بعد مرور ٧ شهور
صوت صراخها هز ارجاء المنزل ليسرعوا بها إلى المشفى
هيثم بخوف .... استحملى شوية يا أميرة معلشي هانت
أميرة بوجع... ابعد عنى مش طايقة اشوف وشك انا بكرهك و مستحيل اسامحك
هيثم بضيق.... ابننا هيشرف و انتى زى ما انتى عنيدة هو فى أى ما تهدى بقى
ثم أشار للمرضين بالوقوف و قال لها... اى رأيك مش هتدخلى تولدي غير لما توافقي يا أميرة انا اعند منك
أميرة بصراخ ... انت بتهددنى يا هيثم طيب لا
رحمة... خلاص بقى يا اميرة وافقى عشان ابنكم انا تعبتله من قبل ما يجى على الجنون اللى انتم فى خلصونا بقى
أميرة بوجع..... آآآآآآه الحقوووونى هموووت
هيثم بمزاح.... كده هى موافقة دخلوها بسرعة قبل ما تغير رأيها
ياسين و هو يقترب منه..... اخيرا لك نقطة ضعف و هنعرف نتحكم فيك
هيثم و هو يشير إلى سماح... زيك بالضبط يا زميلى الحال من بعضه كانت نزلتهم الجامعة على دماغنا وقعونا و بندفع ثمن حبهم غالى اوى
ياسين... اه والله بس الصراحة من غيرهم كانت حياتنا عشوائية مفيش هدف و لا متعة
هيثم... فى دى عندك حق
همس و هى تقترب منهم بوهن... اى الاخبار يا هيثم المجنونة ولدت و لا لسه انا قلقانة عليها اوى
هيثم ... لسه اهى جوه عنيدة و فعلا مجنونة
عائشة و هى تقترب منها ... مالك يا بنتى شكلك تعبان اوى و مصفر مالك
همس... مش عارفة يا طنط بقالى يومين تعبانة و بحاول اقاوم بس مش قادرة
هيثم بحده... و الحيوان اللى متجوزك فين من كل ده
أدهم و هو يقترب منهم... طبعا فرحانة بأخوكى يا ست هانم هيقول اى غير كده ما حضرتك اللى خليتى شكلى وحش بس اعمل اى فيكى
همس... والله أدهم مظلوم يا هيثم انا اللى برفض هو طلب منى كتير و انا اللى بقوله برد و هيعدى
عائشة... طيب يا بنتى تعالى نطمن عليكى عقبال ما أميرة تولد و انتى كمان ياسماح تعالى نطمن عليكى
ياسين... عندك حق يا عمتى اطمنى انتى عليهم و إحنا هنفضل هنا
رحلت عائشة مع البنات لكى تطمئن عليهم
أدهم... إحنا لازم نشوف حل فى الموضوع ده
هيثم... مش وقته يا ادهم اهم حاجة عندى دلوقتى اطمن على أميرة
ياسين... انا فاهم قصدك يا هيثم بس كمان ادهم عنده حق لو حد عرف اللى حصل محدش هيبقى مرتاح و الرعب هيرجع فى قلوبهم تانى
هيثم بتنهيدة... انا بحاول احل الموضوع و أسمهان كمان عرفت بكل اللى حصل بعد ما كلمتها و انتم عارفينها
ياسين بصدمة... أسمهان؟! انت مش شايف انك اتسرعت يا هيثم خصوصا انك عارف ان اللى بينكم.....
هيثم بحده... اسمع يا ياسين انا ما صدقت أميرة بدأت تقتنع و انت عارف أميرة و طبعها مش هتستوعب انها علاقة عابرة
أدهم... اسمعنى با هيثم أميرة لازم تعرف كل حاجة منك قبل اى حد تانى لو عايز تبدأ صح
ياسين... انا مستغربك اى إللى خلاك ترجعها مصر
هيثم... عشان هى الوحيدة اللى هتعرف تحل المشكلة دى انت ناسي مين اسمهان و تقدر تعمل اى
التزموا الصمت عندما اقترب منهم فارس
فارس بمحبة... ان شاءالله تقوم بالسلامة يا هيثم و نفرح بابنك
هيثم و هو يصافحه.. الله يسلمك يا فارس و عقبال ما نفرح بيك
☆☆☆☆☆☆☆☆☆☆
فى استراحة المشفى
فضل.... اخيرا رجعت صحبتنا يا عابد من جديد
عابد.... من يوم ماعرفتك و انت اعز صاحب على قلبى يا فضل و كنت زعلان على اللى حصل بس الحمدلله ربنا أراد نتجمع من جديد
عماد... والله انا اللى مبسوط باللمه الحلوة دى ، بالرغم انى كنت هكون سبب فى فرقتها بسبب....
فضل مقاطعا كلامه ... خلاص يا عماد اللى فات مات و قول الحمدلله انها عدت على خير و كان درس للكل اتعلمنا و عرفنا العدو من الحبيب و كل واحد أخذ اللى يستحقه
عابد..... فضل عنده حق يا عماد و الحمدلله إحنا خلاص هنبقى جدود لازم نستعد للحياة الجديدة و المشاكل اللى طعمها هيبقى جميل
فضل... بس ولدك ياسين مش شبهك يا عابد الصراحة عنيد و رأسه كيف الحجر
عابد... هو عنيد لعمته يا فضل
فضل... بس جدع ورجل اول لما خبرنى اول مرة ان سماح راح تكون من حده ونصيبه صدقته من جوايا بس غرورى رفض ينطقها و قلت اما اشوف ولد عابد هيعمل اى طلع رجل و اخذها و برضايا كمان زى ماقال قبل سابق
عابد... ياسين من يومه و هو بينفذ اللى بيقوله و لو على رقبته
فلاش باك من ٧ شهور وقت الحادث
بعد مرور أسبوع على ياسين فى العناية المركزة بدأ يسترجع صحته تحت أنظار هذه العاشقة
الدكتور.. الحمدلله نقدر نخرج ياسين بيه لغرفة عادية حالته استقرت و ان شاءالله يومين و يخرج من المستشفى
عابد... الحمدلله الف شكر يا دكتور
عائشة احتضنت ابنتها قائلة... مش قلت لك ربنا موجود و بكرة يقوم بالسلامة
سماح... و نعم بالله يا ماما الحمدلله
بعد قليل انتقل ياسين إلى غرفته
كان حوله جميع الاحباب فى إنتظار صوته و نظرته
ياسين بوهن... شكلى طولت فى الغياب
أدهم... الصراحة اه بس المهم انك رجعت بالسلامة حمدالله على السلامه يا بطل
هيثم... حمدالله على سلامتك يا ياسين شد حيلك
ياسين كان يبحث بعينيه عنها
اقتربت منه عائشة قائلة... اللى بدور عليه على طول جنبك يا حبيبي بس قوم انت
فضل... كيفك يا ولد عابد
ياسين... الحمدلله يا عمى
عابد... ارتاح يا ابنى إحنا اطمنا عليك نسيبك ترتاح ثم وجه حديثه للجميع قائلا ... يالا يا جماعة عشان يرتاح
ياسين... لحظة يا بابا انا عايز عمى فضل
فضل بشك... خير يا ولدى
ياسين بعد أن لمحها تسترق النظرات بحب و استحياء و دموع فرحة قال... اظن انا وفيت بوعدى يا حج فضل و اثبت انى استحق سماح و انا شايف ان الوقت ده المناسب اللى اطلب منك سماح بنت عمتى على سنة الله و رسوله
فضل بإعجاب.. مقدرش اقولك اى حاجة غير كلمة واحدة يا ولدى مستحيل اطمن على بنتى غير معاك انا موافق يا ولدى
عابد.. مبروك علينا بنت الغالى و الغالية
عائشة و هى تحتضن أخيها.... مبروك عليا عائلتى من اول جديد
فضل قرب ابنته منه قائلا... انا وافقت يا بنتى على اللى هيصونك و دلوقتى واجبك تصونيه فى غيبته قبل وجوده و تراعى ربنا فى
سماح اكتفت بهز رأسها بخجل
ياسين... بعد إذنك يا بابا انت و عمى فضل انا عايز فرحى انا و سماح اول ما اخرج من المستشفى
عابد... بس يا ابنى ازاى و الترتيبات و انت صحتك
ياسين... انا هبقى كويس و ده طلبى الوحيد اما بالنسبة للترتيبات عندى اللى يخلص كل حاجة دلوقتى
هيثم... اعتبر كل حاجة جهزت يا صاحبى
عابد بسعادة... خلاص يا ولاد خير البر عاجله
انتهى الفلاش باك
فضل... ولدك يا عابد محدش يتوقعه انا مش خابر ازاى اقنعني
عماد.... فعلا عشان كده هو و هيثم كانوا على طول خلف خلاف عشان شبه بعض لكن ادهم مش بتاع مشاكل و صاحب هيثم و فى نفس الوقت ياسين مش معترض انه يبقى معاه عشان صحوبيتهم تستمر خصوصا ان صحوبيتهم فى مصلحة الجميع
فضل... بس احسن قرار انهم ضموا الشركات على بعض اكده محدش هيقدر يقف قصادهم و اكده يفضلوا يد واحدة
عابد... عندك حق يا فضل و كمان إحنا نرتاح شوية من الشغل إحنا تعبنا كتير و ده الوقت المناسب اللى نرتاح عشان نفضي الكتاكيت اللى فى الطريق
عماد بمزاح... انا اول واحد هبقى جد فيكم
عابد... ربنا يجيبه بالسلامة اهم حاجة
☆☆☆☆☆☆☆☆
خارج غرفة العمليات
الانتظار صعب و بالرغم من صموده و لكن بداخله خوف ان يخسرها او يفقدها مرة أخرى
و بعد قليل
خرج الطبيب ليزف لهم خبر وصول اول حفيد رحيم الزيات الذي سيكون مثل ابيه بل أشد
و لكن ما يشغل هيثم هو أميرة و صحتها لم يهتم بحديث الدكتور و لكن تنفس الصعداء حين رأها بوعيها أمامه أقترب منها بحب قائلا.... حمدالله على السلامه يا ام رحيم اخيرا خرجتى بالسلامة كنت هموت عليكى
أميرة بخجل يختلطه التعب... الله يسلمك، رحيم فين يا هيثم
هيثم... متخافيش ابننا كويس بس لازم يتعمل فحوصات شاملة
ثم أخذوها إلى غرفتها الخاصة لكى ترتاح
عائشة دلفت إلى الغرفة لتطمئن عليها فى هدوء
عائشة... مبروك يا اميرة يا بنتى تستهلى كل خير الف مبروك يا ام وليد ربنا يبارك فى المولود و يطمنك على أميرة يارب
شريفة... الله يبارك فيكى عقبال ما تطمنى على سماح و جنا يارب و نفرح بيهم
عائشة... اللهم آمين يارب العالمين، اه والله ادعى لبنتى جنا تعبانة والله خالص عشان كده ما قدرت تيجى التؤام تعبها اوى و البت بقيت معدومة
رحمة... ربنا يقومها بالسلامة كلها ٤ شهور ونفرح بيها هى و سماح و نطمن
سماح... يا مسهل يارب انا تعبت خلاص يا رحمة البت دى اول ماتيجى هجيبها من شعرها على اللى عملته فيه و هأخذها علقة محترمة
ياسين.. يا سلام بت مين دى اللى بتتكلمى عنها دى هتبقى البرنسيسة مليكة ياسين نصار عارفة يعنى اى بنت ياسين نصار يعنى اللى يفكر يجرحها بنظرة مش هيكفينى عمره قصدها
سماح... اتفضلى يا ست ماما ابن اخوكى من قبل ما اولد و هو بينصفها عليا و بيحبها اكتر منى
عابد و هو يدلف... و لا يهمك خليه مع بنته و انتى خليكى مع خالك و كده كده انا صاحب البيت هبقى اكرشه هو و بنته لو حد زعلك بس
سماح.... مش للدرجة دى يا خالو نقرص ودانه بس و حبه صغننه
عابد... شفتى بقى انتى اللي بتحنى فى الآخر اهو
فضل... طالعة كيف امها حنينه
عائشة بخجل... تسلم يا ابو فارس
أدهم... معلشي يا عمتى هقاطع الجو الرومانسي ممكن تطمنيني على همس عشان انا مش عارف مالها
عائشة بتذكر... اه صح مبروك يا ادهم همس حامل هتبقى اب انت كمان يا واد
هيثم... ألف مبروك يا صاحبي و بكرة ابنك يبقى صاحب ابنى زى ما كنا
فارس... و ابنى كمان هيبقى صاحبهم الثالث
سماح بضيق... عينى عليكى يا بنتى مش لاقية حد يلعب معاكى
فارس... ازاى بقى ما بنتى هتبقى صاحبتها انا قلت اجيب بنت و ولد اراضى الكل
ضحك الجميع سويا ثم اقترب هيثم من أدهم قائلا... ممكن تأخذ العيلة الكريمة شوية بره عايز ابارك للحاجة اللى بقالى ٧ شهور بحاول اكلمها و مش عارف و استغل الفرصه
يزن... على فكرة انا سمعت و انا اللى هوجب معاك انت عديلى بقى و لازم أوجب معاك
هيثم... مش عارف ليه قلقت من كلمة عديلى مش مرتاح
يزن بمرح... عيب عليك يا ابو نسب ، ثم قال بصوت مرتفع طيب يا جماعة تعالوا نطمن على باقى الحوامل بره عشان أميرة ترتاح و انت يا هيثم تعالى معانا نطمن على اختك شكل أميرة عايزة تنام شوية و بالمرة تبارك لهمس
هيثم فى سره.... عيل ثقيل من يومه كنت عارف انه رخم
يزن... بتقول حاجة يا ابو رحيم
هيثم بغيظ... ابدا يا حبيبي يا عديلى اتفضلوا و انا وراكم على طول
و ما إن خرج الجميع حتى أوصد الباب و اقترب منها قائلا.. طيب بأمانة مش وحشك يا أميرة
أميرة بعند... لأ
هيثم... آمال ليه لما بتكوني فى مشكلة بتنادي عليا يا أميرة
فلاش باك من ٧ شهور
الدكتور... الجنين مات و لازم تعمل إجهاض
هيثم استمع إلى صوتها قبل أن تدلف لغرفة العمليات فركض صوبها و اقترب منها فقالت له.. ابنى عايش يا هيثم انا إحساسي بيقول انه عايش ارجوك يا هيثم انقذ ابننا بلاش تضيعه منى
طلب هيثم من الطبيب ان يحدثه قبل بدء العملية
هيثم... انت متأكد يا دكتور ان الجنين مات
الدكتور... اه طبعا مفيش شك انا دكتور و دى مهمتى
هيثم بمكر... و حضرتك عرفت ازاى يعنى ممكن تقولى
الدكتور.... ما انا قلت لك حد عطاها إبرة تموت الجنين
هيثم و هو يقترب منه.... و انت بقى عرفت ازاى من غير تحاليل او أشعة انت بتشتغل بالاحساس يعنى
الدكتور بتوتر ملحوظ... حضرتك دا شغلى و انا أدرى
هيثم التقطه من تلابيب قميصه قائلا بحده... هتنطق و لا ادخلك انت العمليات و اخليك عبره
الدكتور بخوف... هتكلم حاضر دى أوامر مختار باشا قالى اقولك كده عشان نعملها الإجهاض انا ماليش ذنب
هيثم تركه ثم اشتد بيده على رأسه قائلا بغضب... لعبها صح و اكون كده قصادها انا اللى قتلت ابنى و يفرق بينا طول العمر بس ودينى لأندمه ابن ال.....
انتهى الفلاش باك
أميرة بتساؤل... ازاى وقفتهم يا هيثم
هيثم بعشق... انا غلطت مرة لما كذبت احساسي بيكى و كذبت كلامك و انا مستحيل أكرر نفس الغلط انا بحبك يا اميرة و انتى احلى هدية من ربنا انا اتغيرت عشانك بجد و كل اللى بتمناه نفضل انا و انتى و ابننا مع بعض على طول
أميرة بأعين دامعة... مش عارفة ليه على طول بصدقك يا هيثم
هيثم... عشان بتحبينى و متأكدة انى بحبك
كاد ان يضمها و لكن صوت طرقات الباب اوقفهم
هيثم... عارفة لو طلع جوز اختك الرخم هقتله
فتح الباب بغضب ولكن تجمد محله حين رأى الممرضة حامله هذا الرضيع ليتحول غضبه إلى فرحة التقطه منها و اقترب من أميرة التى كانت فى شوق من رؤيته ثم حملته برفق قائلة بحنان... لوتعرف انا حاربت ازاى عشان تيجى وكنت مشتقالك ازاى
هيثم ضمها هى و ابنهما قائلا... إحنا محظوظين بيكى يا أميرة
أدهم تحمحم ثم دلف قائلا... هيثم تعالى عايزك ضرورى
فهم هيثم المقصود فأشار له بالخروج ثم اقترب منها قائلا ... فى مشاكل فى الشغل هحكيلك كل حاجة بس دلوقتى خلى بالك من نفسك
أميرة بقلق.. هيثم
هيثم قبل جبينها قائلا... متخافيش انا هنا
يتبع....
الكاتبة علياء عادل أبوالعزم