Unicode
ကျိချင်းကျိုးသည် သူ့ဗိုက်အောက်ပိုင်းနားကိုကြည့်၍ အခွင့်အရေးကို လက်လွတ်မခံဘဲ လော့ခ်ချထားသည့် တံခါးဆီပြေး၍ မြန်မြန်ဖွင့်ပြီး ထွက်ပြေးလာခဲ့သည်။သူ ကျိုးချန်ဖုန်းရဲ့ အခန်းဆီ ပြေးသွားပြီး ပြင်းပြင်းထန်ထန်တံခါးခေါက်လိုက်သည်။
ကျိုးချန်ဖုန်းကဖုန်းပြောနေချိန် တံခါးခေါက်သံကြားသဖြင့် ထိုနေရာဆီ သွားပြီး ဖွင့်လိုက်ချိန် သွေးမရှိသောမျက်နှာဖြင့် တံခါးရှေ့မှာ ရပ်နေသည့် ကျိချင်းကျိုးအားတွေ့လိုက်ရလေသည်။
ဘာဖြစ်တာလဲဟု သူမမေးရခင် ကျိချင်းကျိုးက အကုန်ပြောလာခဲ့သည်။
“ကျွန်တော် ဖန်ယောင်ရွှမ်းကို ဓားနဲ့ထိုးခဲ့မိတယ်။ကျွန်တော်တို့ ရန်ဖြစ်ကြရင်း သူ့ကို ဓားနဲ့ထိုးခဲ့တာ။သိပ်နက်လောက်မှာ မဟုတ်ဘူး။သူအခု ကျွန်တော့် အခန်းထဲမှာ ရှိတာမို့ သွားကြည့်ပေးနိုင်မလား။ကျွန်တော် 120 ကို ဖုန်းဆက်လိုက်မယ်”
သူက အရမ်းတည်ငြိမ်လွန်းစွာပြောနေပေမယ့် အသံကတော့ ကြောက်လန့်မှုတို့ ရောယှက်နေခဲ့သည် ။
“ချူချန်ကို မပြောလိုက်ပါနဲ့နော်။လုံးဝမပြောလိုက်ပါနဲ့။ခင်ဗျားပြောလိုက်ရင် ကျွန်တော် နောက်အေးဂျင့်ပြောင်းလိုက်မှာ”
ကျိုးချန်ဖုန်းသည် သူ့စကားလေးနှစ်ကြောင်းထဲမှာပါသည့် အချက်အလက်တစ်ပြုံတစ်မကြီးကြောင့် လန့်နေဆဲဖြစ်ပြီး ခဏကြာမှသာ စိတ်ပြန်ထိန်း၍ ပြောလိုက်သည်။
“ငါသွားကြည့်လိုက်ဦးမယ်။ချက်ချင်းကြီး120ကို မခေါ်လိုက်နဲ့ဦး။ငါ့အခန်းထဲမှာ စောင့်နေဟုတ်ပြီလား။မကြောက်နဲ့နော်။ဘာမှမဖြစ်ဘူး”
ကျိချင်းကျိုးက ခေါင်းညိမ့်ပြီး အလေးထား၍ ထပ်ပြောလာသည်။
“ချူချန်ကို မပြောပါနဲ့။ဒီကိစ္စကို ကျွန်တော်တို့ဘာသာဖြေရှင်းကြမယ်လေနော်။သူ့ကို မစိုးရိမ်စေချင်ဘူး”
ကျိုးချန်ဖုန်းကလည်း ဖန်ယောင်ရွှမ်းရဲ့ အခြေအနေကိုကြည့်ဖို့ လောကြီးနေတာဖြစ်၍ ခေါင်းတစ်ချက်ညိမ့်ပြီး ထွက်သွားသည်။
ကျိချင်းကျိုးသည် ဖြည်းညှင်းစွာ အခန်းထဲဝင်လိုက်ပြီး ဆိုဖာပေါ်ထိုင်ချ၍ အသက်ပြင်းပြင်းနှစ်ခါရှူလိုက်ကာ သူ့ကိုယ်သူ တည်ငြိမ်အောင် လုပ်ပြီး လက်ရှိအခြေအနေကို စီစစ်နိုင်ဖို့ ကြိုးစားလိုက်သည်။
ဖန်ယောင်ရွှမ်းမသေလောက်ပါဘူးနော်။ဓားနဲ့ထိုးခဲ့တယ်ဆိုပေမယ့် ဓားသေးသေးလေးတစ်ချောင်းပဲလေ။ပထမဆုံးအကြိမ် လူတစ်ယောက်ကို ဓားနဲ့ ထိုးဖူးခြင်းဖြစ်၍ သူ့လက်တွေ တုန်ရီနေခဲ့ပြီး အနက်ကြီး ထိုးသွင်းခဲ့တာမဟုတ်။ဒါ့ပြင် အရေးကြီးတဲ့ နေရာတွေကို အထူးရှောင်ပြီး ထိုးခဲ့ခြင်းဖြစ်၍ သူ့ကို ဒဏ်ရာရစေရုံသာဖြစ်ပြီး သေစေချင်ခဲ့တာမဟုတ် ပေ။ ဖန်ယောင်ရွှမ်း ကြီးကြီးမားမားဖြစ်မှာ မဟုတ်လောက်ပါဘူး။
ဒါပေမယ့် ဖန်ယောင်ရွှမ်းက ဒီကိစ္စနဲ့ပတ်သက်ပြီး ကတ်သီးကတ်ဖဲ့လုပ်လာနိုင်သည်။သူ့ကို လွှတ်ပေးချင်မှာ မဟုတ်ပေ။ဒါပေမယ့် သူ့မှာ အကြောင်းရင်း ရှိတာပဲ။ဥပဒေမှာ ကိုယ့်ကိုကိုယ် ကာကွယ်ခွင့်၊ခုခံခွင့်ရှိကြောင်း အလွန်ခွဲခြားပြီးကို တရားဝင်သတ်မှတ်ထားသည်လေ။သူညစ်ပတ်နေသမျှကာလပတ်လုံး သူကလည်း ကိုယ့်ကိုကိုယ် ကာကွယ်တာဆိုပြီး ပြန်ချေပလို့ရတာပဲ။
အခုချိန်မှာ အရေးကြီးဆုံးအရာက ဒီကိစ္စကို မဖော်ပြနိုင်ဖို့ပင်။ အကြောင်းပြချက်က ဘယ်လိုဆိုတာ အရေးမကြီးဘူး ဒီကိစ္စကြောင့် သူအသေရေဖျက်ခံရမှာ။အဲ့တာကြောင့် ဒီအဖြစ်အပျက်ကို သတင်းမီဒီယာတွေမှာမဖော်ထုတ်လာဖို့အတွက် သေချာအောင်လို့ အဆက်အသွယ်ရှာဖို့လိုနေတာဖြစ်သည်။
ကျိချင်းကျိုး ဖုန်းကို အမြန်ရှာလိုက်ပေမယ့် တစ်ကိုယ်လုံးနှံ့နေသော်လည်း ရှာမတွေ့ခဲ့ပေ။ ပြီးမှ ခုနရန်ဖြစ်တုန်း ဖုန်းကျကျန်နေခဲ့ကြောင်း သတိရသွား၏။
ကျိချင်းကျိုး မတ်တပ်ထရပ်လိုက်ပြီး အခန်းထဲမှ ကြိုးဖုန်းရှိရာဆီသွားချိန် တံခါးခေါက်သံကြားလိုက်ရသဖြင့် နှလုံးခုန်သံများ မြန်လာခဲ့သည်။ ထိုအချိန် အပြင်မှ ရှောင်ချန်း အသံထွက်ပေါ်လာ၏။
“ကျိကော ကျွန်တော်ပါ။ ကောနဲ့ နေပေးဖို့ ကျိုးကောလွှတ်ပေးလိုက်လို့ပါ”
ထိုမှသာ ကျိချင်းကျိုး စိတ်အေးသွားပြီး တံခါးဆီလျှောက်သွား၍ တံခါးသွားဖွင့်လိုက်သည်။
ရှောင်ချန်းသည် ကျိုးချန်ဖုန်းရဲ့ ဘာဖြစ်သွားတယ်ဆိုတဲ့ အကြမ်းဖျင်းရှင်းပြချက်တွေပဲ နားထောင်ခဲ့ရတာဖြစ်ပြီး ဒီကိုမလာခင်တည်းက စိတ်ပူနေခဲ့မိသည်။အခုတွေ့လိုက်ရမှပဲ ကောရဲ့ အခြေအနေက နည်းနည်းတည်ငြိမ်နေပြီဖြစ်၍ စိတ်သက်သာရာရသွားရ၏။သူသည် အခန်းထဲလိုက်ဝင်ရင်း ကျိချင်းကျိုးရဲ့ ဖုန်းအား လက်ထဲထည့်ပေးလိုက်ကာ-
“ဒီမှာကောရဲ့ဖုန်း...ကျိုးကောက ကောဆီယူသွားပေးပါဆိုလို့။ပြီးတော့ စိတ်မပူပါနဲ့တဲ့။ကိစ္စတွေအားလုံးသူကိုင်တွယ်လိုက်မှာမို့ ကောဘာမှ လုပ်စရာမလိုဘူးတဲ့”
ကျိချင်းကျိုးက ခေါင်းတစ်ချက်ညိမ့်၍ ဖုန်းယူလိုက်သည်။
သူ့ပါးတွေနီရဲနေကြောင်းရှောင်ချန်းသတိပြုမိသွား၏။
“ကော ဖန်ယောင်ရွှမ်းနဲ့ ရန်ဖြစ်ခဲ့တာလား”
“ငါတို့ ရန်ဖြစ်ခဲ့ကြတာ”
ကျိချင်းကျိုးက အသံအတက်အကျမရှိဘဲ တည်ငြိမ်စွာ ပြောလာခဲ့ပြီး သူ့ကို ပြုံးပြလာသည်။
“ငါနိုင်ခဲ့တယ်”
ရှောင်းချန်းတစ်ယောက် ခေါင်းညိမ့်ပြလိုက်ပြီး ဘာမှထပ်မပြောဖြစ်တော့။
ကျိချင်းကျိုးနဲ့အတူ ဆိုဖာပေါ်မှာ ထိုင်ရင်း နှစ်သိမ့်ပေးနေမိတယ်။
“ကျိုးကောက အဆက်အသွယ်တွေနဲ့ ချိန်ဆက်ပြီပြီးဆိုတော့ ဒီကိစ္စပြန့်မှာ မဟုတ်တော့ဘူး။စိတ်မပူပါနဲ့”
ကျိချင်းကျိုး ကအသံလေးတစ်ချက်ပြုပြီး ဘာဖုန်းမှ ထပ်မခေါ်နေတော့ဘဲ ရှေ့က ကော်ဖီစားပွဲပေါ်ချထားလိုက်တော့သည်။သူစိတ်လည်း တဖြည်းဖြည်းတည်ငြိမ်စပြုလာပြီဖြစ်၏။မသိစိတ်ကတော့ အိတ်ကပ်ထဲမှ ဆွဲကြိုးလေးအား လက်နဲ့ ပွတ်သပ်နေမိတော့သည်။
လွန်ခဲ့သောနှစ်ရက် ရိုက်ကူးရေးလုပ်နေစဉ်အတွင်း ဆွဲကြိုးကို ချွတ်ထားခဲ့ရပေမယ့် ဘူးထဲထည့်မသိမ်းထားခဲ့ဘဲ သူ့အိတ်ကပ်ထဲမှာပဲ တစ်ချိန်လုံးထည့်ထားခဲ့တာဖြစ်သည်။ဆွဲကြိုးလေးအား ငြိမ်သက်စွာ ထိတွေ့ရင်း ဘာမှမလုပ်တော့ဘဲ ငြိမ်နေခဲ့၏ ။ တိတ်လွန်းလို့ ရှောင်ချန်းတောင် ကြောက်လာသည်အထိပင်။
မကြာခင် ကျိုးချန်ဖုန်း ပြန်ရောက်လာခဲ့ပြီး ရှောင်ချန်းတံခါးသွားဖွင့်ပေးလိုက်၏။ထိုမှ ကျိချင်းကျိုးက မော့ကြည့်လာသည်။
ကျိုးချန်ဖုန်းရဲ့ အမူအရာက သိပ်မကောင်းပေ။သူက ကျိချင်းကျိုးထံကြည့်၍-
“ဖန်ယောင်ရွှမ်းကို ဆေးရုံပိုပြီးပြီ။သတင်းကောင်းကတော့ ဒဏ်ရာသိပ်မနက်တာပဲ။ဖန်ယောင်ရွှမ်းဘက်ကလည်း လျှို့ဝှက်ထားပေးဖို့ သဘောတူတာမို့ သတင်းတွေပိတ်ပြီးသွားပြီ။အခုချိန်တော့ ဒီကိစ္စအပြင်ကို ပေါက်သွားမှာ မဟုတ်ဘူး”
“ယာယီပဲလား”
ကျိချင်းကျိုးက အဓိက သော့ချက် စကားလုံးကို အမိအရဖမ်းမိလိုပ်သည်။
ကျိုးချန်ဖုန်းက ခေါင်းညိမ့်လာကာ လေးလံသောအသံဖြင့်-
“စွင်းယင်ကတော့ ပြဿနာရှာနေဆဲပဲ။သူမက ဒီတိုင်း မပြီးလိုက်ချင်ဘူးလေ။ဖန်ယောင်ရွှမ်းက မင်းဘက်က ဝိုင်းပြောပြီး စွင်းယင်ကို တားလိုက်လို့ သတင်းတွေမထုတ်ခဲ့တာ”
“သူ့သတ်မှတ်ချက်တွေကရောဘာတဲ့လဲ”
ကျိချင်းကျိုးက တည်ငြိမ်စွာပင်ပြောသည်။
“သူက အဲ့လောက် ကြင်နာတတ်တဲ့လူဖြစ်ပါ့မလား”
“အမှန်ပဲ။သတ်မှတ်ချက်တွေတော့ရှိတယ်။ ပထမအချက် - မင်း သူ့ကို တောင်းပန်ရမယ်။ ဒုတိယအချက် မင်းကြောင့် သူဒဏ်ရာရတာမို့ သူ့ ဒဏ်ရာမပျောက်မချင်း မင်း သူ့ကို ပြုစုပေးရမယ်။တတိယအချက်က သူ မင်းနဲ့ မျက်နှာ ချင်းဆိုင်ပြီး စကားပြောချင်တယ်တဲ့။မင်းဘက်က ငြင်းချင်တယ်ဆိုရင် သူကလည်း တရားစွဲမယ်လို့ ဖန်ယောင်ရွှမ်းကပြောတယ်။မင်း ငြင်းလိုက်တာနဲ့ ချက်ချင်းတရားစွဲမှာတဲ့”
ကျိချင်းကျိုးတစ်ယောက် လှောင်ရယ်လိုက်သည်
“စွဲပစေပေါ့။ကျွန်တော်ကတော့ တောင်းလည်း မတောင်းပန်နိုင်သလို ဂရုလည်း မစိုက်ပေးနိုင်ဘူး။ ပြုစုပေးရမယ်ဟုတ်လား။ကျွန်တော် သူ့ကို ဓားနဲ့ ထပ်ထိုးမိမှာ ကြောက်ရတယ်!”
ကျိုးချန်ဖုန်းက သက်ပြင်းချကာ-
“ချင်းကျိုး .... မင်းသိပါတယ်။ဖန်ယောင်ရွှမ်းက ဒီအသိုင်းအဝိုင်းထဲမှာ နှစ်တွေအများကြီးကျင်လည်လာလို့ အောင်မြင်မှုရထားပြီးသားလူတစ်ယောက်ဖြစ်တဲ့ အပြင် သူ့နောက်မှာ ဖန်မိသားစုကလည်း ရှိသေးတယ်။သူ မင်းကို တရားဆွဲချင်ရင် ဒဏ်ရာမနက်တာပဲဖြစ်ဖြစ် မင်းကိုယ်မင်း ကာကွယ်တဲ့ အနေနဲ့ လုပ်ခဲ့တာပဲ ဖြစ်ဖြစ် သူ နည်းနည်းလောက် လှည့်ကွက်လေးထုတ်သုံးလိုက်တာနဲ့ မင်း အချုပ်ထောင်ထဲမှာ အဆုံးသတ်သွားလိမ့်မယ်။မတန်ဘူးလေနော်”
“အဲ့တော့ ကျွန်တော့်ကို ဖန်ယောင်ရွှမ်းဆီ သွားတောင်းပန်စေချင်တာလား”
“မဟုတ်ဘူးလေ”
ကျိုးချန်ဖုန်း ပင်ပန်းလာပြီ။
“ချူချန်ကို ပြောပြလိုက်ပါ။ ဖန်ယောင်ရွှမ်းလို သရုပ်ဆောင်တစ်ယောက်ကို ငါ ကိုင်တွယ်နိုင်ပေမယ့် သူ့မိသားစုကိုကျ မင်းရောငါရော မခုခံနိုင်ကြဘူး။ဒါပေမယ့် ချူချန်ကတော့ လုပ်လို့ရတယ်။ချူချန်ဒီကိစ္စထဲ ဝင်ပါလာတာနဲ့ ပြဿနာလို့တောင် လုံးလုံး ခေါ်စရာမလိုတော့ဘူးကွာ။သူ့ကို ပြောပြလိုက်ပါဟုတ်ပြီလား”
ဆွဲကြိုးလေးကို ဆုပ်ကိုင်ထားသည့် ကျိချင်းကျိုးရဲ့ လက်အားက မသိမသာတိုးသွားမိသည်။ကျိုးချန်ဖုန်းကိုကြည့်ရင်း ကျိုးချန်ဖုန်းပြောတာတွေ မှန်နေတယ်ဆိုတာ သူလက်ခံပါတယ်။စာအုပ်ထဲမှာဆို ဖန်ယောင်ရွှမ်းက ဖန်မိသားစုအားကိုးနဲ့ သူ့ကို လာထိတဲ့ လူတိုင်းကို ဇာတ်သိမ်းဆိုးအောင် လုပ်ပြစ်တတ်သည်လေ။ဘာဖြစ်ဖြစ်ပါ....ကျိချင်းကျိုးသည် လက်နဲ့ ထိနေသည့် ဆွဲကြိုးအား ယုသစွာ ပွတ်သပ်ရင်း ခေါင်းယမ်းလိုက်သည်။
“သူ့ကို မပြောပြချင်ဘူး။ကျွန်တော်တို့ အတူရှိခဲ့ကြတုန်းကလည်း ကျွန်တော် မဖြေရှင်းနိုင်တော့တဲ့ ကိစ္စတွေမှ သူ့ကို ပြောပြဖြစ်တာ။သူက ကျွန်တော် အရင်းနှီးဆုံး လူတစ်ယောက် ဖြစ်ခဲ့တာမို့။အခု ကျွန်တော်တို့ လမ်းခွဲခဲ့ပြီးပြီ။သူ့ကို နည်းနည်းမှ ဒုက္ခမပေးချင်တော့ဘူး။သူ့အပေါ်ပဲ မှီခိုနေတာက တဖြည်းဖြည်း အကျင့်ကြီးဖြစ်လာလိမ့်မယ်။ကျွန်တော် အဲ့လို အကျင့်မျိုး မရှိချင်ဘူး။မဟုတ်ရင် ကျွန်တော်ဘယ်တော့မှ တစ်ယောက်တည်း ရပ်တည်နိုင်တော့မှာ မဟုတ်ဘူး”
“ဒါပေမယ့်... ချူချန်ကို မပြောပြရင် မင်းဘာလုပ်မလဲ? ဖန်ယောင်ရွှမ်းကို သွားတောင်ပန်ပြီး ပြုစုပေးမှာလား”
ကျိုးချန်ဖုန်းကတော့ သူလုပ်နိုင်လိမ့်မယ်မထင်ဘူး။သူသိတဲ့ ကျိချင်းကျိုးဆို လုပ်မှာမဟုတ်ပေ။ဖန်ယောင်ရွှမ်းကို မုန်းလွန်းလို့ တွေ့တဲ့အချိန်အများစုကို ရန်ဖြစ်စကားများနေလိမ့်မည်။ပြီးတော့ ဖန်ယောင်ရွှမ်းက အခြေအနေတွေဆိုးရွားအောင် လုပ်ပြီးသွားပြီဆိုတာ လူတိုင်းသိနိုင်လေသည်။ကျိချင်းကျိုး တောင်းပန်စရာလုံးလုံးမလိုတဲ့ ကိစ္စပင်! ပြီးတော့ ဖန်ယောင်ရွှမ်းဒဏ်ရာကလည်း ကျိချင်းကျိုးပြုစုရလောက်တဲ့အထိ မပြင်းထန်နေဘူး!
ကျိချင်းကျိုးက အတန်ကြာငြိမ်သက်ကာ စဉ်းစားနေပြီး နောက်ဆုံးတော့ မတုန်မလှုပ်ပြောလာသည်။
“အကြံရပြီ။ဒီပြဿနာကို ဖြေရှင်းနိုင်တဲ့ တစ်ခြားတစ်ယောက်ရှိသေးတယ်လေ”
သူသည် ကျိုးချန်ဖုန်းအား မော့ကြည့်၍ တစ်လုံးချင်းပြောလာသည်။
“ယွီအန်းယီ”
ယွီအန်းတစ်ယောက်အိပ်ကောင်းခြင်းအိပ်နေ၏။အရင်ရက်ကမှ ရိုက်ကူးရေးပြီးသွားတာဖြစ်၍ ဒီရက်ပိုင်းအတွင်း အိပ်ယာစောစောဝင်ပြီးသာယာနေသည်။ဖုန်းသံမြည်လာတဲ့အချိန် ယွီအန်းယီ အိပ်ချင်မူးတူးဖြင့် ကောက်ကိုက်လိုင်ကာ အသံမသဲမကွဲရေရွတ်လိုက်သည်။
“ဟယ်လို”
“ငါပါ အန်းယီ။ အကူအညီတောင်းစရာလေးရှိလို့”
ကျိချင်းကျိုးကညင်ညင်သာသာလေးပြောလာသည်။
“နည်းနည်းလေး ပြဿနာတက်နေတာမို့။ဒါပေမယ့် ချူချန်ကို မပြောပြဘူးဆိုတဲ့ ကတိအရင်ပေးနိုင်မလား”
ယွီအန်းယီက အခုထိ မနိုးသေးသဖြင့် မျက်လုံးပိတ်ထားရင်း ပြန်မေးလိုက်သည်။
“ဘာလို့ အားချန်ကို မပြောဘဲနေရမှာလဲ”
“အရင်ဆုံး ငါ့ကိုကတိပေးပါ”
“မရဘူး”
ယွီအန်းယီ တစ်ဖက်လှိမ့်လိုက်ပြီး မျက်လုံးနည်းနည်းဖွင့်လိုက်သည်။
“ဘာလို့လဲပြောပြ။နင်တို့ ရန်ဖြစ်ထားကြတာလား”
ကျိချင်းကျိုးသည် ခေတ္တခန့်တိတ်သွားပြီးမှ တိုးတိုးလေးပြောလာသည်။
“ငါတို့ လမ်းခွဲလိုက်ပြီ”
ယွီအန်းယီ ချက်ချင်းလန့်နိုးသွား၏။
“ဘာပြောတယ်? နင်တို့လမ်းခွဲလိုက်ပြီဟုတ်လား? ဘာလို့လဲ? ငါရိုက်ကူးရေးလုပ်နေတုန်း လမ်းခွဲလိုက်ကြတာလား? ဘာလို့လဲဟဲ့? ကြောက်ဖို့ကောင်းလိုက်ကြတာ”
“စက်တင်ဘာလတုန်းက လမ်းခွဲလိုက်တာ။ဒီတိုင်း အေးအေးချမ်းချမ်းပဲ ပြတ်သွားတာပါ။အန်းယီ...ငါနဲ့ချူချန်နဲ့ လမ်းခွဲလိုက်ပေမယ့် ငါတို့က သူငယ်ချင်းဖြစ်နေတုန်းပဲမလား?”
“အင်း”
ယွီအန်းယီ ခေါင်းညိမ့်လိုက်ကာ-
“ငါတို့က သူငယ်ချင်းပဲပေါ့။နင်ဘာဖြစ်လို့လဲ။ ငါ့အကူအညီလိုတာလား”
“ချူချန်ကို မပြောဘူးလို့ ကတိပေးနိုင်မလား”
ယွီအန်းယီကတိမပေးနိုင်ပေ။သူမနဲ့ချူချန်က ငယ်စဉ်တောင်ကျေးတည်းက ကစားဖော်ကစားဖက်တွေဖြစ်သည်။ကျိချင်းကျိုးနဲ့ ချူချန်တို့ လမ်းခွဲသွားပြီ ဆိုရင်တောင် သူက ချူချန်ရဲ့ ရည်စားဟောင်းဖြစ်နေဆဲမလား။ဘယ်လိုလုပ်မပြောဘဲ နေနိုင်ပါ့မလဲ။ဒါ့ပြင် သူတို့နှစ်ယောက် လမ်းခွဲကြတဲ့ အကြောင်းရင်းကိုလည်း သူမဂဂနနသိရတာမဟုတ်ဘူး။နောက်ပိုင်း သူတို့ ပြန်တွဲကြရင် ဒီလျှို့ဝှက်ထားတဲ့ ကိစ္စကြီးကြောင့် သူတို့ဆက်ဆံရေးကို အန္တရာယ်ဖြစ်လာစေနိုင်တယ်မဟုတ်ဘူးလား”
ယွီအန်းယီ ငြင်းဖို့ ပြင်ခါနီး ရုတ်တရက်ဆိုသလို အတွေးတစ်ခု ဝင်လာသည်။သူမတကယ် ချူချန်ကို မပြောဘူးဆိုတာက သူမမပြောပြရင်ရတာပဲလို့ တွေးလိုက်ရုံပဲ။အခု အရေးကြီးဆုံးအရာက ကျိချင်းကျိုး ဘာဖြစ်နေတယ်ဆိုတာကို သိဖို့ ပဲ။ပြီးတော့ သူဘာလို့ ညကြီးမင်းကြီး ဖုန်းဆက်တာလဲ? *
“အေး။ငါ အားချန်ကိုမပြောပြတော့ဘူး။ဘာဖြစ်လို့လဲ”
“ချူချန်ကို မပြောပြဘူးလို့ အရင်ကျိန်”
ယွီအန်ယွီတစ်ယောက် ဆွံ့အလျက်။
“ ကျိန်တယ်ဟေ့။ငါအားချန်ကို မပြောပြဘူး။ တကယ်လို့ ငါ အားချန်ကိုပြောခဲ့မိရင် ဘယ်တော့မှ လင်မရပါစေနဲ့။ရပြီလား”
“ကျေးဇူးပါ” ကျိချင်းကျိုးက နွေးထွေးစွာပြောလာသည်။
“အဲ့တော့ ဘာတွေဖြစ်ကြတာလဲ။ငါ့အကူအညီလိုသေးလား? ”
ကျိချင်းကျိုးက အတန်ကြာငြိမ်ကျသွားပြီး လိုရင်းပြောလာသည်။
“ငါ ဖန်ယောင်ရွှမ်းကို ဓားနဲ့ထိုးမိလိုက်တယ်။ သူ့ဒဏ်ရာက သိပ်မပြင်းပေမယ့် သူအနာတရဖြစ်လို့ ငါ့ကို တရားစွဲချင်တယ်တဲ့။မင်းသိတဲ့အတိုင်း ဖန်ယောင်ရွှမ်းသာ တရားစွဲလာရင် ငါမှာ နိုင်နိုင်ချေမရှိဘူး”
“နင်က သူ့ကို ဓားနဲ့ထိုးတယ်!”
ယွီအန်းယီက ရှော့ခ်ရလျက်။
“ဘာလို့ ဓားနဲ့ထိုးတာလဲ? သူနင့်ကို ဘာလုပ်လိုက်သေးလဲ? နင့်ကို အနိုင်ကျင့်လို့လား? မဟုတ်သေးပါဘူး။နင်တို့နှစ်ယောက်က ဘယ်လို တွေ့သွားကြတာလဲ?”
“ငါတို့နှစ်ယောက် အတူ ရိုက်ကူးရေးလုပ်နေကြတာ။ အန်းယီ။ ငါ ဒီကိစ္စကို အကြီးကြီး မဖြစ်စေချင်ဘူး။ ငါ သူနဲ့ ဥပဒေအရ ရင်ဆိုင်ချင်ပေမယ့် သာမန် ဥပဒေဖြစ်ရပ်စ်ခုလိုပဲ ဖြစ်စေချင်တာ”
“ဘာဥပဒေကိစ္စတွေလုပ်နေတာလဲ? သူဘာသာ နင့်ကို အနိုင်ကျင့်ပြီး တရားမျှတတယ်ထင်နေတာလား? နင်ပြောတော့ ဒဏ်ရာသိပ်မနက်ဘူးဆို သူနဲ့တန်လို့ရတာနေပစေ။ဘယ်သူက အရင် ကျူးလွန်တဲ့သူမို့ လာပြောနေတာလဲ? သူသာအဲ့လို လာမလုပ်ရင် နင် သူ့ကို ပြန်တိုက်ခိုက်မိမှာမဟုတ်ဘူးလေ။ဒီကိစ္စ ငါ့ဆီ လွှဲထားလိုက်။သူတရားစွဲရဲသလား ကြည့်ရသေးတာပေါ့”
“ကျေးဇူးပါ”
##########
ကျိုးကျိုးက တကယ်ကလေးစိတ်လေး။ဟိုဘက်ဘဝမှာလည်း သူ ကျောင်မပြီးသေးဘူးလေ။နောက်ဆုံးနှစ်တက်နေတုန်း သင်တန်းဆင်းမို့ကို ကူးပြောင်းလာတာနဲ့ တိုက်ဆိုင်သွားတာ။ဖန်ယောင်ရွှမ်းနဲ့ ရန်ဖြစ်ထားတာလား လို့ ရှောင်ချန်မေးတော့ ပြုံးပြီး ငါနိုင်တယ်လို့ ပြောတယ်လေ။ အဲ့နေရာမှာ ပါးချူဆို သူ့ကလေးပေါက်ကို ချီးကျူးပေးဦးမှာနော်
*ပြထားတဲ့ အပိုဒ်က E-trans မှာ မပါပါဘူး။တရုတ် ဝက်ဆိုက်ဒ်ကနေ ယူထားတာမို့ အဲ့မှာပါလို့ ထည့်ရေးထားတာပါ*
##############
Zawgyi
က်ိခ်င္းက်ိဳးသည္ သူ႕ဗိုက္ေအာက္ပိုင္းနားကိုၾကည့္၍ အခြင့္အေရးကို လက္လြတ္မခံဘဲ ေလာ့ခ္ခ်ထားသည့္ တံခါးဆီေျပး၍ ျမန္ျမန္ဖြင့္ၿပီး ထြက္ေျပးလာခဲ့သည္။သူ က်ိဳးခ်န္ဖုန္းရဲ႕ အခန္းဆီ ေျပးသြားၿပီး ျပင္းျပင္းထန္ထန္တံခါးေခါက္လိုက္သည္။
က်ိဳးခ်န္ဖုန္းကဖုန္းေျပာေနခ်ိန္ တံခါးေခါက္သံၾကားသျဖင့္ ထိုေနရာဆီ သြားၿပီး ဖြင့္လိုက္ခ်ိန္ ေသြးမ႐ွိေသာမ်က္ႏွာျဖင့္ တံခါးေ႐ွ႕မွာ ရပ္ေနသည့္ က်ိခ်င္းက်ိဳးအားေတြ႕လိုက္ရေလသည္။
ဘာျဖစ္တာလဲဟု သူမေမးရခင္ က်ိခ်င္းက်ိဳးက အကုန္ေျပာလာခဲ့သည္။
“ကြၽန္ေတာ္ ဖန္ေယာင္႐ႊမ္းကို ဓားနဲ႔ထိုးခဲ့မိတယ္။ကြၽန္ေတာ္တို႔ ရန္ျဖစ္ၾကရင္း သူ႕ကို ဓားနဲ႔ထိုးခဲ့တာ။သိပ္နက္ေလာက္မွာ မဟုတ္ဘူး။သူအခု ကြၽန္ေတာ့္ အခန္းထဲမွာ ႐ွိတာမို႔ သြားၾကည့္ေပးႏိုင္မလား။ကြၽန္ေတာ္ 120 ကို ဖုန္းဆက္လိုက္မယ္”
သူက အရမ္းတည္ၿငိမ္လြန္းစြာေျပာေနေပမယ့္ အသံကေတာ့ ေၾကာက္လန္႔မႈတို႔ ေရာယွက္ေနခဲ့သည္ ။
“ခ်ဴခ်န္ကို မေျပာလိုက္ပါနဲ႔ေနာ္။လုံးဝမေျပာလိုက္ပါနဲ႔။ခင္ဗ်ားေျပာလိုက္ရင္ ကြၽန္ေတာ္ ေနာက္ေအးဂ်င့္ေျပာင္းလိုက္မွာ”
က်ိဳးခ်န္ဖုန္းသည္ သူ႕စကားေလးႏွစ္ေၾကာင္းထဲမွာပါသည့္ အခ်က္အလက္တစ္ျပဳံတစ္မႀကီးေၾကာင့္ လန္႔ေနဆဲျဖစ္ၿပီး ခဏၾကာမွသာ စိတ္ျပန္ထိန္း၍ ေျပာလိုက္သည္။
“ငါသြားၾကည့္လိုက္ဦးမယ္။ခ်က္ခ်င္းႀကီး120ကို မေခၚလိုက္နဲ႔ဦး။ငါ့အခန္းထဲမွာ ေစာင့္ေနဟုတ္ၿပီလား။မေၾကာက္နဲ႔ေနာ္။ဘာမွမျဖစ္ဘူး”
က်ိခ်င္းက်ိဳးက ေခါင္းညိမ့္ၿပီး အေလးထား၍ ထပ္ေျပာလာသည္။
“ခ်ဴခ်န္ကို မေျပာပါနဲ႔။ဒီကိစၥကို ကြၽန္ေတာ္တို႔ဘာသာေျဖ႐ွင္းၾကမယ္ေလေနာ္။သူ႕ကို မစိုးရိမ္ေစခ်င္ဘူး”
က်ိဳးခ်န္ဖုန္းကလည္း ဖန္ေယာင္႐ႊမ္းရဲ႕ အေျခအေနကိုၾကည့္ဖို႔ ေလာႀကီးေနတာျဖစ္၍ ေခါင္းတစ္ခ်က္ညိမ့္ၿပီး ထြက္သြားသည္။
က်ိခ်င္းက်ိဳးသည္ ျဖည္းညႇင္းစြာ အခန္းထဲဝင္လိုက္ၿပီး ဆိုဖာေပၚထိုင္ခ်၍ အသက္ျပင္းျပင္းႏွစ္ခါ႐ွဴလိုက္ကာ သူ႕ကိုယ္သူ တည္ၿငိမ္ေအာင္ လုပ္ၿပီး လက္႐ွိအေျခအေနကို စီစစ္ႏိုင္ဖို႔ ႀကိဳးစားလိုက္သည္။
ဖန္ေယာင္႐ႊမ္းမေသေလာက္ပါဘူးေနာ္။ဓားနဲ႔ထိုးခဲ့တယ္ဆိုေပမယ့္ ဓားေသးေသးေလးတစ္ေခ်ာင္းပဲေလ။ပထမဆုံးအႀကိမ္ လူတစ္ေယာက္ကို ဓားနဲ႔ ထိုးဖူးျခင္းျဖစ္၍ သူ႕လက္ေတြ တုန္ရီေနခဲ့ၿပီး အနက္ႀကီး ထိုးသြင္းခဲ့တာမဟုတ္။ဒါ့ျပင္ အေရးႀကီးတဲ့ ေနရာေတြကို အထူးေ႐ွာင္ၿပီး ထိုးခဲ့ျခင္းျဖစ္၍ သူ႕ကို ဒဏ္ရာရေစ႐ုံသာျဖစ္ၿပီး ေသေစခ်င္ခဲ့တာမဟုတ္ ေပ။ ဖန္ေယာင္႐ႊမ္း ႀကီးႀကီးမားမားျဖစ္မွာ မဟုတ္ေလာက္ပါဘူး။
ဒါေပမယ့္ ဖန္ေယာင္႐ႊမ္းက ဒီကိစၥနဲ႔ပတ္သက္ၿပီး ကတ္သီးကတ္ဖဲ့လုပ္လာႏိုင္သည္။သူ႕ကို လႊတ္ေပးခ်င္မွာ မဟုတ္ေပ။ဒါေပမယ့္ သူ႕မွာ အေၾကာင္းရင္း ႐ွိတာပဲ။ဥပေဒမွာ ကိုယ့္ကိုကိုယ္ ကာကြယ္ခြင့္၊ခုခံခြင့္႐ွိေၾကာင္း အလြန္ခြဲျခားၿပီးကို တရားဝင္သတ္မွတ္ထားသည္ေလ။သူညစ္ပတ္ေနသမွ်ကာလပတ္လုံး သူကလည္း ကိုယ့္ကိုကိုယ္ ကာကြယ္တာဆိုၿပီး ျပန္ေခ်ပလို႔ရတာပဲ။
အခုခ်ိန္မွာ အေရးႀကီးဆုံးအရာက ဒီကိစၥကို မေဖာ္ျပႏိုင္ဖို႔ပင္။ အေၾကာင္းျပခ်က္က ဘယ္လိုဆိုတာ အေရးမႀကီးဘူး ဒီကိစၥေၾကာင့္ သူအေသေရဖ်က္ခံရမွာ။အဲ့တာေၾကာင့္ ဒီအျဖစ္အပ်က္ကို သတင္းမီဒီယာေတြမွာမေဖာ္ထုတ္လာဖို႔အတြက္ ေသခ်ာေအာင္လို႔ အဆက္အသြယ္႐ွာဖို႔လိုေနတာျဖစ္သည္။
က်ိခ်င္းက်ိဳး ဖုန္းကို အျမန္႐ွာလိုက္ေပမယ့္ တစ္ကိုယ္လုံးႏွံ႔ေနေသာ္လည္း ႐ွာမေတြ႕ခဲ့ေပ။ ၿပီးမွ ခုနရန္ျဖစ္တုန္း ဖုန္းက်က်န္ေနခဲ့ေၾကာင္း သတိရသြား၏။
က်ိခ်င္းက်ိဳး မတ္တပ္ထရပ္လိုက္ၿပီး အခန္းထဲမွ ႀကိဳးဖုန္း႐ွိရာဆီသြားခ်ိန္ တံခါးေခါက္သံၾကားလိုက္ရသျဖင့္ ႏွလုံးခုန္သံမ်ား ျမန္လာခဲ့သည္။ ထိုအခ်ိန္ အျပင္မွ ေ႐ွာင္ခ်န္း အသံထြက္ေပၚလာ၏။
“က်ိေကာ ကြၽန္ေတာ္ပါ။ ေကာနဲ႔ ေနေပးဖို႔ က်ိဳးေကာလႊတ္ေပးလိုက္လို႔ပါ”
ထိုမွသာ က်ိခ်င္းက်ိဳး စိတ္ေအးသြားၿပီး တံခါးဆီေလွ်ာက္သြား၍ တံခါးသြားဖြင့္လိုက္သည္။
ေ႐ွာင္ခ်န္းသည္ က်ိဳးခ်န္ဖုန္းရဲ႕ ဘာျဖစ္သြားတယ္ဆိုတဲ့ အၾကမ္းဖ်င္း႐ွင္းျပခ်က္ေတြပဲ နားေထာင္ခဲ့ရတာျဖစ္ၿပီး ဒီကိုမလာခင္တည္းက စိတ္ပူေနခဲ့မိသည္။အခုေတြ႕လိုက္ရမွပဲ ေကာရဲ႕ အေျခအေနက နည္းနည္းတည္ၿငိမ္ေနၿပီျဖစ္၍ စိတ္သက္သာရာရသြားရ၏။သူသည္ အခန္းထဲလိုက္ဝင္ရင္း က်ိခ်င္းက်ိဳးရဲ႕ ဖုန္းအား လက္ထဲထည့္ေပးလိုက္ကာ-
“ဒီမွာေကာရဲ႕ဖုန္း...က်ိဳးေကာက ေကာဆီယူသြားေပးပါဆိုလို႔။ၿပီးေတာ့ စိတ္မပူပါနဲ႔တဲ့။ကိစၥေတြအားလုံးသူကိုင္တြယ္လိုက္မွာမို႔ ေကာဘာမွ လုပ္စရာမလိုဘူးတဲ့”
က်ိခ်င္းက်ိဳးက ေခါင္းတစ္ခ်က္ညိမ့္၍ ဖုန္းယူလိုက္သည္။
သူ႕ပါးေတြနီရဲေနေၾကာင္းေ႐ွာင္ခ်န္းသတိျပဳမိသြား၏။
“ေကာ ဖန္ေယာင္႐ႊမ္းနဲ႔ ရန္ျဖစ္ခဲ့တာလား”
“ငါတို႔ ရန္ျဖစ္ခဲ့ၾကတာ”
က်ိခ်င္းက်ိဳးက အသံအတက္အက်မ႐ွိဘဲ တည္ၿငိမ္စြာ ေျပာလာခဲ့ၿပီး သူ႕ကို ျပဳံးျပလာသည္။
“ငါႏိုင္ခဲ့တယ္”
ေ႐ွာင္းခ်န္းတစ္ေယာက္ ေခါင္းညိမ့္ျပလိုက္ၿပီး ဘာမွထပ္မေျပာျဖစ္ေတာ့။
က်ိခ်င္းက်ိဳးနဲ႔အတူ ဆိုဖာေပၚမွာ ထိုင္ရင္း ႏွစ္သိမ့္ေပးေနမိတယ္။
“က်ိဳးေကာက အဆက္အသြယ္ေတြနဲ႔ ခ်ိန္ဆက္ၿပီၿပီးဆိုေတာ့ ဒီကိစၥျပန္႔မွာ မဟုတ္ေတာ့ဘူး။စိတ္မပူပါနဲ႔”
က်ိခ်င္းက်ိဳး ကအသံေလးတစ္ခ်က္ျပဳၿပီး ဘာဖုန္းမွ ထပ္မေခၚေနေတာ့ဘဲ ေ႐ွ႕က ေကာ္ဖီစားပြဲေပၚခ်ထားလိုက္ေတာ့သည္။သူစိတ္လည္း တျဖည္းျဖည္းတည္ၿငိမ္စျပဳလာၿပီျဖစ္၏။မသိစိတ္ကေတာ့ အိတ္ကပ္ထဲမွ ဆြဲႀကိဳးေလးအား လက္နဲ႔ ပြတ္သပ္ေနမိေတာ့သည္။
လြန္ခဲ့ေသာႏွစ္ရက္ ႐ိုက္ကူးေရးလုပ္ေနစဥ္အတြင္း ဆြဲႀကိဳးကို ခြၽတ္ထားခဲ့ရေပမယ့္ ဘူးထဲထည့္မသိမ္းထားခဲ့ဘဲ သူ႕အိတ္ကပ္ထဲမွာပဲ တစ္ခ်ိန္လုံးထည့္ထားခဲ့တာျဖစ္သည္။ဆြဲႀကိဳးေလးအား ၿငိမ္သက္စြာ ထိေတြ႕ရင္း ဘာမွမလုပ္ေတာ့ဘဲ ၿငိမ္ေနခဲ့၏ ။ တိတ္လြန္းလို႔ ေ႐ွာင္ခ်န္းေတာင္ ေၾကာက္လာသည္အထိပင္။
မၾကာခင္ က်ိဳးခ်န္ဖုန္း ျပန္ေရာက္လာခဲ့ၿပီး ေ႐ွာင္ခ်န္းတံခါးသြားဖြင့္ေပးလိုက္၏။ထိုမွ က်ိခ်င္းက်ိဳးက ေမာ့ၾကည့္လာသည္။
က်ိဳးခ်န္ဖုန္းရဲ႕ အမူအရာက သိပ္မေကာင္းေပ။သူက က်ိခ်င္းက်ိဳးထံၾကည့္၍-
“ဖန္ေယာင္႐ႊမ္းကို ေဆး႐ုံပိုၿပီးၿပီ။သတင္းေကာင္းကေတာ့ ဒဏ္ရာသိပ္မနက္တာပဲ။ဖန္ေယာင္႐ႊမ္းဘက္ကလည္း လွ်ိဳ႕ဝွက္ထားေပးဖို႔ သေဘာတူတာမို႔ သတင္းေတြပိတ္ၿပီးသြားၿပီ။အခုခ်ိန္ေတာ့ ဒီကိစၥအျပင္ကို ေပါက္သြားမွာ မဟုတ္ဘူး”
“ယာယီပဲလား”
က်ိခ်င္းက်ိဳးက အဓိက ေသာ့ခ်က္ စကားလုံးကို အမိအရဖမ္းမိလိုပ္သည္။
က်ိဳးခ်န္ဖုန္းက ေခါင္းညိမ့္လာကာ ေလးလံေသာအသံျဖင့္-
“စြင္းယင္ကေတာ့ ျပႆနာ႐ွာေနဆဲပဲ။သူမက ဒီတိုင္း မၿပီးလိုက္ခ်င္ဘူးေလ။ဖန္ေယာင္႐ႊမ္းက မင္းဘက္က ဝိုင္းေျပာၿပီး စြင္းယင္ကို တားလိုက္လို႔ သတင္းေတြမထုတ္ခဲ့တာ”
“သူ႕သတ္မွတ္ခ်က္ေတြကေရာဘာတဲ့လဲ”
က်ိခ်င္းက်ိဳးက တည္ၿငိမ္စြာပင္ေျပာသည္။
“သူက အဲ့ေလာက္ ၾကင္နာတတ္တဲ့လူျဖစ္ပါ့မလား”
“အမွန္ပဲ။သတ္မွတ္ခ်က္ေတြေတာ့႐ွိတယ္။ ပထမအခ်က္ - မင္း သူ႕ကို ေတာင္းပန္ရမယ္။ ဒုတိယအခ်က္ မင္းေၾကာင့္ သူဒဏ္ရာရတာမို႔ သူ႕ ဒဏ္ရာမေပ်ာက္မခ်င္း မင္း သူ႕ကို ျပဳစုေပးရမယ္။တတိယအခ်က္က သူ မင္းနဲ႔ မ်က္ႏွာ ခ်င္းဆိုင္ၿပီး စကားေျပာခ်င္တယ္တဲ့။မင္းဘက္က ျငင္းခ်င္တယ္ဆိုရင္ သူကလည္း တရားစြဲမယ္လို႔ ဖန္ေယာင္႐ႊမ္းကေျပာတယ္။မင္း ျငင္းလိုက္တာနဲ႔ ခ်က္ခ်င္းတရားစြဲမွာတဲ့”
က်ိခ်င္းက်ိဳးတစ္ေယာက္ ေလွာင္ရယ္လိုက္သည္
“စြဲပေစေပါ့။ကြၽန္ေတာ္ကေတာ့ ေတာင္းလည္း မေတာင္းပန္ႏိုင္သလို ဂ႐ုလည္း မစိုက္ေပးႏိုင္ဘူး။ ျပဳစုေပးရမယ္ဟုတ္လား။ကြၽန္ေတာ္ သူ႕ကို ဓားနဲ႔ ထပ္ထိုးမိမွာ ေၾကာက္ရတယ္!”
က်ိဳးခ်န္ဖုန္းက သက္ျပင္းခ်ကာ-
“ခ်င္းက်ိဳး .... မင္းသိပါတယ္။ဖန္ေယာင္႐ႊမ္းက ဒီအသိုင္းအဝိုင္းထဲမွာ ႏွစ္ေတြအမ်ားႀကီးက်င္လည္လာလို႔ ေအာင္ျမင္မႈရထားၿပီးသားလူတစ္ေယာက္ျဖစ္တဲ့ အျပင္ သူ႕ေနာက္မွာ ဖန္မိသားစုကလည္း ႐ွိေသးတယ္။သူ မင္းကို တရားဆြဲခ်င္ရင္ ဒဏ္ရာမနက္တာပဲျဖစ္ျဖစ္ မင္းကိုယ္မင္း ကာကြယ္တဲ့ အေနနဲ႔ လုပ္ခဲ့တာပဲ ျဖစ္ျဖစ္ သူ နည္းနည္းေလာက္ လွည့္ကြက္ေလးထုတ္သုံးလိုက္တာနဲ႔ မင္း အခ်ဳပ္ေထာင္ထဲမွာ အဆုံးသတ္သြားလိမ့္မယ္။မတန္ဘူးေလေနာ္”
“အဲ့ေတာ့ ကြၽန္ေတာ့္ကို ဖန္ေယာင္႐ႊမ္းဆီ သြားေတာင္းပန္ေစခ်င္တာလား”
“မဟုတ္ဘူးေလ”
က်ိဳးခ်န္ဖုန္း ပင္ပန္းလာၿပီ။
“ခ်ဴခ်န္ကို ေျပာျပလိုက္ပါ။ ဖန္ေယာင္႐ႊမ္းလို သ႐ုပ္ေဆာင္တစ္ေယာက္ကို ငါ ကိုင္တြယ္ႏိုင္ေပမယ့္ သူ႕မိသားစုကိုက် မင္းေရာငါေရာ မခုခံႏိုင္ၾကဘူး။ဒါေပမယ့္ ခ်ဴခ်န္ကေတာ့ လုပ္လို႔ရတယ္။ခ်ဴခ်န္ဒီကိစၥထဲ ဝင္ပါလာတာနဲ႔ ျပႆနာလို႔ေတာင္ လုံးလုံး ေခၚစရာမလိုေတာ့ဘူးကြာ။သူ႕ကို ေျပာျပလိုက္ပါဟုတ္ၿပီလား”
ဆြဲႀကိဳးေလးကို ဆုပ္ကိုင္ထားသည့္ က်ိခ်င္းက်ိဳးရဲ႕ လက္အားက မသိမသာတိုးသြားမိသည္။က်ိဳးခ်န္ဖုန္းကိုၾကည့္ရင္း က်ိဳးခ်န္ဖုန္းေျပာတာေတြ မွန္ေနတယ္ဆိုတာ သူလက္ခံပါတယ္။စာအုပ္ထဲမွာဆို ဖန္ေယာင္႐ႊမ္းက ဖန္မိသားစုအားကိုးနဲ႔ သူ႕ကို လာထိတဲ့ လူတိုင္းကို ဇာတ္သိမ္းဆိုးေအာင္ လုပ္ျပစ္တတ္သည္ေလ။ဘာျဖစ္ျဖစ္ပါ....က်ိခ်င္းက်ိဳးသည္ လက္နဲ႔ ထိေနသည့္ ဆြဲႀကိဳးအား ယုသစြာ ပြတ္သပ္ရင္း ေခါင္းယမ္းလိုက္သည္။
“သူ႕ကို မေျပာျပခ်င္ဘူး။ကြၽန္ေတာ္တို႔ အတူ႐ွိခဲ့ၾကတုန္းကလည္း ကြၽန္ေတာ္ မေျဖ႐ွင္းႏိုင္ေတာ့တဲ့ ကိစၥေတြမွ သူ႕ကို ေျပာျပျဖစ္တာ။သူက ကြၽန္ေတာ္ အရင္းႏွီးဆုံး လူတစ္ေယာက္ ျဖစ္ခဲ့တာမို႔။အခု ကြၽန္ေတာ္တို႔ လမ္းခြဲခဲ့ၿပီးၿပီ။သူ႕ကို နည္းနည္းမွ ဒုကၡမေပးခ်င္ေတာ့ဘူး။သူ႕အေပၚပဲ မွီခိုေနတာက တျဖည္းျဖည္း အက်င့္ႀကီးျဖစ္လာလိမ့္မယ္။ကြၽန္ေတာ္ အဲ့လို အက်င့္မ်ိဳး မ႐ွိခ်င္ဘူး။မဟုတ္ရင္ ကြၽန္ေတာ္ဘယ္ေတာ့မွ တစ္ေယာက္တည္း ရပ္တည္ႏိုင္ေတာ့မွာ မဟုတ္ဘူး”
“ဒါေပမယ့္... ခ်ဴခ်န္ကို မေျပာျပရင္ မင္းဘာလုပ္မလဲ? ဖန္ေယာင္႐ႊမ္းကို သြားေတာင္ပန္ၿပီး ျပဳစုေပးမွာလား”
က်ိဳးခ်န္ဖုန္းကေတာ့ သူလုပ္ႏိုင္လိမ့္မယ္မထင္ဘူး။သူသိတဲ့ က်ိခ်င္းက်ိဳးဆို လုပ္မွာမဟုတ္ေပ။ဖန္ေယာင္႐ႊမ္းကို မုန္းလြန္းလို႔ ေတြ႕တဲ့အခ်ိန္အမ်ားစုကို ရန္ျဖစ္စကားမ်ားေနလိမ့္မည္။ၿပီးေတာ့ ဖန္ေယာင္႐ႊမ္းက အေျခအေနေတြဆိုး႐ြားေအာင္ လုပ္ၿပီးသြားၿပီဆိုတာ လူတိုင္းသိႏိုင္ေလသည္။က်ိခ်င္းက်ိဳး ေတာင္းပန္စရာလုံးလုံးမလိုတဲ့ ကိစၥပင္! ၿပီးေတာ့ ဖန္ေယာင္႐ႊမ္းဒဏ္ရာကလည္း က်ိခ်င္းက်ိဳးျပဳစုရေလာက္တဲ့အထိ မျပင္းထန္ေနဘူး!
က်ိခ်င္းက်ိဳးက အတန္ၾကာၿငိမ္သက္ကာ စဥ္းစားေနၿပီး ေနာက္ဆုံးေတာ့ မတုန္မလႈပ္ေျပာလာသည္။
“အၾကံရၿပီ။ဒီျပႆနာကို ေျဖ႐ွင္းႏိုင္တဲ့ တစ္ျခားတစ္ေယာက္႐ွိေသးတယ္ေလ”
သူသည္ က်ိဳးခ်န္ဖုန္းအား ေမာ့ၾကည့္၍ တစ္လုံးခ်င္းေျပာလာသည္။
“ယြီအန္းယီ”
ယြီအန္းတစ္ေယာက္အိပ္ေကာင္းျခင္းအိပ္ေန၏။အရင္ရက္ကမွ ႐ိုက္ကူးေရးၿပီးသြားတာျဖစ္၍ ဒီရက္ပိုင္းအတြင္း အိပ္ယာေစာေစာဝင္ၿပီးသာယာေနသည္။ဖုန္းသံျမည္လာတဲ့အခ်ိန္ ယြီအန္းယီ အိပ္ခ်င္မူးတူးျဖင့္ ေကာက္ကိုက္လိုင္ကာ အသံမသဲမကြဲေရ႐ြတ္လိုက္သည္။
“ဟယ္လို”
“ငါပါ အန္းယီ။ အကူအညီေတာင္းစရာေလး႐ွိလို႔”
က်ိခ်င္းက်ိဳးကညင္ညင္သာသာေလးေျပာလာသည္။
“နည္းနည္းေလး ျပႆနာတက္ေနတာမို႔။ဒါေပမယ့္ ခ်ဴခ်န္ကို မေျပာျပဘူးဆိုတဲ့ ကတိအရင္ေပးႏိုင္မလား”
ယြီအန္းယီက အခုထိ မႏိုးေသးသျဖင့္ မ်က္လုံးပိတ္ထားရင္း ျပန္ေမးလိုက္သည္။
“ဘာလို႔ အားခ်န္ကို မေျပာဘဲေနရမွာလဲ”
“အရင္ဆုံး ငါ့ကိုကတိေပးပါ”
“မရဘူး”
ယြီအန္းယီ တစ္ဖက္လွိမ့္လိုက္ၿပီး မ်က္လုံးနည္းနည္းဖြင့္လိုက္သည္။
“ဘာလို႔လဲေျပာျပ။နင္တို႔ ရန္ျဖစ္ထားၾကတာလား”
က်ိခ်င္းက်ိဳးသည္ ေခတၱခန္႔တိတ္သြားၿပီးမွ တိုးတိုးေလးေျပာလာသည္။
“ငါတို႔ လမ္းခြဲလိုက္ၿပီ”
ယြီအန္းယီ ခ်က္ခ်င္းလန္႔ႏိုးသြား၏။
“ဘာေျပာတယ္? နင္တို႔လမ္းခြဲလိုက္ၿပီဟုတ္လား? ဘာလို႔လဲ? ငါ႐ိုက္ကူးေရးလုပ္ေနတုန္း လမ္းခြဲလိုက္ၾကတာလား? ဘာလို႔လဲဟဲ့? ေၾကာက္ဖို႔ေကာင္းလိုက္ၾကတာ”
“စက္တင္ဘာလတုန္းက လမ္းခြဲလိုက္တာ။ဒီတိုင္း ေအးေအးခ်မ္းခ်မ္းပဲ ျပတ္သြားတာပါ။အန္းယီ...ငါနဲ႔ခ်ဴခ်န္နဲ႔ လမ္းခြဲလိုက္ေပမယ့္ ငါတို႔က သူငယ္ခ်င္းျဖစ္ေနတုန္းပဲမလား?”
“အင္း”
ယြီအန္းယီ ေခါင္းညိမ့္လိုက္ကာ-
“ငါတို႔က သူငယ္ခ်င္းပဲေပါ့။နင္ဘာျဖစ္လို႔လဲ။ ငါ့အကူအညီလိုတာလား”
“ခ်ဴခ်န္ကို မေျပာဘူးလို႔ ကတိေပးႏိုင္မလား”
ယြီအန္းယီကတိမေပးႏိုင္ေပ။သူမနဲ႔ခ်ဴခ်န္က ငယ္စဥ္ေတာင္ေက်းတည္းက ကစားေဖာ္ကစားဖက္ေတြျဖစ္သည္။က်ိခ်င္းက်ိဳးနဲ႔ ခ်ဴခ်န္တို႔ လမ္းခြဲသြားၿပီ ဆိုရင္ေတာင္ သူက ခ်ဴခ်န္ရဲ႕ ရည္စားေဟာင္းျဖစ္ေနဆဲမလား။ဘယ္လိုလုပ္မေျပာဘဲ ေနႏိုင္ပါ့မလဲ။ဒါ့ျပင္ သူတို႔ႏွစ္ေယာက္ လမ္းခြဲၾကတဲ့ အေၾကာင္းရင္းကိုလည္း သူမဂဂနနသိရတာမဟုတ္ဘူး။ေနာက္ပိုင္း သူတို႔ ျပန္တြဲၾကရင္ ဒီလွ်ိဳ႕ဝွက္ထားတဲ့ ကိစၥႀကီးေၾကာင့္ သူတို႔ဆက္ဆံေရးကို အႏၲရာယ္ျဖစ္လာေစႏိုင္တယ္မဟုတ္ဘူးလား”
ယြီအန္းယီ ျငင္းဖို႔ ျပင္ခါနီး ႐ုတ္တရက္ဆိုသလို အေတြးတစ္ခု ဝင္လာသည္။သူမတကယ္ ခ်ဴခ်န္ကို မေျပာဘူးဆိုတာက သူမမေျပာျပရင္ရတာပဲလို႔ ေတြးလိုက္႐ုံပဲ။အခု အေရးႀကီးဆုံးအရာက က်ိခ်င္းက်ိဳး ဘာျဖစ္ေနတယ္ဆိုတာကို သိဖို႔ ပဲ။ၿပီးေတာ့ သူဘာလို႔ ညႀကီးမင္းႀကီး ဖုန္းဆက္တာလဲ? *
“ေအး။ငါ အားခ်န္ကိုမေျပာျပေတာ့ဘူး။ဘာျဖစ္လို႔လဲ”
“ခ်ဴခ်န္ကို မေျပာျပဘူးလို႔ အရင္က်ိန္”
ယြီအန္ယြီတစ္ေယာက္ ဆြံ႕အလ်က္။
“ က်ိန္တယ္ေဟ့။ငါအားခ်န္ကို မေျပာျပဘူး။ တကယ္လို႔ ငါ အားခ်န္ကိုေျပာခဲ့မိရင္ ဘယ္ေတာ့မွ လင္မရပါေစနဲ႔။ရၿပီလား”
“ေက်းဇူးပါ” က်ိခ်င္းက်ိဳးက ေႏြးေထြးစြာေျပာလာသည္။
“အဲ့ေတာ့ ဘာေတြျဖစ္ၾကတာလဲ။ငါ့အကူအညီလိုေသးလား? ”
က်ိခ်င္းက်ိဳးက အတန္ၾကာၿငိမ္က်သြားၿပီး လိုရင္းေျပာလာသည္။
“ငါ ဖန္ေယာင္႐ႊမ္းကို ဓားနဲ႔ထိုးမိလိုက္တယ္။ သူ႕ဒဏ္ရာက သိပ္မျပင္းေပမယ့္ သူအနာတရျဖစ္လို႔ ငါ့ကို တရားစြဲခ်င္တယ္တဲ့။မင္းသိတဲ့အတိုင္း ဖန္ေယာင္႐ႊမ္းသာ တရားစြဲလာရင္ ငါမွာ ႏိုင္ႏိုင္ေခ်မ႐ွိဘူး”
“နင္က သူ႕ကို ဓားနဲ႔ထိုးတယ္!”
ယြီအန္းယီက ေ႐ွာ့ခ္ရလ်က္။
“ဘာလို႔ ဓားနဲ႔ထိုးတာလဲ? သူနင့္ကို ဘာလုပ္လိုက္ေသးလဲ? နင့္ကို အႏိုင္က်င့္လို႔လား? မဟုတ္ေသးပါဘူး။နင္တို႔ႏွစ္ေယာက္က ဘယ္လို ေတြ႕သြားၾကတာလဲ?”
“ငါတို႔ႏွစ္ေယာက္ အတူ ႐ိုက္ကူးေရးလုပ္ေနၾကတာ။ အန္းယီ။ ငါ ဒီကိစၥကို အႀကီးႀကီး မျဖစ္ေစခ်င္ဘူး။ ငါ သူနဲ႔ ဥပေဒအရ ရင္ဆိုင္ခ်င္ေပမယ့္ သာမန္ ဥပေဒျဖစ္ရပ္စ္ခုလိုပဲ ျဖစ္ေစခ်င္တာ”
“ဘာဥပေဒကိစၥေတြလုပ္ေနတာလဲ? သူဘာသာ နင့္ကို အႏိုင္က်င့္ၿပီး တရားမွ်တတယ္ထင္ေနတာလား? နင္ေျပာေတာ့ ဒဏ္ရာသိပ္မနက္ဘူးဆို သူနဲ႔တန္လို႔ရတာေနပေစ။ဘယ္သူက အရင္ က်ဴးလြန္တဲ့သူမို႔ လာေျပာေနတာလဲ? သူသာအဲ့လို လာမလုပ္ရင္ နင္ သူ႕ကို ျပန္တိုက္ခိုက္မိမွာမဟုတ္ဘူးေလ။ဒီကိစၥ ငါ့ဆီ လႊဲထားလိုက္။သူတရားစြဲရဲသလား ၾကည့္ရေသးတာေပါ့”
“ေက်းဇူးပါ”
##########
က်ိဳးက်ိဳးက တကယ္ကေလးစိတ္ေလး။ဟိုဘက္ဘဝမွာလည္း သူ ေက်ာင္မၿပီးေသးဘူးေလ။ေနာက္ဆုံးႏွစ္တက္ေနတုန္း သင္တန္းဆင္းမို႔ကို ကူးေျပာင္းလာတာနဲ႔ တိုက္ဆိုင္သြားတာ။ဖန္ေယာင္႐ႊမ္းနဲ႔ ရန္ျဖစ္ထားတာလား လို႔ ေ႐ွာင္ခ်န္ေမးေတာ့ ျပဳံးၿပီး ငါႏိုင္တယ္လို႔ ေျပာတယ္ေလ။ အဲ့ေနရာမွာ ပါးခ်ဴဆို သူ႕ကေလးေပါက္ကို ခ်ီးက်ဴးေပးဦးမွာေနာ္
*ျပထားတဲ့ အပိုဒ္က E-trans မွာ မပါပါဘူး။တ႐ုတ္ ဝက္ဆိုက္ဒ္ကေန ယူထားတာမို႔ အဲ့မွာပါလို႔ ထည့္ေရးထားတာပါ*
##############