رواسي....
فهد..اذا نطلع لازم نروح ونعتمد على نفسنه...وما اكدر على
الايجارات والبهذله...
رواسي..اوف يافهد والله راح اموت ...اني راح اروح وياهم بس روحي
تبقى يمك...
فهد..انتي روحي بالسلامه وية اهلج وان شاء الله ترتاحون...واني
خليني بضيمي واشكي همي لليلي..
ولو الليل دموعه قاسيه وساعاته طويله والصبر قاتل...
رواسي..اوووف كافي راح تموتني والله بحجيك هذا...
فهد...يله حبيبتي نامي وراج طريق ... ابقى انتظر اتصالج .
مع الف سلامه...
رواسي...الله يسلمك حبيبي ويجمعني بيك يا اغلى من عيوني وروحي
والله...
رواسي... سديت التلفون...وچنت محتاجه قرب من ربي ...
رحت توضيت وصليت ركعتين لله ودعيت...
ياربي اني مسكينه ومالي غيرك يارب انت شاهد على حبنا الطاهر...یاربي رايدته منك ...تحفظه وتجمعني بي
ولاتحرمني منه....)
فهد....بقيت اتكلب بفراشي واذن الفجر ...
وگالتلي رواسي وره الصلاه يطلعون...صليت وشكيت همي
الربي..
حاس روحي دتنشلع من مكانها ...ياربي صبرني على فراكها
واحفظلياها من كل شر....
رواسي....اتحظرنا واجوي بيت عمي غالب وبيت عمي
الصغير مثنی هم بسيارتهم.....واخذنا الظروريات ... ومشينا
وطلعنه مدينتي وعفت بيها أغلى مااملك حب حياتي ..
باوعت اخر نظره عليها ونزلت دمعتي ...اوف ياربي شلون راح
اتحمل واصبر على فراگه..
فهد شخص نادر وجوده بهذا الزمن ومو بالسهوله احد يگدر يحصل عليه...وحتى اني احسد نفسي لان هو حبيبي...
ياربي أناجيك صبره وصبرني على الفراگ...وهون علينه
اثنينا...
بقينا نمشي بطرق واماكن نطب بودیان وصحراء الرهبه
والخوف الي عشنا بالطريق چان قاتل...
وصلنه العصر يم عرب بيها كم بيت نزلنا النسوان والجهال
حتى نغسل ...
والناس حبابين گالونه باتوا هنا ..
..
رجال جبير حجه ويه بابا وعمامي...
(مسوا الليله ځدرنا ... الدواعش يحطون سيطرات وهميه
ويصفون الويلاد والمنتسبين .
حدروا هينه مسوا وتعشوا وتوكلوا بالله من شكة الفجريه ....يله
طبب العويلات والحريم جوه بالديوانيه...ترى زادنه وخيرنه.... چتير بويه)
ابو احمد ....رحم
الله والديكم انتو اهل جود وكرم...
ومابيكم قصور...
عزلونه احنا النسوان والجهال وحد ...والزلم وحد...
رواسي... بتنه يمهم وحاولت بس احصل فهد بس ماكو شبکه
يمهم...اوف هسه ينجن
فهد..... عشت حاله رعب ...لان ابن عمها منتسب ...والف
حسبه جتي بالي شفتها ماكو شگد حاولت احصلها بس
ماكو كله مغلق...
أيست والافكار السوده عشعشت بدماغي...
رواسي....مگدرت انام بقيت اتكلب والصبح ويه الفجر تریگنه
ریوگ عرب (خاثر وخبز حار وتمر)
تشكروا منهم بابا وعمامی....
وطلعنه...نكمل طريقنه ...شفنه کم سیاره وطبينا وياهم وبعد
عناء ومشقه وصلنا حدود كربلاء بالنخيب..
وجانت الدنيا مگلوبه گلاب هناك...
ميخلون احد يطب وبقينه واكفين ساعات بالسيطره ...بين
ماخوالي سووا کتب واجوي اتكفلونا
ودخلنا...
..
وباقي الناس.. مسوين مخيمات وديودوهم عليها..
رواسي...دزیت رساله...
احنه وصلنه کربلاء...وبس تصيرلي فرصه اخابرك
ياعمري...
حبيبي
فهد.... اعصابي تلفت...ورحمه الله واسعه.. اجتني رساله من
رواسي وقريتها ...وبدون وعي نزلت سجدت شكر لله...
رواسي..وصلنا بيت جدو واتلگونا بيبي وخوالي جانوا
موجودين...وبيبي تبجي ممصدگه الله نجانه...خوالي ذبحولنه على سلامتنه...
بقوا ملزمين بيت عمامي ...گالولهم اليوم سبحو وارتاحوا
وباجر توكلوا...
رواسي... اني حطيت غراضي بغرفه بيبي ، اني كلش احبها
وهي حيل متعلقه بيه...
بيت جدوا بي بس بيبي الشيخه ...وخالو حسوني ومرته منی
وعنده بنیه و ولد...
وخوالي الباقين كلمن عنده بيت ....تجار ومرتاحين ...
ثاني يوم راحوا عمامي ...واحمد
سلم عليه ... وگلي ارتب وضعي وادز عليكم لبغداد حتى نعقد
مهر محكمه...
طبعا احجي ويا مجبوره ومذبوحة....
ريم بجت خطية على اهلها وقهرتنا ...بس امي حبابه متخليها
تحس بفراگ اهلها...
بابا مستحي من گعدتنه بيت بيبي...
ابو خالد....حجيه ماقصرتوا .. بس احنه ندورنه على بيت
تاخذون راحتكم...
الحجيه ام علي.....لا مو حلوه منك يا ابو الاصول...لو اني و
ولدي قاصديك ....تقبل نطلع من بيتك...
ابو خالد...لا والله حجيه اشيلكم بعيوني...وعيوني تصير الكم عين غطه
وعين فراش...
الحجية...والنعم من ابو خالد... لعد خلي هالسالفه
بأذنك...متطلع من بيتي الا على بيتك
ابو خالد... والله والنعم منكم يا أمي متقصرون... بس احنه
منريد نثگل خاف شغله داعش بطيه مثل سوريا...
شكد متطول طول....هذا بيتك واحنا خطارك..
ابو خالد..العفو يمه العين متعله على الحاجب..يدوم عزكم بحسج وبحس
الولد...
الحجيه....منى بنیتي نظفى الغرفتين الفوگ ...وحده لبيت ابو
خالد والثانيه للعريس الغالي خلودي...
وحبيبه گلبي رواسي تنام يمي على جربايتي وبغرفتي...
رواسي..حبيبتي بيبي الله لايحرمني منج ...
....صارلي مجال وخابرت على فهد....
هلو فهودي حبيبي...
فهد...هله یاروح فهودي وگلبه وعيونه مشتاقلج بگد الدنيا والله وبگد
رحمة الله....
رواسي..والله اني مشتاقتلك موت ..ولو تدري شگد ضعفت
هاليومين من وراك...
حبيبي
فهد..ليش حبيبتي...
رواسي...والله مااشتهي اللكمه ....وانت بعيد عني...
فهد..رواسي ....
رواسي..نعم...ياعيون رواسي...
فهد..شگد تحبيبني...
رواسي..اووو حبي
الك ماله حدود .... مو بالحجي والله ...
زين انت شگد تحبني....
فهد...اوووو شگد ما اوصفلج قليل...خوفي عليج مثل خوف الام على
طفلها ...واشتياقي الج مثل شوگ الصحراء للمطر....وعشقي
ماله حدود...
بالمختصر انتي شفي.. اعلى درجات جنون الحب.....
رواسي..اووف على كلامك...شگد مااضوج من اسمعك ارتاح
بس تشعل نار الاشتياق بصدري
الله لايحرمني منك حبيبي...
فهد..ولايحرمني منج يا اغلى من نور العين...
رواسي..تسلم ياروحي...صدگ اريد اگلك...
فهد..گولي حبيبتي...
يتبع....part 12
اسف عله الكطعه بس راح اعوضكم
YOU ARE READING
رواسي
Romanceليس لكل حب نهايه جميله ولا كل محب نال محبوبته احياناً تكون النهايات موجعه قصه حقيقيه للكاتبه (زينب التميمي )
