر بتاسمات : خاصك تكون مفتاخر بيا
عصام : مفتاخر بيك ولكن المشاكل مانبغيش نعاود نلقاك تدخلتي فيهم
سحر بتاسمات وتكلمات بهمس : كتخاف عليا ؟؟
عصام مد يديه كيقاو ليها شعرها : علاش عندي منغيرك لي نخاف عليها
سحر بقات ساكتة
عصام : مانعاودش نلقاك دخلتي راسك فشي حاجة غادي تشوفي وجه اااخر خليني ناسي عصام دشحال هادا
سحر عضات على فمها وحركات راسها بواخا كترجع بحال المشيشة قدام عصام شخصيتها تبدلااات بزاااف ،واخا مزالة قوية وفمها خاسر وفوقت الشدة تلقاها قااصحة ولكن قدام عصام ماكتقدرش تنفنق ماشي كتخاف منو لاا رجعت كتحتارمو بزااف
عصام بتاسم وهي كترمش فيه :ماتعاوديش تديري البسالة
سحر حركات راسها بلا : مانعاودش
عصام بتاسم ومد صبعو ضرب ليها نيفها
عصام : المشة
♣️الجزء :1171
كلشي ناض بحالو لشغلو بقات غير ذكرى وبلقيس وليليان فصالون
ذكرى :قريبة الحضاش ومافاقوش
بلقيس :اويلي عنداك تكون بنتي سخفات
ذكرى : ومالك ماتقولي ولدي طرات ليه شي حاجة
ليليان :دابا داك الغول غادي يسخف
ذكرى :بسسسسسم بالله ماشاء الله عليه هو في عار الله
ليليان قلبات عينيها : هاداك كل نهار خاصك تهضري فيه على الله يتعين وينقص شوية من الجعرة ي فيه
بلقيس : دابا غادي تبقاو تتناكرو
ذكرى : وشنو نديرو
بلقيس بتاسمات :نقادو الفطور ونطلعوه ليهم
ذكرى :لي خليتيه لبارح تكمليه ليوم بغيتي تشوهينا تاني
ليليان جلسات : علاش اش درتو لبارح بلا بيا
بلقيس : دابا واش تطلعو معايا الفطور لبنتي ولا نطلع بوحدي
ليليان وقفات :نوضي على بركة الله خاصنا نديرو الصواب مع العرسان
ذكرى حركت راسها بلا حول ووقفات: تبعوني نقادو ليهم فطور وادا سبنا غادي نخليه منو ليكم
دخلو قادو ليهم فطور فصينيات وهزوهم طالعين بيهم حاطين الصينيات فوق راسهم وصلو الجناح ديالهم حلو الباب ودخلو لقاو السكااات
ليليان ضورات عينيها كيبان ليها الورد فالأرض والشمع مطفي
ليليان : شنو هادشي ماتقولوليش فهد دار هادشي
بلقيس :هههه دار ليها ليلة رومانسية
ذكرى : باش ماتبقاوش تقولو ولدي قاصح شوفو الورد لي مليوح
ليليان : وراه ولد الكلب مطرررق دار ليها هادشي باش يطلع معاها القاصح
بلقيس : اااه غواتها مسيكينة رون القصر
ليليان :اويييلي سمعتووها علاش مانوضتونيش نسمع حتى انا
ذكرى خنزرات :اش باغية تسمعي
ليليان :غواتها وهو كيفرعها
ذكرى : نتي غوتي ملي دخل عليك يوسف
ليليان حركات راسها : غضرني الكافر بالله قال ليا غير نتعرفو على الاعضاء ديالنا ملي شفناهم شوية قالك يسلمو على بعضهم بقى غادي بشوية بشوية حتى لقيت راسي متقوبة ولي عطاه الله عطاه بقات فيا الشمتة
ذكرى: مالك تبقى فيك الشمتة ياك راجلك عادي يتقبك
ليليان حركات راسها بلا : مارضييتش نتتقب كان عليا انا نتقبو علاش باش حسن مني هو
بلقيس تنهدات ومشات لباب دالبيت النعاس وبدات كتدق شافوها ذكرى وليليان قربو ووقفو حداها
♣️الجزء :1172
دقو جوج دقات مارض عليهم حتى حد عاودو دقو واالو
بلقيس :مالهم هاادو
ليليان :عنداك يكونو سخفو فالحمام
هزات يديها كتخبط بالجهد : خوووووياااا فهههههد جااااوبنا تخلعنا علييييك
ذكرى نذبات حنكها :اويييليي على تخلعتي عليييه
ليليان بتاسمات ببلاهة : ههه باش ملي يحل الباب مايسبنيش
بلقيس هزات يديها كتدق تاني بالجهد
وسط البيت لي كان مضلم قبل ماينعس فهد هبط الريدوات وضلمو
حل عينيه على صوت الباب وتوشويش براا هز يديه حك عينيه وضار شعل الفيوزة كيشوف فالساعة لقاها الحضاش تنهد وقلب عينيه على المشيشة لي محشية فصدرو ومكمشة لابسة بيجامة سخونة لونها موف لبسها ليها بلليل وشعرها مطلووق خدودها حمرييين فهد هز حاجبو ملي شاف خدودها وبسرعة مد يديه قاصهم غير لقى حرارتها عادية تنهد براحة
قربها ليه بشوية باسها ففمها لي مدلياه وبتاسم
سمع صوت الدقان خنزر ووقف لابس غير شورط حتى لركبة لونو اسود صدرو مبومبي وشعرو مخربق
وقف كيتنهد بعصبية من هاد الدقان وتوجه نالباب حلو بالجهد لقى ليليان مادا يديها باش تدق غير شافتو بتاسمات ببلاهة
ليليان :خويا صبحتي مزياان ماكيضرك والو
فهد هز حاجبو
ليليان : احم زعمة صحتك مزياانة يااك تخلعنا عليك عليها جينا نتطمنو
ذكرى قرصاتها زوكات
ليليان : اعععععععع
ذكرى : صباح الخير ولدي
فهد مخنزر : مالكم تاني علاش طالعين
بلقيس :طلعنا غير الفطور دالعروسة
فهد : العروسة ناعسة حطوه فصالون برا حتى تفيق وتفطر بيه
ذكرى :وابغينا نشوفوها زعمة
من لداخل تسمع الصوت دصفاء بحال المشيشة
صفاء : اننننننن
بلقيس : هااااهي فاقت ندخلو نشوفوها
فهد خنزر وعض على فمو : ساينوها فالصالون حتى تخرج عندكم دخل وشعط الباب
ليليان :هادا مااالو محنطز علينا بحالا بوحدو تزوج
ذكرى خنزرات فبلقيس :هادشي لي بغيتي انا عارفة ولدي ماكيبغيش لي يفرع ليه راسو
ليليان :علااا مالو شنو كيحساب ليه راسو فملك الله بوحدو راجل ولا بوحدو عندو الزنطيط فهاد الدنيا ، راجلي تبارك الله عندو فيه خمسين سانتيم ومامتكبرش هاكا
غادين لصالون لي فالجناح باش يجلسو يساينو صفاء
ذكرى :سيري سيري خمسين سانتيم مالو ز*ب البغل
ليليان :ا والله حتى كبيييير كيدخلو كنحس بيه غادي يتقب ليا كرشي ويخرج منها الفححححووولة الفحححححوووووولة
♣️الجزء :1173
اما هادا لي حاس براسو تلقاه ماعندوش تجبدو بفنيتة ومايتجبدش غير سيري قلبي بنتك اخالتي غادي تلقايها مازالة عزبة
حطو الصينيات فالطبلة وجلسو فالصالون التقليدي مصيب بالذهبي وتيغكوا
بلقيس : احياااني اشمن فنيتة الغوات لي غوتات لبارح يعطيك الخباار
وسط البيت
سد فهد الباب وضار متوجه عندها مبتاسم وهي كترمش فيه عينيها كيبريو بالدموع قرب عندها اول حاجة دار قلع ليزار وهبط ليها السروال صفاء حلات عينيها بصدمة ملي شافتو شنو دار
هلط الكيلوط بشوية لقى النزيف توقف اصلا ليلة كلها كل مرة كيطل خايف يرجع
مالقاش النزيف تنهد براحة وطلع ليها الكيلوط وسروال
فهد :صباح الخير الالة العروساات
صفاء ميلات شنيفاتها ببكاء وقلبات عينيها لجهة تانية
فهد هز حاجبو وقرب شد ليها وجهها حتى ضارت شافت فيه
فهد : ماالكي ؟؟
صفاء الدموع تجمعو فعينيها : شوف نتا شنو درتي
فهد :اشنوو درت
صفاء دموعها لي كانت حابساهم تسرسبو وبدات كتبكي من القهرة لي حاسة بيها
صفاء :ضحكتي عليااا قلتي ليا نوضي لبسي عليك ماغاديش نقرب ليك وغير نضت قريتي ليااا
فهد شاد الضحكة بزز :وهانتي رتاحيتي
صفاء كتشهق وجيهها حمممر وصوتها كيقطع فالقلب :مارتاحيتش باقي كيضرني التوتو دياالي
فهد هز حاجبو وعض على فمو شاد الضحكة :شنو كيضرك شنو سميتو هاداك ديالك
صفاء تلوناات وجهها رجع حمر وزرق وبسرعة هربات عينيها
فهد شاف وجهها قهقه وهزها باش يحطها على رجلو غير هزها زوكاات
صفاء : اعععععععععع ااااي ااااي
فهد حطها على رجلو :شوووو صاافي
صفاء بدات كتبكي : اااايييييي كيضرني بزااااف حرام عليك قلتي ليا ماغاديش تقصحني وكذبتي عليااأ
فهد طريقة هضرتها وشهيقتها حمقاااتو ماكرهش ياكلها دايرة بحال شي بيبي صغييور ضربتيه وجيتي حزرتيه
لوا يده على ضهرها كيطبطب عليها
فهد : هانتي رتاحيتي وحيدتيها عليك كنتي غادي تتقصحي غادي تتقصحي حيت كنتي بنيتة وبكرتك صعيبة اللهم زربت عليك باش المرة الجاية ماتتقصحيش غادي يكون الطريق مسرحة
صفاء كتبكي وتحرك راسها بلا : لااا ماغاديش نخليك تعاود تقيصني صاافي هادي اخر مرة
فهد قهقه على هضرتها ووقف وهزها حتى غوتات تاني
صفاء : ااااي
فهد :هههه قالت ليك ماتعاودش تقصيني واش حتى شوفت هاد الخير كلو ومانقيصكش كتقلبي تخليني نغتاااصبك
صفاء قلبات عينيها بزعل وهو دخل بيها نالحمام يدوش نالمشيشة ديالو مخلي هادوك فصالون مامسوقش ليهم يساسنو ادا مابغاوش ينزلو
♣️الجزء :1174
دخل نالحمام بغى يوقفها على رجليها ماقدراتش غير كتهرنن ليه بقى هاكاك شادها بحال شي طفلة صغيرة حل الماء غير بيد وحدة كيعمر البانيو لي كان شكلو دائري ودار فيه الدوا شراه خصيصا ديال الجرح كيتخلط مع الماء كبو كلو فيه
خلاه يعمر وجلس فواحد الجليسة مصيبة بالمارمو وهي فوق رجليه وبدأ كيقلع ليها البيجامة
صفاء غير شافتو شنو كيدير شدات ليه يديه فهد شاف فيها وخنزر
فهد: مااالناااا
صفاء شافت تخنزيرتو خافت: خليني انا ندوش
فهد : نتيييي قادرة حتى توقفي على رجليك بقى ليك غير تدوشي
صفاء هبطات راسها بزعل وهو قلع ليها البيجامة كلها بقى غير الكيلوط بغى يهبطو وهي تشد ليه يديه مانعاه
فهد شاف فيها قارن حاجبو : صفاااااااء راه راجلك انا وهادشي لي كتخبيه راااني شفتوووو ولحستوو كااااع
صفاء سمعاتو خدودها حمارو
فهد: تقااادي معايا اله يرضي عليك ماباغيش نقلقك
هبط ليها الكيلوط وهبط الشورط ديالو بقى غير بالبوكسور وهزها دخل لبانيو ودخلها منعسها فوق منو لحمها الرطيطب على لحمو حطات راسها فعنقو وبدات كتأن بألم حيت الدوا كيضرها
صفاء : ااييييييي انننننننن
فهد هبط راسو ليها :كيضرك بزااف
صفاء حركات راسها مانعة البكية :اننننننن
فهد تنهد وهبط يديه قاص توتو ديالها غير قاصها قفزات
صفاء:اايييييي
فهد بقى كيدوز يديه بشوية على جناب توتو بلا مايقيص ليها الخياطة
فهد: شوووووو ماتخافيش احبيبة مانقصحكش
صفاء بقات كتقفز حتى مابقاتش حاسة بالألم وعينيها بداو يتغمضو غادي تنعس تاني
فهد هبط عينيه ليها : فيك النعاس
صفاء : اننننن
فهد: ماتقدريش تخرجي نقول لماماك تنزل
صفاء حلات عينيها بالزربة : ماما هنااا؟
فهد هز يديه حيد ليها الشعر على وجهها :اممم هي والواليدة
صفاء : بغيت نشوفهم
فهد حرك لسانو وسط فمو ماكرهش كون كانت قالت ليه بغيت ننعس ويرجع ينعسها فحضنو
حرك راسو ووقف خداها لرشاشة وقفها بزز وشاد فيها هي ماقادراش توقف دوش ليها بالزربة ولواها فالبينوار وخرجها حطها فوق الفراش
دخل جاب ليها بيجامة لونها وردي فحال لون خدودها ومعاها الدوا الحمر
تكاها وحل ليها البينوار وعلا ليها رجليها حتى حلهم وهي غير مصدومة تمتمات بخوف
صفاء: ش شنو كتدير
فهد : غادي ندير ليك الدوا ماتخافيش
#يتبع..