فيروزة بقلم إيناس أحمد 🖤

الفصل الرابع والعشرون 🕊️

زين بثبات : بيت جوزها بيتنا يافيروز

كانت تسمع كل هذه الأحاديث لكن حينما تفوه زين بتلك الكلمات فقدت وعيها مستسلمة لمصيرها.....

حاول زين ان يلتقطها قبل ان تسقط على الأرض بعد ان خارت قواها من بعض تلك الصدمات التي تلازمها

زين بثبات : حازم اتصل بسرعة بدكتور أحمد

حازم بفزع : حاضر حاضر

كريمة ببكاء : كان مستخبيلك كل ده فين يافيروز....انت ازاي والكلام ده صح ولا بتعمل ايه انت.....حرام عليكو هي كانت ناقصة

زين بثبات : بعدين

حمل زين فيروز ودلف بها لغرفتها

( أعمام فيروز : رشدي ، صبري ، حمدي )
( أبناء عمها : ( محمد ، سليمان رشدي )، ( صالح صبري) )

كريمة ببكاء : يارب صبرنا على بلاءك وثبتها وصبرها...وانت ياصبري مش عاوز تعمل عزا لأخوك وتاخده احنا هناخده التلت ايام كلهم خد ابنك صالح ومش عاوزين منكم حاجة متشكرين

رشدي بغضب : يعني اي بنتنا ولحمنا متجوزة ودايرة على حل شعرها ونسيبها هنا تحط راسنا في الطين

كريمة بغضب : اخرص فيروز أشرف من الشرف ومتخوضش في عرضها ياخي ده انت عمها حرام عليك تظلمها

صبري بغضب : اخرصي انتي ياست انتي ومالكيش دخل في تربية بنتنا

فهد بغضب : ما خلصنا منك ليه بقى

محمد بغضب : انت مين انت كمان ولا كلكو متجوزينها

لم يتحمل زين اهانة لفيروز وهو بجانبها خرج من الغرفة لكم محمد لكمة اسقطته على الارض وظل يركله وكأنه يفرغ شحنات الغضب في ذلك الشخص أما البقية خشو غضبه ف التزموا الصمت

زين بغضب : فيروز مراتي بموافقة ابوها في الحلال بس الزبالة اللي زيكو فاكرين ان كل الناس زيهم وحياة أمي لولا انكو قرايبها كنت دفنتكو وماحد عرف عنكو حاجة انتو لسة متعرفوش مين زين الألفي بس الزمن هيعرفكم

حازم بهدوء : الدكتور على وصول

زين بحدة : استعجلو

رائد بهدوء : اهدى يازين ....حاولت تفوقها!!

زين بحدة : حاولت

كريمة بحزن : انا هروح اصلي ركعتين ادعي ربنا يرفع عننا كل ده وانت يازين فيروز مش هتروح معاك في حتة وجواز مافيش جواز ان شالله لو صحيت فريد من التربة وقالي انه موافق

حازم بهدوء : اتفضلي ياطنط وكله هيتحل

دلفت كريمة لإحدى الغرف تصلي

سليمان بثبات : متفتكرناش خفنا من اللي عملته ده احنا ساكتين محترمين ان الجيران لو سمعت سمعتنا هتروح ورا الشمس انا عاوز اعرف اتجوزت بنت عمي ازاي