رواسي

part4

.....رواسي.....
*****
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
*****

رواسي .. صار عندي فضول ورغبه اريد اشوف فهد من شباج المطبخ ما اكدر اباوع ...امي

تحس عليه رحت من شباج الصاله صاير عله الحديقه وختلت وره البرده حالي حال

الحراميه ...عين على الحديقه وعين على باب الصاله لحد يفوت وانلكف...
واخيراااً شفته....

شكد شكله بجذب الشخص لابس بنطرون بيج وبلوز زيتوني وجسمه حلو ....

من شفته كَلبي دك سريع وحسيت عيوني مشبعت منه ...خاتله مثل الحراميه وصاحتني امي رحت ركض ...

الام . ما تكوليلي وين انهزمتي ....

رواسي . رحت للحمام ما عرف شنو طب بعيوني

الام .يله كملي اخوج راح ي٠ي ياخذ الغراض ..

دتحجي ماما وجان يفوت خالد....

خالد . روحي رواسي فتحي باب الكليدور ..راح نفوت جوه ...شكلها راح تمطر ...همزين بعدنه ما سوينه الشوي
رواسي • اي...اي... رايحه..
رواسي...فاتوا جوه واسمع صوته وضحكته ...طبعا شخصيته
كلش حلوه ومحبوب...
خلصت العطله وشفته بس مره وحده ...وبده الدوام...

رواسي...اگلك خالد...خابر على ابو الخط مالتي وگله يمرولي
باجر...

خالد .... اي هسه اخابره...
خالد...هلو فهد مشتاقين
فهد.هلا خالد حبيبي
تمرون باجر على اختي ...
فهد .ان شاءالله سبعه ونص نمرلها..
خالد . تمام يله حبيبي ثيمالله
تصبح على خير
فهد...شيجيب باجر واصبرشلون...ممصدگ راح
اشوفها...بس اني ماريد انجرف بمشاعري زايد الا اشوف
هواها وين يميل...
فهد • كعدت الصبح...وبدلت وتعطرت...
سری... احم احم شنو هاي عيني...نيالها ..

ولج سدي حلگج والتهي بدروسج ... احسن لج...

رواسي...گعدت نشيطه كلش وبدلت واتأنقت...وطلعت اركض
انتظر الخط...
اجه فهد وگلبي گام يدگ سريع ، عرفت نفسي وگعت بشباك
حبة...
صباح الخير...
فهد وسری... صباح النور
اندارت سری عليه وتسولف...لان اني گاعده وراها ...
سری....شلونها عطلتج ...شنو الجديد بيها...
رواسي... الحمدلله لاجديد...
سری.... عبالي انخطبتي مثل زينب ...
رواسی...زينب الويانه بالخط؟؟؟؟؟
سرى..اي عيني ... انخطبت وبعد متجي ويانه...لان خطيبها يغار
عليها...اوووي...ههههه...
يعني بعد متگعدين يمي ...هذا مكانج عيني..
رواسي... استرقت النظر على فهد وعينه صارت بعيوني
بالمرايه... استحيت ودنگت...
مرينه على البنات واخذناهم...وصلنا للمدرسه ...
ونزلنا....
البنات ...باي فهد..
فهد... باي..
رواسي... مع السلامه
فهد... الله وياج...
رواسي... يمه گلبي ...من دون الكل گلي الله وياج...
مرت الايام وصارت بيني وبين فهد نظرات مفضوحه ومواقف
حلوه...
رواسی...من خلال وجودي بالخط عرفت فهد كلش رومانسي لان اختياره للاغاني بذوق..
مره راجعين من المدرسه ..وسری ممداومه چانت مريضه. و وصل
البنات وبقيت اخر وحده...
شغل اغنية اليسا (جوايا ليك احساس بيكبر كل يوم)
وتقصد يمشي بطيء
بذاك اليوم حسيتها رساله من عنده وحب يوصلياها...
واني مشاعري متنوصف ...لو مو العيبه
اگله اني احبك ...اي احبك...يااحلى حب وانقى حب
احلى لغه بالحب هي لغة العيون...
لان الرجفه بالگلب متنوصف ...والخوف ومشاعر حلوه...
وصلنا للبيت...وما ينطيني كَلبي انزل...نزلت وسلمت بهمس
مع السلامه...وجاوبني...
مع الف سلامه...
فهد....اوف بعد مااتحمل البعد ... اني حبيتها وهي نظراتها الي هم مفضوحه...لازم احجي وياها بس شلون...مااريد

اطعن صديقي...بعد ما أمن بيه على اخته...
اتأكد من مشاعرها وادخللها من الباب...
مرت الايام ...ويوم بعد يوم أحلى من الي قبله...

سری... بنات اليوم اخر يوم وياكم حبايب وباجر تبدي عطله
الأربعين يوم..يعني راح ينقص واحد من الخط...
رواسي...حبيبتي بالتوفيق ان شاء الله لتكطعين بينا...خل
نشوفج عود...
سرى..ان شاء الله حياتي...
ثاني يوم داومنه ومرلي فهد اول وحده مثل كل يوم...وصعدت
وسلمت بس بخجل...
رواسي..صباح الخير...
فهد...صباح الانوار.
هالمره اول ما صعدت شغلي اغنية وائل جسار (بحبك مش حقول تاني)...
اني بايعه ثگل ودایره وجهي على الشارع...
وصلنه بيت نور بنيه ويانه بالخط...
راسا فتحت باب الصدر وصعدت يم فهد... صدگ استغربت
الصلافتها وشبيت بنار...
فهد....نعل حظ الفگر ...هاي شصعدها هنا...اباوع على
رواسي وجها گام ينطي الوان...
واني كلش ضجت ...وصلتهم للمدرسه...
ونزلت رواسي وسدت الباب بعصبيه...حتى مسلمت..
عرفتها معجبها تصرف نور...واني هم معجبني...بس شنو
اسويلها ...
• رواسي....طول الدوام عيوني بگصتي وطافره روحي...
أمنية... شبيج يولي اليوم
رواسي ..لج هاي نور خبلتني ...شگد حقيره ووقحه ... اليوم صعدت يم
فهد وجننتني جنون...
امنيه...وفهد شنو گال ...عجبه تصرفها..
رواسي...فهد ارتبك وحس بيه ضجت...
امنيه... تستاهلون متفضوها عادينه...
رواسي.....قابل شسوي ... اني اروح اصارحه...غير هوه
يجي والله دقني دق...
وهسه هم بالرجعه راح تصعد الحقيره بصفه...
لج گوليلي شنو اسوي...
أمنيه...شمعرفني شتسوين ...گعدي انتي يمه بالصدر وفضيها...
خاف مترضين..غير خالد يكفر بيه...لو اربعه بنات احنه اگعد
مابيها شي، بس مو 3 بنات...
رواسي • صدگ امنیه عليج الله سويها لاأختج اليوم...
امنيه...شكو شبيج يا مخبله... شتريدين...
رواسي..عليج الله تعالي ويايه اليوم للبيت ...انتي مو جنتي دائما تجين
نقره بالامتحان...
امنيه...يولي مجايبه تلفوني والله...
رواسي..هسه اشوفلج وحده من البنات وخابري .... الله عليج..
سهی...سهی...جايبه تلفونج...
سهى..اي شتسوين بي...
رواسي...بس امنيه تريد تخابر اهلها...
سهى...هاكم بسرعه لتجي مدرسه وتشوفه وتسويلي مشكله...
رواسي... بسرعه تصلي عله امج وانطيها علم
أمنية...صار يا مخبله ...هلو ماما شلونج راح ارجع ويه رواسي عدنه محاسبه
باجر ونريد نقره سوه...
وخلي علاء يمرلي ساعه 3...شكرا ماما باي...
رواسي...ها بشري...
قبلت یامخبله...
يتبعpart5
راح تبدي الاحداث المشوقه انتضروني ب بارت جديد