ياناس احب ادلعكم واحب لما تتفاعلون وتبهروني بالعدد
وقت اصحى من النوم اول شي اسويه ادخل على الوات😂
اقول لنفسي ارفع عدد الكومنت عشان يتأخروني شوي
وانا ارتاح بس تصدموني انكم مكملين العدد في يوم
احبنكم قد السما🥺
الكومنت ؛ 150 بارت جديد 🤍!
~
~
~
في ماضي يحكي قِصة أحد أبطالي....
'
اخذ الاوراق اللي تثبت وفاته
وقال:وصلنا لنص الخطه المهم الخبر يجي لـ مسفر
قال شريكه بالعمله
:انت متأكد؟ من هاللحظه بتنهي اسم غسان
قال غسان
:ايه دامني بحاربهم وبنتقم لموت اختي لازم ازور
وفاتي واختفي من المكان
قال شريكه
:بس اعرف ان هالموضوع مافي تراجع منه بعد اليوم
قال غسان بحقد
:مايهمني اللي يهمني اني اشوف عايلة الخالدي منتهيه
قال شريكه
:اتفقنا والاوراق تأكد بتوصل لـ مسفر
هز راسه غسان وطلع من المقر وعلى شفايفه ابتسامه
:انتوا اللي وصلتونا لهنا يالخالدي بتشوفون ايام سودا
ركب سيارته وناظر خلفه
:مابي اخلص منك انت
حرك سيارته وتوجه لمكان مجهول م احد يفكر يجي له
ووقف وطلع من السياره واخده معه
حطه على الرمال وهو صاد عنه مايبي يضعف له ويرجعه
وقف وتحرك عشان يمشي
بس وقف! وقف من سمع صوته وهو يناغي ويبكي
كأنه يناديه عشان يرجع له
بلع ريقه وحاول يتحرك بس ماقدر
:غسان امشي ولا تهتم هذا ولد اللي قتل اختك
ضرب السياره بقهر ورجع له
وقال:الله ياخذ ابوك ويوم عرفته هالحقير
اخذه بخفه وتحرك للسياره
:انت ولد اختي بالنهايه وهذا اللي رادني عن ذبحك
ركب السياره وحرك من المكان وهو يفكر وين يخلص منه!
كانت الساعه تشير لـ 1:13 دقيقه ص
في وقت م احد موجود فيه والناس نايمه منتظر قدام
البيت اللي قرر يحطه فيه
اخذ الورقه اللي كتبها له وحطها بملف طلع من السياره
ووضعه عند الباب ووضع الملف فوقه
قال بهمس
:انت ضحيه بسبب ابوك سامحني
حرك من المكان هارب تارك طفل صغير ماله ذنب باللي
صار سواء انه ضحيه للاقدار!
'
جالس بالسياره لي ساعه تقريباً احاول استجمع نفسي
واللي شفته وسمعته اليوم ماكنت متوقعه يصير
غمض عيوني وسندت راسي بالمرتبه واحس اني بذلت مجهود
كبير
واقف عن الشقق بس ماقدرت انزل وانا افكر شلون
اخلص من هالمصيبه اللي طاحت على راسي؟
طلعت من السياره ودخلت رايح لشقتنا وافكر اتصل في هالعله
هذاك اللي ساعدنه انه ياخذ مشروع الخالدي يمكن يقدر يساعدني
وقفت من شفت هادي واقف عند الباب ويدقه بقوه
:انت بيت ابوك تدقه كذا؟
لف علي والعصبيه باينه عليه تقدم مني
وقال:ولدي وووينه
ضحكت بسخريه
وقلت:والله فيك الخير تسأل عنه
رفعني من ياقتي وهزني بقوه
وقال:قلت ولدي وينه
ايش سالفتي انا مع هالعمالقه هذول احس رقبتي بتنكسر
وانا رافع راسي حتى اوازي طولهم
قلت بحده
:ولدك مايبي يشوفك خل عندك كرا...
حسيت بأنفاسه بوجهي وصرخ علي
:لا تطولها وهي قصيره يانمار احسن م ادفنك
انفتح الباب فجأه وطلع منه ريان وهو بسرعه بعد عني يناظره
فيه
قبل يتقدم له انزاح من طريقه ريان وتوجه لي وقف قدامي
ولف عليه يحميني منه!
قال هادي
:ريان خفت عليك دقيت عالاثول هذا معطيني حظر وانت مامعك
رقم اتصل عليك منه وادق الباب ماترد ليش؟
هز راسه ريان بلا ولف علي وعيونه امتلت دموع وعلى طول فهمته
:ريان مايبي يشوفك فلا تصر عليه
قرب مني بعصبيه
وقال:تراك اخذت على نفسك كثير لو اخذه الحين قدامك مابيدك
شي تسويه
ابتسمت له
وقلت:جرب اذا تبيه يكرهك اكثر
لاحظت ان عصبيته هدت يوم ذكرت كره ريان له
وقال:انا بروح الحين وبينا تفاهم بعدين
توجهه طالع ولحظتها حسيت بأنه انكسر بلحظه من مشيته
وكتوفه اللي كأنها شايله جبل عليها
حسيت بريان يضمني ضحكت على دلعه
وقلت:ريون خلاص راح ابعد عني لا احد يشوفنا
بعد عني وعطاني نظره بلعت ريقي منها وضربني كف!
انصدمت منه
وقلت:ليش؟ وش سويت
تجاهلني ودخل للشقه وقفل بوجهي تحت صدمتي
هذا ايش فيه!
قربت للباب وحاولت افتحه بس ماقدرت طقيته بشوي
وهمست:ريوني حبيبي افتح الباب ارجوك
ماسمعت منه رد رجعت ادق عشان يفتع لكن مامن مجيب
عمك اصممخ
•
•
دخل البيت على عجله متجاهل الكل وهو يكلم بجواله
:ايه رقم الجوال معك حاول تطلع موقعه سامع
ركض متوجه للدور الثاني وتحديداً جناحه دخل لمكتبه
وبدا يفتش الاوراق اللي بالمكتب
من بين الاوراق طاحت عينه على شهادة وفاة صاحبه غسان
تأملها بهدوء
وقال:الله يعين بس ويصبرني
رجع دور ولقى اوراق ولده "الليث" اللي موقعه على وفاته
حجز موعد في المحكمه عشان يغير بالقرار ويسجله مره ثانيه
بأسمه
اخذ كل ورقه محتاجها وطلع بسرعه من الجناح نازل الدرج
ناوي يطلع من البيت
استوقفه صوت ابوه
:مسفر ايه فيك كنك مهبول
التفت له مسفر ببتسامه
:سلامتك يالغالي بس رايح اجيب ولدي
لحظت صمت بالمكان رمى عليهم القنبله وطلع متجاهل اي شي
وكل اللي يفكر فيه يرجع ولده له!
انصدم بكر منه وقبل يوقف ويلحقه سمع ابوه
يقول:بكر ارجع
لف بكر لابوه
وقال:بس يبه
قال ابوه
:بكر اسمع الكلام ماتشوف فرحته اتركه هو يتصرف وان شاءالله
حفيدنا يرجع قريب
تنهد بكر ورجع جلس مستغرب هدوء ابوه المريب في مسأله
حساسه مثل كذا
وكذلك اخوه مطلق الهادي تماماً واللي ماعلق في هالموضوع
مع انه شغله الشاغل وهالشي مخوفه لا يكون مخبي شي عليهم
•
•
وقف ببتسامه من دخل عليه المكتب وضرب الباب بقوه
:قد هالشي اللي سويته ياهادي
ضحك هادي بسخريه
:لو اني م قده كان ماسويته من الاساس
تقدم منه بقهر
:شلون تسوي كذا هاا؟ شلون تسحب صلاحيتي من اتخاذ
القرارات بالشركه
قال هادي
:لك وجه تسأل وانت عارف السبب؟
بلع ريقه بتوتر
وقال:بس انا اخوك وولدك الحمدلله بيرجع
ضحك هادي وصفق بيدينه
وقال:وهذي هي المصيبه انك اخوي وهي امي وسويتوا فيني
كذا
ضرب الطاوله بقوه
وقال:ايش خليتوا للغريب اذا هذي فعايلكم ، بسببكم ولدي يمقتني
يكرهني وانا اموت بالثانيه من اشوف جفاه وصده عني
نزل راسه اخوه بخجل
وقال:حقك علي ياخوي
ضحك هادي وجلس بكرسيه
وقال:الحين حسيت بالخجل اشوف لما كنت فاقد الذاكره ماخجلت
وانت تحط عينك بعيني وتضحك معي؟
هز راسه وكمل كلامه
:بس فعلاً معاك حق حقي عليك وباخذه اصبر والحين تفضل
برا عندي شغل
طلع اخوه بنكسار بدون مايضيف كلمه وهالشي وجع قلب هادي
بس حاول يتجاهل هالشعور ويذكر نفسه في اللي سواه هو وامه
هز راسه بأسف
وقال:وش اسوي فيك يمه قتلتي عايله كامله بفعلتك ااخ منك بس
•
•
طلعت من غرفتي من نام ريان الزعول وتوجهت للمطبخ اسوي
لي شاهي يصحصحني شوي
افكر اكلم عدو الخالدي يساعدني في هالمصيبه اللي صارت
اليوم مدري كيف بس يبعد هالعايله عني
دام اني ساعدته بالشركه هو بعد بيساعدني اكيد
بس لازم ادبر سياره التميم اخذ السياره اللي معي عشان يخلص
بعض من اموره دام ابوه مانعه من سيارته عشانه صدم فيها الحمار
وصيته بعد ياخذ الجوالين اللي بالسياره له ولأيسم
هالفتره صار أيسم شغلي الشاغل؟ لا تستغربون لاني فعلاً
كثير افكر فيه ويطرا علي فجأه
ومن ذكر لنا التميم ان امه مصابه بالفشل الكلوي حزنت عليه
وقلت لازم اذا قابتله اشوف وضعه
مسحت على راسي وطلعت من المطبخ وانا افكر وش فيني
أيسم م اعتبره مثل ريان ولا بينهم اقتران
ريان حبي له حب اخوي وعطف وحنان مثل الام
لكن ايسم مختلف تماماً عنه اللي احسه اتجاهه م حب اخوي
ولا علاقة صداقه عاديه
بلعت ريقي وانا متوتر وش اقول له وش بيفهم الادمي مني اذا
قلت له اساساً ياحمار
تأفأفت وانا اضرب رجلي افكر في شي يخليني اروح له واكلمه
بس رقمه م عندي وصار له فتره مايجي لنا وهالشي محيرني
:اوف منك نمار اوف كان خذيت رقمه من التميم وريحت عمرك
خذيت نفس واخذت جوالي اتصل في التميم واسأله عن أيسم
بطريقه غير مباشره
لحظات من الهدوء والتميم للحين مارد وهالشي زاد توتري
كنت بنزل الجوال وانا حاس بخيبه بس صوته رجع لي فرحتي
:الو تميم
قال التميم
:هلا نمار بغيت شي؟
بللت شفايفي
وقلت:لا والله سلامتك بس حبيت اتصل واسألك اذا فيك شي
لما خذيت المفتاح مني كنت متوتر
سكت لحظات التميم وبعدها
نطق:لا تسأل يانمار اليوم تعبت ام أيسم واخذناها للمشفى
توسعت عيوني ووقفت من مكاني
وقلت:عسى ماشر
قال التميم
:مدري والله بس هالفتره صايره تتعب خالتي كثير والله يعين
قلت بصوت هادي
:وأيسم أيسم شلونه
قال التميم بحزن
:منهار بس يحاول يكون قوي
شديت على يدي
وهمست:عطني بكلمه
شويه وجاني صوته الهلكان من التعب
:الو
غمضت عيوني
ورديت:أيسم شلونك
رد أيسم بحزن
:تعبان والله يانمار تعبان
قلت بصوت هادي
:وكل امرك لله ي أيسم وان شاءالله امك بخير صدقني
قال أيسم
:ان شاءالله يانمار تسلم على اتصالك
ابتسمت وانا احس بشعور غريب من سماعي لصوته
:ولو مابينا المهم لا تقطع واي شي يصير معك خبرني ساامع
سمعت صوته الهادي وكأنه خجل من كلامي
:ولا يهمك
بعدت الجوال من صوت الباب واستغربت من اللي جاينا
قلت:أيسم لحظات خلك معي
قربت للباب وفتحته بقلق وهالقلق تحول لصدمه كبيره وانا اشوف
الانسان اللي ماودي اشوفه قدامي
واول شي قاله لي هو
:ليث ولدي؟؟
!!!!!!
~
~
~
دخلنا على الحماس واللحظه المنتظره في الروايه😆
وترا لا تستعجلون بالتعليقات عادي خذوا وقتكم يعني🌚
هالمره ابي توقعات للاحداث الجايه تحمسني للبارتات
الجديده🤗
رايكم بالبارت عامةً 💫