#كأننا_لم_نحترق
البارت الرابع
الكاتبة #كوثر_محمد
نتر ايدي ونزل بعد مااخذ الاريد استنسخهن ضليت كاعده واتأفأف اباوع من شباك السياره كومة ولد بالشارع وصايره هوسه يجوز هزتة الغيره وماخلاني انزل..
ماكو غيرها والا هوه اناني حقير سخيف وجههة يطرد النعمة
غميت نفسي، لا لا لهنا وحدج ولج شوف الوجه تگوول ممثل اجنبي بس لا هم بي ملوحة عراقيه اووووو شداامسلت اني هوه كله ع بعضة جكليت وحلقوم بس مينجرع
وحيل ضجت منه بحيث هسه احس اعصابي نطت واريد اتعارك ويا
اجه يتمشى دنگت راسي وعيوني تتجول بكل مكان عدا هوه والمكان اليمشي بي مو دُرة التباوع الولد وانوب ينعجب بيه ويجي يخطبني واني ارفضة ويقاتل الدنيا علمودي ويصير فلم اكشن بامتياز هههههه خيالي الاثول وثقتي الطالعه رون سايد
فتح الباب وصعد مدلي الملازم سحبتهن وخليتهن بحظني
حرك السياره وحجة عندج مفتاح لبيتكم؟ لو لا
رديت عليه : لا ماعندي نسخة ليش!؟
همهم وحجة، ابن عمج سلام داعم واحد واهلج وعمامج الباقين كلهم ملتمين هناك هسه ببيت عمج عندج نسخة اوديج لبيتكم لو اوصلج لبيت عمج؟
انصدمت الصراحة هاي شنو المشكله الصايره بس الظاهر بسيطه لان يحجي برهاوه وهدوء!
سألتة : وتاليها شصار بالولد؟
رضوض وكسر بالرجل اليمنى واحتمال عمليه للظهر مال الولد لان متأذي بس سهله سهله ماعلي شي يگوم منها
شهگت وخليت ايدي ع حلكي : عزا هاي كولهن صايرات وانتَ تگول عادي وابن عمي شراح يصير بي هسه هم اجو اهل الولد الانضرب وتضرر كل هالضرر اكيد ميسكتون!
عوج حلكة وباوع من المرايا، اي وياخذوج فصليه لأهل الولد مو؟
غمض وفتح بهدوء .. لتخافين كتلج ماعلي شي يطلع منها مثل الشعره من العجين
- ها ان شاء الله
وصلنه لبيت عمي فتحت باب السياره ونزلت عبالي راح يرجع يروح تالي هوه هم ركن السياره اني طلعت قبله هستوني ادگ الباب طلع ابن عمي الثاني ياسر فتح عينه بفرح وابتسم ابتسامه شكت حلكة
ياسر : هلا دُرة يابه عاش من شافج مختفيه؟
دَُرة : هلا ياسر اعذرني ملتهيه هالفتره شلونك انتَ شخبارك؟
ياسر : زين يابه اسأل عنج
اجة ويه مدا نحجي
مقدام : السلام عليكم
ياسر : لك هلااااااااا منو هنا اليوم صدك جذب لو ندري نذبح ذبيحة لوجه الله بس لان شفناك
مقدام : عزيز وغالي ياسر وتدري مشغول ومن شغله الشغله بس هم مامقصر عليك تره! اتصالاتي مستمره لتنكر
ESTÁ A LER
كأننا لم نحترق
Romanceفتاة يجبرها والدها على الزواج من شخص لاترغب به لأجل ان ينقذ نفسه من بئر غميق وقع به... لتفترق يد فتاته من يد إبنته الأخرى... هل سيكون زوجاً لها ام سيكون مصيراً مظلماً مجهولاً؟! هل سيكون منقذي ام سيكون مهلكي هل سيكون زوج ! ..؟!إلى اين المطاف سيرمي...
