...رواسي ....
خالد....ها يوم ..رواسي وينكم ترى جوعان...صبولي عشه
رواسي...اي خالد هسه راح انصب ...
خالد...صدك رواسي شفتلج خط وباجر يمرلج ثمانية الا ربع...ويه
ولد صديقي واخته وياكم...سيارته اوبترا سلفي...
رواسي... شنو اسمها اخته..
خالد...واني شدراني شنو اسمها...
رواسي..اوف اوف ... يله اروح ويا وامري لله...
ثاني يوم قعدت وجانت الدنيا شته وبارده. ...
لبست الزي تنوره ولگ رصاصى..وحجاب ابيض.. وصار الوكت وطلعت انتظر
اوف ياربي وين صار ...صارت ثمانيه الاعشره..
واكفه وطبكت السياره وصعدت بالصدر لان خالد گلي صعدي
يم اخته لان مقبط الخط...
صباح الخير بصوت ناصي
البنات ردولي ...وهو هم ردلي بس بصوت ناصي مباوعت
بوجهه ابد لان كلش جنت ضايجه...
عرفت اخته ..شايفتها قبل بس محاجيات سوه...
وسلمت عليها ...
وصلنا المدرسه ...شفت امنيه والكأبه فول اني وياها...كملت
دوامي وجنت كارهة الخط والبي..طلعت انتظر وگفت يم
سری ،بس سلام بيناتنا ..
واجه
سری....اجه فهد همزين.
رواسي...هذا هو فهد صديق خالد الخابصنه بي...
انتبهت على شكله مابي شي يتعيب حليو ...صعدنه واني
گعدت بالصدر يم سری...
شغل اغنية لمحمد السالم (گلب ..گلب) والبنات الوره جانوا 3 گاموا يغنون ويدگون على لفكساتهم...
كلش معجبوني يتقصدون يتشاقون ويا وفرحانات والاستاذ
ماشي بهواهم ..
وحده من البنات گالتله...فهد ..فهد... علي الصوت .. تخبل
بسبس بسبس، ... وبسبس ميووو...
اني جنت ساكته ومحجيت ولا كلمه... لابسه الجينكو للكل...لان
صاعدات ويانه اسقط بنات ..
استغربت شلون ماخذهم خط .. مع العلم اخته عاقله وتقريبا
مثل طبعي..
رواسي....مرت 3ايام واني بالخط الجديد...
گعدت من النوم دايخه واول ماأوگف اوگع ...صحت ماما وجتي تركض عليه...
ماما...ماما...
ها رواسي شو لساتج بالفراش...گومي ترى حضرت الريوگ
....وابوج وعمار ديتريكون....
ماما دايخه فد مره من اوگف احس بدوخه...
اي هاي ماكو غير التهبت اذانج...من سبحتي البارحه
وطلعتي بالطرمه ورحتي بيت عمج ضربج الهوى...
انتي عندج امتحان اليوم...
لا ماعندي...
دنامي لعد وبالتسعه اخذج للمستشفى وينطوج علاج...
ماما اگلج گعدي خالد ...وگوليله يخابر على الخط حتی لايمرولي...
الام ....شیگعده لخالد هسه ..واكيد قافل باب غرفته...
رواسي....ماما
صيحي
عمار خل يجي يرتب چربايته ويلم
هدومه ودعاثيره الي بنص الغرفه...اني مابيه دايخه...
الام....اي هسه ادزه بس يكمل ريوگه...
...
عمار...شبيج من الصبح بس تنطین اوامر...
رواسي....شنو هاي دعاثيرك گالب بيها الغرفه گلاب ...رتبها قبل لتروح
للمدرسة..
عمار...انتي رتبيها شبيج مكسره.....
رواسي....ولك متشوفني مالي خلگ...
الله بلاني بيك بلوه...خالد خلصان منك واني المبتليه...
الام....شبيكم من الصبح بس تتناكرون...
عمار....ماما تدردم عليه ومتريدني انام وياها بالغرفه..
رواسي... شوفي گالب الغرفه ...ليش متوديله چربايته وغراضه
وينام ويه خالد...
الام....رواسي نامي وسكتي انتي مو مريضه ...شگد لغيتي الخاطر الله...
ابو خالد....نجوى صوت الخط مال رواسي...
طلعي بسرعه حاجي الولد....
اي يمعود طالعه...من العجله طلعتله للولد لابسه برجلي تك وتك...
ام رواسي....صباح الخير ابني...
فهد....صباح النور خاله...
الام....اليوم رواسي متداوم مريضه...واسفه منطيناك خبر لان خالد
تعرفه تنبل ومیگعد...
فهد....لا عادي خاله مصار شي عدها العافيه...
الام....الله يعافيك وليدي مع السلامه ..
وحده من البنات....فهد والله احنه دنضايق من رواسي
ودنوصل للدوام متأخرين...
نزلها وبعد التمر عليها بالخط...
فهد....والله انزلكم كلكم وابقيها بس هيه..
البنات....شدعواك عمي شگلنا قابل...
فهد.... اخت صديقي المقرب وآمن بيه عليها
وحده من البنات كلش خشم وشايفه روحها...
فهد....بگلبي اگوللهم لا والله لان عاقله ومو من طبعكم متعجبكم)
فهد.... انتبهت على نفسي شلون ضجت لان مجتي ومن حجوا البنات تنرفزت...
رواسي... ودتني ماما وانطاني الطبيب كورس ابر وحطلي کانوله...
فهد....حسيت اليوم فراغ بداخلي لان مشفت رواسي...معقوله مشاعري تحركت عليها
صارت ساعه 10 بالليل...وبقيت احوص اريد اعرف راح
باجر لولا...
واريد اخابر خالد .. بس بقيت متردد...اخر شي خابرت
وشفتها عادي لان اني ابو الخط مالتها..
هلو خالد شلونك
هلو فهد بخير...شو محد شافك اليوم
والله ملتهي ....عندي شغل بالبيت ...اگلك خالد نمر باجر على اختك لو لا...
هسه اسألهم فهد اصبر...
رواسي تداومين باجر علمود الخط يمرلج
رواسي....اي اي اداوم خل يمرولي...نفس الوقت..
آي فهود مرلها...
اوكي خلودي تصبح على خير..
فهد.... سديت التلفون وبداخلي ارتاحيت...وضحكت على
روحي شبيه يمكن داراهق اني من جديد. ...
فهد.....هاي البنيه بيها شي مميز جذبني من بين الكل... موشغله ترتیب واناقه...بس ثگيله وهذا العجبني بيها...
فهد....گعدت الصبح وبدلت واتعطرت مشتاق اشوفها...
سری...عيني شنو هالاناقه والعطر ...نیالها لتاخذك ياحلووو...
فهد....ام السان عجبتج...
سرى....اي طبعا...سالب قلوب بنات الخط انت..
فهد.... لا والله ومنو بيهن خاتونه...
سرى....ال 3 الوره كلهن يريدن ينسقن وياك...
فهد....ههههههه... عبالي الي بصفج...
سرىهاا ابو الثگيل...شنو فلمگ.مبین
فهد...اسكتي ولج ... اني اخوج الجبيراستحي...عله روحج
سری....مابيها شي خالد...والله رواسي ورده...
مميزه بالمدرسه بلبسها واخلاقها وماعدها كلشي ثگيله... صديقتي بصفها وتسولفلي عنها تريد احجي وياها
فهد... لا ولج تصير اخت صديقي لتفشليني عوفي كلشي للوكت
سرى . براحتك
يتبع part3