أنَّ المُغرياتِ عينيكِ المُخلدةَّ
بنظَرةٍ منَكِ أغدوَ سَكرانا
في وَسطِ عيناكِ تِجمعتَ ، قصائدُ
تبَثُ السِحرَ بالأوفقِ تُناظِرُ الجَمالا
فليسَ بشيئٍ تُناظرهُ بعُمقِ كمَالها !
قُل للقَصائدِ لو مالتَ حروفُها
مِن تلكَ العُيون كُل القصائدِ أقتبسُها
الشَوقُ في الفؤادِ بحرٌ لعينٍ أعشقُها
أنا والروحُ غاطَسونَ بالشوقٍ بلىٰ مرسىٰ
وهي بالحقيقةً الهُيامُ قليلٌ وصفهُ بهَا .
بقلمي انا ايڤين ❤️
_________________________
زمرد - انت شكد ماتستحي
سميدع - اني مو ...
شهرزاد - شكد ماتستحي وبلا اخلاق شنو تتحرش ببنات العالم والله الي استحو ماتو شون اخلاق عندك تتحرش ماتخاف يجي يوم ويتحرشون باخواتك لو بامك
سميدع - انتِ شكو شعليج تحشرين خشمج بالنص وعيب عليج تجاوزين مو بعمرج اني
شهرزاد - هسه عيني صار عيب اتجاوز واني مو بعمرج لعد ماحترمت عمرك الجبير وما تحارشت ببنات العالم شنوو عندك لعب وياهن وتتحرش بيهن وتتغزل عزاا عزاا شكد بلا مستحه انت
سميدع - وانتِ شكو شعليج تحارشت تغزلت شنو الج دخل ياريت لو تحتفظين برائيج لنفسج هواي احسن من هل تطفل والحشريه الي انتِ بيها
شهرزاد- فوكاها بعده مصر على الخطا الي مسوي وهم احب اكولك ليش كاعده ادافع عليها لان اني اختها وكل الحق عندي ادافع عنها
زمرد - كافي شهرزاد اتركي ماكو فائده وياه
شهرزاد- ولج عوفيني اربي
زمرد - كافي اسكتي لا يجي ابوي ويزعل علينا
شهرزاد - شو وخري عني انتِ هذا واحد مايستحي محتاج واحد يرزله حتى يتادب ويبطل يتحرش ببنات العالم
سميدع - والله زين زعطوطه تعلمني شون اتصرف وشون اتعامل وي العالم فوتي جوه بنيتي فوتي
زمرد - شكد عيب عليك تحجي هذا الحجي حتى ماتعرف تحترم العالم اخذ صمونك و روح منا يلا لو سمحت توكل مالنا خلق مشاكل احنا الي بينا مكفينا اتفضل وانت مطرود وياريت ماتجي بعد ونشوف وجهك مره ثانيه
وتعلم شون تصرف و تتعامل وي بنات العالم و كُلش عيب عليك تتغزل وتذب كلام شكد عيب شكبرك تصير وتتغزل وهيج تسوي اشو لحد هسه واكف وصافن بوجهي عزاا ماتروح امشي منا تراا هسه اعيط والم العالم عليك
سميدع - مو جنها عيونج حلوات
شهرزاد - عزاااا عزااا باع الصلافه باع شون يحجي شون يسوي وبعده مستمر يتغزل يمه يمه الصلافه اني اعلمك هسه اصيح عليك واخلي العالم تكتلك حتى تتأدب و ماتتحارش ببنات العالم يلي ماتستحي
سميدع - اكُلج والله صوتج مزعج ماتسكين لو تتعلمين من اختج شون صوتها نازك ادري بالعه مسجل من صبح لوك لوك لوك مو لحيتي دكافي وماتستحي وانت ما مؤدب وتتحرش وتتغزل ويا طلابه بنات العالم يلي ماتخلص
زمرد - عفيه كافي عركات شو روح منا شهل سوالف هايه تراا حتى راسي كام يوجعني من العرك دكافي انتِ دخلي كملي شغل شهرزاد حبابه وانت فدوه روح منا كافي عرك
سميدع - اعتذر منج مو بقصدي
شهرزاد - والله عمي خوش صارله شكد يزحف وفوك هذا كله يعتذر ويصيح اسف شنسوي باسفك احنا هاا ماتكلي شنسوي
سميدع - دخيلك ياعلي بويه انتِ شبالعه من صباحيات فهميني ولج خالي كافي لوك لوك لووك دكاافي صوتج سوالي مغص ببطني
زمرد - اهووووو اهووووو كااافي ولكم كااافي سطرتووني من صباحيات عمي اعتذاارك مقبووول مقبووول بس روح رحمه على البطن الشالتك وانتِ شهرزاد ولج امشي كافي كافي والله تعبتيني
شهرزاد - ولج انتِ ماتفهمين يتحارش بيج اذا سكتي هسه راح يضل بكل مره يتحارش ويعيد هذا التصرف وياج
سميدع - ماتحارشت تراا ماكلت الا الحقيقيه بس كولي انتِ تغارين منها لان تغزلت بيها مو بيج ولو الي يسمع صوتج شيتغزل ماتكليلي هو بس يشد راسه لان ينسطر من الازعاج الي بهل صوت الشايلته تلعلعين بي تلعلع
شهرزاد - انت فد وااحد ...
زمرد - اشششش اششش امشي الخبزات حتركن
شهرزاد - رايحه رايحه بس بختك بالخبزات
زمرد - وانت هم عندك بعد كلام تكوله لو خلصت تراا هواي ضليت واكف راح الصمون برد ماطلعن صمونات ذني رووح يلا
سميدع - اتمنى تعذريني على كلامي بحقج اني بصراحه مجان ..
زمرد - مصار شي خويه تكدر تروح هسه لان العالم صارلها ساعه تباوع علينا واحنا بنات روح منا فدوه كافي افتهمت كافي مو قصدك هاي هيه
سميدع - اخذت نفس وابتعدت امشي الوم بنفسي على كلامي وياهن شبيك ماتكلي شبيك اول تالي تتحارش ببنات العالم وتحجي وياهن هيج اخخ كله من وره سرمد اني شكو مصادقه وامشي وياه
نوب الصمون برد واكيد امي ضل بالها تنتضر حتى ياكلون تاخرت عليهم .. بس غير عيون شايله بويه يسحلن سحل
سميدع - استغفر الله العظيم اعوذ بالله من شيطان الرجيم شهل تفكير ارجع للبيت اتريك وي اهلي احسن شي واترك هل تفكير مابي فائده .. بس ذيج غير لسان عدها اكلتنا وشربتنا شكد غثيثه وماتنبلع الله يساعد الي ياخذها على هل صوت والازعاج الي بي
انتبهت على سيد حازم كاعد بعيد وعلامات الحيره مبينه على وجهه تقربت من عنده واستاذنت حتى اكعد
سيد حازم - هلا هلا بيك يالسبع اكعد بويه لا تستاذن كل المكان الك لا تستأذن
سميدع - الحيره بوجهك عمي خيرك عسا ماا شر كول اذا تحتاج شي اني وياك واساعدك بكلشي بس احجي عين غطه وعين فراش
سيد حازم - ماتقصر وليدي رحمة الله على ابوك على هيج تربايه ماضاعت بيك يابويه ماضاعت اعتمد عليك اكثر من ولدي
سميدع - واني بحسبه ولدك عمي والي الشرف بهذا الشي
سيد حازم - انت وليدي يابويه
سميدع - سكتنا ثنينا وساد الهدوء بيناتنا حاولت افتح اي موضوع اخلي يحجي بي بلكي اكدر اوصل للخيط الي مخلي هيج محتار ومشغول باله احاول بكد ماكدر اساعده لان هواي قدملي مساعده
عدلت كعدتي و سألته على سبب انتقالهم من الفرات الاوسط لان ابوي كالي اصلنا مناك وبيوتنا جانت هناك واغلب الايام الي عاشوها جانت هناك جان عندي فضول اعرف سبب تركهم لهل منطقه وانتقالهم لبغداد
ابتسم على سؤال وجاوبني
سيد حازم - اكعد عمي احجيلك عن السبب الي خلانا نترك بيوتنا والمنطقه وكلشي حلو جان موجود بيها ونجي لبغداد
بثوره العشرين جان جدك سيد حمزه الي هو ابوي وابو لابوك من ضمن الي قادو ثوره على الانكليز بمنطقتهم فا جان اكو جماعه من يمهم حبسوهم الانكليز بذاك الوقت وانت تدري ماكو واحد يرضى واحد منه وبي وينسجن بهيج مكان ومن قبل ناس غريبه وبنص منطقتهم وبلدهم
ولذالك بيوم من الايام تجمعوا الثوار ومن ضمنهم سيد حمزه راحو هجموا على السجن الي بيه ربعهم و كدروا يحررونهم ويا ما طلعوا الثوار و المساجين اجت الامدادات و وياهم ضابط بريطاني كاموا يرمون عليهم فاا سيد حمزه
وهو فوك الحصان رمى على الضابط وكتله وانسحبوا الانكليز بوقتها خاف سيد حمزه على ولده لا ياخذوهم الانكليز وانتقل من الفرات الاوسط لمحافظه واسط واستقر هناك كبرنا احنا الولد وجنا احنا خمس اولاد اني وابوك سيد هادي وسيد حسام وسيد وسام وسيد عباس
انتقلت اني من واسط لبغداد لان كدرت اتوضف بوزاره الصناعه وسيد عباس اجى وياي لان كدر يحصل شغل بنفس المنطقه وانتقل ابوك سيد هادي لضواحي بغداد واشترى بستان وصار يزرعه انواع الخضروات والفواكه وكدر يصير تاجر بشغله والله وفقه بشغله وكلشي بحياته بس تدري قضاء وقدر ربك هو دائما الي يحدد مصيرنا
سميدع - فصلت من العالم واني اسمع سوالف عمي الي محد يكدر يقاطعه ولا تنمل سوالفه هواي ذةريات تجمعت بمخيلتي و براسي هواي اسئله بس ماعتقد راح يكون الهن جواب ولا بيوم اكدر افهم الي صار بشكل مضبوط اكدر استوعبه بدون اوهام
وانتبهت على امي ولطيفه كاعدات يمي ويسمعن سوالفه ضحكت على نفسي شوكت اجن ولا لاحضت عليهن ولا سمعت حسهن من اجن
لطيفه - زين عمو انتو شلون تعرفتو على امي واختها وتزوجتوهم
سيد حازم - ابو نهله وامج جان من اقارب ابوي من بعيد بس علاقتنا بيه كلش قويه وراح ابوي طلب ايد بناته الي ولسيد هادي بنفس اليوم وصارت القسمه وتزوجنا لهذا صار الاخوان ياخذون الاخوات
لطيفه - زين عمو ليش خالتي نهله مو حباب...
سميدع - لطيفه كافي عيب
سيد حازم - خليها تحجي براحتها عمي
سميدع - كمل سالفتك عمي هاي مراح تخلص اسألتها
سيد حازم - المهم من تزوجنا اني وابوك بنفس اليوم استقرينا هنا واستقر ابوك بالبستان انقلو ابوي سيد محمد وامي يم ابوك وعاشو يمه 7 سنين وتوفى ابوي ووراه توفت امي بسنتين
صار عندي من خالتك نهله ثلاث اولاد وبنتين
سرمد - واني واحد من فروخه عيوني خاف ماتعرفوني
سيد حازم - الناس تسلم اول شي
سرمد - بويه اني شمدريني بالاتكيت اني الي اعرفه اجفت جفت طبعا شنو مدام نجحت اكيد راح تسوين النا غده خاله مو تسويلنا مو
- اي يمه مسويه طبعا مسويه تعالوا كل الهلا بيك عيوني الكم شتردون اسويلكم بعد
سرمد - لا لا كلفتي نفسج خاله بس مو جنج هواي مستمتعه بالسوالف ونسيتي الاكل على النار بلكي احترك منين يبقى عدنا اكل ناكله نموت يعني من الجوع على هل سالفه
سيد حازم - سرمد
سرمد - بويه امي تصيح الك تراا تكول خل يجي تراا هسه اطلع اخبالاتي عليه واطلع اشهره شهيره بالشارع اكلهم مخلي عينه على مرت اخ...
سيد حازم - سررررمدد نوب راح اكوم اكسرك تكسر الزم لسانك لا تخليني اتجاوز عليك عيب انت جبير شكدك تصير بعد وجهك متروس شعر عيب اثكل
سميدع - شفت الوضع جان حامي بينهم سحبت نفسي وتركتهم فشله يبقى صديقه واكيد يستحي ابوه يرزله كدامي اشرت لامي و لطيفه افتهمو عليه وتركوهم ومشوا
عفتهم وطلعت حسيت بصوت سرمد وهو يصيح عليه التفت عليه صافن شبي هذا الخبل يركض
سرمد - ولكك شبيكك شاد محرك برجليكك ارريدد الحك عليك ماااكو ياابويه والله ضهري نكسر ونفسي نكطع من الركض نوب صاير مايسمع صوتي راح واني اصيح يااابه يااابويه نشحط بلعومي
سميدع - عود كلت فشله اسمع ابوك يرزلك كدامي وعفتك ومشيت
سرمد - خاب عاديي دمشي دمشي اجيب محفظتي واعزمك على سالفه الا تطك بالكاع امشي لا تستحي
سميدع - مشيت وراه لبيتهم دخلنا للمطبخ واسمع صوت خالتي مالي المكان بعياطها و صوت عمي نفس الحاله التفت على سرمد الي جان وجهه طبيعي مانطه اي رده فعل على وضع امه وابوه و اصواتهم العاليه .. انتبه عليه وابتسم بوجهي وكال
سرمد - ههههه شبيك صافن عليه تراا هاي همه كل يوميااا عركاتهم هاي من احنا صغار لسه فاا لا تستغرب امشي امشي اجيب المحفظه واعزمك بمناسبه نجاحك
سميدع - مشيت وراه حتى نفوت للبيت .. سمعت شي صدمني اكثر خلاني اوكف بمكاني استوعب الكلام الي اسمعه
نهله - هاااا بشرررني عجبتك اختي هااا خوووش صيده اجتك صرت تكضي الوقت وياااها لان انت اصلا مخيل عليها وراسمها ببالك من زماااان بس هسه اجتك الفرصه همم ارررمله وهم احلى منييي وانت مااتعول اجتك هل فررصه سوولفلي كووولي شووونها
سيد حازم - شكد شفت ناس تفكيرهم مريض بس مثل تفكيررج بعمري وحيااااتي كلها مشاايفه ولج مااستحييتي على الشيييب الي ترس راااسج ترررس وانتِ تتهمين اختج بهل الاتهام ولج مااخجلتي وانتِ تتهمييين زوووجج يتونس وي اختج والله وطاح حض تفكيرج ونفسيتج المريضه
نهله - هاا سيد حااازم الي يستشرررف الي مايقبل على غلط ممكن تفهمنيييي شنووو يعنيي انت يمهااا رايح راااد وهيه ارمله تفهمننييي شنووو ارررمله وانت عندك مااعندك يمهااا ولك شفتك بعيني هاااي بعييييني تضحك وتسووولف ويااهاا
سيد حازم - ولج كضيي لساانج لاا تخليني امد ايدي عليج واني اكول فشله مره جبيره وراح تصير بيبيه وامد ايدي عليها واكسر راسها بس انتِ جنج مو مال احترام انتِ مال دك وعلى راسج بالحزام
نهله - طبعاا تحجي هيج طبعااا دافعت عننهاا زيين داافعت كووول احجييي شنووو انطتك بالمقااابل حتى تدافع عليها وماتقبل احجي كلمه وحده فهمنيي
سيد حازم - احترمي نفسج والزمي لسانج لان صبري بده يخلص وياج كل مره اعذرج واكول باجر و عكبه تتغير و تحس على نفسها سنين متحملج ومتحمل نفسيتج القذره و تفكيرج المريض وماحجي شي بس ماتوقعتج بيوم توصلين لكميه النذاله الي تخليج تشكين باختج و تطلعين عليها سوالف
عبالج ماسمعتج مالكفتج وانتِ تسولفين لجيرانا الي مانعج تدخل لبيتنا بس لااا لااا المهم اكسر حجايته واعانده وادخلها للبيت غصب المهم ادخلهااا واحجي على رجلي وعلى عرررضه و احجي باختي وافضحها واطلعها مو خوش ادميه لان اني اغار منها لان هيه احسن مني مووو
نهله - هااا سيد هااا مااسمحلك فتهمتنيي مااسمح الكككك اني الاحسن منهااا واحسن منهااا بهوااايه هوواااي شغلااات منوو هاااي فد نمووونه وتقيمنييي بيهااا شتسووه هاااي وانت كاعد تقارني بيهاا
سيد حازم - هاي الي قارنتج بيها الها اسم واسمها ام السميدع الي قارنتج بيها حافظت على نفسها وجهالها ولمتهم تحت سكف واحد و كاعده تربيهم احسن تربايه هاي الي قارنتج بيها اختج الي كاعده تقذفين بيها بكل صلافه ولا عبالك اكو صله دم بيناتجن اختاري الفاظج عدل لان صبري بده يخلص وياج نهله
نهله - والله وخوش خلت محامي الها يدافع عليها شنو دفعت الك بالمقابل حتى خلتك محبس بايدها بحيث صرت توديك وتجيبك بحجايه ومشيتك على مرامها
سميدع - نزلت راسي واني اسمع صوت الراشدي وشهكه ابتهال على الضربه .. باوعت على سرمد الي جان واكف مصدوم من الكلام الي سمعه خليت عينه بعيني خليت ايدي جتفه وطلعت من البيت بكبره خنكني خنك
سميدع - امشي واحس الخنكه بنص صدري تجويني جوي .. امي اختها تحجي عليها وماكدر ادافع عنها بشي ماكدر اوكفها عند حدها واكلها ماسمح الج امي اشرف من الشرف .. امي الي ربت وكبرت وتعبت وماشتكت لاحد غير رب العالمين
امشي وتاخذني رجليه للمجهول .. امشي وكل خطوه بيها الف حسره و صرخه تصيح وينك يابويه ظهري نكسر ومابيه حيل بعد .. جنت لامنا بسدك وشحده الي يمسنا بحجايه .. وهسه الي منا وبينا بنصنا ويذمونا
سميدع - امشي والدنيا الظهر الشمس تضوي المكان بس جنها مضلمه بيه ..
انتبهت عليها من بعيد شفتها وفز گلبي مثل رجفه الطفل على امه شفتها والگلب يرحب بيها قبل المرحبا
كاعده على الرصيف والعبايه على راسها والكذله تهفي بالهوى جنها شطب ريحان الوجه احمر والدمع بنص العيون يلالي
تقربت من عدها اسئل على سبب كعدتها بهل مكان ماكدر اعبرها وامشي بدون ماحجي وياها شي
سميدع - شعندج كاعده هنا بهيج وقت
باوعت عليه وخلت ايدها على كصتها تحمي عينها من الشمس نرفعت العبايه من جهه ايدها وبين البياض يلالي من عدها
زمرد - اووف هم انت هنا شنو حضي اليوم هذا
سميدع - تايهه لو شنو الوضعيه اختج العرمه وينها
زمرد - شهرزاد
سميدع - شنو
زمرد - اختي العرمه الها اسم واسمها شهرزاد
سميدع - هههههه وتدافعين عنها زمرده
زمرد - يااا زمرده شنو هازه كاروكك واني مادري تكلي هيج تراا اسمي زمرد مو زمرده
سميدع - محد يلوم اهلج لان سموج بهل الاسم ابد
زمرد - ليش بالله
سميدع - لان ..
زمرد - بابا همزين اجيت وين تاخرت عليه
سميدع - التفت على مصدر صوتها واشوف كدامي صديق عمي والرجال الي اشتغل يمه
حجي سعد - شونه السميدع عساه بخير
...يتبع
__________________________
هلا دااده شونكم عيوني انتو 💗💗.
حاليا البارتات دتكون تعريف على الشخصيات الاساسيه لان تفيدكم بالبارتات الجايه احفظوها بعقلكم كلش زيين لان تحتاجوها بعدين
ياريت تعلقون على الفقرات كلها لان صدُك كُلش مهم هل شي عندي ياريت اذا تحبوني تعلقون على كل الفقرات والي تكدر تنشر القصه بكل مكان .. وأمًا للتنزيل فيكون حسب التفاعل كل مجان التفاعل اكثر كل مجان تنزيلي اسرع واسرع 💗
البارت بكل مره يكون اطول من القبله بتسلسل الاحداث 💗
حساب الانستگرام