نغزات محرمه ( عراقيه)

البارت الرابع عشر

نت ماعدنه هذا بارت طويل استمتعو بقراءته وعلقو مو بس تقرون بصمت لأن تعبت بي 💔⭐

روايه (نغزات محرمه) بقلمي ميار السعدي...

الي ما تصوت ولا تعلق ادعي عليها دعوه مضلوم 🙂🌿...

___________________________________

وحتى هذه اللحظة من الحياة أنا لست جيده جدًا
إلا في البكاء...

غمضت عيوني بقهر عضيت شفتي بألم غطيت وجهي وأخذت نفس فتحت الحنفيه وغسلت ايدي بصابونه تبللت الكانونه ما اهتميت.... رفعت عيوني ببطء ع مرايه كدامي وجهي هذا صرت اكرهه لأن أشبهها.... أشبه وحده حقيره ماعدها رحمه...

تعبت من البجي والدموع الله لا ينطيكم واحد واحد... ترست ايدي ماي وغسلت رقبتي ورفعت شعري فوك كبايه كوه اتحرك ما خليت احد يدخل يساعدني لا ممرضه ولا هاي الي اسمها ساره...

مسحت وجهي شويه وسديت الحنفيه أخذت كلينس امسح بيدي أخذت اثنين مسحت رقبتي وفتحت الباب طلعت جانت هاي البنيه واكفه ساره ابتسمت بوجهي ما رذيتها كالت جهز أطيب غدا الج تعاي..

قمر : روحي اني اجي وراج...

ساره : تحسين بوجع؟ محتاجه اساعدج؟

قمر : لا شكرا منو انتي؟..

ساره : صديقه نانه...

هيه كالت نانه صفنت وهيه هم عرفت بشنو افكر كالت رايحه تعاي اكلي الطبيبه تريد تشوفج...

راحت واني اباوع وراها... نانه؟... وين راحت عود الست نانه؟!...لو ما كدرت تتحمل تبقى وياي وراحت لبيتها؟... يله شتترجه من ناس ينطون بنتهم للغريب؟...

ضحكت مستهزأه َمشيت بالممر واني اتذكر الصبح تحملت هواي منه علمود اطلع بخير من هالمكان اعرف افكر.... حتى للحمام لو بيده يطب وياي ما يعوفني..... كوه خلاني اكل واني دموعي تجري.... وهسه الدنيا الضهر جنت نايمه وهو كاعد يمي ع كرسي عيونه عليه نفرزني.... رغم اعرف حالته أسوأ مني َكل ما يحرك راسه يلزمه ويكعد دايخ اجفل بخوف عليه لا يصير بي شي....

عمو مراد ردته يبقى بس بعد ما حجه ويه بابا برا بالصدفه سمعت نص الكلام عمو مراد كاله بهدوء

مراد : السايق صاحب السياره الي دعمتكم بالسجن شسويله؟..

حجه بابا ببرود ماهتم صافن بالفراغ كدامه الهوا بارد لفحني واني ورا الباب الزجاجي

علي : خليه يعفن بي يعني شتسوي؟

مراد : كال مو بقصدي وجان حادث غير متعمد..

علي : واحنه هم ننساه زعم مانعرف هو بالسجن شنو رايك؟؟...

مراد : بكيفك بس عنده عائله خطيه..

علي : واني قمر كل عائلتي وبسببه ردت افقدها جانت كدامي مشموره مثل غصن ورده مليانه دم جنت عاجز أوقف وجعها يا مراد.....

كالها بوجع وغضب هز راسه عمو مراد وأخذ نفس من الجكاره وحجه صافن

مراد : الحمد لله انتهى كلشي.... علي اتمنى ابقى وياكم بس بما انو انت مصر تطلع وترجع للفندق اني لازم اروح ضروري....

علي : روح ضلعي ما قصرت روح وهذا الهيلك آدم أريده يبقى مثل المطي احتاجه...

مراد : هههههه صدك مطي... اكلك امك تدري؟

علي : لاا ممنوع تعرف لا يروح يصير بيها شي ابقى كم يوم حتى ترتاح طفلتي واكوم ع حيلي حتى اكدر ارجع.... وأدم يوصلنا لإن ماكدر اسوق...

مراد : خوش لعد إذا تحتاج شي خابرني ولا تضغط ع نفسك وتتحرك هواي ما يصير... وقمر خليها ترتاح لا تجادلها حقها بكلشي تسوي...

هز راسه صافن بشرود وأردف بخيبه وحزن

علي : اعرف حقها بس ماكدر اقنع روحي بهالشي.. ماتحمل تبتعد عني حتى متر واحد...اخاف مراد... حيل خايف لا يجي اليوم الي اكون ضايع وحدي وهيه بمكان ثاني تفهمني؟؟...محد يفهم الشي الي بداخلي.... حتى هيه ماراح تفهم...

غمضت حيللل بشهكه مكتومه جان يحجي بحزن ماعرف ع شنو ابجي ع روحي لو على منو؟ ع كلامه؟.... انعصر كلبي واني استرجع صدمتي من جديد يعني صدك؟... بعدني مو مستوعبه احس اني داحلم...

رفعت عيوني صفنت  بعيون مغوشه ع هذا الرجل اي هذا الكدامي منو؟... وليش اخذني؟.... ليش حبني وحب يربيني؟... منو هذا الإنسان الي جان البارحه بابا؟.... كلبي حيلل يوجعني اتمنى انو كلشي ب لحظة يتغير مثل ما كلشي بثواني كلب حياتي إلى صدمات....

رمشت بحزن نزلت دموعي واني امشي بالممر وحدي نفضت ذكرياتي بحيره وتعب رفعت ايدي مسحت عيوني طلع هو من الغرفه توقف يباوعلي بقلق جان يريد يجي عليه بس صادفته....

تقرب عليه خطوات واني امشي تعديته سحب ايدي ع كيفه ولفني نزل جبينه ع جبيني حجه بهمس تلمس وجهي والجروح بشرود

علي : دخيل مريم العذراء شحبچ...

جنت جامده صافنه بداخلي خوف وغربه اني اساسا ماتحمل حتى ابجي وهسه احد ينفخ عليه أشبع بجي لهذا نزلت دموعي بحراره وشهكت بوجع غمضت حيللل لزمت كلبي حضني دفن وجهي بصدره وشفته ع شعري خلاني بضلوعه بدفو حجيت بغصه وصوت منتهي

قمر : ماكدر حيلل متوجعه..

علي : متأذيه؟ جسمج بي شي؟..

هزيت راسي بنفي وحجيت بهمس

قمر : جسمي ما احس بي خل يتكسر.... بس الوجع نفسيا داخليا روحي محطمة الموت بلحمي... هذا قلبيي....

علي : شبي قلبج؟...

زاد بحضنه أكثر انرفع راسي ع رقبته حجيت بصوت متحجرش متقطع من الدموع اختنكت

قمر : قلبي؟.... قلبي بيت مهجور.. شبابيكه مكسورة.. وأبوابه مخلوعة... اني وحيده...

شهكت َبجيت بصدمه بعدها بداخلي نزل وجهه وطبع شفته ع جبيني فتحت عيوني صادفت عيونه بلون احمر قوس شفته بألم  وقهر وحجه بغصه يمسح بأصبعه دموعي

علي : لا تحجين دخيلج... شسوي ياللهي شسوي أوقف هذا الوجع؟.... لا تأذيني فوك ما متأذي ليش محد يفهمني.... ولجج ماتحمل دموعج وهذا كلامج ياريت رحت بالحادث وما اشوف هذا وجعج واني سببه ماكدر اسوي شي...

رفعت ايدي مسحت دموعي وحجيت اباوعله بحزن

قمر : ياريت اني رحت وخلصت من كلشي...

علي : طفلتي حبيبي.. وعد كلشي يكون بخير بس توقفي دموع أنهي هالشي... وتعاي تغدي حتى ننام شويه نرتاح ونطلع للفندق بالليل ماريد نبقى هنا تسوء حالتنا أكثر ما تتحسن...

قمر : بصفتك منو اروح وياك؟؟... هسه بس كلي احجيلي كلمه وحده توقف وجع روحي وخذلاني بيك حتى اروح وياك؟.... شلون اروح؟..

علي : ترحين بصفتج روحي وحياتي كلها انتي طفلتي وبنتي وحبيبتي ترحين لأن اني مكانج واني أمانج واني كهف روحج.. ترحين لأن تحبيني وكل الناس غربه بس اني القريب الوريد.....

ابتسمت مستهزأ بدموع حجيت رفعت حاجبي

قمر : ليش مو العكس؟...

طبع شفته ع أنفي وضغط ايدي بقوه كزز سنونه ويغمض لحظات يسيطر ع أعصابه هزيت راسي بيأس سحبت ايدي بقوه وتحركت عنه مسحت دموعي
دخلت الغرفه جان عمو آدم متعارك هو وساره الي مبدله ماعرف شوكت بدلت لابسه رياضي ستريج بي علامه ماركه شانيل ع قوامها الرشيق وتشيرت شتوي عريض مثل ملابسي مال بيت بس حلوات وبوت رياضي شعرها رافعته ذيل...

التفتو عليه عمو آدم ابتسم وكال تعاي الغدا ينتضرج كعدت ساره بصفه ع طاوله بوسط الغرفه مليانه أشهى الأكلات والمشويات والعصائر الطبيعيه...

كشيت وجهي سمعت صوت خطواته وراي حاوط كتفي همس بأذني بحنان ما اهتميت بي

علي : يله ناكل حتى نطلع.... اكلاتج المفضله كلها موجوده ما عدا الأندومي مو زين عليج...

باوعتله بطرف عيني نفضت ايده مني تحركت بتعب جسمي متشنج والعضام توجعني حيلل بس متحمله لأن وجع روحي أقوى... سحبت الكرسي الأبيض كعدت ع صفحه كتفت ايدي كدامي ع طاوله بلعبان نفس يردوني اكل وبعدها ياخذني للفندق وبعدها نروح للبيت وبعدها تستمر حياتي؟..... مقتنعين بأفعالهم هاي المشكله....

توسط الطاوله هو كعد ع يميني عقدت حاجبي من سحب ايدي بالقوه واني اسحب بيها ماريد يلزمني ضغط عليها بنترر حضنها بيده باوعتله بأنزعاج جانت ملامحه اعرفها قناع فوق قناع يحاول يكون لطيف وياي بقيت صافنه بعيونه اشرحله انو هذا شي تافهه هيج سوه بيك اني شلون كل هذا صار بيه وبعدني يمك وكأنو فهم كلامي بصمت....

نزل شفته كدامهم وطبعها بوسات خفيفه ضايعه يحجي بيها بصمت ع أصابعي واحد واحد نزولا لأضافري واني صافنه بدون اي مشاعر....

نزلت عيوني ع اكل جانو يتابعون بصمت ما اهتميت بقى لازم ايدي ما تركها اخذ صحن خلاه كدامي مال فطاير لحم والزلاطه هم خلالها كدامي....

باوعتله ببرود من ورا خصله ع عيوني عض شفته وترك ايدي سحبتها وكتفت ايدي بلعبان نفس حجه وهو يطرق طرقات خفيفه ع طاوله بشرود ما عجبه تصرفي

علي : اكلي قمر حتى تشربين علاجج...

باوعتله بنتر وحجيت بحزم عيونه بعيوني بتحدي وجمود

قمر : كلشي ما تفهم ليش؟... اكلك ما اشتهي شلون يعني؟...

قرب وجهه عليه سريع جفلت سحب فكي وحجه بقوه ما يقبل جدال جان انتهاء صبره واضح

علي : راحح تاكلين بنيتي حتى إذا ما تشتهين اجبريي روحج حتى تشربين العلاج....

بهتت مصفنه بعيونه جان يحذرني دمعت عيوني انعقد حاجبه ترك ايدي رجع لمكانه يطرق سريع وشرود متوتر ع طاوله بيده....

آدم : حبيبي قمر اكلي شويه علمودج حتى تشربين العلاج يله زيتونتي...

حجه بضحكه حتى يضيع الجو المشحون اتنهدت أخذت الشوكه بصمت اجه صوته البارد متنفرز يحرك الشوكه ب الزلاطه بشرود

علي : لا تكول زيتونتي...

باوعتله بعدم اهتمام رفع حاجبه عمو آدم وحجه وهو ياكل

آدم : حبيبتي...

باوعله وكزز سنونه واشوف ايده بصفي تنقبض طك ركبته وحجه ببرود جامد وجه عيونه عليه

علي : اكلي قمر... اكلي بابا لا تصفنين...

ابتسمت مستهزأه ونزلت عيوني بديت اكل غصبا عني وهو كل ما يقرب يخلص الصحن يجيب غير شكل يكلي مكانه واني نفذ صبري اكل بصمت وهو أكثر شي اكل فطاير مال لحم بس ما كثر وشرب عصير مره وحده واشرلي اشرب مالتي...

كلبت عيوني أخذت الكلاص اشرب وصافنه عمو آدم وساره يتبسبسون مدري شنو.... خلصت وكفت اريد أكوم لزم ايدي وكف وياي صار كدامي باوعتله بجمود رفع ايده صارت ع شفتي مسحها من الأكل حجه وطبع شفته ع جبيني اختنكت من حركاته

علي : شتردين؟

قمر : توخر عني اختنكت..

باوعلي وشفت ثواني لمحه ألم بعيونه بس نفضها احتل قناع الجمود وجهه مسح ع خدي وحجه بصوت ويه آدم

علي : آدم كوم جيب الدكتوره تفحصها..

قمر : مابيه شي كامَو داعي...

ساره : عادي لازم الفحص خاف اكو شي..

قمر : كلت ماريد اريد اطلع سريع اختنكت هنا...

ضغط ايدي سحبتها انطيته نضره البرود ومشيت حجيت متجهه ع باب

قمر : رايحه انام شويه لحد ما افتك ونطلع منا...

فتحت الباب وطلعت لزمت كلبي ومشيت بحزن وشرود وضياع تعبت عيوني من البجي جبرت روحي ما ابجي.... وصلت غرفتي دخلت وسديته وراي...

تحركت ع سرير صعدت وتغطيت بلحاف الأبيض وغرفه بيضه كئيبه.... رفعت ايدي جوه خدي صفنت بالكاع ونزلت دموع حاره بصمت ع أنفي وشفتي والمخده....

غمضت عضيت شفتي حيللل احاول ما انقهر بس ماكدر يزيد القهر مثل السم... غصه خبيثه هنا برقبتي من ابجي تتقطع أشلاء.... شهكت بوجع دفنت وجهي بقوه بالمخده خنكت روحي خنك أوقف الدموع بس جانت تزود أكثر وأكثر لكيت روحي ابجي وابجي بصوت مخنوك بالمخده اديه ع صدري مثل اصارع الموت صوته يرن بأذني بكل أيامنه قبل.....

دقايق طويله أو ساعه اني هيج انفتح الباب باوعت جانت الطبيبه وساره مبتسمه... تقدمت مني وكالت كعدي عدل افحصح ماما.... كشيت وجهي من الكلمه الغريبه....

عدلت نومتي وبدت تفحصني بالجهاز وترفع ايدي وتسألني إذا متوجعه خاف عضامي بيها شي... وسألت من امشي احس بشي أو وجع قوي... كله نفيته حتى اخلص منها..... خلصت وضحكت كالت الله يحبكم نقذكم من هيج حادث بالعاده حوادث السيارات تسبب كسور وأذى قوي....

بقيت ساكته وساره كعدت يمي لزمت ايدي تفاجأت باوعتله بفتور هيه ابتسمت كالت الحمد لله على سلامتج بقيت صافنه هم ما حجيت كامت تحجي ويه الطبيبه الي جانت توصي وتعليمات انطتها الساره وكالت ما يصير تمشين هواي نامي وارتاحي لحد ما تطيبين....

جانت صافنه وتحجي ترتب بالغراض جمعتها بس جفلت من كالت بس ابوها متأذي أكثر شي برأسه ولازم ما يضوج أو يعصب ولا يتحرك هواي يأثر ع راسه ولازم عنايه قويه ونصحتنه نبقى بس ساره كالت هو مصر انو يطلع لأن مو مرتاح....

واني فغرت شفتي افكر بي واتذكر شلون آخر صرخه من كل روحه بأسمي ودعمتني السيارة جان يريد ينقذني واني اركض بروح مصدومه محترقه خايفه.....

ساره : هاج قمر اشربي علاجج...

طلعني صوتها من شرودي التفتت عليها رافعه كلاص الماي كدامي باوعتلها ببرود أخذت الحبوب شربتها ورجعت الكلاص أخذته جانت الطبيبه طالعه كالت راح تشوف ابوج لأن اختنكك يريد يطلع....

هزيت راسي كتلها اريد ابقى وحدي وهيه واكفه... طولت باوعتلها بتساؤل ابتسمت وحجت تباوعلي

ساره : كوني بخير قمر اتمنى ماكون قصرت وياج ياريت ابقى بس لازم اروح هسه مادام انتو راجعين بعد شويه.... كلت لسيد علي انو ابقى واجي وياكم اهتم بيج كم يوم كال ماكو داعي اني وياها....

قمر : شكرا الج ممنونه... اي ما يحتاج تجين اريد ابقى وحدي وياه....

ساره : اتمنى تحجون بتفهم وينحل الأمر ومحد يتأذه وانتي هم ديري بالج هو متأذي أكثر منج..

قمر : اممم..

باوعتلها بقت صافنه حجيت بشرود

قمر : من شوكت صديقتها انتي؟...

رفعت حاجبها مستغربه وحجت مبتسمه تتذكر

ساره : من الثانويه...

قمر : صديقتها المقربه انتي؟

ساره : اي صح عدها صديقات بس اني أقرب وحده دائما وياها...

هزيت راسي صافنه وهيه توترت نزلت وجهي وحجيت بشرود

قمر : واختها هَم صديقتج؟..

سكتت ثواني طويله وجاوبت

ساره : ايي صديقتها من خلال نانه بس مو حيل لأن ميرا ماتحب العلاقات رغم عدها صديقات هواي بس هيه تبتعد عنهم انطوائية يعني....

رجف كلبي وهيه تحجي بيها هاي اول معلومه اعرفها عنها محد حجه بيها لأن... صفنت كدامي اتخيلها اتسآئل أذا بعدها نفس خيالي ونفس الشكل؟؟.... حجيت اسألها بفضول وحزن

قمر : ليش انطوائية؟؟... يعني مافهمت شلون؟

اجت كعدت ع كرسي بصفي وحجت خلت ايدها ع سرير بصفي مرتاجه

ساره : شوفي عمري... هيه ميرا هاي البنت غريبه محد يحزرها... أفعالها وتصرفاتها الي تعودنا عليها بعدنه نستغرب من تسوي شي.... وكلنا مانعرف ليش هيه هيج....يمكن شي خلاها تصير بهاي الحاله....

قمر : الربط بالكلام؟... مو هذا سؤالي..؟

ساره : هو داحجي... انطوائية اغلب الوقت عجزنا نطلعها من هاي القوقعه... حتى ويه ابوها علاقتها سطحيه رغم حيل يحبها بس اكو مشاحنات بينهم لأن هو صارم وحازم ما يقبل غلط.... بسبب مخلفات في الماضي معليه بيها.... هيه هيج بعيده ضايعه...يمكن وصلج الجواب؟..

قمر : مافهمت؟ شنو؟

ساره : سبب فقدانج هيه هيج صارت تدمرت..

قمر : فقداني؟... هيه الي انطتني لواحد غريب شتحجين انتي؟..

حجيت بأنزعاج وقفتها عن الكلام هزت رأسها وحجت

ساره : افهمج حقج.... اني ماريد احجي بهاي المواضيع لأنها عائليه مالي علاقه بيها....بس بالنهايه تبقى ام.... يعني هيه غلطت اعرف غلط ما يغتفر وكلشي إله سبب أن شاء الله تعرفين وتفهمين ليش سوت هيج.... كتلج اني معليه احجي الي شفته هيه نتعذبه عليج هواي... نايمه كاعده بجي ضعف جسمها وصارت عديمه شخصيه وتايهه ضايعه ما تطلع ع اي احد... نادرا تطلع ابوها يجبرها.... توصل بيها تخلينا كلنا نبجي عليها.... ضميرها يأنبها كل ثانيه وكل هذا دليل حبها الج...

ابتسمت بسخريه مريره باوعت كدامي حجيت بفتور

قمر : روحي شكرا ع وقتج... الشي الي ماتعرفينه ولا تعرفين شنو عشت لا تحجين بي بسهوله لأن ما جربتيه....

ساره : صح اعتذر... كوني بخير رايحه اني تردين شي قبل لا اروح؟...

قمر : لاا شكرا ماريد الله وياج...

هزت رأسها وكامت راحت ع باب وطلعت كالت ارتاحي نامي... وصدك رجعت نمت ودخلت بسبات متعب حتى ميرا واختها ما فكرت بيهن عندي نوع غريب مخيف من البرود اكول اكتفيت صدمات خلص عادي.....

نايمه وقتها بس استشعر لمسات دافيه ع وجهي مرجع خصلات شعري ورا.... عقدت حاجبي دفنت وجهي بالمخده صارت ايده تمسح ع شعري ريحته الطبيعيه قريبه مني.... كشيت وجهي ماريد افتح نعسانه غمضت بعمق حسيت بشفته ع شعري طبعها ثواني هيج وحجه قريب من اذني

علي : بنيتي.... كومي نروح بالبيت نامي هنا قذاره...

فتحت عيوني جوه المخده دفعت ايده عني حجيت بفتور

قمر : مره ثانيه من انام لا تقرب مني ما اقبل وما احب...

سكت ثواني طويله وطلعت ضحكه غضب جان ساند ايده ع مخده بصفي شفته يم اذني حجه طبطب ع كتفي

علي : كوم يله نروح لا تمسلت...

وخرت المخده بعنف من راسي تنثر شعري ع وجهي حجيت بفتور

قمر : لا تحجي وياي بصيغه ولد..

رفع حاجبه ابتسم بطرف شفته وحجه كرص أنفي حيلل سحبه

علي : يله دايح كوم نروح...

دفعت ايده بنترر دفنت وجهي بالفراش ودرت جسمي عنه

قمر : ماروح لأي مكان عوفني...

علي : مو كلتي اريد اطلع اختنكت؟؟..

قمر : غيرت رأيي...

علي : رأيجج خلي بطيبه كلبج كومي لعبت روحي هنا خل نرجع آدم ينتضر بالسياره كتله حضرها....

قمر : معليك بيه روح من يم راسي..

علي : طولان لسانج ست قمر؟ كلتي معليك؟

قمر : تزعجني من انام ليش؟؟...

علي : بالبيت نامي كومي نروح لعبت نفسي...

قمر : كلت ماروح شراح تسوي؟...

باوعتله بنترر جان صافن عليه زم شفته وهز راسه دنك عليه عقدت حاجبي سحبني سريع عطت من شالني بحضنه بخفه

قمر : ماريددددد ماتفهممممم..

دفعته من كتفه حيل ما انطيته مجال ردت أكع جفلت من عاط بيه بغضب

علي : قمرررررر....!!كافيييي لجججج...

قمر : لا تعيط عليه ماحب تشيلني نزلني...

علي : وإذا ما نزلتج؟

رفع حاجبه وابتسم قربني لحضنه لامس أنفي واني مصفنه بفتور.... حرك شفته يزفز ع حنكي حجيت بهمس وشرود حزين

قمر : ليش كتلي الحقيقه؟؟..

توقف عن الحركه غمض عيونه قرب شفته الحاره ع خدي ثواني طويله حجه بخفوت يطبع قبلات خفيفه

علي : مو احسن ما تعرفين من غيري؟..

قمر : برأيك لو احد غيرك كالي راح اصدكه؟.

علي : لاا..

قمر : شنو الي دار بعقلك قبل لا تكلي؟...

رفع عيونه بضياع بعيوني جانت ملامحه بعدها وسيم وتعبان وفراغ ما مفهوم نزل عيونه ع وجهي كله وحجه بنبره غريبه

علي : احبچ.... احب عيونچ.. حيل احبها ماتعرفين مقدار اللهفه والحب الي بداخلي لعيونچ... هذا الزيتون الأخضر احبه.... انفچ هذا اعشقه شكله حلو... واعشق مسمات بشرتچ الناعمه...... وشعرچ؟....

سكت محرك شفته ع خدي أنفاسه حاره وهنا همس بخفوت تزامن ويه العضه بسنونه بخفه سحب خدي

علي : شعرچ قصه ثانيه عالم ثاني مستحيل احب غيره.... افرشه وانام فوكاه... استنشق عطره الطبيعي أثر الغسولات الأنثويه الخاصه بيج....احبچ كلج...

نزلت عيوني ببرود باوعتله حجيت بعدم اهتمام

قمر : تعرف قبل جنت بس تكلي قمر كلبي يطير لسابع سما يلمس النجوم وافرح فرح مو طبيعي.... وهسه كل هذا كلامك صدك ما أثر بيه ولا شويه... حاولت افرح ما كدرت لأن الموضوع اكبر من برودكم سيد علي أكبر من كل هذا الكلام....

كلت هيج بحزن لمحت طيف الألم بعيونه هز راسه وعض شفته بحيره نزلني ع كيفه وخرت عنه رفعت شعري وباوعتله حجه بتعب واضح

علي : غيري ملابسج... حتى نطلع انتضرج برا... راح ادزلج سستر تساعدج....

حجه هيج وتحرك انتبهت جان مغير ملابسه ورافع ردان القميص الأسود طالعه الاصقات مال جروح ع ايده وكانونه هم....

فتح الباب وطلع ضليت مصفنه وتحركت قبل لا يدز احد فتحت الجنطه مالتي شفت ثوب جبته وياي من رحنه للفندق.... طلعته اتأمله ما البس ابد ثياب نادرا ماتذكر آخر مره لبست ثوب انثوي هيج... بس بناطيل وتراكات وهوديات....

خليته ع فراش اباوعله بغرابه إذا البسه أو لا جان لونه بني فاتح حليبي..مثل الصيفي يحتوي ع سلسله بالوسط وقماشه شيفون ماعرف بشنو فكرت من جبته والجو ثلج وهذا صيفي للنخاع..... جان صلوخ ودلع ناعم تخيلته يتطاير بأول نسمه هوا.....

نزعت التشيرت مال تراك ع كيفي بقيت بالحماله سحبت الثوب لبسته قبل لا ارتبه شمرت البجامه مال تراك ورتبته جان شويه ضيق من يم صدري برز أكثر ما جان واضح بالتراك.... تحركت باوعت واصل جوه ركبتي قصير شويه بس شويه....

مسحت ع قماشه حيل حلو ومريح حسيت لايق عليه رغم الغرابه شعرت بي هاي اول مره البسه جديد ما لبسته ابد ناسيته خليته بالغلط ويه ملابسي....

لزمت السلسلة الفضية ناعمة ع خصري سديتها طلع شكلها نازك.... رحت ع جنطه فتحتها طلعت الجاكيت مالته لونه اسود.... بس ما لبسته خليته ع فراش فتحت شعري طلعت المشط همزين كل غراضي جابوها.... مشطت خصلاتي نعمتها ع طول اديه وضهري.... خلصت طلعت مرطب احمر خفيف خطيت شفتي شويه مسحتها بيدي مابي لون بس شويه لأن مرطب بي ريحه طيبه....

رجعته فتحت الجنطه ادور عطري تعجبت شفت العطر مالته سحبته مستغربه شجابه ع ملابسي... فتحته ورفعته ع أنفي غمضت عيوني وصوره صوره من ذكرياتنه صارت تمطر كدام عيوني... بس صوته الخشن البارد الي يحسسني هو يكرهني هنا بعقلي بأذني وهو يكول من بعيد " قمررر وينجج.." باوعت وراي وقتها جنت بالحديقة جنت أصغر من هسه ماتذكر شكد عمري بس جنت حيلل غبيه..

سمعت صوته برطمت كمت ابجي بخوف اباوع ع ملابسي كلها طين واديه نفس الحال تركت القطه الي نفس حالتي راحت تركض طلعت فضحتني...

واني ركضت ع مشتل الورد والسندانه الي طلعت كل الطين مالتها وشمرت الورد ماعرف ليش لعبت بيها طوبه.... ختلت ورا السندانات الجبيره كتفت اديه اباوع من ورا الورد وأوراق الشجر....

اجه صوته نفس النبره بغضب وجان يطلع اشوفه مناا من البيت واكف ع درج يباوع بكل مكان حتى يشوفني عقد حاجبه بغضب ورجع عاط بأسمي وهو يتحرك ع حديقه غمضت عيوني بدموع بقيت متخبيه وادعي يسوع ما يلكاني....

ثواني طويله ثواني بس طويله وفتحت عيوني بخوف من سحبني من اذني وكفت عدل وهو حاد سنونه بغضب مصدوم من شكلي ينزل عيونه ع ملابسي مستغرب.... استقر بعيوني قوست شفتي حجيت برجفه وصوت يختلف عن صوتي البالغ هسه

"" بابا.... مو اني البسه هاي... ""
. عض شفته بقوه هز راسه ورفعني بيده خلاني ع سندانه الجبيره بصف الورد اباوع ع ايده راحت طين حجه بنترر وضغط فكي حيلل كمت ابجي بصوت
"" وسمممم لا تبجين بنت الدايح... هذا شنو شمسويه بروحج هاااا؟ جاهلللل انتيييي؟ ""

فتحت عيوني هزيت راسي بفطره عقد حاجبه حجيت مبرطمه"" اييي جاهل ""

رفع حاجبه مصدوم بقى صافن سحب اذني حيلل ضربني ع شفتي بطرف ايده ما جانت قاسيه بس اني انصدمت ابجي وابجي بصوت اتذكر شهكاتي لحد الان... ماعرف وين دنك ورجع شغل الصونده وفتحها عليه خلاني اكمز البجي فجأه صار ضحك عالي اديه ع وجهي والماي يجري فوكاي وينتر بيه كل شويه يضربني بخفه ع راسي يكلي اغسلي الطين....

باوعتله بعد ما شمر الصونده بالحديقه رجع ذيول شعري ورا مسح وجهي ورقبتي شفت طيف ابتسامه ع شفته قربت سريع ردت أكع بس رفعني لحضنه قبل لا اعيط.... تبللت ملابسه الحلوه حاوطته بردانه تحرك بيه ببرود بس أشعر شلون حاضني بدفو واهتمام...

دخل البيت وهو يحجي ويحذرني إذا اطلع بعد اكسر ايدج وقتها اتذكر همست بشرود جنت اتلمس بشواربه وراسي ع كتفه "" أريد اندومي ""

وماعرف بعد شنو الصار اعتقد هم ضربني ع شفتي ورجعت ابجي هواي ابجي اني وهو ماكو شي اساسا ما اذاني......

رجعت من ذكرياتي ع دموع حاره نزولا لخدي ابتسمت هزيت راسي اطرد هاي الذكرى فتحت العطر ورشيت شويه ع رقبتي ورجعته...

سديت الجنطه وتركتها همه ياخذوها.... مشيت ع حذائي الأبيض لبسته شديت القيطان ورجعت خصلات شعري ورا اذني والثانيه تركته ينسدل ع صدري خصلاته العسليه.....

أخذت الجاكيت وتحركت طلعت امشي بالممر متجهه للخارج... ما لبست الجاكيت خليته بيدي وامشي اول ما طلعت الباب لفحني الهوا البارد ع جسمي ورقبتي وطار الثوب بخفه يتراقص ويه خصلات شعري اول واحد شفته جانت عيونه الي توقعتها نضراته..

ساره : فتحت عيوني ابتسمت واني اشوف كتله من الجمال والنزاكه طالعه من الباب بثوب  بني صيفي بوسط أجواء شتويه ناعم يتطاير بخفه ع جسمها الأبيض.... شعرها العسلي مرتب بعض خصلاته نازله ع صدرها الي حاضنه الثوب تعجبت نزلت عيوني ع كتوفها الناعمه كلها طالعه عبالك عارضه ازياء يجنن عليها الثوب....

نزولا لطول ذارعها الأبيض لأيدها الي حاضنه الجاكيت الأسود بأناقه كأنو طالعه من عرض أزيائي مو من المستشفى.... واكيد الاصقات الطبيه زايدتها جمال ع وجهها وطرف خدها وفوك حاجبها وكانونه بيدها....

لابسه بوت رياضي جانت طويله اول مره الاحض طولها وانو ما شاء الله عليها حيل حلوه...

بنفس اللحظه الي لاحضت بيها ابتسامتها مستهزأه ويه ملامحها الحلوه وبريئه عرفت على منو...

رأسا لفت وجهي ورا واشوف علي شلون مصفن بصدمه عليها عرفت هاي رده فعله رغم ماعرف شنو تلبس بس أراهن انو ابد ملابسه هيج كدامه خاصه انو كتوفها كلها طالعه ورقبتها النازكه كلشي بيها واضح ومتغيره مو هيه الطفله الي بالتراك العريض...

وهنا حد سنونه خصلات شعره تتطاير وعيونه تحجي عن النار الي تفور بداخله شفته الي عجزت تحجي بس صافن عليها...

باوعتلها نزلت بثقه عضت شفتها بشرود فاتت من يمي وحجت مستغربه

قمر : مو كلتي راح اروح؟..

ساره : هو هسه رايحه آدم راح يوصلني وياكم راح يجيب سياره خاصه...

هزت رأسها وتعدت نزلت الدرج ورجعت شعرها بنزاكه ورا كتفها طلع أكثر بي وحمه صغيره مثل مال ميرا ع كتفها بس ميرا ع معصمها....

قمر : تحركت من كدامه اريد اروح اتمشى قبل لا يجي عمو آدم وجنت متوقعه الي راح يصير لزم ايدي حييل من معصمي احس شويه يكسره نزل عيونه ع ملابسي حجه بحده وتحذير ما يطمن

علي : انتي شلابسه ولجج؟ شهل ثوب السزز وين لكيتي؟... يا ك***ة انطته الج؟..

رفعت حاجبي حجيت ببرود

قمر : من رحت ويه جده هيه جابته إليه يعني من امك...

فتح عيونه مصدوم من كلامي رغم وجعي وروحي التعبانه ردت اضحك ع كلامي ماكان لازم احجي هيج

علي : ولسان بطول النعال بعد؟؟....

قمر : اوك اتركني اروح اتمشى قبل لا نولي..

علي : ترحين من وجهي تنزعين هذا الثوب لا اجيبج واجيب المشي...

قمر : ما انزعه ثوبي مابي شي..

نزل عيونه ع كتوفي ورفع ايده سريع كرصني منا شهكت بوجع حجه بحده

علي : لعد هذا شنووو؟ من شوكت تطلعين كتوفج هااا؟.... إذا الزمه هسه اسوي وصلتين روحي من وجهي قمر منا العالم ادخلي غيري سريع....

نترت ايده وحجيت نفضت شعري لاحض حركتي بغضب

قمر : كتلك ما اغيره مابي شيي بلا هاي الهمجيه رجاءً...

رفع حاجبه متفاجأ من كلامي ونبره صوتي الجديده حافظت ع ملامحي البارده حتى ما يكول تخاف... سحبني بدون ما استوعب وهنا صدك خفتتت رجعت قمر القديمه بهتت خله اضافره بلحم كتفي انرفعت شويه جبينه ع جبيني حجه وعيونه شرار وكل حرف يدل كميه النار الي بداخله

علي : قسما بالله يا قمر ماريد استعمل وجهي الثاني وياج صدكيني ماراح يعجبجج ترحين مثل قمرتي الي اعرفها وتنزعين هذا الزفت الي مطلعج أكبر من عمرج وتلبسين شي عريض...

قمر : انت كلك ما تعجبني عساس وجهك الثاني شلونه؟..

كلت هيج وثانيه سريعه تندمت تزامن ويه ضربته بطرف ايده ع شفتي حيللل شهكت بوجع وكعت بالكاع اجت ساره تركض عليه عاطت بي مصدومه لزمتني

ساره : سيد عليييي شهل حجي ترا ما يصير تضربها شسالفه استوها طلعت من المستشفى.؟...

حجت بغضب باوعتله تقدم عليه بنار بداخله سحب ايدي منها وكفني باوعتله بتحدي فتحت عيوني هز راسه بصدمه ضغط فكي بقوه صرخ بوجهي ويضرب بطرف ايده ع راسي

علي : عبالج منا ورايح تحجين معلككك هاااا.... تعرفين ويه منو تحجيننننن يا دايحه ويه الي احتواج عمرج كله سواج هالكدج جايه طولين لسانج الزفت عليه موووو؟..... اكسره لراسج أدب سزززز اكسرج ما احسب طلعتي من حادث خطير ما يهمني كلشي ولاااا هاي عيونج بيوم تصير ضدي فهمتيييي...

قمر : وخرررر عنييييي انت رفعت ايدك عليه ليشششش....

حجيت هيج بعياط نزلت دموعي بوجع وصدمه وهو لازم فكي بغضب تركه وسحبني من شعري ع شفته حجه بفحيح هامس

علي : لأن تجاوزتي وهذا حقججج لا عبالج تتكبرين براسي تالي وكت لا بابا اكسرج والله والخلق هاي عيونج الحقيره مو بس ارفع ايدي.... روحي يله... ولا اكلج البسي هذا فوكاه سريع...

نفضت ايده عني بدموع دفعته وعطت بي بغضب وعناد

قمر : مااااااا..... ماااا البسه غصبا عنك شتسوي هااا مو من حقك تضربني انتتت غريببب اصلاااا....

اني كلت هيج انصدم اجت عليه ساره قبل لا تصل تحرك عليه ضيق عيونه إذا سمع غلط فتحت شفتي بندم ماحس غير راجدي قوي عطتتت بوجع قبل لا أكع سحبني من أيدي رجع بطرف ايده ع شفتي بقوه وصرخ بغضب مصدوم يأشر ع روحه بقوه واني ابجي بصوت

علي : غريببب خرببب بدي****ج غريببببببب انيييي؟..... كلتي ع هذا الرجل الي صرف دمه عليج ورباج وكبرج غريببب؟... شلون كدرتي شلون خانج التعبير حتى تكولين هاي الكلمه.؟... اني وحيدج والي ماعندج احد غيري تكولين هاي الكلمه بحقد بس لأن كتلج غيري الزفت الي عليج؟.... شلون قمر شلونننن؟.....

جان يحجي بحرقه لازمني من أيدي كدام وجهه هزيت راسي بنفي وساره تؤخر بيده عني

ساره : سيد علييي عفيه شهل تصرف كلشش عيبب ما يصير ترا اذا بنتك ليش تضربها هااا كدام العالم هيج لعد بالبيت شلون؟...

دفع ايدها بنترر ونزل جبينه ع جبيني كأنو بغير عالم واني ابجي وابجي عيوني بعيونه الي جمرر مثلي عض شفته بألم وحجه

علي : انتي حقيره قمر حيلل حقيره...

قمر : الصدمات تغير الإنسان عادي..

كلتها بكسره زادت دموعي حد سنونه بغضب وحجه ضاغط ع ايدي

علي : انعل والديج إذا تحجين هيج فهمتيييي؟..

قمر : وخر عني انت ابد مو زين وياي مستحيل شلون ما عرفت قبل انو ماكو اب هيج يسوي ويه بنته من دون سبب جان لازم اعرف انت غريب بلا احساس بلا مشاعر بلا ابوه اساسا منين تجي الأبوة إذا أنت مو أبويه؟... طبعا اكيد راح ترفع ايدك عليه بدون لا تحسب حساب وراح تأذيني وكل ما أكبر انت تتسلط أكثر ع اتفه الشغلات لأن فقيره واسكت موو؟....

چان مركز بكل حرف ودموعي تجري هز راسه بنفي صافن فتح شفته يريد يحجي ايد انثويه صارت ع ايده وخرتها حيللل صارت كدامي وحجت بنترر مصدومه

نانه : انتتت تخبلتتت علييي شلون ترفع ايدك عليها شهل تصرف هذا؟ شلون هيج تسوي كليي مقتنع بتصرفاتككك؟..شصاير؟

رفع حاجبه قرب عليها كزز سنونه ولزمها من شعرها حيللل حجه ورفع اصبع تحذير كدام شفتها

علي :، انتي بالذات الدايحه لا تحجين ولا حرف لأن تشمتين عيوني بيج لا أكثر وحتى قمر تضحك عليج بعد هذا كلامج مو انتي تعلميني شنو المنطق ولي من وجهييي...

دفعت ايده وحجت بنترر كدام عيونه ما وخرت

نانه : اولا احترم نفسك ولا تكول دايحه عيب عليك ثانيا ممنوع ترفع ايدك ع قمر واعصابك هاي حاول تلزمها ولا تبطش بأي واحد كدامك يا علي...

ابتسم مستهزأ مسح ع لحيته والتفت عقد حاجبه باوعت شفت رجال جاي يمشي بعد ما سد باب السياره وجهه حاده يتقدم علينه...

ساره : اجه فاروق عرفت راح يصير شي حجه وهو يقرب ع نانه لزم ايدها بقلق عيونه ع قمر الي شفتها جانت بيها دم عيونها تجري دموع تباوع بغرابه عليهم كأنو هيه الوحيده غريبه بينهم

فاروق : شبيها قمر؟ معقوله ضربتها؟

باوع مصدوم ع علي الي ابتسم بطريقه جنونيه رفع رأسه طك رقبته يحاول يتمالك أعصابه وشفت دمارات رقبته الي انتفخت ايده ع خصره انتفخت..... هز راسه وتقرب وكف كدامه وجه لوجه حجه عيونه بعيون فاروق الي وخر نانه وكف بتحدي كدام علي جانو نفس الطول بس علي أضخم عضلاته أكثر من فاروق

علي : اي ضربتها عندك مانع سيد فاروق؟..

فاروق : اكيد عندي ع اي اساس تضرب الطفله وهيه طالعه من حادث خطير شهل تصرفات؟... معقوله؟

حجه بثقه فاروق لزمت ايده نانه تريد توخره نزل عيونه علي ع حركتها باوعلها بنضرات مشمئز وحجه عيونه رجعها ع فاروق

علي : مالك علاقه اخي اخذ زوجتك روح من وجهي اضربها لا بكيفي اني ابوها...

باوعلها فاروق جانت خانسه مستغربه عليهم رجع عيونه ع علي وحجه بدون لا يستوعب شنو حجه

فاروق : انت مسؤول عليها بس مو ابوها وإذا انت مسؤول ما يصير تضربها مالك حق ابد... شهل همجيه؟...

رفع حاجبه علي بصدمه اشرله براسه بتكبر يعني وخر من وجهي بس هذا رجع حجه

فاروق : تعرف شي؟... ماريد احجي شي لخاطر لا تتأذه قمر بس انصحك انو دير بالك عليها خاف الله بيها حتى إذا مو بنتك حرام عليك هيج تسوي وياها... وت

بدون لا يكمل ما استوعبت شلون ضربه وكعه بقوه ع كاع لزم خشمه حيلل عاطت نانه دفعها علي ونزل بوكسات بكل قوته بوجه فاروق الي رفع ايده تلازمو من القميص وكسر وجهه بوكسات علي وصرخ بشررر وحقددد انتفخ وجهه بغضب نار

علي : ابن ال**** دايحححح ولككك انتتت منو تكلييييي مو بنتك هاااااا منو انتتتتت تكففففف بوجهيييي منووو ولك ابن الدايحححح جاااي تعلمني شلون اتصرف ويه قمررررررر....

جان يعيط ونانه تصرخ بصدمه تؤخر بي وهو يضرب بعشوائيه وحقد دفين انصدمت وخفت من شكله وقمر الي ماحجت ولا شي بس زادت بجي وعاطت حيللل راحت سريع لزمته

قمر : باباااااا كافيييي اتركه... باباااااا خلصص اتركه عفيه ياللهييييي خلصص...

دفعها بنفس اللحظه الي ضربه حيللل فاروق بوكس فر وجهه وصار فوكاه نزل أكثر بوكسات ودمه يجري من أنفه ويعيط صارت هوسه

فاروق : همجييييي حقيررررر نذللللل عديم الرجوله ما تنلام من عافتككك نانه رجعتلي لأنككك أكبر همجي بالدنيا متسلط تبطش بالناس شايف روحككك ع شنوووو؟؟

كال هيج بصراخ وضرب علي بوكس بقوه صارو متعادلين بس علي الي جره بقوه أكبر ضربه براسه حيللل رجعه وراا ودفع نانه براجدي انصدمت هذا ابدد مو بشر شهل حقاره شهكت واني اشوفه فوك فاروق مادري شكاله ورفع ايده بكل قوه ونزلها بوكس ع حلك فاروق الوجع حسيت بييي

نانه : لااااا ياللهييييي علييييي كافيييي عفيه كافيييي اتركه تخبلتتتتت.... ولكككك خلصصص اتركه....

كامت تبجي تريد توخره وهمه متلازمين واحد يغلط ع ثاني بصراخ لم العالم بس تباوع وعلي الي يكفر ويغلط وحجه حجي ما ينلبس عليه الثوب من القباحه بس اريد فاروق يسكت يستفزه أكثر

بقو هيج واحد يصد واحد يرد ما كدرنه نفكهم الا آدم الله جابه مادري شلون جان يركض دفع علي بقوه سحبه وصار كدامه يحاجز بي

آدم : علييييي اهداااااا تفضحناااا عيبببببب تعرفك الناس كافييييي....

فاروق : حقيررررر ماكو دايح وابن شوارع غيرك يا نذللللل عديم الرجوله لدرجه ترفع ايدك ع طفله...

جان يصرخ بي فاروق الي لازمته نانا وتبجي تمسح بالدم وعلي الي يهددد ولازمه حاجزه آدم التفت آدم ع فاروق وراح عليه صرخ بي ودفعه من صدره وكف كدامه بتهديد

آدم : انت شجابك هنااا روححح اخذ زوجتككك وليييي لا تحجيييي...

علي : دايححح....

نترر هيج علي وهو يمسح بشفته وخازرهم بغضب باوعتله نانه عيونهم بعيون بعض هيه تبجي وهو مشمئز سحبها فاروق وهو يحجي ويه آدم يمسح بدم أنفه

فاروق : اخوك واحد حقير وهمجي إلى درجه الجنون عباله يكدر يتسلط ع هذا وهذا....

باوع ع علي الي ضحك مستهزأ عيونه ب الأرض ايده الاثنين ع خصره بصق الدم من شفته

فاروق : ويجي يوم مثل ما عافتك نانه بسبب جنونك هذا هم تعوفك قمر وتشوف حياتها بعيد عنك وعن هاي الهمجيه....

تحرك علي سريع تزامن ويه فاروق الي دفع آدم وقبل لا يرفع ايده فاروق رجعه ببوكس علي بقوه وهم تلازمو بعياط تخبل علييي من كلامه

علي : ابن الك***** دايحححح نشوفففف شلون تعوفنيييي مو هيه صارت زوجتكك الحقيره حتى تعوفنييي..

فاروق : اشرففف منككك زوجتي انت الحقير يا نذللل ماعندك ذرة أخلاقققق...

آدم : علييييي كافيييي خرب بيومكككك شبيككككك قمرررررر شوفهااااا...

هو كال قمر وخر سريع علي بخوف يباوع ع قمر الي جانت واكفه يم السياره تبجي بصمت وجهها عباره عن بحر يجري مغسول دموع لابسه الجاكيت الأسود طالعه ملاك محطم مكسور جناحه شعرها لازك بخدودها عيونها عليهم بعدم اهتمام... تبجي ع حالها هيج جان واضح...

وكف علي الي خزر آدم لأن كذب عليه عاط بيهم آدم يرحون نتر ايد نانه فاروق بغضب يمسح بدمه هو وعلي واحد خازر الثاني بنضرات قاتله وتهديد

آدم : روححح شكو تباوععع روححح ارجععع اساسا لا تجي للفندقق حتى....

فاروق : ما مجبور تريد أنت ولي روحح ويه اخوك أني وزوجتي باقين بالفندق...

كال هيج ونانه تركت ايده تحركت راحت يم علي جنه مصدومين بس دنكت شالت الجنطه مالتها جنت مكتفه أيدي قريبه منهم باوعتله وحجت بدموع

نانه : ممكن يكون حقك تغضب مني وتحقد عليه بس ابد ما توقعت توصل بيك تصير منحط لهاي الدرجه من الوقاحه وعدم الاحترام وتحجي عليه كدام زوجي... ع أقل جان غزرت بيك الايام القديمه.. بهاي الأفعال والكلام انت هيج تكون رخصت من روحك يا علي....

اباوع ع ملامحه الي بهتت إثر كلامها كأنو تندم وحس بروحه ماكان لازم هيج يحجي عيونه بعيونها الي مليانه دموع مقهوره.... كدرت اسمع صوته وهو يمسح الدم من شفته مايريد يباوع عليها

علي : تعرفيني من اغضب ماعرف بروحي شحجي..

نانه : رفعت ايدك عليه مثل قمر انت تهسترت يا علي وهالشي ما يصير ومو عذر ابد لشي...

علي : زوجج الكواد خلاني هيج اصير وقمر ما ضربتها جنت احاول اسكتها ماتعرف بروحها شتحجي مو بقصدي فهمتي؟.. محد يحب قمر أكثر مني مو جايين تعلموني شلون اتصرف ويه طفلتي..

ابتسمت بحزن نانه دموعها نزلت أكثر مسحتها بغصه ع ملامحها وحجت هزت راسها

نانه : حلوه... مال طفلتي.... اني اعرفك أكثر وحده اعرفك شنو انت وانو مستحيل تأذيها بقصد... والحب والحنان واضح عليك وشكد تخاف عليها...

حرك راسه علي بعدم اهتمام بس لاحضت التوتر يخفي يمسح شفته ويباوع بكل مكان عداها وحجه

علي : اممم... انتي اكثر وحده تعرفني...! ماعرف المهم الله وياج روحي انتي وهذا الغبي ينتضرج...

نانه : ردت اشوف قمر احجي وياها بس مبين اليوم مشؤوم ماكدر احجي وياها اتمنى احتضنها وامسح دموعها بس انت ما تقصر واكيد غير مره اشوفها مادام باقين هنا ايام واحنه هم موجودين بنفس الفندق والطابق مالتنه ثاني طابق يعني بعيد عنكم...

علي : خوش افكر إذا تشوفينها أو لا مو ع هواج..

نانه : امممم اعرف ما تمنعني وتأكد بأي لحظة ادك باب الشقه مالتكم وادخل غصبا عنك....

كالت هيج بخفة دم هو جان يمسح بأنفه ولاحضت طيف ابتسامه ع شفته خفاها وحجه باوعلها رافعه حواجبها مبتسمه بتلاعب تلطف الجو

علي : روحي يله لا أفر وجهج هذا براجدي...

ضحكت هيه اني ابتسمت ع ضحكتها احب تكون فرحانه تطلع حلوه باوعت ع سياره جانت قمر تباوع عليهم مكتفه ايدها جافه عيونها من الدموع عاقده الحاجب بملامح ما فهمتها....

استغربت من تحركت بأناقه بطولها مثل نانه شعرها يتراقص بالهوا وراها وع عيونها..... عقدت حاجبي فاروق صاح من يمه كال نانه تعاي هيه هزت رأسها بس بقت واقفه...

وصلتهم من دون مقدمات لزمت ايد علي بقوه وتحركت سحبته وهو وراها مستغرب صار بصفها دنك بحركه خفيفه ورفعها مثل الريشه لحضنه حاوطته وصارت عيونها من ورا ضهره ع نانا ابتسمت مستهزأ عليها انصدمت من حركتها الغريبه....

اباوع ع نانه تحك بأضافرها بسنونها عاقده الحاجب هم مستغربه.... رحت يمها كتفت ايدها وحجت بهمس شارد عيونها عليهم جان يداعبها ويبوسها

نانه : ليش هيج سوت؟

ساره : يمكن غارت ع ابوها عادي...

نانه : بس ليش ابتسمت مستهزأه عليه؟

ساره : جانت بحاله مريبه يا نانه اني هم استغربت قبل شويه ضربها وهسه اجت أخذته وصارت بحضنه والله غريبين حيلل...

هزت رأسها بشرود وهمه صعدو ورا سحبها كعدها بحضنه نامت ع صدره وهو جان فرحان بيها يمسح ع شعرها وأدم الي شبع جكاير يتابع ويانه شمر الجكاره وطلعت سستر شايله جنطه مال قمر انطتها إله أخذها من عدها اشرلي ترحين ويانه كتله لا اروح وياهم سلم علينا وراح صعد ثواني وتحركت السياره وراح عيونه وراهم....

فاروق هم جان يدخن مرتاج ع مقدمه السياره صاح كال يله شكو صافنات....

تحركنه اني وياها وهيه حجت بشرود ايدها حضنت ايدي ارتاجت عليه بتعب

نانه : ماحبيت الحركه مالتها..

ساره : انجبي عادي اني هم ضجت عبالي راح تحجي وياج بس انصدمت... لا تفكرين بيها غير مره شوفيها ونتفاهم عندج سوء حظ ما يقبل تشوفيها...

نانه : اشوفها غصبا عن الحظ وأعتقد اليوم..

باوعتلها مصدومه حجت وهيه تفكر

نانه : اليوم اروح الشقة مالتهم بس بعد ما يرتاحون بليل...

ساره : مخبله؟... صدك؟

نانه : اي وربي.... أريد اشوفها احجي وياها مادام صارت احسن قبل لا يرحون واخسر الفرصه..

ساره : ماعتقد فاروق يقبل...

نانه : يقبل عادي اروح من ينام تعب هواي من الطريق وهو نعسان من البارحه...

ساره : مو خوش حجي ما يصير نانه عيب؟

خزرتني توقفت وحجت بغضب

نانه : شنو العيب؟ شنو شايفتني..؟ ليش عقلج يروح لغير تفكير؟.... اني رايحه اشوف قمر بنت اختي الي صار سنين ما شايفتها.... شوكت تفهمين انو ماكو انسان بحياتي اسمه علي لا أحبه ولا اكن اي مشاعر إله بداخلي غير الاحترام والمودة..؟.... دائما تعتقدين انو اني عندي مشاعر إله خاف عبالج من اضوج وافضفض لأن عاشقه بائسه؟... لااا بس لأن ضميري يأنبني لا أكثر....

ساره : اسف حبيبتي والله صايره اجفص مادري..

عافتني وتحركت كدامي وفاروق جان بالسياره يمسح بالدم ع وجهه وشفته.... صعدت هيه كدام واني صعدت وراها حرك السياره ويتمتم بغضب ويغلط ع علي.... تحرك رجعت ضهري بتعب حيلل تعبت وياهم قضيت الوقت كله من اول يوم الحادث لحد الان.....

صارو يحجون بالطريق هو ونانه واحد يرد ع ثاني هو يحجي بغضب ويتهدد ل علي... وهيه تكله أهدأ ما صار شي انتهى كل شي عادي... وأول مره يغلط عليها كاللها انجبي واسكتي وهيه انصدمت بس بلعتها لأن من يغضب هو يصير غير فاروق الي نعرفه وخاصه هسه لأن علي عنده ماضي وياه بسبب نانه جانو هواي يتعاركون عليها...

سكتت هيه وهو هدا رجع يرضي بيها ما حجت صافنه الطريق كله وهو كل ما يصفن يشمر كلمه ويحجي.. همجي... غبي... وشلون متحملته قمر... ويرجع يخزر نانه الي تناقرر بالحديث بغضب كالتله اسكت عني انت ماتعرف شتحجي أهدأ ونتفاهم...

كتفت ايدي ونمت واخر شي صفيت عقلي احتله مراد الي راح الصبح رجع لبيته واني اختل توازني وافكر بي كل ثانيه ياترى وين راح؟... ووين هو هسه؟.. وشدايسوي؟... وشنو الشي المهم الي مستعجل كل الوقت يتصفن يريد يرجع...؟

قلق توتر صابني وحزن عميق فطر قلبي بس بعدني اتأمل اتذكر كلامه من كال مطلق... يعني ما متزوج وحتى خاتم ماكو بأصبعه....

بس جان اكو شي مكان الخاتم صدمني ما انساه ابد لمحته من جان يأشر بيده ويحجي ويه علي...

جان اسم وشم اسود... مزخرف بطريقه حلوه واضحه صغير ناعم مكان الخاتم اسم بنت "رغد"

انصدمت صدمه عمري لزمت كلبي واني اتذكر غمضت حيللل بوجع وتخيلت كل الاحتمالات اكلت راسي اكل واكول لا ساره هاي اخته بعدين اكول أمه بعدين اكول يمكن مال طليقته وماعنده وقت يشيله...

والأخير أرفض اعترف بي اخاف وهو حبيبته؟.. معقوله؟... عنده حبيبه.... وهنا اعترفت لروحي بصمت وحزن انو الوشم يعود ل سعيده الحظ الي يحبها لدرجه وشم اسمها بمعصم اصبعه مكان حلق الزواج....

بقيت اردد اسمها بشفتي صافنه وادعي تطلع وحده من عائلته ومو حبيبه لأن حرفيا تدمرت واني ما متأكده....

______________________________________

______________________________________

______________________________________

س 8:20 ليلاً

اسمع صوت دقات الساعه المزعجه وسط الليل الصامت أو الشقة هيه صامتة خاليه من الروح عكس اول ما اجينه.... صوتي واني اعيط وابجي بطريقه ابجي بيها ع روحي...

طريقه معرفتي للأمر واني كاعده وحجاها عبالي يخبث وياي كالعاده بس بعد دمعته الي نزلت ع خده وهو يهمس احبج.... عرفت يعني الأمر بكل معنى..

احس وصلت لمرحله مخيفه من المعرفة افكر أفكار مو زينه بعدين تتغير ويصير صمت ما افكر بأي شي غير انام وارتاح ومحد يحجي وياي...

اول ما دخلنة الشقة صارت عيوني ع زوايا أشوف روحي بكل مكان وكل جانب... امشي خاليه من الروح وعمو آدم اجه ويانه بقى شويه ارتاح وحجه هو وياه ويه جده وجانت تشك اكو شي كاللها كم يوم وراجعين ماكو شي... واقتنعت فرحانه كالت ارجعو سريع....

وبعدها انكلب الجهاز اتصالات الاجهزه الاثنين هذا يدك منا وهذا منا كل شويه يرد ع واحد يسلم عليه عرفت ذوله جماعته عرفوه مسوي حادث... سده وكام يغلط ع آدم كاله ليش كلت... كال خبصوني يسألون عليك ولازم يعرفون حتى تأخذ راحتك بالإجازة...

وهم رجع يدك الجهاز صرعني ويرد عليهم مجامله بس واحد سمعته كاله سيدي يمكن أعلى منه بقى يحجي وياه بأحترام وبرود طولو بالحديث وشمر الجهاز الثاني ع آدم كاله انت رد عليهم...

وصدك ضل يرد عليهم وهو دخل الغرفه دقايق وطلع مغير ملابسه لابس تراك اسود شعره مبعثر شويه بس مرتب فوك..... باوعلي انطيته نضره جامده وتحركت عفتهم دخلت الغرفه نزعت الجاكيت شمرته وفتحت الكنتور لكيت كم ملبس إليه معلق أخذت ستريج اسود وتشيريت عريض نص ردن احمر ساده لبسته وارتاحيت باوعت ع لاصقات بيدي مزعجات.... رفعت شعري كبايه فوك...

فتحت الباب وطلعت استقرت عيوني بعيونه شابك ايده ينتضرني اطلع وأدم مرتاج ع قنفه يراسل ويحجيله....

شلت عيوني منه دخلت المطبخ فتحت الثلاجه أخذت بطل ماي شربت ورجعته.... وفكره تروح فكره تجي دخت حيللل وميته تعب من هاليوم الي شفت بي نانه الخاله الحنونه....

كشيت وجهي رجعته حسيت بوجوده وراي غمضت عيوني بغضب ضربت الثلاجه سديتها وتحركت من جانبه اريد اطلع حضني بقوه رفعني بخفه همس ع خدي بلهفه وعنف

علي : لا تسوين هيج قمر ماحب هاي الحركات..

دفعت وجهه عني منزعجه حجيت ببرود

قمر : تحبها ما تحبها هذا الي عندي مو بيدي اعذرني ونزلني اريد اروح انام نعسانه...

علي : جوعانه؟ تاكلين شي؟...

قمر : لااا ماريد سم...

علي : سم بكلبي...

بهتت ودعيت ويه روحي العافيه بكلبه

قمر : نزلني اريد انام تعبانه دايخه...

علي : رفعت ايدي عليج لأن كلتي عليه غريب واني ما استحقها.... اني الي حاولت اكون وياج لطيف رغم الألم الي بروحي....

سكت ثواني يحجي بخفوت وكسره غمض عيونه حرك أنفه ع أنفي وكمل كلامه بنفس النبرة

علي : لا تعاقبيني على أخطائهم... لا تعاقبيني ع الي أذاج قبلي.... لا تكونين قاسيه وياي يا قمر...

كال هيج برجفه طبع شفته بقوه سحب خدي وحضني جنت صافنه اسمعله وبس بدون كلام ماعندي شي بداخلي احجي لأن احس روحي بس جسد من دون روح ولا مشاعر ولا احساس.... باسني بأذني وهمس كأنو جان مبتسم بحزن

علي : هناا... بروحي اضمچ.. ما انطيج.. انتي مالتي روحي وراحتي عالمي الأبدي... تنتهي حياتي بأخر نضرة بعيونچ الزيتونية... ايامي من دونك يبابا ما تسوه شي.. تفهميني؟..

هزيت راسي بشرود محاوطته حجيت بهمس بأذنه

قمر : تعبانه وكل الكلام ما يفيد وياي حاليا نزلني اريد اروح انام حتى انفض كل الجنون الي بعقلي..

باوعلي بنضرات نفاذ صبر رفعت حاجبي هز راسه بحيره ونزلني بقى لازمني نفضت ايده مني وتحركت طلعت من المطبخ باوعلي عمو آدم ابتسم بوجهي بحب رفعت حاجبي بتفكير ماعرف منين اجت هاي الفكره..

تقدمت منه مبتسمه هو استغرب بس فتح ايده عرف طريقي وين... شمرت روحي ع قنفه نمت ع صدره حضني وطبع شفته ع شعري جان رافع رجله بالحذاء نزلها...

قربت منه شبك ايدي سويت روحي غافله عن النضرات المصدومه هناك يم المطبخ علينه... ابتسمت بعيون عمو آدم الزرقاويه الي مستغربه...

ثواني بس ثواني حسيت بخطواته علينه باوعت بعدم اهتمام دنك سريع سحبني من أيدي بنترر ملامحه الي نفذت صبرها... دفعت ايده مني حجيت مستغبيه

قمر :، شكو؟... ليش هيج سويت؟..

رفع حاجبه ع كلامي باوع وراي عمو آدم جان مصفن علينا رفع ايده وحجه

آدم : أهدأ معليه اني رايح ارتاح اخليكم ع هاي الحرب الصامته يله استأذن...

وكف هو شال محفضته وجهازه

قمر : عمو ابقى ويانه مشتاقتلك انت اكثر واحد اشتاقيتله من جنت فاقده...

كلت هيج بمكر بهت هو يباوعلي حك حاجبه عرف انو مو صح بس جاملني عيونه ع بابا ابتسم

آدم : ههههههه ما اعتقد... بس حبيت كلامج بعد عمج تعاي بوسه...

قرب عليه يريد يبوسني سحبني هو وراه سريع دفعه من صدره بخفه متنفرز

علي : انكلععع وليي يله شوفلك غرفه احجزها اكعد بيها أتحرك لا تصفن..

آدم : بس ما خليتني ابوسها؟...

علي : اكسر وجهك هسه لو تروح؟..

قمر : مع السلامه عمو مدري آدم المهم تبقى شخص عزيز بحياتي لأن عيشتوني بكذبه كل هاي السنين.. وانت سيد علي رايحه انام ماريد اسمع صوت ولا تكعدني على شي....

كلت هيج عيونه بعيوني كزز سنونه بغضب ع كلامي رحت واسمع صوته يحجي ويه آدم الي طلع طبك الباب وراه.... واني شمرت روحي ع فراش وسحبتها نومه لحد الان الساعه 8 بالليل....

رجعت من ذكرياتي صدع راسي فتحت عيوني بنعاس باوعت ع سقف الي عاكسه الأضويه الخافته بالغرفه مال تيبلام.....

سحبت اللحاف أكثر فوكاي شبكت ايدي فوكاه مصفنه بالفراغ ماعرف شكد نمت هواي الساعه ب 8 واني نمت من زمان صار ساعات طويله صدك جنت تعبانه....

التفتت ع شباك الواسع مال غرفه جانت ظلام اضويه خافته مال بيوت بس..... تحركت عيوني ببطء ع كل زوايا الغرفه بدون حركه والأفكار تدفقت براسي والذكريات والمقتطقات الحلوه اعتبرها حلوه اني..

ابتسمت بشرود ثواني صافنه بدون لا التفتت عقدت حاجبي قبضت ايدي ع لحاف من الشعور الغريب خطف بروحي.... قشعريره..... عرفته...

عرفته موجود بالغرفه... مدري حسيت احساس هو موجود.... التفتت ع كيفي استقرت عيوني ع جسد ضخم اعرفه حق المعرفه مستحيل انساه... جسد بقميص اسود واخيرا رجع لبسه احس اشتاقيت.. وبنطلون اسود مرفوعه ردانات القميص شويه حتى تنطي مجال للوشم الأسود يبين ع ايده....

وساعته السوده فخمه هم لابسها بيده.. بين أصابعه جكاره الجمر يلمع بعيوني.... والأيد الثانيه كالعاده جانت قوطيه سوده مال بيره.....

رفعت عيوني من الطلة الحلوه كأنو جان طالع استقرت عيوني بعيونه وملامحه الي مو حيل واضحه اضويه الغرفه خافته.... رفع الجكاره لطريق شفته سحب نفس مغمض عيونه ترس وجهه الدخان ويطلع من أنفه....

قمر : ليش كاعد بغرفتي...؟

حجيت هيج ببرود عيوني رجعتها ع سقف الغرفه.. عبالي تجاهل سؤالي ردت اعيد كلامي بس بعد مده طويله اجه صوته نفس قبل فارغ وما مهتم

علي : الغرفه وصاحبه الغرفه إليه....

كلبت عيوني وحجيت بنفس النبرة

قمر : همزين اني مو صاحبه الغرفه...

علي : الي نايمه بالغرفه ولسانها طويل وتثرثر هواي وتريد اكوملها هسه...

قمر : بنت مرتك لازم حتى تكوملي؟..عرفه صرفه؟

علي : ايباااخخ؟....

كالها مبتسم متفاجأ التفتت خليت ايدي جوه خدي اباوعله زفر الدخان من شفته يباوعلي بشرود حجيت عيوني بعيونه

قمر : تشرب جكاير وانت مريض؟...

علي : خايف عليه ابني؟...

قمر : لاااا بس سؤال سألتك...

علي : كتلج من قبل انو انتي تاخذين الأنفاس من تنامين؟...

رمشت بثول حجيت بتساؤل

قمر : من شوكت كاعد هناا؟؟..

علي : صار ساعات طويله واني اتأمل ملاك صغير ناعم نايم كدامي تحت الأضويه الخافته.. اكو احلى من هالمنظر؟....

ضغطت ايدي لا إرادي صافنه بعيونه بعدها تتأمل بيه حجيت بعدم اهتمام

قمر : ليش مبدل؟... وين جنت....؟

علي : اجو عليه جماعه يعرفوني هنا طلعت عليهم..

قمر : وياك؟... بنفس مكان العمل؟..

علي : لاا مو نفس المكان بس عندي تواصل قوي وياهم... وعرفو مسوي حادث...

قمر : طولت يمهم؟...

علي : لاا نص ساعه ورجعت...

قمر : تعشيت؟..

علي : اي..

قمر : شنو اكلت؟..

علي : جكاير...

رفعت حواجبي وهو طفه الجكاره بصفه ع طاوله زفر الدخان حجيت واعتدلت بكعدتي شبكت ايدي كدامي بالفراش

قمر : البيرة تشبع هم تعبتر عشا لهذا ما تشتهي...

علي : هاي مو بيرة...

باوعتله عيوني ع قوطيه سألته مستغربه

قمر : لعد؟؟ عصير؟..

ابتسم وحجه ونزل ايده سندها كدامه ع رجله يحرك بالقوطيه بشرود مثل الخدران....

علي : عصير طيب... ويريح الأعصاب.. توقفت تفكير من شربته...

اباوعله مستغربه ركزت بي رفع عيونه عليه مو واضحه حجيت اتأمل بي جانت حالته مدري شلونها

قمر : بابا شنو هذا؟...

علي : حليب...

قمر : بابااا سألتك شنو هذا؟... وليش هيج تحجي؟

علي : مشروب نسيت شنو نوعه بس اعتقد المفضل عندي....

قمر : انت سكران؟..

رفع حواجبه حجه بطريقه غريبه رجع ضهره بأريحية ع كرسي

علي : اخاف الله اني ما اشرب...

قمر : شهل حركات؟... انت مو بس بيرة تشرب؟...

علي : بكيفي اشرب الي يعجبني...

قمر : اطلع من غرفتي...

علي : احبچ...

حجاها بخفوت وصوت عازف رديته بفتور

قمر : ما تتعب وانت تكول هاي الكلمه كل شويه؟؟..

كلت هيج بقى صافن ثواني طويله رجع راسه غمض عيونه القوطية بيده... عبالي تجاهل كلامي بس حجه بصوت خافت ونبره غريبه من الحزن

علي : ما اتعب ابد.. ممكن اتعب ويه الكل واساسا ما ابادر ويه أحد حتى إذا كانت زوجة أو حبيبة أو أي إنسان اعرفه بحياتي... بس انتي وحدچ ما اتعب وياج ابد مستعد العمر كله احضنج واحجيلج شكد تعبانه روحي وتحبج وانو اعتذر عن كل لحظة قهرتج بيها بس اني عدال كل الي صار وياج اني اكثر وازيد منج.....

جان يحجي كلمه كلمه ويصفن بالفراغ خلص كلامه ويه دموعي الي جانت تنزل ع وجهي من دون أراده رفع راسه عليه ووكف ع حيله شرب القوطية كلها غمض عيونه بقوه هز راسه من قوه المشروب...

عض شفته وشمرها بأهمال واني اباوعله شابكه ايدي بحضني صار يتقرب وعصر بين حاجبه بوجع وصل يمي ودنك راسه سند ايده ع فراش بتعب عرفته سكران بس صاحي....

مصفنه بوجهه باوعلي مده طويله بعيونه وتحرك صعد فوك الفراش اني كشيت وجهي رجعت ورا سريع الغطا فوك رجليه سحبته...

باوعلي بعيون بيها خطوط حمره ودمار منفوخ بجبينه خفت شويه من شكله ردت احجي بس هو حجه قبلي يباوعلي

علي : تخافين مني؟..

قمر : لاا بس انت ماتعرف بروحك شداسوي أطلع من غرفتي...

حجيت بفتور رفع حاجبه وقرب أكثر بقيت جامده مكاني عيونه بعيوني رجعت ع مخاد بعدم اهتمام خاف عباله اتأثر بي نفس قبل نفضت شعري الي مبعثر من النوم...

علي : تحبيني؟..

رفعت حاجبي ببرود وحجيت اباوعله صار قريب مني حيلل

قمر : تعرف الجواب...

علي : اذا تحبيني...

قمر : اعتقد العكس...

كلت هيج انسحبت حيللل شمرني ع فراش بصفه باوعتله بخزر جان مبتسم ومبين يعرف شدايسوي كمت اريد اوخر دفعني من صدري بخفه صعد فوكاي سند ايده من الجهتين تصنمت نزل جبينه ع جبيني لامس أنفي وحجه بهمس بألايطاليه

علي : Mi manchi dannato
        اشتقت إليكِ أيتها اللعينة

عقدت حاجبي مافهمت بس لعينة دفعته من صدره ونترت بي بصوت

قمر : وخرررر عنييي ريحتككك محلوه... ولا تكول لعينة...

ضحك بصوت جانت ضحكته تجنن بس تجاهلتها دنك راسه عليه طبع شفته بخدي تحركت منزعجه أنوب نزل شفته ع اذني عض شحمه اذني بخفه دفعته من فكه لزم ايدي بقوه خلاها بصفي باوعلي بخدر عض طرف شفته وحجه بخفوت عيونه بعيوني

علي : وين ضربتج؟...

صفنت بوجهه بألم واتذكر شسوه ثواني طويله مصفنه بعيونه حجيت مستهزأه

قمر : ع شفتي...

كلت هيج استغربت من ابتسم بوسع نزل عيونه ع شفتي وحجه بتلاعب

علي : جنت اريد ابوسج ع مكان إلى اذيتج بي بس المكان خطر موو؟...

فتحت عيوني بصدمه دفعته حيللل لزم ايدي قبل لا اكوم دفعته بنترر رجعت وراا تركني وباوعلي رجعت ع مخاد حجيت بفتور نفضت شعري

قمر : ميانه زادت اعتقد موو؟؟...

علي : ليش ما انتي هم تذبين ميانه وياي؟ وتصير علاقتنه تجنن...

حجه هيج يتلاعب مبتسم كشيت وجهي وحجيت شمرت المخده بحضنه لزمها

قمر : ماريد هاي الميانه كافيه سيد علي واطلع برا ماريد اشوفك لأن شكلك مكثر شرب ماتدري بروحك شتحجي...

شمر المخده بصفه وارتاج عليها بعكس ايده بأريحيه صار بوسط الجربايه ع لحاف مالتي كتفت ايدي اني كدامه.... ضيق عيونه ابتسم بطرف شفته خصلات شعره ع جبينه مبعثره.... بقينه هيج واحد صافن ع ثاني كلبت عيوني بفتور ضحك شويه وحجه بصوت عازف

علي : كومي جيبي باكيت الجكاير هناك..

قمر : لويش اني؟... معليه..

مدت رجليه كدامه باوع ع حركتي كتفت ايدي بعدم اهتمام

علي : تعاي..

عقدت حاجبي أشرلي براسه اتقرب هزيت ايدي واثق من روحه حجيت كلبت عيوني

قمر : عبالك ذيج قمر تجي تركض بحضنك؟ لا متوهم بعد ماريد حضنك ولا أريدك...

علي : أراهن مشتاقه لحضني هسه...

باوعتله بصفنه الصراحه اي مشتاقه يا اناني حجيت بكلبي وشلت عيوني منه.... شويه وسحبني حيلل من رجلي انصدمت رفعتها كمت اكمز واسحب بيها

قمر : لااااا وخرررر يعععع لا عبالك كلشي تمام وخرررر تراا ماكدر وساكته عنككك وخرررر شكد تلحححح...

دفرته ع بطنه وهو يضحك عصر رجلي حيلل وسحبني بقوه صرت بصفه قبل لا اتحرك حضني دفن وجهي بصدره كسرني اختنكت

علي : هيججج ابقي اريدج هناا قمرتي زيتونتي طفلتيييي احضنينييي بلا وكاحه..

رفعت راسي بنترر أخذت نفسس نزل وجهه ع وجهي حجيت بغضب رفعت اديه ع صدره

قمر : اكرهككك وخررر عني اصلا ما احبك..

علي : حيلل ما تحبيني بس تعايي بوسه بالرقبه هاي...

كال هيج ودفن وجهه برقبتي حيلل تنفرزت رفعت راسي وحركته سريع ما انطيته مجال وهو يغلط ويضحك الا ثبتني من خصري صعد فوكاي عضني بخفه وحضني يحجي بلهفه شبك ايده بيدي

علي : يححح مشتاقلج ولجج اكرطج كرط احد يكلي ليشش؟... تخبلين انتي تخبليننن...

يحجي ويحرك بشفته برقبتي قشعرت غمضت عيوني حجيت ضغطت ايده بيدي

قمر : شداسوي انتتتت؟....

حجيت مستغربه مدري من شنو وهو عادي قبل هم جان هيج بس هسه احس بغرابه.... حسيت بي رفع راسه فتحت عيوني شفته صافن عليه بضياع عيونه خدرانه رفع ايدي ع نعومه الفراش بصف راسي شابكها بقوه جانت نضراته أغرب نزل عيونه ع شفتي حجه وطبعها ع حنكي بحراره

علي : شتكولين أنتي؟..

فتح عيونه بعيوني عقدت حاجبي صافنه ثواني طويله رمشت بضياع وحجيت بخفوت

قمر : احس هاي الحركات ما يصير تسويها وياي ممكن تحبني اي بس لا تحتل جسمي بهاي الطريقه كأنو زوجتك....

كلت هيج بدون عواقب ماعرف بشنو فكرت من نطقت هيج كلام... بهتت ملامحه فغر شفته يباوعلي بصفنه عقد حاجبه مده طويله وحجه بصوت غريب

علي : زوجتي؟... احتل جسمج؟... ليش شسويت؟

قمر : ماعرف...

علي : حقج تردين الألم إليه أضعاف الي سويته وياج بس كوني شويه لطيفه لا اكسر راسج....

قمر : كوم عني يله..

حجيت بفتور نزل شفته فتحت عيوني هذا وين يريد جان مبتسم قرب ع شفتي انصدمت صدمه عمري بس ماعرف شلون البوسه صارت ع أنفي...

رمشت بثول وهو باوعلي بتلاعب يتفحص ملامحي وضحك عليه احتريت دفعته حيلل ضربته ع صدره بقوه جريته من شعره شالني وهو يضحك شمرني ع فراش

قمر : اطلععععع برااا...

باوعلي مبتسم بوسع يعدل بشعره ساند ايده ع فراش تنهد براحه وحجه يباوعلي

علي : اريد انام يمچ..

قمر : ما تنام اطلع من غرفتي عندك غرفه..

علي : احب انام يمج يعجبني البيت كله مالتي وانتي مالتي...

قمر : مو مالتك اني...

علي : روحي انتي... حبيبي طفلي قمري زيتونتي العفريته مالتي...

قمر : اننننننن...

كلبت عيوني سحبت اللحاف هو سحبه رجعت سحبته هم سحبه وبقينه هيج خبلنيي كمت اعيط وهو يضحك عليه عفت الغطا ونمت لميت روحي مثل المخده درت وجهي عنه....

شويه وتقرب مني صار الغطا فوكاي بس هو صار وياي تغطا وأيده تسللت لبطني سحبني لزكني بي لزك وحضني ضهري ع صدره.... صفنت عدلت راسي ع مخده رفعني شويه خله ايده جواي...

قمر : لا تلزك بيه لهالدرجة...

علي : ههههههه جريئه صايره؟...

قمر : اي ابتعد شويه شنو هاي؟...

اريد اوخر حضني حيلل وعناد قرب عليه كل جسمه لزكه بيه لزك سحب رجليه بين رجله وجهه برقبتي وشعري نزل ع كتفي سحب الغطا أكثر غمضت عيوني ماعرف شلون سريع تذكرت كل الايام قبل من يكلي نانه ويهمس بأسمها دائما...

ومن يحضني بغرفتي ويحجي كلام ما مفهوم لا تكسريني ولا ترحين مشتاقلج يصفن بعيوني وبعدها ينتر بيه من يعرف اني قمر ويحد سنونه عليه واني أشبع بجي الليل كله وما يهتم.... ويجي بعدها هم يتخيلني نانه جان يحجي بكل جوارحه وشكد مهووس بيها وشلون حزين عليها ومكسور من بعدها وشكد يحبها واني اتحسر ع ذره حب من عنده جانت مستحيله....

نزلت دمعه واني ويه كل ذكره اتخبل أكثر غمضت حيللل صوته وكلامه يرن بأذني من ينتر ويعيط بيه واقارن بين حبه الها وبين حبه إليه وشكد عانيت..

ويه ذكرياتي وخبالي ويه كل ذكرى جانت شفته تنزل ع كتفي فوك التشيريت الأحمر وأيده ع طول ذارعي نزولا لايدي يشبكها نزولا لبطني يحضني أكثر..

فغرت شفتي مغمضه واتذكر الحزن الي شفته واستشعر بحركاته البطيئه ع جسمي استوقفتني همساته بأذني جان يسحبها بشفته بلهفه بطريقه صنمتني

علي : تشهد مريم العذراء ع حبي الج يا توأم القمر...

نزلت دمعه تايهه ع خدي رفع راسي من فكي بيده يداعب برقبتي بنعومه شفته ع اذني رجفت بحزن فتحت عيوني بحقد بعد ما تذكرت كلشي وشلون جان يشوفني نانه حجيت بهمس متحجرش

قمر : جنت دائما تشوفني نانه حبيبه روحك... واني الي جنت اطلب الحب منك بس ينتهي الأمر بيه بنتر لو كلام يسم روحي... لأن حضرتك طلعت من خيالك وعرفت اني مو نانه....

غمضت بدموع بقى ساكت الصمت تارس الغرفه توقفت حركاته ولمساته وأيده ع رقبتي مسح عليها بنعومه لزمني من فكي وحركني لفني سريع ع صدره صار وجهي مقابيل وجهه جبينه ع جبيني استقرت عيونه بعيوني الدامعه وحجه ايده ع حنكي

علي : تخطيت هاي المرحله صار فتره طويله وانتي تعرفين زيتونتي... ليش هالدموع تروح فدوه كل نانه لعيونج... انتي روحي وحبيبي وابني وطفلي محد غيرج موجود بحياتي اني عايش لأن اكو وحده اسمها قمر بالحياه عيونها بلون الزيتون والحشيش انفها يشبه المارشميلو... هاي البنية اني احبها فوك الحب عشق مخيف....

قوست شفتي اسمع كلامه الحلو وحزين بنفس الوقت دموع زادتت أكثر بوجع بكل روحي مسحها بطرف اصبعه ونزل شفته غمضت ويه احساس قبلاته الناعمه جوه عيوني وحده ورا الثانيه قربت منه أكثر حضنته حيلل دفنت وجهي بصدره رفعني سريع وكعد استغربت صرت بحضنه صارت رجليه منا ومنا قربني من خصري حاوطته نزلت جبيني ع جبينه مغوشه دموع نزلت دمعه ع شفته...

ابتسم وأيده تمسح ع خصري رفع شفته الي بيها دمعه طبعها ع أنفي ومسح دموعي بشفته بطريقه حلوه

علي : اهمسي بصوت حلو بأسمي...

فتحت عيوني عقدت حاجبي رمشت اجفف دموعي حركت أنفي لا إرادي ع أنفه غمض مبتسم بهيام حجيت بصوت متحجرش

قمر : ليش تحب اكول اسمك؟..

علي : اسمي بشفتج قصة ثانيه... أريد اسمعها كل يوم.... يله كولي قمري... يله ابني كول اسمي...

قمر : ماحب...

علي : يله لا تعاندين كولي...

قمر : صعبه...

علي : ماكو شي صعب وياي... يله زيتونتي...

قمر : باوعلي...

فتح عيونه الي بيها خطوط لونها أحمر حركت ايدي نزلتها ع لحيته وشواربه جان ضايع واني صافنه بشرود اتذكر الصار وايامي قبل وياه وشلون يعاملني وخاصه من يتذكر بيه نانه ارتجف جسمي حجيت بهمس صافنه

قمر : سيد علي ماعرف شلون راح اعيش وياك بعد؟..

كلت هيج بحزن هو تغيرت نضراته صافن ثواني طويله رفعني أكثر حاوطته برجليه اديه ع كتفه سحبني من رقبتي أنفاسه تلفح شفتي حجه حاد سنونه بلهفه

علي : هيج راح تعيشين هنا بحضني تنامين بضلوعي انتي مالتي مستحيل تبتعدين عني حتى من غرفه لغرفه وين ما ترحين اني وياج فهمتي!....

قمر : شلون؟... احس صعبه حيللل... هواي امور تغيرت بحياتنا...

علي : ماكو شي تغير كلشي تمام... بس كوني مطيعة لا تكونين قاسية وياي خلينا هيج بهاي الحاله قمري ينبوع قلبي انتي من جنتي هالكدج صغيره وغبيه اخذتي روحي جنتي تعرفين شلون تلعبين بمشاعري دائما وابدا الوحيده الي سيطرت عليه اني بحاله من المرض وياج... مهووس بيج يا طفلتي.. مهووس بتفاصيلج....

جان يحجي بحب وطريقه مخيفه عيونه الي محتله عيوني ايده الي جانت تتحرك ع خصري نزولا وصعود قربني أكثر لحضنه ايده تمشي ع خدي ورقبتي بلهفه بوسط الإضويه الخافته نزلت دموعي أكثر مادري بروحي جنت ابجي...

عقدت حاجبي غمضت حيللل من حركته طلع لسانه ويمشي بشفته ع دموعي مسحها ويطبع بوسات خفيفه ما جنت اعرف بروحي انزل حسيت بالفراش جواي وعيونه بعيوني صعد فوكاي محاوطني وشفته نزلت انصدمت صافنه مثله جانت ايدي ع كلبه الي يدك سريع كأنو اسمع نبضات قلبه العاليه...

عض شفته بقوه كأنو يمنع روحه من شي نزل أكثر فتحت عيوني ع وسعها قبل لا يلامس شفتي كمزت ع صوت الباب الجرس يدك...

رجعت وراا كعدت نزلت من الفراش وكفت فاتحه عيوني مبهوته شنو الراد يصير هسه؟... باوعتله غمض عيونه هز راسه طلع من حالته اخذ نفس ونزل مثلي جان التوتر تارس الغرفه كتفت ايدي من وكف عدل شعره بتردد اني التفتت لغير جهه خليت ايدي ع رقبتي حاره...

علي : ااا... ق... قمر...

حجه بتلعثم جاوبته من دون لا التفت لعيونه

قمر : هممم...

علي : نزلي التشيرت مالتج...

جفلت باوعت سريع مصدومه جان مرفوع من بطني نزلته سريع نزلت شعري وكتفت ايدي اكلت إضافيري صافنه سكوت والباب يدك شويه وحجه بصوت جان حلو مثل الضايع بحه غريبه

علي : احبچ.. قبل لا اطلع باب الغرفه اعرفي دائما انو اني اعشقج مستحيل تلكين بالعالم كله انسان يخاف عليج مثلي... ولا يريدج مثلي... ولا يفرح بيج مثلي اني .... ابد ما تلكين الأمان ويه أحد غيري... اني ملجأ روحج تذكري هالشي دائما حبيبي....

حجه هيج وجان كلامه بي سر عقدت حاجبي باوعتله وحجيت بخفوت

قمر : شنو اعتبر هذا الكلام؟؟..

رفع حاجبه وتحرك ع باب رفع شعره وحجه ماخذ الجهاز مالته من الميز

علي : اعتبري بدايه حياتنا...

قمر : شنو قصدك؟..

سألته بفتور فتح الباب وطلع واني صفنت ع فراش لزمت شفتي بشرود واسأل روحي شنو الصار أو شنو راد يصير لو ما اندك الباب؟....

غمضت حيللل بغضب نفضت شعري رتبت الفراش مبعثر وكعدت بطرف الجربايه عيوني تتأمل بالفراغ ع مكانه الكرسي الجان كاعد عليه......

______________________________________

______________________________________

______________________________________

عضيت شفتي بحيره اباوع بالممرات مال فندق منا ومنا كلها داخل محد موجود خارج بس اني... تشجعت واجيت هاي فرصتي احسن ما اندم وتروح قمر بعد ما اشوفها.... دكيت جرس الباب مره ثانيه تأخر يمكن ما يسمعون؟... او يمكن طالعين معقوله؟..

رفعت ايدي بعد دقايق طويله هم دكيته وكفت انتضر رجعت شعري ورا اذني خليت ايدي بجيب القمصله مالتي بارد الجو متت...

رفعت عيوني من تحرك المقبض وانفتح الباب طلع هو بطلته كله لابس اسود شعره مبعثر ومتوتر بسبب شي شفته ورديه تغيرت ملامحه من شافني صار بارد زمم شفته رفع حاجب بحيره....

تحمحمت بتردد ابتسمت وحجيت رفعت كتفي بعد ما طال الصمت

نانه : ثلجت حيل بارده ابقى واكفه هنا؟...

صفن شويه رفعت ايدي كلبت شعري رجعت اديه بجيبي فتح الباب بعد مده من النضرات الطويله واشرلي براسه ادخلي.....

تحركت بغرابه وتوتر دخلت سده وراي رفعت عيوني ع شقه حيل حلوه الصاله نازكه تجنن.... بقيت واكفه اشوف بالمكان حسيت بنضراته وراي رجفت بلعت ريقي وباوعتله جان مرتاج ع باب مكتف ايده وكفت دقيقه هذا الرجل هو نفسه الي حبيته قبل والقدر ما رادنه نكمل وابتعدنا كل واحد بطريق مثل الغربه ولا كأنو نعرف بعض...

استوقنا لحضات طويله بعيون بعض مو حب ولا رومانسيه بس جانت ذكريات أو خذلان بعيونه صافنين بس هيج بلا كلمه ولا حرف بتردد...

نزل عيونه ع طول جسمي ببطء باوعت لمكان ما استقرت نضراته جان ع كعبي الأبيض عالي وبس سير اثنين ع شكل اكس حاضن أصابعي ورجلي...

ابتسمت وحجيت باوعتله

نانه : احب الكعب أكثر من البوت...

علي : تغير ذوقج؟..

نانه : اممم تكدر تكول هيج...

هز راسه بشرود حجيت نطلع من جو التوتر

نانه : ليش الشقه صامته؟...

تحرك من مكانه باوعت ع ضهره راح يمشي ببرود وشمر روحه ع كرسي مال قنفه رجع ضهره وحجه يمسح ع شواربه عيونه بغير مكان مو عليه

علي : زوجج وين؟..

فركت ايدي أو بالأصح خاتم الزواج مالتي تحركت بكعبي دخلت الصاله المثاليه وحجيت عيوني ع أثاث

نانه : تعبان وراح نام... طلعت ويه ساره تعشينه هيه رجعت لغرفتها واني كلت اشوف قمر شلون صارت...

هز راسه وأيده ع شفته صافن عليه حرك ايده اشرلي اكعد ابتسمت ومشيت كعدت مقابيله شبكت ايدي بحضني حجيت من شفت حالته وشعره المبعثر

نانه : اممم... شنو سبب حالتك هاي؟..

رفع حواجبه حجه متنهد

علي : ماعرف...

اختصر الموضوع ما يريد يحجي رفع ايده ع شفته وحجه يباوعلي

علي : كومي...

عقدت حاجبي حجه أشر ع ميز هناك بالزاويه

علي : باكيت الجكاير مالتي هناك جيبي ويه الجداحه...

ابتسمت مستغربه وكفت ومشيت الكعب يسوي صوت حجه وراي

علي : ما يليق بيج الكعب...

هزيت راسي واني اتذكر ذكرى قديمه حجيت  اخذت باكيت الجكاير اسود وجداحه سوده عليها جمجمه

نانه : اتذكر واحد قبل كالي من تلبسين كعب تطلعين عارضه ازياء....

باوعتله ومشيت مديت ايدي أخذهن مني ما حجه شي رفع عيونه عليه ثواني وحجه ببرود

علي : اكره عارضات الأزياء...

ابتسمت ومشيت كعدت ع قنفه طلع جكاره ورثها اخذ نفس قوي زفره ببطئ عيونه عليه كاعد بأريحيه جان مبدل كأنو جان طالع.... صاير أضخم من قبل..

باوعت بأرجاء البيت حجيت شبكت ايدي بغرابه خلاني أشعر بيها

نانه : وين قمر مالها حس؟..

زفر دخان ونزل ايده ع حافه القنفه

علي : بالغرفه...

نانه : تعشيتو؟..

علي : لاا ما تقبل تاكل...

نانه : ليش؟

علي : هيج.... دلال بعد شويه تاكل...

ضحكت ع كلمته رفع رأسه بعد شويه وصاح بصوت يباوع ع باب الغرفه

علي : قمررررر...

رفعت حواجبي عيوني ع باب ما اجه صوتها رجع صاح اخذ نفس من الجكاره

علي : قمرررر وينججج...

كال هيج اجه صوتها بنترر من ورا الباب

قمر : خيرررر ما تتعب وانت تكول اسمي؟...

صاحت هيج ابتسمت اني باوعتله جان طيف بسمه ع شفته اخذ نفس من الدخان باوعلي وحجه بصوت وياها

علي : قمريييي تعالييي شويه...

قمر : مااااا اريددد... نعسانه...

علي : قبل شويه كعدتي شنو نعسانه؟...

ما اجه صوتها ضلت ساكته هو خلص الجكاره طفاها كدامه ورجع صاح

علي : قمرررر تعاييييي سريععع..

قمر : اكرهككك تعرففف؟..

صاحت هيج تفاجأت باوعتله مسح ع شفته وحجه بصوت عالي

علي : تعاللل حبيبيي....

قمر : اننننن...

حجت تقلده ابتسم هو نزل راسه بحيره باوعلي شبكت ايدي كدامي مبتسمه ع كلامها ساكتين واجه صوتهاا بفتورر

قمر : جوعانهةةةة اريد اكللل...

علي : تعايي اني هم جوعان..

قمر : ما اجي اوك؟..

علي : ليش تخليني اكوم؟...

قمر : خفتتت عفيههه...

كتمت الضحكه وهو عض شفته رجع ضهره وحجه بصوت حازم

علي : آخر مره اكلج تعايي قمررر سريععع...

كال هيج وتقرب صوتها وهيه تحجي عرفتها اجت

قمر : انتتتت شبيكككك؟.... وهااا مره ثانيه لا تقرب عليه ه.....

اول ما طلعت وهيه تحجي قطعت كلامها تصنمت من شافتني بهتت ملامحها عقدت حاجبها ثواني طويله عيونها بعيوني...

نزلت ايدها من الحايط وكفت اني ابتسمت اتأملها جانت حالتها مثل حالته شعرها مبعثر ملابسها الحلوه تشيرت احمر نص ردن عريض وستريج اسود....

علي : قمري...

باوعتله بتساؤل وغضب بعيونها وتقدمت علينه وكفت يمه

قمر : لا تكول قمري...

حجت هيج بغضب باوعتلي تقربت عليها سحبت ايدها وحضنتها حيللل بدون مقدمات اشم بشعرها جانت مليانه عطر مالته هسه حاط منه عرفت جان يمها قبل لا اجي....

باوعتلها جانت جامده ما تحركت باوعتلي بفتور وعدم اهتمام

نانه : شلونج عمري؟... شلون صرتي؟...

قمر : وخري عني اولا...

وخرت ايدي بغرابه ورجعت ورا كتفت ايدها حجت تباوعلي مشمئزه

قمر : برأيج شلوني؟؟... خالتي مدري امي ماعرف بيا كذبه عايشه اني؟..

نانه : بدون لف ودوران اني مالي علاقه بكل هاي الكذبه اكلج من الاول... الشي الوحيد الي اني الي علاقه بي هو ابوج كم شهر وانفصلنا مثل أي ناس تنفصل وكل واحد شاف حياته... وبس هذا العندي..

رفعت حاجبها ضحكت مستهزأه قربت عليه وحجت بحده

قمر : مو أبويه.... لا تكذبين...

نانه : لعد منو؟...

قمر : رباني فقط لأن عندي خاله وأم وجد ماعندهم ذرة رحمه وخوف أنطوني لواحد غريب...

نانه : اي هو الي رباج.... قمر عمري ومريم العذراء اني مالي علاقه بهاي السوالف كلت لميرا من الاول رغم جنت بأسوأ حالاتي واني اتعالج يم طبيب نفسي كتلها لا تنطيها لأحد تندمين وهيه ما سمعت مني وجدج الي رفض حتى امج ما قبل بيچ بحياته لأن ميرا عافته وفضلت حبيبها الي هو ابوج...

قمر : مثلا تردين تقنعيني انتي مالج علاقه؟..

نزلت دمعه من عيوني حجيت بشرود كدامها

نانه : حقج بكلشي... أحنه كلنا غلطنا بحقج بس اني ابد ما قبلت بالصار رغم انطتج لأحسن شخص اعرفه وهو علي وعرفت انو احسن حل هذا لأن ماكو احسن منه راح يدير باله عليج هو يستحقج....

فتحت عيونها سحبتني سريع من القمصله حجت بصدمه

قمر : انتيييي واعيه ع كلامج هذااااا؟؟... هاااا انتي واعيه ست نانه الخاتون؟..... انتو انطيتوني لواحد غريبببب غريبببب ماعرفه افهمي يا بشرررر يا ما تخافين الربببب انتي عديمة ضميرررر إلى هاي الدرجه وتحجيها تكولين انطيتج لفلان لأن يستحقج؟؟...

نانه : قمررر عمرييي خلينا نحجي بهدوء مو زين عليج...

قمر : خايفه عليه؟... الحنيه مالتججج شدعواااا ع كيفجججج يا انذل خلققق الله انتيييي قذرة حقيره..

دفعت ايدها حيلللل عطت بيها

نانه : كافيييي اهدييييي قمررر لا تغلطين حبيبتي اني خالتج واكلج انو مالي علاقه لأن وقتها حالتي صعبه حيللل وجنت مريضه لأشهر طويله وامج الي فقدت ابوج تدمرت دمارررر وحايره بيج وجدج الي تبرة منهاااا وما ساعدها ابد جان ينتضر ترجعلهةةة وانقطع بيها الطريق ومنااا علييي الييي جان بحياتنا ومشاكل ويه أبويه ووياي لأن حضرته ما قبل بالانفصال بالتحضر...

انام اكعد لكيت ميرا منطيتج لعلي وراجعه للبيت وحالتها حاله اربع دكاتره من الخارج حتى يعالجونها يعنييي كل اللوم يكون ع جدج الي رفضج علمود سمعته وعلي الي سهل الأمر لميرا لأن زاد بمشاكله ويانه ويوميه واحد من عائلتنا داخل السجن ما ترك الأمر إلا اخذجج واختفى من اتصالات وكلشي رغم جان الاتفاق نبقى ع تواصل اني خالتج وهيه امج تروح وتجي عليج بس هو الي غدر بالأمر خوفا لا ياخذونج وحقدا علينا وزيف الحقيقه خلصصص....

قمر : سكتييييييي يا حقيره اكرهجججج ولججج اسكتيييي اهخخخخخ انتوو ضحيتو بيهههه كلكممم انييي عنديييي عائله جبيره تسد عين الشمسسس ومحد تقبللل وجودي بحياته كلكممم عاراتتت تخليتووو عنيييي ليششش شمسويهههه اني ليششش ولكمممم جدييي ليشش يكرهنيييي ليشششش....

علي : قمررررررر اهدييي كافيييي تعاييييي..

راح عليها علي تخبلت من شكلها جانت متسهتره وتبجي بوجع وعياط حضنها حيللل وهيه تعيط تدفع بي من صدره آخر شي صرخت بقوه تخبلنا هزت المكان دفعته وعاطت تضرب ع وجهها الأحمر

قمر : انتتت اكرهكككك حقيرررر طول الوقت جنتتتت تتخيلنييي هايييي نانه ليششش حتى انت رفضت تتقبلني بنتك دائما وابداااا جنت تتخيل اني نانه ونانه ونانااااا بكل وقتتتتت نانااااااا ليشششش...

وانيييي وينننن عائلتي ويننننها ليشش ماعنددي.... جنتتت بكل وقت تشوفني هيه يا حقيرررر اكرهكككك حتى حنيتك مرات تخليني اخذ نجمه من السما بس لأن اني أشبه نانااااا الله ياخذكم واخلص منكممم ما جنتتت تحبنيييي لأن أني قمررررر عذبتنييييي هواييييي أن شاء الله تموتتتت اخلص منك انت وناناااااااا.....

تخبل عليي سحبها حيللل كتفها وقيدهااا كعدو بالكاع وتعيط وتبجيي بصوت عالي انصدمت من حالتها وكعت بالكاع يمهم وهو يعيط يريد يلزم وجهها ما يكدر

علي : قمررررر اهدييي قمررررر حبيبتييييي شو باوعيليييي مو صحححح كلامججج والله مو صححح خرببببب ب***** اسكتيييي ولججججج سمممم بكلبي قمرررر....

قمر : لااااااا والله صححححح تذكررررر شلون جنتتت تتخيلنييي هيه دائما جنت هيه انت ما اعتبرتنيي بنتككك ابدددد شكد حاولتتت حتى اتقرببب منككك ومن تقرب منيييي اتذكر جنت تكلييي نانااااا مشتاقلججج واحبججج وروحي تعبانه من دونججج هيحججج جنت تكول اكرهك اكرهككك وخرررر قذررررر....

علي : لاااا والله مو صححح دائمااا جنتي انتيييي روحييي قمريييي وحبيبتييي ابد ما تخيلتج احدد اهدييييي قمرررر...

قمر : وخرررر اكرهكككك اتمنى تموتتتت واخلص منكككك م ابقى يمككك وخرررر عنييي انت غريبببب وخرررر...

دفعته بجنون وعياط وكامت سريععع رجعت ورااا نفضت شعرها ورجعت تبجي بصوت دموعها تارسه وجهها... وكفت بصفه راح عليها عاطت بي بهستريا رجعت أكثر

قمر : لااااا ممنوععع تقربببببب وخرررر عنييي اكرهككك....

تجاهلها وبدون لا تحس لكفها ورفعها سريع كامت تعيط حضنها بقوه وتحرك بيها ع قنفه نام فوكاها وهيه جواه ترافس تريد توخر تهسترت رفعت رأسها حيللل تبجي واني ابجي ع حالتها مصدومه جانت بحاله جنونيه بالكوه سيطر عليها كتف ايدها فوك رأسها ويبوس بيها بكل انش بوجهها

علي : اششش قمري ينبوع روحييي ولجج لا تبجين هيججج كافييي والله ما تخيلتج احدددد يرحون فدوه الججج اهدييي بابا....

قمر : اسكتتتتت لا تكول بابا مو أبويه انت الأب ما يتخيل بنته حبيبته السابقه انت مجنوننن اكرهك كرهتككك وخرررر عنيييي الله ياخذكمممم دمرتونييي ياربببببيييي...

نانه : علييي سوييي شييي شوفها شلون صارت..

حجيت واني ابجي رحت يمهم ايدي ع كلبي بصدمه فتحت عيوني دمم وعاطت بنترر وخباللل عيونها عليه

قمر : انجبيييييي ولججج لا تحجينننن حقيره لا تسوين ررحجج حنينههه اكرهجججج اكرهجججج جانننن يحبجج ما يحبنيييي يتخيلنيي انتييي دائماااا ما حبنيي ابدددد....

سد حلكها علييي بيده فتحت عيونها بجنون دموعها بحر يجري واني مصدومه ابجي وهز براسي بنفي ماعرف شحجي اباوعلهم تعب وياها حتى تسكت بس مصره توخره عنها ومكتف ايدها وخر ايده شويه عاطت بوجهه راح صوتها تجرح

قمر : ماااا اببببقى يمكككك اليوممم اروححح من دون لا تعرففف ومريم العذراء والمسيح ما ابقى الا اروححح بعيدددد واعوفكككك خلل تفيدكككك نانااااا الي ما تخطيتها لحد الانننن خليتها تجي تشوفني ليششش؟ لأنك تحبهااا ما ترفضلهااا طلبببب اكرهككككك اوفففف وخرررر....

علي : انعللللل والديججج نجبيييي كافيييي اسكتيييي راح صوتججج خرب بيومججج منين هالحجي كله مو صحححح والله مو صححح ولججج ليش ما تفهمين تروح فدوه لعيونج لا تبجين هسه تروححح ما تشوفجج بعددد اسكتيييي قمررر..

قمر : عبالكككك ابقى وياك والله ما ابقى ابددد الا احرك كلبككك هاي إذا اكو ذره حب إليه بداخلك يمكن ما تهتممم دائما عشتتت وياككَكك بالكره وناناااا الي مغركها حبب وهيه بعيده عنك بحضن زوجهااا يا ماعندك كرامه ولا رجوله عديم الشخصيه انتتتت...

هيه كالت هيجج رفع ايده بقوه فر وجهها براجدي قويي الصوت ترس اذني ويه صرختها الي هزت الشقه...

شهكت بصدمه وركضت عليهم دفعت ايده عطت بي

نانه : لاااا علييييي ليشش تضربهاا وخررر عنهااا..

قمر : انجبييي انتيييي...

عاطت بيه وتبجي بصوت لزمها من فكها حيللل رجعت وراا من عياطها عقدت حاجبي من شفت علي ينزع بالحزام ماله وتغيرت ملامحه صار نارر والغضب والنار واضح بعيونه....

سحبها ورجع اديها ورا ضهرها دفعته تريد تكوم تخبلتت فدمره جرها سريع رجعها خلاها تصرخ نومها ع بطنها وكتف اديها وشد الحزام بقوه لفه لف وسده بالحديده...

كومها رجعها ع ضهرها من شافها هيج زادت صراخ حتى أني خفت رفع ايده مره ثانيه ونزل ع شفتها حيللل ضربها وسكتها شهكت بدموع سديت شفتي عيوني عليهم جانت بحاله مو طبيعيه

علي : كافييييي ولججج يا عارررر كافييي انتي ما تتعبييين من الصراخخخ كافييي كل شويه تتخبليننن شجاجج قبل شويه نايمه بحضني هاديه شبيججج....

نانه : كافييي علييي لا تعيط عوفهااا كوم عنهااا لا تضربهاا عفيه شبيكك...

حجيت بدموع واني كاعده عيوني عليها باوعتلي بصمت جانت ساكته فز كلبي عيونها دمم من غير وجهها عباره عن بحر واحمر منفوخ من العياط والدموع شفتها ترجف منفوخه كزتت سنونها ثواني طويله جانت تتذكر شي نزلت دموعي بصدمه من نضرات الحقد بعيونها.....

حجت بصوت متحجرش منتهي ودموعها تجري

قمر : اطلعي براا جايه واخذج الحنين لحبيب كلبج؟..هاا؟

هزيت راسي بنفي انصدمت حجيت بدموع خايفه أقرب منها لا تتهستر

نانه : لا والمسيح ياعمري أجيت عليج...

قمر : ينكطع عمرج شكد اكرهج... اطلعي براا اطلعي من حياتنا...

حجت بكره وبرود دموعها عشره عشره رفع ايده عليها وطبع شفته بخدها مسح دموعها سحب فكها كدامه وحجه

علي : خلص حبيبي لا تبجين ينبوع حياتي فدوه لا تبجين اهدي طفلتي اهدي...

قمر : كوم من فوكاي انت خاف عبالك روحك صدك أبويه مثلها من صدكت روحها هيه امي طلعت وحده أقبح من الثانيه...

فتح عيونه عصر فكها حيللل وهيه تباوعله بغضب وتحدي وحقد حجت بحده

قمر : اكرهككك كوم عنييي سريععع ممنوع تقرب منيي الا اعوفك وتجرب الفراق مرتين فراق حبيبه كلبك نانااا وفراقيي بس الاختلاف بيني وبينها انو هيه لحد الان تحبها واني مجرد راح تشتاق لتسلطك عليه وبعد ع منو ترفع ايدك؟ ع منو تصرخ؟ ع منو تطلع عقدك النفسية؟... بعد ماكو قمر راح تروح..

حجت كل الكلام بجدية انصدمت باوعت لعلي هز راسه ضيق عيونه وحاد سنونه يحاول ما يضربها لأن انتفخ وجهه وهيه جانت تنتضر يضربها بس دفع فكها بعنف حجه بحده وضرب ع راسها بنفاذ صبر

علي : هنااا احط طلقه براسج بس تفكرين هيجج وروحي بأخر الدنيا بس بالنهايه الأرض والسما وانتي تعرفين انو راح الكاج وقتها القنج درس عمرج كله ما تتذكرينه....

بقت ساكته دموعها تجري ع قنفه كام من فوكاها اديها مكتفه وراها..... وكف اخذ نفس بتعب يباوع عليها جامده وتشهك بوجع من البجي...

راح يمشي ع كيفه رفع شعره فوك اخذ نفس زفره بغضب وكعد نص كعده بتعب ايده ع كدامه صافن بالفراغ...

باوعتلها دايره وجهها وشعرها ملزك بدموعها ونصه واكع من القنفه.... مسحت دموعي وكفت مارحت عليها خليتها لأن هدأت...

مشيت رفعت شعري ورحت يمه وكفت هو كام ع حيله يفرك براسه بوجع.. حجيت ع كيفي واني اباوعلها بصمت

نانه : علي خليها هاديه ترتاح واحجي وياها وجودي هنا ماله معنى...

باوعلها صافن عليها حجه بتنهيده جانت تشهك وتبجي بصمت اخذت روحي حالتها

علي : كلامها كله ماله معنى.. جانت مقهوره وهيج حجت...

عقدت حاجبي باوعتله بتساؤل التفتت عليه وحجه عض شفته

علي : اقصد من حجت عليج انو اني احبج وما احبها كله مو صح ماتدري بروحها شتحجي...

نانه : اعرف حقها شتسوي حقها خايفه عليها خاف صدك تنفذ كلامها؟..

باوعلي بحده ردت احجي حجه هو خله ايده بجيبه

علي : لو تبتعدين انتي وترجعون ما تنفذ شي لأن كلشي تدمر بسببكم وكل ما تشوفكم تتهستر هيج...

نانه : شسوي اريد اشوفها مشتاقتلها مادام عرفت إلى متى نبقى مبتعدين؟.... إذا اني هيج سوت وياي ميرا شلون؟..

علي : لا تجيبين سيرة ميرا لأن مستحيل اخليها تشوفها...

نانه : علي تعرف بالاخير مابيها مجال لازم تشوفها مو اليوم باجر أو بعدها....

علي : ماكدر اسمح يصير بيها هيج بعد اكتفت من الصدمات ابتعدو عنها احسن ما أخذها بعد محد يسمع عنها أي خبر...

نانه : ليش ما تفهم حاله ميرا مو احسن من حالتها لو تشوفها شصاير بيها تعرف انو ماكو مجال إذا ما تقبل قمر بنفسها راح تطلب تشوفها هاي امها لا تصير اناني...

حد سنونه بغضب سحبني من أيدي حيلل انصدمت نزل شفته كدام وجهي وحجه أنفاسه تلفحني.

علي : انانييي؟.... انتي تحجين بالانانية؟... شوفي لجج تسكتين احسن الج لا تخليني اضوجج واني ماريد... ميرا خبله وتعرفينها تطخ براسها تاخذ قمر مني مثل الحية وتختفي مثل مَن راحت ويه عشيقها واختفت فدمره وتاليتها رجعت مذلوله لأبوها...

نانه : لااا علي ومريم العذراء تغيرت ميرا وصارت احسن وتعالجت وبس شوفه قمر راح تغير حياتها اني اعرفها بعدين وين تروح وهيه رجعت لبابا ماعدها احد ولا أهل زوجها يريدونها تعرف انت..

علي : اي اعرفها أكثر منج لا تخليني اغلط عليها ماريد.... بس وحده شيطانه تشوفينها هيج بس اول ما تشوف قمر متأكد ثالث يوم تقنعها بشي ما يخطر ع بال الشيطان وتاخذها مني تشوفين قمر وياكم هيج سمحتلج تشوفينها لأن اعرف ما يصير شي..

ميرا لااا خبله اختج خبله ومستحيل تتعالج تسوي اي شي بعقلها مثل ما شالت بنتها انطتها إليه....

نانه : لا وربي انت بعدك ماتعرف شلون تغيرت ومكضيتها بجي ع قمر وتكول بس اشوفها واحجي وياها اني متأكده قمر راح تحبها وتسامحها لأن تموت عليها واكيد عدها أسباب خاصه راح تتفاهم هيه وبنتها....

ضحك مستهزأ تخبل من كلامي قبض ايدي حيللل توجعت حجه بغضب يأشر ع راسي بأصبعه

علي : هذاا شبييي عقلج؟... كافيي انطيتج مجال هواي وميرا إذا تحجيلها أو لا شصار بقمر ما يهمني وكليلها مستحيل اخليها تشوفها كلتلها وارجع اكلج قمر محد يقرب عليها بعد ابد...

نانه : ميرا عرفت شصار بقمر وعرفت صار الحادث تخبلت عليها اليوم من رجعنا..

علي : هاا رحتي اتصلتي بيها اول ما وصلتي؟..

دفعت ايده وحجيت كدامه

نانه : مو اني هذا فاروق حتى أني انصدمت ما قبلت كاللها بس اول ما وصل راح اتصل عليها وشرحلها كلشي بالتفصيل وحتى من رفعت ايدك عليها كاللها ماتعرف شلون انجنت وتعيط بأي حق يضرب بنتي تهسترت سدت الجهاز بوجهه....

فتح عيونه وحجه بصوت جفلني

علي : الله يلعنككك يا كوادددد.... طبها مرض خل تعرف شريد منها هسه هاجت مشاعر الامومه عدها؟

نانه : ليش تحجي هيج!.. بس افهم خطيه خليها تشوفها... اعتقد لحد الان ما اتصلت عليه لان خابرت آدم كتله وكال اني احلها ماعليكم بيها...

علي : آدم الكواد كله بسببه ذبح روحه عليها عبالك ماكو غيرها..

نانه : تعرف يحبها من زمان اكيد مستحيل يتركها..

باوعلي بطرف عينه ورفع شعره بحيره

علي : اطلعي أمشي روحي تعبت..

نانه : ياللهي... ما تهنيت بشوفتها..

علي : اطلعي نانه اطلعي عوفيها بعدين...

هزيت راسي رجعت شعري وتحركت وهو تحرك وياي ع باب باوعتلها آخر مره ومشيت بحزن وكفت كدامه ارتاج ع باب باوعلي عيوني بعيونه التعبانه جان حيل تعبان مبين.... نزلت عيوني ع لحيته لمحت عليها كشايه صغيره من ملابس قمر يمكن...

رفع حاجبه ع صفنتي ابتسمت ورفعت ايدي ع لحيته اريد اشيلها فجأه كمزنه ع عيطتها القويه

قمر : لااااا وخرييي عنههههه ولججج لا تقربين منها كذابه تكول جايه عليججج وعايشه رومنسيات وياه يم الباب يا حقيره وخرييييي وانتتت المرتاحح ابو نانتي مكيف الله ياخذك كونن لو اني تعيط بيه توخرني هيه لاااا لأنها المدلله مال روحك مووو لا عيطت عليها ولا رفعت ايدك عليها مثلي تتلذذ بأسمها الحلو بشفتكككك....

فتحت عيوني بصدمه  ع كلامها فتح الباب علي واني اباوعلها كامت من مكانها تتعثر اديها مكتفه وراها تقرب من عندى حجت وكفت كدامي بحقد عيونها نار وشرار

قمر : ممنوع تقربين منه لا اكسر ايدج وبعدين انتي مو متزوجه نانه خاتون؟... مو عيب تقربين من رجال غريب هيج؟... ع أقل اني مربيني أمرنا ليسوع بس انتي صرفه عرفه؟...

تخبلت من حجت كزيت سنوني وحجيت كدامها

نانه : احترمي نفسج قمر حبيبتي اقدر وضعج وحقج بكلشي بس لا تتجاوزين بهاي الوقاحه عيب عليج.. اني خالتج...

قمر : اوووه نانه خاتون اعتذر كلش غلطت بحقج ابوس ايدج سامحيني؟.... إذا ما تطلعين سريع من كدام وجهي العن شكلجج تردينه يرجعع يفكر بيج بعد فوك ما بالكوه تخلص من الجن مالتج؟..

علي : قمررر

قمر : هاااا؟..

علي : انجبيي احسن...؟ وتحركي يله..

باوعتله بدموع  تجري عيونه بعيوني حضن خدودي عطت بي ورجعت وراا

قمر : لااا تلزمنيي خاف هم حضرتك عبالك نانه وبعدين تنزعج ليش مو نانه هاي كدامك أشبع بيها..

كلت هيج تحرك عليه سريع وكفت هيه كدامه دفعته من صدره

نانه : لااا كافيييي عليي عوفها ماتعرف بروحها شتحجي اعذرهاا هسه اروح وتهدأ....

نزل عيونه عليها تخبلت بجيت بقوه نزلت عيوني كعدت بالكاع لزم ايدها وسحبها فتح الباب وطلع وياها مابقى عقل براسي أنوب سد الباب وراه تخبلت عضيت شفتي اديه مكتفه وراي تعبت حيللل تعبت راح اموت من الوجع الي بروحي واني اتذكر شلون يحبها واني ذره حب انطاها إليه لأن يتخيلني هيه...

باوعت ع باب شويه ورجع سد الباب باوعلي ثواني طويله بعيوني واني ابجي هزيت راسي حجيت بحقد وكره حيل كرهته

قمر : شفتك ورديه بستها هااا؟...

بقى صافن عليه رجعت حجيت بضحكه

قمر : ههههه مثل قبل شويه من تتخيلني هيه ردت تبوسني سيد علي...

رفعت حاجبي ودموعي تجري اتنهد وقرب خطوات بطيئه كعد نص كعده كدامي فرك عيونه باوعلي وحجه بهدوء

علي : شهل تصرفات مو عيب؟..

قمر : ههههه عيب كلت؟... عيب كدام نانتك الهمجيه؟ همجيتك؟... ينبوع روحك؟..

علي : انتي ينبوع روحي..

قمر : وهيه الهمجيه مالتك؟

علي : أنتي حبيبي وروحي وطفلتي..

قمر : شكد كذاب انت؟..

ابتسم بتعب نزل عيونه ورفعها عليه

علي : ليش هيج تسوين؟..

قمر : اشلع كلبك اعذبك اتعبك الا اخليك تكرهني كره أكثر من قبل...

علي : اكره الكل وانتي ما اكرهج.... حتى اغلاطج وخبالج احبه... إذا مو أنتي تتعبيني منو؟

قمر : نانتك الهمجيه مالتك...

علي : شكد لزكه انتي كافي..

قمر : شلونها حلوه؟... بعدها صغيره وراقيه محافضه ع روحها رشاقه وطول ونضافه وعطر وشعر يخبل شتريد؟..

علي : انتي احلى منها...

قمر : طبعا انطيها شبه لأن ما تكدر تحصلها كلت عندي هاي كبرت وأخذها موو؟...

بهتت ملامحه رفعت حاجبي بحقد حد فكه بغضب يسيطر ع روحه حجه قبض ايده

علي : شكد حقيره انتي دخيلج...

قمر : بعدك ما شفت الحقاره الحقيقه ع أقل ما وصلت بحقارتكم...

علي : اني شعليه؟..

قمر : انت شعليك ونانا شعليها وأدم شعليه وميرا شعليها خلص اعتذر غلطت عبالي انتو اسف...

علي : ليش تضوجيني هيج؟...

قمر : هم اعتذر انت ابد ما ضوجتني شلون هيج اسوي وياك اني حقيره اصلا....

علي : كافي كومي من الكاع...

قمر : وخر عني احسن الك لا ألم العالم عليك وخر..

كلت هيج وخر ايده وكفت اتعثر سحبني فك الحزام دفعته هو وياه ومشيت مسحت دموعي دخلت الغرفه طبكت الباب وكعدت شبعت بجي وشهقات قويه جرحت صدري...

حسيت بي بعد ساعات طويله اني هناا وهو ورا الباب رفعت راسي ع سقف حجيت اعرفه يسمع

قمر : اريد اشوفها احس حالتها مثل حالتي..

علي : افتحي الباب...

قمر : داحس هيه متأذيه هواي أرغب اشوفها..

علي : محد متأذي غيرج...

قمر : تعبت منكم وربي شكد اكرهكم البعد عنكم يعتبر عباده اعتقد والي يعبد يرتاح...

علي : كتلج ابتعدي إذا تردين ترتاحين وقتها راح اكون وياج دائما...

قمر : انت بالأخص اريد ابتعد عنك اكرهك كل ما اتذكر سوالفك ونانتك وهمجيتك وحتى جنت تباوعلي بنضرات مثل ما جنت تباوع لنانه قبل...

علي : احتركت نانه ولج كافي والله تخطيت هالمرحله وكتلج الف مره قمرتي انتي ينبوع قلبي بس محتله روحي...

قمر : كذاب اكرهك كافي اسكت اختنكت من صوتك... واني اتذكر شلون تهمس بأذني واني غبيه إلى درجه ابجي ع روحي هسه شلون مافهمت...

علي : اريد احضنج كافي تعبت افتحي الباب...

قمر : اتعب اتعب.... كدامك طريق طويل راح اتركك واخليك وحدك تايهه ضايع واني بمكان بعيد عنك بغير دوله يمكن ويه زوجي مرتاحه وانت احمس بروحك ع حظك كل مره تخسر....

اني كلت هيج اجه صوته العالي صرخ بغضب مخيف ضرب الباب حيللل

علي : اسكتيييي يا ك**** انعل شرفججج افتحيييي الباب ام زوجي ان**** زوججج الكواد إذا يحلم واحددد ياخذجججج....

ابتسمت وكفت وتحركت ع فراش كعدت وهو يعيط افتحي الباب حجيت ودموعي تجري ببرود

قمر : هاي سنة الحياه بالنهايه متزوجه اني اتحمل دادي....

كلت هيج متقصده ماحس غير الباب مفتوح بدفره وحده ودخل هو بدون مقدمات قرب عليه خطوات سريعه دفعني ع فراش لازمني من شعري حيلل حجه بحده عيونه نارر أنفاسه حاره من الغضب مصدوم

علي : تفكرين بالزواج ياك**** هااا؟... مشتهيه رجال تردين؟... هااا؟... ولا تسافرين وياه هم؟...

رفعت حاجبي حجيت بصوت متحجرش بعناد

قمر : اكيد ليش لا وراح اخذ الي احبه ويحبني وما يأذيني ابد ويخاف عليه...

ضحك بصوت بس ضحكه مستهزأه حرك راسه بغضب عيونه بعيوني عض شفته وحجه ملامس أنفي

علي : والله لو تموتين الدوده الي بيج ما تاخذ ولا كواد تجرأيي عيدي هذا الكلام اكسر سنونج راح اعذرج لإن خبلتج الغيره....

قمر : ما اغار من شي بالعكس... اساسا اكرهكم شلع... واكيد اني ما أخذ كواد اخذ واحد يخاف عليه ويحبني حب جنوني...

علي : اسكتي قمر لا اعلمج الجنون ع أصوله...

قمر : ليش دادي؟... ماتحب بنتك تزوج واحد بي خير يخاف عليها ويحبها؟.... وبعدين يجيبون نونو يصير حفيدك؟...

فتح عيونه قبل لا اكمل ضربني حيللل ع شفتي عطتتت بوجععع لزمني من رقبتي وحجه بهمس حار بأذني تخبللل

علي : انتي الك**** مالتي محد ياخذج مني لو تموتين والي يحاول بس يقرب منج أنهي من الحياه..

قمر : وخر عنييي...

حرك لسانه ع اذني سحبها بسنونه صعد ع خدي بشفته وصل طرف شفتي حجيت صافنه ع سقف

قمر : اني مو نانه أهدأ...

ابتسم طبع شفته بقوه بطرف شفتي باوعلي وحجه يفرك بحنكي وشفتي بنعومه وشرود...

علي : احبچ قمرتي الحقيره مالتي.... اعشقچ...

قمر : وخر عني اكرهككك..

مسح ع أنفي وصعد أكثر رجعني ع فراش دفعته َكلبت روحي ع صفحه سحبت الغطا تغطيت اني وراسي دفنت روحي بالمخده بدموع تجري بقوه شهكت بصمت...

حسيت بي من تقرب ع فراش رفع الغطا ع كيفه صارت ايده ع بطني سحبني دفعته بنترر رجع حضني سكتت ونمت ما حجيت وياه ولا هو حجه...

أنفاسه الدافيه ع فكي ونزل ع رقبتي دفن وجهه حجه بهمس

علي : جوعانه؟...

هزيت راسي بنفي توقفت بجي وغمضت بنعاس رجع حجه

علي : اسويلج اكل؟..

قمر : كتلك لاا اسكت...

علي : لا تبجين كافي...

قمر : كل ما تحجي ازود بجي عفيه اسكت ماكدر...

علي : تعايي ينبوع روحي...

سحبني رفعني كلبني للجهه الثانيه ودفن وجهه برقبتي حضني بقوه ونام يطبع قبلات خفيفه ويحجي بهمس مافهم شي....

وخرت راسي التفتت حضني صار ضهري ع صدره وايده ع صدري....

بقيت صافنه وهو يسمح ع معدتي وبطني لحد ما نعست ونمت جفن دموعي بلاعيمي ورمت حسيت بشفته ع خدي وانفي يمسح برموشي...

أنفاس حاره ع شفتي ودفو ع جسمي حضني بقوه لا إرادي حضنت ايده ع صدري ضغط عليها وما حسيت بشي بعد دخلت سبات عميق من بعد ساعات من الدموع.......

______________________________________

______________________________________

______________________________________

بعد اسبوعين نهار ممطر وبرق قوي زخات قويه ع جام البيت وأصوات الأغنيه الخافته من الصاله مشغلتها روان...

اسمع الدندنه واغمض من يصل مقطعي المفضل ادندن وياه بحزن مبتسمه بخفه...

سمعت صوت جده تحجي بصوت عالي وتغلط عليه من باب المطبخ تكلي سدي الشباك راح تبردين ونحير بيج يا جلبه...

ابتسمت كلبت عيوني ورفعت الكوب مال الكاكو جده سوته إليه أخذت رشفه حاره ومسحت ع شفتي بلساني...

رفعت عيوني ع حديقه الي تبهذلت بسبب الهوا العالي والمطر بس جانت حلوه الزهور حلوه بكل أنواعها وأشكالها يعني عادي حلوه البهذله مريحه للنضر....

اباوع ع أوراقها الي مبعثره بالحديقه ملونه الوردي والأحمر والأبيض والأصفر وريحته تارسه المكان...

صار هدوء رجعت دندنات الأغنيه التركيه مال مسلسل مشغتله روان حيل حلوه رومانسيه وحزينه عضيت شفتي صافنه وحاضنه الكوب بيدي بدفو والهوا البارد يلفح وجهي وخصلات شعري وكتوفي العاليه لأن بديت أكثر لبس الثياب الأنثويه هواي...

لبست هالثوب اشترته جده إليه أثق بذوقها حيل حلو ونازك تشتري ع حسب الشخص... لبسته جان اسود ناعم من جوه عريض يتهفهف ويه الهوا من صدري ضيق شويه وصلوخ حاضن جسمي براحه....

باوعت ع ساعتي الفضية ع معصمي جانت الدنيا العصر بس الجو مثل المغرب لأن أمطار غزيرة...

باوعت كدامي بشرود صافنه جده كل شويه تكلي ادخلي جوه دثري روحج ثلجتي واني مغلسه ما اضيع هاي اللحظات الحلوه احبها كوب كاكو واغنيه والشتاء...

اتلمس بأضافري الي طليتها بلون اسود ناعم... واسمع صوت جده الي من اول ما أجيت وعرفت اني عرفت وتغيرت وياي فدمره صارت هادئه وحنينه وتخاف عليه إذا ابقى وحدي تهجم عليه بالغرفه تضربني تكلي لا تكعدين وحدج مثل الشيطان تعاي هنا وتاخدني يمها...

من أكل وشرب وملابس هيه توفر كلشي اني ما احير بشي إذا روان تحجي وياي تغلط عليها...

حتى روان عرفت اني مو بنتهم.... صارت هادئه رغم متفاجئه جانت ماتعرف.... ومرت عمي مبين تعرف ما اهتمت....

غمضت عيوني حسيت بخطواته وراي حتى خطواته حفضتها... فتحت عيوني صارت ايده ع كتفي العاري نزل بنعومه بأصابعه الدافيه همس بأذني عطره لفح روحي

علي : بارده طفلتي؟...

بقيت ساكته وجامده وخر ايده شويه وصار شي دافي ع كتوفي باوعت جانت الستره مالته هم سوده دافيه حيلل...

لزمني بعد ما طبع شفته ع شعري الي رافعته بطريقه مبعثره ونازله خصلات منه ع رقبتي تتطاير....

حركني خلاني التفت لعيونه الدافيه بس ما اهتم بيها تلمس حنكي ع كيفه حجه ورفع ايده ع خدي

علي : ليش واكفه هنا؟...

قمر : الأجواء حلوه..

حجيت ببرود جاوبته نزل شفته ع أنفي طبع بوسه خفيفه وحجه يباوعلي

علي : وانتي احلى من الأجواء بهذا الثوب الأسود وارتفاع صدرج بأنوثه قاتله...

حجه هيج ونزلت ايده ع رقبتي نزولا بين صدري عيونه بعيوني بتلاعب عض شفته يتحداني ما تحركت ولا تأثرت صافنه ببرود قرب وجهه عليه وايده نزلت لمعدتي بنعومه لحد بطني نزل أكثر يحركها بحركه دائريه...

سحبني من خصري ببطء حاضن ايدي فوك الكوب الدافي واني اتذكر شلون دفعته عني البارحه وانهزمت لغرفتي....

نزل شفته كدام شفتي حجه بهمس وأمر

علي : غمضي عيونج...

غمضت ع كيفي انتهت بأصوات الأغنيه الي تارسه البيت وشفته ع شفتي بنعومه بأحتراف بأتقان ايده ع رقبتي سحب شفتي الفوك بسنونه خلاني افتحها ولسانه يداعب بأسناني وشفتي...

مغص بمعدتي قوي توقف العالم اني وكوب ككاو واغنيه وقبلات من هالشخص بوسط الأمطار...

سحبها بنعومه ريح جبينه ع جبيني حجه بهمس ثاني

علي : فتحي ينابيع حياتي...

فتحت ببطء بعيونه ابتسم بلذه ونزل اصبعه مسح شفتي يداعبها ثواني وطبع بوسه ع جبيني حجيت واني صافنه ع كوب

قمر : اريد اطلب طلب منك؟...

ابتسم وحجه ملامس حنكي وايده تتلمس بنعومه ع ايدي فوك الكوب

علي : تأمرين أمر مو طلب...

باوعتله حجيت ببرود صافنه

قمر : اريد اسافر...

توسعت ابتسامته عرفت مستحيله لأن من اطلب شي يكون جدي بالموضوع هسه ابتسم يعني مستهزأ.. فتح شفته يريد يحجي صارت نضراته وراي راحت بسمته استغربت انعقد حاجبه مبهوت كأنو شاف شي...

انتضره يحجي تصفن وراي ايده رخت من فكي الا وخرت ايده التفتت ع مكان عيونه تصنمت...

فتحت عيوني صافنه من جام الصاله ع باب الخارجي جانت كتله من الجمال والاناقه والرشاقه والبياض وحده واكفه بطولها الأزيائي...

بشعر اسود فحمي خصلاته طويله وسط متناثره بنعومه بتموجيات خفيفه.... عيوني نزلت ع طول ذراعها واديها العاريه مثلي بس هيه لابسه تشيرت ابو تعلاكه انثوي ابيض ناصع...

وبنطلون ضيق حاضن خصرها وسيقانها الطويله ازرق.... وكعب اسود فوك ما هيه طويله...

ايدها الي واضحه بيها الشرايين لابسه ساعه ناعمه... وجهها الي اباوعله ماعرف اوصفه بس جان ابيض صافي مابي اي مكياج غير برودة الجو ملامسته...

شفايفها المنفوخه دائريه لونها أحمر طبيعي حواجبها مثل شطب انثوي لونها فحمي لايق ويه بشرتها الناصعه...

وعيونها جانت متخبيه ورا النضاره الواسعه لونها اسود...

وكع الكوب من أيدي سحبني سريع وخرني عن الكزاز باوعت جواي برجفه ورجعت رفعت راسي عليها جانت صافنه علينا جنطتها بيدها شايلتها بأهمال واصله الكاع...

رفعت ايدها نزعت النضاره وكدرت اشوف الزيتون الفاتح يبرق برق وسط الخضار الي محاوطها فوك باب الخارجي....

جانت عيونها واسعه حلوه تحديدا نضراتها عليها شفت غشاء دموع نزل ع خدها ابتسامه خفيفه بطرف شفتها....

جانت هاي امي ميرا الي تقدمت مثل الأميره برشاقه وبطئ...

اباوعلها صافنه صعدت الدرج بايه بايه بكعبها اديها حيل رشيقه طويله مثلي توقعتها غير هيج...

ماجنت ادري اصلا شوكت انجمعو مصدومين صوت جده الي تلكتها

الحجيه : لا يا دايحه بس لا جايه تاخذين الكمر مالنه الا الزمج اشلخج اثنين يا عضم...

ابتسمت هيه فتحت باب الصاله الزجاجي ودخلت خطوه والثانيه أخذت ايد جده باستها وحضنتها وجده تغلط وتضرب بيها ع بنطلونها تكلها شلابسه بهالبرد...

شبكت ايدها مبتسمه تلكتها مرت عمي سلمت عليها وهيه تريد تخلص وخرت واستقرت عيونها بعيوني وايد دافيه حضنت ايدي باوعت جان هو عيونه عليها حرك لسانه ع باطن خده اخذ نفس باوعلي استقر بعيوني كأنو يشرح شي بنضراته...

رجعت باوعتلها تقربت مني استغربت بلعت ريقي قربت خطوات بطيئه وكفت كدامي لفحني عطرها القوي حيلل طيب لزمت ايدي من كفي قشعرت سرت رعشه قويه بروحي...

ابتسمت هيه اتأمل ملامحها عن قرب بشرود بدون مقدمات حضنتني حيللل دفنت وجهها بكتفي بقيت جامده....

باوعتله ايده بجيبه صافن عليه جانت نضرات غريبه ضايعه بعيوني بقيت اباوعله لحد ما وخرت عني باستني بخدي مرتين ورفعت ايدها تلمست خصلات شعري حجت بضحكه حلوه رفعت حواجبها

ميرا : فدوه شكد حلو ملمس شعرج مثل نانه من جانت صغيره...

عقدت حاجبي من كالت اسمها قشعر بدني اكرهها حجيت لا إرادي باوعت وراها بعيونه

قمر : اكره هالنانه لا تحجين بيها...

عقدت حاجبها باوعت وراي مستغربه وحجت من شافته

ميرا : شلونك علي؟...

رفع حاجبه عليها بفتور شالت نضراتها عليه رجعت حضنتني

الحجيه : يما المكر ينكط منجن بنات الحلو...

ميرا : ههههههه تحبين بابا حجيه؟...

باوعتلها تحجي جده غمتها حجت

الحجيه : عيونه حشيش طبعا ينحب الساقط...

ميرا : هههههههههه

ضحكت بصوت عالي باوعتلي ابتسمت اني لا إرادي حجيت بهمس

قمر : ماما...!

ميرا : عيون ماما حبيبتي...

حجت هيج اريد احجي بس استوقفتني طرقات الكعب باوعت وراها تخبلت فتحت عيوني بصدمه حديت سنوني واني اشوف نانه دخلت وراها...

ميرا : خالتج اجت وياي...

حجت مبتسمه باوعتلها مستغربه واني الشياطين تكمز بعقلي باوعت وراها دخلت ولسوء حضها صارت بصفه  لا إرادي سلمت وهو ما عبرها صافن عليه..

تركت ايد ماما وحجيت قربت منها

قمر : أنتي شنو جابج؟؟.....

كلت هيج ورفعت ايدي سحبتها من ايدها بعدتها من صفه وكفت اني مكانها.....

______________________________________

______________________________________

______________________________________

يتبععععع...........

روايه (نغزات محرمه) بقلمي ميار السعدي...

تصويت ⭐ وتعليق فديتكم بارت طويل بي أحداث لأن بالبارت القادم راح تتغير الأحداث بطريقه جنونيه..... احبكممم ادعولي...

احلى فقره؟...

اكيد تسألون شبي هذا باسها شلون بالبارت الورا هذا تعرفون ههههههههه....

تابعوني انستا هذا mayar_saadi44

كتبت 15117 كلمه أقرو الرقم الجنوني 🌧️🗿

إذا اكو أخطاء تجاهلوها لأن ما قريت البارت...