++++
medyo natagalan ang ud.. na empty ksi mind ni author eto pang bawe ko..
Enjoy reading guyz!!!!
++++
Mahirap Gumawa ng Tula
I
Nakahiga ako sa aking higaan
Na may unan sa aking ulunan
Pilit pinupunan ang tigang kong isipan
Ng mga ideyang magpupuno sa aking tulang nasimulan
II
Bawat linya ng tula
Kailangan ng sipag at t'yaga
Kahit walang sukat basta may tugma
Para makabuo ng isang magandang katha.
III
Forever yata'y papatunayan nito
Dahil di matatapos-tapos ang tulang ito
Ewan ko ba kung bakit nagkaganito
Ideya'y nagkalabo-labo hanggang sa makatulog na ako.
IV
Nang magising ay umaga na
Nakatulugan na itong aking gawa
Tila nag-iisip kung itutuloy pa
Ito aking nasimulan man ding tula.
V
Napag-isip-isip na ituloy ang nasimulan
Tapusin na ito hanggang katapusan
Ang likhang maipagmamalaki ko sa sinuman
Dahil ilan lang sa atin ang may ganitong kakayahan.
VI
Mahirap man gumawa ng tula
Sulit naman kasi tapos na itong aking katha
Para itong pangarap na aking nakamtan
Na kasing ningning ng bituin sa kalangitan.