رواسي
خالد:ها ماما شلونج...
الام.هلو خلودي حبيبي ...
خالد. وين رواسي لعد.....
الام. جوه بغرفتها دتقره.....ليش ابني خو ماكو شي..
خالد. لا هيج رايدها بشغله......
رواسي .... انتي وينچ....
رواسي. هیاتني خالد هسه جايه.....
دگ الباب .. افوت رواسي....
رواسي.اي اي فوت خالد دا قره...
خالد.هلو ..
هلو...
خالد. اگلج بعد لتروحين بالخط مالتج... اني اوديج بين ما اشوفلج
خط ويه واحد عرف من اصدقائي....
رواسي. ليش خالد شعجب...
خالد. میعجبني تصعدين ويا....
رواسي.والله تعلمت على هالخط وعفيه مو ويايه صديقتي امنيه
وما اگدر اعوفها....
الام. رواسي حبيبتي خابري امنيه وگوليلها بعد ليمرولج ....و
تشوف السايق شگد حسابه وتگولج حتى ندفعه...
رواسي. اهوووو.... ليش ياخالد ...غير اعرف ليش تريدني أبطل من
الخط...
خالد. گلت متروحين وخلص .. سدي الموضوع ولتلحين...
رواسي..... اووف.. اووف...
اسمي رواسي طالبه مرحله ثانيه تجاره لوني خمري بسمار
وطولي وسط وشعري اسود سرح .. انيقه بلبسي...
والدي موظف بالنفط من الانبار بس عايش بغداد....وامي من
کربلاء
تربط اهلهم صداقه عائليه...عاشوا قصه حب كلش حلوه
واتوجت بالزواج.....ماما مكمله اعدادية وهي ربة بيت..
وعندي اخوان اثنين خالد اكبر مني خريج علوم وماكو تعيين
..وفاتح محل موبايلات...
وعمار صف اول متوسط ...
ماما طبيعتها تتاخر یاله يصير عدها طفل.. يعني السنوات
بيناتنه موشويه اني واخوتي...
احنه من سكنه بغداد بس من صارت الحرب ودخلوا الامريكان
...بابا خاف علينه ...اضطر يبيع بيتنا وسافرنا لسوريا 3
سنین....
بابا تعب كلش چان كل فتره يرجع للعراق علمود يرتب شغله
ويه اصدقاءه.....
وراها الروحه والرجعه أذته لبابا ...وعمامي حجوا ويا وگالوله
تعال ارجع للعراق ...ولترجعون لبغداد....
تعال للانبار وانقل شغلك ورتب وضعك...
بالبدايه ماما واحنه رفضنا ...ومقبلنا نروح نعيش بالانبار
... بس بعدين شفنا بابا تعب وگال اريد اكمل باقي حياتي
بديرتي بين اهلي وگرابتي...
رجعنا للعراق واشترينه بيت بالفلوس البقت العدنا.. وگعدنا.
بس بقى شغفنا وحبنا لبغداد وكل فتره نروح لخالاتي .
وكل عطله نروح شهر لبيت جدو بكربلاء ..والحمدلله احنا
منعرف شنو تفرقه ولا طائفية...
حبيبي
رواسي:ماما هاي شبي ابنج ميقبل اروح بالخط بعد...
يعني شلون اني ماعوف صديقتي امنيه...
زين هو مگلج ليش يريدني اعوف الخط...
الاوالله مکلي هسه اسأله واشوف...
خلودي ماما تعال...وانتي روحي لغرفتج مو الكاج واگفه
تسنطين بالباب...
رواسي. رايحه...
خالد.ها ماما محتاجه شي...
ليش تريد اختك تعوف الخط..
YOU ARE READING
رواسي
Romanceليس لكل حب نهايه جميله ولا كل محب نال محبوبته احياناً تكون النهايات موجعه قصه حقيقيه للكاتبه (زينب التميمي )
