အခန္း(၄၇) "9"
အဆုံးမွာေတာ့ Gua Jiuကပဲ
႐ွီက်င္း၏အက်ပ္အတည္းကို
ေျဖေလ်ာ့ေပးလိုက္သည္။
သူသည္ လူငယ္ေလးပုခုံးကိုပုတ္ကာ
ပင္လယ္ဆီသို႔ ၫႊန္ျပသည္။
"Nine Eagles လာၿပီ"
႐ွီက်င္းလည္း ထိုသူျပရာဘက္သို႔
ခ်က္ခ်င္းလွည့္ၾကည့္လိုက္သည္။
သူ႔လက္ခလယ္ကို မသိမသာျပန္ေကြးကာ
လက္ျပန္ခ်ၿပီး ဘာမွမျဖစ္ခဲ့သလို
ခပ္တည္တည္ပဲေနလိုက္သည္။
အေဝးတစ္ေနရာတြင္ တကယ္ကို
သေဘၤာႀကီးတစ္စင္းေပၚလာသည္။၎၏
ေဘးတစ္ဖက္တစ္ခ်က္ဆီတြင္ လင္းယုန္ပုံပါေသာ
ေရႊေရာင္အလံမ်ားအလြင့္လြင့္ပါလာ၍
အလြယ္ေလးသတိထားမိေစသည္အထိ
ဝင့္ႂကြားထည္ဝါသည္။
Nine Eaglesဆိုက္ေရာက္လာသည္ကို
တျခားအဖြဲ႔အစည္းမ်ားလည္း သတိျပဳမိရာ
ဆိတ္ၿငိမ္ေနေသာကုန္းပတ္မွာ တဟုန္ခ်င္း
ကြၽတ္ကြၽတ္ညံလာသည္။
"Nine Eaglesပဲ.."
"သူတို႔က တစ္ႏွစ္ၿပီးတစ္ႏွစ္
ပိုေနာက္က်လာတယ္.."
"Annihilationကေတာင္ သူတို႔ကို
မထိန္းခ်ဳပ္ႏိုင္ေတာ့ဘူး ၾကားတယ္"
အမ်ိဳးစုံေသာမွတ္ခ်က္မ်ားနဲ႔ စကားသံမ်ားသည္
ကုန္းပတ္လည္တစ္ေလ်ွာက္
တစ္စတစ္စထြက္လာေတာ့သည္။
႐ွီက်င္းသည္ ေ႐ွာင္စစ္၏
အၾကားအာ႐ုံျမႇင့္တင္buffေၾကာင့္
သူတို႔ေျပာသည္မ်ားကို ႐ွင္း႐ွင္းလင္းလင္း
ၾကားေနရသည္။
သူသည္ Nine Eaglesသေဘၤာကို
လွမ္းၾကည့္ကာ မ်က္ေမွာင္ၾကဳတ္သြားသည္။
သူတို႔က Annihilationကို
အက်ိဳးယုတ္ေစတဲ့
အဟန္႔အတားေတာင္ ျဖစ္ေနၿပီပဲ...
"ဟန္သမားေတြ"
အမ်ိဳးသမီးတစ္ဦးက ႐ုတ္တရက္
အထင္ေသးသလိုထေျပာသည္။
သူမသည္ အသက္ေလးဆယ္ဝန္းက်င္႐ွိကာ
ဆံပင္ခပ္တိုတိုနဲ႔ ေကာင္းမြန္စြာ
ဝတ္စားထားသည္။ သူမအသံမွာ
မက်ယ္ေသာ္လည္း
ကြဲျပားေသာအသံအက္႐ွ႐ွေၾကာင့္ လူတိုင္း၏
အာ႐ုံကိုဖမ္းစားလိုက္သည္။
လူအားလုံး သူမကို လွည့္ၾကည့္ၾကသည္။
သို႔ေသာ္လည္း ထိုအမ်ိဳးသမီးက
လွည့္ထြက္သြားၿပီျဖစ္သည္။ ေတြ႔ဆုံပြဲဦးစီးသူ
က်န္႔က်ိဳးယြမ္ကိုႏႈတ္ဆက္ၿပီးသည္ႏွင့္
သူမေနာက္လိုက္မ်ားကိုေခၚကာ ကုန္းပတ္နဲ႔
တစ္ဆက္တည္း႐ွိေသာခန္းမက်ယ္ထဲသို႔
လွမ္းဝင္သြားသည္။
"အဲ့တာက Taranulaေဘာ့စ္ လု႐ွန္း ၊
အဲ့အမ်ိဳးသမီးက လိမၼာပါးနပ္ၿပီး
ရက္စက္တယ္၊အေပၚယံမွာဆို
သူနဲ႔ကြၽင္းေ႐ွာက္က
ေသေသေၾကေၾကရန္သူေတြေပါ့...
တကယ္တမ္းက် သူတို႔ႏွစ္ေယာက္က
သူငယ္ခ်င္းေဟာင္းေတြ"
*Tarantula -
အဆိပ္ျပင္းတဲ့အေမႊးထူပင့္ကူ
႐ွီက်င္း မထင္မွတ္ထားမိ။သူသည္ လု႐ွန္းကို
ေသခ်ာၾကည့္ၿပီး Tarantulaသေဘၤာေနရာကို
အတည္ျပဳလိုက္သည္။ ထို႔ေနာက္
သူ႔စိတ္ထဲ"မိတ္ေဆြ"ဟူ၍
အမွတ္ျခစ္ေပးလိုက္သည္။
သူတို႔စကားေျပာေနရင္းတြင္
Nine Eagles၏သေဘၤာလည္း
အျပင္ဘက္မွသေဘၤာမ်ားကို
ေက်ာ္ျဖတ္ကာ အတြင္းသို႔ တျဖည္းျဖည္း
နီးကပ္လာႁပီျဖစ္သည္။ ေရယာဥ္ငယ္မ်ား၏
အစြန္းအဖ်ားမ်ားကိုပင္ ျဖတ္တိုက္လာကာ
Annihilationသေဘၤာဆီသို႔ဦးတည္လာၿပီး
ေဘးတြင္ေက်ာက္ခ်လိုက္သည္။ဒီလိုနဲ႔
Annihilationမွာ Phantomႏွင့္
Nine Eaglesၾကားထဲ ေရာက္သြားသည္။
ေ႐ွာင္စစ္ မြန္းၾကပ္မလိုျဖစ္သြားသည္။
<က်င္းက်င္း...Nine Eaglesက
ေ႐ွာင္စစ္တို႔သေဘၤာနားကပ္ၿပီးၿပီးခ်င္းပဲ
ဒါလင့္အမွတ္က၉၀၀ကိုတက္သြားၿပီ! >
႐ွီက်င္းသည္ ထိုသေဘၤာကို
စူးစူးရဲရဲစိုက္ၾကည့္မိသည္။
ဘားတန္းက အဲ့ေလာက္ေတာင္
တက္သြားတာဆိုေတာ့...သူတို႔ရည္ရြယ္ခ်က္က
ေသခ်ာေပါက္မ႐ိုး႐ွင္းမွန္း သိသာသြားၿပီ..
Gua Jiuသည္လည္း သေဘာမေတြ႔ဟန္
အမူအရာမွာေလးနက္သြားၿပီး
သူ႔ကေလးမ်က္ႏွာေလးတြင္ မႏွစ္ၿမိဳ႕ေသာပုံစံ
႐ွား႐ွားပါးပါးေပၚလာသည္။
"Nine Eaglesေဘာ့စ္က အသက္႐ွင္ရတာ
ပင္ပန္းလာၿပီထင္တယ္"
အေျခအေနကို အေပၚယံသာသိေသာ လူမ်ားပင္
ဒီလိုဘာမဟုတ္သလို
ျပဳမူလိုက္ပုံက တကယ္ႀကီး
ရန္စလိုက္သလိုမွန္း နားလည္သည္။
ထို႔ေၾကာင့္Annihilationေခါင္းေဆာင္၏
တုံ႔ျပန္မႈကိုသိခ်င္ၾက၍ က်န္႔က်ိဳးယြမ္နဲ႔အတူ
ေစာင့္ၾကပ္ေနေသာလ်န္ကြၽင္းကို
လွမ္းၾကည့္ၾကသည္။
လ်န္ကြၽင္းသည္ Nine Eaglesဆီသို႔
တစ္ခ်က္သာလွမ္းၾကည့္ၿပီး သူ႔အမူအရာမွာ
ခပ္တည္တည္ပင္ျဖစ္သည္။ ထို႔ေနာက္
ဖုန္းကို ေအးေအးေဆးေဆးထုတ္ကာ
အခ်ိန္ကိုၾကည့္ၿပီး က်န္႔က်ိဳးယြမ္ကို
ေျပာလိုက္သည္။
"ဆယ္နာရီထိုးဖို႔ ၁၅မိနစ္ပဲလိုေတာ့တယ္...
အစည္းအေဝးစဖို႔ ျပင္ဆင္သင့္ၿပီ"
ထိုစကားမ်ားၾကားမွ က်န္႔က်ိဳးယြမ္လည္း
Nine Eaglesဆီမွ အၾကည့္လႊဲလိုက္သည္။
အခုထိေပါင္းကူးတံတားမဆက္သြယ္ရေသးေသာ
Nine Eaglesကို
ေစာင့္သင့္သလားကိုပင္မေမးေတာ့ဘဲ
သုံးဆင့္ပိုျမင့္ေသာကုန္းပတ္ေပၚတြင္
႐ွိေနသည့္ လ်ဳိက်န္႔ကြၽင္းကို
ေမာ့ၾကည့္ကာ ေခါင္းညိတ္ျပလိုက္သည္။
လ်ိဳက်န္႔ကြၽင္းလည္း ေခါင္းျပန္ညိတ္ျပကာ
လက္ျဖင့္ အခ်က္ျပလိုက္သည္။
စစ္သားမ်ားမွာ လူမ်ားသေဘၤာေပၚတက္ရန္
ႏိွမ့္ခ်ေပးထားေသာကုန္းပတ္ျခံစည္း႐ိုးကို
ျပန္ဆြဲတင္လိုက္ၿပီး ပတ္ပတ္လည္ကို
ကာရံလိုက္သည္။
ကုန္းပတ္ေပၚမွမထြက္ခြာရေသးေသာ
ေခါင္းေဆာင္မ်ားမွာ တစ္ေယာက္နဲ႔တစ္ေယာက္
အၾကည့္ခ်င္းဖလွယ္မိၾကသည္။
ပါးနပ္သူမ်ားက ဒါဟာ Nine Eagles၏
အျပဳအမူကို အစိုးရကဘက္မွ
သေဘာမေတြ႔ေၾကာင္း
ခ်က္ခ်င္းနားလည္၏။ က်န္သူမ်ားေတာင္
ထိုအဖြဲ႔ေနာက္က်ျခင္းေၾကာင့္
လ်စ္လ်ဴရႈခံရမွန္း သေဘာေပါက္ၾကသည္။
သူတို႔စိတ္ထဲထင္ေၾကးအမ်ိဳးမ်ိဳးျဖင့္
အစည္းအေဝးခန္းမထဲသို႔ ဝင္သြားၾကသည္။
ေနာက္လိုက္မ်ားသည္ အဝင္ဝတြင္ရပ္လိုက္ၿပီး
ေခါင္းေဆာင္မ်ားသာ အထဲဝင္သြားသည္။
အေစာပိုင္းထဲကအထဲေရာက္ေနေသာ
ေခါင္ေဆာင္မ်ား၏လူယုံမ်ားလည္း
အစည္းအေဝးစမည္အထိေစာင့္ေပးကာ
အခ်ိန္က်သည္ႏွင့္ အခန္းထဲမွထြက္လာၾကသည္။
မၾကာခင္မွာပဲ အစည္းအေ၀းခန္းမထဲ
ေဘာ့စ္မ်ားသာက်န္႐ွိၿပီး သူတို႔ေနာက္လိုက္မ်ားက
အျပင္တြင္ရွိသည္။
လ်န္ကြၽင္းသည္လည္း ခြၽင္းခ်က္မဟုတ္။
တံခါးနားအေရာက္တြင္ Gua Yiကိုရပ္ရန္
လက္ျပလိုက္သည္။မ်က္လုံးေထာင့္မွတဆင့္
႐ွီက်င္းႏွင့္Gua Jiuဆီသို႔
လွမ္းၾကည့္ၾကည့္ရာ လူငယ္ေလးသည္
သူ႔ကို မၾကည့္ေနသည့္အျပင္
ဒီဘက္ကိုပင္ မ်က္ႏွာမမူထားေၾကာင္း
ေတြ႔လိုက္ရသည္။ထိုအခါ လ်န္ကြၽင္းမ်က္ခုံးမ်ား
တြန္႔ေကြးသြားေသာ္လည္း ေနာက္တစ္စကၠန္႔
အၾကာတြင္ ပုံမွန္မွင္ေသေသအမူအရာကို
ျပန္ေျပာင္းၿပီး က်န္႔က်ိဳးယြမ္နဲ႔အတူ
ခန္းမထဲသို႔ ဝင္သြားလိုက္သည္။
မနက္၉နာရီ ၅၅မိနစ္တြင္ တံခါးပိတ္ဆို႔လိုက္ၿပီး
လိုက္ကာမ်ားျမႇင့္တင္လိုက္ရာ
အစည္းအေ၀းခန္း၏ၾကမ္းျပင္မွ
မ်က္ႏွာက်က္အထိ ႐ွင္းလင္းေသာျမင္ကြင္းကို
ေတြ႔လိုက္ရသည္။
လိုက္ကာမ်ားဖယ္ၿပီးသည္ႏွင့္
အကြၽမ္းတဝင္႐ွိေနၿပီျဖစ္ေသာ
ေနာက္လိုက္မ်ားက အထဲမွ
သူတို႔ေခါင္းေဆာင္မ်ား၏ထိုင္ေနရာကို
ၾကည့္ၿပီးအနီးအနားသို႔ ေရြ႔ရပ္လိုက္ၾကသည္။
ထိုအျခင္းအရာက အင္အားႀကီး
လူဆိုးဂိုဏ္းေခါင္းေဆာင္မ်ားကို တိရစၧာန္႐ုံမွ
ေမ်ာက္မ်ားသဖြယ္ ျဖစ္ေစသည္။
႐ွီက်င္း: “……”
ဒါက သူ႔ထင္ထားသလို
လွ်ိဳ႕ဝွက္အစည္းအေဝးပုံမ်ိဳး ဟုတ္မေနဘူး။
Gua Jiuမွ ႐ွင္းျပလာသည္။
"ဒါက အထူးက်ည္ကာမွန္နဲ႔လုပ္ထားတာ။
ေခါင္းေဆာင္ေတြက အထဲကို
လက္နက္သယ္ေဆာင္ခြင့္မ႐ွိေပမဲ့
သူတို႔လူယုံေတြကေတာ့မဟုတ္ဘူးေလ။
ဒါေၾကာင့္ အပစ္အခတ္ျဖစ္ရင္ေတာင္
အစည္းေဝးခန္းထဲကလူေတြက
ထိခိုက္မွာမဟုတ္ဘူး...အကယ္၍ အထဲမွာ
တစ္ခုခုျဖစ္ရင္လည္း အျပင္ကလူေတြက
ခ်က္ခ်င္းဝင္ကူညီေပးႏိုင္ေအာင္
ဒီလိုလုပ္ထားတာ။ ဒါက အစိုးရနဲ႔ဂိုဏ္းအဖြဲ႔ၾကားက
သေဘာတူညီမႈပဲ...ဒီနည္းအတိုင္းလုပ္လာတာ
ႏွစ္ေတာ္ေတာ္ၾကာၿပီ.."
႐ွီက်င္း ထပ္မံ၍ ေျပာစရာစကားမ႐ွိ
ျဖစ္သြားသည္။
အစည္းအေဝးခန္း႐ွိစားပြဲမွာ
ေထာင့္မွန္စတုဂံပုံျဖစ္ၿပီး က်န္႔က်ိဳးယြမ္က
ထိပ္တြင္ထိုင္ကာ သူ႔ေနာက္တြင္
အကူအညီေပးမည့္ လက္ေထာက္မ်ား
ရပ္ေနသည္။လ်န္ကြၽင္းသည္
သူ႔ညာဘက္ဦးဆုံးေနရာတြင္ထိုင္ၿပီး
လု႐ွန္းကဒုတ္ယခုံတြင္ထိုင္သည္။
ဘယ္ဘက္က ပထမခုံေနရာကအလြတ္ျဖစ္ေနရာ
ဤသည္မွာဖင္ေလးေနေသာNine Eagles
ေခါင္းေဆာင္၏ေနရာျဖစ္ေလာက္သည္။
Phantomေခါင္းေဆာင္မွာ နာမည္အရင္း
မဟုတ္ဘဲ Old Ghostဆိုေသာ
ကုတ္နာမည္သာသုံးသည္။သူသည္
ဘယ္ဘက္ေလးခုံေျမာက္တြင္
ထိုင္ေနသည္။ ထိပ္သီးအဆင့္မ်ားၾကား
ထိုင္ေနေသာ္လည္း သူ႔ေနရာက သိပ္မေကာင္းလွေခ်။
ဆယ္နာရီတိတိတြင္ အစည္းအေဝးစၿပီး
က်န္႔က်ိဳးယြမ္လက္ေထာက္မ်ားက
စာရြက္စာတမ္းႏွင့္စာေရးကိရိယာမ်ား
စတင္ေဝေတာ့သည္။
အျပင္႐ွိလူမ်ားက အထဲကအသံမ်ားကို
လုံးဝမၾကားရ။ လ်န္ကြြၽင္းသည္
ဖိုင္တြဲထူႀကီးကိုလက္ခံရ႐ွိေၾကာင္း
႐ွီက်င္းျမင္ၿပီးေသာအခါ
Nine Eaglesသေဘၤာကိုသာ
ဆက္ၾကည့္ေနလိုက္သည္။
ထိုသူတို႔မွာ အစိုးရသေဘၤာဆီ
ေပါင္းကူးတံတားတည္ေနျခင္းျဖစ္သည္။
သေဘၤာႀကီးအနီးတြင္ေက်ာက္ခ်လိုက္ေသာ္လည္း Annihilationကဆက္သြယ္ဖို႔
ေပါင္းကူးတံတားမခ်ေပး၍
သူတို႔ဘာသာ ေကြ႔ပတ္လုပ္ေနရေတာ့သည္။
အ႐ွိအတိုင္းေျပာရလ်ွင္ Nine Eaglesသည္
အလုပ္လုပ္တာ ျမန္ဆန္လွေသာ္လည္း
ေနာက္က်မွေရာက္သည့္အတြက္
တံတားေဆာက္ၿပီးခ်ိန္တြင္ အစည္းအေဝးစတာ
ဆယ္မိနစ္ေက်ာ္သြားၿပီျဖစ္သည္။
လ်ိဳက်န္႔ကြၽင္းသည္ သေဘၤာကုန္းပတ္မွ
ဆင္းလာၿပီး ျခံစည္းရိုးကာထားၿပီျဖစ္ေသာ
တံတားတစ္ေလ်ွာက္ လွမ္းလာေသာ
Nine Eaglesေခါင္းေဆာင္ကို ရပ္ၾကည့္ကာ
မ်က္ႏွာထားတင္းတင္းျဖင့္ ေျပာသည္။
"ေက်းဇူးျပဳ၍ ျပန္လွည့္လိုက္ပါ။
စည္း႐ိုးတင္ၿပီးတာနဲ႔
အစည္းအေ၀းၿပီးတဲ့အခ်ိန္ထိ အဲ့အတိုင္းပဲ
ထားမွာပါ။ ေန႔ခင္းပိုင္းအစည္းအေဝးကိုေတာ့
ေစာေစာေရာက္ေအာင္ လာေပးပါ"
Nine Eaglesေခါင္းေဆာင္သည္
လ်န္ကြြၽင္းအရြယ္ လူငယ္တစ္ေယာက္ျဖစ္ၿပီး
ေခ်ာေမာေသာ္လည္း လူရမ္းကားဆန္ေသာ
မ်က္ႏွာေပါက္ျဖစ္သည္။
လ်ိဳက်န္႔ကြြၽင္း၏စကားကိုၾကားေသာအခါ
သူ႔မ်က္ခုံးမ်ား ပင့္တက္သြားကာ
"အဲ့လိုလား? ကဲ...ထားပါေတာ့..
ဒီမနက္အစည္းအေဝးဆိုတာက လူစစ္႐ုံပဲေလ၊
ေသာက္က်ိဳးနည္း ပ်င္းဖို႔ေကာင္းခ်က္!
ဒါဆိုလည္း ေပ်ာ္ေပ်ာ္ႀကီး လုပ္ၾကပါ..
ေနာက္မွေတြ႔မယ္"
ထိုသို႔ဆိုၿပီးေနာက္ ေနာက္လိုက္မ်ားႏွင့္တကြ
သူ႔သေဘၤာဆီသို႔ ေဆာင့္ၾကြားၾကြားျပန္ေလ်ွာက္
သြားေလသည္။
လ်ိဳက်န္႔ကြၽင္းသည္လည္း သူတို႔
ထြက္သြားသည္ကို ေအးစက္စက္ၾကည့္ၿပီး
လွည့္ထြက္လာလိုက္သည္။
Nine Eagles၏ေဘာ့စ္တြင္ အဲ့လိုစ႐ိုက္မ်ိဳး
ရွိမည္မွန္း ႐ွီက်င္းမထင္မွတ္ထားမိသျဖင့္
တစ္ေအာင့္မ်ွ စြံ႔အသြားမိသည္။
အခ်ိန္ခဏၾကာမွ ေမးၾကည့္လိုက္သည္။
"သူက အျမဲအဲ့လိုအထက္စီးဆန္တာလား?
အမႈေဆာင္ေတြအေပၚေတာင္မွေလ?"
"ေစာက္႐ူးပါဆို"
Gua Jiu၏အသံက ကဲ့ရဲ႕မႈအျပည့္ျဖစ္သည္။
"သူတို႔ ဒီလိုအခ်ိန္ေနာက္က်မွေရာက္ရင္ေတာင္
ေပါင္းကူးတံတားၿပီးတဲ့အခ်ိန္ထိ ေစာင့္မဲ့အစား
သူဘက္က အရင္ကမ္းလွမ္းခဲ့ရင္
အခ်ိန္မွီႏိုင္ေသးတယ္။
'အားႀကီးၿပီး ဦးေႏွာက္မ႐ွိ' ဆိုတာ
သူ႔လိုလူမ်ိဳးေပါ့..တကယ္ကို ေျဗာင္က်က်
မခန္႔ေလးစားလုပ္တာ—သူ႔ဘဝႀကီးက
တအားသာယာေနတယ္မ်ား
ထင္ေနလို႔လားမသိ"
Gua jiuစကားမ်ားကို နားေထာင္ေန
ေသာ္ျငား Nine Eaglesေခါင္းေဆာင္၏
စိတ္ႀကီးဝင္ေနပုံမွာ ေခါင္းမေကာင္းတာေၾကာင့္
မဟုတ္ဘူးလို႔ ႐ွီက်င္းခံစားေနရသည္။ထိုသူဟာ
အစိုးရရဲ႕ပစ္မွတ္ထားတာခံရမည္မဟုတ္ေၾကာင္းနဲ႔
တျခားအဖြဲ႔အစည္းမ်ား ဆြဲခ်တာမခံရႏိုင္ေၾကာင္း
ေသခ်ာေစသည့္ဝွက္ဖဲတစ္ခု႐ွိေနေသာေၾကာင့္
ဒီလိုအေၾကာက္အလန္႔မ႐ွိတာျဖစ္ႏိုင္မည္။
"႐ွီက်င္း"
Gua Jiuမွ သူ႔နာမည္ကို ႐ုတ္တရက္ႀကီး
ေခၚလိုက္သည္။
႐ွီက်င္းလည္း အေတြးထဲမွလႈပ္ႏိုးခံလိုက္ရသလို
လန္႔သြားၿပီး သိခ်င္ေသာအၾကည့္မ်ိဳး
ေပးလိုက္သည္။
"ဟုတ္?"
Gua Jiuသည္ ဦးတည္ဘက္တစ္ခုဆီ
မသိမသာၫႊန္ျပရင္း ေျပာသည္။
"အဲ့လူက မင္းကိုဆက္တိုက္ၾကည့္ေနတာ...
မင္းကိုသိတဲ့ပုံပဲ"
႐ွီက်င္းေခါင္းလွည့္ၾကည့္လိုက္သည္။
အံ့ျသစရာမ႐ွိစြာ စိုက္ၾကည့္ေနသူမွာ
႐ွီက်င္း တစ္ခ်ိန္လုံး တမင္တကာ
လ်စ္လ်ဴရႈထားေသာေဖးယြီက်င့္ျဖစ္သည္။
႐ွီက်င္းမ်က္ခုံးမ်ားပင့္တက္သြားၿပီး
ခ်က္ခ်င္းမ်က္ႏွာလႊဲကာ ပင္လယ္ျပင္ကို
မ်က္ႏွာမူလိုက္သည္။
"အဲ့တာ ကြၽန္ေတာ့္ဒုတိယအစ္ကိုေဖးယြီက်င့္၊
သူ႔ကို တမင္မသိခ်င္ဟန္ေဆာင္ေနတာ..
ကြၽန္ေတာ္နဲ႔ပူးေပါင္းေပး"
တစ္ဖက္လူမွာ အံ့အားသင့္သြားရသည္။
ခဏေလာက္တိတ္ေနၿပီးမွ Gua Jiuလည္း
ပင္လယ္ျပင္ကိုၾကည့္ကာ ေျပာသည္။
"ငါမွတ္မိသေလာက္ဆို မင္းအာ့ေကာက
ေ႐ွ႕ေနဆို...ဘယ္လိုလုပ္ဒီကိုေရာက္ေနတာလဲ?"
"ကြၽန္ေတာ္လည္းမသိဘူး။
သူက Phantomေဘာ့စ္နဲ႔အတူပါလာတာ"
Gua Jiuသည္ သေဘာေပါက္ေၾကာင္း
ေခါင္းညိမ့္ၿပီး ဖုန္းထုတ္ကာ
ထိုအေျခအေနကို Gua Yiဆီ
သတင္းပို႔လိုက္သည္။
ထိုအခ်ိန္တြင္ဘဲ အစည္းအေဝးၾကားျဖတ္
နားခ်ိန္ေလးအတြင္း လ်န္ကြၽင္းသည္
႐ွီက်င္း႐ွိရာသို႔ အမွတ္တမဲ့ဟန္
မသိမသာလွမ္းၾကည့္ေသာ္လည္း
လူငယ္ေလးမွာ ပင္လယ္ျပင္႐ႈခင္း၏
ညိဳ႕ယူဖမ္းစားမႈေအာက္တြင္သာ႐ွိၿပီး
'သားရဲတြင္း'ထဲမွ အလုပ္႐ွင္၏
အေျခအေနကို လုံးဝအာ႐ုံစိုက္မေနေၾကာင္း
ေတြ႔လိုက္ရသည္။
"အဲ့တာ မင္းရဲ႕ေနာက္လိုက္သစ္ေလးလား?"
ေဘးတြင္ထိုင္ေနေသာလု႐ွန္းသည္
စာရြက္စာတမ္းမ်ားကိုၾကည့္ေနရင္း
အသံနိမ့္နိမ့္ျဖင့္ ေမးသည္။
လ်န္ကြၽင္းသည္ ဒီတိုင္းအခန္းတစ္ေလ်ွာက္သာ
ေလ်ွာက္ၾကည့္ေနသလို မသိမသာအၾကည့္လႊဲၿပီး
စာရြက္မ်ားလွန္ေနလိုက္သည္။
"မေမးသင့္တာ မေမးစမ္းနဲ႔"
"က်စ္...နင္ဟာေလ အသက္ႀကီးလာေလ
ခ်စ္လို႔မေကာင္းေလပဲ"
လု႐ွန္းသည္ မေက်မနပ္မ်က္ေမွာင္ၾကဳတ္ၿပီး
လ်န္ကြၽင္းႏွင့္နီးနီးကပ္ကပ္မထိုင္ခ်င္ေတာ့သလို
ထိုင္ခုံကို ေဝးေဝးေရြ႔လိုက္သည္။
တျခားသူမ်ားဟာလည္း အရ္ိပ္အကဲ
ေစာင့္ၾကည့္ေနၾကတာျဖစ္သည္။
လု႐ွန္းထိုင္ခုံေရြ႔လိုက္သည္ကို ျမင္ေသာအခါ
အေျခအေနကို နားလည္သေဘာေပါက္သလို
အာ႐ုံလႊဲလိုက္ၾကသည္။
သက္တမ္းၾကာေသာအဖြဲ႔အစည္းမ်ားက
ရန္သူပိုမ်ားသည္။ Annihilationႏွင့္ Tarantulaသည္ သက္တမ္းအၾကာဆုံး
အဖြဲ႔မ်ားျဖစ္ေသာေၾကာင့္ သူတို႔ၾကားမွ
ႏွစ္ေပါင္းၾကာ႐ွည္အမုန္းတရားမ်ားက
ပင္လယ္ေရေအာက္ၾကမ္းျပင္ထက္
နက္႐ႈိင္းပုံရသည္။အဲ့တာေတာင္
သူတို႔နားမလည္တာတစ္ခုက အစိုးရသည္
ႏွစ္စဥ္ႏွစ္တိုင္း ထိုေခါင္းေဆာင္ႏွစ္ေယာက္ကို
ေဘးခ်င္းကပ္ေနရာစီစဥ္ေပးတာကိုျဖစ္သည္။
မနက္ခင္းအစည္းအေဝးသည္ လူစစ္႐ုံသာျဖစ္ၿပီး
ထူးထူးျခားျခားဘာမွမ႐ွိေပ။ထို႔ေၾကာင့္
မနက္၁၁ခြဲအခ်ိန္တြင္ ၿပီးဆုံးသြားသည္။
အဓိကေတြ႔ဆုံပြဲျဖစ္မည့္
ေန႔လည္ခင္းအစည္းအေဝးကိုေတာ့
ေနခင္း၂နာရီတြင္ စတင္မည္ျဖစ္သည္။
ေနာက္လိုက္တပည့္မ်ားသည္
သူတို႔ေခါင္းေဆာင္တို႔အား ခန္းမဝင္ေပါက္တြင္
ေစာင့္ႀကိဳၾကၿပီး လ်ိဳက်န္႔ကြၽင္းမွ စည္း႐ိုးျပန္ခ်ဖို႔
အမိန္႔ေပးၿပီးသည္ႏွင့္
ဆိုင္ရာသေဘၤာမ်ားဆီသို႔ ျပန္ၾကေလသည္။
႐ွီက်င္းသည္ ပင္လယ္ျပင္ကို
တစ္နာရီေက်ာ္မ်ွၾကည့္ေနခဲ့ရၿပီး
ေဖးယြီက်င့္ကလည္း သူ႔ကို
ဆက္တိုက္စိုက္ၾကည့္ေနခဲ့သည္။
႐ွီက်င္းခမ်ာ စိတ္ပင္ပန္းေနၿပီျဖစ္သည္။
ထို႔ေၾကာင့္ လ်န္ကြၽင္းထြက္လာသည့္အခါ
ေဘးကိုအေျပးသြားၿပီး Gua Yiထက္
လက္မေႏွးစြာ ဝွီးခ်ဲလက္ကိုင္ကို
ဖမ္းကိုင္လိုက္သည္။
"ကြၽင္းေ႐ွာက္...အစည္းအေဝးက
ပင္ပန္းလား?"
"႐ႈခင္းၾကည့္ရတာေရာ ပင္ပန္းလား?"
လ်န္ကြၽင္းသည္ ေအးေဆးတည္ၿငိမ္စြာ
ျပန္ေမးလိုက္သည္။
႐ွီက်င္းလည္း ႐ိုး႐ိုးတန္းတန္း
ေခါင္းညိတ္ၾကကာ မ်က္လုံးကိုပြတ္ရင္း
"အမွန္ပဲ....
အငန္ဓာတ္ပါတဲ့ပင္လယ္ေလေၾကာင့္
ကြၽန္ေတာ့္မ်က္လုံးေတြယားေနၿပီ"
ဝွီးခ်ဲလက္တန္းေပၚက လ်န္ကြြၽင္းလက္မ်ား
တင္းက်ပ္သြားသည္။သူ၏အသံမွာ ပို၍ပင္
ၿငိမ္သက္လာၿပီး
"အဲ့တာဆိုလည္း ေနလည္ပိုင္းက်ရင္
တစ္ျခားတစ္ခုကို ၾကည့္သင့္တယ္"
"ကြၽန္ေတာ္လည္း အဲ့လိုေတြးထားၿပီးသားပါ။
ဒီမွာက လိုင္းမမိေပမဲ့ မာေက်ာက္ကို
single-playerကစားလို႔ရေသးတယ္ေလ...
ဒါေၾကာင့္ ေန႔လည္ခင္းအတြက္ အဲ့အစီအစဥ္
ဆြဲထားတယ္"
႐ွီက်င္းသည္ ၾကည္ႏူးစြာဖြင့္ေျပာၿပီး
သူ႔ေပ်ာ္ရႊင္မႈကို မ်ွေဝလိုဟန္ အၾကံျပဳေပးသည္။
"ကြၽင္းေ႐ွာက္လည္း အစည္းအေဝးနားခ်ိန္မွာ
ေဆာ့လို႔ရတယ္ေနာ္၊ ကြၽန္ေတာ္
ဖုန္းဘက္ထရီယူလာတယ္ လိုခ်င္လားဟင္?"
လူတိုင္း၏မ်က္စိေအာက္တြင္ျဖစ္ေနၿပီး
ေဒါသေၾကာင့္ ေပ်ာ့ကြက္တစ္ခ်ိဳ႕
ထြက္ေဖာ္မိမွာစိုးသျဖင့္ လ်န္ကြၽင္းသည္
အခုခ်ိန္တြင္႐ွီက်င္းႏွင့္
စကားမေျပာဖို႔ဆုံးျဖတ္လိုက္သည္။
လ်န္ကြၽင္းဘက္မွ အေျဖစကားမၾကားရ
ေသာေၾကာင့္ ႐ွီက်င္းဟာ ထပ္မံေမးရန္
ပါးစပ္ဟလိုက္ေသာ္လည္း ေဘးမွGua Yiမွာ
ဆက္လက္သည္းခံႏိုင္စြမ္းမ႐ွိေတာ့။
ထို႔ေၾကာင္ ေကာင္ေလး၏ပုခုံးကိုကိုင္ကာ
အေနာက္သို႔ဆြဲေခၚလိုက္ၿပီး
ဝွီးခ်ဲလက္ကိုင္ကို လွမ္းကိုင္လိုက္သည္။
'သူ႔ကိုထိန္းထား'ဆိုေသာ အၾကည့္တစ္ခ်က္
Gua Erဆီ လွမ္းပို႔ၿပီး လ်န္ကြၽင္းအား
ခပ္ျမန္ျမန္တြန္းေခၚသြားသည္။
Gua Erလည္း သူ႔ဆီပစ္ေပးလာေသာ
အမိႈက္ထုပ္ကိုဖမ္းထားၿပီး ထိုပါးစပ္ေပါက္ကို
လက္ျဖင့္ပိတ္ရန္ ျပင္သည္။
တိုက္ခိုက္ခံရသည္ကိုခံစားမိေသာ႐ွီက်င္းက
ကိုယ္ကိုလိမ္ကာ Gua Erမ်က္လုံးမ်ားကို
လက္ေခ်ာင္းနဲ႔ထိုးဖို႔ ႀကိဳးစားေတာ့သည္။
ဒီလိုဖ႐ုတ္က်ေနေသာလူစုသည္
ေန႔လည္စာစားရန္ စားေသာက္ဆိုင္ဆီ
သြားေနရင္း သူတို႔ေနာက္သို႔လိုက္လာေသာ
Phantomေဘာ့စ္မွ လ်န္ကြၽင္းကို
႐ုတ္တရက္လွမ္းေခၚသည္။
လ်န္ကြၽင္းသည္ Gua Yiကိုရပ္ရန္
လက္ဟန္ျပၿပီး သူတို႔ဆီ ခပ္ျမန္ျမန္
ခ်ဥ္းကပ္လာေသာOld Ghostႏွင့္ ေဖးယြီက်င့္ကို
တစ္ခ်က္ၾကည့္လိုက္သည္။သူ႔အၾကည့္သည္
ထိုေ႐ွ႕ေနဆီတြင္ ရပ္သြားၿပီး ေမးသည္။
"ဘာကိစၥမ်ား႐ွိလို႔လဲ Old Ghost?"
"မင္းနဲ႔အတူ ေန႔လည္စားစားခ်င္လို႔ပါ"
လူႀကီးသည္ ကိစၥကို တည့္တိုးေျပာၿပီး
လက္က “9” ဟူ၍ သေကၤတျပသည္။
“9” nine... Nine Eagles။
လ်န္ကြၽင္းသည္ သေဘာေပါက္စြာ
ေခါင္းညိတ္ျပသည္။
"ရပါတယ္...ဒါနဲ႔ ဒီဘက္က?"
"ေဖးယြီက်င့္ေလ...ငါဖိတ္ထားတဲ့ေ႐ွ႕ေနေပါ့။
ဒီရက္ပိုင္း ငါ့လုပ္ငန္းေတြမွာ
ျပႆနာနည္းနည္းတက္ေနၿပီး
ေနာက္လိုက္ေတာ္ေတာ္မ်ားမ်ားလည္း
ေခ်ာင္ပိတ္မိေနတာ။ဒါေၾကာင့္
ကူညီေပးဖို႔ေရာက္ေနတာ"
Old Ghostသည္ ႐ွင္းျပကာ အခ်င္းခ်င္း
မိတ္ဆက္ေပးသည္။
"ဒါက Annihilationေခါင္းေဆာင္ လ်န္ကြြၽင္း"
ေဖးယြီက်င့္သည္ ယဥ္ေက်းပ်ဴငွါစြာ
လက္ကမ္းေပးၿပီး
"ေတြ႔ရတာဝမ္းသာပါတယ္"
လ်န္ကြၽင္းသည္ လက္ဆြဲႏႈတ္ဆက္ေသာ္လည္း
ဘာမွျပန္မေျပာဘဲ ေခါင္းသာတစ္ခ်က္ညိတ္ကာ
စားေသာက္ဆိုင္ထဲတြန္းသြားဖို႔ Gua Yiကို
အခ်က္ျပလိုက္သည္။
Old Ghostအံ့အားသင့္သြားရသည္။
အခုေလးတင္ လ်န္ကြၽင္းဟာ ေဖးယြီက်င့္ကို
သိသိသာသာ အဖက္မလုပ္သြားတာပဲ။
ဒါေပမဲ့ လ်န္ကြၽင္းလိုလူမ်ိဳးသည္
အခုမွစေတြ႔ေသာလူတစ္ေယာက္ကို
ဘယ္တုန္းကမွ မ႐ိုင္းပ်ဖူးေပ။
သူသည္ မ်က္ေမွာင္ၾကဳတ္ကာ
အသံနိမ့္ေမးလိုက္သည္။
"လ်န္ကြၽင္းနဲ႔ အရင္ကေတြ႔ဖူးလား?"
"မေတြ႔ဖူးဘူး"
သူ႔အား ေနာက္ခံ႐ႈျမင္ကြင္းတစ္ခုထက္
မပိုေသာအရာတစ္ခုအလား
ဟန္ေဆာင္ပန္ေဆာင္လုပ္ေနေသာ႐ွီက်င္းဆီမွ
အၾကည့္လုံးဝမလႊဲရင္း ေခါင္းခါျပသည္။သူသည္
တစ္ေအာင့္ေလာက္ေတြးဆၾကည့္သည္။
"ကိုယ္ေရးကိုယ္တာအေၾကာင္းတစ္ခ်ိဳ႕ေၾကာင့္
မစၥတာလ်န္သေဘာထားက အဲ့လိုျဖစ္ေနတာပါ။
စိတ္မပူပါနဲ ့...ခင္ဗ်ားအလုပ္ကို
မထိခိုက္ေစပါဘူး"
Old Ghostသည္ ေဖးယြီက်င့္ကို
အျပည့္အဝယုံၾကည္သျဖင့္ ထိုစကားမ်ားက
သူ႔အားစိတ္သက္သာရာရေစကာ
ထပ္ေတြးပူမေနေတာ့ေပ။
အားလုံး ထမင္းစားခန္းထဲဝင္လာၾကသည္။
သူ႔အေပၚတစ္ခ်ိန္လုံးေက်ာက္ခ်ေနေသာ
ေဖးယြီက်င့္အၾကည့္စူးစူးမ်ားကို
႐ွီက်င္းခံစားမိေသာ္လည္း
မသိသလိုဆက္ဟန္ေဆာင္ေနသည္။
သူသည္ Gua Jiuနဲ႔အတူ စားပြဲအစြန္းနားတြင္
ထိုင္ကာ တိတ္တဆိတ္သာစားေနလိုက္သည္။
Phantomေခါင္းေဆာင္လည္း႐ွိေနသျဖင့္
အားလုံး အိေျႏၵရရ ျပဳမူေနၾကသည္။
လ်န္ကြၽင္း၊Old Ghostႏွင့္
ေဖးယြီက်င့္မွလြဲလို႔
ဘယ္သူမွစကားမေျပာၾကေပ။
ပုံမွန္အာလာပသလႅာပမ်ား ေျပာဆိုၿပီးေနာက္
အဆုံးတြင္ Old Ghostသည္
အဓိကအခ်က္ဆီ ဦးတည္လိုက္သည္။
အေ႐ွ႕ေတာင္ဘက္မွာ႐ွိတဲ့
ငါ့စီးပြားေရးလုပ္ငန္းေတြ ကိြဳင္တက္ေနတယ္၊
Nine Eaglesေတြလက္ထဲေရာက္ေနတာ
ကိုလည္း အတည္ျပဳၿပီးၿပီ။
Nine Eaglesေခါင္းေဆာင္
က်ိဳယန္က ရည္မွန္းခ်က္ႀကီးတယ္...
သူလိုခ်င္တာကမင္းေနရာမဟုတ္ဘဲ...
မင္းထက္ပိုျမင့္တဲ့ေနရာကို ေမ်ွာ္မွန္းေနတာ။
ငါရထားတဲ့သတင္းအရဆို
ျပည္တြင္းအဖြဲ႔အစည္းေတာ္ေတာ္မ်ားမ်ားကို
ခ်ဳပ္ကိုင္ထားေနၿပီ။ဒါေၾကာင့္လည္း
ငါ့စီးပြားေရးေတြ ကေျပာင္းကျပန္ျဖစ္ကုန္တာ။
အေ႐ွ႕ေတာင္ဘက္ျခမ္းက ပိုၿပီး
ပရမ္းပတာျဖစ္လာၿပီ...Nine Eaglesက
ငါ့ကိုျပႆနာေမႊရင္ေတာင္
သူတို႔နဲ႔တိုက္ခိုက္ဖို႔စိတ္မ႐ွိဘူး။
စီးပြားေရးလုပ္မရရင္လည္း
ကိစၥမ႐ွိဘူး...ဒါေပမဲ့ ငါ့လူေတြကိုေတာ့
ကာကြယ္ရမယ္...သူတို႔ကိုပစ္မထားႏိုင္ဘူး"
လ်န္ကြြၽင္းသည္ ဝွီးခ်ဲလက္တန္းကို ေခါက္ရင္း
"အဲ့ေတာ့?"
"အဲ့တာေၾကာင့္ မစၥတာေဖးကိုငွါးၿပီး
ဒီေျမေအာက္ေလာကျကီးကထြက္ဖို႔
ျပင္ဆင္ေနတယ္။ ဘ႑ာေရးျပစ္မႈဆိုတဲ့
အခ်က္ကိုသုံးၿပီး ငါ့လူေတြကို သူတို႔ႏိုင္ငံဆီ
အျပစ္သားအေနနဲ႔လႊဲအပ္ႏိုင္ေအာင္
တရားဝင္လမ္းေၾကာင္းသုံးဖို႔
အာဏာပိုင္ေတြဆီေတာင္းဆိုမလို႔။
အဲ့တာက ငါေတြးႏိုင္သမ်ွ
အလုံျခံဳဆုံးနည္းလမ္းပဲ"
Old Ghostသည္ တုံ႔ဆိုင္းမေနဘဲ
သူ႔အစီအစဥ္ကို ပြင့္ပြင့္လင္းလင္း ႐ွင္းျပသည္။
လ်န္ကြၽင္းသည္ တစ္ဖက္ေခါင္းေဆာင္၏
သူ႔ဆီေရာက္လာေသာရည္ရြယ္ခ်က္ကို
အေစာတည္းက ႀကိဳတင္ခန္႔မွန္းမိထားဟန္
ေျပာသည္။
"Old Ghost...ခင္ဗ်ား အဲ့ေလာက္
ဉာဏ္မနည္းပါဘူး။မင္းလူေတြကို
ဖမ္းခ်ဳပ္ထားတာက Nine Eaglesနဲ႔
ျပည္တြင္းအဖြဲ႔ေတြ ၿပီးေတာ့
နယ္နိမိတ္တစ္ဖက္ျဖစ္ေနတယ္။
အစိုးရလက္က အဲ့ေလာက္ေဝးေဝး
ဆန္႔မထုတ္ႏိုင္ဘူး"
Old Ghost ျပန္ေျပာသည္။
"ေသခ်ာေပါက္ သူတို႔ကမလုပ္ႏိုင္ေပမဲ့...
မင္းလုပ္ႏိုင္တယ္ေလ"
ဤသည္မွာ အကူအညီေတာင္းခံျခင္းျဖစ္သည္။
Gua Yiႏွင့္Gua Erသည္ ထိုလူအား
တစ္ခ်က္လွမ္းၾကည့္ၿပီး ဘာမွမျဖစ္သလို
သူတို႔ပန္းကန္ဆီ အၾကည့္ျပန္ေရာက္သြားသည္။
လ်န္ကြၽင္းဘာမွျပန္မေျပာေပ။
ေလထုအေနအထားက တစ္နည္းနည္းနဲ႔
ဖိႏွပ္ခံရသလို ျဖစ္လာသည္။Old Ghostမွာ
စိတ္မ႐ွည္ျဖစ္ေနတာသိသာေသာ္လည္း
အေျခအေနကိုထိန္းထားရန္ လ်န္ကြၽင္းကို
ခ်က္ခ်င္းအေျဖေပးရန္ မတိုက္တြန္းေပ။
"တစ္ဆိတ္ေလာက္—ကြၽန္ေတာ္ဘြင္းဘြင္းေမးရရင္
အဲ့တာဘယ္သူမ်ားလဲ?"
အခုထက္ထိ တိတ္ဆိတ္ေနေသာ
ေဖးယြီက်င့္သည္ ႐ုတ္တရက္စကားထ
ေျပာလိုက္သည္။ သူသည္
ဝက္နံ႐ိုးဝါးေနေသာ႐ွီက်င္းကို
တည့္တည့္ၾကည့္ေနသည္။
ထိုအခါ စားပြဲကလူတိုင္း ေခါင္းေမာ့လာကာ
လူငယ္ေလးကို လွည့္ၾကည့္ၾကသည္။
႐ုတ္ခ်ည္းဆိုသလို အားလုံး၏အာ႐ုံစိုက္မႈ
အလယ္သို႔ေရာက္သြားေသာေၾကာင့္
႐ွီက်င္းသည္ ပါးစပ္ထဲ နံ႐ိုးကိုက္ရင္း
တန္းလန္းနဲ႔ ေတာင့္ခဲသြားသည္။
သူသည္ အျပစ္ကင္းေသာအမူအရာေလးနဲ႔
ေဖးယြီက်င့္ကိုတစ္ခ်က္ၾကည့္ၿပီး
လ်န္ကြၽင္းကိုျပန္ၾကည့္သည္။
"သူ႔က ငါ့လူယုံ။code nameက Gua Si"
လ်န္ကြၽင္းသည္ ေဖးယြီက်င့္ကိုၾကည့္ရင္း
ျပန္ေျဖသည္။
"ဘာလို႔မ်ားလဲ? မစၥတာေဖးက က်ဳပ္လူကို
စိတ္ဝင္စားလို႔လား?"
ေဖးယြီက်င့္သည္ ႐ွီက်င္းဆီက
အၾကည့္လႊဲၿပီး ေပါ့ေပါ့ပါးပါးေျဖသည္။
"နည္းနည္းပါ...တစ္ေယာက္ေယာက္က
အဲ့လို'အထူးတလည္'စားေသာက္ပုံမ်ိဳးကို
မျမင္ဖူးတာ ေတာ္ေတာ္ၾကာၿပီမို႔...
အေတြ႔အၾကံဳရပါေပတယ္..."
သူ႔စကားမ်ားသည္ ႐ွီက်င္းစားပုံေသာက္ပုံက
အ႐ုပ္ဆိုးေၾကာင္း သြယ္ဝိုက္ေဖာ္ျပေနသည္။
႐ွီက်င္း အ႐ိုးကိုေထြးထုတ္ကာ
လက္သုတ္ပဝါျဖင့္ ပါးစပ္သုတ္လိုက္ၿပီး
ခြန္းတုံ႔ျပန္သည္။
"မစၥတာေဖးက ဒီလိုအေတြ႔အၾကံဳ
နည္းပါးလိမ့္မယ္လို႔ ကြၽန္ေတာ္မထင္ထားခဲ့ဘူး။
ကမၻာေပၚမွာ႐ွိတဲ့လူတိုင္းကေတာ့
ဒီလိုၿမိန္ေရရွက္ေရစားသုံးၾကတာမ်ိဳးကို
တစ္ေခါက္ထက္မနည္း မ်က္ျမင္ေတြ႔ဖူးၾကမယ္လို႔
ထင္ထားတာ...ၾကည့္ရတာ
မစၥတာေဖးဘဝက ခြၽင္းခ်က္အေနနဲ႔
ခါးသီးခဲ့လို႔ျဖစ္မယ္ေနာ္။
ကြၽင္းေ႐ွာက္...ကြၽန္ေတာ္ေၾကာင့္
မစၥတာေဖးစိတ္အေႏွာင့္အယွက္ျဖစ္သြားပုံပဲ။
ကြၽန္ေတာ္ထြက္သြားလိုက္ရမလား?"
"မလိုဘူး"
လ်န္ကြၽင္းသည္ အသံတိမ္တိမ္ျဖင့္
တားလိုက္သည္။
" Gua San... မစၥတာေဖးအတြက္
ဝန္ထမ္းကို စားပြဲသီးသန္႔စီစဥ္ခိုင္းလိုက္"
Gua Sanသည္ တူကိုခ်ကာ ထရပ္သည္။
တျခားသူမ်ားမွာ ဘာမွမၾကားသလို
ကိုယ့္အစားကိုယ္ဆက္စားေနၾကသည္။
Old Ghostလည္း အေျခအေနေတြက
ဒီလိုျဖစ္လာမယ္မွန္း မထင္ထားခဲ့။
လ်န္ကြၽင္းက ေဖးယြီက်င့္ကို
တျခားစားပြဲဝိုင္းတြင္ ထိုင္ခိုင္းဖို႔
တကယ္ဆႏၵ႐ွိေနသည္ကိုျမင္ေသာအခါ
ၾကားေနဖ်န္ေျဖသူေနရာကို ျမန္ျမန္ဝင္ယူလိုက္
ရသည္။ ႐ွီက်င္းအား စကားနည္းနည္းျဖင့္
ေျဖသိမ့္ေပးၿပီး Gua Sanကိုရပ္တန္႔ရန္
ေနရာမွထလိုက္သည္။
လ်န္ကြြၽင္းသည္ ေဖးယြီက်င့္အ႐ွက္ရေအာင္
လုပ္ႏိုင္ေသာ္လည္း Old Ghostကိုေတာ့
စိတ္မ႐ွိသျဖင့္ Gua Sanကို
ျပန္ထိုင္ခိုင္းလိုက္သည္။ သို႔ေသာ္ျငား လ်န္ကြၽင္း၏
သေဘာထားကေတာ့ အရင္ကထက္
ပိုေအးစက္သြားသည္။
႐ွီက်င္းသည္ အစ္ကိုျဖစ္သူကို မိုက္ၾကည့္ၾကည့္ရင္း
ဝက္နံ႐ိုးေနာက္တစ္ေခ်ာင္းကို သူ႔ပါးစပ္ထဲ
ထိုးထည့္လိုက္သည္။
ေဖးယြီက်င့္သည္လည္း နည္းနည္းေလးမွ
မ႐ွက္ရြံ႔ဘဲ သူ႔ကိုျပန္စိုက္ၾကည့္ေနသည္။
ဆန္႔က်င္ဘက္အေနနဲ႔ သူ႔ၾကည့္ရတာ
တစ္ခုခုကို ေတြးေတာေနဟန္ေပၚသည္။
ထို႔ေနာက္မွာ Old Ghostသည္
အေစာပိုင္းကေခါင္းစဥ္ကို ျပန္သြားဖို႔
ႀကိဳးစားေနေသာ္လည္း လ်န္ကြၽင္းဘက္က
ဆက္လက္မေဆြးေႏြးခ်င္ဟန္ လိမၼာပါးနပ္စြာ
ေ႐ွာင္ခြင္းေနသည္။သို႔ေပမဲ့ ကိစၥက
အမွန္တကယ္အေဆာတလ်င္
ျဖစ္ေနသျဖင့္ ေန႔လည္စာစားခ်ိန္
ၿပီးဆုံးေတာ့မည္ျဖစ္ေသာအခါ
Phantomေခါင္းေဆာင္မွာ ႐ုတ္တရက္
တိတ္က်သြားသည္။ ထို႔ေနာက္ တစ္ခုခုကို
စိတ္ပိုင္းျဖတ္လိုက္သလို ေျပာလာသည္။
"ကြၽင္းေ႐ွာက္...မင္းဒီတစ္ႀကိမ္ကူညီရင္
Nine Eaglesကိုဖယ္႐ွားတဲ့ေနရာမွာ
ငါအားျဖည့္ေပးႏိုင္တယ္"
ဒါဟာ ႀကီးမားတဲ့စြန္႔လႊတ္မႈမ်ိဳးျဖစ္သည္။
Phantomသည္ ခပ္လွ်ိဳလွ်ိဳေနကာ
တတ္ႏိုင္သမ်ွ ဘယ္ေတာ့မွဒုကၡမ႐ွာခဲ့ေပ။
အခုေတာ့ လ်န္ကြၽင္းဆီမွ မ်က္ႏွာသာရရန္
ေခါင္းေဆာင္ျဖစ္သူဟာ သူ႔စိတ္နဲ႔သူ
နယ္႐ုပ္အျဖစ္ခံရန္ ကမ္းလွမ္းလာသည္။
လ်န္ကြၽင္းသည္ မတုန္မလႈပ္ ဆက္႐ွိေနကာ
"Nine Eaglesကို ငါစိတ္မဝင္စားဘူး"
အသနားခံမႈမ်ားအားလုံး ျငင္းလႊတ္ခံေနရသျဖင့္
Old Ghostမွာ သိသိသာသာ
စိတ္ဆတ္လာသည္။ ႐ုတ္တရက္ဆိုသလို
ေဖးယြီက်င့္က တိတ္ဆိတ္ေနသည့္ၾကားမွ
ထေျပာသည္။
"ေတာင္းပန္ပါတယ္"
႐ွီက်င္းကို ရည္ညႊန္းေျပာဆိုလိုက္တာျဖစ္သည္။
႐ွီက်င္းသည္ သူ႔အစ္ကိုဘာေတြလာစားေနသလဲ
နားမလည္ႏိုင္စြာ မ်က္ေတာင္ခတ္မိလိုက္သည္။
ထို႔ေနာက္ အံ့အားသင့္စရာေကာင္းစြာ
သူ႔အမွတ္သည္ ၅၅၀သို႔ျပန္က်သြားသည္။
လ်န္ကြၽင္းလည္း ေဖးယြီက်င့္ကို
လွမ္းၾကည့္လိုက္ၿပီး ေနာက္ဆုံးမွာ
အနည္းငယ္စိတ္ေျဖေလ်ာ့သြားဟန္ ဆိုသည္။
"Old Ghost...ခင္ဗ်ားစကားကို
အာဏာပိုင္ဆီပို႔ေပးၿပီး ခင္ဗ်ားအစီအစဥ္နဲ႔
ပူေပါင္းေပးဖို႔ေမးၾကည့္မယ္...ဒါေပမဲ့
အေ႐ွ႕ေတာင္ဘက္ကိစၥကိုေတာ့
မကူညီႏိုင္ဘူး။
ခင္ဗ်ားညီအစ္ကိုေတြအသက္က
အေရးႀကီးသလို က်ဳပ္ညီအစ္ကိုေတြ
အသက္ကလည္း ထပ္တူထပ္မွ်
အေရးပါတယ္"
Old Ghostအမူအရာသည္ အစပိုင္းတြင္
ေပ်ာ္ရႊင္သြားေသာ္လည္း လ်န္ကြၽင္း၏
အဆုံးသတ္စကားေၾကာင့္ မ်က္ေမွာင္ၾကဳတ္
သြားျပန္သည္။ သူသည္ အခ်ိန္တစ္ခုအထိ
တိတ္ဆိတ္ေနၿပီးမွ အံတင္းတင္းႀကိတ္ကာ
ထုတ္ေျပာေတာ့သည္။
"တကယ္ေတာ့...Nine Eaglesက ငါ့ကို
ပစ္မွတ္ထားရတဲ့အေၾကာင္းအရင္း
ေနာက္တစ္ခု႐ွိေသးတယ္"
လူႀကီးမွာ ေနာက္ဆုံးေတာ့ ႐ွင္း႐ွင္းလင္းလင္း
ေျပာဖို႔ဆႏၵ႐ွိလာၿပီျဖစ္သည္။
ေလထုအေျခအေနသည္ နားမလည္ႏိုင္စြာ
တင္းမာမႈေလ်ာ့က်သြားသည္။
လ်န္ကြၽင္းသည္အေနာက္သို႔မွီကာ
"ေျပာ"
သူ႔အျပဳအမူကိုၾကည့္ရင္းျဖင့္
ဒီစိတ္ဓာတ္စစ္ဆင္ေရးမွာ ဘယ္သူ႐ႈံးသလဲ
Old Ghostသေဘာမေပါက္ဘဲမေန။
သူ႔အ႐ႈံးကို လက္ခံစြာ သက္ျပင္းခိုးခ်ၿပီး
ေျပာသည္။
"Nine Eaglesက မင္းဆီမွာ
အလုပ္လုပ္ခဲ့ဖူးတဲ့ဆရာဝန္ကိုလိုက္႐ွာေနတယ္
ဆိုတဲ့သတင္းကို ငါ့လူေတြသိလိုက္ရၿပီး
အေ႐ွ႕ေတာင္ဘက္မွာသဲလြန္စ႐ွာေတြ႔ခဲ့တယ္"
ထိုစကားေတြ သူ႔ပါးစပ္ကထြက္ၿပီးသည္ႏွင့္
ေလထုဟာ တဟုန္ခ်င္းေျပာင္းလဲသြားသည္။
Gua Yiႏွင့္က်န္သူမ်ားသည္ မေနႏိုင္စြာ
မတ္မတ္ထိုင္လိုက္ၿပီး Old Ghostကို
စိုက္ၾကည့္ၾကသည္။
"စားစရာ႐ွိတာ ဆက္စား"
လ်န္ကြၽင္းသည္ စားပြဲကို ေခါက္လိုက္သည္။
အားလုံးစိတ္ျပန္ထိန္းကာ ပုံမွန္အတိုင္း
စားေသာက္ေျပာဆိုေနလိုက္ၾကေသာ္လည္း
တကယ္တမ္းက် သူတို႔အာ႐ုံအားလုံးက
Phantomေခါင္းေဆာင္ထံတြင္သာ ႐ွိသည္။
႐ွီက်င္းသည္လည္း Old Ghostကို
မႈန္ကုပ္ကုပ္ၾကည့္ေနသည္။
ထိုလူေျပာလိုက္ေသာဆရာဝန္က
လ်န္ကြၽင္းခႏၶာကိုယ္အေျခအေနနဲ႔
ပတ္သတ္ေနမည္ဟု သူ႔အလိုလိုသိစိတ္က
ေျပာေနသျဖင့္ ႐ွီက်င္းႏွလုံးသားမွာ
တင္းက်ပ္သြားသည္။
ဒီလိုထူးဆန္းဆန္းေလထုအေနအထားက
Old Ghostအား နည္းနည္းဂနာမျငိမ္ျဖစ္ေစ
ေသာ္လည္း သူ႔သိသမ်ွအားလုံးကို
တည့္တိုးထုတ္ေျပာေတာ့သည္။
"Nine Eaglesလႈပ္႐ွားပုံေတြကို
သိတည္းက သူတို႔အေပၚ အာ႐ုံစိုက္ဖို႔
ငါ့လူေတြကိုအမိန္႔ေပးခဲ့တယ္။သူတို႔ေနာက္
ေျခရာခံလိုက္ရင္း လူသိပ္မသိတဲ့ေဆး႐ုံငယ္
တစ္ခုဆီေရာက္သြားတယ္။ အေပၚယံမွာက
ဒီတိုင္းေဆး႐ုံအေဆာက္အအုံေဟာင္းလို႔
ျမင္ရေပမဲ့ တကယ္တမ္းက
ျပည္တြင္းအဖြဲ႔အစည္းတစ္ခုရဲ႕ကုန္ပစၥည္းေတြ
သိုေလွာင္တဲ့ေနရာတစ္ခုလိုျဖစ္ေနတာ။
မင္းကိုသစၥာေဖာက္သြားတဲ့ဆရာဝန္က
ႏွစ္ေတြတစ္ေလ်ွာက္လုံး အဲ့ေနရာမွာ
ပုန္းေနခဲ့တာ။သူက ပလတ္စတစ္ဆာဂ်ီရီလည္း
လုပ္ၿပီး ကိုယ္ေရးရာဇဝင္ကို
ေျပာင္းလဲထားတယ္...Nine Eaglesကသာ
သူ႔ကိုေစာင့္ၾကည့္မေနရင္ အဲ့လူမသကၤာစရာ
ေကာင္းမွန္း ငါ႐ွာေတြ႔ခဲ့မွာမဟုတ္ဘူး"
လ်န္ကြၽင္းသည္ တစ္ခ်ိန္လုံး
တည္တည္ျငိမ္ျငိမ္ နားေထာင္ေနၿပီး ေမးလိုက္သည္။
"အဲ့လူဘာျဖစ္သြားလဲ?"
Old Ghost လက္သီးတင္းတင္းဆုပ္ကာ
"ငါ့လူေတြ သူ႔ဆီခ်ဥ္းကပ္ဖို႔ႀကိဳးစားေနတုန္း
Nine Eaglesေခၚထုတ္သြားတာ
ခံလိုက္ရတယ္"
စားပြဲဝိုင္းကအေျခအေနက
တဖန္ေျပာင္းလဲသြားျပန္သည္။
ဒီမွာ႐ွိတဲ့လူတိုင္းက အ႐ူးမဟုတ္သျဖင့္
Phantomေခါင္းေဆာင္ဘာကိုရည္ရြယ္ေနမွန္း
သူတို႔႐ွင္း႐ွင္းႀကီးနားလည္သည္။
ထိုသူေျပာေသာ'ခ်ဥ္းကပ္တယ္'ဆိုသည္မွာ
အဲ့လူနဲ႔အဆက္အသြယ္လုပ္ျခင္းမ်ိဳးမဟုတ္ဘဲ
Nine Eaglesလက္ထဲက အလစ္သုတ္ဖို႔
ၾကံစည္ေနတာျဖစ္သည္။ထိုသူရည္ရြယ္ခ်က္ကေတာ့
ထုတ္ေျပာရန္ေတာင္မလိုေတာ့၊
Nime Eaglesႏွင့္ သူမသာ
ကိုယ္အသုဘပင္။
သူတို႔အဖြဲ႔ႏွစ္ဖြဲ႔လုံးသည္ Annihilation
ဒါမွမဟုတ္ လ်န္ကြၽင္းကို ဆန္႔က်င္ရန္
ထိုဆရာဝန္ကို အသုံးခ်ခ်င္ေသာေၾကာင့္
ျဖစ္ေတာ့သည္။
ကံမေကာင္းအေၾကာင္းမလွစြာ Phantomသည္
လိုသေလာက္အင္အားမေတာင့္၍
ဖမ္းဆုပ္ရာတြင္ က်႐ႈံးသည္သာမက
Nine Eagles၏လက္တုံ႔ျပန္မႈကိုေတာင္
အပိုဆုခံစားလိုက္ရသည္။
အခုဆို လြန္ခဲ့တဲ့၂ႏွစ္တည္းကစၿပီး
သူတို႔တိုးတက္ခဲ့ေသာအေ႐ွ႕ေတာင္ဘက္ျခမ္းက
ေမာင္းထုတ္ခံေနရၿပီျဖစ္ရာ Old Ghostတြင္
တျခားအဆက္အသြယ္လည္းမ႐ွိသျဖင့္
ဆန္႔က်င္ရန္ၾကံစည္ထားေသာလူဆီကို
အကူအညီေတာင္းဖို႔ပဲ႐ွိေတာ့သည္။
သူတို႔အျပဳအမူေလာက္
စက္ဆုပ္ဖြယ္ေကာင္းတာ မ႐ွိေတာ့။
အျဖစ္မွန္တစ္ခုလုံးဖြင့္ေျပာဖို႔
တြန္႔ဆုတ္ေနတာမဆန္းေတာ့ေခ်။
သူ႔လူေတြကို ကယ္ေပးဖို႔မေျပာႏွင့္
လ်န္ကြၽင္းထမသတ္တာေတာင္
အေတာ္ကံေကာင္းေနၿပီျဖစ္သည္။
=============================
အခန်း(၄၇) "9"
အဆုံးမှာတော့ Gua Jiuကပဲ
ရှီကျင်း၏အကျပ်အတည်းကို
ဖြေလျော့ပေးလိုက်သည်။
သူသည်လူငယ်လေးပုခုံးကိုပုတ်ကာ
ပင်လယ်ဆီသို့ ညွှန်ပြသည်။
"Nine Eagles လာပြီ"
ရှီကျင်းလည်း ထိုသူပြရာဘက်သို့
ချက်ချင်းလှည့်ကြည့်လိုက်သည်။
သူ့လက်ခလယ်ကို မသိမသာပြန်ကွေးကာ
လက်ပြန်ချပြီး ဘာမှမဖြစ်ခဲ့သလို
ခပ်တည်တည်ပဲနေလိုက်သည်။
အဝေးတစ်နေရာတွင်တကယ်ကို
သင်္ဘောကြီးတစ်စင်းပေါ်လာသည်။၎င်း၏
ဘေးတစ်ဖက်တစ်ချက်ဆီတွင်လင်းယုန်ပုံပါသော
ရွှေရောင်အလံများအလွင့်လွင့်ပါလာ၍
အလွယ်လေးသတိထားမိစေသည်အထိ
ဝင့်ကြွားထည်ဝါသည်။
Nine Eaglesဆိုက်ရောက်လာသည်ကို
တခြားအဖွဲ့အစည်းများလည်း သတိပြုမိရာ
ဆိတ်ငြိမ်နေသောကုန်းပတ်မှာ တဟုန်ချင်း
ကျွတ်ကျွတ်ညံလာသည်။
"Nine Eaglesပဲ.."
"သူတို့က တစ်နှစ်ပြီးတစ်နှစ်
ပိုနောက်ကျလာတယ်.."
"Annihilationကတောင်သူတို့ကို
မထိန်းချုပ်နိုင်တော့ဘူး ကြားတယ်"
အမျိုးစုံသောမှတ်ချက်များနဲ့ စကားသံများသည်
ကုန်းပတ်လည်တစ်လျှောက်
တစ်စတစ်စထွက်လာတော့သည်။
ရှီကျင်းသည်ရှောင်စစ်၏
အကြားအာရုံမြှင့်တင်buffကြောင့်
သူတို့ပြောသည်များကို ရှင်းရှင်းလင်းလင်း
ကြားနေရသည်။
သူသည်Nine Eaglesသင်္ဘောကို
လှမ်းကြည့်ကာ မျက်မှောင်ကြုတ်သွားသည်။
သူတို့က Annihilationကို
အကျိုးယုတ်စေတဲ့
အဟန့်အတားတောင်ဖြစ်နေပြီပဲ...
"ဟန်သမားတွေ"
အမျိုးသမီးတစ်ဦးက ရုတ်တရက်
အထင်သေးသလိုထပြောသည်။
သူမသည်အသက်လေးဆယ်ဝန်းကျင်ရှိကာ
ဆံပင်ခပ်တိုတိုနဲ့ကောင်းမွန်စွာ
ဝတ်စားထားသည်။ သူမအသံမှာ
မကျယ်သော်လည်း
ကွဲပြားသောအသံအက်ရှရှကြောင့်လူတိုင်း၏
အာရုံကိုဖမ်းစားလိုက်သည်။
လူအားလုံး သူမကို လှည့်ကြည့်ကြသည်။
သို့သော်လည်း ထိုအမျိုးသမီးက
လှည့်ထွက်သွားပြီဖြစ်သည်။တွေ့ဆုံပွဲဦးစီးသူ
ကျန့်ကျိုးယွမ်ကိုနှုတ်ဆက်ပြီးသည်နှင့်
သူမနောက်လိုက်များကိုခေါ်ကာ ကုန်းပတ်နဲ့
တစ်ဆက်တည်းရှိသောခန်းမကျယ်ထဲသို့
လှမ်းဝင်သွားသည်။
"အဲ့တာက Taranulaဘော့စ်လုရှန်း ၊
အဲ့အမျိုးသမီးက လိမ္မာပါးနပ်ပြီး
ရက်စက်တယ်၊အပေါ်ယံမှာဆို
သူနဲ့ကျွင်းရှောက်က
သေသေကြေကြေရန်သူတွေပေါ့...
တကယ်တမ်းကျ သူတို့နှစ်ယောက်က
သူငယ်ချင်းဟောင်းတွေ"
*Tarantula -
အဆိပ်ပြင်းတဲ့အမွှေးထူပင့်ကူ
ရှီကျင်း မထင်မှတ်ထားမိ။သူသည်လုရှန်းကို
သေချာကြည့်ပြီး Tarantulaသင်္ဘောနေရာကို
အတည်ပြုလိုက်သည်။ ထို့နောက်
သူ့စိတ်ထဲ"မိတ်ဆွေ"ဟူ၍
အမှတ်ခြစ်ပေးလိုက်သည်။
သူတို့စကားပြောနေရင်းတွင်
Nine Eagles၏သင်္ဘောလည်း
အပြင်ဘက်မှသင်္ဘောများကို
ကျော်ဖြတ်ကာ အတွင်းသို့ တဖြည်းဖြည်း
နီးကပ်လာပြီဖြစ်သည်။ရေယာဉ်ငယ်များ၏
အစွန်းအဖျားများကိုပင်ဖြတ်တိုက်လာကာ
Annihilationသင်္ဘောဆီသို့ဦးတည်လာပြီး
ဘေးတွင်ကျောက်ချလိုက်သည်။ဒီလိုနဲ့
Annihilationမှာ Phantomနှင့်
Nine Eaglesကြားထဲရောက်သွားသည်။
ရှောင်စစ်မွန်းကြပ်မလိုဖြစ်သွားသည်။
<ကျင်းကျင်း...Nine Eaglesက
ရှောင်စစ်တို့သင်္ဘောနားကပ်ပြီးပြီးချင်းပဲ
ဒါလင့်အမှတ်က၉၀၀ကိုတက်သွားပြီ! >
ရှီကျင်းသည်ထိုသင်္ဘောကို
စူးစူးရဲရဲစိုက်ကြည့်မိသည်။
ဘားတန်းက အဲ့လောက်တောင်
တက်သွားတာဆိုတော့...သူတို့ရည်ရွယ်ချက်က
သေချာပေါက်မရိုးရှင်းမှန်း သိသာသွားပြီ..
Gua Jiuသည်လည်း သဘောမတွေ့ဟန်
အမူအရာမှာလေးနက်သွားပြီး
သူ့ကလေးမျက်နှာလေးတွင်မနှစ်မြို့သောပုံစံ
ရှားရှားပါးပါးပေါ်လာသည်။
"Nine Eaglesဘော့စ်က အသက်ရှင်ရတာ
ပင်ပန်းလာပြီထင်တယ်"
အခြေအနေကို အပေါ်ယံသာသိသော လူများပင်
ဒီလိုဘာမဟုတ်သလို
ပြုမူလိုက်ပုံက တကယ်ကြီး
ရန်စလိုက်သလိုမှန်း နားလည်သည်။
ထို့ကြောင့်Annihilationခေါင်းဆောင်၏
တုံ့ပြန်မှုကိုသိချင်ကြ၍ ကျန့်ကျိုးယွမ်နဲ့အတူ
စောင့်ကြပ်နေသောလျန်ကျွင်းကို
လှမ်းကြည့်ကြသည်။
လျန်ကျွင်းသည်Nine Eaglesဆီသို့
တစ်ချက်သာလှမ်းကြည့်ပြီး သူ့အမူအရာမှာ
ခပ်တည်တည်ပင်ဖြစ်သည်။ ထို့နောက်
ဖုန်းကိုအေးအေးဆေးဆေးထုတ်ကာ
အချိန်ကိုကြည့်ပြီး ကျန့်ကျိုးယွမ်ကို
ပြောလိုက်သည်။
"ဆယ်နာရီထိုးဖို့ ၁၅မိနစ်ပဲလိုတော့တယ်...
အစည်းအဝေးစဖို့ ပြင်ဆင်သင့်ပြီ"
ထိုစကားများကြားမှ ကျန့်ကျိုးယွမ်လည်း
Nine Eaglesဆီမှ အကြည့်လွှဲလိုက်သည်။
အခုထိပေါင်းကူးတံတားမဆက်သွယ်ရသေးသော
Nine Eaglesကို
စောင့်သင့်သလားကိုပင်မမေးတော့ဘဲ
သုံးဆင့်ပိုမြင့်သောကုန်းပတ်ပေါ်တွင်
ရှိနေသည့်လျိုကျန့်ကျွင်းကို
မော့ကြည့်ကာခေါင်းညိတ်ပြလိုက်သည်။
လျိုကျန့်ကျွင်းလည်းခေါင်းပြန်ညိတ်ပြကာ
လက်ဖြင့်အချက်ပြလိုက်သည်။
စစ်သားများမှာ လူများသင်္ဘောပေါ်တက်ရန်
နှိမ့်ချပေးထားသောကုန်းပတ်ခြံစည်းရိုးကို
ပြန်ဆွဲတင်လိုက်ပြီး ပတ်ပတ်လည်ကို
ကာရံလိုက်သည်။
ကုန်းပတ်ပေါ်မှမထွက်ခွာရသေးသော
ခေါင်းဆောင်များမှာ တစ်ယောက်နဲ့တစ်ယောက်
အကြည့်ချင်းဖလှယ်မိကြသည်။
ပါးနပ်သူများက ဒါဟာ Nine Eagles၏
အပြုအမူကို အစိုးရကဘက်မှ
သဘောမတွေ့ကြောင်း
ချက်ချင်းနားလည်၏။ ကျန်သူများတောင်
ထိုအဖွဲ့နောက်ကျခြင်းကြောင့်
လျစ်လျူရှုခံရမှန်း သဘောပေါက်ကြသည်။
သူတို့စိတ်ထဲထင်ကြေးအမျိုးမျိုးဖြင့်
အစည်းအဝေးခန်းမထဲသို့ ဝင်သွားကြသည်။
နောက်လိုက်များသည်အဝင်ဝတွင်ရပ်လိုက်ပြီး
ခေါင်းဆောင်များသာ အထဲဝင်သွားသည်။
အစောပိုင်းထဲကအထဲရောက်နေသော
ခေါင်ဆောင်များ၏လူယုံများလည်း
အစည်းအဝေးစမည်အထိစောင့်ပေးကာ
အချိန်ကျသည်နှင့်အခန်းထဲမှထွက်လာကြသည်။
မကြာခင်မှာပဲ အစည်းအဝေးခန်းမထဲ
ဘော့စ်များသာကျန်ရှိပြီး သူတို့နောက်လိုက်များက
အပြင်တွင်ရှိသည်။
လျန်ကျွင်းသည်လည်း ချွင်းချက်မဟုတ်။
တံခါးနားအရောက်တွင်Gua Yiကိုရပ်ရန်
လက်ပြလိုက်သည်။မျက်လုံးထောင့်မှတဆင့်
ရှီကျင်းနှင့်Gua Jiuဆီသို့
လှမ်းကြည့်ကြည့်ရာ လူငယ်လေးသည်
သူ့ကို မကြည့်နေသည့်အပြင်
ဒီဘက်ကိုပင်မျက်နှာမမူထားကြောင်း
တွေ့လိုက်ရသည်။ထိုအခါ လျန်ကျွင်းမျက်ခုံးများ
တွန့်ကွေးသွားသော်လည်းနောက်တစ်စက္ကန့်
အကြာတွင်ပုံမှန်မှင်သေသေအမူအရာကို
ပြန်ပြောင်းပြီး ကျန့်ကျိုးယွမ်နဲ့အတူ
ခန်းမထဲသို့ ဝင်သွားလိုက်သည်။
မနက်၉နာရီ ၅၅မိနစ်တွင်တံခါးပိတ်ဆို့လိုက်ပြီး
လိုက်ကာများမြှင့်တင်လိုက်ရာ
အစည်းအဝေးခန်း၏ကြမ်းပြင်မှ
မျက်နှာကျက်အထိ ရှင်းလင်းသောမြင်ကွင်းကို
တွေ့လိုက်ရသည်။
လိုက်ကာများဖယ်ပြီးသည်နှင့်
အကျွမ်းတဝင်ရှိနေပြီဖြစ်သော
နောက်လိုက်များက အထဲမှ
သူတို့ခေါင်းဆောင်များ၏ထိုင်နေရာကို
ကြည့်ပြီးအနီးအနားသို့ရွေ့ရပ်လိုက်ကြသည်။
ထိုအခြင်းအရာက အင်အားကြီး
လူဆိုးဂိုဏ်းခေါင်းဆောင်များကို တိရစ္ဆာန်ရုံမှ
မျောက်များသဖွယ်ဖြစ်စေသည်။
ရှီကျင်း: “……”
ဒါက သူ့ထင်ထားသလို
လျှို့ဝှက်အစည်းအဝေးပုံမျိုး ဟုတ်မနေဘူး။
Gua Jiuမှ ရှင်းပြလာသည်။
"ဒါက အထူးကျည်ကာမှန်နဲ့လုပ်ထားတာ။
ခေါင်းဆောင်တွေက အထဲကို
လက်နက်သယ်ဆောင်ခွင့်မရှိပေမဲ့
သူတို့လူယုံတွေကတော့မဟုတ်ဘူးလေ။
ဒါကြောင့်အပစ်အခတ်ဖြစ်ရင်တောင်
အစည်းဝေးခန်းထဲကလူတွေက
ထိခိုက်မှာမဟုတ်ဘူး...အကယ်၍ အထဲမှာ
တစ်ခုခုဖြစ်ရင်လည်း အပြင်ကလူတွေက
ချက်ချင်းဝင်ကူညီပေးနိုင်အောင်
ဒီလိုလုပ်ထားတာ။ ဒါက အစိုးရနဲ့ဂိုဏ်းအဖွဲ့ကြားက
သဘောတူညီမှုပဲ...ဒီနည်းအတိုင်းလုပ်လာတာ
နှစ်တော်တော်ကြာပြီ.."
ရှီကျင်း ထပ်မံ၍ပြောစရာစကားမရှိ
ဖြစ်သွားသည်။
အစည်းအဝေးခန်းရှိစားပွဲမှာ
ထောင့်မှန်စတုဂံပုံဖြစ်ပြီး ကျန့်ကျိုးယွမ်က
ထိပ်တွင်ထိုင်ကာ သူ့နောက်တွင်
အကူအညီပေးမည့်လက်ထောက်များ
ရပ်နေသည်။လျန်ကျွင်းသည်
သူ့ညာဘက်ဦးဆုံးနေရာတွင်ထိုင်ပြီး
လုရှန်းကဒုတ်ယခုံတွင်ထိုင်သည်။
ဘယ်ဘက်က ပထမခုံနေရာကအလွတ်ဖြစ်နေရာ
ဤသည်မှာဖင်လေးနေသောNine Eagles
ခေါင်းဆောင်၏နေရာဖြစ်လောက်သည်။
Phantomခေါင်းဆောင်မှာ နာမည်အရင်း
မဟုတ်ဘဲ Old Ghostဆိုသော
ကုတ်နာမည်သာသုံးသည်။သူသည်
ဘယ်ဘက်လေးခုံမြောက်တွင်
ထိုင်နေသည်။ ထိပ်သီးအဆင့်များကြား
ထိုင်နေသော်လည်း သူ့နေရာက သိပ်မကောင်းလှချေ။
ဆယ်နာရီတိတိတွင်အစည်းအဝေးစပြီး
ကျန့်ကျိုးယွမ်လက်ထောက်များက
စာရွက်စာတမ်းနှင့်စာရေးကိရိယာများ
စတင်ဝေတော့သည်။
အပြင်ရှိလူများက အထဲကအသံများကို
လုံးဝမကြားရ။ လျန်ကျွင်းသည်
ဖိုင်တွဲထူကြီးကိုလက်ခံရရှိကြောင်း
ရှီကျင်းမြင်ပြီးသောအခါ
Nine Eaglesသင်္ဘောကိုသာ
ဆက်ကြည့်နေလိုက်သည်။
ထိုသူတို့မှာ အစိုးရသင်္ဘောဆီ
ပေါင်းကူးတံတားတည်နေခြင်းဖြစ်သည်။
သင်္ဘောကြီးအနီးတွင်ကျောက်ချလိုက်သော်လည်း Annihilationကဆက်သွယ်ဖို့
ပေါင်းကူးတံတားမချပေး၍
သူတို့ဘာသာကွေ့ပတ်လုပ်နေရတော့သည်။
အရှိအတိုင်းပြောရလျှင်Nine Eaglesသည်
အလုပ်လုပ်တာ မြန်ဆန်လှသော်လည်း
နောက်ကျမှရောက်သည့်အတွက်
တံတားဆောက်ပြီးချိန်တွင်အစည်းအဝေးစတာ
ဆယ်မိနစ်ကျော်သွားပြီဖြစ်သည်။
လျိုကျန့်ကျွင်းသည်သင်္ဘောကုန်းပတ်မှ
ဆင်းလာပြီး ခြံစည်းရိုးကာထားပြီဖြစ်သော
တံတားတစ်လျှောက်လှမ်းလာသော
Nine Eaglesခေါင်းဆောင်ကို ရပ်ကြည့်ကာ
မျက်နှာထားတင်းတင်းဖြင့်ပြောသည်။
"ကျေးဇူးပြု၍ ပြန်လှည့်လိုက်ပါ။
စည်းရိုးတင်ပြီးတာနဲ့
အစည်းအဝေးပြီးတဲ့အချိန်ထိ အဲ့အတိုင်းပဲ
ထားမှာပါ။နေ့ခင်းပိုင်းအစည်းအဝေးကိုတော့
စောစောရောက်အောင်လာပေးပါ"
Nine Eaglesခေါင်းဆောင်သည်
လျန်ကျွင်းအရွယ်လူငယ်တစ်ယောက်ဖြစ်ပြီး
ချောမောသော်လည်း လူရမ်းကားဆန်သော
မျက်နှာပေါက်ဖြစ်သည်။
လျိုကျန့်ကျွင်း၏စကားကိုကြားသောအခါ
သူ့မျက်ခုံးများ ပင့်တက်သွားကာ
"အဲ့လိုလား? ကဲ...ထားပါတော့..
ဒီမနက်အစည်းအဝေးဆိုတာက လူစစ်ရုံပဲလေ၊
သောက်ကျိုးနည်း ပျင်းဖို့ကောင်းချက်!
ဒါဆိုလည်းပျော်ပျော်ကြီး လုပ်ကြပါ..
နောက်မှတွေ့မယ်"
ထိုသို့ဆိုပြီးနောက်နောက်လိုက်များနှင့်တကွ
သူ့သင်္ဘောဆီသို့ဆောင့်ကြွားကြွားပြန်လျှောက်
သွားလေသည်။
လျိုကျန့်ကျွင်းသည်လည်း သူတို့
ထွက်သွားသည်ကိုအေးစက်စက်ကြည့်ပြီး
လှည့်ထွက်လာလိုက်သည်။
Nine Eagles၏ဘော့စ်တွင်အဲ့လိုစရိုက်မျိုး
ရှိမည်မှန်း ရှီကျင်းမထင်မှတ်ထားမိသဖြင့်
တစ်အောင့်မျှ စွံ့အသွားမိသည်။
အချိန်ခဏကြာမှမေးကြည့်လိုက်သည်။
"သူက အမြဲအဲ့လိုအထက်စီးဆန်တာလား?
အမှုဆောင်တွေအပေါ်တောင်မှလေ?"
"စောက်ရူးပါဆို"
Gua Jiu၏အသံက ကဲ့ရဲ့မှုအပြည့်ဖြစ်သည်။
"သူတို့ ဒီလိုအချိန်နောက်ကျမှရောက်ရင်တောင်
ပေါင်းကူးတံတားပြီးတဲ့အချိန်ထိစောင့်မဲ့အစား
သူဘက်က အရင်ကမ်းလှမ်းခဲ့ရင်
အချိန်မှီနိုင်သေးတယ်။
'အားကြီးပြီး ဦးနှောက်မရှိ' ဆိုတာ
သူ့လိုလူမျိုးပေါ့..တကယ်ကိုဗြောင်ကျကျ
မခန့်လေးစားလုပ်တာ—သူ့ဘဝကြီးက
တအားသာယာနေတယ်များ
ထင်နေလို့လားမသိ"
Gua jiuစကားများကို နားထောင်နေ
သော်ငြား Nine Eaglesခေါင်းဆောင်၏
စိတ်ကြီးဝင်နေပုံမှာခေါင်းမကောင်းတာကြောင့်
မဟုတ်ဘူးလို့ ရှီကျင်းခံစားနေရသည်။ထိုသူဟာ
အစိုးရရဲ့ပစ်မှတ်ထားတာခံရမည်မဟုတ်ကြောင်းနဲ့
တခြားအဖွဲ့အစည်းများ ဆွဲချတာမခံရနိုင်ကြောင်း
သေချာစေသည့်ဝှက်ဖဲတစ်ခုရှိနေသောကြောင့်
ဒီလိုအကြောက်အလန့်မရှိတာဖြစ်နိုင်မည်။
"ရှီကျင်း"
Gua Jiuမှ သူ့နာမည်ကို ရုတ်တရက်ကြီး
ခေါ်လိုက်သည်။
ရှီကျင်းလည်း အတွေးထဲမှလှုပ်နိုးခံလိုက်ရသလို
လန့်သွားပြီး သိချင်သောအကြည့်မျိုး
ပေးလိုက်သည်။
"ဟုတ်?"
Gua Jiuသည်ဦးတည်ဘက်တစ်ခုဆီ
မသိမသာညွှန်ပြရင်းပြောသည်။
"အဲ့လူက မင်းကိုဆက်တိုက်ကြည့်နေတာ...
မင်းကိုသိတဲ့ပုံပဲ"
ရှီကျင်းခေါင်းလှည့်ကြည့်လိုက်သည်။
အံ့သြစရာမရှိစွာ စိုက်ကြည့်နေသူမှာ
ရှီကျင်း တစ်ချိန်လုံး တမင်တကာ
လျစ်လျူရှုထားသောဖေးယွီကျင့်ဖြစ်သည်။
ရှီကျင်းမျက်ခုံးများပင့်တက်သွားပြီး
ချက်ချင်းမျက်နှာလွှဲကာ ပင်လယ်ပြင်ကို
မျက်နှာမူလိုက်သည်။
"အဲ့တာ ကျွန်တော့်ဒုတိယအစ်ကိုဖေးယွီကျင့်၊
သူ့ကို တမင်မသိချင်ဟန်ဆောင်နေတာ..
ကျွန်တော်နဲ့ပူးပေါင်းပေး"
တစ်ဖက်လူမှာ အံ့အားသင့်သွားရသည်။
ခဏလောက်တိတ်နေပြီးမှ Gua Jiuလည်း
ပင်လယ်ပြင်ကိုကြည့်ကာပြောသည်။
"ငါမှတ်မိသလောက်ဆို မင်းအာ့ကောက
ရှေ့နေဆို...ဘယ်လိုလုပ်ဒီကိုရောက်နေတာလဲ?"
"ကျွန်တော်လည်းမသိဘူး။
သူက Phantomဘော့စ်နဲ့အတူပါလာတာ"
Gua Jiuသည်သဘောပေါက်ကြောင်း
ခေါင်းညိမ့်ပြီး ဖုန်းထုတ်ကာ
ထိုအခြေအနေကို Gua Yiဆီ
သတင်းပို့လိုက်သည်။
ထိုအချိန်တွင်ဘဲ အစည်းအဝေးကြားဖြတ်
နားချိန်လေးအတွင်း လျန်ကျွင်းသည်
ရှီကျင်းရှိရာသို့ အမှတ်တမဲ့ဟန်
မသိမသာလှမ်းကြည့်သော်လည်း
လူငယ်လေးမှာ ပင်လယ်ပြင်ရှုခင်း၏
ညို့ယူဖမ်းစားမှုအောက်တွင်သာရှိပြီး
'သားရဲတွင်း'ထဲမှ အလုပ်ရှင်၏
အခြေအနေကို လုံးဝအာရုံစိုက်မနေကြောင်း
တွေ့လိုက်ရသည်။
"အဲ့တာ မင်းရဲ့နောက်လိုက်သစ်လေးလား?"
ဘေးတွင်ထိုင်နေသောလုရှန်းသည်
စာရွက်စာတမ်းများကိုကြည့်နေရင်း
အသံနိမ့်နိမ့်ဖြင့်မေးသည်။
လျန်ကျွင်းသည်ဒီတိုင်းအခန်းတစ်လျှောက်သာ
လျှောက်ကြည့်နေသလို မသိမသာအကြည့်လွှဲပြီး
စာရွက်များလှန်နေလိုက်သည်။
"မမေးသင့်တာ မမေးစမ်းနဲ့"
"ကျစ်...နင်ဟာလေ အသက်ကြီးလာလေ
ချစ်လို့မကောင်းလေပဲ"
လုရှန်းသည်မကျေမနပ်မျက်မှောင်ကြုတ်ပြီး
လျန်ကျွင်းနှင့်နီးနီးကပ်ကပ်မထိုင်ချင်တော့သလို
ထိုင်ခုံကိုဝေးဝေးရွေ့လိုက်သည်။
တခြားသူများဟာလည်း အရ်ိပ်အကဲ
စောင့်ကြည့်နေကြတာဖြစ်သည်။
လုရှန်းထိုင်ခုံရွေ့လိုက်သည်ကို မြင်သောအခါ
အခြေအနေကို နားလည်သဘောပေါက်သလို
အာရုံလွှဲလိုက်ကြသည်။
သက်တမ်းကြာသောအဖွဲ့အစည်းများက
ရန်သူပိုများသည်။ Annihilationနှင့်Tarantulaသည်သက်တမ်းအကြာဆုံး
အဖွဲ့များဖြစ်သောကြောင့်သူတို့ကြားမှ
နှစ်ပေါင်းကြာရှည်အမုန်းတရားများက
ပင်လယ်ရေအောက်ကြမ်းပြင်ထက်
နက်ရှိုင်းပုံရသည်။အဲ့တာတောင်
သူတို့နားမလည်တာတစ်ခုက အစိုးရသည်
နှစ်စဉ်နှစ်တိုင်း ထိုခေါင်းဆောင်နှစ်ယောက်ကို
ဘေးချင်းကပ်နေရာစီစဉ်ပေးတာကိုဖြစ်သည်။
မနက်ခင်းအစည်းအဝေးသည်လူစစ်ရုံသာဖြစ်ပြီး
ထူးထူးခြားခြားဘာမှမရှိပေ။ထို့ကြောင့်
မနက်၁၁ခွဲအချိန်တွင်ပြီးဆုံးသွားသည်။
အဓိကတွေ့ဆုံပွဲဖြစ်မည့်
နေ့လည်ခင်းအစည်းအဝေးကိုတော့
နေခင်း၂နာရီတွင်စတင်မည်ဖြစ်သည်။
နောက်လိုက်တပည့်များသည်
သူတို့ခေါင်းဆောင်တို့အား ခန်းမဝင်ပေါက်တွင်
စောင့်ကြိုကြပြီး လျိုကျန့်ကျွင်းမှ စည်းရိုးပြန်ချဖို့
အမိန့်ပေးပြီးသည်နှင့်
ဆိုင်ရာသင်္ဘောများဆီသို့ ပြန်ကြလေသည်။
ရှီကျင်းသည်ပင်လယ်ပြင်ကို
တစ်နာရီကျော်မျှကြည့်နေခဲ့ရပြီး
ဖေးယွီကျင့်ကလည်း သူ့ကို
ဆက်တိုက်စိုက်ကြည့်နေခဲ့သည်။
ရှီကျင်းခမျာ စိတ်ပင်ပန်းနေပြီဖြစ်သည်။
ထို့ကြောင့်လျန်ကျွင်းထွက်လာသည့်အခါ
ဘေးကိုအပြေးသွားပြီး Gua Yiထက်
လက်မနှေးစွာ ဝှီးချဲလက်ကိုင်ကို
ဖမ်းကိုင်လိုက်သည်။
"ကျွင်းရှောက်...အစည်းအဝေးက
ပင်ပန်းလား?"
"ရှုခင်းကြည့်ရတာရော ပင်ပန်းလား?"
လျန်ကျွင်းသည်အေးဆေးတည်ငြိမ်စွာ
ပြန်မေးလိုက်သည်။
ရှီကျင်းလည်း ရိုးရိုးတန်းတန်း
ခေါင်းညိတ်ကြကာ မျက်လုံးကိုပွတ်ရင်း
"အမှန်ပဲ....
အငန်ဓာတ်ပါတဲ့ပင်လယ်လေကြောင့်
ကျွန်တော့်မျက်လုံးတွေယားနေပြီ"
ဝှီးချဲလက်တန်းပေါ်က လျန်ကျွင်းလက်များ
တင်းကျပ်သွားသည်။သူ၏အသံမှာ ပို၍ပင်
ငြိမ်သက်လာပြီး
"အဲ့တာဆိုလည်းနေလည်ပိုင်းကျရင်
တစ်ခြားတစ်ခုကို ကြည့်သင့်တယ်"
"ကျွန်တော်လည်း အဲ့လိုတွေးထားပြီးသားပါ။
ဒီမှာက လိုင်းမမိပေမဲ့ မာကျောက်ကို
single-playerကစားလို့ရသေးတယ်လေ...
ဒါကြောင့်နေ့လည်ခင်းအတွက်အဲ့အစီအစဉ်
ဆွဲထားတယ်"
ရှီကျင်းသည်ကြည်နူးစွာဖွင့်ပြောပြီး
သူ့ပျော်ရွှင်မှုကို မျှဝေလိုဟန်အကြံပြုပေးသည်။
"ကျွင်းရှောက်လည်း အစည်းအဝေးနားချိန်မှာ
ဆော့လို့ရတယ်နော်၊ ကျွန်တော်
ဖုန်းဘက်ထရီယူလာတယ်လိုချင်လားဟင်?"
လူတိုင်း၏မျက်စိအောက်တွင်ဖြစ်နေပြီး
ဒေါသကြောင့်ပျော့ကွက်တစ်ချို့
ထွက်ဖော်မိမှာစိုးသဖြင့်လျန်ကျွင်းသည်
အခုချိန်တွင်ရှီကျင်းနှင့်
စကားမပြောဖို့ဆုံးဖြတ်လိုက်သည်။
လျန်ကျွင်းဘက်မှ အဖြေစကားမကြားရ
သောကြောင့်ရှီကျင်းဟာ ထပ်မံမေးရန်
ပါးစပ်ဟလိုက်သော်လည်းဘေးမှGua Yiမှာ
ဆက်လက်သည်းခံနိုင်စွမ်းမရှိတော့။
ထို့ကြောင်ကောင်လေး၏ပုခုံးကိုကိုင်ကာ
အနောက်သို့ဆွဲခေါ်လိုက်ပြီး
ဝှီးချဲလက်ကိုင်ကို လှမ်းကိုင်လိုက်သည်။
'သူ့ကိုထိန်းထား'ဆိုသော အကြည့်တစ်ချက်
Gua Erဆီ လှမ်းပို့ပြီး လျန်ကျွင်းအား
ခပ်မြန်မြန်တွန်းခေါ်သွားသည်။
Gua Erလည်း သူ့ဆီပစ်ပေးလာသော
အမှိုက်ထုပ်ကိုဖမ်းထားပြီး ထိုပါးစပ်ပေါက်ကို
လက်ဖြင့်ပိတ်ရန်ပြင်သည်။
တိုက်ခိုက်ခံရသည်ကိုခံစားမိသောရှီကျင်းက
ကိုယ်ကိုလိမ်ကာ Gua Erမျက်လုံးများကို
လက်ချောင်းနဲ့ထိုးဖို့ ကြိုးစားတော့သည်။
ဒီလိုဖရုတ်ကျနေသောလူစုသည်
နေ့လည်စာစားရန်စားသောက်ဆိုင်ဆီ
သွားနေရင်း သူတို့နောက်သို့လိုက်လာသော
Phantomဘော့စ်မှ လျန်ကျွင်းကို
ရုတ်တရက်လှမ်းခေါ်သည်။
လျန်ကျွင်းသည်Gua Yiကိုရပ်ရန်
လက်ဟန်ပြပြီး သူတို့ဆီ ခပ်မြန်မြန်
ချဉ်းကပ်လာသောOld Ghostနှင့်ဖေးယွီကျင့်ကို
တစ်ချက်ကြည့်လိုက်သည်။သူ့အကြည့်သည်
ထိုရှေ့နေဆီတွင်ရပ်သွားပြီးမေးသည်။
"ဘာကိစ္စများရှိလို့လဲ Old Ghost?"
"မင်းနဲ့အတူနေ့လည်စားစားချင်လို့ပါ"
လူကြီးသည်ကိစ္စကို တည့်တိုးပြောပြီး
လက်က “9” ဟူ၍ သင်္ကေတပြသည်။
“9” nine... Nine Eagles။
လျန်ကျွင်းသည်သဘောပေါက်စွာ
ခေါင်းညိတ်ပြသည်။
"ရပါတယ်...ဒါနဲ့ ဒီဘက်က?"
"ဖေးယွီကျင့်လေ...ငါဖိတ်ထားတဲ့ရှေ့နေပေါ့။
ဒီရက်ပိုင်း ငါ့လုပ်ငန်းတွေမှာ
ပြဿနာနည်းနည်းတက်နေပြီး
နောက်လိုက်တော်တော်များများလည်း
ချောင်ပိတ်မိနေတာ။ဒါကြောင့်
ကူညီပေးဖို့ရောက်နေတာ"
Old Ghostသည်ရှင်းပြကာ အချင်းချင်း
မိတ်ဆက်ပေးသည်။
"ဒါက Annihilationခေါင်းဆောင်လျန်ကျွင်း"
ဖေးယွီကျင့်သည်ယဉ်ကျေးပျူငှါစွာ
လက်ကမ်းပေးပြီး
"တွေ့ရတာဝမ်းသာပါတယ်"
လျန်ကျွင်းသည်လက်ဆွဲနှုတ်ဆက်သော်လည်း
ဘာမှပြန်မပြောဘဲခေါင်းသာတစ်ချက်ညိတ်ကာ
စားသောက်ဆိုင်ထဲတွန်းသွားဖို့ Gua Yiကို
အချက်ပြလိုက်သည်။
Old Ghostအံ့အားသင့်သွားရသည်။
အခုလေးတင်လျန်ကျွင်းဟာဖေးယွီကျင့်ကို
သိသိသာသာ အဖက်မလုပ်သွားတာပဲ။
ဒါပေမဲ့ လျန်ကျွင်းလိုလူမျိုးသည်
အခုမှစတွေ့သောလူတစ်ယောက်ကို
ဘယ်တုန်းကမှ မရိုင်းပျဖူးပေ။
သူသည်မျက်မှောင်ကြုတ်ကာ
အသံနိမ့်မေးလိုက်သည်။
"လျန်ကျွင်းနဲ့ အရင်ကတွေ့ဖူးလား?"
"မတွေ့ဖူးဘူး"
သူ့အားနောက်ခံရှုမြင်ကွင်းတစ်ခုထက်
မပိုသောအရာတစ်ခုအလား
ဟန်ဆောင်ပန်ဆောင်လုပ်နေသောရှီကျင်းဆီမှ
အကြည့်လုံးဝမလွှဲရင်းခေါင်းခါပြသည်။သူသည်
တစ်အောင့်လောက်တွေးဆကြည့်သည်။
"ကိုယ်ရေးကိုယ်တာအကြောင်းတစ်ချို့ကြောင့်
မစ္စတာလျန်သဘောထားက အဲ့လိုဖြစ်နေတာပါ။
စိတ်မပူပါနဲ့ ...ခင်ဗျားအလုပ်ကို
မထိခိုက်စေပါဘူး"
Old Ghostသည်ဖေးယွီကျင့်ကို
အပြည့်အဝယုံကြည်သဖြင့်ထိုစကားများက
သူ့အားစိတ်သက်သာရာရစေကာ
ထပ်တွေးပူမနေတော့ပေ။
အားလုံး ထမင်းစားခန်းထဲဝင်လာကြသည်။
သူ့အပေါ်တစ်ချိန်လုံးကျောက်ချနေသော
ဖေးယွီကျင့်အကြည့်စူးစူးများကို
ရှီကျင်းခံစားမိသော်လည်း
မသိသလိုဆက်ဟန်ဆောင်နေသည်။
သူသည်Gua Jiuနဲ့အတူ စားပွဲအစွန်းနားတွင်
ထိုင်ကာ တိတ်တဆိတ်သာစားနေလိုက်သည်။
Phantomခေါင်းဆောင်လည်းရှိနေသဖြင့်
အားလုံး အိနြေ္ဒရရ ပြုမူနေကြသည်။
လျန်ကျွင်း၊Old Ghostနှင့်
ဖေးယွီကျင့်မှလွဲလို့
ဘယ်သူမှစကားမပြောကြပေ။
ပုံမှန်အာလာပသလ္လာပများပြောဆိုပြီးနောက်
အဆုံးတွင်Old Ghostသည်
အဓိကအချက်ဆီ ဦးတည်လိုက်သည်။
အရှေ့တောင်ဘက်မှာရှိတဲ့
ငါ့စီးပွားရေးလုပ်ငန်းတွေ ကွိုင်တက်နေတယ်၊
Nine Eaglesတွေလက်ထဲရောက်နေတာ
ကိုလည်း အတည်ပြုပြီးပြီ။
Nine Eaglesခေါင်းဆောင်
ကျိုယန်က ရည်မှန်းချက်ကြီးတယ်...
သူလိုချင်တာကမင်းနေရာမဟုတ်ဘဲ...
မင်းထက်ပိုမြင့်တဲ့နေရာကိုမျှော်မှန်းနေတာ။
ငါရထားတဲ့သတင်းအရဆို
ပြည်တွင်းအဖွဲ့အစည်းတော်တော်များများကို
ချုပ်ကိုင်ထားနေပြီ။ဒါကြောင့်လည်း
ငါ့စီးပွားရေးတွေ ကပြောင်းကပြန်ဖြစ်ကုန်တာ။
အရှေ့တောင်ဘက်ခြမ်းက ပိုပြီး
ပရမ်းပတာဖြစ်လာပြီ...Nine Eaglesက
ငါ့ကိုပြဿနာမွှေရင်တောင်
သူတို့နဲ့တိုက်ခိုက်ဖို့စိတ်မရှိဘူး။
စီးပွားရေးလုပ်မရရင်လည်း
ကိစ္စမရှိဘူး...ဒါပေမဲ့ ငါ့လူတွေကိုတော့
ကာကွယ်ရမယ်...သူတို့ကိုပစ်မထားနိုင်ဘူး"
လျန်ကျွင်းသည်ဝှီးချဲလက်တန်းကိုခေါက်ရင်း
"အဲ့တော့?"
"အဲ့တာကြောင့်မစ္စတာဖေးကိုငှါးပြီး
ဒီမြေအောက်လောကကြီးကထွက်ဖို့
ပြင်ဆင်နေတယ်။ဘဏ္ဍာရေးပြစ်မှုဆိုတဲ့
အချက်ကိုသုံးပြီး ငါ့လူတွေကို သူတို့နိုင်ငံဆီ
အပြစ်သားအနေနဲ့လွှဲအပ်နိုင်အောင်
တရားဝင်လမ်းကြောင်းသုံးဖို့
အာဏာပိုင်တွေဆီတောင်းဆိုမလို့။
အဲ့တာက ငါတွေးနိုင်သမျှ
အလုံခြုံဆုံးနည်းလမ်းပဲ"
Old Ghostသည်တုံ့ဆိုင်းမနေဘဲ
သူ့အစီအစဉ်ကို ပွင့်ပွင့်လင်းလင်း ရှင်းပြသည်။
လျန်ကျွင်းသည်တစ်ဖက်ခေါင်းဆောင်၏
သူ့ဆီရောက်လာသောရည်ရွယ်ချက်ကို
အစောတည်းက ကြိုတင်ခန့်မှန်းမိထားဟန်
ပြောသည်။
"Old Ghost...ခင်ဗျား အဲ့လောက်
ဉာဏ်မနည်းပါဘူး။မင်းလူတွေကို
ဖမ်းချုပ်ထားတာက Nine Eaglesနဲ့
ပြည်တွင်းအဖွဲ့တွေ ပြီးတော့
နယ်နိမိတ်တစ်ဖက်ဖြစ်နေတယ်။
အစိုးရလက်က အဲ့လောက်ဝေးဝေး
ဆန့်မထုတ်နိုင်ဘူး"
Old Ghost ပြန်ပြောသည်။
"သေချာပေါက်သူတို့ကမလုပ်နိုင်ပေမဲ့...
မင်းလုပ်နိုင်တယ်လေ"
ဤသည်မှာ အကူအညီတောင်းခံခြင်းဖြစ်သည်။
Gua Yiနှင့်Gua Erသည်ထိုလူအား
တစ်ချက်လှမ်းကြည့်ပြီး ဘာမှမဖြစ်သလို
သူတို့ပန်းကန်ဆီ အကြည့်ပြန်ရောက်သွားသည်။
လျန်ကျွင်းဘာမှပြန်မပြောပေ။
လေထုအနေအထားက တစ်နည်းနည်းနဲ့
ဖိနှပ်ခံရသလို ဖြစ်လာသည်။Old Ghostမှာ
စိတ်မရှည်ဖြစ်နေတာသိသာသော်လည်း
အခြေအနေကိုထိန်းထားရန်လျန်ကျွင်းကို
ချက်ချင်းအဖြေပေးရန်မတိုက်တွန်းပေ။
"တစ်ဆိတ်လောက်—ကျွန်တော်ဘွင်းဘွင်းမေးရရင်
အဲ့တာဘယ်သူများလဲ?"
အခုထက်ထိ တိတ်ဆိတ်နေသော
ဖေးယွီကျင့်သည်ရုတ်တရက်စကားထ
ပြောလိုက်သည်။ သူသည်
ဝက်နံရိုးဝါးနေသောရှီကျင်းကို
တည့်တည့်ကြည့်နေသည်။
ထိုအခါ စားပွဲကလူတိုင်းခေါင်းမော့လာကာ
လူငယ်လေးကို လှည့်ကြည့်ကြသည်။
ရုတ်ချည်းဆိုသလို အားလုံး၏အာရုံစိုက်မှု
အလယ်သို့ရောက်သွားသောကြောင့်
ရှီကျင်းသည်ပါးစပ်ထဲ နံရိုးကိုက်ရင်း
တန်းလန်းနဲ့တောင့်ခဲသွားသည်။
သူသည်အပြစ်ကင်းသောအမူအရာလေးနဲ့
ဖေးယွီကျင့်ကိုတစ်ချက်ကြည့်ပြီး
လျန်ကျွင်းကိုပြန်ကြည့်သည်။
"သူ့က ငါ့လူယုံ။code nameက Gua Si"
လျန်ကျွင်းသည်ဖေးယွီကျင့်ကိုကြည့်ရင်း
ပြန်ဖြေသည်။
"ဘာလို့များလဲ? မစ္စတာဖေးက ကျုပ်လူကို
စိတ်ဝင်စားလို့လား?"
ဖေးယွီကျင့်သည်ရှီကျင်းဆီက
အကြည့်လွှဲပြီးပေါ့ပေါ့ပါးပါးဖြေသည်။
"နည်းနည်းပါ...တစ်ယောက်ယောက်က
အဲ့လို'အထူးတလည်'စားသောက်ပုံမျိုးကို
မမြင်ဖူးတာတော်တော်ကြာပြီမို့...
အတွေ့အကြုံရပါပေတယ်..."
သူ့စကားများသည်ရှီကျင်းစားပုံသောက်ပုံက
အရုပ်ဆိုးကြောင်းသွယ်ဝိုက်ဖော်ပြနေသည်။
ရှီကျင်း အရိုးကိုထွေးထုတ်ကာ
လက်သုတ်ပဝါဖြင့်ပါးစပ်သုတ်လိုက်ပြီး
ခွန်းတုံ့ပြန်သည်။
"မစ္စတာဖေးက ဒီလိုအတွေ့အကြုံ
နည်းပါးလိမ့်မယ်လို့ ကျွန်တော်မထင်ထားခဲ့ဘူး။
ကမ္ဘာပေါ်မှာရှိတဲ့လူတိုင်းကတော့
ဒီလိုမြိန်ရေရှက်ရေစားသုံးကြတာမျိုးကို
တစ်ခေါက်ထက်မနည်း မျက်မြင်တွေ့ဖူးကြမယ်လို့
ထင်ထားတာ...ကြည့်ရတာ
မစ္စတာဖေးဘဝက ချွင်းချက်အနေနဲ့
ခါးသီးခဲ့လို့ဖြစ်မယ်နော်။
ကျွင်းရှောက်...ကျွန်တော်ကြောင့်
မစ္စတာဖေးစိတ်အနှောင့်အယှက်ဖြစ်သွားပုံပဲ။
ကျွန်တော်ထွက်သွားလိုက်ရမလား?"
"မလိုဘူး"
လျန်ကျွင်းသည်အသံတိမ်တိမ်ဖြင့်
တားလိုက်သည်။
" Gua San... မစ္စတာဖေးအတွက်
ဝန်ထမ်းကို စားပွဲသီးသန့်စီစဉ်ခိုင်းလိုက်"
Gua Sanသည်တူကိုချကာ ထရပ်သည်။
တခြားသူများမှာ ဘာမှမကြားသလို
ကိုယ့်အစားကိုယ်ဆက်စားနေကြသည်။
Old Ghostလည်း အခြေအနေတွေက
ဒီလိုဖြစ်လာမယ်မှန်း မထင်ထားခဲ့။
လျန်ကျွင်းကဖေးယွီကျင့်ကို
တခြားစားပွဲဝိုင်းတွင်ထိုင်ခိုင်းဖို့
တကယ်ဆန္ဒရှိနေသည်ကိုမြင်သောအခါ
ကြားနေဖျန်ဖြေသူနေရာကို မြန်မြန်ဝင်ယူလိုက်
ရသည်။ ရှီကျင်းအား စကားနည်းနည်းဖြင့်
ဖြေသိမ့်ပေးပြီး Gua Sanကိုရပ်တန့်ရန်
နေရာမှထလိုက်သည်။
လျန်ကျွင်းသည်ဖေးယွီကျင့်အရှက်ရအောင်
လုပ်နိုင်သော်လည်း Old Ghostကိုတော့
စိတ်မရှိသဖြင့်Gua Sanကို
ပြန်ထိုင်ခိုင်းလိုက်သည်။ သို့သော်ငြား လျန်ကျွင်း၏
သဘောထားကတော့ အရင်ကထက်
ပိုအေးစက်သွားသည်။
ရှီကျင်းသည်အစ်ကိုဖြစ်သူကို မိုက်ကြည့်ကြည့်ရင်း
ဝက်နံရိုးနောက်တစ်ချောင်းကို သူ့ပါးစပ်ထဲ
ထိုးထည့်လိုက်သည်။
ဖေးယွီကျင့်သည်လည်း နည်းနည်းလေးမှ
မရှက်ရွံ့ဘဲ သူ့ကိုပြန်စိုက်ကြည့်နေသည်။
ဆန့်ကျင်ဘက်အနေနဲ့ သူ့ကြည့်ရတာ
တစ်ခုခုကိုတွေးတောနေဟန်ပေါ်သည်။
ထို့နောက်မှာ Old Ghostသည်
အစောပိုင်းကခေါင်းစဉ်ကို ပြန်သွားဖို့
ကြိုးစားနေသော်လည်း လျန်ကျွင်းဘက်က
ဆက်လက်မဆွေးနွေးချင်ဟန်လိမ္မာပါးနပ်စွာ
ရှောင်ခွင်းနေသည်။သို့ပေမဲ့ ကိစ္စက
အမှန်တကယ်အဆောတလျင်
ဖြစ်နေသဖြင့်နေ့လည်စာစားချိန်
ပြီးဆုံးတော့မည်ဖြစ်သောအခါ
Phantomခေါင်းဆောင်မှာ ရုတ်တရက်
တိတ်ကျသွားသည်။ ထို့နောက်တစ်ခုခုကို
စိတ်ပိုင်းဖြတ်လိုက်သလိုပြောလာသည်။
"ကျွင်းရှောက်...မင်းဒီတစ်ကြိမ်ကူညီရင်
Nine Eaglesကိုဖယ်ရှားတဲ့နေရာမှာ
ငါအားဖြည့်ပေးနိုင်တယ်"
ဒါဟာ ကြီးမားတဲ့စွန့်လွှတ်မှုမျိုးဖြစ်သည်။
Phantomသည်ခပ်လျှိုလျှိုနေကာ
တတ်နိုင်သမျှ ဘယ်တော့မှဒုက္ခမရှာခဲ့ပေ။
အခုတော့ လျန်ကျွင်းဆီမှ မျက်နှာသာရရန်
ခေါင်းဆောင်ဖြစ်သူဟာ သူ့စိတ်နဲ့သူ
နယ်ရုပ်အဖြစ်ခံရန်ကမ်းလှမ်းလာသည်။
လျန်ကျွင်းသည်မတုန်မလှုပ်ဆက်ရှိနေကာ
"Nine Eaglesကို ငါစိတ်မဝင်စားဘူး"
အသနားခံမှုများအားလုံး ငြင်းလွှတ်ခံနေရသဖြင့်
Old Ghostမှာ သိသိသာသာ
စိတ်ဆတ်လာသည်။ ရုတ်တရက်ဆိုသလို
ဖေးယွီကျင့်က တိတ်ဆိတ်နေသည့်ကြားမှ
ထပြောသည်။
"တောင်းပန်ပါတယ်"
ရှီကျင်းကို ရည်ညွှန်းပြောဆိုလိုက်တာဖြစ်သည်။
ရှီကျင်းသည်သူ့အစ်ကိုဘာတွေလာစားနေသလဲ
နားမလည်နိုင်စွာ မျက်တောင်ခတ်မိလိုက်သည်။
ထို့နောက်အံ့အားသင့်စရာကောင်းစွာ
သူ့အမှတ်သည်၅၅၀သို့ပြန်ကျသွားသည်။
လျန်ကျွင်းလည်းဖေးယွီကျင့်ကို
လှမ်းကြည့်လိုက်ပြီး နောက်ဆုံးမှာ
အနည်းငယ်စိတ်ဖြေလျော့သွားဟန်ဆိုသည်။
"Old Ghost...ခင်ဗျားစကားကို
အာဏာပိုင်ဆီပို့ပေးပြီး ခင်ဗျားအစီအစဉ်နဲ့
ပူပေါင်းပေးဖို့မေးကြည့်မယ်...ဒါပေမဲ့
အရှေ့တောင်ဘက်ကိစ္စကိုတော့
မကူညီနိုင်ဘူး။
ခင်ဗျားညီအစ်ကိုတွေအသက်က
အရေးကြီးသလို ကျုပ်ညီအစ်ကိုတွေ
အသက်ကလည်း ထပ်တူထပ်မျှ
အရေးပါတယ်"
Old Ghostအမူအရာသည်အစပိုင်းတွင်
ပျော်ရွှင်သွားသော်လည်း လျန်ကျွင်း၏
အဆုံးသတ်စကားကြောင့်မျက်မှောင်ကြုတ်
သွားပြန်သည်။ သူသည်အချိန်တစ်ခုအထိ
တိတ်ဆိတ်နေပြီးမှ အံတင်းတင်းကြိတ်ကာ
ထုတ်ပြောတော့သည်။
"တကယ်တော့...Nine Eaglesက ငါ့ကို
ပစ်မှတ်ထားရတဲ့အကြောင်းအရင်း
နောက်တစ်ခုရှိသေးတယ်"
လူကြီးမှာနောက်ဆုံးတော့ ရှင်းရှင်းလင်းလင်း
ပြောဖို့ဆန္ဒရှိလာပြီဖြစ်သည်။
လေထုအခြေအနေသည်နားမလည်နိုင်စွာ
တင်းမာမှုလျော့ကျသွားသည်။
လျန်ကျွင်းသည်အနောက်သို့မှီကာ
"ပြော"
သူ့အပြုအမူကိုကြည့်ရင်းဖြင့်
ဒီစိတ်ဓာတ်စစ်ဆင်ရေးမှာ ဘယ်သူရှုံးသလဲ
Old Ghostသဘောမပေါက်ဘဲမနေ။
သူ့အရှုံးကို လက်ခံစွာ သက်ပြင်းခိုးချပြီး
ပြောသည်။
"Nine Eaglesက မင်းဆီမှာ
အလုပ်လုပ်ခဲ့ဖူးတဲ့ဆရာဝန်ကိုလိုက်ရှာနေတယ်
ဆိုတဲ့သတင်းကို ငါ့လူတွေသိလိုက်ရပြီး
အရှေ့တောင်ဘက်မှာသဲလွန်စရှာတွေ့ခဲ့တယ်"
ထိုစကားတွေ သူ့ပါးစပ်ကထွက်ပြီးသည်နှင့်
လေထုဟာ တဟုန်ချင်းပြောင်းလဲသွားသည်။
Gua Yiနှင့်ကျန်သူများသည်မနေနိုင်စွာ
မတ်မတ်ထိုင်လိုက်ပြီး Old Ghostကို
စိုက်ကြည့်ကြသည်။
"စားစရာရှိတာ ဆက်စား"
လျန်ကျွင်းသည်စားပွဲကိုခေါက်လိုက်သည်။
အားလုံးစိတ်ပြန်ထိန်းကာ ပုံမှန်အတိုင်း
စားသောက်ပြောဆိုနေလိုက်ကြသော်လည်း
တကယ်တမ်းကျ သူတို့အာရုံအားလုံးက
Phantomခေါင်းဆောင်ထံတွင်သာ ရှိသည်။
ရှီကျင်းသည်လည်း Old Ghostကို
မှုန်ကုပ်ကုပ်ကြည့်နေသည်။
ထိုလူပြောလိုက်သောဆရာဝန်က
လျန်ကျွင်းခန္ဓာကိုယ်အခြေအနေနဲ့
ပတ်သတ်နေမည်ဟု သူ့အလိုလိုသိစိတ်က
ပြောနေသဖြင့်ရှီကျင်းနှလုံးသားမှာ
တင်းကျပ်သွားသည်။
ဒီလိုထူးဆန်းဆန်းလေထုအနေအထားက
Old Ghostအား နည်းနည်းဂနာမငြိမ်ဖြစ်စေ
သော်လည်း သူ့သိသမျှအားလုံးကို
တည့်တိုးထုတ်ပြောတော့သည်။
"Nine Eaglesလှုပ်ရှားပုံတွေကို
သိတည်းက သူတို့အပေါ် အာရုံစိုက်ဖို့
ငါ့လူတွေကိုအမိန့်ပေးခဲ့တယ်။သူတို့နောက်
ခြေရာခံလိုက်ရင်း လူသိပ်မသိတဲ့ဆေးရုံငယ်
တစ်ခုဆီရောက်သွားတယ်။ အပေါ်ယံမှာက
ဒီတိုင်းဆေးရုံအဆောက်အအုံဟောင်းလို့
မြင်ရပေမဲ့ တကယ်တမ်းက
ပြည်တွင်းအဖွဲ့အစည်းတစ်ခုရဲ့ကုန်ပစ္စည်းတွေ
သိုလှောင်တဲ့နေရာတစ်ခုလိုဖြစ်နေတာ။
မင်းကိုသစ္စာဖောက်သွားတဲ့ဆရာဝန်က
နှစ်တွေတစ်လျှောက်လုံး အဲ့နေရာမှာ
ပုန်းနေခဲ့တာ။သူက ပလတ်စတစ်ဆာဂျီရီလည်း
လုပ်ပြီး ကိုယ်ရေးရာဇဝင်ကို
ပြောင်းလဲထားတယ်...Nine Eaglesကသာ
သူ့ကိုစောင့်ကြည့်မနေရင်အဲ့လူမသင်္ကာစရာ
ကောင်းမှန်း ငါရှာတွေ့ခဲ့မှာမဟုတ်ဘူး"
လျန်ကျွင်းသည်တစ်ချိန်လုံး
တည်တည်ငြိမ်ငြိမ်နားထောင်နေပြီးမေးလိုက်သည်။
"အဲ့လူဘာဖြစ်သွားလဲ?"
Old Ghost လက်သီးတင်းတင်းဆုပ်ကာ
"ငါ့လူတွေ သူ့ဆီချဉ်းကပ်ဖို့ကြိုးစားနေတုန်း
Nine Eaglesခေါ်ထုတ်သွားတာ
ခံလိုက်ရတယ်"
စားပွဲဝိုင်းကအခြေအနေက
တဖန်ပြောင်းလဲသွားပြန်သည်။
ဒီမှာရှိတဲ့လူတိုင်းက အရူးမဟုတ်သဖြင့်
Phantomခေါင်းဆောင်ဘာကိုရည်ရွယ်နေမှန်း
သူတို့ရှင်းရှင်းကြီးနားလည်သည်။
ထိုသူပြောသော'ချဉ်းကပ်တယ်'ဆိုသည်မှာ
အဲ့လူနဲ့အဆက်အသွယ်လုပ်ခြင်းမျိုးမဟုတ်ဘဲ
Nine Eaglesလက်ထဲက အလစ်သုတ်ဖို့
ကြံစည်နေတာဖြစ်သည်။ထိုသူရည်ရွယ်ချက်ကတော့
ထုတ်ပြောရန်တောင်မလိုတော့၊
Nime Eaglesနှင့်သူမသာ
ကိုယ်အသုဘပင်။
သူတို့အဖွဲ့နှစ်ဖွဲ့လုံးသည်Annihilation
ဒါမှမဟုတ်လျန်ကျွင်းကို ဆန့်ကျင်ရန်
ထိုဆရာဝန်ကို အသုံးချချင်သောကြောင့်
ဖြစ်တော့သည်။
ကံမကောင်းအကြောင်းမလှစွာ Phantomသည်
လိုသလောက်အင်အားမတောင့်၍
ဖမ်းဆုပ်ရာတွင်ကျရှုံးသည်သာမက
Nine Eagles၏လက်တုံ့ပြန်မှုကိုတောင်
အပိုဆုခံစားလိုက်ရသည်။
အခုဆို လွန်ခဲ့တဲ့၂နှစ်တည်းကစပြီး
သူတို့တိုးတက်ခဲ့သောအရှေ့တောင်ဘက်ခြမ်းက
မောင်းထုတ်ခံနေရပြီဖြစ်ရာ Old Ghostတွင်
တခြားအဆက်အသွယ်လည်းမရှိသဖြင့်
ဆန့်ကျင်ရန်ကြံစည်ထားသောလူဆီကို
အကူအညီတောင်းဖို့ပဲရှိတော့သည်။
သူတို့အပြုအမူလောက်
စက်ဆုပ်ဖွယ်ကောင်းတာ မရှိတော့။
အဖြစ်မှန်တစ်ခုလုံးဖွင့်ပြောဖို့
တွန့်ဆုတ်နေတာမဆန်းတော့ချေ။
သူ့လူတွေကို ကယ်ပေးဖို့မပြောနှင့်
လျန်ကျွင်းထမသတ်တာတောင်
အတော်ကံကောင်းနေပြီဖြစ်သည်။
=============================