فيروزة بقلم إيناس أحمد 🖤

الفصل الرابع والأربعين 🕊️

في غرفة فهد

دلفت بهدوء وهي تنظر حولها وامرت الممرض بالخروج لبضع دقائق فخرج من الغرفة واتجهت لفراشه ونظرت له والتقطت يده لتتأكد بأنه مستغرق في النوم ثم ظلت تسير في أرجاء الغرفة بتوتر

بيسان بهدوء : زين لو عرف اني جيت هنا...هتمرمط...مش مهم.... المهم....كنت عاوزة اقولك حمدالله على سلامتك....مش عارفه معرفتش اقولها في وشك....انا فكرت في كلامك وكلام عائشة....بس لسة مترددة

فجأة وقفت موضعها بصدمة وقلبها يدق بعنف

بيسان بتوتر : مش وقتك يازين يعني

حاولت النظر لاي شي تحاول الاختباء خلفه ولكن فات الاوان ودلف زين ونظر لها بثبات

زين بثبات : انتي ايه اللي مدخلك هنا

وقفت بثبات وغادرت الكلمات لسانها

زين بثبات : على اوضتك

خرجت بيسان بتوتر وحينما سمع صوت اغلاق الباب اتجه زين لفهد

زين بثبات : قوم يافهد

ابتسم وهو مغمض العينين ثم اردف بعدم نظر لزين

فهد بإبتسامة : بعد اذنك متخليش اختك تدخل الاوضة تاني

كان وجهه خالي من اي تعابير

فهد بإبتسامة : خلاص خلاص....كان لازم تيجي دلوقتي

زين بهدوء : لا مانا عارف انها دخلت

فهد بإبتسامة : مش جديد عليك انك تعرف كل حاجة

زين بثبات : منمتش ليه

فهد بهدوء : مش جايلي نوم....زمايلي انا عاوز اعرف مين توفى والحالات الباقية ايه اللي حصلهم

زين بثبات : احمد مكلمنيش واما يكلمني هبلغك

فهد بهدوء : تمام

زين بهدوء : متقلقش

نظر لساعته وبعدها دلف الي الغرفة إحدى الخادمات تحمل الطعام الخاص بفهد ونظر لها زين ووضعت الطعام على منضدة ثم وضعتها امام فهد لكي يجلس بأريحة

فهد بهدوء : المفروض اني اكل ده!

حازم بإبتسامة : لا تشمه بنعمل عليك تجارب

زين بهدوء : سؤال مش في محله

فهد بهدوء : بس انا مش هاكل

دلفت عائشة واردفت : بس انا جاية بنفسي أأكلك

ابتسم زين بجانب شفتيه وكذلك فهد الذي ابتسم بإستسلام

حازم بإبتسامة : لازم طبعاً نوثق لحظة زي دي

فهد بهدوء : تعرف ساعتها هقوملك

حازم بإبتسامة : اتنيل انت قادر تتحرك

زين بهدوء : خلاص.....يلا ياعائشة

فهد بإبتسامة : والله مش عارف

دلف رائد بصحبة مريم ينظرون لفهد وهو يأكل كالطفل وحازم يقوم بتصويره اما بعد قليل اتت فيروز وقفت بجانب زين فألتقط زين يدها بإبتسامة

زين بثبات : انتو متجمعين كده ليه... بعد اذنكم اطلعو برا...فيروز على الجناح وانا دقايق وجايلك

ابتسمت له وغادرت وكذلك غادر الجميع من الغرفة

زين بهدوء : انا اطمنت عليك الأدوية الممرض هيجي يديهالك ويعمل اللازم ارتاح شوية ونام كويس

فهد بإبتسامة : حاضر

خرج زين بهدوء واكملت عائشة اطعام فهد ويجلس بجانبه حازم يحاول التخفيف عنه

-_-_-_-_-_-_-_-_-_-_-_-_-_-_-_-_-_-_-_-_-_

في جناح زين

دلف زين لجناحه واحتضن فيروز فلقد اشتاق لها

فيروز بإبتسامة : وحشتك

زين بإبتسامة : اوي

فيروز بإبتسامة : انت شكلك منمتش كويس على فكرة

زين بإبتسامة : كل شوية كنت بقلق

فيروز بإبتسامة : اديك هتنام مطمن النهاردة

زين بإبتسامة : فطرتي كويس

فيروز بإبتسامة : ايوة الحمدلله

زين بإبتسامة : انا مش ناسي موضوع عمي وفي اقرب وقت هنروح

استندت برأسها على كتفه

فيروز بإبتسامة : انا مقدرة اللي انت فيه وواثقة انك مش ناسي تخرج بس من اللي حصل لفهد وتطمن عليه ونبقى نروح نزور بابا وماما

زين بإبتسامة : هعملك اللي انتي عوزاه

فيروز بإبتسامة : انت عارف انا محضرة حاجة ومتحمسة اوي انك تعرفها

زين بإبتسامة : ايه هي

احتضنته بسعادة واردفت : مش دلوقتي مش دلوقتي

زين بإبتسامة : مش دلوقتي ليه

فيروز بإبتسامة : كلمة كمان وهعترف بكل حاجة بص هي حاجة واثقة انها هتفرحك....زين انا بحبك اوي

وعانقته بسعادة وعانقها هو أيضاً بإبتسامة وسعادة

زين بإبتسامة : طيب في ايه

فيروز بإبتسامة : اتقل ياروح قلبي

وقبلت وجنته بقوة وتركته

فيروز بإبتسامة : هنزل اكلم هدير عشان كانت عاوزة تكلمني

اقترب منها ونظر لاعينها واردف : مش هتقولي برضو

فيروز بإبتسامة : لا ياحبيبي هتعرف كده كده انا بثير فضولك

زين بإبتسامة : والله

أومأت بالإيجاب

فيروز بإبتسامة : يلا هروح اكلم هدير

زين بإبتسامة : ماشي ياروزا

القت قبلة في الهواء وخرجت من الجناح واتجهت للحديقة اما هو فاتجه لغرفة بيسان

-_-_-_-_-_-_-_-_-_-_-_-_-_-_-_-_-_-_-_-_-_

في غرفة بيسان

كانت جالسة على الاريكة تنظر للتلفاز بشرود وسمعت طرقات الباب وسمحت للطارق بالدلوف فكان زين

بيسان بإبتسامة : تعالي يازين

جلس زين بهدوء امامها

زين بثبات : دخلتي الاوضة ليه

بيسان بتوتر : مكنش قصدي ادايقك

زين بثبات : مش كنتي عوزاني ابعده عنك انتي اللي بتقربي دلوقتي لا وتعديتي حدودك ودخلتي اوضته !

بيسان بهدوء : انا اسفة

زين بهدوء : مردتيش على سؤالي

بيسان بهدوء : حسيت اني عاوزة اتكلم معاه

زين بثبات : حسيتي انك عاوزة تتكلمي معاه وشوية وحسيتي انك عوزاه يبعد عندك وحسيتي انك مش طيقاه انتي بتحسي بإيه بالظبط

بيسان بتوتر : زين بعد اذنك بلاش تكلمني بالطريقة دي انا مش عارفة احدد انا عاوزة إيه انا عارفة بس انا....انا حاسة دلوقتي اني فعلاً عاوزة اتكلم معاه....انا خوفت عليه اما سمعت الخبر انا مش لاقيه مبرر لنفسي اقوله على خوفي اللي ظهر قدام الكل ده انا تعبت من نفسي جوايا صوتين ومش عارفة اسمع لمين

زين بهدوء : اسمعي الصوت اللي بيقولك خليكي معاه

بيسان بدموع : حاسة اني مش هيكون عندي كرامة..... وبعدين انت بتقولي كده ليه وليه مصمم اني اديله فرصة....ولا انت يازين عاوزني اتجوزه عشان هو حاول يغلط...م

زين مقاطعاً لها بهدوء : فهد معملش حاجة وانتي اتصرفتي كويس ساعتها....ومش معنى ان ده حصل هدبسك فيه....انا كنت بحاول مع فهد كتير عشان يبعد عن السكة بتاعته دي....وبعد عشانك واما ظهرتي في حياته

بيسان بهدوء : مش لوحدك اللي بتقولي كده بس انا فكرتي فمحاولته لشئ مقرف زي ده

زين بهدوء : ربنا هداه الحمدلله وبقى احسن مننا كلنا مش معنى كده هقولك انه مغلطش....وانا مش عاوز اجبرك تديله فرصة تانية الفرصة دي انا عاوزك تديهاله بكامل إرادتك وبإختيارك انتي ومش عاوز اي تأثير من اي حد عشان انتي اللي هتعيشي معاه محدش تاني

بيسان بهدوء : طب وانت رأيك ايه انا مش عارفة احدد لنفسي انا مش فاهمة نفسي انا تعبت من التفكير الكتير وتعبت من عدم ثباتي علي قرار انا بتعصب من نفسي وبالذات في النقطة دي مبعرفش اقرر حاجة

زين بهدوء : ادعي دايما ان ربنا يوجهك ويوجه قلبك للصح والخير دايماً وربنا اكيد مش هيبعد عنك الخير سواء في الموضوع ده او في اي حاجة ربنا رحيم ومش بيسيب عبد من عباده تايه في الدنيا

بيسان بهدوء : ربنا اكيد عالم بالخير وانا متوكلة عليه

احتضنت بيسان زين بهدوء

بيسان بهدوء : متزعلش مني انا اسفة ومش هدخل الاوضة بتاعته تاني حقك عليا

زين بإبتسامة : مش زعلان انا هكون المكتب لو احتاجتي حاجة انا تحت

بيسان بإبتسامة : ماشي ياحبيبي

قبل زين رأسها وخرج من الغرفة اما هي فاتجهت تقف امام المرآة تنظر لنفسها بإبتسامة

-_-_-_-_-_-_-_-_-_-_-_-_-_-_-_-_-_-_-_-_-_

في الحديقة

كانت فيروز تحادث هدير

فيروز بإبتسامة : كان نفسي ازور بابا فقالي انه فهد بس يفوق وهو هيوديني ازوره

هدير بإبتسامة : الله يرحمه ياحبيبتي كفاية انك فكراه بدعواتك

فيروز بإبتسامة : اكيد....المهم صح هتنزلي امتى

هدير بهدوء : بخصوص الموضوع ده

فيروز بإبتسامة : اه ياريت بجد عوزاكي في اليوم ده

هدير بإبتسامة : متقلقيش والله انا كلمت ماما وماما ممكن تيجي تزور خالتو كمان فساعتها بابا مش هيعارض

فيروز بإبتسامة : هستناكي

اتى حازم وجلس بالكرسي المجاور لها ونظر لها بنصف اعين فنظرت فيروز له بتساؤل فألتقط هاتفه ووضعه على اذنه ومر ثوانٍ

حازم بهدوء : يعني انا شغال اتصالات وانتي شغلالي موبايلها!

فيروز بإبتسامة : هدير!

حازم بهدوء : هو في غيرها يعني

فيروز بقهقه : دقيقة نسمعها بقى

قامت بفتح مكبر الصوت

هدير بإبتسامة : مالك يازوما كل ده عشان قفلت عليك خمس مرات متبقاش قموصة

حازم بهدوء : خمس مرات دول لو انا اللي قفلتهم كان زمانك عاملة فيلم

فيروز بقهقه : اطفال يارب

هدير بإبتسامة : لا بقولك ايه مسمحلكش قصدك اني بمثل يعني

حازم بهدوء : متسمحليش ايه قصدك ان كده انا ماليش كلمة

فيروز بقهقه : يالهوي في ايه استهدو بالله

هدير بهدوء : بصي بيتجاهل كلامي وبيقلب الترابيزة ازاي

حازم بهدوء : مانتي مش بتردي عليا يبقى بتتجاهليني يعني مافيش احترام متبادل بينا

فيروز بصوت مرتفع : بسس يبقى نفضها علاقة عشان انا قرفت

حازم بإبتسامة : نفضها ايه انا بهزر هو انا عندي كام هدير يعني

هدير بهدوء : لا يابابا نفضها سيرة بقى

حازم بإبتسامة : ماشي ياهدير نفضها سيرة وماله

هدير بهدوء : اه فعلاً وماله انا اشوف حالي بقى واتعرف عالدنيا من جديد

حازم بإبتسامة : فعلاً وانا برضو كنت محتاج اتعرف عالدنيا من جديد وعلى مرام وسلمى

هدير بحدة : مرام وسلمى مين

حازم بإبتسامة : الدنيا ياحبيبتي

هدير بإبتسامة : اهه اوكي فعلاً وانا برضو اتعرف على يوسف ومروان

صمت حازم ونظر لفيروز

فيروز بإبتسامة : خلاص ياولاد بقى مالكم

هدير بإبتسامة : مش قال مرام وسلمى اوكي ياحبيبي براحته ميزعلش بقى

حازم بإبتسامة : خلاص انا اسف

قهقهت هدير ومن ثم فيروز

فيروز بإبتسامة : ادام مش اد كل اللي قولته قولته ليه

هدير بإبتسامة : زوما ده حبيبي حبيبي

حازم بإبتسامة : طب بعد اذنك يافيروز اقفلي انا هكلمها بقى

فيروز بتحدي : والله طب لا مش قافلة

هدير بإبتسامة : وانا مع فيروزة حبيبتي

حازم بإبتسامة : اقفلي يافيروز عشان خاطر زين

فيروز بإبتسامة : انا فعلاً لازم اسيب العلاقة المعقدة دي واروح لزين

هدير بإبتسامة : والله يافيروز يعني

فيروز بإبتسامة : سوري بس علاقتكو دي مش مفهومة

حازم بإبتسامة : كفاية انا وهي فهمينها احنا الاتنين كفاية

فيروز بإبتسامة : ده في تطور رهيب بجد سلام سلام

وأغلقت مع هدير ونظرت له بإبتسامة ودلفت للداخل اما هو فبدأ في مهاتفة هدير

-_-_-_-_-_-_-_-_-_-_-_-_-_-_-_-_-_-_-_-_-_

وقد مرت ساعة ونذهب لغرفة مريم

كانت جالسة تنتظر الخادمة فنظر لها رائد بعدما خرج من المرحاض ويقوم بتجفيف شعره بالمنشفه

رائد بإبتسامة : ايه التوتر ده كله ياحبيبتي في ايه

مريم بهدوء : مافيش ياحبيبي

طُرق الباب واتجهت تجاه الباب بتسرع فنظر لسيرها بتساؤل فقابلت الخادمة بهدوء واتجهت للمرحاض دون ان تتحدث فمشط شعره وجلس مستند على الفراش ينتظر خروجها

وبعض دقائق في المرحاض كانت تبكي وتضع يدها على فاهها تكتم شهقاتها فنظرت للمرأة ثم قامت بغسل وجهها ثم اخذت شهيق عميق وخرجت نظرت له فكان ينظر لها بهدوء

رائد بهدوء : في ايه يامريم مالك انتي معيطة!!

بدأت في البكاء مرة اخرى فأحتضنها بهدوء

رائد بهدوء : مريم....بسم الله مالك ياحبيبتي

اخرجت من يدها اختبار حمل ووضعته امام اعينه فنظر له يتفحصه ومن ثم فتح اعينه بقوة وسعادة

رائد بسعادة : احلفى

قام رائد بإطلاق صافرة وحملها رائد ودار بها بكثرة وسعادة فكانت تبكي وتضرب بقدمها في الهواء كالاطفال اما هو فكان سعيد بذلك الخبر

رائد بإبتسامة : في ايه ياميمو ياروح قلبي

مريم بدموع : لا يارائد انا تعبت

عانقها بسعادة : حقك عليا طب هنعمل ايه ربنا رزقنا هنقول للرزق لا

مريم بدموع : بس يارائد بس

رائد بسعادة : ياحبيبة رائد في ايه ده بيبي وانتي بتحبي البيبهات

مريم بدموع : بحبهم بس سيدرا لسة مكملتش سنة وكمان الحمل متعب وانا لسة مستريحتش

رائد بإبتسامة : وربنا اكيد مش هيديكي حاجة غير وهو عارف قدرة تحملك وعمره ماهيديكي حاجة فوق طاقتك هي غلطة....بس غلطة حلوة اوي اوي وبعدين هو انا هسيبك ياحبيبة رائد يعني انا هبقى جمبك....ده انا اخدلك اجازة طول فترة الحمل كله لو بس طلبتي

نكزته في كتفه واتجهت للفراش جالسه تبكي فبدأ رائد بالتمايل والقاء بعض المقاطع الموسيقية

رائد بسعادة : ماما جابت بيبي....بيبي حلو صغير

مريم بدموع : بس

ركض تجاهها وعانقها وهو يحاول إلقاء زغرودة فبائت محاولته بالفشل

طُرق الباب عليهم فدلفت عائشة بعدما فتح لها رائد

رائد بإبتسامة : جيتي في وقتك يا اجمل شوشو

عائشة بإبتسامة : في ايه....واردفت بفزع....مريم حبيبتي مالك..... عملتلها ايه

نظر رائد لمريم بإبتسامة

عائشة بهدوء : في ايه مالك يامريم بتعيطي ليه....ماحد يتكلم

ظل رائد يقهقه على بكاء مريم الغير مبرر وعائشة في حيرة

عائشة بحدة : رائد خلاص في ايه ومريم بتعيط ليه!!

رائد بإبتسامة : باركيلي ياشوشو....مريم حامل

عائشة بسعادة : يالهوي بجد قولي والله الف مبروك ياحبيبة ماما يافرحة قلبي

وظلت تلقي الزغاريد ورائد يصفق بقوة وسعادة ومريم عيناها تهبط منها الدموع

واتى حازم على تلك الاصوات بعدما كان يمر بجانب الغرفة فدلف دون ان يطرق على الباب

حازم بإبتسامة : ايه ده نقول مبروك

رائد بإبتسامة : طب من غير ما تعرف كده

حازم بإبتسامة : ياعم نقول مبروك دلوقتي واما نعرف في ايه....والبت الحزينة دي مالها

رائد بإبتسامة : أمجد جاي في السكة

حازم بإبتسامة : أمجد مين

عائشة بسعادة : مريم حامل

حازم بمرح : يالهوي....انا قولت من الاول رائد ومريم عاوزين يلمو الورث

رائد بإبتسامة : بس يلا

اتجه حازم لمريم وجلس بجانبها وعانقها

حازم بإبتسامة : خلاص يامريم بقى مكنش غل...حمل يعني....وبعدين العيال عزوة يابنتي بكرة تكبري واللي جاي يشيلك مانتي متعرفيش الخير فين مش يمكن لو كنتي اكتفيتي بسيدرا كانت حطيتك في دار مسنين اما تكبري واحنا منعرفش بقى وهتعيشي حياتك حياة تعيسة واحنا نعيش حياتنا وننساكي انتي ورائد

رائد بإبتسامة : صح ويمكن اللي جاي ده يهديني وميخلنيش افكر في الجواز تاني

مريم ببكاء : بس بقى

احتضنها حازم ورائد سويا بسعادة

عائشة بإبتسامة : خلاص بقى ياميمو ربنا يقويكي واحنا حواليكي ومش هنسيبك لوحدك

رائد بإبتسامة : خلاص ياميمو عشان خاطري اتبسطي انا مش عاوزك تعيطي ابداً وبعدين كلنا جمبك ومش عاوز امجد يبقى نكدي كده خليه فريش لابوه وعمه

مريم بإبتسامة : انت خلاص حددت انه ولد

ضمها إليه واردف بإبتسامة : ولد بنت اهم حاجة عندي هو انتي واشوف ضحكتك ده عندي بالدنيا

حازم بإبتسامة : مبروك ياحبيبتي ويارب افرح بولادك كده بس براحة علينا بقى الورث مش هيتقسم عليكم انتو بس

احتضنتها عائشة : ربنا يباركلي فيكم يارب وافرح بولادكم كلكم وانت يولا لم نفسك

رائد بإبتسامة : خلاص ياحبيبتي بقى

مريم بإبتسامة : خلاص الحمدلله الحمدلله ربنا يقويني

احتضنها رائد بإبتسامة واردف : ايوة كده حبيبتي عاقلة بس نروح للدكتورة وتكشف عليكي عشان نتأكد وعشان المتابعة

حازم بإبتسامة : عاوزين فكرة حلوة بقى نعرفهم بيها انك هتجيبي بيبي

عائشة بإبتسامة : ايوة انا عاوزة فكرة مجنونة كده

مريم بإبتسامة : نقولهم واحنا عالغدا

حازم بتفكير : قديمة قديمة احنا نطلب قهوة ونتكتك بقى

رائد بإبتسامة : هكلم الخدم واخليهم يجيبو القهوة

حازم بإبتسامة : حلو اوي

-_-_-_-_-_-_-_-_-_-_-_-_-_-_-_-_-_-_-_-_-_

عند ريماس وعمار

كانت ترتدي ملابس للخروج وانتهت وخرجت له ونظر لها

عمار بإبتسامة : ايه الحلاوة دي

ريماس بإبتسامة : دي عيونك ياحبيبي

عمار بإبتسامة : بعد ما نرجع من عندهم هنسهر سوا ايه رأيك

ريماس بإبتسامة : انا مبقولش لا

احتضنها بإبتسامة والتقط يدها وهبطو سوياً للأسفل وخرجو من الفيلا واعتلو السيارة واتجهو لوجهتهم

ريماس بإبتسامة : حلو الماتشينج بقى ولا ايه

نظر عمار للقميص الذي كان يرتديه الذي كان يتشابه مع فستان ريماس باللون الازرق الداكن

عمار بإبتسامة : تحفة ياماسة

قبل يدها برقة ونظر للطريق اما هي فألتقطت عدة صور لهم لتضعها على مواقع التواصل الاجتماعي فهذا هو عالمها الثاني

-_-_-_-_-_-_-_-_-_-_-_-_-_-_-_-_-_-_-_-_-_

عند كريم ورحمة

كانو في طريقهم لقصر الألفي لزيارة فهد

رحمة بإبتسامة : فيروز وحشتني اوي....هاجر كمان وحشتني

كريم بإبتسامة : متقلقيش هي وياسين جايين

رحمة بإبتسامة : طب الحمدلله بجد

كريم بإبتسامة : ناقصكم هدير

رحمة بإبتسامة : ممكن تيجي بعد يومين

كريم بإبتسامة : طب كويس والله باباها بقى يوافق تنزل كذا مرة

رحمة بإبتسامة : دي نازلة لأجل فيروز

كريم بهدوء : هي فيروز تعبانة ولا ايه

رحمة بإبتسامة : لا بس في مفاجأة كده هتعرفها هتعرفها

كريم بإبتسامة : مفاجأة ايه!

رحمة بإبتسامة : قولت هتعرفها ومتتكلمش ياكريم اكتر من كده عشان هقولها

كريم بقهقهة : لا خلاص انا هستنى اما اعرف بقى

رحمة بإبتسامة : شاطر ياحبيبي

كريم بإبتسامة : المعاد الجاي للدكتورة الاسبوع الجاي صح

رحمة بإبتسامة : أيوة ان شاء الله بتسأل ليه

كريم بهدوء : عشان هبلغ زين اني هاخد إجازة اليوم ده وبعد مانخرج من عند الدكتور نخرج انا وانتي

رحمة بإبتسامة : ان شاء الله ياحبيبي....تعرف ياكريم اوقات ببقى عاوزة اقولك شكراً .... شكراً انك كنت بتحاول عشان تلاقيني وانك مسبتنيش تايهه في الدنيا زي ما كنت قبل ما اعرف انك لسة بتدور عليا وعاوزني....عارف اوقات كان بيجيلي وقت كده بفضل اعيط اني مش لقياك وان بابا وماما مشيو خلاص كنت حاسة اني هعيش طول عمري لوحدي وانك خلاص ضيعت مني كنت بقعد مع نفسي ابص للسما وافكر انت دلوقتي بقيت فين ودخلت الكلية اللي كنت عاوزها وكنت عارفة سنك على فكرة.........تعرف صح....اني شوفتك قبل كده من قبل ما اعرف انك كريم عشان كده اما شوفتك كنت خايفة ومصدومة اما شبهت عليك كان جوايا بيقول ليه شخص زيك يجيبني ولا اصلا كان يعرفني منين!

التقط يدها وعانقها واردف : شوفتيني فين ياروما

رحمة بإبتسامة : شوفتك في صورة صاحبتي كانت بتوريني صورة ليك وكانت بتقول عليك جميل ماشاءالله كانت صورة على فيسبوك تعرف شكلك متغير كتير عن وانت صغير

كريم بإبتسامة : طب وانتي قولتي ايه ساعتها اما شوفتي صورتي

رحمة بإبتسامة : قولت مش احسن حاجة بصراحة يعني....عشان مكنتش شايفة غير كريم اللي حبيته

كريم بإبتسامة : ودلوقتي بقى مش احسن حاجة

قبلته رحمة من وجنته بإبتسامة : ده انت احسن واجمل حاجة في حياتي وفي كل حاجة ياكيمو

قبل رأسها واردف : شكلنا اتغير كتير عن واحنا صغيرين بس اللي في قلبنا عمره ما اتغير ولا هيتغير

رحمة بإبتسامة : صح....والنونو هتيجي في السكة تفتكر هيكون لها قصة حب زينا

كريم بإبتسامة : خلي الايام تورينا

اشتبكت يداهم واستندت برأسها على اكتافه ونظرو للطريق سوياً

-_-_-_-_-_-_-_-_-_-_-_-_-_-_-_-_-_-_-_-_-_

في فيلا الجارحي

كانت هاجر جالسه بجانب ابيها

هاجر بإبتسامة : ايه ياسيمو

سامي بإبتسامة : ايه ياحبيبة سيمو

هاجر بإبتسامة : ايه الدنيا عامل ايه

سامي بإبتسامة : انا كويس طول مانتي جمبي

هاجر بإبتسامة : كان بودي بس الواد ده شكله هيقسي قلبي عليك فعشان نتفادى كل ده روحني معاك عشان قلبي يفضل طيب

ياسين بإبتسامة : كل سنة وانت طيب...بنتك دي على فكرة بتحب تشحن الدنيا

هاجر بإبتسامة : انا!

قهقه الجميع على ماتفوهت به

أماليا بإبتسامة : لا انت اللي شرير

ياسين بإبتسامة : مصمم برضو اني انا اللي شرير ياعمي دي قلبت عليا اختي وأمي

هاجر بإبتسامة : ده حب الناس ياعدو المحبة

ياسين بإبتسامة : والله

ليلى بإبتسامة : خلاص ياخرابي عليكم

عصام بإبتسامة : سبيهم انا بحب اشوف مناكفتهم لبعض كده

هاجر بإبتسامة : والله ياعمو انا غلبانة هو اللي بيضطرني اتصرف كده

ياسين بإبتسامة : شوف الملاك

عصام بإبتسامة : اه طبعاً ملاك ياحبيبي فيها كلام دي

سامي بإبتسامة : وهو ياسين اللي شيطان ابننا ملاك برضو

هاجر بإبتسامة : المباراة هتسخن

ليلى بإبتسامة : هنقضيها كده بقى

أماليا بإبتسامة : وانا ايه

احتضنتها هاجر بسعادة : انتي سكر وعسل وكل حاجة جميلة في الدنيا

اخذها ياسين وحملها وظل يرفعها للسماء ويلتقطها بين يده وتصرخ بسعادة وبجانبه هاجر تصفق بسعادة

سامي بإبتسامة : انا هستأذن انا بقى

عصام بإبتسامة : ياراجل تستأذن ايه بس انت هتقعد تتغدى معانا مش محتاج عزومة يعني

سامي بإبتسامة : مرة تانية ان شاء الله ربنا يجعله عامر

عصام بإبتسامة : انا مبقولش كلام وخلاص انت هتقعد تتغدى معانا والولاد هيقعدو معانا عيب بقى اما اقولك كلمة وتراجعني فيها

سامي بإبتسامة : عندي شغل والله وعشان انا اللي ماسك الحسابات لازم اكون موجود وبالذات الايام دي تتعوض مرة تانية بس تكون عندي انا بقى

عصام بهدوء : كده هتزعلني والله

سامي بإبتسامة : ولا زعل ولا حاجة بيتي وبيتك واحد احنا بقينا اهل

عصام بإبتسامة : طبعاً ياحبيبي بس انا هستناك في يوم تيجي تتغدى معانا ومش لازم هاجر وياسين يكونو موجودين ده بيت اخوك

سامي بإبتسامة : اكيد ياحبيبي يلا مع السلامة....جورا

ركضت له واحتضنته واردفت : خليك شوية

سامي بإبتسامة : عشان الشغل انتي عارفة مينفعش اسيبهم

هاجر بإبتسامة : عارفة ياحبيبي طمني عليك متنساش

سامي بإبتسامة : حاضر ياحبيبتي

قبل رأسها وودع ياسين والجميع وغادر المكان

ياسين بإبتسامة : حيث كده احنا كمان هنمشي

عصام بهدوء : على فين

ياسين بهدوء : فهد عند زين هنروح نزوره بقى واطمن عليه وكمان البنات متجمعين فعشان هاجر تسلم عليهم

ليلى بإبتسامة : خلاص ياحبيبي روح وانا هكلم عائشة هبلغها بالليل ان احنا هنيجي نزوره برضو

ياسين بإبتسامة : خلاص ماشي يلا ياجورا

أماليا بتذمر : هتمشو ليه

جلس ياسين على ركبتيه واردف : لازم ازور صاحبي عشان تعبان وهجيلك تاني

أماليا بدموع : بس انت قعدت كتير اوي بعيد عننا

عانقها ياسين بإبتسامة واردف : مش هتأخر ياميمو انتي شطورة

أماليا بدموع : انا عاوزة اروح لبابا ماليش دعوة خدني ليه

نظرت هاجر لعصام بتساؤل اما ياسين نظر للاسفل بألم

ياسين بهدوء : طب خلاص متعيطيش أنا مش هبعد عنك تاني.....وحاضر هوديكي لبابا

اجتمع عصام وليلى حولها

ليلى بهدوء : مانا معاكي ياميمو اهو انتي زهقتي مني

أماليا ببكاء : لا انا بحبك....بس انا عاوزة بابا

احتضنتها ليلى بدموع

ياسين بهدوء : عيوني ياحبيبتي هزور صاحبي واجيلك ونروحله اتفقنا

جلست على الارض تبكي دون ان تنصت له كانت هاجر تتابع الموقف بذهول اما ياسين فأخذ اماليا بين احضانه فظلت تبكي بين احضانه

ياسين بألم : طب خلاص عشان خاطر ياسو حبيبك....طب تيجي معايا انا وهاجر

أومأت بالإيجاب فقبل رأسها

ياسين بهدوء : خلاص روحي البسي فستان حلو واغسلي وشك وانا مستنيكي

ركضت للداخل وخلفها ليلى اما عصام فقد دلف للداخل بعدما ودع هاجر نظرت هاجر لياسين

هاجر بهدوء : ايه اللي حصل ده

ياسين بهدوء : انا كنت هقولك

هاجر بهدوء : وانت كنت مستنى ايه احنا المفروض متجوزين كنت هتقولي امتى!

ياسين بهدوء : أماليا مش أختي

هاجر بهدوء : انا بلومك على انك مش معرفني حاجة زي دي....احنا متجوزين والمفروض عارفين كل حاجة عن بعض.... انا طلعت مش عارفة حاجة أصلاً

تنهد ياسين واردف : هاجر والله انا كنت هقولك

هاجر بهدوء : هتقول امتى يا ياسين ....احنا اتعرفنا على بعض وكان في فترة قراية الفاتحة قبل الفرح كل الوقت اللي كان قدامك تحكي في عن حياتك محكتش دي!

ياسين بهدوء : هقول دلوقتي ياهاجر... أماليا مش أختي في الفترة اللي اشتغلتي فيها وحصل بيني وبينك خلاف خلاكي تسيبي الشغل وزين بعدها رجعك في الفترة دي اتخانقت مع زين....وروحت قعدت عالنيل قابلتها كانت بتبيع ورد عشان تجيب علاج لوالدها......قلبي رق وقولت اساعدها واساعد والدها واعالجه واعيشه عيشة احسن من العيشة دي عشان برضو بنته....روحت معاها لقيته متوفي وهي كانت فكراه نايم زي عوايده....المنطقة مكنتش كويسة خدتها حصل خناقة بيني وبين بابا......بس اما بابا سمعني هدي وتكفلنا بيها وهي بقت بالنسبالي اختي اللي كنت بتمناها من ربنا ان يكون ليا اخت واكون خير اخ ليها.....انا عارف ان كان لازم اقولك....حقك عليا الدنيا شغلتني ان...

اتت أماليا تركض اليه واعينها متشبثة بها الدموع واحتضنته

أماليا بهدوء : انا لبست

نظر لهاجر الذي اتجهت للسيارة واعتلتها

ياسين بإبتسامة : طب ياحبيبة قلبي يلا

التقط يدها ونظر لها بحزن واتجه لسيارته واعتلاها ونظر لهاجر الذي كانت صامتة لا تتحدث تنظر امامها بصمت فقاد سيارته لوجهته بهدوء

-_-_-_-_-_-_-_-_-_-_-_-_-_-_-_-_-_-_-_-_-_

في قصر الالفي

اتى عمار ودلفو للقصر ورحبت بهم بيسان التي كانت في انتظارهم وحينما نظرت بيسان لريماس ركضت لها بدموع واحتضنتها بقوة

بيسان بدموع : وحشتيني اوي اوي اوي اوي

ريماس بسعادة : وانتي وحشتيني اوي اوي بجد

وظلو في ذلك العناق لمدة دقيقة حتى اتت فيروز

فيروز بإبتسامة : ازيك ياعمار حمدالله على السلامه....ماسة

ابتعدت بيسان عنها واقتربت ريماس لفيروز وعانقتها

ريماس بإبتسامة : وحشتيني اوي اوي يافيروزة

فيروز بإبتسامة : وانتي وحشتيني اوي القصر كان وحش من غيرك بجد

ريماس بإبتسامة : ياحبيبتي انا وحشني صوتكم كلكم

اتت عائشة وعانقتها ريماس

عائشة بإبتسامة : حبيبة قلبي من جوا وحشتيني

ريماس بإبتسامة : وحشتيني اكتر واكتر والله...ياميمووو

وتركت عائشة وعانقت مريم بسعادة

مريم بسعادة : وحشتيني وحشتيني وحشتيني كل ده ايه ده مش متعودة على بعدك كده

ريماس بإبتسامة : جيتلك اهو يا روح قلبي فين دورا وحشتني اوي

اتى رائد وعانق اخته بسعادة وكان ممسك بسيدرا

رائد بسعادة : وحشتيني ياحبيبة اخوكي وحشني صوتك

ريماس بدموع : انت اللي وحشتني اوي اوي أسأل عمار بجد

رائد بإبتسامة : حمدالله على سلامتكم ياحبايبي

اخذت ريماس سيدرا وقبلتها

ريماس بإبتسامة : حبيبة قلبي اللي وحشتني....عمو حسين فين وزين فين وحازم

عائشة بإبتسامة : عمو حسين كان في الشركة وجاي وزين في مكتبه اما حازم ففي الاوضة هبلغ حد من الخدم يبلغه

عمار بإبتسامة : طب هندخله نسلم عليه

اتى زين مرحبا بهم

زين بإبتسامة : انا جيت اهو

احتضن عمار بإبتسامة وصافح ريماس بإبتسامة

عمار بإبتسامة : فهد عامل ايه

زين بهدوء : تعالي نطلعله بس على ما اعتقد هو نايم

عمار بهدوء : يصحي ياحبيبي

اتجه عمار وزين وريماس للمصعد ليصعدو لغرفة فهد اما البقية فجلسو في بهو القصر سوياً

-_-_-_-_-_-_-_-_-_-_-_-_-_-_-_-_-_-_-_-_-_

في غرفة فهد

كان ينظر للنافذة ويتذكر حديث بيسان وقلبه يتساءل هل حقاً ستنتهي تلك الفجوة بينهم وهل ستُعطى له فرصة اخرى ام ستعود تتعامل معه بقسوة فهو الى الآن ليست لديه المقدرة في فهم مايدور بخاطرها ظل يدعو الله داخله بأن تُكتب له ويرزُقهم الخير سوياً وفي ذلك التوقيت دلف زين ونظر له

زين بهدوء : صاحي....تعالي

دلف عمار وريماس بإبتسامة

عمار بإبتسامة : حبيبي حمدالله على سلامتك

فهد بإبتسامة : الله يسلمك ليه ياحبيبي رجعت ماكنت تخليك لحد ماتخلص اجازتك

عمار بإبتسامة : مش خسارة فيك

ريماس بإبتسامة : الف سلامة عليك يافهد

فهد بإبتسامة : الله يسلمك ياريماس

عمار بإبتسامة : مش عاوز اشوفك تعبان كده بقى عاوز فهد بتاعنا

فهد بإبتسامة : ماخلاص ياحبيبي

زين بهدوء : خلاص ايه فهد هيفضل فهد

فهد بإبتسامة : ادينا هنشوف

عمار بهدوء : ايه اللي حصل يافهد

تنهد فهد بهدوء واردف : انا كنت بكلم استاذ احمد وفجأة لقيت احجار محطوطة في الطريق شكيت ان اكيد في حد عرف ان في حد هيعدي من هنا يادوب كنت بمسك سلاحي وبقول لاستاذ احمد لقيت رجالة كتير طالعين حاوليا بسلاح حاولت اتفادى الحجر ده عشان اعرف اضرب بالسلاح واخرجلهم انا كنت مجهز نفسي بواقي الرصاص معرفتش اتفادى لا الاحجار ولا هما لاني كنت ماشي على سرعة عالية صحيت لقيت نفسي في المستشفى....الحمدلله

عمار بهدوء : اكيد في حد غدر بيكم....بس السؤال هنا ليه احمد طلب انك تروح لوحدك رغم ان كل مهمة بتكون معاهم

فهد بهدوء : مش عارف وكمان زمايلي اتغدر بيهم هناك

زين بثبات : احمد كان حاسس ان في غدر خاف يتغدر باللي في العربية بتاعتهم واحنا عارفين فهد غالي عنده اد ايه فبعده عنهم وحاول يخليه يمشي في طريق محمي بس اللي غدر ده انا لسة موصلتلوش واحمد لسة بيدور عليه بس هيتعرف لانه بينكم كده كده

فهد بهدوء : ربنا يبين الحق انا واثق انه حد بينا وافوق بس وهعرفه

عمار بهدوء : ربنا يجيب حق اللي اتغدر بيهم كلهم ويصبر قلب اللي ولادهم راحو

فهد بهدوء : آمين

ريماس بإبتسامة : طيب حمدالله على سلامتك يا فهد اسيبكم مع بعض بقى عن اذنكم

فهد بإبتسامة : الله يسلمك

خرجت ريماس من الغرفة وتركتهم واتجهت لغرفة حازم

-_-_-_-_-_-_-_-_-_-_-_-_-_-_-_-_-_-_-_-_-_

في بهو القصر

عائشة بإبتسامة : فيروز

انتبهت فيروز بعد شرودها لنداء عائشة

فيروز بإبتسامة : نعم

عائشة بإبتسامة : ايه ياحبيتي سرحانة في ايه

فيروز بإبتسامة : لا عادي

عائشة بإبتسامة: عليا...في حاجة ولا ايه

فيروز بإبتسامة : لا والله مافيش حاجة بس كنت بفكر في بابا

عائشة بإبتسامة : الله يرحمه يارب ويرحم أموات المسلمين

فيروز بهدوء : آمين يارب

عائشة بإبتسامة : ايه رأيك نقوم نعمل اي حاجة حلوة انا عارفة ليكي في المطبخ زيي نقوم نعمل كيكة حلوة

بيسان بإبتسامة : والله ومش هتاخدوني تعلموني

عائشة بإبتسامة : هلم البنات كلها ونقف كلنا نعمل أحلى كيكة

مريم بإبتسامة : ايوة عشان بحب اقف اوي في المطبخ

بيسان بإبتسامة : انا نفسي اجرب اعمل رز بلبن

مريم بإبتسامة : انا كان نفسي فيه اوي اوي

بيسان بإبتسامة : مش هحرمك من حاجة هعمله بإيدي وتقولو رأيكم

عائشة بإبتسامة : طب يبقى كل واحدة تعمل حاجة حلوة انا بحب الكيكة وهزينها بكريمة وفروالة

بيسان بإبتسامة : وانا هعمل رز بلبن

فيروز بإبتسامة : وانا هعملكم كوكيز...وكمان عشان زين بيحبه

مريم بإبتسامة : وانا هدوق واقيم

قهقهو جميعاً واتجهو للمطبخ سوياً

-_-_-_-_-_-_-_-_-_-_-_-_-_-_-_-_-_-_-_-_-_

في غرفة حازم

دلفت ريماس دون ان تطرق الباب

ريماس بإبتسامة : يا أهلا تقدر تفهمني منزلتش استقبلتني ليه

حازم بإبتسامة : أهلا أهلا بالحلوة حمدالله على السلامه....حقك عليا والله بابا بعتلي تصاميم وقالي اشوفها وكنت بتكلم مع التيم بتاعي

ريماس بإبتسامة : خلاص سامحتك ايه الاخبار وديرا عاملة ايه

حازم بإبتسامة : الحمدلله ياحبيبتي

ريماس بإبتسامة : مش بتسيبك هي حتى وانت نايم

حازم بهدوء : يعني ايه

ريماس بهدوء : يعني انت امبارح مكنتش حاسس انت بتقول ايه!

حازم بهدوء : بقول ايه!!

ريماس بإبتسامة : كنت بصحيك وتقول حاضر ياهدير....واخدة عقلك ياولد

حازم بإبتسامة : اه والله دي وخداني انا شخصياً مش خسارة فيها عقلي

ضربته بخفة على مؤخرة رأسه

ريماس بإبتسامة : طب انا هنزلهم تحت بقى عمار مع فهد فوق لو هتطلعلهم

حازم بإبتسامة : هعديهالك....روحي روحي

ريماس بإبتسامة : ماشي يازوما

-_-_-_-_-_-_-_-_-_-_-_-_-_-_-_-_-_-_-_-_-_

في الحديقة اتى كريم بصحبة رحمة وقامت رحمة بمهاتفه فيروز واخبرتها انها وصلت للقصر فصعدت فيروز لتستقبلها

فيروز بسعادة : روح قلبي وحشتيني وحشتيني

رحمة بإبتسامة : وانتي وحشتيني اكتر ياروحي ايه الاخبار

فيروز بإبتسامة : انا بخير ياحياتي....ازيك ياكريم

كريم بإبتسامة : ازيك يافيروز

فيروز بإبتسامة : الحمدلله بخير....عاملة ايه ياروما

رحمة بإبتسامة : بخير ياحبيبة قلبي

فيروز بإبتسامة : وحشتيني اوي بجد

رحمة بإبتسامة : وانتي اوي اوي

كريم بهدوء : عمار وصل مش كده

فيروز بإبتسامة : ايوة فوق مع فهد في الدور التالت لو هتطلعله الاوضة اللي في الوش

كريم بإبتسامة : طب هطلعله انا ورحمه وبعدين هخليها تنطلق معاكي

فيروز بإبتسامة : طيب طيب روما احنا وعائشة في المطبخ هستناكي هناك

رحمة بإبتسامة : من عيني

اتت ريماس وعانقت رحمة

ريماس بإبتسامة : حبيبتي عاملة ايه

رحمة بإبتسامة : بخير ياروحي انتي عاملة ايه

ريماس بإبتسامة : بخير ياروما....بتعملو ايه في المطبخ يافيروزة

فيروز بإبتسامة : تعالي وهقولك وياروما تعاليلنا على هناك

رحمة بإبتسامة : من عيني

وصعدت هي وكريم للاعلي

ريماس بإبتسامة : بتعملو ايه

فيروز بإبتسامة : بنعمل حاجات حلوة

ريماس بإبتسامة : واو انا كان نفسي اعمل كيكة اوي

فيروز بإبتسامة : عائشة بتعملها تعالي تعالي

واتجهو سوياً للمطبخ

-_-_-_-_-_-_-_-_-_-_-_-_-_-_-_-_-_-_-_-_-_

وبعد دقائق في غرفة فهد

دلف كريم بعدما طرق الباب وسُمح له بالدلوف

كريم بإبتسامة : حمدالله على السلامه ياحبيبي كده تخوفنا عليك

فهد بإبتسامة : الله يسلمك ياحبيبي

رحمة بإبتسامة : ازيكم....الف سلامة عليك يافهد

فهد بإبتسامة : الله يسلمك

كريم بإبتسامة : انت مش هتقوم تسلم عليا ولا ايه لا أجمد كده

فهد بإبتسامة : هقوملك بجد

كريم بإبتسامة : ربنا يطمنا عليك يارب

فهد بإبتسامة : ربنا يخليك ياحبيبي

رحمة بإبتسامة : طيب انا هسيبكم انا وهنزل للبنات والف سلامة عليك يافهد مرة تانية وربنا يطمنا عليك

فهد بإبتسامة : الله يسلمك شكراً

وخرجت رحمة وقابلت في طريقها هاجر التي خرجت من المصعد ممسكة بيد أماليا فركضت لها رحمة بسعادة واحتضنتها

رحمة بسعادة : وحشتيني اوي اوي بجد ووحشني نكشك

هاجر بإبتسامة : وانتي وحشتيني ياروما اوي حمدالله على السلامه ياحياتي

نظرت رحمة لها فأغمضت هاجر أعينها فعلمت ان يوجد شيء ما

رحمة بإبتسامة : طيب اسيبكم انا وانا هستني هنا عشان لو هتخرجي علطول ننزل سوا نروح للبنات

هاجر بهدوء : مانا قابلت فيروز وقالتلي انها هتستناني في المطبخ برضو

رحمة بإبتسامة : ازيك ياميمو ازيك يا ياسين معلش مسلمتش عليك

ياسين بإبتسامة : الحمدلله بخير

أماليا بإبتسامة : انا كويسة

رحمة بإبتسامة : يارب دايماً بخير كلكم انا مستنياكي هنا

أومأت بالإيجاب والتقط ياسين يد هاجر واتجه لغرفة فهد ونظرت رحمة لذهاب هاجر بجانب ياسين فتغيرت ملامحها وبدى عليها الحزن فهي لا تحب ان ترى صديقتها هادئة وحزينه هكذا فظلت في الخارج تنتظر خروجها وهي دقائق وخرجت هاجر لها بدون أماليا

رحمة بإبتسامة : اومال فين أماليا

هاجر بهدوء : قالت هتقعد مع ياسين

رحمة بهدوء : مالك وشك مش مطمني مش دي هاجر

هاجر بهدوء : زعلانة من ياسين

رحمة بهدوء : ايه اللي حصل

هاجر بهدوء : هحكيلك بس نشوف البنات

حاوطتها رحمة بزراعها وسارو سوياً بجانب بعضهم متجهين للمصعد

رحمة بإبتسامة : خلاص ماشي بس متقلبيش وشك كده عاوزة جورا الجميلة بتاعتنا

ودلفو للمصعد وهبطو للاسفل

-_-_-_-_-_-_-_-_-_-_-_-_-_-_-_-_-_-_-_-_-_

في المطبخ

كانت عائشة تقوم بإعداد مقادير الكيك وبيسان قامت بتحضير ماتحضره وكذلك فيروز وتقف ريماس ومريم يتحادثون حول امور الطهي

مريم بإبتسامة : موقفتش كتير بس بعرف اعمل حاجات فاهمة

ريماس بإبتسامة : اسكتي احنا ازاي متعلمناش بجد

عائشة بإبتسامة : سهلة ياحبيبتي اعلمكم

ريماس بإبتسامة : بجد انا موافقة اوي

مريم بإبتسامة : وانا معنديش مانع بجد

فيروز بإبتسامة : يبقى عائش تعمل دروس طبخ وانا هكون الاسيست بتاعتها

عائشة بإبتسامة : وكشكولك تيجي بيه عشان تاخدي خطوات كل أكله

بيسان بإبتسامة : وانا هشرف عليهم في العملي مع اني لسة برضو متعلمة من فترة صغيرة

مريم بإبتسامة : ويارب نتعلم بقى

ريماس بإبتسامة : ياكسوفي والله....تعرفو بحس امور المطبخ معقدة بجد

فيروز بإبتسامة : ليه

ريماس بإبتسامة : يعني بحس انها بمعايير مثلاً ملعقتين ملح نصف ملعقة فلفل اسود كده لازم لازم المعايير دب

بيسان بمزاح : ملعقة!

فيروز بإبتسامة : تحسيها كده بس اما تحبي الحاجة هتحسيها مختلفة واهم حاجة في المطبخ انك تعيشي حالة حب كده ولازم تكوني مبسوطة وانتي بتعملي الاكلة دي بيفرق اوي اما تعملي الاكله بحب

ريماس بإبتسامة : ايه الكلام الكبير ده يافيروزة

فيروز بإبتسامة : زمان ماما الله يرحمها كنت بحب اقف معاها في المطبخ كنت صغيرة اوي كانت بتخاف عليا من النار والمطبخ وكده بس كنت بحب اتفرج عليها وبالذات بقى اما كان بابا بيدخل ويساعدها كنت بكون مبسوطة ووانا بديها كوباية اللبن اللي هتحطها على العجينة او البيضة اللي هتكسرها على باقي المقادير وكانت دايماً تقولي وقت ماتبقى مبسوطة اعملي حاجة حلوة في المطبخ لانها هتطلع احلى من اي مرة عملتيها عشان وانتي بتعملي الاكله بحب وراحة بيخلي الاكل ليه طعم مختلف ومميز لأنه معمول بكل حب

ريماس بإبتسامة : ايه الجمال ده بجد الله يرحمهم ياحبيبة قلبي هما اكيد مع بعض دلوقتي وشايفينك وانتي كبيرة وجميلة كده

احتضنتها ريماس بإبتسامة ودلفت هاجر بصحبة رحمة

عائشة بإبتسامة : تعالو يابنات...انتو كمان هتاخدو دروس معايا ولا لا

رحمة بإبتسامة : دروس ايه

مريم بإبتسامة : ماما هتعمل درس طبخ ليا انا وريماس

رحمة بإبتسامة : انا بعرف اعمل كل حاجة ياشوشو متقلقيش

هاجر بهدوء : وانا بعرف اطبخ برضو

ريماس لمريم : شكلنا بقى بايخ وسطهم على فكرة

مريم بإبتسامة : انا انسحب بجد

عائشة بإبتسامة : حبيبتي اتعلمي وماله متتكسفيش هعلمك واخليكم اشطر شيفات

ريماس بإبتسامة : انا بعمل حاجات بسيطة اوي بجد بس مبعرفش اعمل اكل اللي هو على القيمة كده

عائشة بإبتسامة : هنتعلم كل حاجة سوا متقلقوش.....انا كده خلصت وعملت اتنين كيكة وهحطهم في الفرن عشان يتعملو...ها يافيروزة وريني....ياشطارتك

فيروز بإبتسامة : أيوة مش اي حد برضو

عائشة بإبتسامة : وريني يابيسو....الله الله بناتي الله اكبر عليهم

بيسان بإبتسامة : بس دوقي السكر عشان خايفة يكون مسكر اوي

عائشة بإبتسامة : زي الفل حلو اوي اوي

بيسان بإبتسامة : تعالي ياريماس انتي ومريم اعلمكم اول حاجة وهو انكم تحطو في الأطباق

مريم لريماس : شكلنا هيبقى اضحوكة بس يلا

بيسان بإبتسامة : الاطباق اهي احنا التلاتة هنعملهم وبعدين نحطهم في التلاجة وعلى ما اعتقد احط اللوتس اما يسقع ونزينه وقت التقديم

عائشة بإبتسامة : مافيش مشكلة

رحمة بإبتسامة : وانا هكمل مع فيروزة الكوكيز

هاجر بهدوء : وانا كمان

فيروز لهاجر بهدوء : فيكي ايه

هاجر بهدوء : هنبقى نتكلم بعدين

رحمة بإبتسامة : انا لازم اصور اللحظة دي عشان تتوثق

ريماس بإبتسامة : ايوة تعالي صورينا واحنا اشطر بنانيت

رحمة بإبتسامة : عيوني عيوني

قامت رحمة بتشغيل فيديو واقتربت من فيروز وهاجر

رحمة بإبتسامة : دلوقتي فيروز بتعملنا كوكيز عشان هاجر وريماس وبيسو ومريم وعائشة وانا والنونو ناكل منه

فيروز بتساؤل : نونو!

نظرت لها هاجر

رحمة بإبتسامة : اه نونو....اردفت بصوت مرتفع بعدما ابتعدت عنهم وقامت بجمعهم في لقطة واحدة

رحمة بإبتسامة : ها يا اشطر بنوتات تفتكرو ولد ولا بنت

فيروز بسعادة : انتي حامل!!!

ارتفعت أصوات الفتيات بسعادة

واحتضنت فيروز رحمة بسعادة وكذلك هاجر

ريماس بسعادة : هي دي المفاجأت ولا بلاش بجد اعتقد اعتقد انها هتكون بنوتة جميلة زي روما

بيسان بإبتسامة : بنوتة ان شاء الله وهعملها احلى رز بلبن

فيروز بسعادة : انا مش مصدقة والله انا بقول بنوتة وهعملها كوكيز حلو زيها

هاجر بسعادة ودموع : يالهوي على العمر اما يجري.....بنت بنت وهجبلها فستان بينك

مريم بإبتسامة : اهم حاجة البينك...انا بقول اجمل بنوتة هتيجي

عائشة بإبتسامة : مبروك يانور عيني وربنا يقومك بالسلامه...بما ان كله قال بنت فهقول بنت وهعملها كيكة جميلة اول ماتيجي

مريم بإبتسامة : طب يابنوتات بالمناسبة السعيدة دي انا مكنتش ناوية اقول غير بمفاجأة برضو هيدبرها زوما بس .....تتوقعو اخت ولا اخ لسيدرا

بيسان بسعادة : لالالا بجد....الف مبروك

ريماس بسعادة : يالهوي هبقى عمتو تاني تاني

فيروز بسعادة : ماشاءالله ياحبيبة قلبي مبروك

احتضنوها الفتيات جميعاً وكان كل ذلك مُوثق في فيديو مُسجل في هاتف رحمة

رحمة بسعادة : طب ياحبايب قلبي كده هما قالولي ان اللي جاي بنوتة نتوقع بقى اللي جاي لمريوم ايه

الجميع برأي واحد : ولد

رحمة بإبتسامة : ماشاءالله بالختم

قهقهو الجميع واحتضنو بعض مرة اخرى للتعبير عن مدي سعادتهم بتلك الاخبار السعيدة

-_-_-_-_-_-_-_-_-_-_-_-_-_-_-_-_-_-_-_-_-_

في غرفة فهد

كانو الشباب جالسين سوياً

كريم بإبتسامة : في ايه يا ياسين من اول القعدة وانت فيك حاجة

ياسين بهدوء : لا ياحبيبي مافيش حاجة

حازم بهدوء : لا في انا برضو حاسس ان مش ده ياسين لا يكون الجواز عقله...قولي عشان اخد حذري

زين بهدوء : أماليا في دادة واقفة برا روحيلها قوليلها توديكي لهاجر وعند البنات اتفقنا

أماليا بإبتسامة : حاضر

قبلت وجه ياسين وغادرت الغرفة

زين بهدوء : في ايه

قص ياسين ماحدث بينه وبين هاجر

زين بهدوء : وانت مقولتش ليه دي حاجة بديهيه أساساً يا ياسين

ياسين بهدوء : اقسم بالله انا اتشغلت اني احكي حاجة زي دي والله يازين انا بجد بعامل أماليا انها اختي وكانها عاشت العشر سنين دول معايا

زين بهدوء : حبيبي انا عارف بس دي حاجة متتنسيش دي مراتك يا ياسين

عمار بهدوء : ماهو كان في كلام بينها وبين أماليا كتير قدامك ومن وراك وانت عارف مجتش مرة تفتكر تقولها

رائد بهدوء : وبعدين انك تخبي حاجة زي دي هي هتفكر في انك ممكن مخبي حاجات تانية

ياسين بهدوء : والله انا غلطت اني مقولتش

حازم بهدوء : هي حقها تدايق وكمان محدش من اهلك قالها برضو انت فاهم

فهد بهدوء : انا عارف هو ياسين يقصد ايه هو بيتعامل ان أماليا اخته بجد وكأنها مودلودة وسطهم فمكنش بيفتكر أنه يحكي حاجة زي دي من انه اتعود على وجودها كانها اخته

ياسين بهدوء : هو ده والله....هي زعلت مني حقها وكل حاجة بس انا مش عارف بجد اصالحها ازاي او اعمل ايه وهي ممكن تفتكر اني بعد كده ممكن اخبي عليها حاجات تانية وانا مش عايز تفكيرها يتعبها ومش عايزها تفكر كتير

زين بهدوء : شوف هي بتحب ايه وهاته ليها هدية وصالحها بيه اخرجو سوا مش انا اللي هقولك تعمل ايه يعني

كريم بهدوء : هاتلها ورد مافيش بنت مبتحبش الورد وخرجها في مكان بتحبه واسهرو اليوم ده سوا وهاتلها سلسلة رقيقة واتكلم معاها واشرحلها اللي انت بتتعامل بيه وقولها كل اللي قولته واكدلها انك مش مخبي اي حاجة عنها عشان متتعبش في التفكير زي ماقولت

ياسين بهدوء : ان شاء الله انا هتكلم معاها المهم انتم عاملين ايه

عمار بإبتسامة : الحمدلله ياعم كويسين اهو

فهد بإبتسامة : الا قلبي والله مُرهق شويتين

حازم بإبتسامة : مرهق لا ماهو باين الارهاق

كريم بإبتسامة. : في مف...

رائد بإبتسامة : انا كنت عاوز اقولكم مفاجأة

كريم بإبتسامة : مفاجأة! انت كمان!

رائد بإبتسامة : انت عندك مفاجأة

كريم بإبتسامة : ايوة عندي وحلوة كمان

رائد بإبتسامة : لا قول

كريم بإبتسامة. : قول مفاجئتك الاول

عمار بإبتسامة : جو التشويق ده مبحبوش....قولو انتو الاتنين سوا وفرحو بعض

رائد بإبتسامة : طيب حلو

قام حازم بتجهيز يده في وضع التصفيق ونظر له زين وفهد بدهشة

رائد بإبتسامة : مريم حامل

كريم بإبتسامة : انا هبقى بابا

نظر رائد له بذهول وفرحه وعانقه بإبتسامة وقام حازم بإطلاق صافرة وصفق بيده

حازم بإبتسامة : ده اي ده الحلاوة دي.... والله انا صغير عالعيال اللي هتيجي دي كلها....مبروك يارجالة

نظرو له بعدما احتضنهم حازم بسعادة وحب

زين بسعادة : ألف مبروك ياحبايبي ربنا يديم فرحتكم

ونهض زين عانق كريم ورائد سوياً

عمار بسعادة : الله اكبر الف مبروك ياحبايبي

فهد بسعادة : تعالو احضنوني انتو....الف مبروك ياحبايبي

كريم بإبتسامة : الله يبارك فيك ياحبيبي عقبال ما اشوف ولادك

رائد بإبتسامة : يارب نشوف ولاده

زين بإبتسامة : مبروك يارجالة ويارب نفرح بولادكم اما يشرفو شركتنا ويكملو مسيرتنا

حازم بإبتسامة : ده انا هربيلكم عيالكم دي احسن تربية

فهد بإبتسامة : اتلهي مش اما تربي نفسك

حازم بإبتسامة : ايه ده بقى قصدك ايه يا فهودة

فهد بهدوء : ايه فهودة دي

حازم بإبتسامة : مش عجباك طب فهودتي دودي حلوة دودي مش كده

فهد بحدة : ماتلم نفسك يلا

حازم بإبتسامة : تصدق بالله انا غلطان اني قاعد معاكم

كريم بإبتسامة : ياعم اقعد حقك عليا يافهد

حازم بمرح : لا ده زعلان من دودي

فهد بهدوء : تؤ بص يازين

زين بإبتسامة : مزعلاك دودي

حازم بإبتسامة : بكرة نسمعها من اخر الدنيا وهي بتقولهالك اما نشوف حمقتك دي ياحبيبي

ابتسم فهد بجانب شفتيه

حازم بإبتسامة : بص بص الواد...مانا هقول ايه مازُنزُن نفسه كان بيقلب زيك كده جت حبيبة القلب قلبت الموازين كلها

زين بهدوء : طيب بس

حازم بهدوء : بص بقى

رائد بإبتسامة : خلاص بقى يارجالة

عمار بإبتسامة : هتسموهم ايه

رائد بهدوء : مين دول

حازم بهدوء : عيالكم

رائد بإبتسامة : نشوف بس اللي هيشرفنا ولد ولا بنت وعالاساس ده نحدد بس لو ولد انا محدد هو أمجد

عمار بإبتسامة : الله

حازم بإبتسامة : وانت ياكيمو

كريم بإبتسامة : زيي زي رائد برضو لسة مش هحدد غير اما المولود يتحدد نوعه ايه

حازم بإبتسامة : بما ان كده كده رائد اب وحس بإحساس الأبوة انت احساسك ايه وانت هتبقى خلاص اب

كريم بإبتسامة : مبسوط اوي اوي حاسس اني هبقى مسؤول اكتر او ان هيبقى في حد جديد انا اللي هبقى مسؤول عن تربيته ونشأته ربنا يقدرني واخليه أحسن الناس عاوزة اما يكبر يحبني وميبقتش بيتهرب مني....واتمني تكون بنوتة بجد

حازم بإبتسامة : ربنا يكتبهالك وتبقى بنت يارب

الجميع : يارب

-_-_-_-_-_-_-_-_-_-_-_-_-_-_-_-_-_-_-_-_-_

في الليل

كانو مجتمعين على مائدة الطعام جميعاً وكان زين يسير بفهد الذي كان مستند عليه فقد طلبه حسين بحضور الغداء معهم فساعده زين على الجلوس واتجه زين جلس بجانب فيروز ونظر لها بإبتسامة

حسين بإبتسامة : عامل ايه يافهد دلوقتي

فهد بهدوء : الحمدلله ياعمي متقلقش

حسين بهدوء : طبعاً مش هقلق فهد فهد طول عمره

كانت تنظر له بيسان فنظر هو أيضاً لها فتوترت ونظرت لحازم

حسين بإبتسامة : حمدالله علي سلامتكم يارجالة

عمار بإبتسامة : الله يسلمك ياحبيبي

كريم بإبتسامة : الله يسلمك ياعمي

ياسين بإبتسامة : الله يسلمك

عائشة بإبتسامة : في مفاجأتين ياحسين لازم تعرفهم

حسين بإبتسامة : قولو!

مريم بسعادة : في نونو يابابا جاي

حسين بسعادة : ماشاءالله الف مبروك ياحبيبة بابا تعالي تعالي

نهضت مريم واتجهت له وعانقها بسعادة

حسين بإبتسامة : تعالي يارائد تعالي ياحبيبي ربنا يفرحني بيكم

اتي رائد وعانق حسين بإبتسامة

حسين بإبتسامة : الف مبروك ياحبايبي الف مبروك.....ياترا المفاجأة التانية ايه

رحمة بإبتسامة : في نونو جاي لكريم ياعمو

حسين بسعادة : لالا متهزروش ده الشمل بيكبر اهو

اتجه حسين لكريم وعانقه

حسين بإبتسامة : الف مبروك وعقبال ما افرح باولاد الباقيين....الف مبروك يارحمة

رحمة بإبتسامة : الله يبارك فيك ياعمو

وجلسو على الطاولة مرة أخرى وبداو في تناول الطعام

كان حازم جالس بجانب فهد ويعلم ان فهد لديه حساسية من المشروم فكانت امام فهد شوربة كريمة بالمشروم وقطع الدجاج

حازم بمرح : كل ياحبيبي

فهد بهمس : انت بتهزر انا عندي حساسية منه

حازم بإبتسامة : ده انت جيتلي في ملعبي

حاول فهد النظر لزين ليفهمه لكن زين كان منشغل بمساعدة فيروز على الطعام وكان منشغل في الحديث معها

فهد بهمس : تعرف ياحازم لو عملت اي حركة هزعلك وده بجد

حازم بإبتسامة : شكلك مكسوف انا هأكلك بنفسي مش مهم انا

نظر الجميع لهم

ريماس بهدوء : طب نخلي الممرض هو اللي يأكله عشان تعرف تاكل

عائشة بهدوء : مش عارف تاكل يافهد اجي

نظر بتوتر وكان الجميع ينظر له

حازم بإبتسامة : مانا موجود اهو ده اخويا

ضغط فهد على قدم حازم بقوة

حازم بإبتسامة : اه اه انا هأكله

وقد ملئ الملعقة بالقليل من الشوربة وقطعة من المشروم

وضع فهد يده على فمه

فهد بهدوء : انا شبعان مش عاوز شكراً

نظرت بيسان لفهد بإبتسامة حاولت اخفاءها لكن هيئته كانت تجبر الناظر له على الضحك وكذلك قهقهت أماليا حينما نظرت له

حازم بإبتسامة : طب هي دي مش هتكسف ايدي والله يلا القطر رايح فين

أماليا بإبتسامة : في بطن عمو فهد

كان فهد يبتعد عنه بكل الطرق فكان زين ينظر له بتساؤل وقد اطعمه حازم قصراً فبدأ فهد بالسعال الشديد وقد تلون وجهه باللون الاحمر وقد قهقه حازم بقوة وبجانبه فهد يسعل بقوة فتوترت بيسان وحاولت اعطائه الماء فكان في مقابلتها حازم وبجانبه فهد فانقلب الماء على حازم فظل يضحك أكثر واكثر بهيستيريه وكذلك ريماس من ضحك حازم وبدأت أماليا تضحك أيضاً على هيئة حازم

عائشة بفزع : يالهوي في ايه يولاد مالكم لا حول ولا قوة الا بالله

قام رائد بوضع الماء وساعد فهد على ارتشافه لكنه سعل بقوة

نهضت عائشة بقلق

عائشة بهدوء : في ايه بسم الله

كانت بيسان تنظر له بقلق ونهض زين وقف بجانب فهد

واخذت عائشة بعض الماء علي يدها ووضعته على وجه فهد لكي يهدأ

فيروز بهدوء : طب ماية

اخذ زين الماء وحاول ان يساعده على ارتشافها وظلت عائشة تربت على ظهره بهدوء

زين بحدة : هي الشوربة دي فيها مشروم

الخادمة بتوتر : ايوة

نظر زين بتذمر فحاول اسناد فهد فعلم انه سيتقئ الأن بعد تلك المدة من السعال فنظرت بيسان لوجهه الذي مال للون الاحمر وبدات اعينه في سيلان الماء منها واخذه زين لاقرب مرحاض وبعد قليل فقد تقئ واعطاه زين بعض الماء فأرتشفه

زين بهدوء لعائشة : قولي لحد من الخدم الاسعافات اللي في جناح زين يجيبوها

عائشة بهدوء : هو في حاجة او اتعور

زين بهدوء : لا الدوا بتاع الحساسية بتاعه عندي....انت احسن

اومأ بهدوء فأخرجه زين واتجهت عائشة تخبر الخادمة بما امرها زين وجلس زين بجانب فهد

زين بهدوء : انت اكيد كنت قاصد

حازم بإبتسامة : انا وانا هعرف منين

نظر له فهد بنصف اعين فكان الجميع يقهقهون على افعال حازم تلك

بيسان بهدوء : هو في ايه اصلا

كريم بهدوء: فهد عنده حساسية من المشروم

اكتفت بيسان بإبتسامة واتت الخادمة واخذ فهد الدواء وكان زين يحاول اطعامه

حازم بإبتسامة : اجمد كده بقى في ايه

فهد بهدوء : ماشي ياحازم اما افوقلك

حازم بإبتسامة : حبيبي

ريماس بإبتسامة : انت مؤذي بجد

مريم بإبتسامة : دماغه شيطان اي ده كان ممكن بعد الشر يحصله حاجة

حازم بإبتسامة : كان حصله في الاول يختي اسكتي

نظرت بيسان له بدهشة

عمار بذهول : يخربيتك اخرص

بيسان بذهول : لا مش معقول

قهقه الجميع على افعال حازم المشاغبة

حسين بإبتسامة : حصل خير انت كويس دلوقتي يابني

فهد بهدوء : كويس

فيروز بإبتسامة : معلش بقى انت عارف حازم وحركاته

ابتسم بجانب شفتيه واردف : افوق بس

كريم بإبتسامة : صراع الممالك

حازم بابتسامه : هو فين التحلية يا هوانم انا شبعت

عائشة بإبتسامة : انا هعوضك يافهد عن اللي حصل ده وعاملة كيكة بالكريمة والفراولة هتعجبك اوي

ريماس بإبتسامة : وفيروز عملت كوكيز

نظر لها زين بإبتسامة

مريم بإبتسامة : وبيسو عملت رز بلبن باللوتس

رحمة بإبتسامة : دوقو وقيمو بقى

حسين بإبتسامة : اكيد الكيكة هتكسب

ريماس بإبتسامة : لا بقولك ايه ياعمو من غير انحياز انا عاوزة رأيك بكل موضوعية....هما يشيلو الغدا ويجمعو الحاجات الحلوة كلها هنا وكله يدوق وكله يعبر عن رأيه وبكل موضوعيه ها

حسين بإبتسامة : انا لسة عند رأيي

حازم بإبتسامة : لا بقولك ايه مسلسل العشق الممنوع ده مافيش منه

حسين بإبتسامة : بس ياولد احترم نفسك

ريماس بإبتسامة : خلاص ياعمو....تقدرو تشيلو الاكل وتجيبو الحلويات اللي اتعملت يلا يافاطيما

فاطيما بإبتسامة : حاضر عن اذنكم

وبدأوا الخدم في حمل الاطباق ووضع أطباق الحلي امامهم

مريم بإبتسامة : دلوقتي الرجالة كلهم في صف لانهم هيدوقو والبنات كلها في صف عالسفرة اوكي يلا بدلو اماكنكم

قامو بالجلوس كما امرت مريم

ريماس وهي ممسكة بالهاتف كأنه ميكروفون

ريماس بإبتسامة : ودلوقتي هنبدأ بقى وهنبدأ بكيك عائشة ويلا ياشباب

كان زين ينظر لهم بإبتسامة وهو ممسك بطبق البسكويت التي اعدته فيروز والذي يحبه بقوة وكان يأكل منه بتلذذ وهي تقف بجانبه تنظر لهم بإبتسامة

حازم بإبتسامة : حاسس ان ناقصها ذرة ملح هارد لاك ياشوشو

عائشة بذهول : ملح ايه يا اهطل

حازم بمرح : احنا قولنا بكل موضوعية ياشوشو سوري انا مبحبش اخدع جماهيري

حسين بإبتسامة : الكيك تحفة واديها عشرة من عشرة وفوقيها قلبي

الجميع بسعادة : واو

حازم بمرح : اهو شغل العشق الممنوع ده اللي جايبنا ورا والله....بقولك ايه اجمد كده مش عاوزين نفقد مصدقياتنا

عمار بإبتسامة : الكيكة تحفة اديها عشرة من عشرة

كريم بإبتسامة : وانا برضو زي عمار تسلم ايدك ياشوشو

ياسين بإبتسامة : وانا برضو زي عمار وعمي حسين تحفة فعلاً

عائشة لحازم : دي الناس اللي بتفهم

رائد بإبتسامة : تسلم ايدك يا أجمل شوشو عشرة من عشرة ياحبيبتي

عائشة بإبتسامة : حبيبي يارائد

فهد بإبتسامة : جميلة اوي فعلاً اديها تسعة من عشرة

حازم بإبتسامة : الواد ده مؤمن هتسالوني ليه هقولكم....لانه مقالش عشرة من عشرة وان هي مثالية وكاملة بكل حاجة لإن الكمال لله وحده

نكزته ريماس بهاتفها بمرح : بس سخافة ياحازم بقى

حازم بإبتسامة : خلاص اوكي انا اديها تسعة من عشرة

عائشة بإبتسامة : ماشي ياحازم بعد مانخلص بس

حازم بمرح : معلش الشغل شغل

قهقه الجميع على ماتفوه به

ريماس بسعادة : طب ودلوقتي هتدوقو كوكيز فيروز الشهير

حازم بإبتسامة : اللي زين بياكل فيه هناك ده

نظرت فيروز لزين واستندت برأسها على كتفه ونظر لها بإبتسامة

ريماس بإبتسامة : يلا يلا ياشباب

حسين بإبتسامة : بنات القصر شطار وميعملوش حاجة وحشة أبداً عشرة من عشرة طبعاً

حازم بإبتسامة : طبعاً الاعضاء دي مبتلطعش غير لشوشو

مريم بإبتسامة : يابني ماتبس بقى وقول رأيك وانت ساكت

حازم بإبتسامة : حلو حلو تسعة من عشرة برضو

عمار بإبتسامة : سيبك من الواد ده عشرة من عشرة تسلم ايدك

اكتفت فيروز بإبتسامة

كريم بإبتسامة : حلو اوي فعلاً عشرة من عشرة

فهد بإبتسامة: تسعة من عشرة تسلم ايدك

ياسين بإبتسامة : بصراحة يجنن عشرة من عشرة

أماليا بإبتسامة : قوليلي اعمله ازاي

فيروز بإبتسامة : عيوني

رائد بإبتسامة : تسلم ايدك تحفة عشرة من عشرة

بيسان بإبتسامة : طب رأي زين بقى بما انه مُغرم بيه اوي كده

زين بإبتسامة : حطي اي رقم يعجبك من بعد العشرة

عانقته فيروز بسعادة

ريماس بإبتسامة : بيسو بقى عاملة رز بلبن باللوتس دوقو وقيمو الحلاوة والجمال

بعد قليل

حازم بإبتسامة : تحفة تحفة تحفة وبكل موضوعية تمانية من عشرة

بيسان بتذمر : انت رخم على فكرة

حازم بإبتسامة : الجمهور ياماما

حسين بإبتسامة : احلى رز بلبن عشرة من عشرة ولا تزعلي

ابتسمت بيسان

كريم بإبتسامة : حلو اوي اوي بجد مش بهرز عشرة من عشرة

ريماس بإبتسامة : حازم ده هو عدو جبر الخواطر على فكرة

عمار بإبتسامة : حلو اوي تسلم ايدك عشرة برضو

رائد بإبتسامة : نعملك مصنع بأسمك حلو اوي عشرة من عشرة

ياسين بإبتسامة : جامد عشرة من عشرة

أماليا بإبتسامة : حلو اوي اوي

فهد بإبتسامة : عشرة من عشرة حطيتلك النقطة اللي حازم شالها

نظرو الفتيات جميعاً لها بطرف أعينهم فخجلت وابتسمت

بيسان بإبتسامة : شكراً بجد والله مكنتش اعرف انه هيعجبكم كده

ريماس بسعادة : والسلام عليكم ورحمه الله وبركاته....انا كمان عاوزة ادوق من الحاجات دي

قهقه الجميع على رد فعلها حينما تركت الهاتف وركضت تجلس على الطاولة مرة اخرى وتأكل كالاطفال وبعد انتهائهم من تناولهم الحلويات اجتمعو جميعاً في بهو القصر في جو عائلي سعيد وقد اتى والد ياسين يجلس مع حسين وعائشة مع ليلى وانقسم الشباب وحدهم والفتيات كذلك واخذ ياسين هاجر وخرجو للتحدث في الحديقة

في الحديقة

ياسين بهدوء : ممكن متزعليش عشان خاطري....انا اسف....انا غلطت....وهقولك والله انا اكيد مكنتش قاصد اخبي حاجة زي دي بس انا بتعامل مع أماليا كانها مولودة في بيتنا....انا اسف يا هاجر حقك عليا مش عاوز اشوفك زعلانة....ومش عاوز اول جوازنا تكون مشاكل انا عاوز اعيشك حياة جميلة وخفيفة على قلبك مش حياة تقيلة ومش عاوزك تفكري اني كنت قاصد اخبي والله مكنتش قاصد اخبي وعمري ما هخبي ولا مخبي اي حاجة عنك

عانقته هاجر بإبتسامة : ياسين ياحبيبي خلاص بعد كل الكلام ده انا والله اتصالحت كفاية انك شايل همي وانك بتحاول عشان نكون كويسين مع بعض

ياسين بإبتسامة : انا كل اللي فارق معايا انتي ومش عاوز اشوفك زعلانة ومش عاوز أبدا ابقى سبب في زعلك في يوم من الأيام

هاجر بإبتسامة : ربنا يخليك ليا يا ياسو انا خلاص مش زعلانة وكمان قعدتي مع البنات خليتني اهدى

ياسين بإبتسامة : ويخليكي ليا ياجورا ياحبيبة ياسو

هاجر بإبتسامة : يلا هدخل اقعد مع البنات وانت اقعد مع اصحابك

قبل ياسين وجنتها بإبتسامة وتركها تدلف لهم ونظر لطيفها بإبتسامة

-_-_-_-_-_-_-_-_-_-_-_-_-_-_-_-_-_-_-_-_-_

بعد مرور يومين

وصل زين للقصر وهبط من سيارته بهدوء في الليل فكان يوم عمل شاق واشتاق كثيراً لرؤيتها ودلف ونظر لحالة القصر بتساؤل فكانت انوار القصر جميعها منطفئه وذلك في غير العادة فدلف للقصر بهدوء وما ان دلف فقد كانت المفاجأة

-_-_-_-_-_-_-_-_-_-_-_-_-_-_-_-_-_-_-_-_-_

خلص البارت على كده ياحلوين ويارب يعجبكم ومتنسوش الفوت والكومنت 🥹💖

كل سنة وأنتم طيبين💖💖

فيروزة بقلم إيناس أحمد 💖