#كأننا_لم_نحترق
البارت الخمسون والأخير
الكاتبه كوثر محمد
البارت طويلللللل بحيث شكد ضليت اكتبة حبيت يصير مميز لان الاخير 💜
صار أطول بارت بالقصة حرفياً متابعه ممتعة
نهى : حسيت بتجمد باطرافي واني اتخيله متأذي وصايرلة شي
حسيت روحي تبنجت صار عندي ضيق بصدري عبالك حجاره وصارت
ضليت ابجي بصوت قوي واني احس احد ضاربني ع راسي
كمشت ايدي منا دُرة ومنا امي..
دُرة :كولي ياالله نهاوي مابي شي ان شاء الله
-هسه احنا فهمنا وضعه بالضبط يامي حتى هيج صار بيج اهدي وكولي ياالله
يمه بنيتي سوده علية
نهى :احجي وعيوني تكت.. اتخيل تارسه الدم وداينزف ومتوجع وحيموت!!!!
دُرة : تازم وضع نهى كُلش وهيه تبجي وتحجي شويه تكول شصار وضعه هسه.. وترجع تبجي
كلبي نعصر حيل..
نهى : كمت اريد اتنفس اخذ هوا احس اختنكت طلعت للطارمة واني حاضنه نفسي وكل شويه ارفع ايدي امسح ع وجهي وارجع اجتفها وامسح ع نفسي احس اطمن روحي الضايعه بغيابه..
من بعد مرور فتره فتحت الباب حتى اطب للداخل وسمعتها تحجي وخايفه
خليت ايدي ع صدري أهدأ دكات كلبي المتسارعة تقدمت بحذر
دُره : بعد ماطلعت نهى للطارمة واحنا عاجزين نسوي شي نساعدها بي
كمت اخذت موبايلي اتصلت على مقدام واني كُلش امل ينطيني خبر زين.. رن مره مرتين
لحد مافتح خط
دُرة : الو ها مقدام شصار بجنيد ماعرفت؟!
احجي ومخليه ايدي على كلبي.. والقلق تارسني كُلي
مقدام : بالعمليات ديطلعوله الطلقة من جسمة لسه ماعرفنا شي
دُرة : صخاام
مقدام : كولي ياالله دُرة ان شاء الله مابي شي منتظرين والله كريم بس يصير شي اطمنج هسه مو وكت احجي وياج راح اسده ماشي
دُرة : ان شاء الله صحة وعافية يارب اوف طمني علييّ بس يطلع من العلميات عفية مقدام نهى تخبلت
سديته منه وهوه يطمني ويكولي اتصل عليج لتخافين...
كامشه الموبايل بأيدي ومعفوس وجهي بأسى تمشيت للصاله صارت بوجهي امي
.. ها يمه وين اختج
- بعدها بره
هاي مقدام خابرني كال بالعمليات بعده
- يا كون مابي شي ويكوم بخير بعده شاب بعمر الورد معتبرتة ابني تملخ كلبي عليّ
دُرة : ان شاء الله مابي شي والطلقه مكانها مو خطر بلكي يارب
YOU ARE READING
كأننا لم نحترق
Romanceفتاة يجبرها والدها على الزواج من شخص لاترغب به لأجل ان ينقذ نفسه من بئر غميق وقع به... لتفترق يد فتاته من يد إبنته الأخرى... هل سيكون زوجاً لها ام سيكون مصيراً مظلماً مجهولاً؟! هل سيكون منقذي ام سيكون مهلكي هل سيكون زوج ! ..؟!إلى اين المطاف سيرمي...
