#شوق
بارت ٥١
أسماء عبد الهادي
__
استيقظت شوق من نومها باكرا ونهضت من فراشها لتتوجه للمطبخ لتعد طعام الافطار لها ولإخوتها قبل ذهابهم للعمل
لتجد آيات تجلس إلى منضدة السفرة وحولها كتبها واوراقها فابتسمت لها قائلة
_يا صباح الخير على الناس العسل
ابتسمت لها أيات
_صباح النور يا أبلة.
جلست جوارها تمسد على ظهرها بحنان
_عاملة ايه في المذاكرة يا قلبي
_الحمد لله ماشي الحال
_صاحية من بدري ولا ايه
_اه يعني تقدري تقولي منمتش من الساعة ٢
_واه يا آيات ليه اكده يا بنتي طب منمتيش الليل بطوله وصحيتي الفجر ذاكرتي ليه
_مش عارفة قلقت الساعة ٢ ومعرفتش انام فقلت أذاكر
_مالك يا قلبي ايه اللي شاغل بالك أحوالك مش عاجباني الأيام دي الواد أمير الأمرا مزعلك وأنا أقرقضلك ودانه
_بالعكس أمير أنا مشفتش في حنيته ولا طيبة قلبه زيك كدا بالظبط يا أبلة وكأن ربنا عوضني بجفاء أهلي وغلاظة أبوي في معاملتي بيكم أنتم
_طب إيه اللي تابعك يا حبابة .. افتحيلي قلبك
هنا كادت أعين أيات أن تدمع وهي تقول
_وحشوني اوي، رغم اللي شوفته هناك بس قلبي بيحن ليهم هم أهلي وعيلتي بردك يا أبلة .. صعبان عليا نفسي ان أبوي مسألش فيا من يومها ولا حدش طل عليا يطمن من وقتها.. مفيش غير البت ريهام اللي بتكلمني يوماتي وتبلغني سلام أمي ليا وساعات أمي بتكلمني وتوصيني على حالي بردك بس أني كان نفسي يشقروا عليا اهنه يا أبلة.. نفسي احس باللهفة والاشتياق في صوت أمي زي ما اني مشتقالها
وضعت شوق يدها على كتفها
_يا آيات يا قلبي انتي عارفة اللي حصل كان مأثر على ابوكي ولسه الوقت معداش كفاية علشان ينساه... وابوكي مش من النوع اللي بيروح هو لحد وانتي عارفاه... كم شهر كمان وتأخدي أجازتك ويأخدك أمير وتنزلوا تسلموا عليهم أنتوا ومعاكم هدايا ليهم كمان... هوني عليكي يا حبابة انتي.. هما خلاص اتعودوا على انك بتسافري لتعليمك فعلشان اكده صابرين وساكتين.. انما هما أكيد اتوحشوكي ونفسهم يشوفوكي ويأخدوكي في حضنهم كمان... متفكريش كتير في الموضوع ديه ومتسمحيش لحاجة تزعلك.. افرحي يا بت انك معانا اهنه.. واتجوزتي الحمد لله اللي قلبك مال ليه.. اعترفي يا بت مال ولا لسه ممالش
ابتسمت ايات وأخفضت رأسها بحرج
لتضحك شوق
_يبقى مال وانكفا على وشه كمان، هو حد يعرف أمير الأمرا ولا يحبوش.. ديه عسل مكرر ينحط على الجرح يطيب وانتي عسلين يا قلبي، ربنا يسعد قلوبكم ويفرحكم ببعض.. بحلم باليوم اللي اشوفك وياه في الكوشة واطمن عليكم زي فداء اكده، بس لسه غريب ابوه معرفش وخايفة يقف للواد في الجوازة وفي نفس الوقت مش هقبل ليكي بأقل من فرح كبير يليق بعروستنا الحلوة
_أني معيزاشي المشاكل لأمير، إن كان أبوه هيعمل مشكلة .. أني موافقة بأقل حاجة يا أبلة .. بس مش دلوك عايزة أخلص السنة دي على خير علشان أرتاح
_ماشي يا نن عين شوق من جوة ربنا يوفقك ويريح قلبك.. ومين عالم يمكن ربنا يحنن قلب غريب على ولاده.. ربنا كبير
نهضت من مكانها
_اتكلمت كتير وعطلك معهلش هقوم أحضرلكم الفطار وحاجة سخنة تدفيكي يا قلبي
_لاه خليكي يا أبلة هقوم احضره اني
_لاه والله ما حد هيحضره غيري خليكي انتي يا قلبي كملي مذاكرتك ومش عايزاكي تشيلي هم أي حاجة غير المذاكرة وبس
_ربنا يخليكم ليا يا أبلة
_ويخليكي لينا يا حبابة.
__
انهت إعداد الطعام لتسمع طرقات على الباب
_ايه صحيوا بدري النهاردة ولا ايه
لتقول أيات مبتسمة
_دا اكيد أمير أنا متأكدة
_اه قولتيلي أمير .. طب ان كان اكده افتحيله يلا مستنية ايه
_حاضر
عادت شوق للمطبخ بينما توجهت أيات لتفتح الباب
ليظهر أمير بالفعل وقال مبتسما هائما
_صباح الخير على أحلا عيون دوبت فيهم
ردت بخجل
_صباح النور يا أمير، اتفضل
_حبيبة أمير وعيونه كمان.. عاملة إيه يا حبيبتي
_كويسة الحمد لله وانت أخبارك ايه نمت كويس!
_الحمد لله في نعمة.. وازاي مبقاش كويس وأنتي معايا يا كل قلبي .. انا بحمد ربنا كل ساعة وكل ثانية علشان جمعني بيكي.
كلماته جعلت زهور قلبها المغلقة تتفتح فابتسمت له بسعادة وحب
لتأتي شوق وتحمل صينية الطعام
_طب ادخل يا عم الرومانسي انت افطروا سوا... . واني هروح أصحي اخواتك وافطر معاهم
قبل أمير رأس شوق
_صباح الهنا يا قلبي هاتي عنك الصينية
_صباح النور يا حبيبي.. لاه مهياش تقيلة .. يلا ادخل علشان يادوب تلحقوا تفطروا وتنزلوا تشوفوا مصالحكم يلا.
__
أما هي فدلفت شقة اخوتها .. لتسمع صوت المياة في المرحاض فتعلم أن عساف استيقظ من نومه..
لذا قررت ان تذهب لإيقاظ مهند وفتحت النور
ليقول بانزعاج
_ايه مين اللي فتح النور دا عايز انام
_قوم يا مهند يلا علشان تفطر
_لا افطر ايه مش عايز فطار دلوقتي قالقة منامي ليه هو أنا نازل الشغل يعني برجلي دي
_اه بس لو تقولي اتبهدلت اكده ازاي
_شوق اخرجي وسبيني أنام
_ماشي يا مهند ومسيري أعرف وحاسة انها مصيبة من عمايلك هو اني تايهة عنك.
__
خرجت هي وصبحت على أخيها عساف وتناولا الفطور سويا ثم انطلق بعدها عساف لعمله
وبقيت هي تنظف المنزل قبل أن تغادر ذاهبة ليوسف
وبعد ساعتين سمعت طرقا عل الباب
_مين يا ترى اللي بيخبط.. معقول أيات رجعت بدري اكده
وعندما فتحت وجدتها ميار فابتسمت قائلة بترحاب
_ القمر هل علينا بالنهار يا ناس، ديه ايه الهنا ديه ميار بنفسها عندينا يا ناس.. اهلا وسهلا يا قلبي اتفضلي
ابتسمت ميار
_صباح الخير يا شوق
_صباح النور والبنور يا قلبي.. اللهم بارك وشك منور كيف البدر والنفسية عال العال
_الحمد لله يا شوق انا مبسوطة اوي اني بعيش حياتي بشكل طبيعي وخالد مش بيعترض أبدا عن اي حاجة بعملها.. حتى قلتله اني جاية عندك دلوقتي والصبح بدري كدا مقاليش حاجة ووافق اني اجي لوحدي
_الحمد لله يا قلبي ربنا يهديلك اخوكي يارب ويباركلك فيه ويحفظك يا قمر انتي.. تعالي ادخلي يلا
جلست ميار وقالت
_طمنيني يا شوق.. مهند اخوكي عامل ايه... رجله لسه بتوجعه .. انا جيت أطمن عليه
طالعتها شوق باستغراب وشك
_ ميار انتي تعرفي إن مهند رجله بتوجعه منين
_علشان أنا اللي خبطته بعربيتي للأسف .. انا اسفة اوي والله اعتذرتله كتير ومش هكررها تاني وبقيت انتبه وانا سايقة
زاد الشك أكثر في نفس شوك وخاصة ان أخيها لم يريحها ويخبرها سبب ما حدث له
_ااه الحكاية كدا بقا
_ها هو كويس!! امبارح ف المستشفى كان بيتألم منها اوي وانا فضلت طول الليل اعاتب نفسي وقررت اني أجي اطمن عليه هنا زي ما وعدته
شوق في نفسها
_أه يا مهند يا ابن الإيه يخربيت شيطانك.. كنت متأكدة انك وراك مصيبة .. بقا بتضحك على البت الغلبانة دي.. وتخليها مشيلة نفسها ذنبك.. طب صبرك عليا بس
نظرت لميار
_هو كويس يا قلبي وزي الفل مفيهوش حاجة متقلقيش يومين وهيمشي عليهم تاني متشيليش نفسك ذنبه.. هو تلاقيه اللي كان ماشي سرحان فخبطي فيه يعني الغلطة غلطته هو.
_طب ممكن اطمن عليه علشان أمشي يا شوق
_لا تمشي ايه انتي هتقضي اليوم كله معايا النهاردة ونتصل بالبت فداء تجيلنا هي كمان
_احنا عارفين انك مشغولة مع يوسف يا شوق، لما تفضي اكيد هنيجي نقضي اسبوع سوا مش يوم واحد
_يا قلبي انتي.. هروح أصحي المصيبة اخوي.. قصدي مهند.
__
سحبت غطاءه بحدة
ليقول بانزعاج
_ايه يا بنتي حرام عليكي سيبيني نايم شوية بقا
_قوم يا زفت انت اكده وفهمني في ايه بالظبط... وبتفكر في مصيبة ايه من ورايا
_مصيبة ايه يا شوق انا نايم يا بنتي اقفلي النور بقا
_وربنا يا مهاند ان ما قمت وقلتلي عملت اكده ليه لأكون كاسرالك رجلك التانية..
_ايه عملت ايه مش فاهم
_مش عارف عملت ايه.. بقا بتضحك ع البت ميار وتخليها تيجي يا قلبي لحد أهنه تطمن ع رجلك علشان حاسة بالذنب من ناحيتك وانها السبب
نهض مهند سريعا من مكانه وقال بفرحة
_ايه ميار جت هنا برا... انا مش مصدق نفسي
_استنى يا اخرة صبري هتقابلها أكده بالفانلة .. اتنيل ظبط نفسك واطلع وكلامي معاك بعدين
قال بلهفة على عجل
_طب شوق بالله عليكي طلعيلي حاجة كويسة اقابلها بيها بسرعة لحد ما اطلع من الحمام
هزت شوق رأسها وهي ترى أخيها يركض غير مبالي بوجع قدمه
_طب حاسب يا خوي لا تقع تاني على جدور رقبتك تتكسر هي كمان وتبقى كملت.. لا حول ولا قوة إلا بالله الواد عقله طار يا ولداه يقطع الحب وسنيه
__
جهزت له ملابسه ووضعتها على طرف الفراش وتوجهت لتجلس مع ميار
قدمت لها العصير
_قمراية فطرتي ولا اعملك فطار
_لا طبعا فطرت فداء مش وافقت انزل الا لما أفطر الأول
_برافو عليها فداء الحبابة داي والله وحشتني.. خالد اخوكي أخدها مننا خلاص.. بس مش عارفة أكلمه ما هو كان دايخ عليها بقاله كتير.. ربنا يسعدهم ويهنيهم يارب
ضحكت ميار
لتسمع مهند يقول بعد ان جهز نفسه وتأنق في ملابسه من أجل مقابلة محبوبته
_يا صباح السعادة والسكر الزيادة... القمر عندنا.. الحب اللي بيجري في شرايني.. ايه القمر وعيون الغزلان دا
هتفت ميار باهتمام
_مهند انت كويس
ادعى مهند التعب
_اه رجلي.. فين الكنبة قعدوني.. شوق شوفيلي مسكن بسرعة
ميار بأسف
_اسفة مهند وجعك دا بسببي
_اه والله قلبي بيوجعني اوي.. وانتي علاجه
لوت شوق فمها بتبرم ولكزته في كتفه
_قلبك ولا رجلك ركز يا مصيبة وربنا انت ملكش حل
ميار ببراءة شديدة
_قلبك كمان بيوجعك هو اتأثر بالخبطة طب ليه مقلتش للدكتور
رد بهيام _لا وجع قلبي ملوش علاج الا قربك انتي
_مش فاهمة يا مهند.. طب قولي انت محتاج مساعدة ايه وانا مش هتأخر .. تحب اوصلك للدكتور
أمسكت شوق يد ميار وقالت وهي تنهض
_ميار يا قلبي انا بقول انتي خلاص اطمنتي على مهند وهو زي القرد اهو قدامنا تعالي لما اغير هدومي في الشقة التانية وننزل سوا ايه رايك توصليني عند يوسف بعربيتك
_اوك يلا .. الف سلامة عليك يا مهند
نهض مهند من مكانه مغتاظا من اخته
_استنى يا ميار رايحة فين هوا انا لحقت اشبع منك.. قصدي انتي ملحقتيش تقعدي
وهمس لشوق
_ايه يا زفتة سيبيها قاعدة شوية
_وربنا ولا نص دقيقة صبرك انت عليا.. انا لسه هشوف شغلي معاك بعدين لما افضالك .. يلا يا ميار
_لا ميار مش هتمشي.. خليكي شوية علشان خاطري
_معلش يا مهند انا جيت علشان اطمن عليك ولازم امشي بقا
سرح في عينيها
_هتمشي كدا وتخدي قلبي معاكي وتسبيني.. طب دا كلام
دفعته شوق ليقع على الاريكة
_غض بصرك يا زفت واتلم ها اتلم احسنلك
ليستغل مهند الفرصة ويدعي وجع قدمه
_اااه رجلي حرام عليكي يا شوق دا باين اتكسرت فعلا.. الحقيني يا ميار .. لا لا هيغمى عليا دلوقتي
كادت ميار لتقترب منه الا أن شوق سحبتها لتبتعد عنه وتخرج من الشقة
ميار
_ياربي انت كويس
_زي القرد تعالي بس ديه مصيبة ومش هتخلصي من حواراته
_طب نطمن عليه يا شوق
_عنده المسكن هيأخده وهيكون زي الفل يلا يا قلبي زمان فداء قاعدة لوحدها لما خالد نزل ع شغله
_اوك يلا
وغادرتا
لتتركا مهند يميز من الغيظ من تصرفات أخته
_بقا كدا يا شوق بوظتي عليا خطتي
ليجد شوق أخته أمامه بعد ان أدخلت ميار الشقة الأخرى
وتقول وهي تضربه بحذاءه كما المعتاد منها
_وربنا لو ما تلميت يا ولا وبعدت عن البت لأكون قايلة لأخوها يطلع عليك القديم والجديد ، بقا بتضحك ع البنت علشان تجي تطمن عليك هنا... لا ومش مبطل تسبيل فيها وقدامي كمان
_اييه والله رجلي انشرخت والدكتور مانعني من الحركة فعلا
_ياكش تتكسر علشان نرتاح.. ولا اتعدل واتلم.. بتحبها وعارفين.. احفظ قلبك وغض بصرك لحد ما تبقى حلالك انت فاهم غير كدا مش مسموح ابدا ... مهند مش هكرر كلامي مرتين.. ملكش دعوة بميار
زفر مهند بضيق
_ماشي يا شوق لما اشوف اخرتها ايه معاكي بس مش هقدر اتحمل كتير
جلست جواره وبدات تتحدث بهدوء
_يا واد اصبر .. الحلال طعمه أحلى وربنا
_وامتا الحلال دا بقا ما انتم مش راضيين تحنوا عليا
_قريب يا قلبي قريب .. ها بالله ما تزعلني اوعدني يا مهند تسيبها في حالها
_ماشي يا شوق هشوفها من بعيد لبعيد ارتحتي
_ولا
_علشان احميها بس مش أمتر هكون حارسي شخصي بس راضية كدا
_از كان اكده ماشي يا قلبي يلا سلام
_والله ما انا عارف انتي اختي ولا حماتي هو فيه كدا
ضحكت شوق
_الاتنين يا ولا
_اااه شكلي هشوف ايام لوز على ايدك
_متقاطعش يا ولا انت تطول ابقى حماتك
_على رأيك بس اتجوزها بس واعملي فيا اللي انتي عايزاه
___
عادت شوق لميار وبدلت ملابسها وفي الطريق في سيارة ميار
_ايه رايك يا قمراية تيجي معايا تسلمي على يوسف
_ الله بجد يا شوق ينفع
_طبعا دا يوسف هيفرح اوي
_ تمام يلا بينا
وعندما وصلا للفيلا رحبت بها جلنار .. عرفتها شوق على يوسف
_ يوسف دي ميار صاحبتي .. جت تسلم عليك .. مش هترحب بيها
_ لا طبعا هرحب بيها طالما انها صاحبتك
_ ياسلام .. يعني أي ضيف جايلك مترحبش بيه!! احنا مش اتفقنا اننا منقفلش على نفسنا ونفتح قلبنا للكل
_ حاضر يا شوق اسف.. ازيك يا طنط ميار ... انتي جميلة اوي على فكرة
ضحكت ميار
_ ميرسي يا يوسف وانت كمان على فكرة عسول خالص
_ عارف
داعبت شوق شعره
_ يا سيدي على التواضع
ضحك يوسف فضحكت شوق وميار وجلنار
قضت ميار وقتا ممتعا مع كل من شوق ويوسف وبعدها غادرت عندما اتصلت بها فداء
أما شوق فمكثت مع يوسف وقتا أطول وعندما همت بالمغادرة هي الأخرى
_شوق انتي ماشية
_اه يا قلبي
_خليكي معايا شوية
_ معلش يا يوسف أخوي مهند تعبان شوية وقاعد في البيت وكل شوية يتصل يستعجلني اكيد زهق من العقدة لوحديه
_ خلاص خديني معاكي اتعرف عليه .. انا عمري ماجيت عندك البيت.
عانقته شوق بحنان وقالت بتأثر
_ يا نن عين شوق تآنس وتنور يا غالي.. والله فرحتي بطلبك ديه يا يوسف .. بس نستأذن تيتة جلنار الأول.. ها إيه رايك يا جلنار هانم
هتفت جلنار بهدوء
_ مش عايزة يوسف يسبب ليكم أي ازعاج يا شوق
أمسكت شوق يد يوسف
_ واه ازعاج إيه بس ..يوسف ديه أخوي الصغير يعني جاي بيته التاني
نظر يوسف برجاء لجدته
_وافقي يا تيتة ارجوكي
_خلاص ماشي مفيش مانع
اتسعت ابتسامة شوق ويوسف وانطلق يوسف لأعلى ليبدل ملابسه وانتظرته شوق مع جلنار
لتهتف جلنار
_خدي بالك من يوسف يا شوق
_ متخافيش يوسف في عنيا.
___
وصلت شوق مع يوسف للشقة ليقابلها مهند بانزعاج
_ بردو اتأخرتي عليا يا شوق أنا مكلمك من بدري
قابلته شوق باسمه
_ مهاند تعالي سلم على يوسف جاي يقعد معانا شوية
هتف مهند بإنزعاج وقبل أن يره
_ كمان مش مكفيكي الوقت اللي بتقضيه معاه جايباه هنا كمان
لكن ما ان رآه مهند والسائق يدفع عربته ويدخله للمنزل حتى اصابته نغزة مؤلمة في قلبه وقال في نفسه
_معقول دا يوسف.. سبحان الخالق الواد يخطف القلب.. قد ايه قلبي وجعني عليه اول ما شفته على الكرسي ... انا كنت عارف من شوق انه عاجز بس متوقعتش إني اتأثر كدا أول ما اشوفه .. لا حول ولا قوة إلا بالله.. الحمد لله الذي عافانا
اشارت شوق ليوسف
_ نورتنا يا يوسف.. ديه مهاند أخوي اللي علطول يقولي إنك أخدتني منهم .. يرضيك يا يوسف الكلام ديه
اقترب يوسف بكرسيه من مهند ومد يده ليسلم عليه
_ازي حضرتك.. أنا يوسف.. أنا اسف اني أخدت شوق منكم .. بس أنا مش عندي ماما وحتى بابا مش مهتم بيا.. مفيش عندي غير تيتا وشوق وبس.. شوق أنا بحبها أوي ومحتاجها معايا وحضرتك كبير مش هتكون محتاجها زيي أنا صغير لسه انا اسف
تأثر مهند بكلمات يوسف وأدمعت أعينه ونظر لشوق بلوم على قولها ذلك ليوسف
لتقترب شوق من يوسف
_مهاند مش زعلان أبدا يا يوسف اني معاك ... مهاند بس علشان بيحبني عايزني معاه علطول زيك اكده
نظر مهند لشوق فشجعتة مشيرة بأعينها لأن يتحدث مع يوسف
فابتسم مهند وقال لغير الموضوع برمته
_مين يا يوسف ميشوفش شوق وميحبهاش قولي .. انا مش هكون متضايق أبدا وهي معاك بس على شرط واحد
_ايه هو
_اننا نكون اصحاب ايه رأيك
نظر يوسف لشوق التي هزت له رأسها بالموافقة
_ ماشي موافق طالما هتسمح بأن شوق تكون معايا دايما
_ اكيد طبعا... المهم انت مش هتقولي سلامتك... رجلي مكسورة
لوي يوسف فمه
_ انا بقى مش بقدر أمشي مين اللي يقول للتاني سلامتك
نظر مهند لشوق وقال بتبرم
_ الواد دا لمض يا شوق وهيعجبني بيفكرني بنفسي وانا صغير.. تعالي ياض هنكون اصحاب جامدين اوي
أخذ مهند راس يوسف تحت ذراعه مداعبا اياه بمرح
ليضحك يوسف وبعدها يقول
_ انت متأكد انك اخو شوق
_ اه يالا عندك شك في دا أحلفلك ولا اجيبلك البطاقة
_ لا بس انت أبيض وشوق سمرا
ضحك مهند
_ معلش أصلها بتقعد في الشمس كتير
_ بجد.. شوق مش تقعدي في الشمس علشان تكوني بيضة زي مهند كدا
ضحكت شوق ومهند
_ حاضر يا يوسف بس مهما عملت مش هاجي في حلاوة الواد مهاند ديه.
_ليه
_ يوسف حبيبي لازم تعرف ان ربنا خلقنا مختلفين فينا الأبيض والأسمر والتخين والرفيع والطويل والقصير .. ودي حكمة ربنا في خلقه .. واني يا حبيبي طلعت سمرا زي أمي الله يرحمها .. لكن اخواتي الولاد طلعوا بيض زي أبوهم وأمهم.. علشان كدا مش لازم نقارن نفسنا بحد أبدا حتى إخواتنا.. لازم نحمد ربنا على كل حاجة هو عملها لينا .. فهمت يا حبيبي
_ وكمان ربنا عمل اللي بيمشي واللي مش بيمشي زيي يا شوق صح
_ برافو عليك صح يا قلبي ربي يعافيك يارب
ليهتف مهند
_ بس انت هتمشي ان شاء الله لازم تكون متأكد من دا
_ ادعيلي يا مهند
_هدعيلك يا صاحبي
قضى يوسف وقتا طيبا بصحبة شوق ومهند وكذلك عساف وأمير عندما عادوا من عملهم وأحب صحبتهم.
_____
وبعدها عادت شوق معه خصيصا لتعيده لجدته بنفسها
وفي طريق عودتها إلى أعلى حيث ستصعد لشقتها وجدته أمامها
وقف محله يرمقها بغضب جم لا تدري لم يحمل نحوها كل تلك الضغينة وما الجرم التي اقترفته لذلك
_لو خايفة على نفسك اختفي من حياة اخواتك وللأبد ..
رمقته بنظرات آسفة ولم تعلق على قوله بل كل ما قالته
_ازيك يا غريب بيه نورتنا.. تعالى اتفضل البيت فوق اهو مش معقول يعني تمر حدانا ولا تطلعش تأخد واجب الضيافة
أمسك يدها بحدة وقال بوعيد
_شوق انا مبهزرش احذريني... ابعدي عن ولادي
_ولادك دول اخواتي يا غريب بيه اللي طلعت بيهم من الدنيا ومن غيرهم مش هيكون ليا حد
_عليا أنا الكلام دا أنا .. انتي لميتي الناس كلها حواليكي حتى شاكر مترحمش منك.. قدرتي تعملي كل دا ازاي.. ازاي قدرتي تعلقي حتى جلنار هانم وعيلتها بيكي.. أولادي اللي كانت الفلوس والفسح كل حياتهم فجأة كدا اتغيروا.
_ايه يا غريب بيه انت ناسي انك في الأصل جبتني إهنه علشان أغيرهم وأعدل سلوكهم اديهم اهم اتغيروا زي ما طلبت ليه شايفاك زعلان دلوك
هتف بحنق وغضب
_قولتلك عدلي سلوكهم مش تخليهم يتمردوا عليا! بتعصي اولادي عليا يا شوق
_محصلش أبدا يا غريب بيه.. بالعكس أنا عمري ما قومت اولادك عليك ولا اتدخلت في علاقتهم بيك .. كله الا قطيعة الارحام يا غريب بيه
_ وتسمي عدم سماعهم كلامي دا ايه .. لا وكمان مهمهمش الفيلا اللي راحت منهم وجم قعدوا في شقة متجيش كلها قد اوضة من اوضهم
_ وحضرتك يا غريب بيه أخدتها منهم ليه .. مش علشان تلوي دراعهم علشان يبعدوا عن اختهم الوحيدة
_ شوق اسمعي زي ما اخدتي الاولاد في صفك ترجعيهم تاني انتي فاهمة
_ وداي اعملها ازاي داي اولادك بيحبوني ومتعلقين بيا.. متعلقين بأختهم ولا هو عيب ولا حرام
_انتي ايه سحرالهم أنا مش قادر أصدق انتي كدا ازاي وبالسرعة دي.. حتى مهند اللي مكنتش اتوقع أبدا انه يلين ليكي بقا أكتر واحد في اخواته متعلق بيكي بيسمع كلامك بالحرف
_اه صح نسيت اقولك مهاند خلاص اتعالج من الإدمان افرح يا غريب بيه مش كنت عايز اكده
هدر بها صارخا
_أنا عايز أولادي يا شوق وأنا بحذرك لآخر مرة.. شغل السحر والشعوذة بتوعك دول مش هيخيلوا معايا
_بالحب تنال القلوب يا غريب بيه
تأثير الحب أشد من السحر ... اولادك كان ناقصهم حب واهتمام وانا اديتهم ليهم من كل قلبي فدخل من القلب للقلب.. قدرت أعمل اللي انت عجزت عنيه انت ومراتك يا غريب بيه.. ليه جاي تشتكي دلوك من بعدهم عنك وجفاهم ناحيتك.. هل انت قدمت السبت علشان تلاقي بقية الأيام!! للاسف كل اللي كان همك الفلوس وبس.. خليها تنفعك بقا
صفعة قوية عرفت وجهتها إلى خد شوق
اعقبها صراخه بها
_قسما بالله أمحيكي من على وش الدنيا من غير ما يرفلي رمش انتي فاهمة... اولادي يرجعوا تحت طوعي تاني مش هصبر عليكي كتير.
لم يمهلها الرد وانما عاد ادراجه سريعا إلى سيارته وامر السائق بالانطلاق
_اطلع بسرعة من هنا
تابعته نظرات شوق المنكسرة ..إلى أن اختفى عن الانظار
قدماها لم تعد تحملانها فابتعدت عن البناية السكنية وجلست لأقرب مقعد على الطريق
جلست القرفصاء ووضعت يدها على خدها بألم
_يدك تقيلة أوي يا غريب بيه ..ايه كل ديه حقد شايله في قلبك من ناحيتي ولا حول ولاقوة الا بالله... عملتك أني إيه لكل ديه... جربت وربنا أبعد عن عيالك وعن الكل يكش ترتاح بس مقدرتش أعمل ايه .. حياتي من غيرهم ملهاش أي معني.. اقولك اعمل اللي تعمله أني مخيفاشي على نفسي أبدا.. العمر واحد والرب واحد ... اااه ياني عليكي يا شوق الفرح كل ما يدق بابك تاجي الريح وتقتلعه من جذوره... حسرة عليكي يا شوق.. لأقعدن على الطريق واشتكي بإني مظلوم وانت ظلمتني.
__
_انت كنت فين
_ازيك يا بابا حمدا لله على السلامة
_انطق رد على سؤالي
رد يوسف بخوف من تجهم وجه أبيه وحدته معه
_كك.. كنت عند شوق
_وازاي تروح هناك من غير اذني مين سمحلك .. انت اتجننت يا ولد تتصرف من نفسك.. والغبية شوق دي حسابها معايا بعدين.. ومن هنا ورايح مبقاش ليها مكان هنا.
بكي يوسف بزعر من ألا يرى شوق مرة أخرى
_لا يا بابا أرجوك بلاش تبعد عني شوق انا بحبها اوي .. انا انا استأذنت تيتة وهي سمحت ليا .. انا اسف اني خرجت من غير اذنك.. بس انت مكنتش موجود
_من هنا ورايح ممنوع تروح لاي مكان من غير اذني
_ح.. حاضر يا بابا.. مش هتمنع شوق عندي مش كدا
لف قاسم وجه الجه الأخرى ولم يرد لانه يفكر جديا في ابعاد شوق التي تتجرأ عليه في كل مرة
_بابا ارجوك رد عليا.. مش عايز شوق تبعد عني
لم يجد يوسف رد من أبيه حتى كاد أن يجن
فنهض من كرسيه ليقف وهو يرجو والده
_بابا .. ارجوك.. انا اسف.. مش هزعل حضرتك تاني بابا
قالها يوسف وهو يحاول السير تجاه والده
ولا يدرك انه استطاع أن يسير بل تحرك وهو لا يعي ذلك من خوفه ان تبتعد عنه شوق
_بابا من فضلك رد عليا... شوق علمتني حاجات كتير اوي، بقيت شاطر في الدراسة ومبقتش اعيط كل يوم لما اجي انام زي ما كنت بعمل.. بقيت بضحك وبقابل الناس واتكلم معاهم.. بقيت بحبك أكتر يا بابا .. بقيت بقدر اقف حتى بص
ونظر لنفسه ليجده تحرك من مكانه
فاتسعت أعينه
_بابا انا بمشي بقيت بقدر أمشي حتى شوف... بابا أنا مشيت أخيرا هتكون فرحان .. ومش زعلان مني ..انا بمشي يا بابا
هنا جاءت جلنار لترى يوسف يسير وحده فبكت بدمعات الفرحة وركضت تجاة يوسف تقبله من كل شبر في وجهه
_يوسف حبيبي اخيرا يا حبيب تيتا ربنا استجاب لدعائي وقدرت تمشي يا نور عيني الحمد لله رب العالمين
_انا فرحان اوي يا تيتا
_وانا فرحتي متتوصفش يا حبيبي الحمد لله دائما وابدا
نظر يوسف بسعادة لوالده
_بابا انا بقيت بمشي
عبس وجه يوسف ثانية عندما قال والده بلا اهتمام وهو يصعد لأعلى
_طيب كويس ... ياريت كلامي يتسمع والا هبعد شوق دي نهائي من هنا