فيروزه بقلم إيناس أحمد
أستيقظت علي صوت ابيها وزوجته فخرجت لتعرف ما سبب النزاع
فيروز بنفاذ صبر: يووووه انتو كل يوم كده مبتزهقوش!!
صفية بحدة : ما أنتي السبب ياختي
فيروز بعدم فهم : نعم!!! وأنا مالي إن شاء اللّه!!
صفية بحقد : لا إزاي مالك أنا من ساعة ما أتجوزت المحروس ابوكي وأنتي واخدة كل فلوسه في تعليم ولبس ودا ودا أنا عاوزة أتهنى بمرتب جوزي شوية بدل مانتي ناهبة فلوسنا كلها وقاعدة ببلاش علي رأي المثل أكل ومرعي وقلة صنعة واحنا خدامين!
فيروز بنفاذ صبر : وأنتي عاوزة اي يعني انا أحق منك وليا الطاق طاقين في فلوس بابا واكلي وشربي انتي مبتدخليش فيه يبقى صوتك مسمعهوش بتتكلمي في ايه بقى ولا عاوزة ايه
صفية بثبات : عوزاكي تشتغلي بدالي أنا زهقت وعاوزة أتهنى بصحتي شوية بدل ما اموت وانا خادمة واحدة زيك...وعشان متدوريش كتير شغلي موجود
فيروز بصدمة : نعم!! انا اشتغل!! وبدالك كمان! اللي هو ابقي خدامة! خدامة وبابا عايش ده انتي اتجننتي....ميخصنيش انتي عجبك الشغلانة دي لكن مروحش اشتغل مكانك انا
جلست صفية وضعت قدم علي الاخري :
سميها زي ما تسميها وكمان ابوكي باصم علي ورقة انك تشتغلي بدالي ولو مشيتي من الشغل ده يتنازل عن اي حاجة يملكها وتترموا في الشارع والخردة الصغيرة اللي بيشتغل بالليل فيها دي ايوة انا صحتي مش ببلاش وسميها زي ما تسميها ابتزاز بقى براحتك
فيروز وقد تجمعت الدموع عينيها :
إزاي يابابا! إزاي ده يحصل عايزني اشتغل خدامة؟!!
كان فريد يبكي وجلس علي اقرب مقعد :
والله يبنتي أنا معرفش أنا بصمتها أمتى وحياتك عندي ما أعرف أنا لو عليا اخليكي قاعدة ملكة مكانك وانا اللي اتبهدل أنا اسف يابنتي أنا اسف
عانقته فيروز وبكت بين أحضانه بشدة
صفية بغضب : مش شغلتك مضاها إزاي ولا أمتى هما عشر دقايق والأقيكي لابسة عشان نروح للقصر الناس دي مواعيدها مينفعش نخلفها
فيروز بغضب ممزوج بدموع : انا هبلغ عنك
صفية بسخرية : هتبلغي تقولي ايه معاها ورق على بصمة بابا على املاكه وانا مراته!
فيروز بحدة : هقول ان بابا عمل كده غصب عنه
اعطتها صفية ورقة اخرى واردفت بإبتسامة : عوزاكي تشوفي دي كده
YOU ARE READING
فيروزة بقلم إيناس أحمد 🖤
Romanceولك ان تتخيل الخلل الذي يتسلل داخلك عندما يدلف حياتك شخص الحب والتأقلم معه يستدعي كل مجهودك وطاقتك وليس بيدك ان تتراجع عن قدرك الذي وقعت به فهو مصيرك المحتوم عليك ان تتنازل عن بعض صفاتك عزيزي المُحب اولها غرورك ولكن احذر ان تفقد عقلك تجاه ذلك الحب ب...
