رواسي

part 3

....رواسي....

أَحَبَّكَ حُبُّ وَطَن مو عشك أَيَّ إِنْسَان يَعنِي

بِغَيبَتِك آني أَشعر بِغَربَة أنا بِحِضْنِكَ أشم ريحَةَ

هَلِّي وَأرْتَاحَ وَمِثل الْمَوت أحسّه فرگتك صَعبَة

أَحَبَّك مَوت آني والله يَدري بِهَايّ وَحُبّ ثاني

أَبد كُلَّ عُمرِيّ مَا أَدَوَّر ضلمَة تصَير أحسّه

بِغَيبَتِك دنيَاِي يلي بغيرك أَبد للمَوت مَا أَفكر

سرى: صديقتي بصفها وتسولفلي عنها...تريد احجي وياها...

فهد: لا ولج تصير اخت خالد ...لتفشليني...
عوفي كلشي للوكت...

سرى: براحتك...

فهد...وصلنا بيت خالد وجانت واكفه بالباب لابسه تنوره
رصاصي وقمصله سوده قصيره وحجابها مرتب ...كلش
انيقه..وسمارها يجذب...
رواسي...صباح الخير..
البنات وفهد..... صباح النور...
سری...هاي شنو سلامات شوكانوله..
رواسي...والله ملتهبه الاذن الوسطى وعندي كورس أبر....
فهد....سلامتج ماعندج غير العافيه...
رواسي... الله يسلمك... استغربت لان حجه ويايه...
البنات... فهد شغلنا اغنيه بسبس ميووو.
فهد.. لا هاي هوسه ورواسي مريضه...راح اسمعكم فيروز....نسم علينا الهوى..
رواسي....هذا شنو فلمه ....اوي شسويله...
.....كمل دوامنه كالعاده... واجه فهد وصعدنه...
ومشه ...يوميه اني اول وحده يذبني...
بس اليوم خربط الروتين...
البنات...شو مغير الطريق فهد...
فهد....اي بعد هيج ورايح... اخذ رواسي اول وحده واذبها اخر
شي...لان اقرب وحده على بيتنه ..وحتى لتصير عليه فره...
البنات...براحتك عيني.
رواسي.....هذا شنو فلمه ... اليوم كله اغاني حبجيات وأليسا
مشغل...نزلت بنيه ورجعت ليوره...
وانتبهت عليه كلش مرتب وحلو...وحاط عطر يجنن يستخدمه
خالد اسمه (HUGO)..
وصلت للبيت ومن دانزل حجه ويايه من المرايه...
فهد... رواسي باجر امرلج ساعه سبعه ونص...
رواسي.... اوكي انتظرك...
رواسي...نزلت وطبيت للبيت وبقي فهد بالي نظراته بيها فد
جاذبية...
ومن حجه ويايه عيونه تلمع...
مرت الايام...
وصارت الامتحانات مالت نص السنه ...وامتحنت وعطلنا...
مگدرنه نروح لكربلاء ولا لبغداد لان العطله گصيره ومتسوه
اجلناها للعطله الچبيره...
رواسي... فهد دائما يجي على بالي ما اعرف شنو السبب...
گاعدين المغربية اني وماما بالمطبخ دنحضر بيتزا
للعشی..وخابر خالد على ماما...
هلو ماما ... اگلج بيت عمو غالب جايين هسه علينه..
حسبي حسابهم بالعشی...ریم گالتلي...
الام:كل الهله بيهم....دنسوی بیتزا للعشه..
خالد:لايمه مو بس بيتزا وحدها عيب...راح اجيب ويايه اكل من
المطعم
الام:براحتك...
رواسي گومي بيت عمج جايين علينه...
فوتي لبسي شي مستر ... اكيد احمد جايبهم...
رواسي:اي فايته..
....بيت عمي غالب اكبر واحد بعمامي... عنده 3 ولد وبنات اثنين..
ابنه الجبير احمد شرطي وعنده سياره وشايف نفسه لان حلو
وعنده فلوس...
وريم تصير الكبد مال خالد...
ومثنی بعمري وطه ثالث متوسط وفله سادس ابتدائي...
موضوع خالد وريم حاجين بي اهلنا وموافقين بيت عمي
... بس ترتيبات الخطوبة والزواج مؤجله وره تخرج ريم...)لبست بنطرون جينز وعليه قميص وسط طوله ورفعت شعری
....اني مالبس حجاب بالبيت ...بس بالدوام والطلعه...
اجوي بيت عمي ...وتلگيناهم...
احمد....شلونج بت عمي شخبارج...
رواسي: هلووو احمد بخير الحمدلله...
گعدوا كلهم بالصاله ...وريم واني بالمطبخ دنسوي بالبيتزا...
ريم....رواسي شوكت يجي خالد شو اتاخر..
رواسي:اوي عيني .... يمه الحب...هسه على جيه ،يمر للمطعم يجيب
عشه...
ريم:ليش يجيب موهاي بيتزا واحنه نحبها واصلا زايده...
رواسي:لا عيني مقبل ،هاي مو من مقام اهل الحبيبية..
ريم: دولي لج رواسي عابتلج... ان شاء الله تجربين الحب وتضوگین
لوعته...
رواسي:لا عيني ماريد احب واگوم اخاف واقلق ..وتشتغل رحمه
الله .. وين راح وليش تأخر ويا منوا گاعد...
ماريد دوخه الراس...
ريم....يعني انتي ماكو بالج احد............. رواسي...لا عيني ..ماكو بالي بس اهلي ودراستي همه الاهم...
ریم.....رواسي راقبي الفرن هسه ارجعلج..

رواسي:وين رايحه...خطيه ثاولها الحب...
ریم...ها احمد اگلك ، جسيت نبضها وسألتها ، گالت ماعندي
احد وماكو بالها بس دراستها...
احمد.... عفيه عليج ريومه ، خوش خبر، لعد هسه انطي خبر
البابا يحجي..
اوكي...راجعه للمطبخ...
رواسي :اجه خالد دخل للمطبخ ......
خالد...هلو ريومه حبيبتي شلونج...
ريم...هلو خلودي بخير مشتاقتلك...
رواسي... احم احم نحن هنا ...راعوا مشاعر الحدايق..
خالد...لج منیلج هالسالفه....
ریم.... عادي عبر لتضل تگن گن...
رواسي...تعشينا ولمينا وشربوا الچاي...
ومجموعين كلنا بالصاله...وعمو غالب حجه...
ابو احمد..... اخويه ابو خالد...احنه اهل ومابيناتنه
رسميات... ادخل گبل بالموضوع...
اني اريد رواسي بنتك لاابني احمد...
رواسي...اني سمعت هيج لو صرت فلاش السريع وگمت اركض طلعت..
ابو خالد... والله ياخويه نتشرف... بس البنيه بعدها طالبه...خل
تكمل ويصير خير...
وشلون مامشه موضوع خالد وريم ... الموضوع هذا نمشي مثله..
ابو احمد....بس بطيه الما تتخرج بعد كم سنه يعني...
ابوخالد.. الله کریم...البي الخير يقدمه رب العالمين.
رواسي....راحوا بيت عمي..
وحجت ويايه ماما..
الام..ها رواسي شنو رأيج بالموضوع مال احمد...
رواسي...طبعا لا ...اني مافكر بالزواج اريد اكمل دراستي...
الام..ادري ثوله احنه هم نريدج تكملين...يعني مو هسه نقصد
بعدين..
احمد خوش شاب مال وجمال و وظيفه...يعني ميتفوت
يابنتي...
كملي سادس وبعدين خطوبه ...وراها اتفقي انتي ويا على
الزواج..
رواسي..ما اعرف ماما...لتخربطین عقلي...خليني مركزه على دروسي..
عوفي كلشي لوكته ..والله كريم..
الام..الله کریم......
وره يومين ...
خالد....يمه اليوم راح اجيب اصدقائي نريد نشوي سمج
بالحديقه...
الام....اي براحتك...يعني راح تخبصنه انت وربعك...
خالد....لا لا منسوي هوسه...هو بس اني وعمار وفهد..
رواسي... من سمعت اسم فهد گلبي گام يدگ سريع...ماعرف
شلون صار احساسي......اجه خالد بالليل واحنه بالمطبخ اني وماما...
خالد....ما اسمع صوتكم..... عيب الولد بالحديقه.
ام خالد...مو بارده عليكم گاعدين بره..
خالد...لا يمه مو بارده.... الجو حلو...
رواسي حظرينه الزلايط وسوي قوري چاي حتى نخدره على
الفحم...
فهد.....رحت لبيت خالد وتمنيت اشوف رواسي لو اسمع
صوتها...خربطت كل كياني .... وبديت اشتاقلها والظاهر
وگعت بحبها...
يتبع part4