عشقهُ خنجر في خاصرتي

البارت الثاني و الاربعون

_٤٢_

#عشقه_خنجر_في_خاصرتي

#بقلم_أسماء_ديمير_مع_Roro_Rose

مرام ..

ضوجة بيتنا ساكت غدير طالع وامي تغدت ونامت ...

الجو بعد بي برد والنهار توه بدا يطول ، تافأفت بمكاني متمددة بعرض الهول ، كعدت لحيلي ، لفيت شعري وافكر وين اروح يم عمتي صابرين لو يم بيت عمي ثامر ..

عمتي صابرين اكيد هم تنام تهلك من شغل بيتهم ، اخواني الكبار اضوج لروح يم نسوانهم المسمومات ، صح خلفتهن يحبوني بس اني ما اروح همه يجونا ..

بيت عمي ثامر على طول اروح ،  لان بيتهم ونس هم البنات وهم عمة فهيمة وجناينهم كلهن زينات ..

سبحان مغير الاحوال ، كنت قبل ما اطيقهن لغصن وشدن ، ومرافقة لعلياء وضمياء هسه عرفت اوادمي مثل ما يكولون ...

وصلت لبيتهم بافكاري واني مبتسمه ،  واتذكر عرس غصن والاجواء اللي سويناها ...

بين خطواتي توقفت بعد سنتيمرات عن الاصطدام بي ، ظهر فجاة كدامي ...

رفعت عيوني بوجهه اشوفه شبي شنو متعمد ؟؟

فراس:هلو

-هلو شلونك

-الحمد لله كلش زين بس عندي حجايه وياج ..

-اي هو اني رايحه يم مرتك والبنات نسولف هناك ،  اجيت اتخطاه جرني مرجعني يمه ،  واستغربت حيل ..

نفضت ايده بسرعه التفتت عالبيت اخاف زوجته تشوفنا ...

-هاي شبيك يمعود لا تبليني

-مرام الشرع ...

-ما خليته يكمل وقاطعته ، دير بالك فراس ، تخبلت زوجتك وبيتك تهجمه دشوف اختك واخويه ..

-بصراحة من شفته لاخوج تشجعت وهو سوالنا واهس

-واهسيش تخبلتوا انتو ، وحتى اذا تفكر مو اني ، زوجتك صارت صاحبتي هيج اني نذله واطعن ضهرها ..

-هو الزين صديقات يعني تتعايشن ، تعاي هنا بعدين انت من اول قسمتي شوفي هالضليتي بدون زواج ، وتره ابشرج اخوانج بعد للموت ما يزوجوج ما دام الكاع الجبيرة باسمج ..

-طز بالزواج راح اموت اذا ضليت بلياكم وما اشتم النفس مووو اكولك بالك من دربي لا تخلي حسنا يطلع ..

-اشو مستفلتة يولي وطلع لسانج،  تذكري بيوم جنت جوه رحمتي ، لو ما اني انت هسه بفضيحة مدفونة

-مشكور ما قصرت ابن عمي ،  وفضلك على راسي اانت ،  بس هالسالفة سدها لا تخليني اسدها بمعرفتي ..

-ليش ترفضيني؟؟

-شبيك فراس صدك تسولف عفيه

-متشاقين قبل اني وياج

-لا والله بس سالفتك مدري شلونها

-ليش شبيها اتزوجج يعني كفر

-اي تكفر بالعشرة ..زوجتك شكد زينه وياك وويه اهلك وويه كل ناسك خلفة عندك ورد عيشتك دحمد ربك يمعود انت شناقصك

-ما مسوي حرام

رافع حاجبه ومكتف ايديه لصدره ما اهتم ابد للي حجيته ..تجاوزته افوت واني اهدده
-شيلها من راسك احسن الك ...

دخلت من باب بيتهم ، وكعدت يمهن ،  شدن شافت وجهي مكلوب سالتني ما جاوبتها كلت الها ما بيه ...

عيني على مرته حاطه ابنها بحضنها تطعمه ..بالله هذا هم يعرف يشكر نعمته عمى اي والله مو زلم مجلوبين هالنوب من شافوا غدير كلهم تشجعوا ذاك غسان هم الله خبله وشاد على ضمياء زوجيني!!

كلام فراس بقى ينخر راسي ، وحسيته يكدر يقنع اخواني هالمره ، لازم عليهم لزمات هو وهم ورط غافر بدين جبير ، من عنده احتاج من ديشتري محلات بصف محلاته ..

راد مني ما كدرت انطيه لان فلوسي نص يم غدير ونص انطيتهن لجدتي من استدان منها محمد مره ثانية ...

وهسه ديستخدم فراس هالشي ضغط عليهم ..ومو بعيد يحسبوهن مهري اي اهلنا اسوء من اسوء تفكير قروي بدائي ..

عدهم المره ما تورث ، وما تتزوج الا اللي يختاروه ،  وحتى توصل بيهم المواصيل يبيعوها مثل ما سوه بغصن ..

اللي ما تدري وغافلة بان اخوها حاسب زواجها تجارة وربح ومكسب  ..كلنا نعرف شيخ رياض شكد دفع مهرها  ؟؟؟

مرت ايام وعزموهم لبيت عمي ابو محمد لبيتنا اول مره ، بعد العقد وهم كملوا عقد المحكة هنا ...

جوي كلهم لبيتهم اللي تركوه الفترة المرت من صاروا خلفتهم كلهن ببغداد بين دراسه وسكن همه هم حولوا لهناك ..

طبعا عزموا الزلم بعمامي وجدتي وعمتي صابرين بس ما رضت يجن ، لخاطر شدن اللي من سمعت ديجون تخبلت وتخربطت ..

وسمعت بيها متخربطة من الصبح وترد من راسها واكعه مريضة المسكينة شكد موقفها كان صعب!!

دخلوا محمد وعائلته للبيت واني دا اشوفهم من شباك المطبخ ..

سنوات صار ما شايفته شلون متغير  ، شكله وكبران ...

اني هم كبرت هواي ،  ووعيت وتندمت  هسه ،  شكد جنت قاسية وياه بالحجي ، وهم شكد اذيته وكنت اعرف بي يحبني ،  بس اخذتني العزة والكبر..

درت عيني عنه ..جهاله ومرته موجودين !!راح وقت هالكلام ..

بس عيني تفتر عليهم ، وكفت اطلع من المكان ..

استعجلت بمشيتي ومدنكه ...فجأة وانردمت بي رفعت عيني اله همس بغيض

-شبيج؟؟وين رايحه

-ما بيه اريد اخذ نفس مختنكه ما يصير؟؟

-يولي لسانج لا احشه

تعديته اطلع وهو يجوز مني لا مو عيب ...وصلت المطبخ حجزني مره ثانيه ..

- مرام ؟؟

التفتت اله اشوف شيريد بعد ...
طك جداحته ودنك يورث جكارة ،  ويباوع الي نظرة تخويف ،  ما يدري اني ما اخاف بعد ،  تعديت الخوف بمراحل ...

تقرب يمي وبصوت ناصي يحجي ،

-يولي وافقي اني اوكف لاخوانج ، فلوسج تبقى الج واني عندي خير يسد عين الشمس لا تبقين هيج

-شبيه احد شاكي الك انت

-يولي تبقين لا زواج لا خلفة

-ما باجيتلك

-ليش رافضتني ...لو رافضة الزواج كله ؟؟

هزيت راسي بخيبة اريد اطلع واعوفه ..وكفني كمش ايدي

-ليش ما تقبلين ، بيج شي يولي ، .محمد تزوج
وخلف بعد ما يفيدج ..اني اريدج

جريت ايدي وهو كامشها باديه ويحجي همس وياي رديته

-واني ما اريد !

هزني بقوة ويحجي بحقد
-مرام اعقلي لا اخليج تتزوجين ولا تطلعين منا ...فكري زين

نفضني من ايده وابتعد ،  يباوع بنظرة حقارة ...وجهه المحفر باثار وعيونه الملونات متروسات شر ما انكر خوفي ،  بس اعرفه ما يكدر ياذيني بشي ، لان ما عندي شي ...

واذا عالزواج ابقى بدونه لطول العمر ولا اقبل بفراس رجال واني اعرف زين نواياه الخبيثه

شدن ..

كاعده على ريوك و بداخلي افور ، عيوني تفتر على فرقد الي موعاجبته كعدتي يمهم ..

دنجت واني اتذكر كلامه صبح ويردد بجملته رجلها يريدها خلي ترجع عاد هسه يمل و بعد مايرجعها ..

بعدت عني هالجمله وكملت ريوك ، يرؤدني ارجعله بعد مادك ناقصه وياي ساقط ..

لا مو ساقط خطيه بس سوايته عيب والله ، كون اشمرها بحلك فراس واكله غدير اغتصبني ..

صفنت هو اغتصبني يعتبر اغتصاب هذا ؟؟! 

اي نعم اعتده علي رغم عني ! شلت لكمه خليتها بحلكي ، اي وللله جبرني اي شي ضد ارادتي و موافقتي يعتبر اغتصاب ..

ذاك اليوم سمعت هاي مثقفه الي تشتغل بحقوق المراه ، رضوى شربيني ، هي تكول هيج ، اي فعل من الرجل خارج نطاق موافقه المراه هو اغتصاب بحقها ..واني ما جنت اريده ...او ليش تجذب اريده بس كارهته هسه ..

ابتسمت رفعت راسي والله صايره مثغفه يا شدن  ونحجين بالحقوق ..

اي قابل بس مريم نذله مثغفه ، رفعت راسي لان امي صافنه بوجهي  ..

دنجت راسي اكمل اكل ، خلصت رغيف الخبز وجريت الثاني من كبال فرقد و كعدت اغمس واكل ..

فرقد رفع عيونه علي من اخذت الرغيف من كباله ، حجه وجع انفجعتي شبيج ..يوم ناوشيني خبزة هاي دتتغالب وياي

مارديت علي ، شلت ستكان جاي شربته كله ، رجعت جريت كلاص الجبن خليته كله بخبزه  لفيته اكل ..

امي فكت عيونه حجت بالعافيه يماا شنو بارحه نايمه بلا عشه ..

حجيت واني اكل لااا اكلت ب١٢ هم فواكه و لكيت بقلاوه بالثلاجه ..

صفنت بوجهي مصدومه همست الف عافيه يماا عافيات ..

كملت اكل و كمت على شغل البيت اني ومرت فرقد ..

لملمنه البيت اكو الم بمعدتي ، لزمت بطني افرك بيها ، انتبهت على مرت فراس ، حجت شبيج ..

هاا ..

لازمه بطنج ..

عبالك تشنجت ولج ، من كثر شغل ..

خاف دوره هذا موعدها اكعدي ارتاحي ..

وكفت لحيلي حجت هااا درت وجهي ..

شبيج ..

صفنت عليها شوكت اجتني دروه اني ..

شنو  ؟؟!.

صديت بوجهي اني دوره صار شكد قطعت عني ..

شمدريني اني ..

-اشو ما اتذكر والله بس صار هواي عزااا ..

التفتت عليها صار شكد من اجت غصن وجابت الي العبا  من بغداد  ، 

قبل شهر هيج شي  هيج  شي ..

صفنت بوجهاا شنو يعني دوره صار شهر او اكثر  مااجت ..

رفعت حاجبها وتقربت علي هاي شنوو ، متاكده ..

والله اخر مره اجت من غصن هناا ونطتي العبا ..

خلت ايدها على حلكها خاف التهابات عدج ياحظي ... لازم نراجع دكتوره ولج ..

فهيت بوجهاا خاف حامل عزاا براسي... يا سواد حظي ..كعدت بالكاع خايفة ..زوجة فرقد تسمعنا ساكتة ...خزرتها ..مو تفضحيني ابتسمت
-لا يمعودة وشكو واذا حامل مو متزوجة انت؟؟

رؤى فكت عيونها بوجهي منين اجه هذاا ول٠ شوكت..

مو ماكتلج غدير اغتصبني ..

شهكت عزااا عليج ولج هاي شوكت ..

صميت حلكهاا يمعووده حسج فضحتينه ، اي والله اغتصبني غصب عني كوووه مروه والله مو بكيفي  ..

شلون غصب انتي شكو تنطي مجال وين شافج وانت ما طالعه للباب ..

والقران هو جبرني ..ومرام الجلبة السبب هي اخذتني

يعني شلون كدر يولي مشتهية ومستحية خاف انت رحتي اله  ..

والله غصب والله غصب ..

وين لكااج يالثوله ..

بالممر ..

ياممر هذا ..

هسه شعليج ياممر !معناها اني حامل هسه؟؟ ..

شدراني اني ولج مو كاطعه عنج وذاك الاغبر نايم وياج معناها حامل ..

لا عفيه لاتكوليها ..

اني شكوو روحي حاسبي روحج من مسرسحه جواه ..

ولج هوو جبرني ..

شبيجبر منج هو تك عين وتك رجل شبيج هو هذا هم بي حيل ..

حيله حيل الحايط والله غير متعرفي ..

عساني لا عرفته لهل حيوان .. باعي دجيب الج اختبار عندي بالغرفه خالته احتياط جربي شوفي مصيبتج اذا حامل روحي لهل جلب و كليله يشوفلج صرفه شكد عيب من اخوانج عزاا اذا عرفو ..صار اشهر انت يمهم بحجة زعل شكد عيب

دكيت على خدي شوررج شسوي يعني  ..

دوخري دجيب الج الاختبار لابارك الله بيج وبي ، شهل سالفه ..وهم خابصتنا تريد تتطلك واخوها ديفكر يساندها وديدور محامين ....مو مكيولة هالسالفة واني من حجيت وكتله لا تتدخل ؤين مره ورجال خبلني !!

راحت واشرت الي الحكها ركضت وراها للغرفه اشوف الاختبار شمرته علي واخذته ركض للحمام ..

سويت الاختبار وكعدت انتظر النتيجه بالحمام ..

اندكت الباب اخترعت صحت منووو ..

حجت اني ولج هاا اني افتحي ..

فتحت الها ودخلت تلهث حجت هاا بشري حمامه غراب ..

شدراني شوفي انتي ، حطت راسها تشوف الاختبار شهكت صاحت صخاااام صخمج حامل ولج ، معناها حط نغل بطنج ..

دنعل ابوج نغل شنوو مو ابو موجود بت الجلاب ذبيتي علي نغل شبساع ..

لعد.مو مغتصبج لو لااا هو الطفل الي يجي من الاغتصاب يسمو نغل لازم نطرحج ضروري . .

طبعا احنا بعقليتنا البسيطة هيج فكرنا واني من صدك خفت ...

اسم الله الرحمن ، لا عيوني رجلي هذااا نغل شنوو ، لا اغتصبني ولا شي اصلا كلشي برضاتي نوب تسمون ابني نغل اسم الله لا نوب ناوين تكتلو خير انشالله شكو ..

دلحكي روحج قبل لا رجلج يطفر لبغداد و توكعين بمصيبه ومايرضى يعترف بي ..تره وكع ماي وجهه واهلج معاندين يردوج اله

 شنو بكيفه ومحمد اكلب دنياا شنو مايعترف بي ..يعترف غدير مو نذل لهالدرجة..

حشاه خيه احنا انذال اللي سمعناج عبالنا مضبطة طلعتي تسرسحين بس يطخج
-ولج والله ما تسرسحت

دمشي حاجي لا تكبر بطنج وتنفضحين ..

شنفضح خيه شجاج وياي غير مزوجه وحامل من زلمتي ..

زلمتج صار اشهر انتي زعلانه وياه ، ومنا هو راح يولي لبغداد يتزوج ...كبل يسالوج منين حبلتي بي ؟؟

مايسالوج بالله شغلي عقلج واركضي خلي سالفه بحلكه وخلي يجي يرجعج لاتكبر بطنج نوب واهلج يحسون علي يافضيحتج والله اذا انحطيتي بحلكهن بعد..

لانكولين هيج الله عليج قابل تكبر بيومين شسوي هسه اني  ..

شلون لعد وداعتج باجر جوز تطلعلج بطل شايفه نفسج انتي صايره هايشه مال اكل ..ومنا بس نوم حتى للحديقة ما تصلين شلون ما تكبر بعد ...عزااا اذا نكره يا شدن مصيبتج مصيبة ومحمد يذبحوج اخوانج بسجين عميه مكلوبي!!

خوفتني صدك عود ليش اني مأمنه هيج بغدير ....

دفعتها اركض لبست نعال وعباه امي وركضت لبيت عمي ابو غسان بلا اي كلام ولا خبر ..

دخلت الهث شافتني مرت عمي ام غدير تفاجئت حجت هاا يمه خيرج خما اكو شي ..

لزمت صدري الهث سلامتج عمه مرام وين..

حجت ترى مرام يم جدتها ..شتريدين منها
كنت اريدها تفزع وياي بس ماكو ....

حجيت هاا عيوني تفتر على بيت ، ادري بي موجود ماطالع ..هالايام مرام تكول ملتهي

حجيت ها خوش ، درت وجهي عليها لكيتها مبتسمه ..بقيت واكفه لا طلعت ولا تحركت وعيني عالبيت

حجت هي فاهمتني بالحمام غدير!! تردي شنوو اكو شي رديتي لبيتج يماا والله احسن الج من بقيتج يم اهلج وانت وياي شعليج بيها خل تولي ..

قاطعتها ضايجة من السيرة

وينه هو ..

بالحمام ، روحي لغرفتج حاجي وتفاهموا يما مالكم غير بعض والله ..والله يحلف ما يقصر وياج ويكول بس خل ترجع ليش يمه تسمعين للناس رجلج وبيتج هذا ليش تعوفيهن والمن وره كل تعبج؟؟

سكتت عنها ما جاوبت اصلا بالي مو يم اقناعها هسه افكاري كلها مشوشة بعد ذيج التواسيل كلها وطردته وهسه جايته برجلي

عفتها ومشيت للغرفه هو ماكو ..

دخلت لغرفتي؟صار سنة هاجرتها ..

على حطتها ، ماكو شي تغير بيها بس الترتيب صاير رجالي اكثر ..

لافه العبا عليه ومجلبة بيها خايفة وعبالك ما لابسه غيرها ..اشو كلش روحي مختبصة وسمعت باب انردت ..

التفتت وغدير ، شعره ماي و عينه الي مايشوف بيها باين منظرها ومنظر الخياط ..اول مره هيج اركز بيها واضل مطوله نظرتي عبالك جانت مفتحه من عشت وياه ولا بيها ضرر...جنت اشوف شكله وكله غير ... وهو من شافني هيج صد عني

جريت نفس ..اريد احجي حجارة بصدري الحجي ثكيل وياه صور المهر تحفر بروحي

مستغرب وجودي حجه شدن شجابج؟؟! ، ابتسم فرحان وتقرب... رجعتي موو عفيه عليج  ..راد يتقدم يكمشني ابتعدت ...

حجيت كبل اني حامل تره …

وكفت متخصره ضايجه حيل  ..

فك عينه ابتسم مستهزء ، حجه حامل ؟؟!

هزيت راسي اي نعم ..

من منو حامل ؟!

صفنت بوجهه وما تخفي خوفي من نكرانه .. من حظرتك من حايط مثلا ..

طالع الج السان اكصه الج والله تغلطين مووو؟؟ …

اسمع دكلك حامل  ودبرني يله ماتحمل سالفه بحدي اخواني واهلي عيب ..

اني شكوو واصل يمج اني نطاني ظهره واتجه للميز ينشف ..ثكل وياي حيل واني احس گلبي ينبض بقوة صار واجعني ..رحت بصفه واحجي بعصبية

اكلك سوالفك هاي ماتمشي علي غدير ومحمد اكلب دنيا اخلي سالفه بحلك فراس واكفه و رافعه اصبعي واهدد بي ..

اندار علي وشايل مشطه ضربني بي على اصابعي جريتهن متالمة

اكسر اصبعج والله هذا رافعته بوجهي ،دنكت والدمعة نزلت ركض ..انهضمت حيل

  تقرب عليه بحركه خطف ، وجرني عليه ، لزمني من ايدي وجرني لزكني بجسمه ، هذا اصبعج رفعتي شوو وينه انطينياه ..

توه يريد يلزمه خليته وره ظهري خفت جلب بيه من خصري جارني عليه ، صايره وكحه ولج ..تغلطين ولسانج فلت؟؟جر اصبعي عضه قوي المجلوب

صار اشهر اركض وراج مثل جلب واتوسل مارجعتي ولا نطييني امل من حبلتي اجيتي برجلج تردين حل ، هااا شو حيري بنفسج واني مال شغل بيج ..

دفعته دوووخر ، ابتعد عني يضحك صافن بوجهي ، شنوو بكيفك ومحمد افضحك عبالك شدن القديمه واسكت اسممك والله اخلي سيرتك على كل لسان  ..

سند ظهره على ميز ، مترهي ،  اي بالله اي طلعي عرامتج مو اني اعرفجن منو جدتجن منو عمتجن مو صابرين ماكو وحده بيجن فقيره بلا الله انتن ، عمي عرمات ..مسويه نفسج فقيرة

يباوع بوجهي يستفزني واني ازيد بناري...عطت بي

تلكالي حل لو لااا من الاخيرر، حتى اذا ما صرت رجال وتصرفت اني اتصرف ..

وكف لحيله شنووو منو مو رجال ولج جلبه ..تقرب واني اتهزم منه

رجعت ليوره اكلك لا توكفلي على الحجايه الجاهل تعترف بي لو لاا ..

لا تعاي منو مو رجال  .

اووو غدير كتلك الكالي حل ..

لا والله داشوفج رجال شلون يصير  .

يريد يلزمني نطيته دفعته هو منا انعاله مبلل ويكول هيج ويوكع ليوره ..

عطت اسم الله عيني اسم الله ..من كل عقلي خفت عليه وكعته قوية ، يماا ركضت علي ، سوده بوجهي ..تاذيت

هو وكع على صفحته من تقدمت علي اصيح يماا سوده عليه خما بيك شي ..

مدد بالارض ويصيح ااااه حموووت شدن كتلتني اذتني صوبتني حموووت وراح تترملين وابنج يصير يتيم ، حموت و ابنج يولد بلا ابوو ..لحد ما اباوع بوجهه يضحك كل شي ما بي ...كبور شدن قابل شبي؟؟

وكع على صفحته قابل انضرب طلقه شبي ، هم استغلني؟؟ ..

هو ضل مدد واني كمت لحيلي عفته  ..

رفعت اصبعي اسمع غدير ، والله الك منا لباجر تجيب عمام و عشيرتك كلها وتجي تتوسل بيه ارجع و عود اني افكر ارجع والا ترى والله احجي لفراس على كل شي ..
هو بالكاع يضحك

-بالله عليج احجي هو اني اريدج تحجين
كلبت وجهي عليه وطلعت من لساني كلمه هم غلطت صدك لساني صاير فلت عليه اني ...اريد انهزم

عفته و جيت اطلع حسيت بواحد لزمني من رجلي و عثرت وكعت بصفه مو بقوة لان تلكاني هو  ..

جلب بيه و جرني بالكاع بصفه يضحك شوو دتعاي نتفاهم شبيج  ..

وخرر انته واحد مغتصب والله وقليل وفى ماعندك اي اخلاص ..

شهل مصطلحات هاي منين متعلمتها صايره اشكال تمرشك عليه ..عمي قابلين بكل شي بس ارجعي هسه والله كريم  .. عود لسانج اضبه بطريقتي ..يولي فقيرة انت

من ضيمك انته تحجي الاخرس ..

ومحمد صايره تخوفين بت ثامر خايف منج ..

رفعت تك حاجب ما مأمنه بي بكد شعره واني هيج بايده... حجيت ابنك ؟؟

ابني يابه والله ابني ..

تجيب اهلج وناسك وتجي تتوسل كدامهم كلهم..

وابوس راسج هم والله ..اجيب الج مشية وذهبج ماخذه اكيد حجت الج حبيبتج اختي البايعة
-اختك الجلبة من وراها

-فدوة لعمرها ..لو ما هي ما ترهم

صفنت بوجهه هو يضحك ويبوس بوجهي ويرضي ... تعوضني عن ايام عرسي الاسود ..

مفلس ووالله ..

اني مارايده ماديات ..

هاا تردين شسمه غمزلي ..

ضربته بلا قله ادب ، اريد دلال نفس ماشلتك وداريتك دللني وداريني مره حامل شايفه ضيم منك لا يطلع طفل احول وخطيته بركبتك ..

كلشي ولا وريثي ولي العهد هذا يمعوده انزعج واسبحج باديه هم اذا تردين ..

ابتسمت ، ويوميه تفرك رجليه ..

لا لهنااا تحوينتي انتي خلي الج حد وتادبي اني زلمتج .
.
-والله ما تفرك ما ارد وابنك احطه بباب جامع

-انعل....ليش تخليني اسبج يولي ابوج ميت

-شوو بالك هالنوب تسبني هاي العايزة

كعدت وهو وياي مجلب ويتوسل ويبوس بيه

-لا والقران ...ولج يولي دتعاي شلعتي كلبي والله واني رجال نص لشه ما بيه اضل اتكلب وياج

-بس تعرف تتزوج عليه ...شو دعوفني

-مو جنا حلوين شجاب بالج الك...."الزواج"

-يعني شتريد انسى

-لا غلسي وعيشي وياي اعتبريني منتسب لا تحسبيها هيج

-بس متزوج انت

-ولج والله احبج اني ..افرك رجليج شو دجيبيهن ...
اخذ رجلي بحضنه يفرك بيها
ابوسها وترضين اذا هيج ترضين؟؟

جريتها منه كان يحجي بجدية ما مصدكتها لهسه ..اصلا ما مصدكه هيج يطول خلكه

تقرب من شافني هديت كليا جرني بحضنه

-اشيلج بعيني والله انت بنت عمي وام وليدي شعليج بالحجي يولي ما اقصر اكولج وانو شفتي قصور حقج ..عالاقل ردي هسه لخاطر البطنج

-هو انت ردنها هيج تصير متعمد

-لا مو عاد هيج ماخذ ضمان من ربنا بهذيج الليلة قابل بس ربج راد يوفقني ويسهل امري هو اعلم

-اويلي عالايمان والتقوى

-ولج بنت ثامر شكد وكحه صايرة..عبالي طالعة لامها

-اي حتى تستغلني

-لا والله حنى تحنين عليه

-وشاحصل

-شتريدين حاضر ...ادللج واداريج

عوجت حلكي الله يرحم مداراتي الك

هااا صايرة تمنين بفضلج
تعلمت من ناس

،هسه متفقين يعني ..

شنو؟

ترجعين ؟

شوكت تتزوج؟؟

شلج بهالسوالف دعوفي السالفة

-جاوبني بس عفيه غدير

-بعد اسبوع

دمعت عيني وعضيت شفتي بقهر وكامشة بطني
-اروح اجيب هدومي واجي ؟؟

اجيت اوكف هيج ما عندي لا شخصية ولا كرامة اصلا ما عندي عقل اني

خجلتني اكثر سالفته

-لا روحي لاهلج وضلي لليل اجي اخذج

-ليش مو هسه يعني ما تريدني بطلت مووو؟؟

-يولي هاي شبيج لليل واجي ، حتى كدام الكل رجعتج تصير .اليوم اغفيج على ايدي مثل ما جنت تطلبين ..

بجيت بقوة وشهكت من ذكرتي شلون جنت اتوسل اهتمام منه وهسه كل اهتمامه واني منقصة كل شي ....جرني وباسني بقوة دمعاتي تخالطن ويه بوساته ..وضكتهن

....سنحت على صدره ما ودي اتركه وهو يمسد براسي ويبوس بوجهي .

يتغزل بكل شي بيه ، مددني وصار عكس وضعنا السابق ، شويه واضيع وياه بغابة مزدحمة الفروع من مشاعر قوية وشغف جديد ما داخلتها قبل وياه ..

رجعتنا للواقع مرام وهي جفتت فوكانا رادت تجفصنا ...

مرام:يمصخمييين!دقفلوها للباب عزاااا

من خبصتي لميت روحي بساع وغدير كام عني جفلان خطيه يجوز بعد ما يكدر بزواجه من الهبطه يلا ان شاء الله تعطل وما تدبرها ...دعيت ورجعت تراجعت واني شلون لا اسم الله ؟؟؟

مرام مستمرة تعد وتصف
-ناس كفار ما يستحون وينج عمه صابرين لحكي عليه بنت اخوج البريئة اروح يمها اشرف  ..ذوله سلف كفار .

# يتبع.....