كأننا لم نحترق

تكملة البارت الثاني والثلاثون

- اسولفلج من جنت الحكج من تطلعين من المدرسه؟ !!

- ابتسمت وهزيت براسي، اي سولفلي

- تنهد وبلش يسترسل بكلامه : مره جنتي لابسه شال بيجي وطلعتي ويا صديقتج ضايجة..

دخلتي لابو الأسواق اشتريتي منه ككو غلافه ازرك و ضليتي تاكلين منه بالطريق وتدردمين ههههه كلتيلها بنت المُدرسة تلبس التريده بس اني لبست هيج لون طلعوني مملتزمه ولازم اتعاقب

بيومها حواجبج معكوده، وتفرفحين بكلامج بحيث وجهج مكلوب احمر دم من الاعصاب..

ابتسمت بيومها كلت هاي عصبيه واني عصبي!! شلون نتراهم

بس جنت واثق راح اخذج، لو اني لو ماكو..

صح جنت اجي مرات،بس جنت يرتاح كلبي من اشوفج تضحكين انتِ راحتي واماني

ضحكتج تردلي روحي، ويا كل مره جنت امرلج جان كلبي ينبض سريع واحوالي تتخربط اريد اتقدم احاجيج متلهف

لكن مااجيج،
_ رفعت راسي، شفته يباوعلي ابتسم وقوس شفايفه.. وكمل كلامه

مقدام.. كلت اكمل الشغلات المتراكمة عندي واجي اخطبج،
صح جنت احس نفسي بعد طلعت عن السيطره كلبي كام يلعب بيه لعب وعيونج الحلوه دوهنتني و اكره احد يتحكم بيه

بس لخاطرج جنت أاجل شغلي واجي حتى الحك على طلعتج من المدرسه.. تعبتيني وتستاهلين التعب

جنت اكول لك مقدام هاي انتَ شداتسوي؟؟؟!
والكه نفسي متابعج وشتنشرين وشتحبين تشترين ومتغيبين عن بالي من اكون بعيد عنج جسديا

وعقلي وتفكيري يمج حتى روحي، اضل الوب اريد منج خبر اريد اسمع صوتج،

ههههههههههه تدرين مسجل مكالماتنا سوى، كلما اضوج اسمعهم..

- ابتسم ع كلامة، واحمد ربي لان كلبي مال اله وهسه احس حياتي بأحسن مايكون و اتمنى ربي يديم هالحب بيناتنا...

رفعت راسي اله، باسني بخدي وبسته اني همم..

حضني اكثر اله، وهوه يباوع بعيوني وضحك.. جان يكول :- كافي تكابرين نعستي مبينه، كومي نروح للشقة ننام

هزيت راسي، لا.. خليني هنا شويه بعدين اني مرتاحة بنومتي هيج معليك بيه

حجة وهوه يلعب بحواحبة بخبث، : مو تدللين هناك هم انومج هيج قحط نومه اصيرلج فرااششش

.. دغيته بمتنه واني اضحك، وعيوني تنسد وتنفتح

لك لتصير سرسري عيببب..

رجعت سرحت بالجو الى ان ماحسيت بنفسي بعد..
غفيت..

----------------
العراق، البصره - وقت الفجر..

نهى
فزيت على صوت الاذان بموبايلي.. تعوذت من الشيطان وكمت مخليه ايدي على حلكي واتثاوب..