🍒الفصل الرابع: كن لي أبا
♣️الجزء :1030
مازال ماكمل كلامو حتى شهقو كلهم ووقفو مصدومين وتوجهو نلباب كيجريو
ذكرى : عصااااااام ولدييييييييي
فالباب كان داخل عصام متكي على ولاوي يديه على كتف سحر . الحادتة كانت قوية والطموبيل ماوقفات حتى دخلات فالصور ديال واحد الفيلة
الضرر دالحادتة خلا المقدمة دالطموبيل كلها معجنة والزاج تهرس ودخل حتى لوسط الطموبيل
عصام كان ناعس فوق سحر ومغطي جسمها بجسمو قدر يحميها وماتتقاصش و الضربة كلها خداها هو رجلو تقصحات حيت كانت داخلة فمقدمة وماقدر يخرجها غير بزز وضهرو كلو تجرح بسباب الزاج لي تهرس
العائلة ملي شافوهم كلهم وقفو وتوجهو عندهم كيجريو
ذكرى :ولديييي ولدييي مااالك
فهد : سححححر شنو طااري
سحر :تهدنو تهدنو الحمد لله ماطرا والو
مراد :كيفااش ماطرا والو وهو بهاد الحالة
يوسف : واش درتو كسيدة ولا
سحر حركات راسها بأه شادة فعصام خايفاه يطيح
يوسف وفهد مشاو شدوه من عندها ودخلوه جلسوه فوق الفوطوي . جلسات قدامو ذكرى لي غادي تمووت بالخوف
ذكرى : ولديييي ولديييي مالك شنو كيضرك
عصام مخصر سيفتو حيت ركبتو عطياه الحريق وضهرو كيوزوز عليه
عصام: ماتخافووش انا بيخير غير حادتة صغيرة
بلقيس قربات عندو دغيا : شنو لي كيضرك فين عندك الحريق
عصام : والو والو مافيا والو
سحر جلسات قدامو وشدات ليه فيديه : لا كتضرو ركبتو شوفيها ليه وضهرو راه مجروح
عصام شاف فيها وبتاسم
بلقيس تحنات على ركابيها وهزات ليه السروال حتى لركبة بانت ليها عادية مافيها والو
بلقيس : واش كتقدر تحركها عادي
عصام : اممم قدرت نتمشى عليها غير ضراتني
بلقيس : ادن مامهرسش غير مقصح انا نجيب ليك واحد المهدئ
وقفات كتجري مشات جابت ليه كينات دالألم ورجعات عطاتو يشرب
مراد :دابا هضرو كيفاش طرا هادشي راه غادي تسطيوني . هاد النهار مابغاش يسالي
بلقيس : بلاتي بعدا نشوف ضهرو
عصام : لا ضهري مافيه والو غير تجرحت
فهد : كيفاش طرات الحادتة
كلهم جلسو دايرين بيه
عصام جر سحر وعنقها جنب قدامهم : الفران تقطع ودخلنا فحيط
ليليان بتاسمات : واااو معنقين بعضكم كتبانو فنييين كتحمقووو
يوسف حط يديه على جبهتو وحرك راسو بلا حول
♣️الجزء :1031
العائلة ماداوهاش فكلامها
يوسف :وكيف تقطع الفران غير بوحدو
عصام : ماعرفتش كيف طرا ليه كنت غادي بسرعة كبيرة ملي بغيت ننقص السرعة مابغاتش لقيت الفران مقطوع
فهد : الطموبيل فينها دابا
عصام : الكارد مشاو يجيبوها
يوسف هز التيليفون وعيط لمهندس خبيير باش يتأكد من الاسباب لي خلاو الفران يتقطع
ذكرى : واش تقصحتو بزااف عصاام متأكد بيخير نوض ياخدك فهد ويوسف نلوبيطال
فهد وقف : يالاه نتأكدو ضاروري
عصام حرك راسو بلا : لا مافيا واالو غير تقصحت هاني قدامكم صحيح فصيح
فهد : خلينا نتأكدو اصاحبي
عصام تنهد: مافيا واالو هاني شربت كالمون شوية مايبقاش هاد الحريق
ذكرى: ونتي اسحر واش جات فيك شي ضربة
سحر حركات راسها بلا :لا ماتقصحتش حيت كان مغطيني عصام هو لي هز الضربة
عصام باسها من راسها ودوز يديه على ضهرها
ذكرى بتاسمات :شنو كيعني هادشي
عصام شاف فيها وحرك راسو بشنو
ذكرى :كيفاش كتعنق فيها وكتبوس ليها راسها وهي حاطة راسها على صدرك
عصام بتاسم وهبط عينيه فسحر لي تنخششات فيه حشمانة
عصام : هههه رجعنا لبعضياتنا
ذكرى غير سمعاتو نقزات بالفرحة وبدات كتزغرت
ذكرى :يوووووو يوووووو يوووووووي
عصام قهقه بألم والعائلة كلهم ضحكو
ذكرى واقفة حطات يديها على خدودها عينيها كيبريو بالفرحة : حلفووو حلفووو صافي تصالحتو رجعو لبعضكم
عصام ضحك : ههه صافي الواليدة كلشي رجع كيف كان
ذكرى : سحر شوفي فيا صاافي سمحتي ليه
سحر زادت خبات راسها فصدر عصام حشمانة
كلهم ضحكو : ههههههههه
عصام عنقها مدخلها فيه : صاافي بعدو ليا من مرتي ماتحشموهاش
♣️الجزء :1032
مراد : سحر واش عارفة شنو طرا ليوم
سحر خرجات راسها من صدر عصام وشافت فيه :شنو اعمو
مراد : ماكانت لا خطوبة لا عروسة وهادشي داروه عصام وذكرى غير باش تندمي وتوافقي
عصام تنهد وشاف فيها بنص عين كيساين ردة فعلها وذكرى غير كتلولب فعينيها خايفة تتتعصب عليهم
مراد : ماباغيش تتصالحو وترجعي تاني تعرفي شنو طرا وتقولي بغيت نمشي بحالي وضحكتو عليا بغيت..
سحر قاطعاتو بزربة : صافي اعمي
كلهم شافو فيها
مراد :هضري بغيت دابا نعرف قرارك
سحر شافت فعصام بحب عينيها مدمعين : صافي مابقيتش بغيت نضيع وقتي و حياتي كتر من هاكا . عانينا وتعذ/بنا بزااف ، الدنيا قصات علينا ودوزت علينا ضلمات( نزلت ليها دمعة من عينها وبتاسمات) بغيت نرتااح بغيت نعيش بغيت نرمي الماضي كلو من ورا ضهري بغيت نعيش الأيام لي باقين فحياتي مع الإنسان لي كنبغي ومتأكدة منو كعشقني
مابقاتش هاماني الطريقة لي دار باش يقنعني مابقاش هامني يكدب ولا يضحك صاافي مليت من هادشي، لي مهم عندي انني متأكدة انه كيبغيني بصدق وأنا كدالك ماقادراش نعيش بلا بيه ادن علاش نضيع عمري فالحساب والعقاب
عصام بتاسم وهز يديه دوزها على خدودها
سحر هبطات حنكها وحركاتو على يديه
سحر : صاافي نسيت كلشي مابقاش هامني الماضي ومابغيتكمش تجبدو ليا سيرة الماضي . سحر عاد تزادت وفعمرها دابا جوج ساعات
عصام :متأكدة ماغاديش تتقلقي عليا فمرة وباغية تكوني مرتي
سحر حركات راسها بلا : ماعمرني نتقلق على هادشي ومتأدة باغية نكون مرتك وادا بغيتي دابا نعيطو لعدول
عصام شاف فيها وتنهد : لا ماعندنا علاش نعيطو لعدول حيت ماغاديش نتزوجو
سحر تشوكات وخرجات فيه عينيها والعائلة كلهم مستغربين من كلامو
سحر تمتمات : ش شنو كتقول
عصام : ماغاديش نتزوجو حيت أصلا حنا مازال مزوجين انا ماطلقتكش
سحر حلات عينيها مامستوعباش : ك كيفاش
عصام حل لافيست وجبد ورقة الطلاق من جيمو الدخلاني كان مخرجها معاه قال يمكن يتواجهو برا ويوريها ليها ولكن ماتواجهوهش
عصام مد ليها الورقة : هادي ورقة طلاقنا
سحر شداتها منو يديها كيترعدو وحلاتها كتشوف فيها . شافت فيها وعلات راسها كتشوف فيه مستغربة
عصام : ورقة الطلاق مضيتي فيها غير نتي ،إمضائي ماكاينش والورقة ماتدفعاتش وأنا لساني مانطقش بالطلاق ، يعني نتي مزاالة مراتي بالشرع والقانون
♣️الجزء :1033
سحر بقات كتشوف فيه شوية بدات كتبكي
عصام قرب عندها واخا موجع بضهرو : ماقصدت نضحك عليك والله
سحر شافت فيه ودموعها مسرسبين : ماكنتيش مطلقني
عصام حرك راسو بلا : ماطلقتكش ومستحيل نفكر نطلقك نتي كنتي مصرة تتطلقي اولا غادي تمشي بحالك ، مالقيتش حل اخر درت داكشي لي بغيتي نفذت قرارك وعطيتك تمضي على طلاقك وفنفس الوقت درت داكشي لي باغي انا .
مامضيتش على الورقة ومادفعتهاش
سحر بقات غير كتشوف فيه وكتبكي
عصام قرن حاجبو : تقلقتي ؟!
سحر بدون مقدمات تلاحت عليه عنقاتو كتبكي فصدرو
سحر ببكاء : لا لا لا ماتقلقتش بلعكس فرحت حيت مافرطتيش فيا وبقيتي متشبت بيا . اصلا كنت مقلقة عليك كيفاش قدرتي تخليني وتطلقني
عصام بتاسم ولاوا يديه على ضهرها وباس راسها : واش انا نقدر نخليك . واش من بعد هاد الحرب كلها لي تحاربت باش ترجعي ليا بسهولة غادي نخليك
سحر بشهقة : كنبغيييك
عصام تنهد : انا فت مرحلة الحب وليت مهووس بيك
العائلة كلهم بتاسمو
مراد : الحمد لله دابا رتاحيت ملي مشاكلكم كلها تحلات
ذكرى ناضت كتجري : غادي نعلم شي وحدة من البنات ترجع حوايجك لبيت راجلك
سحر خدودها حمرو : ماما ذكرى مالك مزروبة خلي حتى ننقلهم انا
ذكرى : لااا نتي تفرغي غير لراجلك ورضي ليه البال
سحر حشماات
ذكرى : شوفو تحزمو ليا بغيت هاد الشهر تحملي باغية حفيدي
سحر حلات عينيها بصدمة توترات وحشمات وخدودها حمارو وناضت هاربة طلعات كتجري نالبيت خلاتهم كلهم كيضحكو
♣️الجزء :1034
فالمنطقة دالقصر بعيدة شوية على باب القصر مازال واقفة طموبيلة رجال اندريا يالاه كملوها الكارد بالتفتيش عاد غادي يبعدوها من تما وفنفس الوقت مجموعة من الكارد جارين طموبيلة عصام جابوها باش المهندس يشوف مالها الدنيا مازالة عاامرة بالكارد
وقف طاكسي وسط داك الزحام باغي يدوز
الكارد وقفهم مانعهم يدخلو : فين غادين ممنوع تدخلو دابا
نزل اشرف مستغرب: شنو طاري هنا
الكارد شافو عرفو : سي اشرف سمح لينا ماعرفناكش غادي نفتحو ليك الطريق دابا باش تدوز
اشرف : واش طارية شي حاجة
الكارد : غير شي مشاكل اسرية
اشرف : مادموزيل صفاء بيخير
الكارد : بيخير مادموزيل صفاء ماعندهاش علاقة بهادشي
اشرف : العائلة مزيانين
الكارد : كلشي مزيان اسيدي غير طراو ليهم شي مشاكل عليها مرونين شوية
اشرف بقى سااكت كيفكر
الكارد : غادي نحلو ليك الطريق دابا تدخل
اشرف حرك راسو بلاا: لا دابا الناس مرونين مرة اخرى نرجع
الكرد حرك راسو
اشرف ضرب ليه على كتفو ورجع ركب فالطاكسي
اشرف : قلب الطريق وخودنا لطعم الأندلس
الطاكسي حرك راسو قلب الطريق
كراميلا شافت فأشرف : شنو طاري ماغاديش نشوف صديقتك
اشرف :لا يمكن عندهم مشاكل اسرية مابغيتش نتدخل دابا مرة اخرى نرجعو
كراميلا حركات راسها بواخا
رجع الطاكسي من الطريق لي جا منها ومع ضرب الدورة ومشى وهي تبان طموبيلة أكرم داخلة جيهة القصر
♣️الجزء :1035
وسط القصر باقين جالسين عصام ترخى وتكى فوق الفوطوي يرتاح شوية وهوما دايرين بيه
ذكرى : هههه حشمات الهبيلة
مراد : حتى نتي لسانك سليط اي حاجة كيطلقها ماكتعرفيش تسدي فمك
ذكرى قلبات عينيها بملل
بلقيس : اهم حاجة انهم تصالحو دابا ورتاحو
دخل أكرم من الباب مخلوع : شنوو طااري
بلقيس : ماتتخلعش اوليدي ماوقع باس
اكرم : فين ختي وفين براءة ياك ماطاري والو
يوسف : جلس ماتخاف والو حنا غادي نشرحو ليك
اكرم جلس قدام يوسف كيعاود ليه
بلقيس : بصح فينها صفاء
فهد تفكر راه شاد عليها وقف بزربة : كانت ناعسة انا طالع نشوفها واش فاقت
مراد : يوسف شد فخوك طلعو لبيتو يرتاح
كلهم تفرقو وكل واحد فين مشى
فهد طلع كيجري فالدروج وصل لبيتها سمع السكاات دار الساروت فالباب وحل عليها ودخل
دخل لقاها جالسة فوق الفراش لابسة عبايتها عينيها مدمعين كانت باغية تخرج وعياات كتحاول تحل الباب مابغاتش تتحل ليها ، شافت فيه والدموع فعينيها وصوتها مرجووف
صفاء : علاش شديتي عليا الباب
فهد قارن حاجبو : كنت مضطر نشد عليك ماكنتش باغيك تخرجي
صفاء وقفات والدموع فعينها وبغات تتخطاه باش تخرج فهد شاف فيها بنص عين ولوا يديه على خصرها ورجعها موقفها قبالتو وشد الباب بالساروت وشاف فيها
فهد : ماالك ؟
صفاء هبطات ليها دمعة من عينها وحركات راسها : والو بغيت ننزل
فهد : ماغاديش تنزلي حتى نعرف مالكي
صفاء قلبات عينيها ورجعات دخلات ومشات جلسات فلاطيراس
فهد شاف فيها قارن حاجبو تنهد وتبعها يعرف مالها
دخل عندها وجلس فكرسي قدامها : ماالكي
صفاء هزات يديها مسحات دمعتها
فهد بنبرة قوية : هضرييي مااالكي
صفاء تفزعات وشافت فيه : شوف نتا شنو كتدير
فهد :شنوو درت شديت عليك حيت طراو مشاكل فالقصر ومابغيتكش تنزلي
صفاء حركات بلا راسها كتبكي وكتشهق : ماكنهضرش على هادشي
فهد تخلع ملي شافها كتبكي
فهد : هضرييي ماالكي شنوو طاري
صفاء ببكاء هستيري : انا عييييت تقهرت
♣️الجزء :1036
فهد : منااااش علاااش شكوون قاااهرك
صفاء :عييت من الدار والجلاس . فهد انا ماموالفاش هادشي ماموالفاش الدار حياتي كلها وأنا كنخدم وكنتحرك من جيهة لجيهة ودابا جالسة غير فالدار قنطت مليييييت
فهد تنهد كيتصنت ليها
صفاء :فهد انا كنحتارمك وكنحتارم قراراتك . ماغاديش ننكر خيرك عليا وأنك وقفتي معايا فوقت كنت فيه بوووحدي شديتي فيدي وماخيتيهاش
(هزات يديه وباستها) ماعمرني ننسى وقفتك معايا كنتي رااجل فجنبي حميتي وعاونتيني . ولكن انا ماقادراش عيييت افهد من هادشي
فهد بنضرة غاامضة : وشنو باغية شنو ناقصك
صفاء : ماناقصني واالو مرتاحة وعاجبني الحال ولكن باغية يكون عندي دور فهاد الحياة
فهد : شنو المطلوب
صفاء ببكاء : بغيت نقراا
فهد قلب عينيه مخنزر
صفاء شدات فوجهو وقلباتو عندها : عارفاك ماباغينيش نتخالط مع الرجال ، وأنا كنواعدك مانتخالطش
فهد : كيفاش ماغاديش تتخالطي ونتي باغية تقراي يعني القراية بنات وولاد
صفاء حركات راسها بلا : لااا غادي نقرا فمدراسة فيها غير البنات
فهد هز حاجبو :فين كاينة
صفاء مسحات دموعها كتشرح ليه بحماس : بغيت نقرا فمدراسة دينية خاصة غير بالقرأن والأمور الدينية كيقراو على القرأن والتجويد والأحاديت النبوية . هاد المدراسة كيقراو فيها غير البنات وحتى لي كيقريو استاذات مافيهاش الرجال فمرة
فهد بختوورة : ومين جبتي هاد المعلومات
صفاء : انا قلت ليليان تقلب ليا على مدرسة اسلامية حيت بغيت نقرا امور الدين ولقينا هادي عجبتني بزااااف عافاك افهد خليني نقرا فيها
فهد بقى ساكت
صفاء : عاافاااك عااافاك انا قنطت وهاد المدراسة غادي نقرا فيها غير على الدين وماغاديش نتلقى الرجال فيها غير البنات . وادا بغيتي نتا تبقى توصلني حتى لتما وترجع من ورايا ماعنديش مشكلة
فهد غير كيتصنت عليها وكيشوفها كيفاش متحمسة
صفاء : عفاااااااااك
فهد تنهد وحرك راسو : مواافق
غير قال موافق تلاحت عليه صفاء معنقاه وهو بتاسم وبادلها العناق
♣️الجزء :1037
من وسط بيت سلمان مازال ناعس فوق السرير وأبرار ناعسة ليه على كتفو خداها النعاس بالعيا
سلمان كتر من ساعة وهو كيشوف فالسقف ساااهي كيفكر فهادشي لي طرا ليوم ماكيرمشش
قلب عينيه شاف فأبرار بانت ليه صغييرة وخدودها حمريين وكتبان برييييئة تنهد بسخط وحيد يديه بشوية من تحت راسها ووقف لبس البوكسور وغطاها بليزار ودخل لحمام توجة نيشان لرشاشة وطلق عليه الماء باارد وحط يديه على الحيط
عقلو داايخ وتاالف حاس بالخنقة والندم ماحملش راسو شنو دار هز يديه وضرب الحيط بلكمة قوية معصصصب ماحملش علاش تحط فهاد الموقف
كيشوف داكشي لي بنا كلوو كيتهدم ليييه وفبلاصة ماكان غادي يحميها حيت باغين يتكرفصو عليها و يستغلوها طفولتها وقلة وعيها دابا هو لي غادي يولي مستغلها واخا ماشي لخاطرو واخا ماباغيش وبزز عليه ولكن هو ناااضج عليها كيفما كان الحال هي سنها صغير مراهقة ماناضجاش ماعارفاش شنو كتدير خاصها لي يوجهها ويوقف معاها خاصها لي يجرها من هادشي لي واقعة فيه ويعرف يسيرها لطريق الصحيح لي ينبهها ويحل ليها عينيها
هز عينيه لفوق الماء نازل ليه على وجهو عينيه حووومر وقلبو مزير عليه حاس بتأنيب الضمير حاس براسو دار جرييمة فحقها حس بلي نتاهكها ونتاهك برائتها كيشوف فراسو وحش فهاد اللحضة
بقى مد كيفكر فهاد القرار لي غادي يدير
تنهد بعمق ومد يديه شد الماء ولوا عليه فوطة صغيرة خرج من الحمام شاف فيها لقاها نااعسة بعمق ماغاديش تفيق دابا
دخل لدريسينج لبس عليه سروال جينز وقبيية وسبرديلة جبد شانطة صغيرة وجمع فيها جميع اللوازم لي غادي يحتاجهم دخل لمكتب ديالو وجلس جبد ورقة وستيلو وكتب رسالة طواها ودارها فاالبرية وخرج جار معاه الفاليزة
وصل حتى نالباب ووقف زير على يديه ودار شاف فيها خلا الفاليزة ورجع عندها تحنى عليها وباسها من خدها بعمق وشم ريحتها الطفولية مد يديه لعب ليها فشعرها العسلي وزاد كمدها فليزار ودار خارج شد لا فاليز فيديه وجرها من وراه
داز من الكلوارات حتى وصل لغرفة ياسين وبلقيس ووقف دق عليهم جوج دقات ووقف كيساين
تواني وتحلات الباب خرجات بلقيس كتشد فالبينوار شافتو واقف والفاليزة قدامو مافهمات واالو
بلقيس : ولديي سلماان مالك و فين غادي
سلمان تنهد :الواليدة محتاجك
بلقيس قرنات حاجبها : ماالك
سلمان : محتاج بلقيس الصارمة والقاصحة ماباغيش بلقيس الحنينة
#يتبع
كبيدات نتشاوفو غدا ❤❤