♣️الجزء :956
هوما داخلين وبلقيس كتمد ليهم فالتمر وهي مبتاسمة
وصلات عندها ذكرى هزات تمرة من عندها : مرحبااا بينا عندكم انسيبتي ولا نقولو مامات مرات ولدي ههههه
بلقيس: مرحبااا وألف مرحبا
داز فهد معلي حاجبو هز تمرة وزاد داخلي
بلقيس: ههههه راجل بنتي معصب غير بوحدو
دخل من وراه عصام بتاسم وهز تمرة: محبا بينا عندك العمة
بلقيس : مرحبااا بيك اولدي
زاد عصام خطوة ووقف قدام سحر لي مهبطة عينيها، مد يديه وهز كأس دالحليب شاف فيها بنص عين ، مع علات عينيها حط الكاس مبتاسم ودخل بحالو
نجمعو كلهم فالصالون وبلقيس وسحر جاو جلسو قدامهم
مراد: ختي صاافي مرتاحة دابا
بلقيس: هههه واهادو هوما العادات
مراد: اذن ندخلو فالمفيد سياادنا
بلقيس: بلااتي حتى نشربو شي حاجة عاد نهضرو
مراد: والله يهدييك اختي راه يالاه مغديين بقيتو مجرجرينا فالغدا حتى لهاد الساعة
بلقيس: وغيير كأس دالقهوة ، سلييييمة جيبي القهوة
جابو الخدامات القهوة عمرو الطابلة بالحلويات فهد جاالس على أعصابو كيلعب برجليه
كل واحد هز كاسو
فهد: صاافي ساليتو نهضرو دابا
ياسين: مرحباا اولدي
مراد: سيادنا جينا ليوم طالبين راغبيين فيد بنتكم المصونة لالة صفاء الألماسة
ياسين تنهد: نتوما عارفين بنت وحدة لي عندي وعاد لقيتها بعد سنييين مازال حتى ماشبعت منها
فهد علا حاجبو وهدر بسرعة: وأنا ماغاديش نحرمكم منها بنتكم غادي تشوفوها الوقت لي بغيتو
بلقيس: شوف افهد نجيك لصارحة بنتي بغيتها تبقى قداام عيني ودييما نشوفها
فهد : وانا قلت ليك بنتي بغيتها دييييمة تبقى قدام عيني
فهد خنزر : شنوو زعمة ماباغياش تزوجيها
ياسين: هههه ماشي هادشي لي قصدات ،واش حنا كرهنا نشوفو وليدات ولادنا
فهد: وشنو قصدات
ياسين: بغاتك تبقى ساكن هنا فالقصر وصفاء تبقى قدام عينينا
فهد هز حاجبو وبتاسم جنب : هادشي لي بقى حتى ملي نتزوجو تتحمو فيا وفمرتي
بلقيس: هادا شرطي الوحييد ، ماتمشيوش تسكنو فدارك غادي تسكنو هنا فالقصر
فهد:وأنا ماموافقش باغي نبقى مرتاااح ومراتي تبقى على خاطرها فدارها
♣️الجزء :957
بلقيس: وحتى هنا غادي تبقى على خاطرها شكون غادي يبرزطها
فهد: ماشي بحال بحال فداري غادي تلبس شنو بغات وتدور كيف بغات ، غادي تكون مرتاحة
ذكرى: ومالك خود جناح أخر كبر من هاداك لي ساكن فيه فيه صالون وكوزينة وكلشي كبر حتى من البارطمة ديالك
بلقيس : ااه تبقى هي مرتاحة فيه واللحضة لي تكون نازلة تلبس حجابها وتنزل وحتى حد ماغادي يبرزطها
فهد حط راسو على يديه كيفكر اصلا هو كان باغي يبعدها باش ويبقى غير هو معاها ومرة مرة يجيبها عندهم دابا خرجو ليه ببلان تاني
ابرار فوذن سلمان: حتى انا بغيت داري نبقى فيها براحتي نلبس لي بغيت ونتصرف كيف بغيت
سلمان تنهد ودار يديه فوجهو كيضحك
مراد: حنا اصلا علاش دايرين هاد القصر باش نعيشو فيه كلنا ونشوفو ولادكم كيجريو قدامنا
عصام سمع ولادكم علا عينيه فسحر وتنهد أمنيتو يشوف ولادو منها ، سحر كانت مهبطة عينيها وحتى هي ملي سمعت هضرتو قلبها ضرب علات راسها فيه ، غير تلاقاو عينيه مع عينيها لحزينة قلب عصام عينيه بحالا ماكانش كيشوف فيها
بلقيس: شووف انا هادا الطلب لي عندي وافقتي بسم الله نكملو ماوافقتيش هز كادواتك ورجع منين جيتي
فهد علا حاجبو : فين غادي نرجع بالسلامة
مراد: ههههه ختي هبلات صاافي
ذكرى: غادي يوافق أصلا انا ولادي كلهم بغيتهم يبقاو قدام عيني
ياسين شاف ففهد: شمو قلتي أولدي
فهد دوز يديه على وجهو معصب مالاقيش كيفاش يتهرب، ماباغيش يتعكس ليهم ويشدو معاه الضد تنهد وشاف فيهم وحرك راسو بأه
فهد: موافق
بلقيس بتاسمات
ياسين: ادن تفاهمنا نوضي أبلقيس جيبي العروسة
بلقيس وقفات غادية وبالزربة وقفات ذكرى تابعاها
بلقيس: فيين غادية حتى نهبط ليكم العروسة وشوفيها
ذكرى ميقات فيها وسبقاتها: زيدي زيدي شفتك تيقتي رااسك راه دار رااجلي حتى انا
♣️الجزء :958
بلقيس ضحكات وتبعاتها طلعو حتى لبيت صفاء حل الباب ودخلو لقاو صفاء وااقفة وجهها صفر غادية جاية شاداها الخلعة
بلقيس شافتها مشات كتجري عندها شدات فيها وجلساتها: بشوية عليك امااما مالك مخلوعة وجهك صفر
صفاء وجهها صفر : شش شمو طاري لتحت
ذكرى: ههههه شنو طاري خطبناك
صفاء : صافي سالا كلشي يااك
بلقيس :اوييلي اشنو سالا باباك قال ليا هبطها
صفاء: لااا لا لا بغيتوني نسخف تما مانقدرش
ذكرى: علاش ماتقدريش مالو غادي يدخل عليك ليووم
صفاء زاادت صفارت
بلقيس خنزرات: شنوو كتقووولي نتي ، وااش بغيتي تقتليلي بنتي
ذكرى: اشوووفي يااااه مرات ولدي بغيتها حااارة لالة مولاتي
بلقيس: اشوووفي نتي بعدي ليا من بنتي ولا انا لي غادي نرفض ولدك
شدات فيد صفاء وجلساتها الدموع فعينيها
بلقيس: بنتي كبرااات وولات عرووسة وأنا مازال مافرحت بيها
صفاء شدات ليها فيديها: مااما ماتقوليش هااكا غادي تبكيني
بلقيس نزلات ليها دمعة من عينها ومسحاتها وهي كتضحك
بلقيس: هههه لا لا مانبكيكش أصلا انا خاصني نكون فرحانة ، الحمد لله ملي لقيتك وقدرت نعيش معاك هاد المناسبة يالاه نووضي امااما نزلو راه كلهم كيساينوك
صفاء بتوتر: عاافاك اماما بلااش والله شاداني الخلعة ادا نزلت غادي نسخف
بلقيس: هههه علاش غادي تسخفي شنو طاري كااع راه غير حنا عائلة غادي تهبطي وغادي يسولك باباك واش موافقة قولي راك موافقة وصاافي
صفاء: لااا لاا كلشي غادي يبقى يشوف فيا مانقدرش
ذكرى: غادي نقولو ليهم يهبطو عينيهم نالأرض غير نوضي نوضي
بلقيس ضحكات: هههه قلت ليك بعدي ليا من بنتي نووضي اماما ناضي ماتخافي من والو انا غادي نشد ليك فيديك
وقفاتها شادة فيها هابطين فالدروج، ذكرى بتاسمات بمكر وسبقاتهم كتجري ودخلت لصالون كتنهج
مراد علا عينو فيها: مااالكي
كلهم شافو فيها لقاوها كتنهج
ذكرى بوجه حزين: صفاء ماوافقاتش تتزوج بفهد
فهد غير سمعها سدق واقف
♣️الجزء :959
مراد: شنووو كتقولي نتي
ذكرى :مع الأسف هادشي لي كااين
فهد غير شاف صفاء داخلة ومهبطة راسها تقدم عندها بسرعة وشدها من دراعها
فهد: كيييييفاش مامواافقااش كيفااااش
صفاء علات فيه راسها مصدووومة وشنايفها بياضو وهو مزير ليها على دراعها
ياسين:فههههد طلق من بنتييييي
فهد خنزر فيها:كيفاااش علااش رفضتيييي
بلقيس :شنووو كتقول نتااا شنو كتخربق
ذكرى بدات كتولول وتجرو : بعد بعد من البنت
فهد مزير على يد صفاء ومخنزر فيها حتى بدات كتدمع وشافت فباباها خايفة
ياسين غير شاف نضرتها ليه قرب بسرعة عندو ودفعو مبعدها عليه وجرها معنقها : شوووو بابا ماتتخلعيش
ذكرى جرات فهد ودفعاتو حتى جلس وهو مخنزر وعينيه على صفاء
ياسين جلس مجلس قدامو صفاء معنقها: بابا شنو طااري علاش رفضتيه
ذكرى عضات على شنوفتها : غير ضحكت معاكم
مراد وفهد شافو فيها مخنزرين
مراد: كيييفاااش
ذكرى بتاسمات ببلاهة : ههههه درت ليكم برانك
مراد خنزر كيتحلف فيها وفهد بسرعة علا عينو فصفاء لقاها مخبية فباباها وكتشوف فيه بنص عين حط يديه على جبهتو
ياسين: من أول نهار دالخطووبة بينتي عصبيتك كييفاش غادي نرتااح انا نزوجك ببنتي
فهد : نتوما عارفيني عصاابي ولكن لي فقلبي حاجة تاانية
سلمان:خااصك تتحكم فؤاسك حيت هاد الأسلوب مع ختي راه مرفوووض
فهد شاف فيه وبتاسم جنب ، مابغاش قدامهم كلهم يقول ليه سير تقود
عصام:نتوما عارفين فهد واخا عصابي ولكن ماكينش شي حد غادي تأمنو عليه بنتكم فحاالو
بلقيس: بنتي راه غير خويوييفة شوف كيف ولات كتترعد
فهد شاف فيها وتنهد
♣️الجزء :960
بلقيس شدات فيد صفاء حتى شافت فيها: ماما مزياانة
صفاء بتاسمات واخا عينيها فيهم الدموع كتتفادا الشوفة ففهد : مزياانة اماما ماتخافيش
ذكرى: احم انا غير بغيت نضحك والله ماقصدت
صفاء بتاسمات بلطف : ماشي مشكل اخالتو ماديريش فبالك
فهد كيشوف فيها و كيتنهد ندم علاش خلعها
ياسين بحدة: هااادشي مابغيتووش يتكرر افهد ، بنتي ماشي بوحدهاا ولا ماعندها عائلة
أشرف تنهد حتى هو ماعاجبوش الحال: صفاء حسااسة بزااف وغير ادا غوتي عليها كتتقهر وتبكي
فهد تنهد بسخط: احم المهم بغيت نتزوج ببنتكم
عصام ضحك جنب: نااري على راس كيف قاصح عندك اصاحبي
مراد: خوويا ياسين ليوم جينا طالبين راغبين فيد بنتك ، جيت طامع نتناسب معاك لمرة التانية ،المرة الأولى هديت ليك جوهرتي لي هي ختي ، وليوم طامع تهدي ليا جوهرتك لي هي بنتك
بلقيس بتاسمات :من زماان وأنا مواعدة فهد نزوجو ببنتي ادا لقاها، عمرني كنت نضن غادي يلقاها ويبغيها وهو ماعارفهاش حتى شكون هي
مراد: هادو مكاتيب وكل حاجة عندها حكمة ربانية (شاف فياسين) شنو قلتي اخويا
ياسين :الري ريها والشوار شوارها انا مانبزز عليها مانفرض عليها
مراد:لا لا كلشي بخاطر خاطرها( بتاسم وشاف فصفاء) شنو قلتي الالة العروسة
صفاء غير وجه ليها الهضرة رجع بحال ماطيشة وقطعات الحس
مراد ضحك: هههه راه داوي معاك ابنتي ماتحشميش
ياسين شد ليها فيديها : خاصك تهضري ابابا ،فهد جا طالب يديك واش موافقة عليه
فهد ديق عينيه فيها كيساين جوابها وصفاء بلا متعلي راسها حركات راسها بأه
كلهم ضحكو وذكرى وبلقيس بداو كيزغرتو
فهد عينيها الفرحة خرجات منهم واحا مامبينش :احم المهم نقراو الفاتحة
ذكرى:ههههه مزروب اولدي خاايف تبدل رأيها ولاا
مراد بهمس : انا لي كيبان ليا غادي نبدل رأيى
ذكرى ودنيها بحال دييب قدرات تلقط الهدرة شافت فيه مخنزرة
ذكرى : كيييفاش تبدل رأيك
مراد: كتسمعي غييير العيب الله يستر ، ياالله سيادنا عليو يديكم نقراو الفاتحة
كلهم علاو يديهم كيقراو الفاتحة منغير ليليان لي كتشوف فيهم وكتدمع بوحدها كملو الفاتحة وكلهم نااضو كيسلمو ويعنقو فيها وليليان جالسة فبلاصتها كتبكي ،شافها يوسف وقرن حاجبو قرب عندها
يوسف ببرود: مالكي علاش كتبكي
ليليان والدموع فعينيها : علااااش انا زعمة مادرتش هاااكا، علاش ماجيتيش بيدك خطبتيني
يوسف :شنو كتقولي نتيي ياك جات الواليدة والواليد
ليليان ببكاء : كاان خصك حتى نتا تجي وتطلبني بحال ليدار فهد
قالت كلامها وناضت معصبة كتبكي ويوسف بقى بلاصتو كيتنهد ماعارفش مالها وعلاش تقلبات هاد القلبة كلها
كملو سلامهم ووقف فهد عينيه على صفاء
فهد:احم خاصني ندير الرئية الشرعية
ذكرى طلقات الضحكة دالشيخات : هييييييهيييي نتا خاصك تدير ليلة الدخلة
مراد خنزر فيها حتى قطعاتها
ياسين : اهااه منحقكوم دخلو لصالون اخر
وقف فهد وخرج وصفاء بقات جالسة فبلاصتها حشمانة حتى وقفاتها بلقيس
بلقيس: سييري اماما وهدرو وتفاهمو
صفاء ماعلاتش عينيها اكتفت تحرك راسها وتبعو .
غير دخلات لصالون جرها من يديها بقوة وكالاها مع الحيط لاوي يديه على خصرها وحط فمو على فمها بقبلة مجننة و عميييقة كيبين ليها فرحتو بيها
صافي البنات غدا نكملو والله حتى عييت 🥺�