" ប្រៃណាស់លោកអើយ....ខឹក..ខឹក.." បន្ទាប់ពីក្អូតនឹងលាងសម្អាតមាត់រួចរាល់ នាយកម្លោះដើរចេញមកវិញធ្វើមុខស្អុយៗ ព្រោះជាតិនៅជាប់ក្នុងមាត់នៅឡើយ ។
នាយកម្លោះប្រញាប់ឡើងទៅខាងលើរកអ្នកជាប្រពន្ធវិញ កុំអោយគេញុាំបន្ត ។
ក្រាក
" ថេយ៍!! " ជុងហ្គុកហៅឈ្មោះអ្នកជាប្រពន្ធដោយភ្ញាក់ផ្អើល នៅពេលឃើញស៊ុបអស់ពីចាន នេះគេញុាំទាំងអស់ហេស៎?
" ហឹម " ថេយ៉ុងក្រហឹមក្នុងបំពង់ករបន្តិច ជំនួសការឆ្លើយ ដោយបិទភ្នែកគេងបន្ត ។
" នេះអូនញុាំស៊ុបអស់ទាំងអស់? វាប្រៃខ្លាំងណាស់ អូនញុាំកើតដែរហេស៎? " ជុងហ្គុកសួរទៅប្រពន្ធដោយចម្ងល់ និងបារម្ភ ព្រោះវាប្រៃខ្លាំងពិតមែន ។
" មិនអីទេ ពិននឹងអូនញុាំបាន ប្តីអូនអ្នកធ្វើទៅហើយ ត្រូវតែឆ្ងាញ់ " ថេយ៉ុងងាកមកញញឹមដាក់អ្នកជាប្តី ទោះស៊ុបមួយនេះប្រៃយ៉ាងណាសម្រាប់គេគឺផ្អែមឆ្ងាញ់បំផុត ដោយសារអ្នកជាប្តីខំធ្វើ ។
" បងសូមទោសណា ថ្ងៃក្រោយបើញុាំមិនកើតទេប្រាប់បង កុំញុាំចឹងទៀតអី " ជុងហ្គុកចូលទៅអោអ្នកជាប្រពន្ធដោយក្តីរំភើបក្នុងចិត្តនៅពេលឮសម្តីអ្នកជាប្រពន្ធនិយាយមិញនេះ ។
" ថេយ៍ហា៎~ " ជុងហ្គុកងើបចេញពីការអោបបន្តិច មិននឹងហៅឈ្មោះអ្នកជាប្រពន្ធដោយសម្លេងស្រទន់។ ថេយ៉ុងសម្លឹងមុខនាយភ្លឹក កំពុងចាំស្តាប់នាយនិយាយបន្ត ។
" យើងទៅដើរលេងទៅ ទុកថាទៅក្រេបទឹកឃ្មុំ ព្រោះតិចទៀតបងត្រូវទៅធ្វើការ វានឹងរវល់ច្រើនមិនខាន " ជុងហ្គុកចាប់ដៃអ្នកជាប្រពន្ធមកថើប មុននឹងនិយាយពីអ្វីនាយចង់និយាយដោយស្នាមញញឹម។
" អូនតាមបងស្រាប់ហើយ " ថេយ៉ុងញញឹមមុននឹងឆ្លើយជាមួយស្វាមីវិញ បើនាយចង់ទៅហើយរឿងអីថេយ៉ុងមិនស្របតាមនោះ ។
" ចឹងចាំបន្តិចណា ចាំបងទៅលាយទឹកក្តៅអោយ ដើម្បីអោយអូនស្រួលខ្លួនបន្តិច " ជុងហ្គុកញញឹមហើយទើបដើរចូលទៅលាយទឹកក្តៅសម្រាប់អ្នកជាប្រពន្ធ ។
បន្ទាប់មកនាយកម្លោះក៍ចូលមកបីអ្នកជាប្រពន្ធទៅដាក់ក្នុងអាងទឹកទៅដោយថ្នាក់ថ្នម អោយថេយ៉ុងឯនេះមិនញញឹមមិនបាននៅពេលឃើញកាយវិការអ្នកជាប្តី ខុសពីអតីតកាលឆ្ងាយណាស់ ពេលនេះគេមានក្តីសុខពេញទំហឹងតែម្តង ។
ថេយ៉ុងក៍ចាប់ផ្តើមងូតទឹកសម្អាតខ្លួន ចំណែកជុងហ្គុកមករៀបចំអ៊ីវ៉ាន់របស់ខ្លួននិងភរិយាសម្រាប់ការធ្វើដំណើរ ។
១០នាទីក្រោយមកថេយ៉ុង ក៍ចេញពីបន្ទប់ទឹកមកដើរតិចៗ ដោយពាក់អាវភ្លំជិតខ្លួន ស្នាមញញឹមក៍លេចឡើងនៅពេលឃើញអ្នកជាប្តីអង្គុយរៀបចំអ៊ីវ៉ាន់ តែមើលទៅនាយពិតជាសង្ហាណាស់ មើលយូរៗចង់លង់( លង់ស្រលាញ់ប្តីខ្លួនឯងអីណាឆីថេយ៍ 😁)
" ថេយ៍!!! នេះអូនរួចតាំងពីពេលណា ហេតុអីមិនប្រាប់បង ? " ជុងហ្គុកងើបមុខមកទើបឃើញអ្នកជាប្រពន្ធឈរមើលមកគេដោយញញឹម ជុងហ្គុកប្រញាប់ចូលទៅសួរអ្នកជាប្រពន្ធដោយបារម្ភទើបលើកបីគេមកអង្គុយលើគ្រែ ។
" មិនចង់រំខានបងនឹងណា " ថេយ៉ុងញញឹមសម្លឹងអ្នកជាប្តីមិនដាក់ភ្នែក ស្រលាញ់ស្ទើរលេបហើយលោកអើយ ។
" មោះបងផ្លំសក់អោយ " ជុងហ្គុកញញឹមមុននឹងទាញប្រដាប់ផ្លុំសក់មកផ្លំអោយអ្នកជាប្រពន្ធ ។
" រួចហើយ សម្លៀកបំពាក់អូនបងបានរៀបចំអោយរួចហើយណា ចឹងបងទៅប្តូរសម្លៀកបំពាក់សិន " ជុងហ្គុកងើបទៅយកសម្លៀកបំពាក់ដែលគេបានរៀបចំសម្រាប់រាងតូចពាក់ មុននឹងដើរចូលទៅបន្ទប់ទឹក ។
" ប្តីអ្នកណាទេន៎ អីក៍ល្អយ៉ាងនេះ " ថេយ៉ុងញញឹមខ្ជឹបសម្លឹងសម្លៀកបំពាក់ដែលនាយហុចអោយមិញនេះ និយាយពីថាក្តីសុខសន្លប់ បានប្តីរៀបចំអោយគ្រប់យ៉ាងស្រលាញ់ថ្នាក់ថ្នមយ៉ាងនេះមិនក្តីសុខយ៉ាងមិចទៅ ។
Skip
ក្រោយពីធ្វើដំណើរអស់រយះពេលជាច្រើនម៉ោង ពេលនេះគូស្វាមីភរិយាទាំងពីរក៍មកដល់មាត់សមុទ្រដែលពួកគេធ្លាប់មកកាលពីលើកមុននោះ ហើយពេលនេះក៍យប់ជ្រៅហើយដែរ ។
ជុងហ្គុកលើកបីអ្នកជាប្រពន្ធដែលគេងលក់ទៅកន្លែងស្នាក់នៅដែលនៅជិតមាត់សមុទ្រ ។
" សុឺតៗ គេងលក់ស្រួលដល់ហើយន៎ប្រពន្ធសម្លាញ់" នៅពេលលើកបីអ្នកជាប្រពន្ធដាក់លើគ្រែស្រួលបួល ហើយ អ្នកជាប្តីក៍អោនទៅថើបប្រពន្ធមិនដឹងប៉ុន្មានសុឺត តែអ្នកដែលកំពុងគេងនោះមិនខ្ចីភ្ញាក់ទេ នាយកម្លោះឈរសើចអ្នកជាប្រពន្ធបន្តិច មុននឹងចូលទៅសម្អាតខ្លួន ។
" រាត្រីសួស្តីណាប្រពន្ធសម្លាញ់ សុឺត បងស្រលាញ់អូន " ក្រោយពីងូតទឹកសម្អាតខ្លួនរួច ជុងហ្គុកឡើងមកគេងអោបអ្នកជាប្រពន្ធ ដោយអោនទៅថើបថេយ៍បន្តិច មុននឹងបិទភ្នែកគេងជាមួយគ្នា ។
Skip
# Morning 🌄
ពេលព្រឹកព្រះអាទិត្យបញ្ចេញរស្មី សម្លេងទឹករលកបោកបក់ មានសម្លេងសត្វយំ អាចរំសាយអារម្មណ៍នឹងធ្វើអោយមានអារម្មណ៍ស្រស់ស្រាយនាពេលព្រឹកព្រលឹម។
" ហ្ហឹម..." រាងតូចដែលគេងលង់លក់អស់ជាច្រើនម៉ោង ពេលនេះក៍ភ្ញាក់ឡើង ទើបងាកមកឃើញអ្នកជាប្តីដែលកំពុងដេកអោបគេជាប់ ។
" សុឺត..ក្រោកឡើងលោកប្តី...ភ្លឺហើយ " ថេយ៉ុងអោនថើបថ្ពាល់ទន់របស់នាយជាប្តី មុននឹងដាស់គេដោយសម្លេងស្រទន់ ។
" ហ្ហឹម..អូនក្រោកយូរហើយហេស៎? " ជុងហ្គុកក៍បើកភ្នែកឡើង មុននឹងសួរទៅអ្នកជាប្រពន្ធ ។
" ទើបតែក្រោកមិញនេះទេ " ថេយ៉ុងញញឹមបន្តិច ទើបឆ្លើយប្រាប់អ្នកជាប្តី ។
" សុឺត តោះចឹងយើងទៅងូតទឹកជាមួយគ្នាតែម្តងទៅ នឹងបានទៅញុាំអាហារពេលព្រឹក ហើយយើងទៅដើរលេង " ជុងហ្គុកអោនទៅថើបថ្ពាល់ប៉ោងៗរបស់អ្នកជាប្រពន្ធបន្តិច មុននឹងងើបឡើងបីអ្នកជាប្រពន្ធទៅបន្ទប់ទឹក ។
២០នាទីក្រោយ ពួកគេក៍ចេញមកវិញ ទើបរៀបចំខ្លួនដើម្បីទៅញុាំអាហារពេលព្រឹក ។
_________
គូស្វាមីភរិយាទាំងពីរ បណ្តើរគ្នាចូលទៅភោនីយដ្ឋានធ្វើអោយអ្នកគ្រប់គ្នាមើលមកពួកគេព្រាត ព្រោះតែភាពស្អាតនឹងស្រស់សង្ហារបស់អ្នកទាំងពីរនឹងហើយ ។
" ជុង~~ " ពេលអង្គុយសុខៗ ថេយ៉ុងក៍ក្រឡេកទៅឃើញស្រីៗដែលនៅក្បែរតុ នោះសម្លឹងមើលមកស្វាមីរបស់ខ្លួនមិនដាក់ភ្នែក ថេយ៉ុងក៍ពោលហៅឈ្មោះអ្នកជាស្វាមី ។
" បាទ "
" កៅអីនេះរឹងណាស់វាពិបាកអង្គុយបន្តិច ព្រោះអូននៅឈឺ " ថេយ៉ុងធ្វើមុខជូហួច មុននឹងត្អូញត្អែរប្រាប់អ្នកជាប្តី តែតាមពិតរាងតូចម្នាក់នេះ ចង់អោយរាងក្រាស់អោយគេអង្គុយលើភ្លៅនាយឌឺស្រីអស់នោះទេ ។
ដូចថេយ៉ុងគិតមិនខុស ជុងហ្គុកងើបមកលើកអ្នកជាប្រពន្ធមកអង្គុយពីលើភ្លៅ នៅកណ្តាលភោជនីយដ្ឋានតែម្តង គេនាំគ្នាមើលមកព្រាត អ្នកខ្លះសរសើរពីការផ្អែមល្ហែមរបស់ពួកគេ តែសម្រាប់ស្រីៗមួយចំនួនកំពុងច្រណែននឹងរាងតូចទៅវិញទេ ។
" បានស្រួលខ្លះទេ? " ជុងហ្គុកសួរទៅអ្នកជាប្រពន្ធដោយក្តីបារម្ភ ថេយ៉ុងញញឹមខ្ជឹបនៅពេលប្តីធ្វើបានដូចចិត្តទៀត ។
"ភ្លៅបងទន់យ៉ាងនេះ ប្រាកដជាស្រួលហើយ ហិហិ " ថេយ៉ុងសើចស្ញេញដាក់អ្នកជាប្តី ជុងហ្គុកអត់ក្រឺតខ្នាញ់មិនបានក៍ចាប់ថើបអ្នកជាប្រពន្ធបន្តិច ព្រោះគួរអោយស្រលាញ់ពេក ។ ថេយ៉ុងបានចិត្តឆ្លៀតលាតអណ្តាតឌឺពួកនាងៗដែលមើលប្តីថែមទៀត ។
បន្ទាប់ពីញ៉ាំអាហាររួចរាល់ ពួកគេក៍មកដើរលេងនៅផ្សារតាមឆ្នេរសមុទ្រអីបែបនេះ គេមានលក់ជាវត្ថុអនុស្សាវរីយ៍ជាច្រើន ។
" ជុងហា៎ ធ្វើមុខឃ្យូតមួយមើល " ថេយ៉ុងដែលកំពុងដើរកាន់កាម៉េរាថត ក៍បែរកាម៉េរាមកថតអ្នកជាប្តី នៅឆ្លៀតអោយធ្វើមុខឃ្យូតទៀត ជុងហ្គុកងើបមុខមកមើលទៅកាម៉េរារបស់ប្រពន្ធ មុននឹង...
" សុឺត...បងចេះតែធ្វើបែបនេះទេ.." ជុងហ្គុកឆ្មក់ថើបថ្ពាល់ថេយ៉ុងមួយសុឺតមុននឹងនិយាយដោយញញឹមព្រាន ថេយ៉ុងឯនេះវិញអៀនឡើងក្រហមមុខ នៅទីនេះក៍មានមនុស្សម្នាច្រើនដែរមកថើបបែបនេះមិនអៀន ។
" ថេយ៍ហា៎ អូនមើលនៀក ដូចអូនខ្លាំងណាស់ ហាសហា" ជុងហ្គុកលើកតុក្កតាកូនស្វាធ្វើមាត់ស្រួចមួយមកបង្ហាញអ្នកជាប្រពន្ធ ទាំងសើច ។
" ប្តីចង្រៃហ៊ានថាប្រពន្ធដូចស្វាផងហេស៎? " ថេយ៉ុងឈរសម្លក់មុខអ្នកជាប្តី ។
" បើដូចមែននឹង អ៊ែក " ជុងហ្គុកលានអណ្តាតឌឺអ្នកជាប្រពន្ធ មុននឹងរត់ទៅមុខយ៉ាងលឿន ។
" ឈប់សិន កុំរត់អោយសោះ ប្តីចង្រៃហ៊ានថាប្រពន្ធដូចស្វាផងហេស៎? កុំអោយអូនចាប់បានអោយសោះ" ថេយ៉ុងរត់ដេញអ្នកជាប្តី ពីស្តាំទៅឆ្វេងពីឆ្វេងទៅស្តាំ។
បន្ទាប់ពីប្រលែងគ្នាលេងអស់ ជុងហ្គុកនឹងថេយ៉ុងក៍បន្តទៅជ្រមុចទៅមើលទេសភាពក្រោមសមុទ្រ ។
" ថេយ៍~~ អូនខ្លាចទេ? " ក្រោយពីស្លៀកពាក់ខោអាវនឹងឧបករណ៍សម្រាប់ចុះទឹករួចរាល់ ជុងហ្គុកក៍សួរទៅអ្នកជាប្រពន្ធខ្លាចថាគេនឹងខ្លាច ។
" មានបងនៅជាមួយ អូនមិនខ្លាចនោះទេ " ថេយ៉ុងញញឹមខ្ជឹបមុននឹងឆ្លើយអ្នកជាប្តីវិញ ។
" បាទ បងនឹងកាន់ដៃអូនអោយជាប់មិនអោយរបូតកូនស្វាចេញពីបងទេ " ជុងហ្គុកនិយាយទាំងសើចបន្តិច ថេយ៉ុងសម្លក់នាយបន្តិច ព្រោះមិនចង់ហែលទឹកដេញគ្នានៅបាតសមុទ្រទៀត ខ្លាចត្រីរត់អស់ ។
ជុងហ្គុកនឹងថេយ៉ុងកាន់ដៃគ្នាជាប់ មុននឹងលោតចូលទៅក្នុងទឹក ។ ពួកគេកាន់ដៃគ្នាហែលចុះឡើង មើលទេសភាពដ៍ស្រស់ស្អាតនៅក្រោមផ្ទៃសមុទ្រ ។
" ជុង មើលនោះត្រីស្អាតៗណាស់ យើងចាប់វាទៅចិញ្ចឹមបានទេ " ថេយ៉ុងញញឹមមើលទៅត្រីទាំងនោះ មុននឹងសួរទៅអ្នកជាប្តី ។
" ស្លាប់ហើយ បើអូនយកវាទៅចិញ្ចឹមមួយក្បាលបាត់ ហើយចុះអ្នកផ្សេងទៀតក៍យកទៅចិញ្ចឹមដែរនោះ ថ្ងៃក្រោយវានឹងអស់ បានអីអោយមើលទៀត អូនចង់ចិញ្ចឹមត្រីឬកូនស្វា? " ជុងហ្គុកសួរទៅអ្នកជាប្រពន្ធទាំងសើចតិចៗ
" នៅក្រោមសមុទ្រពិតជាស្អាតណាស់ជុង " ថេយ៉ុងញញឹមហែលមើលគ្រប់កន្លែង មិនស្មានថាស្អាតយ៉ាងនេះទេ
" ស្អាតចាញ់អូននៅឡើយទេ " ពាក្យសម្តីជុងហ្គុកមួយម៉ាត់នេះ ថេយ៉ុងអៀនឡើងក្រហមមុខអស់ហើយ។
សូមទោសអ្នកអានទាំងអស់គ្នា ដែលខានផុសប៉ុន្មានថ្ងៃដោយសាររវល់ 🙆🏻♀️❤️
☞︎︎︎𝚃𝚘 𝚋𝚎 𝚌𝚘𝚗𝚝𝚒𝚗𝚞𝚎𝚍
[ 𝚎𝚗𝚢𝚘𝚢 𝚛𝚎𝚊𝚍𝚒𝚗𝚐 ♡︎✌︎]
❀✍︎𝑤𝑟𝑖𝑡𝑒 𝑏𝑦 𝑌𝑢𝑠ℎ𝑖𝑘𝑎 𝐸𝑙𝑖𝑛𝑎 シ︎✌︎