بعد مرور ثلاث ايام و بعد ان تم اتخاذ جميع الاجراءات و الخطط المطلوبة لتنفيذ المطلوب و القضاء على جميع المشاكل
فى الشركة الخاصة بهم
دلف محمود إليهم ليزف لهم الاخبار السعيده.
محمود بسعاده و نصر.... الحمد لله ربنا وفقني ان انا اوصل لمكان الحرمه السعرانه دي
هيثم.... برافو عليك يا محمود كنت عارف ان انت الوحيد اللي هتقدر على المهمه دي
ياسين... طيب و الحل دلوقت هنعمل ايه
اسمهان... مش هينفع ان احنا نخطفها او نعمل لها اي حاجة اكيد اللى بيساعدها مراقب الجو و لو عملنا حاجة هيدخل
أدهم و هو يزفر... طيب و الحل هنفضل واقفين كده
أسمهان... لأ طبعا اكيد مش هنضيع كل المجهود اللى حصل على الفاضي
محمود... صوح كلامك اخيرا قولتي حاجة صوح يا بت البندر
أسمهان بغيظ... على فكرة بقى انا كل كلامى صح بس الطريقة يا استاذ هى اللى تحدد التعامل مع اللى قصادى
محمود... قلة العقل لها ناسها و انتى أساسها
ياسين... لأ اللى بيحصل كتير مش كل شوية افضل اسلك بينكم و كأنكم عيال صغيرين
كادت أسمهان بالكلام و لكن أوقفها هيثم قائلا بحده... انا مش عايز اسمع كلمة تانية و اللى عايز يتكلم فى اى حاجة برا الموضوع يطلع من غير كلام
أدهم... اهدى يا هيثم خلاص و الكل يهدى
محمود و أسمهان فى نفس اللحظه.. انا عندى خطة
هيثم... ما شاء الله اى حد منكم يتكلم
أسمهان... انا شايفة ان احنا نخلى لوجينا اللى تيجي بنفسها
هيثم... ازاى
محمود.. اعلان وراثه
أسمهان... صح اعلان وراثة مش المفروض تورث عمى الله يرحمه
ياسين... صح عندك حق يبقى كده شغلتك انتي
هيثم... عموما انا موافق على اى حاجة المهم نخلص من المشكلة دى
أدهم.. بس ازاى الفكرة جت لكم انتم الاثنين مع بعض
ياسين بسخرية... عشان كده بيتخانقوا اصل دماغهم شبه بعض
فى فيلا عابد نصار
كان الجميع مجتمع فى قاعة الجلوس
سماح بوهن... انا تعبانة اوى يا ماما مش قادرة
عائشة... كلها كم شهر و ترتاحى يا حبيبتى
سماح بوجع... مش عارفة يا ماما فى تعب بيزيد عليا
همس بخضة.. مالك يا سماح انتى كنتى كويسة
أميرة.... اكيد من التوتر تعبت
