នៅពេលជុងហ្គុកចេញទៅបាត់ថេយ៉ុងក៏បានទៅបន្ទប់របស់ខ្លួនហើយក៏ទាញយកក្រដាសដែលជុងហ្គុកបានហុចអោយគេមុននេះ នៅលើក្រដាសនោះមានអក្សរធំៗគឺពាក្យ«IQ TEST»
«IQ testឬ? នេះគេចង់វាស់ស្ទង់កម្រិតIQរបស់ខ្ញុំមែនទេ? តែថាហេតុអ្វីត្រូវវាស់ដែរ?ខ្ញុំមិនយល់សោះហើយ»បន្ទាប់ពីអង្គុយឆ្ងល់និងរអ៊ូម្នាក់ឯងអស់ចិត្តហើយគេក៏ដាច់ចិត្តយកប៊ិចមួយដើមមកសរសេរចម្លើយរបស់គេនៅលើក្រដាស ដោយអារម្មណ៍មិនសុខចិត្ត
#រោងចក្រផលិតស្រាក្រហម
«លោកជុង ពួកយើងបានមកដល់ទីតាំងហើយ!>>សូលីននិយាយទៅកាន់មេកើយ
«ឆាប់នាំគ្នាចុះទៅ!!>>ជុងហ្គុក
«បាទលោក»សូលីន និងវីលនិយាយព្រមគ្នា
បន្ទាប់ពីចុះពីឡានមក គ្រប់គ្នាបានរហ័សដៃរហ័សជើង ទៅធ្វើតួនាទីរាងៗខ្លួនដោយមិនចាំបាច់អោយជុងហ្គុកបញ្ជាឡើយ តែខុសអីតែសមីខ្លួនដែលឈរត្រឹងមួយកន្លែងមើលទៅរោងចក្រខ្នាតយក្សដែលកំពុងឆេះសន្ធូរសន្ធៅនៅចំពោះមុខរបស់គេទាំងក្តៅក្រហាយជាទីបំផុត
«កុំអោយយើងដឹងអោយសោះថាពួកឯងជានរណា!!>>ជុងហ្គុកនិយាយដោយសម្លេងគួរអោយខ្លាច
មួយសន្ទុះក្រោយមក វីលដែលបាត់ទៅយ៉ាងយូរក៏បានរត់មករកជុងហ្គុក
«យ៉ាងមិចហើយលោកវីលមានបានតម្រុយអីខ្លះទេ?»ជុងហ្គុកសួរទាំងអន្ទះសារចង់ដឹង
«លោកគឺនេះ!!»វីលនិយាយចប់បានហុចកន្លះអាវដែលជាតំណាងអោយពួកនោះ ហើយវាបានធ្វើអោយជុងហ្គុកស្គាល់សញ្ញានេះច្បាស់ជាងថ្ងៃទៀតគឺកន្លះអាវរូបបក្សី
«គឺត្រកូលហ្គាលីន!!ត្រកូលហ្គាលីនជាអ្នកបញ្ជូនពួកវាមក!!>>ជុងហ្គុកនិយាយទាំងកំហឹងកំពុងឆេះឆួល ត្រឹមរឿងរោងចក្រដែលបានផ្តល់ប្រាក់មិនតិចរយលានទៅត្រកូលហ្វារីណូត្រូវបានពួកសត្រូវលួចដុតវាមិនសូវសំខាន់ទេ តែថាអ្វីដែលសំខាន់នោះគឺពួកវាថ្លើមធំហ៊ានធ្វើអំពើថោកទាបលួចឆ្មកបែបនេះវាជារឿងដែលខុសនឹងច្បាប់ម៉ាហ្វៀ ជុងហ្គុកអាចទម្លាក់គេបានគ្រប់ពេលបើគេមានភស្ភតាងគ្រប់គ្រាន់
#តាមផ្លូវទៅភូមិគ្រឹះហ្វារីណូ
«នេះពួកវាប្រាកដជាមកសងសឹងដែលលោកជុងបានកំចាត់គ្នាវាអស់ជាច្រើននាក់នោះជាមិនខានទេ!!»នៅសុខៗវីលក៏បានបន្លឺសម្លេងឡើង
«យើងក៏គិតបែបនោះ!!តែពេលនេះរឿងជនសង្ស័យគឺត្រូវទុកមួយឡែកសិន ស្អែកលោកវីលត្រូវរៀបចំហៅភាគហ៊ុនទាំងអស់របស់ក្រុមហ៊ុនស្រាក្រហមមកប្រជុំនៅហ្វារីណូgroupព្រោះបើមានរឿងបែបនេះអ្នកដែលរួមហ៊ុនជាមួយយើងនឹងបាត់បង់ទំនុកហើយក៏ដកហ៊ុនចេញ វាអាចបណ្តាអោយក្រុមហ៊ុនខូចខាតកាន់តែខ្លាំង»ជុងហ្គុករៀបរាប់
«បាទលោក!!>វីលទទួលបញ្ជា
«បន្ទាប់ពីចាត់ចែងរឿងភាគហ៊ុនរួច គឺដល់វគ្គបង្អើរបក្សីហើយ»ជុងហ្គុកនិយាយដោយញញឹមចុងមាត់បន្តិច វាជាស្នាមញញឹមដែលគួរអោយញញើតបំផុតនៅលើលោកនេះ
#ភូមិគ្រឹះហ្វារីណូ
«អូរមែនហើយលោកវីល!!ថ្ងៃស្អែកលោកត្រូវយកថេយ៉ុងទៅជួបខ្ញុំនៅoffice បន្ទាប់ពីការប្រជុំ កុំភ្លេចប្រាប់គេអោយយកក្រដាសដែលយើងអោយធ្វើពីល្ងាចមកផង»ជុងហ្គុក
«បាទលោក!! តែលោកជុងតើលោកចង់ទុក្មេងនោះយូរប៉ុន្មានទៀតទៅ?»វីល
«គឺជារាងរហូត!!»ពាក្យមួយនេះធ្វើអោយវីលឆ្ងល់មិនស្ទើទេ
«តែលោកមានហេតុផលអ្វីត្រូវទុកគេទៅលោកជុង?»វីល
«គឺគេជាក្មេងប្រុសដែលយើងតាមរកជាយូរមកនេះ!!»ជុងហ្គុក
«នេះលោកជុងមិនបានច្រឡំទេមែនទេ ក្មេងប្រុសដែលលោកជុងតាមរកចង់ក្រឡាប់ផែនដីបែបជាមកនៅជិតលោកជុងយ៉ាងស្រួលបែបនេះ?»វីល
«ដំបូងខ្ញុំក៏គិតបែបនេះតែថាគេបានប្រាប់ខ្ញុំថាគេនៅចាំរឿងរ៉ាវកាលពីថ្ងៃនោះ ហើយថែមទាំរៀបរាប់ប្រាប់ខ្ញុំទៀតផង ហើយអ្វីដែលគេនិយាយវាដូចទៅនឹងហេត្ការណ៍ថ្ងៃនោះណាស់ ដូច្នេះយើងមានហេតុផលគ្រប់គ្រាន់ដែលអាចសន្នត់ថាគេជាក្មេងប្រុសនោះបានហើយ!!»ជុងហ្គុក
«បើលោកជុងអះអាងបែបនេះទៅហើយខ្ញុំក៏គ្មានយោបល់អ្វីព្រោះខ្ញុំមិនបានស្ថិតនៅក្នុងហេតុការណ៍មួយនោះ តែខ្ញុំជឿថាលោកជុងមិនដែរមើលមនុស្សខុសទេ!! តែថាក្រដាសដែលលោកជុងនិយាយថាអោយថេយ៉ុងធ្វើនោះជាអ្វីទៅ?»វីល
«គឺIQ test»ជុងហ្គុក
«ហេតុអ្វីបានជាលោកជុងអោយគេធ្វើតេស្តនេះទៅ?»វីលនៅសួរដេញដោលមិនចេះឈប់ព្រោះតែមិនយល់ពីលោកជុងរបស់គេនៅពេលនេះទេ
«តើលោកវីលក្លាយជាមនុស្សចង់ដឹងរឿងផ្ទៃក្នុងរបស់ខ្ញុំតាំងពីពេលណាទៅ?»ទោះពួកគេដូចជាដៃគូការងារ ហើយក៏ដូចជាបងប្អូនក៏ដោយតែពួកគេមិនដែលដឹងពីរឿងផ្ទាល់របស់គ្នាច្រើនទេ ព្រោះជាសិទ្ធិឯកជនរបស់បុគ្គល
«....»វីលក៏ស្ងាត់មាត់ជាសញ្ញាថាយល់ស្របនឹងពាក្យរបស់ជុងហ្គុកព្រោះតែខ្លួនមិនដែលបែបនេះពិតមែន
«បានហើយលោកវីលជាគ្រាន់តែជាការលេងសើចកុំទៅគិតច្រើនអី!!»ជុងហ្គុក
«រឿងលេងសើច?តើលោកជុងចេះនិយាយលេងសើចតាំងពីពេលណាទៅ?»វីលពិតជាឆ្ងល់នឹងអាការៈចម្លែកៗរបស់ជុងហ្គុកណាស់មិនដែលឃើញគេមានអារម្មណ៍ល្អដូចថ្ងៃនេះទេ ហើយថ្ងៃនេះជាថ្ងៃដែលសត្រូវបានដុតបំផ្លាតសម្បត្តិរបស់ហ្វារីណូវារឹតតែមិនសមហេតុផលទៀតហើយ
«ណ្ហើយចុះលោកវីល!លោកទៅសម្រាកសិនចុះ ហើយចម្ងល់ទាំងប៉ុន្មានរបស់លោកនឹងត្រូវបកស្រាយនៅថ្ងៃស្អែកនេះហើយ»ជុងហ្គុកនិយាយបែបហៃៗដូចគ្មានរឿងអ្វីកើតឡើង
«បាទលោក!»វីលដែលមិនចង់នៅតវ៉ាជាមួយជុងហ្គុកច្រើនក៏បានចាក់បណ្តោយហើយទៅរកកន្លែងសម្រាកតាមសម្តីរបស់មេ ទាំងក្នុងចិត្តលួចគិតថា
«នេះអាការៈអ្នកមានស្នេហាអោយច្បាស់ក្រលែត»
To be continue