كأننا لم نحترق

تكملة البارت السابع والاربعون

يفهمنا بطريقة تخبل..

جان مخليها وحاضنها ويسولف وياها

اجتي دُرة للمطبخ بعد ماجدو اندار لمقدام يحجي ويا..
ذبيت من ايدي كلشي وشبكتها مره ثانيه

سمعت تقرقر

نهى : ها عيني؟!

رفعتلي ماما راسها وتضحك : وج هاي صوت بطن منو منجن

نهى : هههههههههه لتكولين هاي صوت بطن دُرة؟!
حكت طرف حاجبها وضحكت وهيه تشتت نظرها وتضحك
دُرة : شسويلكم ماكدرت اكل بالمستشفى هلكد واني جعت

وجان مالي واهس اكل ومقدام هيج وضعه اصلا يعني ..

نهى : هسه حيجهز الاكل اوووي

ماما' يمه بنيتي جوعانه واني هنا

دُرة : مام نصي صوتج ترى يسمعج مقدام يبتلي بية هسه

هوه يضوج من مااكل

نهى :لعبت حواجبي بمكر.. ها عيني تخافين من مقدام

دُرة : نننننن مو خوف بس مااحب يزعل

جان امي رأسا جابت من الاكل دجاج وخلته بالصمونة ولفتها وانطتنياها

_ هاي هسه تاكليها بين منكمل الاكل

دُرة : هزيت راسي.. اوك

اجتي بيبي : ها ولج يفريخة كبرتي وصار عندج فريخة منج انوب

ماشاء الله نسخة منج

دُرة : لا متشبه احد شو

: اي مو جاية من الفضاء

_ ههههههه يا مو هيج قصدي بس يعني مابيها شي من عندنا شو

بيبي:تشبه تشبه ميخصج.. شفتج بيها اصلا

نفس المعاني

دُرة: اي شي المهم ربي يحفظها إليه فرحتي الجبيره هاي

- امين بنيتي.. ويحفظلج هالولد..

يكول للكمر غيب اكعد مكانك.. ماشاء الله خلق وأخلاق هوه هذا الجنتي متحبي؟؟

دُرة : بلعمت وهزيت راسي عاضه شفتي اي

وجان ترفع خشمها وتباوعلي تك عين نظره متتفسر اصلا

_ لو اني بمجانج ويجيني هيج غزال اني اركض اكوله تزوجني مو اتدلل علي نفسج زين مطفر منج

خلتني طكيتها ضحكة

يا يا بيبي شيطفر غير يحبني

وصبر علي وخلاني احبة اني كذلك

بيبي: ربي يهدي سركم يبنيتي ان شاء الله حبيبه

دُرة : فدوا القلبج بيبي

نهى : وخرت من يمهم كلت البس دشداشة اريحلي من هاي الدشداشه..

طبيت للغرفه.. سمعت صوت دوي جاي من جهة جهازي مخليته ع شحن جنت