(22.1)
လမ်း တစ်လျောက်မှာ စုယွမ် က ဘာ အန္တရယ် မှ ကြုံမတွေ့ ခဲ့ရ ပါပေ။
စုယွမ် ရဲ့ မှော်စွမ်းအား တွေက ရုတ်တရက်ကြီး ကောင်းမွန်လာပြီး ပေါက်ကွဲ ထွက်လာ လို့တော့ ဘယ်သူကမှ သူ့နား မကပ် ရဲတာမျိုး လုံးဝ မဟုတ်ပါပေ။ စုယွမ်က သေရမှာ ကို ကြောက်တဲ့ အတွက်ကြောင့် သူ့ကိုယ်သူ သူတောင်းစား လို ဟန်ဆောင်ခဲ့ လေတယ်။ ဘယ်သူ ကမှ သူ့ကို စိတ်မဝင် စားတာ ကြောင့် သူက ငွေရောင်မြွေကလန် ဆီကို လုံခြုံစွာနဲ့ သွားနိုင်ခဲ့တာ ပဲဖြစ်လေတယ်။
ငွေရောင်ရေခဲ မြွေကလန် က မြွေဘုရင်ရဲ့ အာဏာ အောက်မှာ ရှိတာ ဖြစ်တဲ့ အတွက်ကြောင့် သူ့ရဲ့ ဂုဏ်သတင်း တစ်ခုလုံးက ငွေရောင်မြွေ ကလန် တစ်ခု လုံးမှာ ပျံ့နှံ့ နေခဲ့လေတယ်။
ဒါပေမယ့် မြွေမျိုးနွယ် တွေအကုန်လုံးက ရွယ်ပင်း ( ရေခဲမြွေ) ကလန် မှာ ရှိကြတာ မျိုး မဟုတ်ပေမယ့် ရွယ်ပင်း ကလန် ရဲ့ အတွင်းပိုင်း ဧရိယာ မှာတော့ အင်အားကြီး မြွေမျိုးနွယ်စု တွေ ရှိလေတယ်။
ပြီးတော့ အနီးနားမှာလဲ မျိုးစပ် မျိုးနွယ်တွေ၊ လူသား မျိုးနွယ်တွေ ၊ မကောင်းဆိုးဝါး မျိုးနွယ်တွေနဲ့ စိတ်ဝိဉာဏ် အကောင် မျိုးနွယ်တွေ တည်ရှိလေတယ်။
မြွေဘုရင် ရဲ့ အာဏာ စက် အောက်မှာ ရွယ်ပင်း ကလန် က ရှိတဲ့ အတွက်ကြောင့် ဘယ်သူကမှ ပြဿနာ မရှာရဲပဲနဲ့ စည်းမျဉ်း တွေနဲ့ အမိန့်တွေက အတိအကျ လိုက်နာ ကြရလေတယ်။
စုယွမ် က အဝါရောင် သန်းနေတဲ့ အဝတ်စုတ် တွေ ဝတ်ထားပြီးတော့ ရွယ်ပင်း ကလန် ရှိရာ ဝင်ပေါက် လမ်းကို ရောက်လာပြီ ပဲ ဖြစ်လေတယ်။
လမ်းမ ပေါ်မှာ သက်ဝင် လှုပ်ရှားစွာ နဲ့ သွားလာနေကြ တဲ့ သူ ကို လမ်းဘေး နှစ်ဖက် နဲ့ အပြည့် တွေ့နိုင် ပြီးတော့ မျိုးနွယ်စု များစွာက အတူ တကွ ငြိမ်းချမ်းစွာ ယှဥ်တွဲ သွားလာ ကြပြီးတော့ သူ့လို လူကို ဘယ်သူ ကမှလည်း ကြည့်မလာ သလို အနိုင်ကျင့် ရန်ဖြစ်ချင် နေတဲ့ သူတွေ ကိုလည်း သူမတွေ့ခဲ့ ပါပေ။
စုယွမ် က လမ်းပေါ်မှာ သွားလာရင်း နဲ့ ရွယ်ပင်း ကလန်ထဲ ကို ဘယ်လို ဝင်ရမလဲ ဆိုတာ ကိုတွေးတော နေခဲ့လေတယ်။
သူ့အတွက်တော့ ဒီလိုမျိုး နေရာကို လျှို့ဝှက်စွာ နဲ့ သွားလာ ပြီ ချောင်းကြည့် တိုက်ခိုက်ဖို့ ဆိုတာ က လုံးဝ ကို မဖြစ်နိုင် ပါပေ။ တကယ်လို့ တံခါး ကနေ ဝင်ခွင့် မရပဲ ဝင်ခဲ့ရင် သူ့ကို မကောင်းတဲ့ လူအဖြစ် ဖမ်းဆီး လိုက်မှာကို စုယွမ် ကြောက်နေမိလေတယ်။
နောက်တော့ တစ်ခြားအကြောင်း အရာတွေ ကိုပါ ရောပြီးတော့ သူတွေးလာခဲ့တယ်။ သူ သေချာ စဥ်းစား ပြီတဲ့နောက် သူက ကောင်းကောင်း ချက်ပြုတ် တက်တယ် ဒါမှမဟုတ် သူက အဲ့ထဲကို စာဖိုမှုး တစ်ယောက် အဖြစ်နဲ့ ရောပြီး ဝင်သွားလို့ ရနိုင် မလား ဆိုတဲ့ အကြံ ရလာတယ်။
စုယွမ် က မြို့ထဲမှာ ရှိတဲ့ ရွယ်ပင်းကလန် ရုံးခွဲ ရှိရာ ဆီကို သွားလိုက် ပြီးတော့ အထဲကို ဝင်နိုင်ဖို့ ရာ အတွက် အခွင့်အရေး လိုအပ်ချက်တွေ များ ရှိသလား ဆိုတာ ကို သွားကြည့် လိုက်လေတယ်။
သူလည်း အဲ့နေရာ ကို ရောက်တဲ့ အချိန် နံရံမှာ ကြော်ငြာစာ တစ်စောင် ကပ်ထားတာ ကို စုယွမ် တွေ့လိုက် ရတယ်။ ပြီးတော့ လူတွေ အများကြီး ကလည်း အဲ့နားကို စုရုံးပြီးတော့ ကြည့်နေ ကြလေတယ်။
စုယွမ် ကလည်း အရှေ့ကို တိုးပြီးတော့ ကြည့်ချင် ပေမယ့် သူ့ရှေ့ မှာလည်း လူတွေက အများကြီး တိုးကြိတ် နေကြလေတယ်။ သူ့ရဲ့ မြင်ကွင်း က အပိတ် ခံထား ရပြီးတော့ အဲ့စာ ကို သူ ကောင်းကောင်း မမြင် နိုင်ပါချေ။
လူအုပ်ကြားထဲ ဝင်တိုးဖို့ ကတော့ သူတကယ် ပဲ မလုပ် ရဲပါပေ။ သူ့အရှေ့မှာ ရပ်နေတဲ့ သူတွေကို သူ ကြည့်လိုက်တဲ့အခါ အဲ့ထဲက လူတွေက တစ်ချို့မှာ ခြင်္သေ့ ဦးခေါင်း ရှိကြပြီးတော့ တစ်ချို့က ကင်းမြှီးကောက် အမြီး ရှိတဲ့ မျိုးကွဲ မကောင်း ဆိုးဝါး တစ်ချို့ ပါ ပါနေ ခဲ့တယ်လေ။
စုယွမ် က ဘေးနားလေး မှာပဲ အသာလေး ရပ်စောင့် နေပြီးတော့ လူအုပ်ကြီး တက်ကြွစွာ ကြည့်ပြီး သွားမယ့် အချိန်ကို စောင့်နေခဲ့တယ်။ လူရှင်းမှပဲ သူက ဆက်ကြည့် တော့မှာ ဖြစ်လေတယ်။
သူက အဲ့တာကို မကြည့်နိုင်သေးပေမယ့် သူ့ရဲ့ နားကတော့ ကြားနေ ရဆဲ ပဲလေ။
'' ဆိုတော့ အလှည့်အပြောင်းကြီး က မြွေဘုရင် ယူခဲ့ တဲ့ လူဟာ စုမိသားစု ရဲ့ ပါရမီရှင်အမျိုး သမီး စုချင်းရှု မဟုတ်ပဲနဲ့ စုယွမ် ဆိုတဲ့ အမျိုးသား ကို ကိုယ်လုပ်တော် အဖြစ် ယူခဲ့ ရတာပေါ့လေ။ ဘယ်လိုတောင် အမှိုက်ကို ကောက်မိ ခဲ့တာ လဲ''
'' ပြောကြတာ တော့ စုယွမ် က မြွေဘုရင် ကို ကြိုက်သွား ပြီးတော့ သူ့ရဲ့ အဖေတူ အမေကွဲ အမ ဆီကနေ လုယူ ခဲ့တာတဲ့''
'' အဲ့ကောင် က တကယ့်ကို အမှိုက်ဖြစ်ပေမယ့် မြွေဘုရင်ကို တကယ်ကြီး ချိတ်နိုင် သွားပြီးတော့ သူ့ကို ဘယ်တော့မှ မမေ့နိုင်အောင် လုပ်ထားတာ ပဲကွ ။ မြွေဘုရင် က နတ်ဘုရား တစ်ဝက်တောင်မှာ ဒဏ်ရာ အပြင်းအထန် ရခဲ့ပေမယ့် သူက စုယွမ်ကို သတိ ရနေဆဲ ပဲတဲ့ကွ။ ပြီးတော့ အဲ့တောင်ကိုလည်း မြွေဘုရင် က သူ့ကို ခေါ်သွား ပေးခဲ့တာ တဲ့။ မြွေဘုရင်လဲ ဒဏ်ရာ ရရော အဲ့ ကိုယ်လုပ်တော် ကောင်က သူ့ဘာသူ ထွက်ပြေး သွားတာတဲ့ဗျာ ''
'' ရေခဲငွေရောင် မြွေ ကလန် ကို ကြီးမြတ်တဲ့ ကာကွယ်သူ စီးထူယန် ကပဲ အခုတော့ စောင့်ရှောက် ပေးနေရတာလေ။ မြွေဘုရင် ကြီး ပြန်ပြီး အနည်းငယ် သက်သာ လာစေဖို့ အတွက် သူက စုယွမ် ကို ရှာဖို့ရာ အတွက် အသိပေးစာ ထုတ်ထား ရတယ်လေ။ ပြီးတော့ အဲ့စုယွမ် ကိုရှာတွေ့ရင် ဆုငွေလည်း ချီးမြှင့်မှာတဲ့ကွ ''
.......
စီးထူယန် က အဲ့လို လူစားမျိုး မဟုတ်ဘူး ဆိုတာ ကို စုယွမ် သိတယ်။ အဲ့ကောင် က ဟဲလျန်ချန်း ကိုတောင် စောစော သေစေချင်နေပြီးတော့ ဘဝကို ယူဖို့တောင် မစောင့်နိုင် ဖြစ်နေမှာ ကိုပဲ သူကြောက် မိလေတယ်။
ဖြစ်နိုင်တာ က အခုချိန်မှာ စီးထူယန် က ရွှီးဟယ်ရဲ့ လွှမ်းမိုးခြင်း ကို ခံလိုက် ရပြီးတော့ အမှန်တရား ဘက်တော်သား လမ်းစဥ်ကို လိုက်ချင် နေတာ များလား။
မြွေမကောင်းဆိုးဝါး က အခုလောက်ဆို အိမ်ထဲမှာ အကျယ်ချုပ်တောင် အဖမ်းခံ ထားရလောက်ပြီလေ။
သူက အဲ့မြွေကို သေချာပေါက် ကယ်တင် ရမယ်။ အဲ့လိုလုပ်တာ ကလည်း အဲ့မြွေမကောင်း ဆိုးဝါးအတွက် သူလုပ်တာ မဟုတ်ဘူး ။ သူ့ဘဝ ဆက်ပြီး အသက်ရှင်ဖို့ ရာ အတွက် ပဲ လုပ်တာ ဖြစ်လေတယ်။
သူ့ဆီမှာ သူအိမ်ပြန်လာဖို့ ကို စောင့်နေတဲ့ ကလေးလေး နှစ်ယောက် ရှိနေ သေးတယ်။
သူက ဘယ်လိုလုပ် ဒီလောက် လှပပြီး ချစ်စရာ ကောင်းတဲ့ သမီးလေး ရှောင်ယွဲ့ကို နာကျင်စေ ရက်မှာတဲ့လဲ။
ပြီးတော့ အဲ့မှာ ရုပ်ဆိုးပြီး တုံးအ လှတဲ့ ရှောင်ဟွေးလေး လည်း ရှိနေသေးတယ်။ သူသာ သူ့ကို စောင့်မကြည့် နေရင် အဲ့ကလေး က သူ့တစ်ဘဝ လုံး ဖရိုဖရဲနဲ့ ကြီးပျင်း လာမှာကို သူစိတ်ပူ မိလေတယ်။
အခုချိန်မှာတော့ သူဟာ မူလ က အစီအစဉ် ချထား သလိုမျိုး ထမင်းချက်တွေနဲ့ ပဲ ရောဝင် ရမလား တစ်ခုခု နဲ့ ဝင်ရမလား ဆိုတာ ကို တွေးပြီးတော့ အခုနောက်ထပ် တိုးလာတာ ကတော့ လူကိုယ်တိုင်ပဲ လူလုံး ထွက်ပြ ပြီးတော့ အထဲကို ဝင်လိုက် ရမလား ဆိုတဲ့ ရွေးချယ်မှု ကြားကို ရောက်နေ လေတယ်။
စုယွမ် က အခုချိန်ထိ ဆုံးဖြတ်ချက် မခိ ရသေးပါပေ။ ပြီးတော့ သူ့ရဲ့ ပတ်ဝန်းကျင် ဧရိယာ က ရုတ်တရက် ပဲ ဗလာ ဖြစ်သွားတာ ကို တွေ့ခဲ့ ရလေတယ်။
စုယွမ် က အံ့သြစွာနဲ့ ကြည့်လိုက်တဲ့ အခါမှာတော့ လူတိုင်း က သူနဲ့ တစ်မီတာ အကွာအဝေးမှာ ရပ်နေပြီးတော့ သူ့ကို ဝိုင်းရံကာ နွေးထွေးတဲ့ မီးတောက်လေး တစ်ခုလို ဝိုင်းကြည့် နေတာကို တွေ့လိုက်ရတယ်။
စုယွမ်: '' ...... ''
သူက ကြည့်လိုက်တဲ့ အခါ ဘယ်သူ ကမှ သူ့ရဲ့အရှေ့မှာ အသိပေးစာ ကို မပိတ်ထား တော့ပါပေ။ ပြီးတော့ အဲ့ဒီမှာ ကြီးမားတဲ့ ရေအိုင်ကြီးက မြင်ကွင်းကို ပြသ နေတာ ကိုတွေ့လိုက် ရတယ် ။ ပြီးတော့ အဲ့ပြသ နေတာက စုယွမ် တစ်ယောက် အမျိုးသား လို ဝတ်စား ထားတဲ့ ပုံပါပဲ။
စုယွမ် က ရေကြေးမုံထဲက လူကို ကြည့်လိုက် သူ့ကိုယ်သူ ကြည့်လိုက် လုပ်နေခဲ့တယ်။
ဟုတ်တယ်။
သူက အဝတ်အစား တွေကိုသာ အတော်လေး ကို နှိမ့်ချ ထားတာ ဖြစ်ပေမယ့် သူ့ရဲ့ ရုပ်သွင် ကိုတော့ လုံးဝ မပြောင်းခဲ့ ပါပေ။ အခုချိန်မှာတော့ ဒီနေရာမှာ အခုလို ရှာတွေ့သွား ခဲ့ရတာပေါ့လေ။
ကောင်းပြီ၊ ကောင်းပြီ။
အခုချိန်မှာတော့ ဒီနေရာမှာ သူရွေးချယ်စရာ မလိုတော့ဘူး ပေါ့။ သူ ဘာမှ ရုန်းကန် နေစရာ မလိုတော့ဘူး ပေါ့လေ။
သူက ထောင်ချောက်ထဲ ကျသွားခဲ့ပြီလို့။
........................
တင်းဂွေနေ့ က မတင်ပေး လိုက်ရလို့ပါ