رواسي

part 17

رواسي....

حبيبي ادلل...

تسلمين حبيبتي...باجر بالسبعه تمرلكم هي وسری...
هله بيها ....اوف يوم عيد يوم الي انت تجيني ..
مشتاقتلي...
اووو كلمه مشتاقه قليله والله العظيم...
الله کریم حبيبتي....
رواسي .... فرحت حيل وانطيت خبر لامي ...
ماما باجر خاله ام فهد راح تجي واكيد راح تفتح الموضوع...
ماما بداعتي انهوا عذابنا ...كافي بعد گلوبنا متتحمل قهر
وفراگ...
الله کریم بنيتي البي خير يقدمه ربج...
وبعد مااظن ابوج عنده اعتراض ...
وره وفاة احمد الله يرحمه...
الله يرحمه...

وصيت ماما تحجي ويه خالد وبابا...
وحجت وياهم...
الحمد لله ...كانت ردة فعلهم تبشر بخير...
..
رواسي... كعدت ثاني يوم نشيطه ونظفت البيت وحضرت كيك
وترتيبات ..
وصارت ساعه 6 وخابرني فهودي...
هلو حبيبتي شلونج....
هلو گلبي ..... فهودي راح يوگف گلبي لان خاله راح تجي...
شدعواج حبيبتي لعد من تشوفيني شراح تسوين...
اوووف (بتنهيده) حلم شكبره صارت شوفتك....
يمكن اموت من الفرحه...
اسم الله الرحمن.... بلياها شوفتي لعد...
انت بس تعال والباقي شيصير خل يصير...
مشتاقتلي...
والله اذا اكو شي اقوى من الاشتياق فهذا احساسی واضربة في مية...
كافي عيني مااتحمل هيج حب...راح تموتيني...
اسم الله فهد لتظل تعيد كلمه الموت مااتحملها صعبه....
حبيبتي امي راح تجيكم ساعه 7 وانتي اطلعي تلگيهم...
ان شاء الله حبيبي...
احسد امي لان راح تحظنج ... اوف ياريت اني بمكانها...
اوف فهد ترى الاشتياق عندي وصل حده ...
كافي سد التلفون خل اتحضر مبقى وكت...
يله حبيبتي روحي... باي
باي عمري..
....
رواسي... لبست فستان جوه الركبه لونه چويتي والاكمام بیج
كلش انيق ...
وفتحت شعري وحطيت مكياج ترابي ..وشدو چويتي...
صارت ساعه 7 وطلعت اني وماما اركض افتح الباب..../
رواسي... فتحت باب الشارع وطبت خاله وسري وبوستهم اني
وماما...
وخاله ام فهد صاحت...
فهودي تعال وليدي...
رواسي...شگد مااحجي مينوصف احساسي..
فات ابو طول الحلو وعيوني گامت تجري وتصب دمع نسيت
امي وامه ومهتميت باي احد...
ردت اوگع وسندتني ماما...
عيونه اوف عيونه بيها لمعه وحب...
اووف يملي العالم كله...
عيون فهودي بيها فرحه ودمعه ...وحاله مثل حالي ..
فدوه شنو شايل سحر ...
اووف باوع بعيوني وانطاني ابتسامته الساحرتني...
فهد....شلونچ خاله ان شاءالله مرتاحه...
ام خالد....هله بوليدي الحمدلله على سلامتك تفضلوا...

فهد.... اووف لو مو العيبه چان حضنت حبيبتي...
جان بودي اضمها بگلبي وبين ظلوعي...
ردت فعلها دمرتني ولو اني حالي اصعب من حالها..
..
..
رواسي...فات فهد گعد بالصاله ويه بابا وخالد
وفرحوا بجيته لان صديق خالد المقرب وبابا كلش يحبه..
واني گعدت بالهول و ممصدگه روحي ابد ...
رحت للمطبخ ابجي ومنى حاضنتني...
واگوللها گرصيني ...خاف اني بحلم...
رواسي...شفتي منى بربج مو يجنن...
شفتي شگد حلو و جذاب...
اي حبيبتي لایگین واحد للثاني...
الله يتمملكم على خير ان شاء الله...
الله يسمع منج ياربي....
فهد....سولفت ويه عمو وخالد وفتت بالموضوع...

فهد.... عمو تعرف الظروف...شلون طشرت العالم هسه...
واعذرني لان جاي وحدي بدون عمامي....
اني جايك ويشرفني احط ايدي بايدك واخطب بنتك المصون ..
واتمنى متخذلني وتكسر بخاطري واني عشمان بكرمك انت
وخويي خالد...
...
ابو خالد... انت وليدي ويشرفني انطيك بنتي
بس انت وضعك يا ابني ودوامك شويه صعبه...
فهد.....عمو اذا شغله ماده ...
اني مرتب وضعي ...واصوغها ذهب وماقصر...
وبيت اهلي موجود ملك وسياره عندي والحمدلله...
واذا على وضعي الحالي بدوامي... فهذا شرف الي اخدم
بلدي...
واذا على الخطوره فالاعمار بيد الله هو الي يحددها...
وبشاير الخير جايه والمحافظات بدت تتحرر بالتدريج...
والانبار بدت تتحرر ،يعني راح ينتهي الكابوس.....
شگلت عمو...
شگول بعد يا ابني ... انت منطيتني مجال انتقد لوا علق.....اني
مشتري رجال واتشرف بيك...
فهد....رحم الله والديك عمي... نقره الفاتحه ان شاء الله...
ابو خالد...فاتحه خير ومباركه ابني...
رحم الله والديك عمي...
عمي اني دوامي عشر ايام وارجع ..
اريد ارتب وضعي واگطع مهر
والزواج من بعد اذنك من تتحرر المناطق البقت من الانبار...
الله يسهل ولیدي...
ابو خالد....خالد ابني انطيهم خبر وگوللهم قرينه الفاتحه ...
خالد...ياجماعه انقرت فاتحة فهد ورواسي...
رواسي...من سمعت أنقرت فاتحتي ...گلبي من الفرحه راد
يوگف...
وخاله والكل باركولي وبوسونی...

ام فهد....كلليش كليش بالمبارك علينا وعليكم ان شاء الله.

رواسي....راحوا فهد واهله...وحاسه نفسي بحلم...
خابرت فهد...
هلو فهودي...
الج هله ياروح فهودي...لج هله يا شغف فهودي...
هاي شنو ملاك انتي....
والله لو مو العيبه جان حضنتج وحطيتج بگلبي..
حبيبي فهودي اموت عليك يا ابو المفاجئات..
شلعبت بيه اليوم والله ردت اخرب ...
مخفت عليه يصير شي بيه...على دقيقه حسيت گلبي راح
يوگف..
اسم الله حبيبتي....
فهد.....مبروك خطوبتنا حبيبتي والله ممصدك والنبي...
انتي هسه صرتی خطيبتى رسمی...

شيجيب باجر ...واشوفج بي ممصدگ ...
...
ثاني يوم
...
اتفقت ويه اهل رواسي ومريت اخذتها هي وخاله ...
ورحنا للمختبر كملنا فحوصات حتى نگطع مهر ثاني يوم...
خاله ام رواسي ورده مال الله ومتفهمه حبنا...
ثاني يوم رحنا للمحكمه گطعنا مهر ..
الحمدلله والشكر الف مره رواسي صارت مرتي...
عشت احلى ايام وياها ...
يومية طالعين .....كملنا النيشان والذهب...
وصار موعد رجعتي ...ورحتلها...
ولاول مره بقينا وحدنا گاعدين ...
خاله عافتنه لان ثاني يوم راح ارجع التحق بدوامي...
فهد...تعالي گعدي يمي ممصدگ بقينا وحدنا
حضنتها قوی وبستها من راسها

يتبع ....18 part  والأخير
ان شالله اليوم بليل انزل الكم اخر بارت