လင်ရှီးထူးဆန်းနေသည်ဟု ခံစားနေရသည်။ သူဘာမှမတတ်နိုင်ပေမယ့်ထူးဆန်းတယ်လို့ ခံစားနေရတုန်းပဲ။ လင်ရှီးပတ်ဝန်းကျင်ကကြောင်တက်တက်ဖြစ်နေသည့်ရေသူတွေကိုကြည့်ပြီး သူတို့ဘာတွေကိုအံ့ဩနေတာလဲဆိုတာသိဖို့ အချိန်ခဏယူလိုက်ရသည်။ ဒီကမ္ဘာကိုသူရောက်တာ တစ်လကျော်ပြီဖြစ်သည်။ ငါးကန်ထဲမှာမှန်မရှိတာကြောင့် လင်ရှီးတစ်ခါတစ်ရံသူ့မျက်နှာကို ဖန်နံရံထဲမှာပဲတွေ့နိုင်သည်။ (မှန်မဟုတ်ပဲ ဖန်ထဲမှာဝါးဝါးလေးအရိပ်ထင်တာ)
မူလပိုင်ရှင်မျက်နှာက တကယ်အဆင်ပြေသည်ဆိုတာကိုငြင်းလို့မရပေ။ ဒါပေမယ့်သူ့မျက်နှာပဲဖြစ်သွားလို့လားမသိ လင်ရှီးခံစားလို့မရပေ။
ဒါကြောင့်ဆိုင်မှာရှိနေတဲ့ရေသူလေးရဲ့အလှတရားသည် သူနဲ့မတူနိုင်ဟု လင်ရှီးယူဆလိုက်၏။ သူဖန်နံရံကိုပြုံး၍ကြည့်လိုက်သည်။ သူ့အထင်တော့ဘေးကန်ကအညိုရောင်ရေသူလေးလောက် ကြည့်မကောင်းဘူးထင်တာပဲ။ သူရုတ်တရက်တိတ်ဆိတ်သွားတဲ့ ရေသူတွေကိုလျစ်လျူရှုလိုက်သည်။ သူတို့ကနေ့တိုင်းဘာမှမလုပ်ပဲ ငါးကန်ထဲ၌သာနေပြီး သူတို့က်ိုဧည့်သည်တွေလာဝယ်ကြမှာကိုသာစောင့်ကြသည်။ အချိန်တစ်ချို့ကြာပြီးနောက် လင်ရှီးရေအောက်သို့ငုပ်လျှိုးသွားလိုက်၏။ လင်ရှီးမျက်လုံးများမှိတ်ထားကာ လှုပ်ယမ်းနေတဲ့သူ့အမြီးလေးလည်း ရပ်တန့်သွားသည်။ တခြားရေသူများ၏ မျက်လုံးထဲတွင်တော့လင်ရှီး ငြိမ်သက်သွားသည်ဟုတွေးနေပေလိမ့်မည်။ တကယ်တော့လင်ရှီးက သူထွက်ပြေးမည့်အစီအစဉ်ကိုတွေးနေခြင်းဖြစ်သည်။
ဆိုင်သို့လာတဲ့ဝယ်သူကို တိုက်ခိုက်ဖို့အစွယ်ထုတ်ပြလိုက်တဲ့ အစောပိုင်းအဖြစ်အပျက်အရ ဆိုင်ရှင်ကသူ့ရဲ့စည်းကျော်မှုကို လုံးဝခွင့်လွှတ်ပေးမည်မဟုတ်မှန်း သူသိသည်။ လင်ရှီး၏ကိုယ့်ကိုယ်ကို ခုခံကာကွယ်နိုင်မှုသည်မြင့်မားသည်။ သူ့အစားတခြားရေသူလေးသာ သံကြိုးဖြင့်ချည်နှောင်ခံရပြီး ထိုကဲ့သို့ဖန်နံရံနှင့်အရိုက်ခံရပါက အလွန်ထိတ်လန့်သွားမည်ဖြစ်သည်။ ထိခိုက်မှုပင်ဖြစ်နိုင်သည်။
လင်ရှီးသိသည်။ ဒီနေ့သို့မဟုတ်မနက်ဖြန် သူ့ကိုချုပ်ထားသည့် ဒီဆိုင်ကနေထွက်ပြေးမှရမည်ဆိုတာ။ ညာဘက်ရှိဖန်နံရံကိုအည်ုရောင်ရေသူလေးက အကြိမ်များစွာပုတ်နေသည်။ အညိုရောင်ရေသူလေးက သူ့ကိုစကားပြောချင်နေသည်ဆိုတာကိုသိသော်လည်း လင်ရှီးသူ့မျက်လုံးများကိုမှိတ်ထားပြီး ရေသူလေးကိုလျစ်လျူရှုလိုက်သည်။
ဒီအချိန်အတောအတွင်းမှာသူ ရေသူလေးအတွက်ခံစားချက်အချို့ရှိတယ်ဆိုတာမငြင်းနိုင်ပေ။ ထွက်ပြေးမယ့်လမ်းသည်အန္တရာယ်အပြည့်နှင့်ဖြစ်သည်။ သူကရေသူလေးနှင့်ကွာခြားသည်။ ရေသူဖြစ်တယ်ဆိုတဲ့အချက်ကိုထည့်မတွက်လျှင်တောင် သူ့ရဲ့တခြားအချက်မှာ ခေတ်သစ်မြို့ပြစာအုပ်တစ်အုပ်ထဲမှဗီလိန်ဖြစ်သည်။ ဒါတွေကိုဘယ်လိုသိလဲဆိုလျှင် ဇာတ်လမ်းရဲ့အဆုံးမှာသူ့ဇာတ်ကွက်တွေပြီးဆုံးသွားတာကြောင့်ဟု ပြောလို့ရသည်။ လင်ရှီးရဲဖမ်းခံရပြီးထောင်ထဲတွင် တစ်သက်လုံးမနေရစေရန်လုပ်ဆောင်ခဲ့၏။ သူ့အိမ်မှာသေနတ်နှင့်ကိုယ့်ကိုယ်ကိုပစ်ကာသတ်သေလိုက်သည်။ သူသေပြီးနောက် အကြောင်းပြချက်မသိရပဲ လင်ရှီး၏အသိစိတ်များနိုးထလာပြီး သူနေခဲ့သည့်ကမ္ဘာဟာအစစ်မဟုတ်ပဲ တစ်စုံတစ်ယောက်ကရေးထားသည့်ဝတ္ထုတစ်ပုဒ်သာဖြစ်ကြောင်းရှာတွေ့ခဲ့၏။
သူ့ဝိဉာဉ်ကမီးခိုးရောင်လေဟာပြင်ထဲ အချိန်အတော်ကြာအောင်မျောလွင့်နေခဲ့သည်။ ဘယ်လောက်ကြာသွားလဲဆိုတာတောင်သူမသိခဲ့ပေ။ ရုတ်တရက်သူ့ခြေထောက်အောက်မှ ကြီးမားသည့်ဆွဲအားတစ်ခုပေါ်ပေါက်လာခဲ့သည်။ အချိန်ခဏလောက် လောကကြီးချာချာလည်သွားပြီး လင်ရှီးနောက်တစ်ကြိမ်မျက်လုံးဖွင့်လိုက်သည့်အခါ နည်းပညာများမြင့်မားကာ အလွန်ဖွံ့ဖြိုးတိုးတက်နေသည့် ဒီကမ္ဘာကြီးဆီသို့ ရောက်ရှိလာခဲ့သည်။ ဤကမ္ဘာကြီးတွင် လင်ရှီးအရင်ကမမြင်ဖူးသည့် မျိုးစိတ်များစွာရှိနေပြီး လူသားများကမျိုးနွယ်စုအားလုံးရဲ့အထက်မှာရှိနေသည်ကတော့မပြောင်းလဲပေ။
လူသားတစ်ခါဖြစ်ခဲ့ဖူးပြီး ဗီလိန်တစ်ယောက်အနေနဲ့လင်ရှီးဟာ လူတွေကရေသူများကိုရောင်းချခြင်း၊ ဝယ်ယူခြင်းအပေါ်ထင်မြင်ချက်များများစားစားမရှိပါချေ။ ရေသူများဘာပဲဖြစ်ဖြစ် လင်ရှီးကအခုအချိန်မှာရေသူဖြစ်နေပေမယ့် သူကလူသားတစ်ယောက်ဖြစ်တယ်ဆိုတာအရိုးထဲထိမှတ်ယူနေတုန်းဖြစ်သည်။
သူ့ရဲ့အတွေးတွေက အတိုင်းအတာတစ်ခုအထိ ယခင်ကဗီလိန်အတိုင်းဆက်ရှိနေသည်။ အတိတ်မှာသူဘာဖြစ်ခဲ့တယ်ဆိုတာ လင်ရှီးသိနေရင်တောင်အဲ့တာက သတ်မှတ်ထားတာဖြစ်သည်။ ဘယ်လောက်ပဲသတ်မှတ်ထားပါစေ သူ့ရဲ့စိတ်နှင့်ဝိဉာဉ်ကလွတ်လပ်နေဆဲပင်။
(သူအရင်ကဖြစ်ခဲ့တာတွေကကံကြမ္မာကသတ်မှတ်ထားတာလို့ဆိုလိုချင်တာ)
သူအရင်ကဇာတ်ကွက်ရဲ့ထိန်းချုပ်မှုကိုခံရဖူးသည်။ ဒါပေမယ့်အခုတော့မဟုတ်တော့ဘူး။ ရေအောက်ထဲမြုပ်နေတဲ့လင်ရှီးက မျက်လုံးများကိုဆတ်ခနဲဖွင့်လိုက်သည်။ ညအမှောင်ထက်နက်တဲ့သူ့မျက်လုံးတွေထဲအလင်းတစ်ချက်ဖြတ်ပြေးသွားသည်။ သူ့ကံကြမ္မာကိုအစကနေအဆုံးထိ သူတစ်ယောက်ပဲထိန်းချုပ်မည်။ သူထွက်ပြေးဖို့အချိန်ရောက်ပြီ။ ဒီညပဲ...။
ရေသူအရောင်းဆိုင်က နေ့ခင်းဘက်သာဖွင့်ပြီးညအခါ၌ပိတ်သည်။ ထို့နောက်ဆိုင်ပိုင်ရှင်က အိမ်သို့ပြန်လေ့ရှိသည်။ ပိုင်ရှင်ကဆိုင်မှာမနေပေ။ ဒီရက်တွေမှာလင်ရှီး အချက်အလက်တွေကိုစုဆောင်းနေခြင်းဖြစ်သည်။ တစ်ခါတစ်ရံသူဌေးကဆိုင်ထဲ၌ ဖုန်းပြောတတ်သည်။ စကားဝိုင်းတွင်လျှို့ဝှက်ချက်များမပါသရွေ့ သူဌေးကရေသူများကိုရှောင်မှာမဟုတ်ပေ။ သူဌေးဆိုင်မှာမနေသည့်အကြောင်းကို လင်ရှီးနားလည်ဖို့မခက်ပါချေ။ ညဘက်တွင်ရေသူများကိုစောင့်ရှောက်ဖို့ ဆိုင်ထဲ၌စက်ရုပ်နှစ်ရုပ်ရှိသည်။ စက်ရုပ်များတွင် အပြောင်းအလဲခလုတ်များ ရှိတာကိုလင်ရှီးဂရုတစိုက်ရှာဖွေခဲ့သည်။
စောင့်ကြည့်ရေးစက်ရုပ်များလက်ထဲမှ ထွက်ပြေးခြင်းက လင်ရှီးလိုဗီလိန်ဟောင်းတစ်ယောက်အတွက် လွယ်ကူလှသည်။ အရေးကြီးဆုံးက သူ့ခြေချင်းဝတ်နားကရေသူတွေရဲ့လှုပ်ရှားမှုတွေကို ကန့်သတ်ထားသည့် အရာဖြစ်၏။ ခြေချင်းဝတ်ကကွင်းကို ဖယ်နိုင်လျှင်ထွက်ပြေးမယ့်အကြံက တစ်ဝက်လောက်အောင်မြင်နေပြီဖြစ်သည်။
ရေသူအများစုက သူတို့တွေကလူတွေထက်နိမ့်ကျစွာမွေးလာပြီး သူတို့ရဲ့လူနေမှုပုံစံကနိမ့်ကျတယ်လို့ယူဆထားတာကြောင့် ရေသူတွေထွက်ပြေးတဲ့အဖြစ်အပျက်မျိုး ဆိုင်ကတစ်ခါမှမကြုံဖူးပေ။ ထိုအချက်ကြောင့် ဆိုင်တစ်ခုလုံး၏လုံခြုံရေးကို တင်းကြပ်ထားခြင်းမရှိချေ။ ရေသူများကိုထိန်းချုပ်ထားဖို့အတွက်ကတော့ အဲ့တာကရေသူများရဲ့အမြီးကသံကွင်းဖြစ်သည်။ အပြင်၌မှောင်လာပေပြီ။ ဒီနေ့ဆိုင်ကိုလာတဲ့ဧည့်သည်သိပ်မများပေ။ လာတဲ့သူမများလျှင်တောင် သူဌေးကပိုက်ဆံအတော်ရနေဆဲပါပဲ။ အနီရောင်ရေသူလေး၏ရောင်းဈေးတစ်ခုထဲနှင့်ပင် ပုံမှန်နေ့စဥ်ဝင်ငွေနှင့်ညီမျှသည်။ သူဌေးစိတ်ခံစားချက်တွေကောင်းနေ၏။ ထို့ကြောင့်သူဆိုင်စောစောပိတ်၍ သူငယ်ချင်းတစ်ယောက်နှင့်သွားသောက်ဖို့စီစဉ်ထားသည်။
သူဌေးကစက်ရုပ်ကိုသန့်ရှင်းရေးလုပ်ဖို့ အမိန့်ပေးလိုက်ပြီး တစ်ခုခုယူဖို့အနောက်သို့ဝင်သွားသည်။ ဝင်သွားပြီးခဏအကြာ၌ တံခါးဘဲလ်ကရုတ်တရက်မြည်သွားပြီး ဝယ်သူအသစ်ဆိုင်ထဲသို့ဝင်လာသည်။ အဲ့ဒီအချိန်မှာပဲ သူဌေးကဖုန်းကောလ်တစ်ခုကိုဖြေနေရပြီး တံခါးဘဲလ်အသံကိုမကြားလိုက်ပေ။ စီနီယာဖက်ဒရယ်ယူနီဖောင်းဝတ်စစ်သားတွေက ဆိုင်တံခါးကိုတွန်းပြီး လျှောက်ဝင်လာသည်။
အရှေ့တွင်လူနှစ်ယောက်လမ်းလျှောက်လာနေ၏။ ဘယ်ဘက်ရှိဒုဗိုလ်လေးအဆောင်အယောင်နှင့်မျက်မှန်တပ်ထားသည့်အရာရှိကဆိုင်ထဲဝင်လာပြီး သူ့နှုတ်ခမ်းထောင့်တွင်
နက်ရှိုင်းသည့်အပြုံးသေးသေးလေးတစ်ခုရှိနေသည်။ သူ့ရဲ့ဘေးမှလူကတော့ချောမောပြတ်သားသည့်မျက်နှာကို ဝင်ရိုးစွန်းရှိရေခဲကဲ့သို့အေးစက်လှသောအမူအယာဖြင့်လွှမ်းခြုံထားသည့် အရာရှိတစ်ဦးဖြစ်သည်။သူ့ပုခုံးရှိအဆောင်အယောင်သည် ဒုဗိုလ်မှူးကြီးအဆင့်ဖြစ်သည်။
သူ့ခြေထောက်အောက်ကနေရာမှာ အင်ပါယာရှိသာမန်ရေသူအရောင်းဆိုင်ဖြစ်သော်လည်း ငွေရောင်ဆံပင်နှင့်အရာရှိ၏တည်ငြိမ်တဲ့အမူအရာက တပ်မတော်ဌာနချုပ်တွင် အစည်းအဝေးတက်နေပုံနှင့်တူသည်။ အရာရှိများနောက်တွင် သေနတ်ကိုင်ဆောင်ထားသော စစ်သားနှစ်ယောက်လိုက်ပါလာသည်။
စစ်သားများဆိုင်ထဲသို့ရောက်လာသောအခါတွင် သူတို့(စစ်သားတွေ)အနည်းငယ်အံ့ဩသွားသည်။ ဒါပေမယ့်သူတွေတွေက သူတို့ရဲ့စိတ်ခံစားမှုများကိုထိန်းချုပ်နိုင်စွမ်းရှိသူများဖြစ်သည်။ သူတို့သည်ယောက်ျား၊ မိန်းမတင်မကမည်သည့်အရာများနှင့်မှမနီးစပ်ခဲ့ပေ။ လူသားများသာမကတခြားသတ္တဝါများကိုလည်းနှစ်ခါပြန်မကြည့်တဲ့ ဒုဗိုလ်မှူးကြီးက ယနေ့ရေသူဆိုင်ကိုရောက်လာပြီး ရေသူဝယ်ဖို့စီစဉ်ထားတယ်တဲ့။ စစ်သားတွေကအလွန်အံ့ဩပြီးသိချင်နေပေမယ့် သူတို့အားလုံးတပ်မှူးတွေနောက်ကိုတိတ်တဆိတ်သာလိုက်သွားသည်။
"ရှောင်းရှောင်းရာ မင်းဘာလို့တင်းမာနေတာလဲ၊ မလာခင်တုန်းကငါမင်းကိုမပြောထားဘူးလား၊ ဆိုင်ရောက်တဲ့အခါမင်းပြုံးရမယ်လို့၊ ကောင်းပြီ မင်းမပြုံးဘူးဆိုတာငါသိတယ်၊ မင်းမပြုံးလဲရတယ်၊ အနည်းဆုံးတော့အေးစက်မနေပါနဲ့၊ မင်းကရေသူလေးတွေကို ခြောက်လှန့်သွားမိလိမ့်မယ်ဆိုတာတော့သိထားရမယ်၊ မင်းကရေသူငယ်လေးတွေတုန်လှုပ်နေတာကို မြင်ချင်နေတာလား" ဒုဗိုလ်လေးကသူ့ခေါင်းကိုလှည့်လိုက်ပြီး သူ့မျက်လုံးများကအပြုံးများနှင့်ပြည့်နေသည်။
သူ့စကားတွေကအထက်လူကြီးအတွက်တွေးပေးနေတယ်လို့ထင်ရပေမယ့် အနီးကပ်ကြည့်လျှင်သူ့မျက်လုံးအောက်ခြေမှ မြေခွေးကဲ့သို့ကောက်ကျစ်မှုတစ်ချို့ကိုတွေ့ရလိမ့်မည်*။ ရှဲ့ဟုန်မင်ဒီမြင်ကွင်းကို သူ့နှလုံးသားထဲထိတကယ်ပဲမြင်ချင်မိသည်။ သူ့ရဲ့အထက်လူကြီးတဖြစ်လည်း အတန်းဖော်ဖြစ်ခဲ့သည့်ချင်ရှောင်းမှာ ချစ်စရာရေသူလေးတစ်အုပ်နှင့်မျက်နှာချင်းဆိုင်နေပြီး ရေသူလေးတွေပြေးပုန်းကြသည့်မြင်ကွင်းကို တကယ်မြင်ချင်သည်။
ဒီကိုလာဖို့ချင်ရှောင်းအစပျိုးတာမဟုတ်ပေ။ သူရှဲ့ဟုန်မင်ကိုအလောင်းအစားရှုံးသွားသောကြောင့်ဖြစ်သည်။ ရှဲ့ဟုန်မင်က ရေသူတစ်ကောင်ဝယ်ပြီးချင်ရှောင်းကို မွေးမြူရမည်ဟုတောင်းဆိုခဲ့သည်။ သူငယ်ချင်းလဲဖြစ် အထက်လူကြီးလဲဖြစ်သည့်ချင်ရှောင်းမှာ ရှဲ့ဟုန်မင်သူ(ချင်ရှောင်း)နှင့်စသိကတည်းက သူ့ပတ်ဝန်းကျင်မှာသူ(ရှဲ့ဟုန်မင်)တို့ကလွဲလျှင် ချစ်ရသူမပြောနှင့်အိမ်မွေးတိရစ္ဆာန်တောင်မရှိပေ။
ရှဲ့ဟုန်မင်သူ့သူငယ်ချင်း၏အနာဂတ်ကို အလွန်ပူပန်နေရ၏။ သူ့သူငယ်ချင်းဟာ သူ့ရဲ့အဖိုးတန်အချိန်တွေကို အချစ်မှာဖြုန်းတီးတတ်သူမဟုတ်ကြောင်းလဲသူသိသည်။ ချင်ရှောင်းကခံစားချက်တစ်ခုမွေးမြူမယ်ဆိုတာလုဲးဝမဖြစ်နိုင်တဲ့အရာပင်။ သဘောတူညီချက်လုပ်ပြီးနောက်ရှဲ့ဟုန်မင်ရေသူတစ်ကောင်၏တည်ရှိမှုကိုတွေးမိလိုက်သည်။ ပိုက်ဆံနည်းနည်းသုံးပြီးအဲ့တာကို အိမ်ကိုဝယ်လိုက်မယ်။ ငါးကန်လေးပေးပြီးနေ့တိုင်းအစာကျွေးမယ် ပြီးရင်ရေသူလေးကသူ့ရဲ့ပိုင်ရှင်ကို ချစ်စရာကောင်းတဲ့မျက်နှာလေးနဲ့စိတ်ကျေနပ်စေမယ်။
ပြီးတော့ရေသူတွေကလူသားတွေရဲ့ဘာသာစကားကိုပြောနိုင်သည်။ ရေသူလေးတွေကိုအိမ်မှာမွေးမြူတာက ယနေ့ခေတ်လူတွေရဲ့ ပျော်ရွှင်ခြင်းနည်းလမ်းတစ်မျိုးဟုပြောလို့ရသည်။ ရေသူလေးတွေက ချစ်စရာကောင်းပြီးနှစ်သက်ဖွယ်ပင်။ ပြီးတော့သူတို့လေးတွေက သဘာဝအတိုင်းလှပြီး လူသားတွေရဲ့သာမန်ဘဝကိုပျော်ရွှင်မှုတွေအများကြီးသယ်ဆောင်လာပေးသည်။
ချင်ရှောင်းအတွက်ရေသူဝယ်ပေးခြင်းနဲ့ပတ်သက်ပြီး ရှဲ့ဟုန်မင်စဉ်းတောင်စဉ်းစားပြီးပြီဖြစ်သည်။ အကယ်၍ချင်ရှောင်းမှာရေသူလေးကို အစာကျွေးဖို့အချိန်မရှိလျှင် တစ်ယောက်ယောက်ကိုလွှတ်လိုက်ပြီး ရေသူလေးကိုဂရုစိုက်ခိုင်းမည်။ ချင်ရှောင်းလုပ်ဖို့လိုအပ်တာက ရေသူလေးကသယ်ဆောင်လာတဲ့ ပျော်ရွှင်မှုတွေကိုခံစားဖို့ပင်။
ဤဆိုင်ကရှဲ့ဟုန်မင်အင်တာနက်မှာရှာတွေ့ထားတဲ့ ဝန်ဆောင်မှုနှင့်ဂုဏ်သတင်းအကောင်းဆုံးဆိုင်ပင်ဖြစ်သည်။ ဒီဆိုင်မှာရှိတဲ့ အရည်သွေးကောင်းသည့်ရေသူလေးတွေရဲ့ပုံများကိုအင်တာနက်ပေါ်တွင်တင်ထားသည်။ ရှဲ့ဟုန်မင် မီးတောက်နီရောင်အမြီးရှိသည့်ရေသူလေးကိုဝယ်ယူဖို့ တွေးထားပြီးဖြစ်သည်။ ရေသူလေးကဆွဲဆောင်မှုရှိပြီးလှပသည်။ တဟုန်းဟုန်းတောက်လောင်နေတဲ့မီးလိုပဲ။ သူ့ရဲ့အတွေးအရဆို အနီရောင်ရေသူလေးကသာချင်ရှောင်းနှင့်အသင့်တော်ဆုံးဖြစ်ပင်။
ဒါပေမယ့်အရေးကြီးတာကချင်ရှောင်းကြိုက်မကြိုက်ပဲဖြစ်သည်။ ဒါကြောင့်သူအွန်လိုင်းကနေချက်ချင်း အော်ဒါမတင်ခဲ့ပေ။ လူတွေဆိုင်ထဲဝင်လာသည့်အခါစက်ရုပ်ကနှုတ်ဆက်ဖို့လာခဲ့သည်။ ယခုအချိန်တွင်ဆိုင်ပိုင်ရှင်က အဝေးသို့ရောက်နေပုံပေါ်သော်လည်းထိုလေးယောက်ကရပ်တန့်မသွားခဲ့ချေ။ ဆိုင်ထဲသို့ဝင်လာပြီးနောက်သူတို့ကအထဲသို့ဆက်ဝင်သွားသည်။ အတွင်းတံခါးကိုဆွဲဖွင့်ပြီး သန့်ရှင်းတဲ့ရေတွေနဲ့ဖြည့်ထားသည့်ငါးကန်အမြောက်အများက ရှဲ့ဟုန်မင်ရဲ့အာရုံကိုချက်ချင်းဆွဲဆောင်သွားသည်။
ငါးကန်တိုင်းမှာရေသူတစ်ကောင်စီရှိ၏။ ရေသူများ၏အမြီးများသည်အရောင်စုံပြီးလှပ၏။ ကြည့်ရတာဘုရားသခင်သည် ရေသူမျိုးစိတ်တွေကိုအလွန်သဘောကျပုံရသည်။ သူတို့ကိုလူတွေထက်ပိုလှပသည့်မျက်နှာလေးများပေးသနားထားသည်။
ဆိုင်ကအလွန်တိတ်ဆိတ်နေပြီး ရေသူများကလည်းအနားယူနေကြ၏။ ရေသူတွေတစ်ယောက်ပြီးတစ်ယောက် ငါးကန်ထဲမှာမျောနေပြီး လှပတဲ့အမြီးတွေကယိမ်းနွဲ့နေကာ သေးငယ်တဲ့စက်ဝိုင်းပုံရေလှိုင်းလေးများက်ိုဖြစ်ပေါ်လာစေသည်။ ရှဲ့ဟုန်မင်ရေသူတွေကိုမြင်တဲ့အခါ ချက်ချင်းပင်သူ့ကိုယ်သူအတွက်ဝယ်ချင်သွား၏။ သူခေါင်းကိုလှည့်ပြီးချင်ရှောင်းကိုကြည့်လိုက်သည်။ သူထင်ယောင်ထင်မှားဖြစ်နေခြင်းမဟုတ်ပေ။ ဆိုင်ထဲဝင်လာပြီးနောက် ချင်ရှောင်းရဲ့မျက်နှာက ယာဉ်ပျံထဲမှာရှိနေတုန်းကထက် ပို၍အေးစက်နေသည်။ ရှဲ့ဟုန်မင်နှလုံးသားထဲမှသက်ပြင်းချလိုက်သည်။ ချင်ရှောင်းရဲ့ဒီလိုပုံစံမျိုးနဲ့ ဘယ်ရေသူကများသူနဲ့လိုက်ချင်မှာလဲ။
"သဘောတူညီမှုအရဆို တကယ်လို့မင်းကြိုက်တာမတွေ့ရင် ငါမင်းအတွက်ကြုံရာတစ်ကောင်ဝယ်ပေးမှာနော်"
ဒီတစ်ခုကိုမရွေးနိုင်ခဲ့လျှင် နောက်တစ်ခုပြောင်းရင်ကောင်းလိမ့်မယ်လို့ ရှဲ့ဟုန်မင်မထင်ပေ။ သူ သူ့သူငယ်ချင်း၏စရိုက်ကိုသိသည်။ ရေသူမွေးမြူခြင်းက ချင်ရှောင်းအတွက်ဒုက္ခတစ်မျိုးပဲဖြစ်သည်။
ဆိုင်ပိတ်တော့မည်ဟုပြင်လိုက်ပေမယ့် နောက်ထပ်ဝယ်သူရောက်လာခဲ့သည်။ တစ်ယောက်တောင်မဟုတ်ဘူး လေးယောက်တောင်။ ထိုလူလေးယောက်က ယူနီဖောင်းဝတ်ထားပြီးခေါင်းဆောင်နှစ်ယောက်၏အင်္ကျီတွင်ဆင်ယင်ထားသောအဆောင်အယောင်များက နောက်ကနှစ်ယောက်နှင့်မတူပေ။ တစ်ယောက်၏မျက်နှာတွင်အပြုံးနုနုလေများရှိနေပြီး နောက်တစ်ယောက်ကတော့......
ရေသူလေးတွေချင်ရှောင်း၏ အေးစက်နေတဲ့မျက်နှာကိုမြင်ပြီး ချက်ချင်းပင်ထိုအအေးဓာတ်တို့ကြောင့်တုန်လှုပ်သွားကြသည်။ တစ်ချိန်ထဲမှာပဲဇီဝဗီဇက ရေသူများအားသူတွေရဲ့ခေါင်းတွေကိုရေထဲသို့ငုံ့စေလိုက်သည်။ ငါးကန်ထဲကရေသူများရဲ့အမြီးတွေက လျင်လျင်မြန်မြန်လှုပ်ခတ်သွားပြီး ရေပေါ်မှာမျောနေတဲ့ရေသူတွေကလည်းသူတို့ရဲ့ခေါင်းတွေကိုလှည့်ကာရောက်အောက်ထဲ၌ဖွက်ထားလိုက်ကြသည်။ ရေသူများကချင်ရှောင်းရဲ့ဖိအားကိုခံစားလိုက်ရပြီး အဲ့ဒီလူလေးယောက်ဆီမှ သွေးနံ့ကိုရလိုက်၏။ ဒီလူတွေရဲ့လက်မှာသွေးတွေစွန်းနေတယ်။ အကျိုးကျေးဇူးတွေသာရှာပြီး အန္တရာယ်ကိုရှောင်ရှားစေတဲ့သဘာဝက ရေသူတွေကိုချင်ရှောင်းရဲ့မြင်ကွင်းကနေရှောင်ရှားဖို့ပထမဆုံး ပုန်းအောင်းစေသည်။
"ဒီလိုဖြစ်မယ်ဆိုတာငါသိသားပဲ။" စစ်မြေပြင်မှာရန်သူတွေဝိုင်းနေလျှင်တောင် ရှဲ့ဟုန်မင်ဒီလောက်စိတ်ပျက်မိမှာမဟုတ်ပေ။
"ငါရွေးလိုက်တာပိုကောင်းမယ်လို့ထင်တယ်"
ချင်ရှောင်းရွေးချယ်မှာကိုစောင့်ဆိုင်းနေတဲ့ရှဲ့ဟုန်မင်က ချင်ရှောင်းအခုချက်ချင်းဆိုင်ကထွက်သွားချင်နေတယ်ဆိုတာကိုယုံကြည်သည်။ ရှဲ့ဟုန်မင်အရှေ့ကိုလျှောက်သွားလိုက်သည်။
ရေသူတွေအကုန်လုံးက ပုန်းအောင်းနေကြပြီး သူတို့ထွက်ပေါ်လာတာကိုမြင်ရဖို့တောင်မလွယ်ချေ။ သို့ပေမယ့် ငါးအမြီးတွေရဲ့အရောင်ကခွဲခြားရန်လွယ်ကူစေသည်။ ရှဲ့ဟုန်မင်ပတ်ပတ်လည်ကိုလိုက်ရှာလိုက်သော်လည်း အနီရောင်အမြီးကိုမတွေ့ပါချေ။ ထိုအချိန်တွင်သူငါးကန်အောက်ခြေမှာရှိနေတဲ့ အနက်ရောင်အမြီးနှင့်ရေသူလေးကိုတွေ့လိုက်ရ၏။ ရေသူလေးကမျက်လုံးမှိတ်နေပြီး အိပ်ပျော်နေပုံရသည်။ ရေကအသံလုံတာကြောင့် အနက်ရောင်အမြီးနှင့်ရေသူလေးက အပြင်ကအခြေအနေကိုသတိမထားမိပေ။ အနက်ရောင်ကိုရှဲ့ဟုန်မင်သိပ်မကြိုက်။ သူချင်ရှောင်းကိုနားလည်ထားသလောက်တော့ ချင်ရှောင်းလည်းကြိုက်မည်ဟုမထင်ပေ။ ထို့ကြောင့်သူနှစ်စက္ကန့်လောက်စိုက်ကြည့်ပြီး ပြန်လှည့်ထွက်သွားလိုက်သည်။
ထိုအချိန်မှာပဲ သူဌေးကတံခါးမှထွက်လာသည်။ သူထွက်လာသည့်အခါ ဖက်ဒရယ်စစ်တပ်ဝတ်စုံဝတ်ထားသည့်လူလေးယောက် ရုတ်တရက်ဆိုင်ထဲမှာပေါ်လာတာကိုမြင်လိုက်ရ၏။ အထူးသဖြင့် သိသိသာသာအရာရှိဝတ်စုံဖြင့် လူနှစ်ယောက်ကိုမြင်တဲ့အခါ သူဌေးသည်ခဏလောက်ရှော့ခ်ရသွားသော်လည်းချက်ချင်းပင် အပြုံးများကိုဖောဖောသီသီပေး၍ကြိုဆိုလိုက်သည်။
"မလာခင်က အင်တာနက်မှာ ခင်များဆိုင်ကအနီရောင်ရေသူလေးကိုတွေ့လိုက်တယ်၊ အခုဘာလို့ဒီမှာမရှိတော့တာလဲ"ရှဲ့ဟုန်မင် လမ်းလျှောက်ရင်းမေးလိုက်သည်။
"သူ့ကိုဒီမနက်ကတင် ဝယ်သွားတာ" ရှဲ့ဟုန်မင်ပြုံးနေပေမယ့် သူ့တစ်ကိုယ်လုံးကလူတွေကိုဖိအားပေးမှုတွေနှင့်ပြည့်နေပြီး သူဌေးကတောင်းပန်တဲ့အပြုံးလေးနှင့်ပြောလာသည်။
"ဘယ်လိုတောင်မြန်တာလဲ၊ ကျွန်တော်ကဒီဆိုင်မှာရှိနေတယ် ထင်ခဲ့တာ...."
ရှဲ့ဟုန်မင်ဝမ်းနည်းစွာသက်ပြင်းချလိုက်သည်။
တံခါးမှာရပ်နေတဲ့ချင်ရှောင်းက ပုံမှန်မဟုတ်တာ တစ်ခုခုကိုမြင်လိုက်ပုံပေါ်သည်။ ရုတ်တရက်သူ့ခြေထောက်တွေကိုမလိုက်ပြီး ရှဲ့ဟုန်မင်ကိုကျော်ကာ ဆိုင်ထဲကငါးကန်တစ်ကန်ရှေ့လျှောက်သွားလိုက်သည်။ ငါးကန်ထဲတွင်အနက်ရောင်အမြီးကရေထဲမှထွက်လာပြီး ရေပွက်များထသွားကာ ရေစက်လေးများဖြာကျလာသည်။ ရေထဲမှာမြုပ်နေသည့်ရေသူလေးလဲထွက်ပေါ်လာသည်။ လင်ရှီးမျက်လုံးမှိတ်ပြီး ညဘက်ထွက်ပြေးဖို့အကောင်အထည်ဖော်မဲ့ အဆင့်တွေကိုစဉ်းစားနေတာကြောင့် အပြင်မှာဘာတွေဖြစ်နေလဲဆိုတာကိုသတိမထားမိပေ။
လင်ရှီးထွက်လာတာနဲ့သူ့အပေါ်ကျရောက်နေသည့် အေးစက်စက်အကြည့်ကိုသတိထားမိလိုက်၏။ ခန္ဓာကိုယ်၏တုံ့ပြန်မှုအရ လင်ရှီးထို့အကြည့်လာရာလမ်းအတိုင်းကြည့်မိလိုက်သည်။ အဲ့တာကိုမြင်လိုက်တဲ့အခါမှာတော့ သူ့ရဲ့ငါးတစ်ကိုယ်လုံးတုန်ယင်သွားသည်။ ၎င်းကအလွန်ဖိနှိပ်နိုင်သောအကြည့်ဖြစ်ပြီး ဆီးနှင်းတွေကထိုယောက်ျား၏ မီးခိုးရောင်မျက်ဆံတွေထဲအေးခဲနေသည်။ (#အကြည့်တွေကအရမ်းအေးစက်နေတယ်လို့ပြောတာပါ)
လင်ရှီးရဲ့နှလုံးသားတစ်ခုလုံးတင်းကြပ်နေသည်။ ထိုယောက်ျား၏မျက်လုံးများကသန်မာပြီးထိုးဖောက်နိုင်စွမ်းရှိကာ သူ့ရဲ့ခန္ဓာကိုယ်ထဲထိုးဖောက်ဝင်ရောက်ပြီး သူ့စိတ်ဝိဉာဉ်ထဲသို့စိမ့်ဝင်သွားတော့မတတ်ခံစားလိုက်ရသည်။
ထိုလူရဲ့မျက်လုံးများထဲမှာသူကသေပြီးအသက်မရှိတော့သလိုပင်။ ဖိအားတစ်ခုကလင်ရှီးခန္ဓာကိုယ်ကိုရစ်ပတ်ထားသည်။ သူဌေးပစ်လိုက်သည့်သံကြိုးထက်ပင် ထင်းကျပ်တာကြောင့်မကြုံစဖူးအန္တရာယ်ကို သူခံစားမိသည်။ အသိထက်ခန္ဓာကိုယ်ကအရင်လှုပ်ရှားသွားပြီး လင်ရှီးရဲ့ရေအောက်ကငါးမြီးက ကြမ်းတမ်းစွာရိုက်ခတ်ကာ သူ့ရဲ့အစွယ်တွေကိုဖွင့်၍ထိုလူဆီခုန်ဝင်လိုက်၏။ ။
#7.9.2022
*ရှဲ့ဟုန်မင်ကမကောင်းတဲ့သူမဟုတ်ပါဘူးနော်
သူ့သူငယ်ချင်းအထီးကျန်နေမှာကြောက်လို့ကြိုးစားပေးနေတာပါ။။
~~Zawgyi~~
လင္ရွီးထူးဆန္းေနသည္ဟု ခံစားေနရသည္။ သူဘာမွမတတ္နိုင္ေပမယ့္ထူးဆန္းတယ္လို႔ ခံစားေနရတုန္းပဲ။ လင္ရွီးပတ္ဝန္းက်င္ကေၾကာင္တက္တက္ျဖစ္ေနသည့္ေရသူေတြကိုၾကည့္ၿပီး သူတို႔ဘာေတြကိုအံ့ဩေနတာလဲဆိုတာသိဖို႔ အခ်ိန္ခဏယူလိုက္ရသည္။ ဒီကမၻာကိုသူေရာက္တာ တစ္လေက်ာ္ၿပီျဖစ္သည္။ ငါးကန္ထဲမွာမွန္မရွိတာေၾကာင့္ လင္ရွီးတစ္ခါတစ္ရံသူ႕မ်က္ႏွာကို ဖန္နံရံထဲမွာပဲေတြ႕နိုင္သည္။ (မွန္မဟုတ္ပဲ ဖန္ထဲမွာဝါးဝါးေလးအရိပ္ထင္တာ)
မူလပိုင္ရွင္မ်က္ႏွာက တကယ္အဆင္ေျပသည္ဆိုတာကိုျငင္းလို႔မရေပ။ ဒါေပမယ့္သူ႕မ်က္ႏွာပဲျဖစ္သြားလို႔လားမသိ လင္ရွီးခံစားလို႔မရေပ။
ဒါေၾကာင့္ဆိုင္မွာရွိေနတဲ့ေရသူေလးရဲ႕အလွတရားသည္ သူနဲ႕မတူနိုင္ဟု လင္ရွီးယူဆလိုက္၏။ သူဖန္နံရံကိုၿပဳံး၍ၾကည့္လိုက္သည္။ သူ႕အထင္ေတာ့ေဘးကန္ကအညိုေရာင္ေရသူေလးေလာက္ ၾကည့္မေကာင္းဘူးထင္တာပဲ။ သူ႐ုတ္တရက္တိတ္ဆိတ္သြားတဲ့ ေရသူေတြကိုလ်စ္လ်ဴရႈလိုက္သည္။ သူတို႔ကေန႕တိုင္းဘာမွမလုပ္ပဲ ငါးကန္ထဲ၌သာေနၿပီး သူတို့က်ိုဧည့်သည်တွေလာဝယ်ကြမှာကိုသာစောင့်ကြသည်။ အခ်ိန္တစ္ခ်ိဳ႕ၾကာၿပီးေနာက္ လင္ရွီးေရေအာက္သို႔ငုပ္လွ်ိုးသြားလိုက္၏။ လင္ရွီးမ်က္လုံးမ်ားမွိတ္ထားကာ လႈပ္ယမ္းေနတဲ့သူ႕အၿမီးေလးလည္း ရပ္တန႔္သြားသည္။ တျခားေရသူမ်ား၏ မ်က္လုံးထဲတြင္ေတာ့လင္ရွီး ၿငိမ္သက္သြားသည္ဟုေတြးေနေပလိမ့္မည္။ တကယ္ေတာ့လင္ရွီးက သူထြက္ေျပးမည့္အစီအစဥ္ကိုေတြးေနျခင္းျဖစ္သည္။
ဆိုင္သို႔လာတဲ့ဝယ္သူကို တိုက္ခိုက္ဖို႔အစြယ္ထုတ္ျပလိုက္တဲ့ အေစာပိုင္းအျဖစ္အပ်က္အရ ဆိုင္ရွင္ကသူ႕ရဲ႕စည္းေက်ာ္မႈကို လုံးဝခြင့္လႊတ္ေပးမည္မဟုတ္မွန္း သူသိသည္။ လင္ရွီး၏ကိုယ့္ကိုယ္ကို ခုခံကာကြယ္နိုင္မႈသည္ျမင့္မားသည္။ သူ႕အစားတျခားေရသူေလးသာ သံႀကိဳးျဖင့္ခ်ည္ႏွောင္ခံရၿပီး ထိုကဲ့သို႔ဖန္နံရံႏွင့္အရိုက္ခံရပါက အလြန္ထိတ္လန႔္သြားမည္ျဖစ္သည္။ ထိခိုက္မႈပင္ျဖစ္နိုင္သည္။
လင္ရွီးသိသည္။ ဒီေန႕သို႔မဟုတ္မနက္ျဖန္ သူ႕ကိုခ်ဳပ္ထားသည့္ ဒီဆိုင္ကေနထြက္ေျပးမွရမည္ဆိုတာ။ ညာဘက်ရှိဖန်နံရံကိုအည်ုရောင်ရေသူလေးက အႀကိမ္မ်ားစြာပုတ္ေနသည္။ အညိုေရာင္ေရသူေလးက သူ႕ကိုစကားေျပာခ်င္ေနသည္ဆိုတာကိုသိေသာ္လည္း လင္ရွီးသူ႕မ်က္လုံးမ်ားကိုမွိတ္ထားၿပီး ေရသူေလးကိုလ်စ္လ်ဴရႈလိုက္သည္။
ဒီအခ်ိန္အေတာအတြင္းမွာသူ ေရသူေလးအတြက္ခံစားခ်က္အခ်ိဳ႕ရွိတယ္ဆိုတာမျငင္းနိုင္ေပ။ ထြက္ေျပးမယ့္လမ္းသည္အႏၱရာယ္အျပည့္ႏွင့္ျဖစ္သည္။ သူကေရသူေလးႏွင့္ကြာျခားသည္။ ေရသူျဖစ္တယ္ဆိုတဲ့အခ်က္ကိုထည့္မတြက္လွ်င္ေတာင္ သူ႕ရဲ႕တျခားအခ်က္မွာ ေခတ္သစ္ၿမိဳ႕ျပစာအုပ္တစ္အုပ္ထဲမွဗီလိန္ျဖစ္သည္။ ဒါေတြကိုဘယ္လိုသိလဲဆိုလွ်င္ ဇာတ္လမ္းရဲ႕အဆုံးမွာသူ႕ဇာတ္ကြက္ေတြၿပီးဆုံးသြားတာေၾကာင့္ဟု ေျပာလို႔ရသည္။ လင္ရွီးရဲဖမ္းခံရၿပီးေထာင္ထဲတြင္ တစ္သက္လုံးမေနရေစရန္လုပ္ေဆာင္ခဲ့၏။ သူ႕အိမ္မွာေသနတ္ႏွင့္ကိုယ့္ကိုယ္ကိုပစ္ကာသတ္ေသလိုက္သည္။ သူေသၿပီးေနာက္ အေၾကာင္းျပခ်က္မသိရပဲ လင္ရွီး၏အသိစိတ္မ်ားနိုးထလာၿပီး သူေနခဲ့သည့္ကမၻာဟာအစစ္မဟုတ္ပဲ တစ္စုံတစ္ေယာက္ကေရးထားသည့္ဝတၳဳတစ္ပုဒ္သာျဖစ္ေၾကာင္းရွာေတြ႕ခဲ့၏။
သူ႕ဝိဉာဥ္ကမီးခိုးေရာင္ေလဟာျပင္ထဲ အခ်ိန္အေတာ္ၾကာေအာင္ေမ်ာလြင့္ေနခဲ့သည္။ ဘယ္ေလာက္ၾကာသြားလဲဆိုတာေတာင္သူမသိခဲ့ေပ။ ႐ုတ္တရက္သူ႕ေျခေထာက္ေအာက္မွ ႀကီးမားသည့္ဆြဲအားတစ္ခုေပၚေပါက္လာခဲ့သည္။ အခ်ိန္ခဏေလာက္ ေလာကႀကီးခ်ာခ်ာလည္သြားၿပီး လင္ရွီးေနာက္တစ္ႀကိမ္မ်က္လုံးဖြင့္လိုက္သည့္အခါ နည္းပညာမ်ားျမင့္မားကာ အလြန္ဖြံ႕ၿဖိဳးတိုးတက္ေနသည့္ ဒီကမၻာႀကီးဆီသို႔ ေရာက္ရွိလာခဲ့သည္။ ဤကမၻာႀကီးတြင္ လင္ရွီးအရင္ကမျမင္ဖူးသည့္ မ်ိဳးစိတ္မ်ားစြာရွိေနၿပီး လူသားမ်ားကမ်ိဳးႏြယ္စုအားလုံးရဲ႕အထက္မွာရွိေနသည္ကေတာ့မေျပာင္းလဲေပ။
လူသားတစ္ခါျဖစ္ခဲ့ဖူးၿပီး ဗီလိန္တစ္ေယာက္အေနနဲ႕လင္ရွီးဟာ လူေတြကေရသူမ်ားကိုေရာင္းခ်ျခင္း၊ ဝယ္ယူျခင္းအေပၚထင္ျမင္ခ်က္မ်ားမ်ားစားစားမရွိပါေခ်။ ေရသူမ်ားဘာပဲျဖစ္ျဖစ္ လင္ရွီးကအခုအခ်ိန္မွာေရသူျဖစ္ေနေပမယ့္ သူကလူသားတစ္ေယာက္ျဖစ္တယ္ဆိုတာအရိုးထဲထိမွတ္ယူေနတုန္းျဖစ္သည္။
သူ႕ရဲ႕အေတြးေတြက အတိုင္းအတာတစ္ခုအထိ ယခင္ကဗီလိန္အတိုင္းဆက္ရွိေနသည္။ အတိတ္မွာသူဘာျဖစ္ခဲ့တယ္ဆိုတာ လင္ရွီးသိေနရင္ေတာင္အဲ့တာက သတ္မွတ္ထားတာျဖစ္သည္။ ဘယ္ေလာက္ပဲသတ္မွတ္ထားပါေစ သူ႕ရဲ႕စိတ္ႏွင့္ဝိဉာဥ္ကလြတ္လပ္ေနဆဲပင္။
(သူအရင္ကျဖစ္ခဲ့တာေတြကကံၾကမၼာကသတ္မွတ္ထားတာလို႔ဆိုလိုခ်င္တာ)
သူအရင္ကဇာတ္ကြက္ရဲ႕ထိန္းခ်ဳပ္မႈကိုခံရဖူးသည္။ ဒါေပမယ့္အခုေတာ့မဟုတ္ေတာ့ဘူး။ ေရေအာက္ထဲျမဳပ္ေနတဲ့လင္ရွီးက မ်က္လုံးမ်ားကိုဆတ္ခနဲဖြင့္လိုက္သည္။ ညအေမွာင္ထက္နက္တဲ့သူ႕မ်က္လုံးေတြထဲအလင္းတစ္ခ်က္ျဖတ္ေျပးသြားသည္။ သူ႕ကံၾကမၼာကိုအစကေနအဆုံးထိ သူတစ္ေယာက္ပဲထိန္းခ်ဳပ္မည္။ သူထြက္ေျပးဖို႔အခ်ိန္ေရာက္ၿပီ။ ဒီညပဲ...။
ေရသူအေရာင္းဆိုင္က ေန႕ခင္းဘက္သာဖြင့္ၿပီးညအခါ၌ပိတ္သည္။ ထို႔ေနာက္ဆိုင္ပိုင္ရွင္က အိမ္သို႔ျပန္ေလ့ရွိသည္။ ပိုင္ရွင္ကဆိုင္မွာမေနေပ။ ဒီရက္ေတြမွာလင္ရွီး အခ်က္အလက္ေတြကိုစုေဆာင္းေနျခင္းျဖစ္သည္။ တစ္ခါတစ္ရံသူေဌးကဆိုင္ထဲ၌ ဖုန္းေျပာတတ္သည္။ စကားဝိုင္းတြင္လွ်ို႔ဝွက္ခ်က္မ်ားမပါသေ႐ြ႕ သူေဌးကေရသူမ်ားကိုေရွာင္မွာမဟုတ္ေပ။ သူေဌးဆိုင္မွာမေနသည့္အေၾကာင္းကို လင္ရွီးနားလည္ဖို႔မခက္ပါေခ်။ ညဘက္တြင္ေရသူမ်ားကိုေစာင့္ေရွာက္ဖို႔ ဆိုင္ထဲ၌စက္႐ုပ္ႏွစ္႐ုပ္ရွိသည္။ စက္႐ုပ္မ်ားတြင္ အေျပာင္းအလဲခလုတ္မ်ား ရွိတာကိုလင္ရွီးဂ႐ုတစိုက္ရွာေဖြခဲ့သည္။
ေစာင့္ၾကည့္ေရးစက္႐ုပ္မ်ားလက္ထဲမွ ထြက္ေျပးျခင္းက လင္ရွီးလိုဗီလိန္ေဟာင္းတစ္ေယာက္အတြက္ လြယ္ကူလွသည္။ အေရးႀကီးဆုံးက သူ႕ေျခခ်င္းဝတ္နားကေရသူေတြရဲ႕လႈပ္ရွားမႈေတြကို ကန႔္သတ္ထားသည့္ အရာျဖစ္၏။ ေျခခ်င္းဝတ္ကကြင္းကို ဖယ္နိုင္လွ်င္ထြက္ေျပးမယ့္အႀကံက တစ္ဝက္ေလာက္ေအာင္ျမင္ေနၿပီျဖစ္သည္။
ေရသူအမ်ားစုက သူတို႔ေတြကလူေတြထက္နိမ့္က်စြာေမြးလာၿပီး သူတို႔ရဲ႕လူေနမႈပုံစံကနိမ့္က်တယ္လို႔ယူဆထားတာေၾကာင့္ ေရသူေတြထြက္ေျပးတဲ့အျဖစ္အပ်က္မ်ိဳး ဆိုင္ကတစ္ခါမွမႀကဳံဖူးေပ။ ထိုအခ်က္ေၾကာင့္ ဆိုင္တစ္ခုလုံး၏လုံၿခဳံေရးကို တင္းၾကပ္ထားျခင္းမရွိေခ်။ ေရသူမ်ားကိုထိန္းခ်ဳပ္ထားဖို႔အတြက္ကေတာ့ အဲ့တာကေရသူမ်ားရဲ႕အၿမီးကသံကြင္းျဖစ္သည္။ အျပင္၌ေမွာင္လာေပၿပီ။ ဒီေန႕ဆိုင္ကိုလာတဲ့ဧည့္သည္သိပ္မမ်ားေပ။ လာတဲ့သူမမ်ားလွ်င္ေတာင္ သူေဌးကပိုက္ဆံအေတာ္ရေနဆဲပါပဲ။ အနီေရာင္ေရသူေလး၏ေရာင္းေဈးတစ္ခုထဲႏွင့္ပင္ ပုံမွန္ေန႕စဥ္ဝင္ေငြႏွင့္ညီမွ်သည္။ သူေဌးစိတ္ခံစားခ်က္ေတြေကာင္းေန၏။ ထို႔ေၾကာင့္သူဆိုင္ေစာေစာပိတ္၍ သူငယ္ခ်င္းတစ္ေယာက္ႏွင့္သြားေသာက္ဖို႔စီစဥ္ထားသည္။
သူေဌးကစက္႐ုပ္ကိုသန႔္ရွင္းေရးလုပ္ဖို႔ အမိန႔္ေပးလိုက္ၿပီး တစ္ခုခုယူဖို႔အေနာက္သို႔ဝင္သြားသည္။ ဝင္သြားၿပီးခဏအၾကာ၌ တံခါးဘဲလ္က႐ုတ္တရက္ျမည္သြားၿပီး ဝယ္သူအသစ္ဆိုင္ထဲသို႔ဝင္လာသည္။ အဲ့ဒီအခ်ိန္မွာပဲ သူေဌးကဖုန္းေကာလ္တစ္ခုကိုေျဖေနရၿပီး တံခါးဘဲလ္အသံကိုမၾကားလိုက္ေပ။ စီနီယာဖက္ဒရယ္ယူနီေဖာင္းဝတ္စစ္သားေတြက ဆိုင္တံခါးကိုတြန္းၿပီး ေလွ်ာက္ဝင္လာသည္။
အေရွ႕တြင္လူႏွစ္ေယာက္လမ္းေလွ်ာက္လာေန၏။ ဘယ္ဘက္ရွိဒုဗိုလ္ေလးအေဆာင္အေယာင္ႏွင့္မ်က္မွန္တပ္ထားသည့္အရာရွိကဆိုင္ထဲဝင္လာၿပီး သူ႕ႏႈတ္ခမ္းေထာင့္တြင္
နက္ရွိုင္းသည့္အၿပဳံးေသးေသးေလးတစ္ခုရွိေနသည္။ သူ႕ရဲ႕ေဘးမွလူကေတာ့ေခ်ာေမာျပတ္သားသည့္မ်က္ႏွာကို ဝင္ရိုးစြန္းရွိေရခဲကဲ့သို႔ေအးစက္လွေသာအမူအယာျဖင့္လႊမ္းၿခဳံထားသည့္ အရာရွိတစ္ဦးျဖစ္သည္။သူ႕ပုခုံးရွိအေဆာင္အေယာင္သည္ ဒုဗိုလ္မႉးႀကီးအဆင့္ျဖစ္သည္။
သူ႕ေျခေထာက္ေအာက္ကေနရာမွာ အင္ပါယာရွိသာမန္ေရသူအေရာင္းဆိုင္ျဖစ္ေသာ္လည္း ေငြေရာင္ဆံပင္ႏွင့္အရာရွိ၏တည္ၿငိမ္တဲ့အမူအရာက တပ္မေတာ္ဌာနခ်ဳပ္တြင္ အစည္းအေဝးတက္ေနပုံႏွင့္တူသည္။ အရာရွိမ်ားေနာက္တြင္ ေသနတ္ကိုင္ေဆာင္ထားေသာ စစ္သားႏွစ္ေယာက္လိုက္ပါလာသည္။
စစ္သားမ်ားဆိုင္ထဲသို႔ေရာက္လာေသာအခါတြင္ သူတို႔(စစ္သားေတြ)အနည္းငယ္အံ့ဩသြားသည္။ ဒါေပမယ့္သူေတြေတြက သူတို႔ရဲ႕စိတ္ခံစားမႈမ်ားကိုထိန္းခ်ဳပ္နိုင္စြမ္းရွိသူမ်ားျဖစ္သည္။ သူတို႔သည္ေယာက္်ား၊ မိန္းမတင္မကမည္သည့္အရာမ်ားႏွင့္မွမနီးစပ္ခဲ့ေပ။ လူသားမ်ားသာမကတျခားသတၱဝါမ်ားကိုလည္းႏွစ္ခါျပန္မၾကည့္တဲ့ ဒုဗိုလ္မႉးႀကီးက ယေန႕ေရသူဆိုင္ကိုေရာက္လာၿပီး ေရသူဝယ္ဖို႔စီစဥ္ထားတယ္တဲ့။ စစ္သားေတြကအလြန္အံ့ဩၿပီးသိခ်င္ေနေပမယ့္ သူတို႔အားလုံးတပ္မႉးေတြေနာက္ကိုတိတ္တဆိတ္သာလိုက္သြားသည္။
"ေရွာင္းေရွာင္းရာ မင္းဘာလို႔တင္းမာေနတာလဲ၊ မလာခင္တုန္းကငါမင္းကိုမေျပာထားဘူးလား၊ ဆိုင္ေရာက္တဲ့အခါမင္းၿပဳံးရမယ္လို႔၊ ေကာင္းၿပီ မင္းမၿပဳံးဘူးဆိုတာငါသိတယ္၊ မင္းမၿပဳံးလဲရတယ္၊ အနည္းဆုံးေတာ့ေအးစက္မေနပါနဲ႕၊ မင္းကေရသူေလးေတြကို ေျခာက္လွန႔္သြားမိလိမ့္မယ္ဆိုတာေတာ့သိထားရမယ္၊ မင္းကေရသူငယ္ေလးေတြတုန္လႈပ္ေနတာကို ျမင္ခ်င္ေနတာလား" ဒုဗိုလ္ေလးကသူ႕ေခါင္းကိုလွည့္လိုက္ၿပီး သူ႕မ်က္လုံးမ်ားကအၿပဳံးမ်ားႏွင့္ျပည့္ေနသည္။
သူ႕စကားေတြကအထက္လူႀကီးအတြက္ေတြးေပးေနတယ္လို႔ထင္ရေပမယ့္ အနီးကပ္ၾကည့္လွ်င္သူ႕မ်က္လုံးေအာက္ေျခမွ ေျမေခြးကဲ့သို႔ေကာက္က်စ္မႈတစ္ခ်ိဳ႕ကိုေတြ႕ရလိမ့္မည္*။ ရွဲ႕ဟုန္မင္ဒီျမင္ကြင္းကို သူ႕ႏွလုံးသားထဲထိတကယ္ပဲျမင္ခ်င္မိသည္။ သူ႕ရဲ႕အထက္လူႀကီးတျဖစ္လည္း အတန္းေဖာ္ျဖစ္ခဲ့သည့္ခ်င္ေရွာင္းမွာ ခ်စ္စရာေရသူေလးတစ္အုပ္ႏွင့္မ်က္ႏွာခ်င္းဆိုင္ေနၿပီး ေရသူေလးေတြေျပးပုန္းၾကသည့္ျမင္ကြင္းကို တကယ္ျမင္ခ်င္သည္။
ဒီကိုလာဖို႔ခ်င္ေရွာင္းအစပ်ိဳးတာမဟုတ္ေပ။ သူရွဲ႕ဟုန္မင္ကိုအေလာင္းအစားရႈံးသြားေသာေၾကာင့္ျဖစ္သည္။ ရွဲ႕ဟုန္မင္က ေရသူတစ္ေကာင္ဝယ္ၿပီးခ်င္ေရွာင္းကို ေမြးျမဴရမည္ဟုေတာင္းဆိုခဲ့သည္။ သူငယ္ခ်င္းလဲျဖစ္ အထက္လူႀကီးလဲျဖစ္သည့္ခ်င္ေရွာင္းမွာ ရွဲ႕ဟုန္မင္သူ(ခ်င္ေရွာင္း)ႏွင့္စသိကတည္းက သူ႕ပတ္ဝန္းက်င္မွာသူ(ရွဲ႕ဟုန္မင္)တို႔ကလြဲလွ်င္ ခ်စ္ရသူမေျပာႏွင့္အိမ္ေမြးတိရစ္ဆာန္ေတာင္မရွိေပ။
ရွဲ႕ဟုန္မင္သူ႕သူငယ္ခ်င္း၏အနာဂတ္ကို အလြန္ပူပန္ေနရ၏။ သူ႕သူငယ္ခ်င္းဟာ သူ႕ရဲ႕အဖိုးတန္အခ်ိန္ေတြကို အခ်စ္မွာျဖဳန္းတီးတတ္သူမဟုတ္ေၾကာင္းလဲသူသိသည္။ ချင်ရှောင်းကခံစားချက်တစ်ခုမွေးမြူမယ်ဆိုတာလုဲးဝမဖြစ်နိုင်တဲ့အရာပင်။ သေဘာတူညီခ်က္လုပ္ၿပီးေနာက္ရွဲ႕ဟုန္မင္ေရသူတစ္ေကာင္၏တည္ရွိမႈကိုေတြးမိလိုက္သည္။ ပိုက္ဆံနည္းနည္းသုံးၿပီးအဲ့တာကို အိမ္ကိုဝယ္လိုက္မယ္။ ငါးကန္ေလးေပးၿပီးေန႕တိုင္းအစာေကြၽးမယ္ ၿပီးရင္ေရသူေလးကသူ႕ရဲ႕ပိုင္ရွင္ကို ခ်စ္စရာေကာင္းတဲ့မ်က္ႏွာေလးနဲ႕စိတ္ေက်နပ္ေစမယ္။
ၿပီးေတာ့ေရသူေတြကလူသားေတြရဲ႕ဘာသာစကားကိုေျပာနိုင္သည္။ ေရသူေလးေတြကိုအိမ္မွာေမြးျမဴတာက ယေန႕ေခတ္လူေတြရဲ႕ ေပ်ာ္႐ႊင္ျခင္းနည္းလမ္းတစ္မ်ိဳးဟုေျပာလို႔ရသည္။ ေရသူေလးေတြက ခ်စ္စရာေကာင္းၿပီးႏွစ္သက္ဖြယ္ပင္။ ၿပီးေတာ့သူတို႔ေလးေတြက သဘာဝအတိုင္းလွၿပီး လူသားေတြရဲ႕သာမန္ဘဝကိုေပ်ာ္႐ႊင္မႈေတြအမ်ားႀကီးသယ္ေဆာင္လာေပးသည္။
ခ်င္ေရွာင္းအတြက္ေရသူဝယ္ေပးျခင္းနဲ႕ပတ္သက္ၿပီး ရွဲ႕ဟုန္မင္စဥ္းေတာင္စဥ္းစားၿပီးၿပီျဖစ္သည္။ အကယ္၍ခ်င္ေရွာင္းမွာေရသူေလးကို အစာေကြၽးဖို႔အခ်ိန္မရွိလွ်င္ တစ္ေယာက္ေယာက္ကိုလႊတ္လိုက္ၿပီး ေရသူေလးကိုဂ႐ုစိုက္ခိုင္းမည္။ ခ်င္ေရွာင္းလုပ္ဖို႔လိုအပ္တာက ေရသူေလးကသယ္ေဆာင္လာတဲ့ ေပ်ာ္႐ႊင္မႈေတြကိုခံစားဖို႔ပင္။
ဤဆိုင္ကရွဲ႕ဟုန္မင္အင္တာနက္မွာရွာေတြ႕ထားတဲ့ ဝန္ေဆာင္မႈႏွင့္ဂုဏ္သတင္းအေကာင္းဆုံးဆိုင္ပင္ျဖစ္သည္။ ဒီဆိုင္မွာရွိတဲ့ အရည္ေသြးေကာင္းသည့္ေရသူေလးေတြရဲ႕ပုံမ်ားကိုအင္တာနက္ေပၚတြင္တင္ထားသည္။ ရွဲ႕ဟုန္မင္ မီးေတာက္နီေရာင္အၿမီးရွိသည့္ေရသူေလးကိုဝယ္ယူဖို႔ ေတြးထားၿပီးျဖစ္သည္။ ေရသူေလးကဆြဲေဆာင္မႈရွိၿပီးလွပသည္။ တဟုန္းဟုန္းေတာက္ေလာင္ေနတဲ့မီးလိုပဲ။ သူ႕ရဲ႕အေတြးအရဆို အနီေရာင္ေရသူေလးကသာခ်င္ေရွာင္းႏွင့္အသင့္ေတာ္ဆုံးျဖစ္ပင္။
ဒါေပမယ့္အေရးႀကီးတာကခ်င္ေရွာင္းႀကိဳက္မႀကိဳက္ပဲျဖစ္သည္။ ဒါေၾကာင့္သူအြန္လိုင္းကေနခ်က္ခ်င္း ေအာ္ဒါမတင္ခဲ့ေပ။ လူေတြဆိုင္ထဲဝင္လာသည့္အခါစက္႐ုပ္ကႏႈတ္ဆက္ဖို႔လာခဲ့သည္။ ယခုအခ်ိန္တြင္ဆိုင္ပိုင္ရွင္က အေဝးသို႔ေရာက္ေနပုံေပၚေသာ္လည္းထိုေလးေယာက္ကရပ္တန႔္မသြားခဲ့ေခ်။ ဆိုင္ထဲသို႔ဝင္လာၿပီးေနာက္သူတို႔ကအထဲသို႔ဆက္ဝင္သြားသည္။ အတြင္းတံခါးကိုဆြဲဖြင့္ၿပီး သန႔္ရွင္းတဲ့ေရေတြနဲ႕ျဖည့္ထားသည့္ငါးကန္အေျမာက္အမ်ားက ရွဲ႕ဟုန္မင္ရဲ႕အာ႐ုံကိုခ်က္ခ်င္းဆြဲေဆာင္သြားသည္။
ငါးကန္တိုင္းမွာေရသူတစ္ေကာင္စီရွိ၏။ ေရသူမ်ား၏အၿမီးမ်ားသည္အေရာင္စုံၿပီးလွပ၏။ ၾကည့္ရတာဘုရားသခင္သည္ ေရသူမ်ိဳးစိတ္ေတြကိုအလြန္သေဘာက်ပဳံရသည္။ သူတို႔ကိုလူေတြထက္ပိုလွပသည့္မ်က္ႏွာေလးမ်ားေပးသနားထားသည္။
ဆိုင္ကအလြန္တိတ္ဆိတ္ေနၿပီး ေရသူမ်ားကလည္းအနားယူေနၾက၏။ ေရသူေတြတစ္ေယာက္ၿပီးတစ္ေယာက္ ငါးကန္ထဲမွာေမ်ာေနၿပီး လွပတဲ့အၿမီးေတြကယိမ္းႏြဲ႕ေနကာ သေးငယ်တဲ့စက်ဝိုင်းပုံရေလှိုင်းလေးများက်ိုဖြစ်ပေါ်လာစေသည်။ ရွဲ႕ဟုန္မင္ေရသူေတြကိုျမင္တဲ့အခါ ခ်က္ခ်င္းပင္သူ႕ကိုယ္သူအတြက္ဝယ္ခ်င္သြား၏။ သူေခါင္းကိုလွည့္ၿပီးခ်င္ေရွာင္းကိုၾကည့္လိုက္သည္။ သူထင္ေယာင္ထင္မွားျဖစ္ေနျခင္းမဟုတ္ေပ။ ဆိုင္ထဲဝင္လာၿပီးေနာက္ ခ်င္ေရွာင္းရဲ႕မ်က္ႏွာက ယာဥ္ပ်ံထဲမွာရွိေနတုန္းကထက္ ပို၍ေအးစက္ေနသည္။ ရွဲ႕ဟုန္မင္ႏွလုံးသားထဲမွသက္ျပင္းခ်လိဳက္သည္။ ခ်င္ေရွာင္းရဲ႕ဒီလိုပုံစံမ်ိဳးနဲ႕ ဘယ္ေရသူကမ်ားသူနဲ႕လိုက္ခ်င္မွာလဲ။
"သေဘာတူညီမႈအရဆို တကယ္လို႔မင္းႀကိဳက္တာမေတြ႕ရင္ ငါမင္းအတြက္ႀကဳံရာတစ္ေကာင္ဝယ္ေပးမွာေနာ္"
ဒီတစ္ခုကိုမေ႐ြးနိုင္ခဲ့လွ်င္ ေနာက္တစ္ခုေျပာင္းရင္ေကာင္းလိမ့္မယ္လို႔ ရွဲ႕ဟုန္မင္မထင္ေပ။ သူ သူ႕သူငယ္ခ်င္း၏စရိုက္ကိုသိသည္။ ေရသူေမြးျမဴျခင္းက ခ်င္ေရွာင္းအတြက္ဒုကၡတစ္မ်ိဳးပဲျဖစ္သည္။
ဆိုင္ပိတ္ေတာ့မည္ဟုျပင္လိုက္ေပမယ့္ ေနာက္ထပ္ဝယ္သူေရာက္လာခဲ့သည္။ တစ္ေယာက္ေတာင္မဟုတ္ဘူး ေလးေယာက္ေတာင္။ ထိုလူေလးေယာက္က ယူနီေဖာင္းဝတ္ထားၿပီးေခါင္းေဆာင္ႏွစ္ေယာက္၏အကၤ်ီတြင္ဆင္ယင္ထားေသာအေဆာင္အေယာင္မ်ားက ေနာက္ကႏွစ္ေယာက္ႏွင့္မတူေပ။ တစ္ေယာက္၏မ်က္ႏွာတြင္အၿပဳံးႏုႏုေလမ်ားရွိေနၿပီး ေနာက္တစ္ေယာက္ကေတာ့......
ေရသူေလးေတြခ်င္ေရွာင္း၏ ေအးစက္ေနတဲ့မ်က္ႏွာကိုျမင္ၿပီး ခ်က္ခ်င္းပင္ထိုအေအးဓာတ္တို႔ေၾကာင့္တုန္လႈပ္သြားၾကသည္။ တစ္ခ်ိန္ထဲမွာပဲဇီဝဗီဇက ေရသူမ်ားအားသူေတြရဲ႕ေခါင္းေတြကိုေရထဲသို႔ငုံ႕ေစလိုက္သည္။ ငါးကန္ထဲကေရသူမ်ားရဲ႕အၿမီးေတြက လ်င္လ်င္ျမန္ျမန္လႈပ္ခတ္သြားၿပီး ေရေပၚမွာေမ်ာေနတဲ့ေရသူေတြကလည္းသူတို႔ရဲ႕ေခါင္းေတြကိုလွည့္ကာေရာက္ေအာက္ထဲ၌ဖြက္ထားလိုက္ၾကသည္။ ေရသူမ်ားကခ်င္ေရွာင္းရဲ႕ဖိအားကိုခံစားလိုက္ရၿပီး အဲ့ဒီလူေလးေယာက္ဆီမွ ေသြးနံ႕ကိုရလိုက္၏။ ဒီလူေတြရဲ႕လက္မွာေသြးေတြစြန္းေနတယ္။ အက်ိဳးေက်းဇူးေတြသာရွာၿပီး အႏၱရာယ္ကိုေရွာင္ရွားေစတဲ့သဘာဝက ေရသူေတြကိုခ်င္ေရွာင္းရဲ႕ျမင္ကြင္းကေနေရွာင္ရွားဖို႔ပထမဆုံး ပုန္းေအာင္းေစသည္။
"ဒီလိုျဖစ္မယ္ဆိုတာငါသိသားပဲ။" စစ္ေျမျပင္မွာရန္သူေတြဝိုင္းေနလွ်င္ေတာင္ ရွဲ႕ဟုန္မင္ဒီေလာက္စိတ္ပ်က္မိမွာမဟုတ္ေပ။
"ငါေ႐ြးလိုက္တာပိုေကာင္းမယ္လို႔ထင္တယ္"
ခ်င္ေရွာင္းေ႐ြးခ်ယ္မွာကိုေစာင့္ဆိုင္းေနတဲ့ရွဲ႕ဟုန္မင္က ခ်င္ေရွာင္းအခုခ်က္ခ်င္းဆိုင္ကထြက္သြားခ်င္ေနတယ္ဆိုတာကိုယုံၾကည္သည္။ ရွဲ႕ဟုန္မင္အေရွ႕ကိုေလွ်ာက္သြားလိုက္သည္။
ေရသူေတြအကုန္လုံးက ပုန္းေအာင္းေနၾကၿပီး သူတို႔ထြက္ေပၚလာတာကိုျမင္ရဖို႔ေတာင္မလြယ္ေခ်။ သို႔ေပမယ့္ ငါးအၿမီးေတြရဲ႕အေရာင္ကခြဲျခားရန္လြယ္ကူေစသည္။ ရွဲ႕ဟုန္မင္ပတ္ပတ္လည္ကိုလိုက္ရွာလိုက္ေသာ္လည္း အနီေရာင္အၿမီးကိုမေတြ႕ပါေခ်။ ထိုအခ်ိန္တြင္သူငါးကန္ေအာက္ေျခမွာရွိေနတဲ့ အနက္ေရာင္အၿမီးႏွင့္ေရသူေလးကိုေတြ႕လိုက္ရ၏။ ေရသူေလးကမ်က္လုံးမွိတ္ေနၿပီး အိပ္ေပ်ာ္ေနပုံရသည္။ ေရကအသံလုံတာေၾကာင့္ အနက္ေရာင္အၿမီးႏွင့္ေရသူေလးက အျပင္ကအေျခအေနကိုသတိမထားမိေပ။ အနက္ေရာင္ကိုရွဲ႕ဟုန္မင္သိပ္မႀကိဳက္။ သူခ်င္ေရွာင္းကိုနားလည္ထားသေလာက္ေတာ့ ခ်င္ေရွာင္းလည္းႀကိဳက္မည္ဟုမထင္ေပ။ ထို႔ေၾကာင့္သူႏွစ္စကၠန႔္ေလာက္စိုက္ၾကည့္ၿပီး ျပန္လွည့္ထြက္သြားလိုက္သည္။
ထိုအခ်ိန္မွာပဲ သူေဌးကတံခါးမွထြက္လာသည္။ သူထြက္လာသည့္အခါ ဖက္ဒရယ္စစ္တပ္ဝတ္စုံဝတ္ထားသည့္လူေလးေယာက္ ႐ုတ္တရက္ဆိုင္ထဲမွာေပၚလာတာကိုျမင္လိုက္ရ၏။ အထူးသျဖင့္ သိသိသာသာအရာရွိဝတ္စုံျဖင့္ လူႏွစ္ေယာက္ကိုျမင္တဲ့အခါ သူေဌးသည္ခဏေလာက္ေရွာ့ခ္ရသြားေသာ္လည္းခ်က္ခ်င္းပင္ အၿပဳံးမ်ားကိုေဖာေဖာသီသီေပး၍ႀကိဳဆိုလိုက္သည္။
"မလာခင္က အင္တာနက္မွာ ခင္မ်ားဆိုင္ကအနီေရာင္ေရသူေလးကိုေတြ႕လိုက္တယ္၊ အခုဘာလို႔ဒီမွာမရွိေတာ့တာလဲ"ရွဲ႕ဟုန္မင္ လမ္းေလွ်ာက္ရင္းေမးလိုက္သည္။
"သူ႕ကိုဒီမနက္ကတင္ ဝယ္သြားတာ" ရွဲ႕ဟုန္မင္ၿပဳံးေနေပမယ့္ သူ႕တစ္ကိုယ္လုံးကလူေတြကိုဖိအားေပးမႈေတြႏွင့္ျပည့္ေနၿပီး သူေဌးကေတာင္းပန္တဲ့အၿပဳံးေလးႏွင့္ေျပာလာသည္။
"ဘယ္လိုေတာင္ျမန္တာလဲ၊ ကြၽန္ေတာ္ကဒီဆိုင္မွာရွိေနတယ္ ထင္ခဲ့တာ...."
ရွဲ႕ဟုန္မင္ဝမ္းနည္းစြာသက္ျပင္းခ်လိဳက္သည္။
တံခါးမွာရပ္ေနတဲ့ခ်င္ေရွာင္းက ပုံမွန္မဟုတ္တာ တစ္ခုခုကိုျမင္လိုက္ပုံေပၚသည္။ ႐ုတ္တရက္သူ႕ေျခေထာက္ေတြကိုမလိုက္ၿပီး ရွဲ႕ဟုန္မင္ကိုေက်ာ္ကာ ဆိုင္ထဲကငါးကန္တစ္ကန္ေရွ႕ေလွ်ာက္သြားလိုက္သည္။ ငါးကန္ထဲတြင္အနက္ေရာင္အၿမီးကေရထဲမွထြက္လာၿပီး ေရပြက္မ်ားထသြားကာ ေရစက္ေလးမ်ားျဖာက်လာသည္။ ေရထဲမွာျမဳပ္ေနသည့္ေရသူေလးလဲထြက္ေပၚလာသည္။ လင္ရွီးမ်က္လုံးမွိတ္ၿပီး ညဘက္ထြက္ေျပးဖို႔အေကာင္အထည္ေဖာ္မဲ့ အဆင့္ေတြကိုစဥ္းစားေနတာေၾကာင့္ အျပင္မွာဘာေတြျဖစ္ေနလဲဆိုတာကိုသတိမထားမိေပ။
လင္ရွီးထြက္လာတာနဲ႕သူ႕အေပၚက်ေရာက္ေနသည့္ ေအးစက္စက္အၾကည့္ကိုသတိထားမိလိုက္၏။ ခႏၶာကိုယ္၏တုံ႕ျပန္မႈအရ လင္ရွီးထို႔အၾကည့္လာရာလမ္းအတိုင္းၾကည့္မိလိုက္သည္။ အဲ့တာကိုျမင္လိုက္တဲ့အခါမွာေတာ့ သူ႕ရဲ႕ငါးတစ္ကိုယ္လုံးတုန္ယင္သြားသည္။ ၎ကအလြန္ဖိႏွိပ္နိုင္ေသာအၾကည့္ျဖစ္ၿပီး ဆီးႏွင္းေတြကထိုေယာက္်ား၏ မီးခိုးေရာင္မ်က္ဆံေတြထဲေအးခဲေနသည္။ (#အၾကည့္ေတြကအရမ္းေအးစက္ေနတယ္လို႔ေျပာတာပါ)
လင္ရွီးရဲ႕ႏွလုံးသားတစ္ခုလုံးတင္းၾကပ္ေနသည္။ ထိုေယာက္်ား၏မ်က္လုံးမ်ားကသန္မာၿပီးထိုးေဖာက္နိုင္စြမ္းရွိကာ သူ႕ရဲ႕ခႏၶာကိုယ္ထဲထိုးေဖာက္ဝင္ေရာက္ၿပီး သူ႕စိတ္ဝိဉာဥ္ထဲသို႔စိမ့္ဝင္သြားေတာ့မတတ္ခံစားလိုက္ရသည္။
ထိုလူရဲ႕မ်က္လုံးမ်ားထဲမွာသူကေသၿပီးအသက္မရွိေတာ့သလိုပင္။ ဖိအားတစ္ခုကလင္ရွီးခႏၶာကိုယ္ကိုရစ္ပတ္ထားသည္။ သူေဌးပစ္လိုက္သည့္သံႀကိဳးထက္ပင္ ထင္းက်ပ္တာေၾကာင့္မႀကဳံစဖူးအႏၱရာယ္ကို သူခံစားမိသည္။ အသိထက္ခႏၶာကိုယ္ကအရင္လႈပ္ရွားသြားၿပီး လင္ရွီးရဲ႕ေရေအာက္ကငါးၿမီးက ၾကမ္းတမ္းစြာရိုက္ခတ္ကာ သူ႕ရဲ႕အစြယ္ေတြကိုဖြင့္၍ထိုလူဆီခုန္ဝင္လိုက္၏။ ။
#7.9.2022
*ရွဲ႕ဟုန္မင္ကမေကာင္းတဲ့သူမဟုတ္ပါဘူးေနာ္
သူ႕သူငယ္ခ်င္းအထီးက်န္ေနမွာေၾကာက္လို႔ႀကိဳးစားေပးေနတာပါ။။