ពេលនេះម៉ាក់របស់ថេយ៍បានក្រោកឡើងហើយក៏ដើរតម្រង់ចុះមកក្រោមហើយគាត់ក៏ចម្លែកចិត្តណាស់ដែរព្រោះថ្ងៃនេះមិនឃើញវត្តមានរបស់ថេយ៍សោះ។
គាត់ក៏ចាប់ផ្តើមភ័យៗខ្លួនដែរព្រោះជាធម្មតាថេយ៍តែងតែដាស់គាត់អោយក្រោកហើយថែមទាំងចម្អិនម្ហូបទុកអោយម៉ាក់ប៉ាគេផងដែរ មុននឹងគេចេញទៅសាលាតែចម្លែកអីថ្ងៃនេះបាត់ស្រមោលគេឈឹង។
<<ថេយ៉ុង!! ថេយ៉ុង!!ឯងទៅណាបាត់ហើយ យើងឃ្លានណាស់ឆាប់ចុះមកធ្វើម្ហូបអោយយើងសុីភ្លាម>>ដោយមិនឃើញថេយ៍គាត់ក៏សម្រេចចិត្តស្រែកហៅគេក្រែងគេនៅលើផ្ទះតែថាគ្មានសម្លេងឆ្លើយតបទេ
<<ថេយ៉ុង!!នេះឯងថ្លង់ហើយមែនទេបានយើងហៅឯងចង់បែកផ្ទះហើយឯងមិនឮទៀត?>>ម៉ាក់ថេយ៍ខឹងយ៉ាងខ្លាំងព្រោះតែថេយ៍មិនតបគាត់
ដោយទ្រាំពុំបានគាត់ក៏រត់ឡើងទៅបន្ទប់ថេយ៍ហើយគាត់បានបើកចូលយកតែម្តងដោយមិនបានសុំការអនុញ្ញាតពីម្ចាស់បន្ទប់ឡើយ តែថារឿងដែលគួរអោយភ្ញាក់ផ្អើលនោះគឺមិនឃើញវត្តមានថេយ៍នៅក្នុងបន្ទប់មួយនេះឡើយ។
ម៉ាក់របស់ថេយ៍ក៏កាន់ឆ្ងល់ទៀតហើយ គាត់ក៏បានរត់ទៅបើកទូរអាវរបស់ថេយ៍ គាត់ក៏បានឃើញថាទូរឡើងទូលាយ អាវជាច្រើនត្រូវបានបាត់ពីក្នុងទូរនេះ
<<នេះវាស្អីទៅ? មានចោរចូលផ្ទះ? ឬក៏....!!>>ម៉ាក់ថេយ៉ុងនិយាយបានប៉ុណ្ណឹងក៏បានឈប់បន្តិចហើយបន្តទៀតថា
<<ថេយ៉ុង!!ថេយ៉ុង!!នេះឯងហ៊ានណាស់ណាអាក្មេងចង្រៃ ឯហ៊ានលួចចេញពីផ្ទះផងហេស>>និយាយាសុខៗម៉ាក់ថេយ៍ក៏បាននឹកឃើញរឿងថេយ៉ុងសុំអនុញ្ញាតចេញទៅបោះជំរុំ តែពេលនេះថេយ៍ក៏បានលួចចេញទៅស្ងាត់ៗ
គ្រាន់តែដឹងភ្លាមម៉ាក់ថេយ៉ុងក៏បានស្រែកជំទាល់ពេញផ្ទះដោយមិនគិតពីអ្នកនៅកំពុងគេងនោះសោះ។
ស្រែកជំទាល់ម្នាក់ឯងមិនអស់ចិត្តគាត់ក៏ទៅរករឿងប៉ារបស់ថេយ៍ទៀតផង។
<<អាប្តីហេងស៊ូយ!!យើងធ្លាប់ឯងហើយមែនទេ ថាកុំអោយទៅរើសអាក្មេងតាមចិញ្ជើមផ្លូវនោះមកចិញ្ចឹម!!តែឯងមិនស្តាប់យើងសោះ!!ពេលនេះយ៉ាងមិច!!ឃើញវាធ្វើដាក់យើងទេ!!គ្រាន់តែនៅចាំជួយសងបំណុលមិនបានផង>>ម៉ាក់ថេយ៍ស្រែកជេរអ្នកដែលមាននាមជាប្តីដូចកម្រោលចូល ដោយមិនយល់ពីមុខវ្តីសោះ
តែថាវាជាបំណុលដែលគាត់ជាអ្នកបង្កើតឡើងដូច្នេះហើយគាត់ក៏ត្រូវជាអ្នកសងដែរ ហេតុអីមកដាក់កំហុសលើថេយ៍ទៅវិញ!!!
ប៉ុន្តែតើអ្នកទាំងអស់ចាប់អារម្មណ៍ពាក្យថា<<កូនតាមចិញ្ចើមផ្លូវ>>ទេ?
តើបានន័យថាយ៉ាងណាទៅ?
មានន័យថាថេយ៍មុនមែនជាកូនបង្កើតរបស់គាត់ទេមែនទេ?
ហើយដោយសារហេតុផលនេះមែនទេបានជាពួកគាត់តែងតែវាយធ្វើបាបថេយ៍កន្លងមក? ហើយមិនសូវអោយតម្លៃថេយ៍បែបនេះ?
<<នេះវាមិនមែនដោយសារឯងទេមែនទេ ដែលជំរុញចិត្តយើងអោយយកអាក្មេងនោះមកចិញ្ចឹម? មិចក៏ឯងទំនាក់កំហុសមកលើយើងតែម្នាក់បែបនេះ?>>ប៉ារបស់ថេយ៍ឮបែបនេះខឹងបុកឈាមឡើងយ៉ាងខ្លាំងរហូតបណ្តាលអោយគាត់បញ្ចេញសម្លេងខ្លាំងចថបែកផ្ទះ
ប្តីប្រពន្ធគេក្រោកឡើងគេស្រឡាញ់មើលថែគ្នាល្អូកល្អើននឹងគ្នា តែចម្លែកអីតែប្តីប្រពន្ធមួយគូនេះគឺឈ្លោះគ្នាគ្មានថ្ងៃណាដែលរស់នៅបានសុខជាមួយគ្នាឡើយ។
<<នេះបានន័យថាយ៉ាងមិចទៅ?>>ម៉ាក់របស់ពោលឡើងដោយសេចក្តីងឿងឆ្ងល់ព្រោះគាត់មិនយល់ពីអ្វីដែរប៉ាថេយ៍និយាយឡើយ
<<ក៏ព្រោះតែថង់ដាក់មាសនិងសំបុត្រមួយច្បាប់ដែលម៉ែឪវាបានទុកនៅនឹងខ្លួនវានោះអី ឯងភ្លេចហើយមែនទេ? >>បន្ទាប់ពីបញ្ចប់ពាក្យមួយឃ្លានេះហើយគាត់ក៏បានបន្តទៀតថា
<<ព្រោះសំបុត្រមួយច្បាប់នោះហើយទើបធ្វើអោយយើងព្រមទុកវានៅក្នុងផ្ទះនេះ!!! ហើយក៏ព្រោះតែថង់មាសនោះហើយទើបធ្វើអោយយើងដឹងថាម៉ែឪរបស់វាមិនមែនជាមនុសធម្មតាទេប្រាកដជាអ្នកមានខ្លាំងហើយ
ដូច្នេះហើយពាក្យដែរគេបានសរសេរក្នុងសំបុត្រនោះប្រាកដជាការពិតហើយ ទ្រាំតិចទៀតទៅណាប្រពន្ធសម្លាញ់ តែបន្តិចទៀតគឺពួកយើងរស់នៅស្រួលហើយ!!>>ប៉ារបស់ថេយ៍បាននិយាយពាក្យដែលឥតកេរ្តិ៍ខ្មាស់នេះចេញមក
បើសិនជាថេយ៍ឮមិនដឹងថាគេឈឺចាប់យ៉ាងណាទេ ទោះជាម៉ាក់ប៉ារបស់ធ្វើបាបគេយ៉ាងក៏ដោយក៏គេនៅតែស្រឡាញ់និងគោរពពួកគាត់ជាម៉ាក់ប៉ាដដែល
បន្ទាប់ពីឮពាក្យនេះហើយម៉ាក់របស់ថេយ៍ក៏រាងឆ្ងល់វន្តិចដែរព្រោះគាត់ដឹងតែរឿងថង់មាសទេមិនដែលដឹងថាមានសំបុត្រមួយច្បាប់នៅឯណាទេ!!
តែវាហេតុបានជាប្តីរបស់គាត់ត្រូវលាក់រឿងនេះនឹងគាត់ដែរ គាត់មិនដែលឮប្តីគាត់ប្រាប់គាត់ទេ គឺគាត់តាំងចិត្តលាក់បាំង
តែសំណួរសួរថាហេតុអីទៅ ហេតុអីចាំបាត់លាក់ដែរ?
ហើយក៏មានរឿងមួយទៀតផងដែរ តើអ្នកទាំងអស់គ្នាមានឆ្ងល់ទេថាតើអត្តន័យក្នុងសំបុត្រនោះមានអីទៅបានធ្វើអោយមនុស្សលោភលន់ដូចជាប៉ារបស់ថេយ៍ ព្រមយកគេមកចិញ្ចឹម?
បើគាត់មិននិយាយក៏យើងដឹងដែរថាគាត់ជាមនុស្សដែលចង់បានផលប្រយោជន៍ ជាពិសេសនោះគឺលុយ
ចង់បានលុយចង់កាន់លុយរាប់ពាន់រាប់លានតែមិនគិតខំធ្វើការរកសទេ គិតតែយកលុយដែលថេយ៍រកបានទៅលេងល្បែងអស់គ្មានសល់ តែចង់បានលុយស្រួលៗ
ដូច្នោះហើយយើងអាចដឹងបានណាថាវាប្រាកដជាទាក់ទងនឹងផលប្រយោជន៍ពុំខានទេ!!តែថាផលប្រយោជន៍បែបណាទៅ?
To be continue