Zawgyi
ဒီတစ္ၾကိမ္မွာေတာ့ ခ်န္ယြီက ရွန္ယန္းကိုေအာက္ဘက္သို႔ဆြဲခ်ဖို႔ၾကံစည္လိုက္တဲ့ပံုပဲ။
ရွန္ယန္းက ခ်န္ယြီကိုၾကည့္လိုက္ျပီး အားေပ်ာ့ျခင္းမရိွေပမယ့္ အရမ္းလည္းစိတ္ပါဝင္စားျခင္းမရိွတဲ့ေလသံနွင့္ျပန္ေျပာလိုက္တယ္။
" အဲဒီေန႔တုန္းက နင့္ရဲ႕ပံုစံကအရမ္းကိုသနားစရာေကာင္းတဲ့ပံုျဖစ္ေနလို႔ ငါကူညီဖို႔လာခဲ့တာ ဒါေပမယ့္ ငါရုတ္တရက္ေတြ႕လိုက္ရတာက .. နင္လုယြင္ခ်န္းကိုအရမ္းၾကိဳက္ျပီးေတာ့ သူ႕ရဲ႕လက္မွတ္ကိုလည္းအရမ္းတန္ဖိုးထားတယ္ ဒီေတာ့ သူ႕ရဲ႕လက္မွတ္ပါတဲ့အယ္လ္ဘမ္နဲ႔ပိုစတာေတြအားလံုးကို နင္ေပ်ာက္သြားတယ္ဆိုတာျဖစ္နိုင္ပါ့မလား "
ခ်န္ယြီ အေနာက္ဘက္ကိုေျခတစ္လွမ္းဆုတ္လိုက္မိတာေၾကာင့္ သူမရဲ႕ေနာက္မွာရိွေနတဲ့ထိုင္ခံုနဲ႕တိုက္မိျပီး ဒယီးဒယိုင္နဲ႕ရပ္တန္႔သြားတာကိုၾကည့္ရင္း ရွန္ယန္းဆက္ေျပာလိုက္တယ္။
"ဒါေၾကာင့္ ငါနင့္ကိုစမ္းသပ္ၾကည့္ခဲ့တယ္ အယ္လ္ဘမ္နဲ႕ပိုစတာေတြဘယ္ေလာက္မ်ားမ်ားရိွတာလဲဆိုျပီးေမးေတာ့ ဘယ္ပစၥည္းက ဘယ္ေလာက္လဲဆိုတာကအစ နင္အကုန္လံုးကိုရွင္းရွင္းလင္းလင္းေျဖနိုင္ခဲ့တယ္ ဒီေတာ့ အဲဒီပစၥည္းေတြကိုနင္အမွတ္တမဲ့နွင့္ေပ်ာက္သြားတယ္ဆိုတာျဖစ္နိုင္ပါ့မလား "
"ေနာက္တစ္ခုက ငါနင့္ကိုအယ္လ္ဘမ္နဲ႕ပိုစတာေတြကိုရွာဖို႔ေျပာခဲ့ေပမယ့္ နင့္ရဲ႕ဖိနပ္ကေတာ့ အရမ္းကိုသန္႔ရွင္းေနခဲ့တယ္ ငါ့ရဲ႕စိတ္ထက္ေတာင္သန္႔ရွင္းေနတယ္ေလ "
ရွန္ယန္း စကားဆံုးျပီးတာနဲ႕ ျပံဳးျပီးထပ္ေမးလိုက္တယ္။
"ဒီေတာ့ နင္ဘာေတြေျပာခ်င္ေသးလဲ "
ခ်န္ယြီရဲ႕မ်က္နွာကေဖ်ာ့ေတာ့လာျပီး သူမရဲ႕နႈတ္ခမ္းေတြက တုန္ယင္ေနကာ ဘယ္လိုစကားမွမေျပာနိုင္ေတာ့ဘူး။
သူမထံမွ စကားသံထြက္မလာေတာ့တာကိုေတြ႕ေတာ့ ရွန္ယန္းစိတ္ဝင္စားမႈေတြမရိွေတာ့တဲ့အတြက္ သူမရဲ႕အေပၚကုတ္အက်ႌကိုဆြဲယူျပီး အျပင္ကိုထြက္လာခဲ့တယ္။
" နင့္ရဲ႕ျပသနာကို နင္ရွင္းလိုက္ေတာ့ "
အခန္းတံခါးပိတ္လိုက္တဲ့အခ်ိန္မွာပဲ လီလီရဲ႕ေဒါသတၾကီးေျပာလာတဲ့စကားသံကိုရွန္ယန္းၾကားလိုက္ရတယ္။
" သူခိုးမ! နင့္လိုလူမ်ိဳးက လုယြင္ခ်န္းရဲ႕ပရိတ္သတ္ျဖစ္ဖို႔မထိုက္တန္ဘူး !"
ရွန္ယန္း ဓာတ္ေလွကားဆီသို႔ေျဖးညွင္းစြာေလ်ွာက္သြားလိုက္တယ္။ သူမရဲ႕ဇာတ္ဝင္ခန္းကိုရိုက္ကူးဖို႔မိနစ္အနည္းငယ္ေလာက္အခ်ိန္ရေသးတဲ့အတြက္ သူမအေနနဲ႕အလ်ွင္အျမန္သြားဖို႔မလိုအပ္ဘူးေလ။
ဓာတ္ေလွကားတံခါးပြင့္လာခ်ိန္မွာေတာ့ ရိုက္ကူးေရးဝန္ထမ္းတစ္ေယာက္ထြက္လာျပီး ရွန္ယန္းကိုေတြ႕တဲ့အတြက္ေမးလာခဲ့တယ္။
" ခ်န္လန္ ဘယ္မွာလဲ "
ရွန္ယန္းက ခဏေလာက္ေတြးေတာျပီး ျပန္ေမးလိုက္တယ္။
"ခ်န္လန္..?"
" မင္းနဲ႕အတူေနတဲ့တစ္ေယာက္ေလ .. အခု သူ႕ရဲ႕အခန္းရိုက္ရမယ့္အခ်ိန္ကို ရိုက္ကြင္းမွာလည္းမရိွ ဖုန္းလည္းမကိုင္လို႔ ..ဒါရိုက္တာဝူကစိတ္ဆိုးေနျပီ ဒါေၾကာင့္ ရိုက္ကူးေရးအကူတစ္ေယာက္ကငါ့ကိုေခၚျပီး သူမကိုလိုက္ရွာခိုင္းလိုက္တာ "
ခ်န္ယြီရဲ႕နာမည္က ခ်န္လန္လား ။
ရွန္ယန္းက ထပ္ေမးလိုပ္တယ္။
"သူ႕ရဲ႕နာမည္က ခ်န္လန္လား "
"မသိဘူး သူမရဲ႕ ID ကတ္မွာေတာ့ ခ်န္လန္လို႔ေရးထားတာပဲ"
ရွန္ယန္း :"......"
ဇာတ္လိုက္မရဲ႕ေအးဂ်င့္နာမည္ကလည္း ခ်န္လန္ပဲ။ ဒါေပမယ့္ မ်ိဳးရိုးနာမည္ေရာ နာမည္ေရာတူညီေနတာက ျဖစ္နိုင္ပါ့မလား ။
ဇာတ္လိုက္မရဲ႕ေအးဂ်င့္ခ်န္လန္ကလည္း ယခင္တုန္းကမင္းသမီးလုပ္ခဲ့ဖူးတယ္လို႔ သူမဖတ္ခဲ့ရတယ္။ ဒါေပမယ့္ မၾကာခင္မွာေတာ့ သူမက ဒရမ္မာေတြထဲမွာမပါဝင္ရေတာ့တာေၾကာင့္ေအးဂ်င့္အျဖစ္သို႔ေျပာင္းလဲလုပ္ကိုင္ခဲ့တယ္။
ထိုအခ်ိန္မွာ သူမက ဇာတ္လိုက္မနဲ႕ေတြ႕ဆံုခဲ့ျပီး အနုပညာရပ္ဝန္းထဲမွာဇာတ္လိုက္မ ရပ္တည္နိုင္ဖို႔နည္းလမ္းအမ်ိဳးမ်ိဳးသံုးကာကူညီခဲ့ျပီး အလ်င္အျမန္နွင့္ လူသိမ်ားေအာင္ျမင္လာခဲ့တယ္။ ဒါေပမယ့္ ဘယ္သူကမွ သူမဘယ္လိုေနရာမ်ိဳးမွာထူးခ်ြန္တာလဲဆိုတာကိုမသိခဲ့ၾကဘူး။
ေျပာၾကတာကေတာ့ သူမရဲ႕နာမည္ကိုလူသိမ်ားေအာင္လုပ္တဲ့ ေစ်းကြက္ရွာမႈနည္းလမ္းေတြကအရမ္းကိုေကာင္းတယ္တဲ့။
ရွန္ယန္း ယခင္ဘဝမွာတုန္းက ဇာတ္လိုက္မရဲ႕ေအးဂ်င့္ကိုမျမင္ဖူးခဲ့ဘူး။ သူမကအျမဲတမ္းမုရီအန္းကိုရရိွဖို႔အတြက္ပဲေတြးေတာေနခဲ့ျပီး ဇာတ္လိုက္မနဲ႕ပတ္သက္တဲ့ တံု႔ျပန္မႈေတြကိုဂရုမစိုက္မိခဲ့ဘူး။
ရွန္ယန္း ဇာတ္လိုက္မကိုေတြ႕ခဲ့ရတဲ့အခ်ိန္တိုင္းက မုရီအန္းေၾကာင့္ပဲျဖစ္ျပီးေတာ့ ထိုအခ်ိန္ေတြမွာလည္း ဇာတ္လိုက္မကသူမရဲ႕ေအးဂ်င့္ကိုအတူေခၚလာခဲ့ျခင္းမရိွခဲ့ဘူး။ ဒါေၾကာင့္ ရွန္ယန္းက ဇာတ္လိုက္မရဲ႕ေအးဂ်င့္ကို နာမည္တစ္ခုတည္းကိုပဲသိခဲ့တာျဖစ္တယ္။
"သူအခန္းထဲမွာရိွတယ္ က်ြန္မအတူလိုက္ၾကည့္ေပးမယ္"
ရွန္ယန္းက ေျပာလိုက္ျပီးအခန္းဆီသို႔ျပန္လည္ေလ်ွာက္လာေတာ့ ခ်န္ယြီက သူမရဲ႕ခရီးေဆာင္အိတ္ကိုဆြဲျပီး အခန္းထဲကထြက္လာတာကိုေတြ႕လိုက္ရတယ္။
ခ်န္ယြီရဲ႕မ်က္လံုးေတြကအနည္းငယ္ေရာင္ကိုင္းေနျပီး ရွန္ယန္းကိုေတြ႕လိုက္ရေတာ့ ဆက္တိုက္ေျပာလာခဲ့တယ္။
"အစ္မယန္ယန္ က်ြန္မရဲ႕အမွားေတြအားလံုးအတြက္ေတာင္းပန္ပါတယ္ .. အခု ..."
သူမကစကားကိုဆံုးေအာင္မေျပာခဲ့ဘဲ ခရီးေဆာင္အိတ္ကိုဆြဲယူျပီးအေရွ႕ကိုဆက္ေလ်ွာက္သြားခဲ့တယ္။
ရိုက္ကူးေရးဝန္ထမ္းက ခ်န္ယြီကိုၾကည့္ျပီးအလွ်င္အျမန္ေျပာလိုက္တယ္။
" မင္းရဲ႕အခန္းကိုရိုက္ကူးရမယ့္အခ်ိန္ရိုက္ကြင္းမွာရိွမေနလို႔ဒါရိုက္တာဝူစိတ္ဆိုးေနျပီ"
"က်ြန္မထပ္ျပီးရိုက္ကူးေတာ့မွာမဟုတ္ဘူး ရိုက္ကူးေရးစာခ်ဳပ္ကိုဖ်က္သိမ္းေၾကာင္းမၾကာခင္ပို႔ေပးလိုက္ပါ့မယ္"
သူမေျပာျပီးခ်ိန္မွာပဲ လီလီနဲ႕တျခားသူေတြကအခန္းထဲကထြက္လာခဲ့ၾကတယ္။
" သူငါတို႕ေရွ႕မွာဒူးေထာက္ျပီးခြင့္လႊတ္ေပးဖို႔ေတာင္းပန္သြားတယ္ ေနာက္ျပီးဘယ္ေတာ့မွထပ္မလုပ္ေတာ့ဘူးလို႔ကတိေပးသြားတယ္ သူ႕ကိုအျပစ္ေပးတဲ့အေနနဲ႕ ေနာက္ထပ္လုယြင္ခ်န္းရဲ႕ပရိတ္သတ္အျဖစ္ဆက္ရိွမေနေတာ့ဖို႔ေျပာလိုက္ျပီ သူခနေလာက္ေတာ့ လက္မခံဘဲေနေနေပမယ့္ ေနာက္ေတာ့သူ႕ပစၥည္းေတြကိုသိမ္းဆည္းျပီးထြက္သြားဖို႔လက္ခံလိုက္ရတာပဲ "
အခ်ိန္ခဏေလာက္အတြင္းမွာပဲ ခ်န္ယြီကို လီလီ့ကိုေတာင္းပန္ခဲ့ျပီး သူမရဲ႕ခရီးေဆာင္အိတ္ေတြကိုပါထုတ္ပိုးခဲ့ကာ လီလီ့ကိုအံၾသသင့္တဲ့အထိလုပ္နိုင္ခဲ့တယ္။ ေနာက္ျပီး သူမကဘာတစ္ခုမွျပန္ခံမေျပာခဲ့ဘူး။
သူမကအမွန္တကယ္ကို ဇာတ္လိုက္မရဲ႕ေအးဂ်င့္ခ်န္လန္ျဖစ္နိုင္တယ္။
ရွန္ယန္းက ခ်န္ယြီရဲ႕ပံုစံကိုတစ္ခ်က္စိုက္ၾကည့္ျပီးသက္ျပင္းခ်လိုပ္တယ္။ ျဖစ္နိုင္တာကေတာ့ သူမ(ရွန္ယန္း)က အေျမွာက္စာခံဇာတ္ေကာင္ျဖစ္ေနတဲ့အတြက္ ထိုသို႔ေသာလူေတြနဲ႕ပတ္သက္ရမယ့္ကံၾကမၼာပါလာခဲ့တယ္ထင္တယ္။
ဒါေပမယ့္ သူမအတြက္ေၾကာက္ရြံ႕ေနစရာအေၾကာင္းမရိွေတာ့ဘူး ။ သူမရဲ႕နွလံုးသားထဲမွာ မုရီအန္းအတြက္ေနရာမရိွေတာ့တာေၾကာင့္ သူမကအရင္ဘဝတုန္းကရွန္းယန္းလိုမ်ိဳး ထပ္ျပီးျဖစ္စရာအေၾကာင္းမရိွေတာ့ဘူးေလ။
"ရွန္ယန္း ငါတို႔ကိုကူညီေပးတဲ့အတြက္ေက်းဇူးပါပဲ .. ရိႈးပြဲမွာအနိုင္ရျပီးငါတို႔ရဲ႕ယြင္ခ်န္းနဲ႕အတူသရုပ္ေဆာင္ရပါေစလို႔ဆုေတာင္းေပးေနမယ္ေနာ္ !"
လီလီက ထုိသို႔ေျပာျပီးတာနွင့္ တျခားေသာပရိတ္သတ္ေတြကပါသူမရဲ႕ေနာက္မွလိုက္ျပီးေျပာလာၾကတယ္။ သူတို႕ကရွန္ယန္းရဲ႕ပရိတ္သတ္ေတြမဟုတ္ေပမယ့္ ရွန္ယန္းကသူတို႔ကိုကူညီေပးခဲ့တဲ့အတြက္ ေက်းဇူးတင္ျပီး တကယ္လို႔ voteေပးရမယ္ဆိုရင္ သူမကို voteျပီးကူညီေပးၾကလိမ့္မယ္။
ရွန္ယန္းက ျပံဳးျပီး ဘာမွျပန္မေျပာလိုက္ေတာ့ဘူး။
သူမရိုက္ကြင္းဆီကိုျပန္သြားခ်ိန္မွာေတာ့ .. ခ်န္ယြီ ..မဟုတ္ဘူး ခ်န္လန္က စာခ်ဳပ္ကိုဖ်က္သိမ္းခဲ့တာေၾကာင့္ ရိုက္ကြင္းထဲမွာဒါရိုက္တာဝူေဒါသတၾကီးျဖစ္ေနလိမ့္မယ္ဆိုတာကို သိေနခဲ့တယ္။
ရွန္ယန္းအေနနဲ႕ သူမကိုပါဆူပူၾကိမ္းေမာင္းလာမွာကိုမလိုခ်င္တဲ့တြက္ ပိုျပီးေလးနက္စြာသရုပ္ေဆာင္ဖို႔ဆံုးျဖတ္လိုက္တယ္။
***
Unicode
ဒီတစ်ကြိမ်မှာတော့ ချန်ယွီက ရှန်ယန်းကိုအောက်ဘက်သို့ဆွဲချဖို့ကြံစည်လိုက်တဲ့ပုံပဲ။
ရှန်ယန်းက ချန်ယွီကိုကြည့်လိုက်ပြီး အားပျော့ခြင်းမရှိပေမယ့် အရမ်းလည်းစိတ်ပါဝင်စားခြင်းမရှိတဲ့လေသံနှင့်ပြန်ပြောလိုက်တယ်။
" အဲဒီနေ့တုန်းက နင့်ရဲ့ပုံစံကအရမ်းကိုသနားစရာကောင်းတဲ့ပုံဖြစ်နေလို့ ငါကူညီဖို့လာခဲ့တာ ဒါပေမယ့် ငါရုတ်တရက်တွေ့လိုက်ရတာက .. နင်လုယွင်ချန်းကိုအရမ်းကြိုက်ပြီးတော့ သူ့ရဲ့လက်မှတ်ကိုလည်းအရမ်းတန်ဖိုးထားတယ် ဒီတော့ သူ့ရဲ့လက်မှတ်ပါတဲ့အယ်လ်ဘမ်နဲ့ပိုစတာတွေအားလုံးကို နင်ပျောက်သွားတယ်ဆိုတာဖြစ်နိုင်ပါ့မလား "
ချန်ယွီ အနောက်ဘက်ကိုခြေတစ်လှမ်းဆုတ်လိုက်မိတာကြောင့် သူမရဲ့နောက်မှာရှိနေတဲ့ထိုင်ခုံနဲ့တိုက်မိပြီး ဒယီးဒယိုင်နဲ့ရပ်တန့်သွားတာကိုကြည့်ရင်း ရှန်ယန်းဆက်ပြောလိုက်တယ်။
"ဒါကြောင့် ငါနင့်ကိုစမ်းသပ်ကြည့်ခဲ့တယ် အယ်လ်ဘမ်နဲ့ပိုစတာတွေဘယ်လောက်များများရှိတာလဲဆိုပြီးမေးတော့ ဘယ်ပစ္စည်းက ဘယ်လောက်လဲဆိုတာကအစ နင်အကုန်လုံးကိုရှင်းရှင်းလင်းလင်းဖြေနိုင်ခဲ့တယ် ဒီတော့ အဲဒီပစ္စည်းတွေကိုနင်အမှတ်တမဲ့နှင့်ပျောက်သွားတယ်ဆိုတာဖြစ်နိုင်ပါ့မလား "
"နောက်တစ်ခုက ငါနင့်ကိုအယ်လ်ဘမ်နဲ့ပိုစတာတွေကိုရှာဖို့ပြောခဲ့ပေမယ့် နင့်ရဲ့ဖိနပ်ကတော့ အရမ်းကိုသန့်ရှင်းနေခဲ့တယ် ငါ့ရဲ့စိတ်ထက်တောင်သန့်ရှင်းနေတယ်လေ "
ရှန်ယန်း စကားဆုံးပြီးတာနဲ့ ပြုံးပြီးထပ်မေးလိုက်တယ်။
"ဒီတော့ နင်ဘာတွေပြောချင်သေးလဲ "
ချန်ယွီရဲ့မျက်နှာကဖျော့တော့လာပြီး သူမရဲ့နှုတ်ခမ်းတွေက တုန်ယင်နေကာ ဘယ်လိုစကားမှမပြောနိုင်တော့ဘူး။
သူမထံမှ စကားသံထွက်မလာတော့တာကိုတွေ့တော့ ရှန်ယန်းစိတ်ဝင်စားမှုတွေမရှိတော့တဲ့အတွက် သူမရဲ့အပေါ်ကုတ်အင်္ကျီကိုဆွဲယူပြီး အပြင်ကိုထွက်လာခဲ့တယ်။
" နင့်ရဲ့ပြသနာကို နင်ရှင်းလိုက်တော့ "
အခန်းတံခါးပိတ်လိုက်တဲ့အချိန်မှာပဲ လီလီရဲ့ဒေါသတကြီးပြောလာတဲ့စကားသံကိုရှန်ယန်းကြားလိုက်ရတယ်။
" သူခိုးမ! နင့်လိုလူမျိုးက လုယွင်ချန်းရဲ့ပရိတ်သတ်ဖြစ်ဖို့မထိုက်တန်ဘူး !"
ရှန်ယန်း ဓာတ်လှေကားဆီသို့ဖြေးညှင်းစွာလျှောက်သွားလိုက်တယ်။ သူမရဲ့ဇာတ်ဝင်ခန်းကိုရိုက်ကူးဖို့မိနစ်အနည်းငယ်လောက်အချိန်ရသေးတဲ့အတွက် သူမအနေနဲ့အလျှင်အမြန်သွားဖို့မလိုအပ်ဘူးလေ။
ဓာတ်လှေကားတံခါးပွင့်လာချိန်မှာတော့ ရိုက်ကူးရေးဝန်ထမ်းတစ်ယောက်ထွက်လာပြီး ရှန်ယန်းကိုတွေ့တဲ့အတွက်မေးလာခဲ့တယ်။
" ချန်လန် ဘယ်မှာလဲ "
ရှန်ယန်းက ခဏလောက်တွေးတောပြီး ပြန်မေးလိုက်တယ်။
"ချန်လန်..?"
" မင်းနဲ့အတူနေတဲ့တစ်ယောက်လေ .. အခု သူ့ရဲ့အခန်းရိုက်ရမယ့်အချိန်ကို ရိုက်ကွင်းမှာလည်းမရှိ ဖုန်းလည်းမကိုင်လို့ ..ဒါရိုက်တာဝူကစိတ်ဆိုးနေပြီ ဒါကြောင့် ရိုက်ကူးရေးအကူတစ်ယောက်ကငါ့ကိုခေါ်ပြီး သူမကိုလိုက်ရှာခိုင်းလိုက်တာ "
ချန်ယွီရဲ့နာမည်က ချန်လန်လား ။
ရှန်ယန်းက ထပ်မေးလိုပ်တယ်။
"သူ့ရဲ့နာမည်က ချန်လန်လား "
"မသိဘူး သူမရဲ့ ID ကတ်မှာတော့ ချန်လန်လို့ရေးထားတာပဲ"
ရှန်ယန်း :"......"
ဇာတ်လိုက်မရဲ့အေးဂျင့်နာမည်ကလည်း ချန်လန်ပဲ။ ဒါပေမယ့် မျိုးရိုးနာမည်ရော နာမည်ရောတူညီနေတာက ဖြစ်နိုင်ပါ့မလား ။
ဇာတ်လိုက်မရဲ့အေးဂျင့်ချန်လန်ကလည်း ယခင်တုန်းကမင်းသမီးလုပ်ခဲ့ဖူးတယ်လို့ သူမဖတ်ခဲ့ရတယ်။ ဒါပေမယ့် မကြာခင်မှာတော့ သူမက ဒရမ်မာတွေထဲမှာမပါဝင်ရတော့တာကြောင့်အေးဂျင့်အဖြစ်သို့ပြောင်းလဲလုပ်ကိုင်ခဲ့တယ်။
ထိုအချိန်မှာ သူမက ဇာတ်လိုက်မနဲ့တွေ့ဆုံခဲ့ပြီး အနုပညာရပ်ဝန်းထဲမှာဇာတ်လိုက်မ ရပ်တည်နိုင်ဖို့နည်းလမ်းအမျိုးမျိုးသုံးကာကူညီခဲ့ပြီး အလျင်အမြန်နှင့် လူသိများအောင်မြင်လာခဲ့တယ်။ ဒါပေမယ့် ဘယ်သူကမှ သူမဘယ်လိုနေရာမျိုးမှာထူးချွန်တာလဲဆိုတာကိုမသိခဲ့ကြဘူး။
ပြောကြတာကတော့ သူမရဲ့နာမည်ကိုလူသိများအောင်လုပ်တဲ့ ဈေးကွက်ရှာမှုနည်းလမ်းတွေကအရမ်းကိုကောင်းတယ်တဲ့။
ရှန်ယန်း ယခင်ဘဝမှာတုန်းက ဇာတ်လိုက်မရဲ့အေးဂျင့်ကိုမမြင်ဖူးခဲ့ဘူး။ သူမကအမြဲတမ်းမုရီအန်းကိုရရှိဖို့အတွက်ပဲတွေးတောနေခဲ့ပြီး ဇာတ်လိုက်မနဲ့ပတ်သက်တဲ့ တုံ့ပြန်မှုတွေကိုဂရုမစိုက်မိခဲ့ဘူး။
ရှန်ယန်း ဇာတ်လိုက်မကိုတွေ့ခဲ့ရတဲ့အချိန်တိုင်းက မုရီအန်းကြောင့်ပဲဖြစ်ပြီးတော့ ထိုအချိန်တွေမှာလည်း ဇာတ်လိုက်မကသူမရဲ့အေးဂျင့်ကိုအတူခေါ်လာခဲ့ခြင်းမရှိခဲ့ဘူး။ ဒါကြောင့် ရှန်ယန်းက ဇာတ်လိုက်မရဲ့အေးဂျင့်ကို နာမည်တစ်ခုတည်းကိုပဲသိခဲ့တာဖြစ်တယ်။
"သူအခန်းထဲမှာရှိတယ် ကျွန်မအတူလိုက်ကြည့်ပေးမယ်"
ရှန်ယန်းက ပြောလိုက်ပြီးအခန်းဆီသို့ပြန်လည်လျှောက်လာတော့ ချန်ယွီက သူမရဲ့ခရီးဆောင်အိတ်ကိုဆွဲပြီး အခန်းထဲကထွက်လာတာကိုတွေ့လိုက်ရတယ်။
ချန်ယွီရဲ့မျက်လုံးတွေကအနည်းငယ်ရောင်ကိုင်းနေပြီး ရှန်ယန်းကိုတွေ့လိုက်ရတော့ ဆက်တိုက်ပြောလာခဲ့တယ်။
"အစ်မယန်ယန် ကျွန်မရဲ့အမှားတွေအားလုံးအတွက်တောင်းပန်ပါတယ် .. အခု ..."
သူမကစကားကိုဆုံးအောင်မပြောခဲ့ဘဲ ခရီးဆောင်အိတ်ကိုဆွဲယူပြီးအရှေ့ကိုဆက်လျှောက်သွားခဲ့တယ်။
ရိုက်ကူးရေးဝန်ထမ်းက ချန်ယွီကိုကြည့်ပြီးအလျှင်အမြန်ပြောလိုက်တယ်။
" မင်းရဲ့အခန်းကိုရိုက်ကူးရမယ့်အချိန်ရိုက်ကွင်းမှာရှိမနေလို့ဒါရိုက်တာဝူစိတ်ဆိုးနေပြီ"
"ကျွန်မထပ်ပြီးရိုက်ကူးတော့မှာမဟုတ်ဘူး ရိုက်ကူးရေးစာချုပ်ကိုဖျက်သိမ်းကြောင်းမကြာခင်ပို့ပေးလိုက်ပါ့မယ်"
သူမပြောပြီးချိန်မှာပဲ လီလီနဲ့တခြားသူတွေကအခန်းထဲကထွက်လာခဲ့ကြတယ်။
" သူငါတို့ရှေ့မှာဒူးထောက်ပြီးခွင့်လွှတ်ပေးဖို့တောင်းပန်သွားတယ် နောက်ပြီးဘယ်တော့မှထပ်မလုပ်တော့ဘူးလို့ကတိပေးသွားတယ် သူ့ကိုအပြစ်ပေးတဲ့အနေနဲ့ နောက်ထပ်လုယွင်ချန်းရဲ့ပရိတ်သတ်အဖြစ်ဆက်ရှိမနေတော့ဖို့ပြောလိုက်ပြီ သူခနလောက်တော့ လက်မခံဘဲနေနေပေမယ့် နောက်တော့သူ့ပစ္စည်းတွေကိုသိမ်းဆည်းပြီးထွက်သွားဖို့လက်ခံလိုက်ရတာပဲ "
အချိန်ခဏလောက်အတွင်းမှာပဲ ချန်ယွီကို လီလီ့ကိုတောင်းပန်ခဲ့ပြီး သူမရဲ့ခရီးဆောင်အိတ်တွေကိုပါထုတ်ပိုးခဲ့ကာ လီလီ့ကိုအံသြသင့်တဲ့အထိလုပ်နိုင်ခဲ့တယ်။ နောက်ပြီး သူမကဘာတစ်ခုမှပြန်ခံမပြောခဲ့ဘူး။
သူမကအမှန်တကယ်ကို ဇာတ်လိုက်မရဲ့အေးဂျင့်ချန်လန်ဖြစ်နိုင်တယ်။
ရှန်ယန်းက ချန်ယွီရဲ့ပုံစံကိုတစ်ချက်စိုက်ကြည့်ပြီးသက်ပြင်းချလိုပ်တယ်။ ဖြစ်နိုင်တာကတော့ သူမ(ရှန်ယန်း)က အမြှောက်စာခံဇာတ်ကောင်ဖြစ်နေတဲ့အတွက် ထိုသို့သောလူတွေနဲ့ပတ်သက်ရမယ့်ကံကြမ္မာပါလာခဲ့တယ်ထင်တယ်။
ဒါပေမယ့် သူမအတွက်ကြောက်ရွံ့နေစရာအကြောင်းမရှိတော့ဘူး ။ သူမရဲ့နှလုံးသားထဲမှာ မုရီအန်းအတွက်နေရာမရှိတော့တာကြောင့် သူမကအရင်ဘဝတုန်းကရှန်းယန်းလိုမျိုး ထပ်ပြီးဖြစ်စရာအကြောင်းမရှိတော့ဘူးလေ။
"ရှန်ယန်း ငါတို့ကိုကူညီပေးတဲ့အတွက်ကျေးဇူးပါပဲ .. ရှိုးပွဲမှာအနိုင်ရပြီးငါတို့ရဲ့ယွင်ချန်းနဲ့အတူသရုပ်ဆောင်ရပါစေလို့ဆုတောင်းပေးနေမယ်နော် !"
လီလီက ထိုသို့ပြောပြီးတာနှင့် တခြားသောပရိတ်သတ်တွေကပါသူမရဲ့နောက်မှလိုက်ပြီးပြောလာကြတယ်။ သူတို့ကရှန်ယန်းရဲ့ပရိတ်သတ်တွေမဟုတ်ပေမယ့် ရှန်ယန်းကသူတို့ကိုကူညီပေးခဲ့တဲ့အတွက် ကျေးဇူးတင်ပြီး တကယ်လို့ voteပေးရမယ်ဆိုရင် သူမကို voteပြီးကူညီပေးကြလိမ့်မယ်။
ရှန်ယန်းက ပြုံးပြီး ဘာမှပြန်မပြောလိုက်တော့ဘူး။
သူမရိုက်ကွင်းဆီကိုပြန်သွားချိန်မှာတော့ .. ချန်ယွီ ..မဟုတ်ဘူး ချန်လန်က စာချုပ်ကိုဖျက်သိမ်းခဲ့တာကြောင့် ရိုက်ကွင်းထဲမှာဒါရိုက်တာဝူဒေါသတကြီးဖြစ်နေလိမ့်မယ်ဆိုတာကို သိနေခဲ့တယ်။
ရှန်ယန်းအနေနဲ့ သူမကိုပါဆူပူကြိမ်းမောင်းလာမှာကိုမလိုချင်တဲ့တွက် ပိုပြီးလေးနက်စွာသရုပ်ဆောင်ဖို့ဆုံးဖြတ်လိုက်တယ်။
***