نهى : نصي صوتج ليسمعچ الرجال هههههه
بابا : لسانها فالت اختج صايره متستحي .. و خزرني ومشه
كملنا صب الاكل ورتبنا واجة بابا اخذة..
ضلينا نسولف بالمطبخ وصبينا اكل نتغدة وحدنا رحت ع رويدة اصيحها مارادت كالت تريگت متأخرةة.. ومااشتهي
سحبت الكرسي وكعدت سمينا بسم الله وبدينا ناكل
نهى : بله شكو ماكو بدوامج
رفعت راسي الها
دُرة: ماكو شي نفس متوقعت وتعرفت ع بنيه حبابه صارت صديقتي ومرتين او اكثر اجانة مقدام والبنات متخبلات علي عبالك توم كروز!
ووو اكو استاذ نبيل حباب شرحة حلو وسلس وباقيين هم حبابين شي ع شي بس
من يجي مقدام اتشنج مدري ليش؟
احس مااخذ راحتي
نهى : اي اكيد اني مااحب اشوف شخص اعرفه بمكان دوامي ف هذا الخلل حبيبتي الجميله اللطيفة
ذاك اليوم مغمضة عينج ومقدام سارح بيج!
تدرين لو لا؟
مضغت الاكل على كيف ردت اغص وفتحت عيوني باستغراب وتعجب ووجهتلها سؤالي مأكدة وحجيت
مقددددام؟؟ ويباوع عليه؟
نهى : ابتسمت ورفعت حاحبها وكام تلعب بيهن
ايييييي هوووووه لعد منووو
وتتحرك منا ومنا بمزح..
من شخط السيارة تتذكرين؟ وحان رحنا بيها اني منتبهه چان مركز بيج من مغمضة وماحس بالسيارة بعد
دُرة : تلبكت ماعرفت شحجي الاعرفه اختي صادقة مبين،، واعرفها هم من تكوم تحجي بهالطريقة
زين ليش يباوعلي يمه كمت اخاف منه اخاف ياذيني
رفعت راسي وحجيت بسرعه
_ يجوز يريد يقتلني ودايخطط من هسه وج معقوله صخام
نهى _ ضحكت وهزت ايدها،، لج الولد سرحان جان يباوعلچ،اكيد متأكده من نضراته واحد واكع
بحبك يوله سدئوني يگدعان دة غاص ف بير الحب
_ها كمتي تحجين مصري انوب
_اي تعلمت كولشي لخاطر حبكم
_وثول شنو حبكم هاي متستحين وبعدين من احب احب مقدام الحقنه ويع ويع
_نشوف هاي الويع ويع شنو تاليتها.. ههههههه
_نزلت الخاشوكة بعصبية وحجيت :- شلون وياج نهى تره اكوم من الأكل مو دااتسمم
_ اوي اوي اعصابج ههههه سكتت سكتت
وتسوي حركة بايدها على حلكها عود سديتها مثل السحابه..
ليروح يسمعنا هههههه
YOU ARE READING
كأننا لم نحترق
Romanceفتاة يجبرها والدها على الزواج من شخص لاترغب به لأجل ان ينقذ نفسه من بئر غميق وقع به... لتفترق يد فتاته من يد إبنته الأخرى... هل سيكون زوجاً لها ام سيكون مصيراً مظلماً مجهولاً؟! هل سيكون منقذي ام سيكون مهلكي هل سيكون زوج ! ..؟!إلى اين المطاف سيرمي...
