نبدأ 😭
*وفى قصر الحديدى*
كان يعمل الجميع على قدم واحدة والفرحة والسعادة تزين وجوه الجميع من يسكن داخل المنزل ،وهما يقومون بتنقل من مكان لآخر ، منهم من يقوم بتحضير الطعام، ومنهم من يزين المنزل بفرح بعودة هذا الغائب عن المنزل منذ فترة طويلة فـ اخيراً وبعد طول انتظار يعود بينهم من جديد بعد تحسن حالته الصحية التى كان يدعو له الجميع فى كل دقيقه تمر عليهم من حزن وقهر ودموع لم تتوقف عن النزول من عينهم...
هبط صهيب هذا الفتى المشاكس الذى منذ معرفة عودة أخاه وهو لا يتوقف عن الغناء والرقص فى كل المنزل اقترب من الفتيات وهو يمسك بيد مليكه ويرقص معها بفرحه قالت مليكه بضحك :- كفاية ياصهيب دخت منك راعى انى لسه مخلفه وتعبانه يازفت
صهيب بلا مبالاة :- وايه يعنى انا مبسوط وانتى مبسوطه والكل مبسوط يبقا نرقص
عشق بضحك :- انت اهبل ياصهيب انت لو هتزوج متعملش كدا
لين بسخرية :- والله حتى يوم متزوج معملش كدا
ماسة بفرحة :- انهاردة مهم اكتر غنى ياصهيب
لين بغيظ :- لا والله ولا علشان زوجك راجع بتقولى كدا
جوليا بخبث :- مش علشان كدا بس لا ده حبيب القلب كمان
ماسة بغيظ :- اسكتى يازفتة منك ليها مش فيقالكم دلوقتى
مايا بمكر :- بتفكر فى مين ياجميل
صهيب بغيرة وهو ينظر لماسة:- بتفكر فى مين يعنى بت ابعد عن جهاد ده بتاعى
مليكه بصدمه :- صهيب ياحبيبى ده مراته يعنى حقه تفكر فيه انت بتغير عليه من مراته
لين بسخرية :- ده انت معملتش كدا معايا ياشيخ منك لله
نظر لها صهيب بنفى وقال :- اكيد بغير عليكى ياقلب صهيب بس جهاد له مكانه خاصه
عشق بمكر :- ياترا جهاد فاكرك أصلاً
نظر لها صهيب بضيق وقال :- اكيد فاكرنى جهاد ميقدرش ينسانى انا اغلى حد عنده
مايا بخبث :- مش حقيقى جهاد بيحب جاد اكتر
صهيب بغيظ :- اخرسى يازفته انتى كذابه
لين بحزن عليه :- على فكر جهاد بيحب صهيب اكتر
صهيب بتأكيد :- ايوه
مليكه بنفى :- لا انا اكتر
صهيب بعند :- انا اكتر
ماسة بنفى :- انا اكتر
مراد من الخلف :- ولا واحد فيكم انا اكتر
نظر إليه صهيب نظرات قاتله وقال:- على فكرة جهاد بيحبنى اكتر هو مكنش يعرف انك عايش غير من كام شهر
مراد وهو يجلس بغرور :- بس اخدت مكانه عنده اكتر منك
صهيب بغيظ :- مش حقيقى
جاك بضحك :- انتو عيال والله العظيم اعقل ياصهيب شويه
جلس سام وهو ينظر لهم بجوع :- المهم انا جعان
مليكه بنفى :- انت ملكش اكل
جاك بصدمه :- ليـــه انا كمان جعان
هيرا بغيظ :- مليكه هانم هى وست ماسة حرمين اي حد يقرب من الاكل
سام بدهشه :- ليه كدا انا هموت من الجوع مش كفاية متعبين اهلى من الصبح معاكم
نظرت له ماسة بنفى :- الاكل مفيش حد هيقرب منه غير فى وجود جهاد
دين وهو يجلس بتعب :- والله حرام عليكم احنا بشر عايزين نطفح
مايا بحزن عليه :- معلش ياحبيبى خد دى
نظر دين للتفاحه التى بين يدين مايا بحب وقال :- ياقلبى ربنا يخليكى ليا
سام وهو ينظر لجوليا بغيظ :- ازيك ياجوليا
جوليا وهى تأكل التفاح الاخضر بتلذذ :- سام معلش كنت شيلها ليك بس بصراحه بنتك كانت عايزه تاكل مقدرتش
نظر سام لبطن جوليا بغيظ وقال وهو يتلوع الماً من شدة الجوع :- بالهنا ياحبيبتى
عشق بقلق :- مراد انت جعان احضرلك اى حاجه تاكلها
ابتسم مراد لها وهو يهز رأسه بنفى :- لا مش جعان ياحبيبتى اومال فين جاد
نظرت عشق الى الحديقه وهى تشير بيدها وتقول :- هو فى الجنينه مع جهاد وجاسى
هز مراد رأسه بتأكيد وقال صهيب وهو ينظر للباب بضيق :- هو اتاخر كدا ليه
جاك بنفى :- معرفش
نهض صهيب وهو يقول :- يلا يامراد نروح نجيبه
رفع مراد حاجبيه بستفهم وقال :- نجيبه منين
صهيب بنفى :- معرفش
مراد بضيق :- صهيب اترزع مكانك جون هو الوحيد اللى عارف مكانه وهو راح يجيبه
صهيب بغيظ :- اشمعنا جون اوووف
ماسة بقلق :- هو بقى كويس مش كدا ودكاترة قالوا اخباروه ايه
مليكه بقلق مشابه لماسة :- هو السم طلع من جسمه خلاص
صهيب بخوف :- هو كويس
مراد بتأكيد :- هو بخير الدكتور طمن جون وقال إن السم طلع من جسمه نهائياً
عشق بفرحه :- الحمد الله
لين وهى تنظر لصهيب :- أن شاء الله كل حاجه هتكون بخير
مليكه بتوتر :- أن شاء الله
صهيب وهو يعلق نظره على الباب :- اوف اتاخروا
سام بحزن :- وانا جعان
جوليا بغيظ :- انتى يازفته منك ليها الواد جعان
جاك بضحك :- ماهو بيضفح طول عمره مش قادر يستنا شوية
نظرت مليكة لسام بشر وقالت :- انت ياحيوان اصبر شوية
سام بخوف :- حاضر أنا ساكت
مراد بستفهم :- اومال فين ماما وبابا
ماسة بتأكيد :- ماما سهير بتصلى فى اوضتها
هيرا بتأكيد :- وبابا يوسف مع جدو سلطان فى المكتب
صرخ صهيب وهو يتافف بغيظ :- هما اتاخروا كدا ليه اتصل يامراد بيهم
نظر إليه مراد بغضب وقال :- صهيب كفاية زن قولتلك جون راح يجيبه وزمانهم جاين
قال صهيب بغيظ وصوت منخفض :- مراد حيوان
مراد بشر :- صهيب هقوملك
نفخ صهيب وهو ينهض من جواره ويجلس أمام الباب تحت أنظار الجميع المذهوله من أفعاله الطفولية
✨✨✨✨✨✨✨✨✨✨✨✨✨✨
* وفى مكان آخر *
امام احد التلال التى تطل على المحيط مباشرةً، كان يقف وهو ينظر إليه وبجواره كان يحيط به الكثير من الأشجار والورود وهو يقف يتطلع بعينيه جمال هذا المحيط الكبير وهو يضرب صوت الماء المكان من حوله كأنه سيمفونية جميله ، لمعت عينه وهو يجلس على الارض أمام البحر ويتنفس بشدة كأنه ينظف رئتيه من كل ما مر عليه من أحداث ومشاكل ابتسم وهو يتذكر حبه الكبير للقدوم إلى هنا كثيراً فى الماضى تنهد وهو يقول بنبرة تحمل الراحه :- مبسوط انى رجعت اجى هنا تانى
ظهرت ابتسامه على وجه هذا الآخر الذى يقف فى الخلف وهو ينظر إليه ويتابع كل حركه يقوم بها بفرحه لعودته من جديد اقترب منه وهو يقف فوقه ويقول :- تعرف انا جيت هنا كتير من بعد ما اخدك صقر
رفع جهاد رأسه له وقال :- لدرجة دى وحشتك
ابتسم جون وهو يجلس بجواره ويقول بتأكيد :- ايوه جدا كمان يمكن لولا صقر مش عارف كنت هنقذك ازاى انت عارف كنت حاسس نفسى ضعيف جداً
لمعت عين جهاد بحب وشوق وهو يقول :- فترة بتمنى مترجعش تانى كل يوم فى الفترة دى كان بيستنزف روحى ٦شهور مرعبين بس وقتها حاولت اعيش علشان أصلح حاجات كتير
نظر إليه جون بتعجب :- انت عايز ترجع مستعد للخطوه ده
ابتسم جهاد وهو يتنفس بهدوء ويقول :- هرجع علشان انا عايز ارجع بجد عايز أنسى كل حاجه ياجاد اى حاجه مرة كانت ماضى وراح اليوم إللى خرج السم من جسمى قررت أنسي وافتح صفحه جديده فى حياتى تنسينى كل حاجه مرت عليا من مشاكل او غيروا
نظر إليه جون بحزن وقال بستفهم :- طيب وانت هتقدر تتعامل طبيعى
استدار جهاد برأسه للمحيط وقال :- هقدر علشان عائلتى علشان مش عايز اخسر حد منهم تانى وجع الخسارة والبعد صعب .. صعب اوى انك تكره حد انت بتحبه دى حاجه مش هينا ابداً
وضع جون يده على يد جهاد وقال :- فاكر يوم ماكنت فى بيت الجبل قولت ايه
نظر له جهاد من جديد وقال :- فاكر
تنفس جون بقوة وهو ينظر للماء وقال :- انت زى المياه ياجهاد وانا النار خدت طريق غلط من البدايه فكرة الانتقام كانت السبيل الوحيد فى حياتى كل فكرى مين اللى فكر يقتل اب زى بابا شخص بيحب الكل لدرجه دى فى شر فى الدنيا .... بس يوم معرفة ان عمى عمل كدا كان ممكن انتقم منه بس انت كانت صدمه بنسبالى حاجه مش سهله انى اتخادع فيك انت بذات بس فكرت ولقيت انى مش هقدر .. مش هقدر اقتلك انت .. انت مش ابن عمى بس وانت عارف كدا كويس .....الف سوال وقتها كان بيدور فى عقلى ليه لكن بعد اللى عرفته عن عيسى الحديدى وقد ايه انت وماما عشتوا حاجات بسببه اتمنيت لو كان عايش وسألته ليــه ... ليه انت تطلع من النوع الأشخاص دى ليه الفلوس بتعمل فى اى حد كدا بتخلى يقتل اعز الناس على قلبهم جهاد انا مكنتش بفكر اذيك حتى علشان انت مش اى حد .. انت الطيبة والحب اللى فى عنيك ليا وللكل وحبك لصهيب كان اكبر دليل انك ندمان وقلبك وجعك على اللى عملته .. مش انا اللى قوتك ياجهاد انت قوت كل واحد فى العيله دى انت أساسى انا ياجهاد كل إللى حصل فى حياتك من مشاكل بسببى وبسبب انى عندى اب زى عيسى الحديدى وانى عمرى مااثبت ليك انك مهم فى حياتى وان تعبك وعذابك كان بسببى انا من غيرك ولا حاجه يا جهاد لو كنت موت مكنتش فعلاً هقدر استحمل أو اكمل علشان انت جهاد ابن عمى وصاحبي واخويا ولاهم من ده كله ضهرى إللى يوم ما أميل مش هلاقى غيرك أميل عليه عمرى ماهقدر أوفى حقك لوجودك فى حياتى من تانى
أدمعت عين جهاد بحزن من كلام رفيق دربه وهو يعانقه بشدة ويقول بنبرة حزينه :- انا اكتر واحد عارف انك بتحبنى وأن اللى حصل يوم ماخنقتنى كان من ضغط وكلام الناس ليك انا عمرى مزعلت منك ياجاد المهم اننا مع بعض
جون بنبرة حنونه :- أنسي اوقات بيكون النسيان راحه للكل هو بيكون السبيل الوحيد للنجاه من الغرق فى الأفكار
جهاد وهو ينهض :- معاك حق يلا نرجع البيت
نهض جون أيضاً وهو يقول :- متاكد
هز جهاد رأسه بتأكيد وقال :- جداً هما وحشونى اوى ياجاد عائلتى البيت ده هو حياتى
وضع جون يده على كتف جهاد وهو يقول :- ماشي خلينا نمشى
هز جهاد رأسه وهو ينظر له ثم للمحيط ويقول :- يلا ... دلوقتى جهاد القديم هسيبه هنا واللى هيرجع جهاد جديد
هز جون رأسه بتاكيد وقال :- زى ما تحب وانا معاك
ابتسم جهاد وهو يسير خلفه للسياره ويصعد بجواره وينطلق لرؤيت احبائه ....،
✨✨✨✨✨✨✨✨✨✨✨✨✨✨
وبعد مرور عدت دقائق
وأمام قصر الحديدى توقفت السيارة الخاصة بجون أمام المنزل وهو ينظر لجهاد الذى فتح الباب ووضع قدمه على الارض وهو ينظر للمكان من حوله تنفس بهدوء وهو ينظر لصهيب الذى خرج من الداخل وهو يركض بتجاهه وينادى باعلى صوته ويقول :- جهااااد
ابتسم جهاد بفرحه وهو يفتح ذراعيه ويلقى صهيب بنفسه دخلهم وهو يشدد من عناقه ويقول بدموع وصوت حزين :- وحشتنى ياجهاد
لمعت عين جهاد بدموع وهو يردد بأسف وشوق :- متزعلش ياقلب جهاد وانت كمان وحشتنى اوى
ابتسم صهيب وهو يشدد من عناقه أكثر ويقول :- وانا مش هسيبك تبعد تانى هكسر رجليك والله
ابتسم جهاد بصدمه وقال :- نعم يااخويا
ابتعد صهيب عن أحضانه وهو يقول :- ايه الحقيقة انت بتبعد اكتر مابتاكل صح
ضحك جهاد وهو يهز رأسه بتأكيد
وقال جون وهو يطم يديه حول بعضهم البعض ويميل بجسده على السياره ويقول :- معاك حق
جهاد بذهول :- والله انتو بقيتوا عليا
مراد بنفى :- مش حقيقى انا معاك وبعدين اخويا يعمل اللي عايزوا
جهاد بفرحه نصر :- حبيبى يامراد
عانق مراد جهاد بشوق وفرحه وهو يقول :- نورت برجوعك لينا من تانى
ابتسم جهاد وهو يشدد من عناقه ويقول :- وانا مبسوط انى رجعت تانى
صهيب وهو يبعد الاثنان عن بعضهم :- خلاص كفاية احضان
جهاد بصدمه :- صهيب انت عبيط
مراد بغيظ :- صهيب بلاش انا احسنلك وابعد عنى
صهيب بضيق :- انا عملت ايه هو تعبان اكيد من الطريق
نظر له جهاد بنفى وقال :- بس انا مش تعبان
صهيب وهو يتعلق فى يده بصرار :- لا تعبان
جون بدهشة من أفعاله :- فى ايه ياصهيب
جاك من الخلف :- صهيب دماغه فوتت
ابتسم جهاد وهو ينظر لجاك بشوق :- جاك
ومنعه صهيب من الاقتراب وهو يقول :- ابعد مفيش احضان
نظر جهاد له بتعجب :- فى ايه يازفت
سام وهو ياتى من الخلف ويقول :- اظاهر صهيب بيغير على جهاد
دين بصدمه وهو يجارى سام فى الكلام :- أو مننا احنا معقول
سام وهو ينظر لدين بحزن :- شوفت لدرجة دى
جهاد وهو ينظر لصهيب بصدمه :- صهيب
جون بدهشة :- انت عبيط
صهيب وهو يشدد من الإمساك بيد جهاد :- وفيها ايه اخويا
مراد بقلة حيلة :- لا ده مش عبط ده غباء
جهاد بستفهم :- هما مش الاتنين واحد
مراد بتأكيد :- الاتنين بقا مرتبطين فى الحيوان ده
صهيب بلا مبالاة :- عادى جهاد انا وحشتك صح
جهاد. بضحك :- ايوه
صهيب بفرحه :- وانت كمان تعالا اوريك عملتلك ايه
جهاد وهو ينظر له بغيظ :- طيب استنا اسلم على سام ودين
صهيب وهو يشوح بيده بلا مبالاة :- مش مهم ما هما مرزوعين هيروحوا فين يعنى
جاك بضحك :- على رايك
سام بصدمه :- انا حاسس انى اتمهزقت
دين بسخرية :- حاسس بس
نظر مراد لجون بقلق وقال :- هو مستعد يقابل حد منهم
ابتسم جون بتاكيد وهو ينظر لجهاد الذى يسير أمامه للداخل وقال :- مستعد اكتر من اي وقت تانى
مراد بتعجب :- بتقول كدا ليه
جون وهو يسير للداخل خلف الباقى :- دلوقتى تشوف تعالا
قطب مراد جبينه بدهشة من كلامه وهو يدخل خلفه للداخل ،،،،.
✨✨✨✨✨✨✨✨✨✨✨✨✨✨
فى الداخل كان يقف الجميع صف واحد وهم ينظرون إلى جهاد الذى يدخل بين يدين صهيب وهو ينظر للمكان من حوله بابتسامه تزين وجهه من احل هذه الزينه والترتيبات التى قام الجميع بها لأجله ابتسم بهدوء وهو يسير فى اتجاه الجميع ويقف أمامهم ويقول بنبرة مشتاقه :- وحشتونى
لمعت عيون الجميع بدموع وهم ينظرون له وهو يقف أمامهم بابتسامه حنونه عكس ما توقع أي أحد حدوثه اقتربت مليكه وهى تقف أمامه وتقول بندم :- ا.انا اس....
لم تكمل بقى جملتها وهى تشعر بدفى كبير يحتوى جسدها منذ زمن تشعر بالأمان
ودموع التى تهطل من عينها بندم وشوق وهى تستمع لكلمات جهاد التى سببت له قشعريرة وهو يقول :- مبروك على امان حبيبى كدا يجى على الدنيا من غير ماكون موجود
مليكه بدموع :- ولدت بدرى شهرين قبل ماسة
ابتسم وهو ينظر لها بشوق :- وحشتينى يااميرتى
بكت مليكه بين أحضانه بلا توقف وهى تتعلق بين يديه كطفلة التى وجدت والدها اخيراً وهى تقول بتلعثم :- ا.انا اسفه ي.ياجهاد انت. و.وحشتنى مو.ت ا.انا اسفه اسفة
قال جهاد وهو يبتعد عنها ويقوم بوضع يده على وجهها بحنان :- هشش بقولك وحشتينى و وحشنى وش مليكه الحلو
نظرت له مليكه بدموع وقالت :- وانت كمان وحشتنى كل حاجه فيك
قبل جهاد جبينها بحنان وهو يقربها من أحضانه من جديد ويقول بصوت من خفض داخل اذنها :- مليكه لو بتحبيني بلاش تعتذرى تانى أنسي كل حاجه بلاش نرجع للماضى احنا فى الحاضر انا بحبك وانتى اختى الحلوه وعارف لا انا متاكد انك بتحبينى
ابتسمت مليكه بتأكيد وهى تبتعد عنه وتقول :- موفقه اهلا بيك روجعك لينا
ابتسم بتأكيد وهو يقترب من ماسة التى تقف فى الخلف وهى تنظر لوجهه وكل جزء فيه بدموع وفرح وحزن عليه أيضاً لا تصدق وجوده أمامها الان من جديد ظلت تفكر هكذا حتى وجدت نفسها بين ضلوعه وهو يقول بحب :- هو انا قولتلك قبل كدا انك بتبقى حلو وانتى حامل
بكت وهى تضع يدها على ظهره وهى تشعر بانفاسه على رقبته بعد فترة طويلة ابتسمت وهى تهز راسها بنفى وتقول :- و.وانا قولتلك قبل كدا انى بحبك
نفى برأسه وهو يبتسم بخبث :- مش فاكر
ماسة بحزن :- جهاد
جهاد بحب :- روحه
نظرت إليه ماسة وهى تبتعد عن أحضانه وتقول :- جهاد انا...
قطع كلامها وهو يقول :- بلاش دلوقتى فين جهاد
ماسة بحزن :- برا مع جاد
جهاد بغيظ وهو ينظر لمراد :- ابنك امتلك الواد ولا ايه
مراد بسخرية :- ياشيخ احمد ربنا أن جاد عبر ابنك ده مش بيعبرنى
عشق بضحك :- جاد بيقى متعلق بجهاد لدرجة غريبه انا نفسى مستعجبه ليهم
ابتسم جهاد بفرحه وهو يقترب من عشق ويقول :- شكرا ياعشق على كل حاجه
اقتربت منه عشق وهى تقول بحنان :- جهاد انت اخويا الصغير يعنى مفيش شكرا بين المهم انك بخير حمدالله على سلامتك
جهاد بتأكيد :- الله يسلمك
وقف أمام جوليا ومايا وهو يقول :- عاملين ايه يابنات
مايا بفرحه :- فرحانين انك رجعت بسلامه حمد الله على السلامه
جهاد بضحك :- لمطة تعالى
عانقت مايا جهاد تحت أنظار جوليا المتوترة ولكن قطع هذا التوتر اقترب جهاد منها وهو يعانقها بأسف ويقول :- متزعليش منى جوليا بنفى :- انا اللى اسفة على كل حاجه
جهاد بحنان :- مش مهم اى حاجه لازم ننسى الماضى موافقه
جوليا وهى تعانقه بحنان اخوى :- موافقه
ابتعد جهاد عن وهو يقترب من لين ويقول :-
ازيك ياقزعه
لين بغيظ :- جهاد انا مش قزعة انا طولى ١٥٥ سنتمتر
ضحك جهاد وهو يهز رأسه بأسف :- خلاص متزعليش
صهيب وهو يعانق لين بنفى :- متزعليش ياليت هو حيوان ميقصدش
لين بنفى :- بس انا مش زعلانه جهاد بيهزر ياصهيب
صهيب بغيظ :- يعنى انا غلطان انى مش عايزك تزعلى
جهاد بنفى :- وانت مالك بجد
صهيب بغيظ :- تصدقوا انا غلطان فعلاً اتنيلوا مع بعض
اقترب جهاد من هيرا التى تحمل جان بين يديها وتنظر لجهاد بعيون تحمل نظرات الاسف والندم جائت تتكلم حتى قال جهاد بنفى :- هيرا ست رخمة عامله ايه
هيرا بضيق :- انا مش رخمة ياجهاد
جهاد بضحك :- خلاص بهزر هتقتلينى ولا ايه
هيرا بنفى :- لا سماح المردى
جهاد بصدمه :- الله يكون فى عونك ياجاك والله
اقترب جاك من هيرا وقال :- ليه أن شاءالله ده هيرا ست البنات كلهم
هيرا بخجل :- جاك عيب
جهاد بضحك :- جاك عيب
هيرا بغيظ :- جهاد روح سلم على حد تانى
يوسف وهو ياتى من الخلف على عكاز :- انا مثلاً
ابتسم جهاد وهو ينظر لوالده يسير على قدمه وهو يتسند على عصا التحكم وقال بفرحه لا يستطيع إخفائها :- بابا رجلك
اقترب يوسف وهو يعانقه بحنان :- قلب بابا ياجهاد وحشتنى سامحنى انى مكنتش جانبك
جهاد بدموع :- مش مهم المهم انك بتمشى على رجلك
وضع يوسف يده على وجه جهاد بحزن عليه :- قولت اعمل العملية زى ماطلبت منى
جهاد بفرحه عارمة :- انا مبسوط انك كويس وحشتنى بجد
يوسف وهو ينظر له بحنان وحب :- انت اكتر ياحبيبى حمدالله على سلامتك
جهاد براحه :- الله يسلمك
سلطان وهو ياتى من خلفهم :- وانا مليش وحشتنى وحضن زيهم
ابتسم جهاد وهو يقترب منه ويعانقة بقوة ويقول :- مقدرش وحشنى ياجدى
سلطان بحنان ممزوج بالفرحه :- نورت بيتك ياحبيب جدك
جهاد وهو ينظر للجميع بفرحه :- منور بيكم كلكم
ماسة وهى تنظر لجهاد :- الاكل جاهز
سام بغيظ :- مكنش حد راضى يخلينا ناكل غير فى وجودك
ابتسم جهاد وقالت مليكه وهى تقترب من جهاد :- الاكل كله لجهاد .. بس حرام كلوا معه علشان ميتعبش من عينكم بعدين
جهاد بضحك :- هههه ده كله ليا
مليكه بتأكيد :- هو احنا عندنا كام جهاد يعنى
سام بغيظ :- واحد مطلع عينا
ماسة بغيظ :- جوليا ابعدى زوجك عن زوجى احسن ليك
جوليا بغيظ :- سام بطل رخامه
سام بغيظ وهو يجلس على السفره :- عيلة بنت كلب
مليكه وهى تنظر لجهاد :- جهاد ياعلشان تاكل
جهاد وهو ينظر للمكان من حوله ويقول بقلق :- فين ماما
نظرت إليه مليكه بحزن وقال جون وهو يقترب منه :- اكيد فى الاوضه
هز جهاد رأسه وهو يذهب إلى غرفة كوثر تحت أنظار مليكه وجون الذين ينظرون له بقلق ،،،"
✨✨✨✨✨✨✨✨✨✨✨✨✨✨
فتح جهاد الباب وهو يدخل وينظر لكوثر وهى تجلس على سجادة صلاة وترفع يدها للأعلى وتبكى وهى تدعى بقلب حزين متألم، اقترب منها جهاد وهو يجلس بجوارها، جائت تخفض يدها أرضاً وهى تبتسم بحزن وهى تنظر بجوارها له ولكن قام جهاد بالامساك بيديها التى كانت تدعو بهم وهو يقبل كفيها بحنان ودموع تهطل عليهم وهو يقول بعيون خضراء تلمع :- وحشتينى ياماما
بكت كوثر اكثر وهى تغلق يديها بالم ضرب قلبها وهى تقول بتعجب :- ماما
جهاد وهو يمسح دموعها بتأكيد وهو يهز رأسه :- واجمل ام فى الدنيا كلها
كوثر بحزن :- بس انا
جهاد وهو ينظر لها بدموع :- لا قولتلك قبل كدا وهرجع اقول تانى انتى امى الست إللى كانت احن من الدنيا كلها عليا حبتينى اكتر من والادك واكتر من حب ابويا ليا انتى روحى
وضعت كوثر يدها وهى تلمس وجه جهاد بحنان :- لسه زى ماانت حتى بعد الكلام اللى قولته من غير قصد كان قلبى محروق من إللى حصل بس
نظر لها جهاد بتأكيد :- عارف انا قولتلك انك مش امى بس والله من غير ما احس طول عمري بتمنى أوفي ليكى دينك عليا بس مش عارف
كوثر بصدمه :- حبي ليك دين ياجهاد
جهاد بنفى :- لا مش حبك بس وطيبتك وحنيتك وكلمة ابنى كنتى ليا الام وانا يتيم كنتى ليا الاب وابويا عايش انتى كل حاجة جميلة كانت ولسه موجودة
كوثر بندم :- اسفة على كلامى ليك
جهاد بحنان وهو يهز رأسه :- هشش ده حقك تقولى إللى عايزه وانا عليا اعرف أن كان كلامك ده من قلبك أو لا ومتأكد انى الكلام اللى قولتى من وراء قلبك
كوثر بتعجب :- طول عمرى بتعجب من طيبة قلبك لغيت انهاردة انت ازاى كدا
نظر لها جهاد نظرت حب وهو يقول :- علشان انتى ربتينى على كدا
كوثر بصدمه :- انا
جهاد وهو يقبل جبينها بحب :- انتى امى وست قلبي
عانقت كوثر وجهه بدموع وهى تقول :- ياروح قلب ماما
ابتسم جهاد وهو ينام على قدمها بحب :- وحشنى أني انام بين يديكى
قالت كوثر بحنان وهى تسير بيدها على رأسه :- وانا وحشنى وجودك جانبى
رفع جهاد عينه وهو ينظر لها بحب :- والله انا موجود بس اللى ميزهقش منى
انحنت كوثر وهى تقبل جبينه :- مستحيل حد يزهق من روحه
جاء صوت من الخلف يقول :- طيب هتفضلوا كدا كتير الكل مستنى نزولكم
ابتسم جهاد وهو ينهض من على قدم أمه ويقول :- انا مليش دعوه هى إللى بتلعب فى شعرى وانا بحب الحركه ده
كوثر وهى تنهض ويساعدها جهاد على ذلك :- وانا بحب اعمل كل اللى بتحبه المهم تكون مبسوط
ابتسم لها جهاد وقال جون بضيق :- انا كدا اغير
كوثر بحب :- وانت كمان روحى ياجاد
جاد وهو يخرج من الغرفه :- كدا حلو والأكل برد وانا بصراحه جعان
جهاد بتعجب :- بقى طفس امتى
ضحكت كوثر وهى تعانق رأسه بحب وقال جهاد بحزن :- كفاية انا بصراحه جعان
كوثر بضحك :- طيب يلا ياطفس اكتر منه
جهاد وهو يخرج من الغرفه :- كدا حرام ابنك طفس اكتر مش انا
كوثر وهى تنظر له بزهول :- طيب ماانت ابنى
جهاد بصدمه :- واو لا كدا مقدرش اتكلم
هبط جهاد للاسفل تحت أنظار الشباب القاتلة بسبب جوعهم الشديد وقال دين بغيظ :- ماتنام بالمره
جهاد بحزن:- كان نفسى والله بس جعان
جاك وهو ينظر للطعام :- بارد
سام وهو يضع يده على الطعام ولكن ضربته ماسة وهى تنظر له بشر وقال :- اوف خلاص اتنيل وتعالا
ضحك جهاد واقترب وهو يجلس بجوار جون وهو ينظر للجميع وهما يهتمون به بفرحه تغمر وجوههم وهم يضعون له الطعام بحب وحنان ...،
✨✨✨✨✨✨✨✨✨✨✨✨✨✨
خرج إلى الخارج وهو يبحث بعينه عن ابنه الذى اشتق له بشدة يشعر بالحزن كلم نظر إليه فـ هو دائما يبتعد عنه ولا يشعره بوجوده بجواره، نظر فى أنحاء الحديقة وهو يره بجوار جاسى وهو يتحدث معها وبالقرب منهم يجلس هذا الفتى الذى يلقب جاد فـ هو كلما راء قرب الاثنان من بعضهم البعض يتذكر طفولته هو وجون ويشعر بالفرحه لقربه من ابنه، تنفس بهدوء وهو يسير فى اتجاههم ويقول بصوت حنون :- جهاد
هبط جهاد من على المقعد الذى يجلس عليه وهو ينظر إلى والده بالخلف منه وهو يقول بابتسامه رسمت على وجهه الصغير :- بابا
اتسعت ابتسامة جهاد وهو يهبط إلى مستواه وهو يفتح ذراعيه ويشير له بالاقتراب بشوق تحت ابتسامة جهاد الصغير الذى تحولت إلى ضحكات تخرج منه وهو يقترب منه والده ويلقى بنفسه داخل احضانه وهو يقول :- بابا وحشتنى اوى اوى
تنفس جهاد براحه وهو يستنشق رائحة ابنه وهو يشدد من عناقه ويقول :- وانت وحشتنى اوى ياجهاد انت مش زعلان منى مش كدا
ابتعد الصغير عن والده وهو يهز رأسه بنفى ويقول بملامح طفولية :- لا علشان عارف انك كنت تعبان وكان الازم تبعد علشان ترجع كويس وتكون بخير
عقد جهاد حاجبيه وهو ينظر له بدهشه ويقول :- جهاد مين قالك الكلام ده
ابتسم جهاد الصغير وهو يسحب يد والده ويسحبه للجلوس على المقعد ويقول :- بابا مفيش داعى تخبى عنى اي حاجه انا بقيت كبير وفاهم ياريت تعمل زى جاد هو مش بيخبى عنى حاجه و وقت ماتعبت هو فهمنى انك تعبان ولازم تبعد فترة علشان تكون احسن
رفع جهاد نظره من على وجه ابنه وهو ينظر لجاد الذى ينظر للكتاب ولا ينظر لهم رجع بنظره إلى ابنه وهو يقول :- انا اسف مش هخبى عنك حاجه زى دى بعد كدا قولى انت عامل ايه
جهاد وهو يجلس أمام والده :- انا كويس بس تعبت يابابا دائما باخد جلسات الأكسجين دى هو انا هفضل كدا على طول
تغيرت ملامح جهاد للحزن وهو ينظر لابنه ويقوم بوضع يده على وجهه بحنان :- معلش يا جهاد انت مش بتاخد الجلسات دى وقت ماتتعب مش كدا
هز الصغير رأسه وهو يقول :- لا
جاسي بنفى :- كذاب
ابتسم جهاد لجاسى ولكن هي بدلته بنظرات باردة تعجب جهاد وهو يتطلع لها ولكن رجع لحديث ابنه وقال :- جهاد الجلسه دى علشان وقت متتعب ومعنى كدا انك بتتعب انت الازم متزعلش أو متتعصب ومتعملش مجهود كبير علشان متخدهاش
نظر له ابنه نظرت طفل حزين وقال :- بس انا عايز العب براحتى عايز أجرى ورجع أسبح من تانى
رفع جهاد عينه عن ابنه بحزن وهو يتطلع فى جاد الصغير الذى ينظر لابنه بعلامات تحمل الحزن والضيق ابتسم وهو ينظر له بهدوء :- أسألك سوال
هز جهاد رأسه وقال :- موافق
وضع جهاد يده تحت ذقن ابنه وقال :- هو مش انت بتحب ربنا ولو مكنش حصل كدا معاك مكنتش هيكون عندك صاحب زى جاد مش كدا طيب انت زعلان من ده
هز جهاد رأسه وقال :- لا مش زعلان خالص المهم أن جاد معايا انا عايزوا هو مش عايز حاجه تانى
رفع جاد الكتب مجدداً على وجهه بعد معرفة أجابت هذا الصغير بابتسامه تعلو شفتيه تحت أنظار جهاد الذى عانق ابنه بقوة وهو يقول :- حبيب بابا انا فخور بيك وانت شجاع وهتكون دايما كويس صح
هز جهاد رأسه وهو يجلس بجوار جاد ويمسك يده بتملك ويقول :- هكون كويس علشان هو معايا
ابتسم والده وهو ينظر إلى وجه جاد الذى لم يتعجب من امساك يد جهاد له بل شدد الآخر من الضغط على يده بتملك مشابه له توسعت ابتسمت جهاد أكثر براحه وهو يقترب أكثر من جوار جاسى ويقول :- انتى بين كدا انك زعلانه منى
لم تجيبه جاسى وهى تنظر لهاتفها بصمت ثم ردد جهاد من جديد وهو يقول :- طيب مش وحشتك انتى كمان
نفت وهى تنظر له ببرود وتقول :- لا
تعجب جهاد من هذه الصغير التى تشبه والدتها وهو يقول بحزن :- جاسى زعلانه منى ليه انا معملتش حاجه
جاسي بدموع :- هى دى المشكلة ياجهاد انت نسيت انى موجوده نسيت جاسى انت كنت بتحبنى دلوقتى لا انا كنت بنتك دلوقتى انت نسيت وجودى حتى
لمعت عين جهاد بدموع وهو يشعر بـ تقصيره الملحوظ تجاه هذه الصغيرة التى يحق لها الشعور هكذا قام بتنفس بحزن وهو يضع يده على رأسها ويقول :- معاكى حق انا اسف
أدمعت عين جاسى بحزن تحت أنظار هذا الذى يتبع حديثهم بضيق عليها ولكن قطع هذه النظرات صوت جهاد الذى قال :- بس انتى لسه بنتى ياجاسى فرحتى الاولى انا عارف انى بعدت و وقصرت معاكى انا اسف ياحبيبتى بس والله انا بحبك ياروح جهاد بتمنى لو كنتى كبيرة كفاية علشان تفهمى ايه إللى مريت به يمكن تسامحينى ياجاسى انا اسف
جاسي بدموع :- انت نسيت جاسى
هز جهاد راسه بنفى وحزن وقال وهو يمسك يدها :- ابدا انتى ملكتى انا مقدرش انساكى
نظرت جاسى إلى جهاد الذى ينظر لها بحب وحنان وقالت :- ماما قالتلي انك بتحبنى وانك بعدت علشان هما زعلوك وانك كنت تعبان هى كنت بتبكى لو انت مش زعلان من ماما انا مش هزعل منك
هز جهاد رأسه بابتسامه حزينه وقال :- كنت تعبان بس انا مش زعلان من حد انا سمحت مليكه علشان مش بعرف ازعل منها علشان بحبها
ابتسمت جاسى وهى تعانقه بحب وتقول بصوت طفولى :- خلاص وانا مسامحك مش علشان سمحت ماما لا علشان انا بحبك
ابتسم جهاد وهو يشدد من عناقها وقال :- وانا بحب قلبك الحلو يا اجمل أميرة فى الدنيا
جاسي بضحك :- جاد بيقولى أميرتي كمان
نظر جهاد الى جاد الذى يتطلع فيهم وهو يضغط على يده بضيق واضح على وجهه وهو يقول :- والله ازيك ياجاد
نظر له جاد نظرات مغتظة وهو يرفع الكتاب على وجهه من جديد ويقول :- أهلا
ابتسم جهاد وهو ينظر إلى هولاء الاطفال بتعجب من أمرهم فـ هو يشعر أنهم اكبر من عمرهم بكثير تفكيرهم نظراتهم واسلوبهم هز رأسه بتعجب و لهذا الـ جاد بالاخص فهو تملك من قلب جهاد وجاسى بسرعه كبيره عكس كل توقعاته يشعر كأنه فى قصة جديده تتكون بينهم تحوى الكثير ...،
✨✨✨✨✨✨✨✨✨✨✨✨✨✨
* فى المساء *
صعد جهاد وهو يتنفس براحه وهدوء بعد انتهاء المؤتمر الخاص بالعائله الذى فتحوا معه فى الاسفل من أحداث تخص ما حدث معه أثناء غيابه، فتح باب غرفته وهو يدخل الى الداخل وينظر إلى المكان بشوق طويل هو يرا ماسة التى تقف وتفرك يدها بتوتر وهى تقترب منه وهى تقف بعيداً عنه بعض الخطوات وتقول :- ممكن نتكلم
اقترب هو منها أكثر حتى وقف امامها مباشرة وقال :- تحت امرك
ماسة بتوتر من قربه الشديد وهى تقول :- احم هو أصلي ياجهاد اللى حصل انا بجد مكنتش اقصد
مسك يديها وهو يرفعهم للأعلى ويقول بنفى وهو ينظر لها بضيق :- ماسة لو سمحتى بلاش انا نسيت كل حاجه .. انتى كمان أنسي حابب الماضى يصبح ماضى وبس
قالت ماسة بدموع وهى تنظر له :- بس ياجهاد انا قولت الكلام ده ا.انا اسفه بجد
تنفس جهاد وهو يهبط على أقدمه وهو يصل لمستوى بطنها وهو يضع يده عليها ويقول :- ماسة انتى عارفه انى بحاول أنسى ساعدينى على ده انا عايز أبدا حياة جديده مع طفلى الجديد خالى من كل المشاكل انا سبت كل حاجه ورايا وجيت علشان انا محتاجكم انتى قولتى كلام وانا كمان قولت مش مهم مين قاصد ومين لا المهم اننا رجعنا مع بعض تانى
هبطت ماسة هى الآخر على اقدمها وهى تضع راسها على رأسه وتقول :- وانا هساعدك تنسى علشان انا مش عايزك تسبنى يمكن تقول انانيه بس حياتى هى وجودك جانبى ياجهاد
ابتسم جهاد وهو يقبل جبينها ويقول :- وحياة جهاد ملك ايديكى انتى عليكى تطلبيها وانا انفذ
ماسة بنبرة مذعورة :- بعيد الشر عليك متقولش كدا
ضحك جهاد وهو يسير بيده على بطنها ويقول :- نوع الجنين ايه
هزت ماسة راسها وهى تقول :- معرفش
جهاد بتعجب :- متعرفيش
ابتسمت وهى تضع يدها على يده وتقول:- مكنتش عايزه اعرف النوع ولا اي حد يعرف الاول غيرك حتى انا
توسعت ابتسامته وهو ينظر لها بحب :- كلها فترة كام يوم
ماسة بخوف :- ربنا يستر
جهاد بضحك وهو يعانقها بحب :- هيستر متخفيش
تنفست براحه تتخلل داخل روحها وهى تقول :- انا كدا مش خايفه
شدد من عناقها أكثر وهو يتمنى انا يحدث كل ماهو جيد بعد الان ،،،،.
✨✨✨✨✨✨✨✨✨✨✨✨✨✨
"فى غرفة مليكه وجون "
اقترب منها جون وهو يجلس بجوارها ويعانقها بحنان بعد رؤيتها تجلس وهى شاردة الذهن قال وهو ينظر إلى صمتها بضيق :- مليكه انا عارف كل إللى شاغل دماغك
نظرت إليه مليكه وهى تبتعد عنه وتقول :- بجد عارف
هز رأسه وهو يقول بنبرة تحمل الحنان :- جهاد رجع وهو حابب ينسى كل إللى حصل انتى كمان ساعديه أنه ينسى مش أنه يفتكر ويتاذا من تانى
قطعت مليكه كلامه وهى تقول :- بس انا ياجاد اذيته عايزه اعتذر منه
ابتسم وهو يضع يده على وجهها ويقول:- قلب جاد اى حاجه حصلت مكنش بيده ولا بيدك طبيعى تقولى كدا هو فاهم ده حتى لو كلامك كان صعب له بس هو متاكد انه من وراء قلبك بسبب غضبك جهاد مش وحش علشان يفكر بشر تجاه حد انت فاكره أنه هينتقم ولا ايه
مليكه بضحك :- جهاد ينتقم ده مش بيعرف يزعل قطه
جون بتأكيد :- اهو انتى قولتيها حاولى تساعدى يامليكه كونى جانبه بلاش تفكريه بالماضى علشان بياذى هو شبع منه افتحى معه صفحة جديده بيضه
مليكه بحب :- انا موافقة هساعد جهاد وهكون دايما معه بس فى حاجه تانى
قطب جون جبينه وهو يقول :- حاجه .. حاجة ايه دي
عانقت مليكه جون وهى تقول بحب و امتنان :- حاجة انى مش عارفه ازاى هشكر وجودك جانبى انتى اجمل حاجه موجوده فى حياتى ياجاد دايماً معايا وبتسندنى فى ضهري حتى رغم كل المشاكل إللى بسببها ليك
ابتسم وهو يشدد من عناقها وقال :- مفيش داعى تقولى كدا ده واجبى وحبى ليكى انتى طفلة وانا بابكى إللى بدلك على الصح مش كدا
مليكه بدموع :- حتى بعد ماذيت جهاد لسه بتحبنى
نظر لها بضيق وقال :- إللى عملتى غلط ومن غير تفكير بس ده مش معناه انى ازعل منك او اقوم عليكى الحرب لا ياقلبى انا هنا عشان افهمك غلطك وعلشان عارف ومتأكد انك قولتى ده كله من غير قصد
قوست مليكه شفتيها وهى تقول بدموع :- انت ....انا بجد بحبك
ضحك جون على شكلها وهو يقول :- وانا بحب طفلة
مليكه بنفى :- لا مجنونه بيك
دخلها بين ضلوعه من جديد وهو يقول :- وانا بعشق جنونك وطفولتك
مليكه بضحك :- حتى بعد شكلى ده انا بعد ماخلفت ابنك ده وانا عاملة زى الزومبى
ضحك وهو يقول بتأكيد :- هههه حتى بعد ما سنانك تقع
ابتسمت وهى تشدد من أحضانه وتقول :- حتى بعد مالا نهاية
ضحك بقوة وهو يقول :- والله مجنونة
لوت فمها وهى تشدد أكثر من عناقه بينما كان جون يبتسم لها والى طفولتها التى يعشقها ،،،،"
✨✨✨✨✨✨✨✨✨✨✨✨✨✨
وبعد مرور فترة طويله من انجاب
جون ( أمان )
وجهاد طفلتين توأم ( اكيرا و كيارا )
وإنجاب مراد ( جايا )
وإنجاب صهيب ( سيف )
وإنجاب سام ( عامر )
وإنجاب دين ( سارة )
وإنجاب جاك ( تاليا )
★★★★★★★★★★★★★★★★★
وبعد مرور ٧سنوات
كان يجلس الجميع معاً فى الحديقه وهم ينظرون للاطفال منهم بغضب ومنهم بغيظ وهم يلعبون معاً بطفوله ثم قال جهاد بتعجب وهو ينظر لجاك الذى ينظر الابنه بغيظ :- فى ايه يا جاك
جاك وهو ينفخ بغيظ :- ابن ستين كلب ده عايز يكمل دراسته بره
جون بتعجب :- بس هو لسه صغير يسافر ليه
جاك بضيق :- قال هو بيحس بالملل هنا وعدد أفراد العايله بقى كتير
دين بتأكيد :- معاه حق والله
هيرا بغيظ :- متدخلش انت يادين ابنى مش هيبعد عنى
سام بتأيد :- ياشيخه فى داهية
ياخد ابنى ابن الكلب ده معه ويريحنى
جوليا بصدمه :- سام انت مجنون
هز سام يده بقرف وقال :- ياشيخه والله احسن يريحوا
جهاد بضحك :- ليه بس ده كله
سام بغيظ :- الواد مش عايزنى اقعد مع أمه يقولى انت خدت غرضك وجبتنى كفاية على كدا
دين بسخرية :- طيب والله ناصح انا بقا بتقولى روح اتشطر وهات عيل تانى بدل ماانت قارش ملحتى على طول
جهاد بصدمه :- بتقولك كدا
صهيب بمكر :- ياعينى طيب والله تستاهل
نظر له دين بشر وقال :- على الأقل مش زيك
جهاد بضحك :- مالك انت كمان
صهيب بغيظ :- الواد بيشقط أمه منى ده ناقص يطردنى من البيت والله
مراد بسخرية :- متوقع ابنك يكون ازاى يعنى
صهيب بغيظ :- والنبي اسكت بنتك عامله زى ابو حفيظه بغطا الحله إللى لبسه على عينها
مراد بغيظ :- صهيب هقوم اكسر نفوخك
صهيب بضحك :- والله العظيم انا غلطان البت منعزلة عن البشر ليه مش فاهم
جهاد بتعجب :- حتى انا برضو مش فاهم وجهاد بقى يقعد معها كتير
ماسة بغيظ :- ابن الجزمه كل حاجه بقيت عنده جايا ده انا بقيت اغير منها
غمز صهيب لمراد وقال :- ابسط ياعم عريس نقطه اهو البت جامده من اولها عريس
امسكه مراد بكاس الماء والقا على صهيب وقال :- انبسط معايا
لين بضحك :- ههههه والله احسن
نظر لها صهيب بغيظ والماء يقطر من وجهه وهو يقول :- بس ياريت بلاش انتى
صمتت لين وقالت ماسة بتعجب :- اكيرا وكيارا فين يا جهاد
جهاد بغيظ وهو ينظر لجون وصهيب :- تلقى وحدة مع سيف والتانيه مع أمان باشا
ماسة بدهشة :- والله انا مش مطمنه
لين بتعجب :- ليه
مليكه بضحك :- اصلى ابنك ياهانم اصغر من كيارا بشهور وماسة خايفه
صهيب بضحك :- هههه صح بس وايه يعنى دول كام شهر امال لو سنين كان هيحصل ايه
جهاد بغيظ :- ماانت ابوه هتقول ايه يعنى
جون بتعجب :- دول اطفال انتو بتخططوا لزواجهم من دلوقتى
جهاد بسخرية :- ياشيخ ده ماسة سمت عيالهم كمان
ماسة بغيظ :- وايه يعنى
عشق بصدمه :- ده انا ابنى الى عنده ١٨ سنه فى نظرى لسه طفل
جهاد بسخرية :- الشحط ده دا انا بخاف منه والله
مراد بذهول :- ليه شايفه بعبع
جاك بتأكيد :- طيب والله معه حق انا كمان بخاف منه الواد ده بحس أنه كله جون
مراد بغيظ :- معك حق بدل ما يطلع شبه ابوه رايح لعمه
جهاد بضحك :- ههههه انت بتغير يامراد
نظر مراد لجهاد بشر وقال :- تعرف تخرس وحياة امك
مليكه بفرحه :- انا بصراحه عجبنى اوى
نظر لها جون بغضب وقال :- مليكه
مليكه بتوتر :- لا مش قصدى .. قصدى أنه هو وجاسى حلوين على بعض
جون بغضب اكبر :- مليكه
مليكه بخوف :- انا هقوم اشوف امان
جهاد بضحك :- هههه مبروك عريس لبنتك انا موافق
جون بضيق :- مفيش حد طلب رايك من البدايه
جهاد بلا مبالاة :- وايه يعنى عادى
نظر جون لجهاد بشر وقالت لين وهى تنظر للجميع :- تيجى نزوج عيالنا كلهم لبعض
ماسة بفرحه :- انا موافقه
عشق بفرحه :- فكره حلوه
هيرا بتأيد :- وانا معنديش مانع
مايا بضحك :- انا تحمست انا كمان معاكم
جوليا بضحك :- اهو نوفق رأسين فى الحلال
مليكه وهى تأتى من الداخل :- وانا معاكم كمان
نظر جهاد لهم بصدمه :- انتو اتجننتوا الظاهر
صهيب بضحك :- هههه والله حلو
جون بذهول :- ربنا يصبرنى عليكم بجد
مراد بصدمه :- انتو بتتكلموا جد
جاك بتعجب :- دول عيال
دين بضحك :- متوقع منهم ايه يعنى
سام بسخرية :- طيب متزوجونا احنا كمان
نظروا الفتيات لسام بشر وقالت جوليا بصوت يحمل الغضب:- ســــااااام
ركض سام بخوف :- والله بهزر
ضحك الجميع على سام وهم ينظرون له وهو يركض وتركض خلفه جوليا بشر
💃💃💃💃💃💃💃💃💃💃💃💃💃💃
قراءة ممتعة للجميع 🤭
الرواية خلصت يارب تكونوا حبتوها بجد 🥺
أقدر أقول👇
(تم بحمد الله)
عندى طلب منكم انتو عارفين اننا تعبنا فى الرواية ده فـ بالله عايزه رايكم فيها وايه اللى حبتوا وايه اللى مش حبيتوا فيها بتمنى مش تزعلونى
رايكم فيها و فى كل شخص حسيتوا ايه فيها فرحوانى بالله
بجد الرواية ده هتوحشنى اووى🥺😔