انتهى الفلاش باك
أدهم بحب وهو يستيقظ بعد أن شعر بمن جعلته أسير الحب والعشق ... اخيرا شوفتك يا همس
همس ببكاء ولهفة ... أدهم حبيبي انت كويس انا كنت هموت أول ما سمعت اى اللى حصل و مين عمل كده
ادهم بمدابة ... يعنى كان لازم اموت قصادك عشان تنطقى وتقولى حبيبي
همس بخجل ... انت عارف انك حبيبي بس انا كنت بحاول ابقى همس الجديدة اللى تعجب أدهم وبعدين انا قلت لك آخر مرة لما ارجع هقولك و قلت لك كمان ان اول واحد هشوفه هو انت بس اتمنى اكون فعلا اتغيرت للأفضل اللى انت تحبه
أدهم... انا بحبك فى كل الحالات يا همس بحب طفولتك و جنونك بحبك بعيوبك قبل مميزاتك الحب لما بيجى يدق الباب مش بيختار جزء ويسيب جزء يا همس و كفاية عندى انك بتحاولى تتغيرى عشانى
همس بعشق.... ربنا يخليك ليا يا حبيبي بس انت اى إللى حصل معاك و...
بتر كلماتها ياسين وهو يدلف للداخل قائلا ... اى شجرة واتنين ليمون للحلوين
همس بخجل تركت يد أدهم واستقامت قائلة... ياسين؟! انت هنا ...
هيثم من الخلف... وهيثم كمان هنا اللى ميعرفش انك وصلتى
ركضت همس لحضن أخيها وقالت بعتاب... كده ماتقوليش اللى حصل لأدهم أخص عليك يا هيثم كان لازم تكلمنى و تقولى
هيثم... معلشي يا همس انا كنت عايز اقولك على كل حاجة بس أحداث كتير حصلت و...
همس بشك ... و اى يا هيثم هو فى حاجة تانية حصلت اكتر من كده و انا معرفشي
هيثم بحزن ... أميرة يا همس
همس بصدمة... لقيت أميرة يا هيثم هى كويسة صح قولى طمنى بالله عليك اوعك تكون زعلتها
هيثم... الحكاية كلها ان أميرة حاليا ....
أدهم قاطع كلام هيثم فى محاولة لإنقاذه من هذا الموقف الشنيع أمام أخته ... تعالى ياهمس انا هشرحلك كل حاجة بالتفصيل
همس بقلق... هو فى أى أميرة حصلها حاجة
أدهم... تهدى بس يا همس وانا هشرحلك
ياسين بتفهم ... خلاص يا هيثم اطمن انت على صحة اميرة وانا هشوف الدكتور عشان انقل أدهم القاهرة مش هينفع اسيب الدنيا هناك اكتر من كده عقبال ما أدهم يحل الموضوع ده
كاد أن يرحل هيثم ولكن توقف عند باب الغرفة متوجها بالحديث إلى أخته قائلا... سامحينى يا همس و فعلا كان عندك حق فى كل كلمة
ثم تركها ليكون الصمت عنوانها من الخوف على رفيقة دربها
بعد مرور ساعة وبعد أن سرد أدهم ما حدث بين أميرة وهيثم ومعه
همس ببكاء.... انا مش قادرة اصدق ان كل ده حصل مع أميرة لأ و أنت كمان كنت علم بكل حاجة وملمحتش حتى بكلمه ليه يا ادهم
أدهم.. انا عارف انك متعلقة بأميرة خفت اصدمك باللى حصل وحاولت انا اتصرف بطريقتى
همس بضيق.... ازاى هيثم قدر يعمل كده فى أميرة انا مصدومة للدرجة دى بقى شيطان
أدهم... انا عارف انه غلطان بس كلنا بنغلط يا همس و هو دلوقتى ندمان بجد و مش عارف يعمل اى خايف يفقد أميرة تانى و ابنه كمان ممكن يخسره و لو عايزة رأيي ده الوقت اللى لازم تقفى معه هو و أميرة هتحافظى على أميرة و تساعديها و أخوكى كمان هتساعديه يأسس عائلته من أول و جديد
همس بأقتناع... عندك حق يا أدهم فى كل كلمة أميرة تستاهل كل خير و انا هحاول أريحها و أساعدها
تركته و توجهت إلى غرفة أميرة على عجلة من أمرها
دلفت بحزن إلى غرفتها و ما ان رأت أميرة حتى ركضت صوبها و احتضناتها باكية أسفة قائلة.. انا اسفة يا اميرة انا السبب ارجوكى سامحينى يا أميرة
أميرة ببكاء... لا ياهمس انتى مش السبب ده نصيبى و كل واحد فينا له نصيب لازم يشوفه و انا صدقينى راضية و بحمد ربنا والله
همس بتأثر ... انا اسفة انى مكنتش هنا وقتها أقف معاكى و أحاول أحميكى يا اميرة
أميرة.... عارفة يا همس فعلا اكتر حاجة كنت عايزها انك تبقى معايا انتِ و سماح بس....
همس مقاطعة كلامها ... خلاص ياحبيبتي انا هنا معاكى ومش هسيبك ابدا ابدا هفضل جنبك و اطمن عليكى و اطمن على الحج اللى فى الطريق ده
أميرة بسعادة.... انتى عرفتى ؟!
همس... أدهم قالى كل حاجة و ربنا يكتبلكم السلامة انتم الاتنين يارب
أميرة... أدهم دينه فى رقبتى لآخر نفس فى عمرى ، بس طمنيني عليه هو عامل اى دلوقتى
همس... الحمد لله يا أميرة بقى أفضل على حسب كلام الدكاترة و ربنا يتم شفاه على خير
أميرة... اللهم آمين يارب العالمين
همس... المهم دلوقتى ان احنا اجتمعنا بعد غياب
أميرة بمحبة .... وحشتينى اوى يا همس اوى اوى كمان بس يالا احكى بسرعة اخبار الدراسة اى برا و كل حاجة
همس... فى الاول انتى اكتر يا ميرا وحشتيني و كمان البت سماح نفسي اشوفها
أميرة... انا كمان بقالى فترة ما اعرف حاجة عنها اختفت فجأة
همس... الله أعلم بحالها أكيد فى مشاكل عندها هى اللى بعدتها
أميرة... الصراحة انا و انتى اللى اختفينا مش هى
همس... عندك حق اهم حاجة يارب تبقى كويسة بس
كان هناك من يراقبهم بسعادة فهو يعلم أن بوجود همس ستكون اميرة فى ارتياح وراحة أكثر وستكون مهمته ابسط فى إقناعها لتظل بجانبه و أيضا حلمه بجمع شمل عائلته يقترب اكثر فأكثر
فى القاهرة
فى مكتب مختار الجمال
كانا يتشاوران بجدية و لا ينفكان من تدبير المكائد
فهد... تفتكر خطتنا نجحت و اللى فى دماغنا حصل
مختار بشك ... مش متأكد علاقتهم جامدة اوى و صعب تتكسر بسهولة مش عايز افرح على الفاضي يا فهد خصمنا صعب أوى و ذكى
فهد... بس انت عارف ان العلاقة طالما داخلها الحريم يبقى الله يرحمها و مفيش حاجة ترجعها ابدا
مختار... صح وعشان كده انا عندى مفاجأة حلوة فى انتظارهم هتقلب الموازين و يبقى كده عندنا خطة بديلة عشان لو حاجة حصلت نبقى فى المضمون
فهد بتساؤل ... قصدك اى؟!
مختار بخبث... لا دى مفاجأة بس هتعجبك اوى اوى يا فهد حاجات كده من اللى انت بتحبها
فهد... و أميرة ؟!
مختار بضيق.... انا مش عارف البنت دى عاملت فيكم اى عشان تموتوا عليها كده بالطريقة دة رجالة بشنبات و هيموتوا على بت مفعوصة
فهد بهيام... انت عارف انى بعمل كل ده عشان تبقى ملكى انا و بس يا بابا و بالنسبة فيها اى دى حاجة تخص قلبى اللى اختارها
مختار... عموما ياسين وهيثم لو وقفوا قصاد بعض لازم واحد منهم هيخلص على التانى وبالتالى هيبقى واحد الله يرحمه والتانى هيشرف فى السجن وأدهم بيحب همس و الطريق هيبقى فاضي للسنيورة وقتها ابقى انت البطل بتاعها و انقذها من الضياع و خليها بتاعتك يا سيدى
فهد بتنهيده... اااه انا منتظر اليوم ده من اكتر من سنه
مختار بسخرية... اكتر من سنة ليه و ازاى
فهد... هقولك يا بابا وقتها كان اول مرة اشوفها ضحكتها برائتها كل حاجة سحرتنى كانت لسه سكرتيرة عند هيثم وكانت صعبة المنال وحاولت اوصلها اكتر من مرة بس كانت بترفض وكل ماترفض اتعلق بها اكتر ولما عرفت ان هيثم حبها وعايز يتجوزها بقيت مستغرب ازاى عرف يوصلها و ازاى قدر يقنعها كمان انها تتجوزوا بس انا كان مستحيل اسكت لعبت فى دماغ يزن خطيب اختها الكبيرة
مختار بدهشة ... وانت تعرف يزن منين
فهد بسخرية... اصل انا و هو و هيثم دفعة واحدة يا ولدى
مختار... عشان كده هيثم يعرف اختها انا بقيت اقول ازاى عرفها
فهد... انا اقولك يزن كان بيحب رحمة بس هيثم مكنش يعرف و رحمة صاحبتها كانت أخت واحدة زميلنا تانى فاتعرفنا على رحمة عن طريقها بس الصراحة كانت محترمة جدا زى أميرة و كانت بتقف بعيد و يزن حبها و هيثم كمان البت عجبته زى ما أميرة كده عجبته و هى كانت بتتعامل معانا كلنا كزمايل و فى حدود و مش على طول كان التعامل فى الشديد فقط مش اكتر و هيثم حب يمتلكها بس هى لاحظت اهتمامه و نظرته مش عادية و لما فهمت هو عايز اى قالت ليزن لأن وقتها هى و يزن كانوا بيحبوا بعض و اتفقوا على كل حاجة و يزن شاف ان افضل حاجة لمنع الصدام انه يعلن خطوبته منها و ترك الشلة كلها و هيثم غروره خلاه يشوفها انها كانت بتلعب عليه و فضلت يزن عليه و من وقتها العلاقات انقطعت عشان كده بقولك طالما الحوار فى حريم يبقى قول الله يرحمهم كانوا حبايب
مختار بحيرة ... وانت بقى عملت ايه عشان تفصل بينهم
فهد... كلمت يزن وقلت له أن هيثم راجع عشان ينتقم بس المره دى عن طريق أميرة و انا باقى على العيش و الملح و حبيت احذرك من غدره كلنا عارفين اد اى هو مدلل و مفيش حاجة بتفرق معاه
مختار بإعجاب... انت شيطان بس خلى بالك لو هيثم عرف ان انت كنت السبب فى كل حاجة حصلت هيقلب اللعبة عليك و ساعتها هنكون حضرنا خصم جديد
فهد... مفيش داعى للقلق يزن اخذ رحمة بعد ما اتجوزوا وسافروا بعيد و مستحيل يتقابلوا مع بعض خلاص الموضوع أنتهى
☆☆☆☆☆☆☆☆☆☆☆☆
فى مكان مجهول
فارس بحنية... وبعدين معاكى ياجنا لازم تأكلى اى حاجة عشان تسندى نفسك عشان خاطرى طيب
جنا بألم ... مش عايزة يا فارس مش قادرة أكل اى حاجة معدتي مش قابلة الأكل خالص
عائشة فى محاولة إقناعها... يابنتى انتى تعبانة ولازم تتغذى كويس عشان تعوضى النزيف اللى نزل و صحتك ترجع تانى يا حبيبتى
جنا بقهر... اللى كنت بهتم بنفسى عشانها ماتت قبل ماتخلق على وش الدنيا خلاص اهتم بنفسي ليه
عائشة... كفاية ياجنا دى إرادة ربنا وبكرة ربنا يعوضك حرام الكلام ده ، القدر و النصيب محدش له علاقة بيهم ده مكتوب يا بنتى كلامك ده اعتراض على مشيئة ربنا أعوذ بالله
سماح... ماما عندها حق ياجنا لازم تفكرى فى بكرة والمستقبل ، و الماض خلاص راح لحاله وانتى فى عندك دراسة لازم تركزى هتعملى اى مش لازم تخسرى كل حاجة خليكى قوية بلاش ضعف و استسلام
فارس... استهدى بالله كده ياحبيبتى واسمعى الكلام كلنا جنبك و معاكى و بعدين احمدى ربنا هو رحيم بنا ويمكن كانت البنت تبقى تعبانة و تموتى بدل المرة ١٠٠ مرة و هى بتتعذب قصادك و فى الاخر تموت بس وقتها هتبقى روح قصادك و اتعلقتى بيها
جنا باقتناع... عندك حق يا فارس الحمدلله على كل شئ الحمد لله
فى الغرفة الأخرى
كانوا يرسمون خططهم بحكمة الكبار
فضل.... اسمع ياعابد مش لازم حد يعرف ان العداوة بينا انتهت لازم يفهموا ان احنا زى ماكنا عشان حسابتهم تتلغبط و نسابق احنا بخطوة انت فاهم كلامى
عابد... ماشي يافضل فهمت و عندك حق فى كلمة خليهم على عماهم
فضل بتساؤل ... ياسين و أدهم هيرجعوا امتى امال عايزين نطمن
عابد... النهاردة ان شاءالله ياسين هينقل أدهم هنا يكمل علاجه و يبقى تحت عنينا
فضل... خليه يتواصل معايا اول ما يرجع ضرورى يا عابد اوعك تنسى
عابد بشك... خير يا فضل فى حاجة ولا اى
فصل.. خير ان شاء الله ترتيبات فى دماغى عشان نبعد الحريم من الساحة يا عابد مش عايزنهم يمسكونا من ايدنا اللى بتوجعنا و يبقى عندنا نقطة ضعف نهائى عشان نركز مع الشياطين اللى بتحاول تدمرنا
عابد... كلامك كله صح و انا موافقك عليه و حاضر يا فضل هخليه يتواصل معاكم على طول أول ما يرجع من اسكندرية
☆☆☆▪︎▪︎▪︎▪︎☆☆☆☆☆▪︎▪︎▪︎▪︎☆☆☆
فى فيلا هيثم الزيات بالأسكندرية
بعد عدة محاولات مرهقة اخيرا اقتنعت بالذهاب ولكنها دلفت بخطى مترددة
أميرة بضيق... بس انا مش عايزة ابقى معاه ياهمس ومش عايزة اشوفه انا كده هتعب اكتر
همس... انا اللى هبقى معاكى يا اميرة لغاية ما حالتك تستقر و نطمن عليكى كله عشانك فى الاول و الآخر و هيثم مش هيبقى هنا اعتبريه سكن زى سكن زمان اللى اتعرفنا فى على بعض
أميرة... بس ....
همس... مفيش بس انتى عايزة ابنك ولا لأ يا أميرة
أميرة بلهفة وهى تحتضن رحمها... اه طبعا عايزة ابنى هو ده سؤال
همس...خلاص يبقى لازم تسمعى الكلام ارتاحى دلوقتى وبليل هنتكلم مع بعض فى كل حاجة انا لسه عندى كلام كتير عايزة احكى معاكى زى ايام زمان بس انتى لازم ترتاحى دلوقتى عشان البيبي
اميرة... وانا كمان مشتاقه اقعد معاكى و نتكلم و دلوقتى هروح اريح ولما اقوم نتكلم مع بعض للصبح
همس بمحبة... اتفقنا يا حبيبتى بس خلى بالك من نفسك و لو فى حاجة كل اللى هنا موجود عشان يريحك
أميرة... شكرا يا همس
دلفت أميرة لغرفتها بتردد وما إن دلفت حتى رأت غرفة مجهزة بأحدث الترتيبات وصور الاطفال فتحول خوفها إلى راحة ورسمت الابتسامة على شفاهها بلا إدراك لطالما كانت تعشق الأطفال بدأت تجوب فى الغرفة بفرحة و هى تمسك بعض الألعاب و الفرحة تغمرها كالطفل الصغير سرحت فى هذا العالم الذى تعشقه
ولكن آتى هيثم من الخلف ليقطع فرحتها قائلا... انا عارف انك مستحيل تسامحيني بعد اللى عملته معاكى بس صدقينى انا اتغيرت يا أميرة و ندمان و انا بنفسي مش عارف اسامح نفسي على اللى عملته بس انا عارف ان انا لسه جواكى وهيجى اليوم اللى هتسامحينى
أميرة بوجع... المطلوب اصدق كلامك و أرحب بيك و اقولك اخيرا رجعت لحضنى و افرش الأرض ورد واتزين لحضرتك و اقولك سمعا و طاعة
هيثم... هيحصل يا اميرة لما تحسي بالأمان معايا من تانى اوعدك
أميرة بقهر... الأمان والثقة انكسروا مرة يا هيثم وفى حاجات لما تتكسر مستحيل ترجع تتصلح انت انتهيت بالنسبة لى و وجودى هنا عشان ابنى بس و متقلقش ابنك هيكون ليك حق عليه وانا مستحيل أغضب ربنا واحرمك منه بس فى حاجة لازم تعرفها عشان أملك المزيف ينتهى و حكايتنا تخلص
هيثم بحزن .... اى كمان يا اميرة قولى مش هقدر امنعك
أميرة بتصنع القوة... مجرد ما اولد انت لازم تطلقنى يا هيثم طلاق بلا رجعه طلاق نهائى و ده هيبقى أول وآخر طلب بطلبه منك
هيثم بصدمة... طلاق !
أميرة... اه طلاق مستغرب ليه المفروض افضل على زمتك طول عمرى ، انا كمان عندى حياتى وهكملها دنيتى مش هتوقف على علاقة فاشلة ، ودلوقتى عن إذنك انا حاسة انى تعبانة وعايزة ارتاح وأعتقد أن لحد كده كفاية كل واحد قال اللى عنده و خلاصنا
ثم اغلقت باب غرفتها على عجل حتى لا يرى ضعفها و انكسارها فهى عاشقة له حتى الممات حتى و ان كان أقسى الناس فهى كيف لها أن تعلم القلب العاشق الكره لا قوة لها لصنع شئ هكذا
أما هيثم فكان فى حالة يرثى لها دلف لغرفة المكتب واتجه إلى صورة تجمعهم وهو ينفث سيجارة بضيق
ويعنف نفسه على الماضي ويلعن ذاته لأنه السبب فى تحطيم أطهر علاقة مع أعز إنسانة على قلبه