عشقهُ خنجر في خاصرتي

تكمله البارت الثامن والعشرون

_٢٨_

#عشقه_خنجر_في_خاصرتي

#بقلم_أسماء_ديمير_مع_Roro_Rose

شدن:

من اول ليلة عرسنا واني حطيت بنفسي لظلم نفسي

....اول ما فوتني بالغرفة راح هو بالهول تارك الي الغرفة بحالها ، عود بيت اهله ومفرغيه النا عرسان،  وانطوني وصلة البياض بايدي ، وامه توصي بيه عليه ..

وعمتي وجدتي تكلي اذا ما كدر انت ساعديه ،  واني بس اهز براسي مكيفه فرحانه ببدلتي ،  وغرفتي وبيتي ورجلي!!!!!...

اخوانه كلمن عزل ببيت ،  والبيت ضلت بي امه واخته بس يعني البيت النا اني وهو بس ...

هو بنظري شي كلش جبير ، عمتي زينه وكلت احطهم فوك رمش عيني ، ما اقصر باي شي ان شاء الله ....

ما صار النا عرس مثل البقية ،  بس اللي كدرت افرح بي من بدلة ، وحفلة بسيطه هو ما سوى شي جبير ، اصلا مريض اسم الله على عمره ...

زفه وهلاهل واني فرحانه ، جوه بالبيت وهمه بره واسمع اخواني اللي زفوه شكد حلوة لمتنا الله يديمها ولا يحرمني من احد منهم....

دخل هو وامه من الباب وهي توصي بينا على بعض وخلتنا وراحت ..

خجلانه منه مثل كل عروس ، ومع كل هذا اني كنت فرحانة حسيت حصلت الاريده واحبه ،  لاول مره بحياتي ..

احنا عشنا حياة كاملة بحبسة وحرمان ابويه ،  وبعده فراس وطبعه الصعب خلونا باشبه بالسجن ،  وجان غدير اكبر امل الي ، والامل هذا خلاني بالغرفة وطلع !!!

هو لسه على عكازة وما اعرف شلون ندبر امرنا حيل حايرة جنت؟؟؟ومن طلع حرت اكثر ..

  بقيت سهرانة كل ظني يجيني ، ما تعبر لعقلي الصغير اكو رجال يعوف مره متحضرة بالكامل اله وعروس ويهمل ليلته الاولى!!

هاي التعودنا عليها لازم ياخذها من ساعتها ، لان يضلون يحجون عليه ،  لام فرقد سواها وابوي من عرف طين عيشتهم وضل لحد هاليوم يعيب عليه ضعفه ويه ايمان ..

واني ادري احنا بسبب اصابته يجوز نتعطل !! افكار تاخذني وترد بيه ..

غفيت بعد مده انتظار مو قليلة ،  وما وعيت بعد للفجر كعدت للصلاة ، توضيت بالحمام الغرفة وصليت وكملت ودعيت الله يسهل النا ...

طلعت ارد اشوف وين راح عني ، لكيته نايم بغرفة امه ، مقرفص وبملابسه القاط بس ذاب الرباط ،  انقهرت عليه يمكن لان مريض ياخذ راحته بالنوم وحده ويجوز مستحي مني ..

جريت غطا من النضد مالت عمتي وغطيته فتح عينه مستغرب ابتسمت بوجهه غطيته زين وحجيت وياه ..

-حبيبي بردان؟؟

هز راسه موافق عينه ،  ابد ما تجي عليه وهاي سودة عليه من تصوب لليوم يفشل احد يركز بعيونه ....

من خطوبتنا لهسه احاول احسسه اني ما مهتمة لاي تغيير صار اني احبه من طفولتي احب كل تفاصيله ...

رجع حط راسه عالمخدة بدون كلام واني تجرأت وبسته من راسه ، ورجعت لغرفتي ...

واني عاذرته تماما ،  اصابته تمنعه واحنا بزواج ابد مو وقته ولا محله...

رجعت غفيت براحه ، وما حسيت الا وهو واكف يمي بالغرفة  يوعيني جفلت ، واستحيت فشلة يشوفني واني نايمة ، هسه اكيد مو حلوة لو فاتحه حلكي  ..

عزاا اخاف جنت اشخر هاي غصن تكول انت من تتعبين تشخرين بنومتج؟؟؟واني متت تعب هاليومين ..

افكاري المتخلفة ازاحها صوته ..

-اكعدي اخاف اهلنا يجون ، باوعت بوجهه افسر تعابيره ما لكيت الا الجمود بملامحه ....

كعدت ولفيت شعري وسألته عن الساعه ..

-بعد وكت بس اكعدي شعدج نايمه روحي انتظريهم ...

كمت من الفراش وانتظرني طلعت بره الغرفة اشو هذا سد الباب وقفلها ...

رحت بالهول كعدت وهو  تأخر  اجوي اهله اول شي امه ومرام لكوني وحدي ،  سألوا عنه كلت الهم بالغرفة يمكن يبدل ،  كذبت رغم هاي كانت افكار فكرت بيها ،  اول ما سد الباب وهاي صار ساعه ونص .

.استحيت ادك عليه الباب ...

امه راحت جوه بلا اي سؤال ثاني كنت خايفة انسأل غير سؤال وانحرج عن الاجابة وهي يمكن عرفت مو مال تسأل راحت اله بوجهها؟؟

...ومرام كعدت بصفي وتركص بحواجبها

-هااا ولج بشري حمامه غراب ...

دنكت ساكته وهي استنتجت
-هاا لويتي بوزج يولي بيانها غراب اسود وجهج يولي ما عرفتي تقنعيه

-صغير واقنعه

-ولج گبر هو لو صغير ما يقنع ...بس جبير وواعي وطالع وشايف نسوان بكد شعر راسه عبالج هذا اخوي فقير ما فقير الا انت داده ضلي فاهية

-شسوي يعني اذب روحي عليه

-لا يولي لو منج اغ.....

ضحكت ضحكه طويله واني اتلفت خايفه احد يسمعها شكد عيب

صاح بصوت عالي باسمي وكفت اردم هنا وهنا انخبصت ومرام مستمرة تضحك

-ديلا استفاد يگلبي هايه الاريدها تغ..تصب اخويه

مشيت للغرفة لكيت امه واكفه مخصرة اله وتحجي عليه اول ما فتت حاجتني ..

-تعاي اكعدي يمه احاجيكم اثنينكم

كعدت عل كرسي بعيد عنه عينه بالكاع وعروك ايده ظاهرة وينافخ ضايج مبين جان نايم ...

غدير:يمه لا تکبرين السالفة كلت الج

ام غسان:ولك يمه گلبي عليك اريداشوفك مرتاح عاد ما صدكت تزوجت ليش مو كلت ماكو مشكله ...

-مرتاح شبيه هاي تزوجت والحياة ماشية قابل شايفتني شاك هدومي واركض بشارع ما تخبلت يمه

-شدن يمه اعذريه لرجلج اليوم رجله واصابته...
قاطعها مستنكر

-يمممه!!شكو خير ان شاء الله ..ارخصينا اني وياها اسولف وياها...

عمتي ما مقتنعة بس راحت وامرني اسد الباب واقفلها ...بديت اتراجع واخاف ...رجفة بجسمي وكان وصلنا للصدك هسه؟؟؟

وهو استند وكف وكام ينزع بهدومه ويكول تعاي ...نزع قميصه وياشر الي
-تعاي
.......

مرام:

بعد مرور اسبوع واني على كعدتي ببيت عمي ثامر ، فراس حابسني بغرفته اشوف زوجة عمي على كد الاكل ، وتطلع كلمه ما تحاجيني ،  واني كاضيتها بجي ..

.نادمة بس شيفيدني ندمي ، احس بعيونها عتب ولوم ، وتهز براسها مو راضيه عني ومتأسفة ..

زوجة عمي ثامر زينه ويانا حيل ، ومره بحالها لا تدخل باحد ولا تسوي مشاكل عكس زوجة عمي مضفر...

...جنت ما عندي شغل غير اتسمع عاابيت واللي يصير بره منتظرة  قرارهم الي ؟؟مثل المنتظر اعدامه المؤجل

صوت عمي يرعد عليه بكل يوم ويهدد بذبحي ويهد وفراس ملتزم الصمت بس اسمعه يجاوبه انتهت والقضية انسدت شلون وشصار ما عرفت

اسمع اخواني يهوسون مرات يطالبون بيه ويروحون خوف منهم وخوف من الموت الجايين بي

...فراس نادرا ما اسمع صوته بالبيت ومفاتيح الغرفة عنده وهو هم ما يجي ولا شفته طول الفترة ....

بعد هالايام تجرأت اسال امه شنو سوى بقضيتي ما جاوبتني بس باوعت الي بنظره ما فهمت معناها مو راضية بس ما تحجي مثل واحد محمل على واحد ....طلعت وره دقايق فات هو للغرفة

سد الباب بضهره عليها وعيونه دم يباوع بوجهي

-شتريدين انت

استغربت سؤاله وخفت احجي وياه ولساني ووكاحتي كلها اختفت... سكتت

جاوب نفسه بعد فترة

-حليتها الج...بسيطه حيل مسدس براسه طلع الصور كلهن وانطاني كل الاجهزة ...تعرفين شي؟؟؟...جنت اتمنى لو موافقين ناطيج اله لان يرهم الج يلا على شكولج وتصرفاتج ...

جنت عبالي ذكية طلعتي اغبى وحدة عبالي تسوين طلعتي برخص التراب...

تقرب واني اجيت انهزم جلب بشعري وعتني بقوته مرجعني يمه

-هسه شتريدين انطيج لاخوانج يغسلون عارج اذبحج بايدي

دنكت وبجيت بضعف وحجيت بصوت متقطع
-اييي رجعني الهم

-هاا هسه صارت رجعني الهم ...جتن رحتي الهم من اول عليش جيتيني هااا؟؟؟

ليش هيج سويتي ..زين اني الله مطيح حظي ما ردتي تعيشين عندي وركضتي وره خنثى مثل هذا مو ولد عمج كلهم مروا عليج وعرضوا الج زواج ..

ورفضتي شنو الخلاج تصدكين بواحد نذل؟؟؟ راح اتخبل ليشش ؟؟ ...لج اني بتالي عمري اكوم اتهدد بصور ...لو هسه اشرب من دمج ما يكفيني

شمرني من ايده بدفعة انركعت بحافة ااكنتور وبجيت من الالم وكتمته ...هو يحجي ويرزل واني اسمع مدنكه رجع تقرب يمي كمشني من ردن ثوبي ويهز بيه

-بس كولي شسوي بيج هسه اني

-خليني ارجع لاهلي

ضربني على حلكي شفتي انشكت وانترس حلكي بدمها وكامت تتعالى اصواتنا ..او بالاصح صوته هو...

جرني بره وامه من شافتنا وكفت خايفة وتتوسل بي يعوفني

-ولك يمه جاهل وغلطت عيفها عليك الله ، لو تفتهم ما تسويها بداعتي حلها يمه لا تبتلي...

الولد طيحتوا حظه وما طلعت السالفة بره ..خطيه يمه لا تخش بخطيتها ...تفك ايده عني وغصن هم وكعت تتوسل بي وبعدوه عني بالكوه وكامشاته امه وواخته....

عاط بيه بصوت رج بيتهم
-اطلعي بره ...روحي لاهلج اذا اشوفج بمكان اطيح حظج وحق هو الله

من خوفي ومنظره وكلت وصل اخر حد راح يجر مسدسه ويموتني طلعت مثل المخبلة ارجف ..دخلت بحديقة اهلي رجل تطك برجل ....خفت ارجع لاهلي اخواني بعد اشد منه ....

ركضت كملت الدرب من حديقة بيت عمي ابو محمد  لبيت عمي مضفر شافتني ام محمد تحجي ما سمعت كلمه ..الخوف مسيطر عليه كلش ..

مدا اعرف اتصرف بشي صح ..خليت نفسي بمكان بعمري ما كنت اوصل اله لولا غباء تصرفي وثقتي اللي بغير محلها....

...واخيرا وصلت لبيت عمي مضفر تخيلت الطريق جان دهر.. دخلت من باب المطبخ تلكتني ام مظهر بي وتفاجات من شافتني ..

شكلي واضح مهزومة ..حاولت تكمشني تريد تردني الهم ...دفعتها وكامت تصيح وتحجي على شرفي وطلعت على الصوت عمه صابرين ...

شافت وجهي هيج ركضت عليه واخذتني جوة ابطها وترد على  ذيج المستمرة بالفشار وصارت عمتي سد الي....

صابرين:روحي الله لا يبارك بيج فضحتينا ان...جبي لا تلغين كافي اني الج بنت الم...بس خل افضى اصبري المخرفة ام السحورة

-ولج عليمن صبيرة ام س....لو بيج خير ما ضليتي محم.....باير...ة

عمتي فوتتني كوه عليها وايدها تهومش لذيج تريد تكضها ...واني بنصهن اروح وارجع مثل خركة قماش بين ضراير متعاركات

وكفت بالاخير بالباب تهددنا

-اي عيني تطمطمون الها ال...ال...هسه رايحه اكول لاخوها يجي يغسل عارها اني ادري ليش فريسان ضامها بغرفته يجوز اخذ حصته وشمرها خل يجون يشوفون صخامها  ...

جرت عبايتها وتهدد بينا باخواني وعمتي صابرين تريد بس تتناوشها وبنفس الوقت حايرة بيه ما تعوفني ...جدتي تصيح جوه شكو وشييجن

صوتها يلعلع وعمتي تردها لحد ما دخلتني يم جدتي ورجعت طلعت الها ما تعوفها  ...

جدتي متربعة على فراشها شافتني ما سوت اي شي ولا حجت واني خايفة اخذت ركن بغرفتها ارجف منتظرة اخواني .صدك ثواني لمتهم سليمة البين علينا....

جدتي اشرت على مكانها تطب عالفراش يمها يعني تعالي ...ركضت بصفها لبدت وراها من دخلوا وهاي المره الثانية اللي جدتي تكون درعي !!

غسان:كومي لج ..كوميييي وياي!

الجدة:اي تروح وياك اخوها وسندها بس بروح ابيك يا غسان ما تطخها حاطه عليك كل امام وكل شفيع ما تأذيها

-جدة نزلت روسنا وطمست هيبتنا بالطين

-لااا يمه محشوم ....ابن عمك كفى ووفى ورد حقها من القشمرها وضحك بعقلها ...

وعادل هذاك يزحف زحوف ما يمشي ...اخيتك هاي وما اكول ما غلطت لا غلطها راكبها ركوب بس الله رحيم يا يمه والرحمه حلوة...كانت كلماتها ترجي واستعطاف وتوصي بيه عليه خلت غسان يسكت

تدخل غافر بالكلام وياها

-جدة تالي عمرنا نتعير بيها هالاخت عدنا ليش مو مثل الاوادم احترمت روحها وحافظت على سمعتنا

-منو اليحجي وشحده كصوا لسانه ،  لعد ليش انتو زلم..اختكم والله سترها ، وهي جانت تكدر ما تحجي الكم ، وتنطي لهذاك فلوس وتسكته ،

مثل ما يريد ويجوز يقشمر عليها وياخذ كل شي بس هي فكرت صح ، وشوفوا ما اجتي الكم عبن تعرفكم ما تفتهمون ..

راحت لفراس وعرفت منو يكدر يرد حقها ، والله يكول باس رجلي ويكول اني قنعتها تدز صور اني قشمرتها ،  وكلت اخذ فلوس واهددها اختكم الله حفظها بعد انطوها فرصة يا يمه ....

...ومن اليوم اني راح اخذها يمي وما عليكم منها ابد ولو غلطت ،  وان انعاد الغلط بايدي أكر رگبتها ، وانتو الكم الصافي تبقى هنا يمي بالغرفة لا طبه ولا طلعه  ..

غسان:لشوكت

-لما تعرف غلطها وتتوب

اني كاعدة بضهرها واخواني يخزرون بيه بس يخافون منها يتصرفون ...

عمي ثامر من فات شافني يمها كام يريد يضربني وهي اشرت لعمتي صابرين اخذتني فتنا من بينهم حصلنا شكم كفخه على اهانات استخطيت عمتي صابرين لان انشملت وياي ..

اليوم شبعتها كفخات ..بس طلعتني الغرفة وخلصتني تولتني هي الكفخ ..

-مال العمى طايحة الحظ هاي كعدتج مكيفه خلصتج الحجية هاي نومتج كابليني نموت عوانس سويه هي الوحده شلون يطيح حظها ..منا وهيج؟؟؟

اخذتني لغرفتها فوتتني وغمتني وركعت الباب قفلتها ...انداريت غرفتها تلفزيون وثلاجة واخشاب ونظيفة وعطرها تارس الغرفة وتدل على نظافة صاحبتها ...

اامكياج كله من احسنه والعطورات عالمرايا واحد اطك من الثاني ..بالله عمتي شلها بالزواج وهي هيج مدللة ...اشو اني ما قبلت اتزوج وطنكرت وعاندت عود اريد اتزوج عن حب طاح حظي وحظه !!

فتحت الثلاجة جوعانه وعطشانه اشكال الحلويات مسفطات والعصاير .... يا ربي جايبه اسواق ابو ابراهيم كلها بالبيت كراتين نساتل كلاكسي وجكليت جواهر وتبجي عالرجال امداني ...جريت نستله واكل واني اسوي بنفسي طبعا تاكل هااحلا حقها وين تفرغ الطاقة ....

عدلت شعري صار كفشه من الكفخات ، وربعت جريت عصير راني وكيك هذا تايجر ابو الفراولة افتح واكل ميته من الجوع

سكت البيت واني نعست كمت مددت بفراشها انام ..تمددت عزااا شلون حلو وناعم  ..

انفتحت الباب وشهكت من شافتني بفراشها ..

-تراب براسج شدتصخمين كومي عوذه وين نايمه

-شبيج عمن قابل بزون نايمه بفراشج

-ولج كومي عووع خل ابدل الجرجف ..انت تنامين بالكاع دير بالج...دتكمل كلامها ..

و شهكت قوي وانفتحت عينها اكبر وهي تشوف سلة الزبالة متروسه جياسه فارغه ..

-عزاا العزاج ولج مفجوعة ما مخليه ادري ربع ساعه اكلتي هلكد ..

-دكولي عافيات عمه

راحت لثلاجتها ترتب بيها غلست عني

حجت وياي بامر
-طلعي مندر ومخدة من الكنتور عندج بذيج الخانه ..تنامين بالكاع والاكل مو هيج تكول هايشة وانهدت ببرسيم

-اشكرج

-زعلتي يولي احمدي ربج اجيتي يمي مو بالمگبرة يم الحياية والعكارب انكتب الج عمر كون تتوبين وتعرفين الحق عن الباطل ...استغفري واكعدي صلي لربج شكر عاى نعمة العمر الانكتب الج

......

وبعدها الايام مرت بقيت يم جدتي ما اسولفها احسن صرنا اثنين نايمات على كلبها

اذا ترزل بعمتي مره ترزلني عشرة ..لا  تخلي غسل ولا كنس كل البيت علينا وهي تحط كرسيها تباوع النا وتامرنا ..اني شدت عليه اتعلم شغل من جديد ولازم ضبط اجيب الشغلة واسويها باحسن صورة

.....

عرفت خطة فراس من الاول يبعد الاذى عني من ضمني لحد ما برد موقفهم يلا خلاني اطلع وكان متأكد الجأ لجدتنا لان هي الوحيدة التكدر توفر الي بحالتي امان !!

وعرفت ماكو اهل يكرهون ..اكو اهل عدهم قساوة مثل اهلنا بس ماكو اهل تحقد ولا تكره ...عرفت عندي باقي من محنة ابويه جدتي ولجأت الها كليا ....امي ما كدرت تيدخل لان تخاف عليه من غدير اللي حرم عليه افوت لبيت ابويه!!

يتبع .....

يله لايكاتكم تعليقاتكم شيرااتكم عباراتكم 😅💜