(10)
ريم:لاحبي لتحجين هيج اني احبج واخاف عليج
ياسمين:اي بس انتي المهم اكولج عيب اجي وياكم انتي وخطيبج اني شنو موقعي احسها فشله
ريم:لاعيب ولاشي انتي اختي وهلكد محجيت عنج حسام يريد يشوفج وبعدين هوميكول شي فديته
ياسمين:الله يخليكم لبعض ويسعدكم
حسام كان ينتظرهم بالسيارة ركبوا سلمت ياسمين عليه وظلت ساكته تفكر بكلام ايمن ومقهورة ،شنوذنبي اذا اهلي عافوني وفكرو بنفسهم نسو عدهم بنية
وصلوا للمول راحو يشترون وياسمين تساعد ريم وحسام وياهم طلعو من محل وحسام كان يدفع الحساب
ياسمين:ريم بعد وجودي ما اله داعي انتي وخطيبج اخذو راحتكم
ريم:لاولج وين تروحين متونسه وياج
ياسمين:لاحياتي مترهم واني اريد اشتري كم شغله
ريم:اوك حياتي انتبهي ع نفسج ومن تكملين احنه ننتظرج منطول احنه
ياسمين:اوك حبي باي
راحت ياسمين افترت بالمول شوية واتجهت للبوابه حتى تطلع،ايمن وصل للمول ظل كاعد بالسيارة اني شجابني هنا شنو راح انزل ادور عليها شكلي انجنيت ولمح ياسمين طالعه من مول هاي شتسوي وحدها ريم وحسام وينهم شافها تمشي بدون هدف نزل وراها وظل يمشي ع مسافة بعيدة شوية يشوف وين تروح،ياسمين كانت تمشي بدون هدف وتفكر بكلام ايمن اثر بيها هواية وانعادت الها الذكريات ونزلت دموعها
دخلت بشارع فارغ مابي احد وظلت تمشي جوي ولد ثنين يريدون يتحارشون بيها ايمن عصب وراح بسرعه عليهم وكام يعيط خافو منه لان كان اطول منهم وعنده عضلات وراحو بسرعه راح ع ياسمين وبعصبيه:شلون تمشين وحدج وبطريق فارغ انتي مخبله لومكنت موجود كان شسوو
ياسمين ظلت تباوع عليه بدون متحجي كلمه
ايمن شاف بعيونها نظره عتب حزن الم معرف شيكول ياسمين عافته وراحت تمشي ايمن راح عليها وكال:شلون تروحين هيج مو واكف كدامج
ياسمين دموعها نزلت متحملت وكامت تبجي
سحر الياسمين
By missdior96
قصه حزينة ورومانسيه عن فتاة تعيش وحدها بعد ان تركها والديها تواجه صعوبات في حياتها. More