ضاري انقرص قلبه : شعندك مع نور الايام هاذي صارت تضحك كثير
عزام : ولا شي عادي جدا
ضاري : عيني بعينك اشوف
عزام: ههههههه شفيك ضاري
ضاري : لا يكون حبيتها
عزام انصدم من السؤال ما توقعه ابدا:ههههه لا لا ويني انا والحب وين
ضاري :مدري ليش احسك تكذب
عزام: لا لا ارتاح انت بس
كمل ضاري اللي مو مرتاح لنور وعزام اما عزام اللي كان يحاول ما يفكر في سؤال ضاري ويركز على الجد اللي واقف له بتحديه
وصلو وكل واحد راح لقسمه
٠٠٠٠٠
عند تركي صحى وهو يحس انه كسلان انقلب وهو يسحب جواله شاف اكثر من مكالمه ورساله من غلا تسأل وينه من امس ما رد عليها ابتسم وهو يدق عليها وصله صوتها الملهوف : تركي وينك شفيك فيك شي
تركي :ههههه بسم الله عليك ي عين تركي مافيني شي بخير
غلا : ليش ما ترد علي من امس احترقت والله احترقت
تركي : بسم الله عليك معليش والله اسف امس من جد ما كنت منتبه لشي صارت معنا سالفه انا ويزن وانشغلنا ورجعت ونمت على طول
غلا : الله يهديك فجعتني الف خاطر وخاطر طرا لي
تركي : انا اسف وربي ما انتبهت
غلا : الحمد لله هانت بس لا تعيدها
تركي : ي جعلني فدا ي شيخه انتي حمار اللي يخوفك
غلا : والله ي تركي من جد خفت حتى اني ما نمت للحين صار لي ٤٨ ساعه صاحيه
تركي : لا لا
غلا : وربي
تركي : غلا مع السلامه
سكر تركي وقام توجه للحمام تروش ولبس وطلع قابل ابوه
ابو تركي : تركي للحين ماداومت
تركي : بداوم يبه الحين
ابو تركي : تعال قلي وش اللي صار امس وش السالفه وبعدين وش فيه صوتك
تركي : شكلي بزكم يبه اللي صار انا مو فاهمه ابد لو تروح لعمي سعود يمكن تفهم
ابو تركي : الخلاصه ايش
تركي : ابد كنا عند عزام صاحبي المهم بعد شوي جاء عمي سعود ويقول انه عزام واخوانه عيال عمي وشوي جاء جدي وقامت القيامه وطلعوا مدري وش اللي صاير
ابو تركي : ايش يلا يلا انا رايح لعمك
راح ابو تركي وتركي راح لبيت عمته حنان دق الباب فتحت له الخادمه تركي : عمتي موجوده
حنان :تعال تركي تعال
دخل تركي وهو يبوس راس حنان: كيفك ي عمه
حنان :تمام وانت وش مسوي كيف دوامك وين غاط
تركي : والله عندي اشغال ي عمه مو راضيه تخلص واركض ركض وراها
حنان :الله يوفقك ي حبيبي
تركي : انا بطلع لغلا شوي ي عمه فيه موضوع بينا كذا بحله لان بنتك يبي لها تكسير راس
حنان : خير ي تركي وش صاير وش مسويه غلا
تركي : تخيلي ي عمه من ٤٨ساعه ما نامت مستوعبه
حنان : اوف ي تركي خوفتني
تركي : يعني عادي عندك
حنان ؛ ايه عادي
تركي : لا مو عادي كذا بتتعب
تركها تركي وطلع فوق لغلا اللي استغرب تقفيلها سمعت الباب يدق قالت : مابي فطور ي سهيله
تركي فتح الباب : فوق انك مانمتي من ٤٨ ساعه ماتبين فطور
غلا :تركي وش صار ليش جيت
تركي وهو يشدها من اذنها : جيت اتفاهم معك ي خبله
غلا :اااي ي تركي شفيك علي
تركي : اول شي ليش جالسه يومين ما نمتي صاحيه انتي شوفي كيف وجهك شوفي عيونك كيف انتي عارفه انك تضرين نفسك
غلا : شسوي ي تركي بالله عليك شسوي قبل كان عندي امتحان وبعدها انت وغيبتك اللي مالها داعي
تركي : حتى ولو مو تضري صحتك اهم شي غلا قسم بالله لو تعيدينها لأزعل من جد اليوم مابتداومين تنامين وتخاذين كفايتك من النوم وقبل كل هذا تفطرين والا بزعل مجنونه انتي
غلا : خلاص ابشر كل شي ولا زعلك انت بس اترك اذني اوجعتني
تركي ابتسم : هيا لا تزعليني بإهمالك لنفسك
غلا لفت : ابشر
صد تركي وهو يقول : يلا اخليك بروح اداوم متأخر مره وانتي افطر ونامي ايش تسوين تفطرين وتنامين
غلا :ابشر
طلع تركي وهو مبتسم لغلا اللي كان حرصه عليها اكثر من اي شي ثاني
٠٠٠٠٠٠
عند عزام بنص حوسته اتصل عليه المدير وقاله يجي ضروري استغرب عزام وطلع دخل ورد السلام وجلس
المدير رمى عليه اوراق : تفضل
عزام اخذ الاوراق : اش هذا
المدير : اقرأ وشوف
عزام اخذ الاوراق واتسعت عيونه بغضب : اش معنى هذا الكلام
المدير : واضح اتوقع مايبي له شرح
عزام وقف بعصبيه: اش اللي مايبي له شرح ابي اعرف الحين ليش انفصلت وش الخطاء اللي عشانه تفصلني
المدير : من دون سؤال لو سمحت جمع اغراضك واطلع من هنا
عزام رمى الاوراق في وجهه بعصبيه : ليش الدنيا سايبه هاااه اقسم باللي رفع السماء ونزل الارض لأندمك على فعلتك هاذي
طلع عزام وغضب الدنيا بوجهه نزل الروب ورماه على الارض طلع وهو مايدري وش يسوي كان معتمد على هالوظيفه كان يحبها كيف يفصلونه رجع بسرعة وراح للمدير سحب ملفه وطلع مر من جنبه تركي :عزام
عزام: ابعععد
طلع وتركهم وهو مايشوف قدامه وكل مكان يمره يصقع فيه
اخذ تاكسي وتوجه لعنوان الجد وقف ونزل بغضب قرب منه الحارس : من تبي