.. ها لا مابيه شي ومدري شتسوي بموبايلها تكتب رفعت راسها
وكملت كلامها... بس شسمه ابويه اجه
- ها اي تمام لعد هسه فتحتيلة الباب مو
- أأ لا روحي انتي فتحيها
رفعتلها حاجبي بشك، ليش مافتحتيها اله ولچ؟
وسمعت الهورن مال بابا مرة لخ، راح اروح افتحها ومن نجي نحچي
رحت سريع فتحت الباب طبب سيارتة نزل وحچةة،،
وينكم صارلي ساعة بالباب صدك جذب 3 محد تسمعني
_ لا بابا ماسمعنا صوت تلفزيون عالي فوت انتَ هسه
دخل للبيت ذب السويج وكال صبيلي عشا بويه..
ع السريع حميتله الاكل وخليت الحبشكلات اكيد رتبتهن وگام ياكل
ردت اروح صاحني :- بابا اكعدي يمي شويه عندي حجي وياج
اي ماشي
وكعدت انتظرة يخلص... كمل گال صبيلي چاي
كمت صبيتله ومنتظرته يكمل احوص شيريد عود شكو؟!
هوه يشرب واني اباوعلةة لحد ما ماكدرت وكتله
_ اي بابا شكو احچي
صفن بعيني لحضات مااعرفت افسر شنو بيهن هالعيون بهالوقت
... _ اول شي اريد اگلج انتِ تثقين بية وواثقه من قراراتي صح
_ اي صح اكيد كول شكو بس
.. لا هذا موضوع هيج بس دااريد اعرف تدرين اني مااخذ قرار اذا ماواثق منة وبي مصلحتكم اهم شي وهسه خلينه نحجي بالموضوع الرأيسي
_ انتي تخبلين والف واحد يتمناج وهاي حياة الجامعه والخرابيط مااريد فد مره تكولين واحد اعترفلي واحد مدري شنو واحد كال اريد اتقدم ديري بالج تره ميصيرلج خير وتشوفين مني وجه ثاني
هزيت راسي - اي اكيد بابا اصلا اني رايحة بس ادرس تدري بيه
- هالاشياء تصير هواي بس اذا صارت وياج انتي بالذات مااسامحج واعاقبج بعقوبة صعبه حيل
- يابه ياعقوبة شسالفه . تدري بيه مو مال هالامور وثانيا كلت شغله هيه مااريد احد يتقدملج هم بس هنا يعني اني شيخصني يجوز شخص يشوفني ويتابعني ويجي يخطبني منك شلون هيج؟
- اني كلت العندي ومااريد يجي احد يگولي بنتتك خطبوها من كليتها وبنتك خطبوها ناس شايفيها قبل َلسان عمامج وكرايبج ميسككت
- ليش مو يسرى اخذت عن حب؟
- انتي شداتحجين شفتي لحد الان يذكرولها انها تزوجت عن حب وجانت مصاحبة تردين اني بنتي تصير هيج!
- بويه مدا اكول وكتلك مستحيل اصلا لكن اذا شي خارج عن ارداتي مثلا شخص تقدملي واني ماادري بي مثلا شسوي وانت تگول اعاقبچ!
- احترمي نفسج ولتختلطين بأحد ويله عادي اني ارفض اذا تقدمولج مناك بس مااريد اعرف بعلاقات وخرابيط
- اي تمام اصلا هذا كلامي
تركني ومشه وخلاني اتخبط راسي يجي منا يروح منا ! بابا انسان قيادي ذات تربية وشخصية صارمة هواي من طفولتي اتدكر عقوباته إليه والاختي لكن بعد ماكبرنه هواي تصرفات تغيرت من عنده وصار يحترمنا ويسمع رأينا لكن بقه على طبيعته ببعض المواقف
رحت للغرفة ونسيت اصلا سالفة موبايل نهى وهيه لكيتها لافه راسها ونايمة وتمددت اريد انام ليوين ياله بعد ماحسيت بنفسي'
فتحت عيني على صوت الموبايل رنة المنبه، رفعت راسي بثقل و طلعت من الغرفة اغسل وجهي
غسلت وجهي ونشفت نهى تلبس بملابس المدرسه
طلعت هدومي تنورة وقميص وشال مرتبات شي على شي وكعب اسود وخليت مكياج خفيف برزت عيوني بكحل اهم شي
طلعت سويت مخلمة ابويه ورويده بالمطبخ هيه تصب الشاي
كملت الريوك صبيته وكعدنا ناكل كملت تحمدت وكمت.
لبست حذائي ونهى اجه عليها السايق واني طلعت ويه ابويه لان مالكالي خط لسه.. وهوه دايوصلني
وصلني وراح.. تمشيت صارت بوجهي مروة ضحكت واجتي عليه صباح الخير
دُرة : صباح العسل شلونج
مروة : زينة زينة امشي نروح للكافيتريا،وخلت ايدها بأيدي ومشت
دُرة : اخاف تبدي المحاضره وناكل تبن نفس البارحة
مرروة : هسه خلكملج ولج غير البارحة راد يغمى عليه اني مستحيل افوت محاضره لتخافين كولشي ماعدنه هسة..
دُرة : ههههههه تنذكر ومتنعاد
مروة : هاي وصلنا رايحة اجيب لفات اكعدي انتي
صحتلها داانطيها فلوس ماخلتني عافتني وراحت
اجتي جايبه فلافل.. كل وحده لفة ثنينهن صاص وقوطيتين ببسي باردات
اول ماكعدت طلعت فلوس خليتهن بايدها
- حبابه تاخذيهن مااحب احد يصرف عليه
- يعني انتي مامعتبرتني صديقتچ؟ ليش اختج متدفعلج اني حسبتج اختي لتسوين هيج عفيه والله ازعل ورجعتهن بجنطنتي..
ويه مدا نسولف اجو شلة ولد كعدو قريبين علينا واحد منهم كرسية صاير كبالي بحيث تقيدت
عبالي عادي راح يبقى يسولف ويا جماعته مو يمي تالي لا طول الگعده هوه عينه مانزلها اصلا لحد مازهكت كتلها كومي
مروة.. شكو
دُرة.. كومي متشوفي شلون يبصبص واصلا ولد وهاي اختنگت، صدك هيه هم كامت وابتعدنا عنهم
مشينا كعدنا بعيد عنهم، جان اكو اكثر من مجموعه كاعدين سوه...
دانحجي وسمعت بنيه تكول تعالن يمنا
رفعت راسي اشرت على نفسي وكلتلها : علينا تقصدين
رسل : عليجن عيوني تعالن
مروة : كومي خلنتعرف عليهم، مبينين حبابين والبنات اكثر من الولد، يعني اذا تردين لتحاجين الولد عادي
دُرة : ماشي، وكمت.. رحنا باتجاههم وبلشت البنيه رسل تعرفنا عليهم واحد واحد وكالت اني وياجن بنفس القاعه
انتن انعزاليات، ليش هيج؟
دُرة : لا موسالفة انعزاليات بس يعني اصلا اني ومروه تعرفنا صدفه ههههه
رسل : لا اني هنا رسل الاجتماعيه، اجمعكم كلكم لو بيدي اسوي كروب ع واتساب واضيف الجامعه كُلهها
علي : حجة بضوجة : ايي تحسين بالناس الانعزالين بس متحسين بغير شي، تحبين الكل بس متحبين اليحبچ
مروة واني وحده التفتت ع الخ، جان تعيط بنيه اسمها حنان
حنان : يااا ولكم مو كلنا كافي تتناكرون، ندري تحبون بعض بس كافي يوميه متعاركين شسالفه هاي وانتو كرايب
رسل : خوفج من الكرايب، لجج اصلا قدملي ع هاي الجامعه علمود اصير يمه
وباوعتله بخزره... يشك حتى بخيالة
. علي : اشر على نفسه ومبين صار عصبي، ولجج اني شكاك!!! ولج غير انتِ اذا شفتي اي شخص يمر من يمج تكوليله هلاو وشلونك وتضلين تسولفين
ادري فطييره بس الناس تشوف بغير نظره طلعتيني اشك بيجج!!
رسل ضاجت حيل واخذت جنطتها وكامت، علي كام وراها لحكها..
مروة : هاي شكو؟؟ اني مافهمت شي عبالك فيلم مسرعي
دُرة : حكيت انفي خجلانه، يعني مااعرف شنو كصتنا فگر عليكم لو شنو ههههه؟؟؟ اخاف لان كالتلنه صار عصبي
لو ادري مااجيت وككعدت وياكم اعذروني صارت بسببنا مشكله!!
حنان : يااا شوف مقتنعه.. هذوله يوميه يتعاركون من الروس وثاني يوم يجون واحد يضحك ويا الثاني
تعودنا عليهم، وبالعكس تشرفنا بمعرفتكم لتگولين هيج
وصدوك ثاني يوم اجو كُلشي مابيهم، مثل الورد والكروب بلش يصغر إلى ان صار بي بس اني ومروه ورسل وعلي وحنان وولد اسمه احمد
ويوم من الايام
اخذنا كم محاضره وطلعنا وطبعا اني ومروة تبادلنا الارقام وحفظت رقمها يمي انسانة طيوبة محظوظة لان التقيت بيها اجاها الخط وراحت
انتظرت ابويه يجي ماكو اتصلت علي هم ماكو اتصلت على نهى مترد شكو شصاير!
كعدت انتطرة ع المصطبه قريب الباب حتى بس يتصل اطلعله
لحد ماصارت ساعه تقريبا كلت هايهيه بعد ميجي لعد واتصل ميردون القلق اكلني اكل اكييد صاير شي رويده بدلت رقمها قبل فتره وماحافظته..
گلت اخذ تكسي وارجع ابد مامسويتها قبل. بس شسوي المسائي اجو واني بعدني
.. طلعت دااشر للتكسي وصفت يمي سيارة اهو هذا مقدام
فتح شباك السيارة الصاير من جهتي واني واكفه بثبات اصلا ماتقدمتلة..
حجه بأنفه
- اصعدي ابوج ميجي
- ليش ميجي صاير شي
- اي مشغول هسه اصعدي اني اوصلج يلا لتأخريني
- مااصعد واذا مشغول اني ارجع بتكسي لااعطلك ولاابد ودرت وجهي عنه
- استغفر الله لج يابا صعدي لتخبليني ترجعين وحدج بالتكسي عادي عندج مو؟ ودنيا ضهر وناس ينعدون ع الاصابع
انداريتله بعصبية
- تره انتَ هم غريب اعرفك تعرفني اشو شفتك قبل كم يوم!
- رفع حاجبه وحجه بتهجم :- ع الاقل ابوج يعرفني واني اعرفه وحتى انتي اعرفج كلش كلش زين اصعدي احسن ماانزل اني وميصير خير تره
ركز على الاعرفج زين من حجة جررها جر شقصدة هوه شايفني 3 مرات بعدين فكرت بيها هم صدوك ارجع ويا احسن ماارجع ويه غيره
بس مااگدر اني هم لازم احچي صعدت فتحت باب السيارة الورا وحچيت،، شتسويلي مثلا اذا نزلت؟ اشو انت مصدك نفسك ..صعدت وياك لان شفت هالشي صح لااكثر ولااقل ورجاءا استعجل اريد اشوف ابوية وأهلي شصاير !
مسح على لحيتة.. الصبر ياصاحب الصبر اشتغل عندج اني استعجل شبيج بابا احجي عدل
ادردم بيني وبين نفسي عليه .. وتذكرت صخااام مااستنسخت عندي استنساخ من دخل الاستاذ طلب من عندنا نستنسخ بعض الاوراق وضروري كولش
حجيت بثقه بعد ماوجهت نظراتي اله، احم اذا ممكن نزلني يم اقرب مكتبه هنا اريد استنسخ ضروري
- مهمات يعني؟!
- اي كولش مهم واذا متريد تنتظر عادي بس نزلني هنا وروح
- اي ويوصلج ابو المكتبه يجوز عنده سياره لو على دراجة حتى تصير احلى
يحجي بنبرة هدوء على استفزاز على شنو ماادري المهم طريقة مو حلوه
ركن السياره، انطيني الاوراق استنسخلج وابقي هنا ديري بالج تتحركين
ماانطيتهن اله وحچيت.... لا لا اشكرك اني انزل بس وين المكتبه ها؟
ها هذيج مو
وخليت ايدي ع باب السياره داانزل هوه قفلها رأسا سمعت صوت الطكة
انداريتله عصبيه شفته صاير.. كتلة غضب وعيونه تطلع شرار ونتر بيه حيل
قسمآ باالله يادُرة اذا نزلتي خطوة من السياره اكسر رجليج تنچبين وتگعدين واني انزل فهمتيييي
يتبع...
كوثر محمد
اييي شلونكم شخباركم كليباتي؟؟
شنو رأيكم ببداية القصة شنو حبيتو شنو ماحبيتو سولفولي عويناتي 💜🌚