رواسي...
اوف منك ومن سوالفك فهد...
..
رواسي..اني اصلا مبدله ومرتبه نفسي...
طلعت اخذت مضيفه الچكليت وضيفت ام فهد....طبيت
عليهم..
السلام عليكم .
ام فهد...هله وميه هله بالحلوه ...صلوات على محمد محروسه
من كل عين...
رواسي..جبت عصير وكيك وضيفتها ورحت گعدت بغرفتي...
وره ساعه راحت ام فهد...
واجتني ماما...
ام خالد.... رواسي تدرين ام فهد ليش جايه....
واني شدراني...
جايه تخطبج لاابنها..
صدگ والله...
تسوين نفسج متدرين ...... یعنی.. •
رواسي..لا واني شدراني...
الام...والله اذا اعرف عندج شي ويا ...اسگطج والعب بيج طوبا
رواسي... عوفج من التهديد گلتها بضحك....وانتي شنو
كتيلها...
گتلها اشور ابوها واخوها ويصير خير...
رواسي..يعني اذا بابا وخالد يقبلون راح تنطوني اله.
الام...لج رواسي شو گلبي لاعبني وحاستج مستغفلتني وتضحكين
عليه...
رواسي..ماما ماعندي شي صدگيني...
ام خالد....الولد مابي قصور حلو وكاسب وحالته الماديه مثل
حالتنه....
بس يبقى الشور والراي يم ابوج واخوج...
الان ابن عمج حاجي بيج قبله واتوقع ابن العم يكون ابده من
الغريب...
رواسي....اخذ احمد نهائيا ...خاف تگولین..
الام..ها ولج يعني حابته لفهود مووو...
رواسي...مو شغله حابته لوشي..... بس الولد حباب ومابي
عيوب....واحمد اني دائما معتبرته مثل اخويه...
ام خالد...هسه عوفي الموضوع ...كلشي بوكته...
فهد..... دگت عليه امي ومريت اخذتها من بيت
رواسي...وصعدت ويايه...وجانت اعصابي مشدوده ومرتبك
...خايف من رده فعل أهلها...
ها ماما بشري شنو گالتلج امها...
اصبر شويه...بالاول الواحد يسلم...مو گبل يزرگ بالحجي...
فهد..يوم هلووو...دحجي والله اعصابي مشدوده...
اي عيني روميو...
اهلها خوش ناس وامها رحبت بينا وگالتلي اشور ابوها
واخوها ....والبي خير يقدمه رب العالمين...
فهد..زین مگالتلج ابن عمها حاجي بيها ورايدها...
لا مگالت ابن عمها...بس گالت يجوها ناس وابوها ...عنده
مبدأ میزوجها الاتاخذ شهادتها...
فهد..اووف اووف..
الام..شكو شبيك النوبه...
فهد...يمعوده ابن عمها طلعلي مثل اللكمه بالزردوم...
الام...يا ابني عوفها على الله واذا نصيبك هي...تری متصير
الغيرگ....
فهد...الله يسمع منج ياربي...
فهد ....صارت ساعه قريب 8 بالليل رحت لبيت رواسي....واني اعرف خالد يرجع قريب العشره..
رواسي... اباوع على الساعه وگلبي كلما تقرب على الثمانيه
يدگ سریع....
صارت ساعه 8 الا وطلعت بالطرمه ،وسمعت صوت سياره طبگت واندكت الباب ....يمه گلبي
طلعت ارگض فتحت الباب...وتفاجئت..
احمد....هلو رواسي شلونج
هلو احمد بخير الحمد لله... اتفضل فوت
احمد..لا والله مستعجل ، بس دزني ابويه انطي هذا الفایل مالت ريم
العمو...وهاج انطيهيا...
ان شاء الله نمرلكم باجر...مع السلامه..
رواسي...هله بيكم ...مع السلامه..
فهد..... اجيت على الموعد ،وشفت احمد ابن عمها غالب واگف
بالباب وديحجي ويا احد.....
اكيد هيه بس ممبين منها شي ...
صعدت عندي الغيره فول رحت اخذتلي فره بالشارع الثاني
...ورجعت وشفته ماکو رایح...ونزلت ..
رواسي... يمه شلون صدفه گشره ،شجابه هذا حظي
الاگشر...بس لا فهد شافه وراح...
توني طبيت بالمطبخ داسد الباب وسمعت صوت سياره طبگت
...وطلعت ركض...
اندک الباب وفتحته وطلع هالمره فهد حبيبي...
فهد....جانت صاعده عندي الخبالات فول ،
رواسي.... هلوو
فهد... هلو عيني
هاج التلفون بي رصيد ، دگیلي اليوم انتظرج من
ينامون...باي..
اخذته على السريع وضميته بجيب التراکسوت...
وكتله باي...
رواسي....هذا شبي، ولا چنه هو معرفته ...يحجي بجفاء...كل
من وره احمد اتخبل اكيد...
ام خالد....وين جنتي صارلج ساعه بالطرمه...
رواسي....ها.....هذا أحمد جاب فایل دازه عمو غالب لبابا...
الام..العد ليش مفات جوه...
رواسي...مستعجل... وگلي باجر راح يجون...
الام..اي و وراها هم طلعتي على الباب شفتج...
رواسي...آي هذا ولد صديق خالد ،يسأل عليه وكتله مو هنا....
الام...مگلچ شنو اسمه...
رواسي...خفت اكلها فهد، خاف ميعجبها.....لا مگال...
رواسي... رحت اركض للغرفه حايره بالتلفون وين اضمه..
وحاسه بروحي مثل الواحد بایگله بوگه...
شلون ورطه هذا يريدني احجي ويا بالليل ، وعمار ينام
يمي،، اوف شورطت روحي بسالفه التلفون...
سويت العشه وتعشينا...
وگاعدين كلنا بالهول ... ساعه 11 كمت ...
رواسي...تصبحون على خير..
ابو خالد...بعد وكت باباتي..
رواسي... بابا راسي ديوجعني... انقهرت لان حاسه بروحي
دخون ثقة اهلي...
عمار....رواسي انطيني التلفون
رواسي... عزه ، فزيت....ها ياتلفون...
عمار..تلفونج شبيج، اريد العب بي...
رواسي...اي روح اخذه بالمطبخ على الميز...
عفتهم ورحت طفيت اضوية الغرفه وفتت جوه الغطه...ودگیت..
فهد....رجعت من يم رواسي حيل مغثوث ..وعشی متعشيت
عفتهم وطبيت لغرفتي..
متمدد بفراشي ودكت رواسي...واني خازنها (شف) يعني
اعلى درجات الحب معناها...
رواسي...بصوت ناصي...هلوو فهد
فهد...هلووو ...شلونج
رواسي..الحمدلله شكو شبيك ، مفرحت من سمعت صوتي...
فهد..والله ضيعتيها لفرحتي من وراج..
رواسي..شكو، ليش شنو سويت اني..
رواسي.... شبيك فهد تحجي ويايه برود...شنو تگولي ضليج
من ورایه...خاف لان شفت احمد اجه بالموعد مالتنه..
فهد....لا طبعا مو على هاي...لان ادري جيته صارت صدفه..
رواسي..العد على شنووو؟؟
فهد...على لبسج رواسي...تراکسوت وشعر گدام ابن عمج ...طبعا
يحطج باله ...
رواسي...اني هذا لبسي دائما احب اكون مرتبه ، البس
النفسي...مو لابسه علمود احد...
فهد....شفتها انطعجت...وبديت اخف عليها، لان هي تربات
بغداد وهذا شي عادي مو مثل بناتنا يلبسون الحجاب گدام
ولد العم...
فهد....حبيبتي انتي جوهرتي الي وبس
يتبع....part8
ESTÁ A LER
رواسي
Romanceليس لكل حب نهايه جميله ولا كل محب نال محبوبته احياناً تكون النهايات موجعه قصه حقيقيه للكاتبه (زينب التميمي )
