خَبْئني خَلف أجْنحتِك

29

عدنا لكم واعذروني ع التأخير❤️

الكومنت ؛ 150 بارت جديد🤍!

~

~

~

من حط اغراضي عندي طلع بدون كلام وقفل الباب بس هالمره
بدون القفل كأنه يبيني اطلع لهم واتقبل الامر الواقع

تجاهلت تلميحاته وقفلت الباب بالمفتاح ومارديت على احد
غير الخدم اللي يجيبون لي الاكل

الصراحه م مستعد اتعب نفسي او اهجدها عشان شي مايستاهل

وبيني وبينكم الصراحه اكلهم روعه ولذيذ

بس طول الشي اللي افكر فيه كيف اتطمن على ريان ماعرف
عنه شي غير ان هادي الزق اخذه معه وهذا اللي فهمته
من ابوي

تقلبت على السرير بملل صارلي بالغرفه ثلاث ايام ع التوالي
واحس بضيقه فضيعه وفكرت اني اتواجد معهم تزيد ضيقتي!

فتحت نافذة غرفتي وانا اشوف لو في طريقه للهروب من هالمكان
بس للاسف المكان هنا صعب تغاده يحسسونك انك بسجن

م ببيت عائله محترم

لفيت من سمعت طق الباب بس مارديت رجع الباب يدق
:ليث افتح الباب انا ابوك

تأفأفت من هالحال صار له ثلاث ايام يطق بابي بس م ارد عليه
ويرجع يدق ومايرتاح الا اذا كلمته

تقدمت من الباب
وقلت:نعم؟

قال مسفر
:افتح الباب

مارديت عليه وانا خايف من اخر لقاء بينا
ورد:ليث اسمعني ادري انك ماخذ مني موقف من اخر مره
بس افتح ياولدي اتركي اتفاهم واتناقش معك هالوضع ماراح يجيب
نتيجه لا لي ولا لك

طال الصمت بينا وانا افكر بكلامه بس اللي عرفته عنه انه سريع
الانفعال واي كلمه مني راح يعصب ويمد يده عليه وانا الصراحه
م مستعد للامر

ظليت على حالي دقيقين وماسمعت منه صوت فتأكدت انه مشى
يتحمل شوي ذنب فعلته م كل ماسمع كلمه ردها بضربه

مدري بس حسيت بشوي تأنيب اني تجاهلته بس في صوت داخلي
يقولي لا تضعف ولا تنسى اللي سواه بأمك

بس من ناحيه ثانيه يفهمني ان هذا ابوي وله حق علي مثل م انا
لي حق عليه

' بس راح تكون بغلات عياله وزوجته '

صوت تردد داخلي واخاف من اجابته هل فعلاً انا مثل غلاتهم
ولا واكثر او اقل منهم

لو جينا للموازنه هم اللي قضوا عمرهم معه من نعومة اظافرهم
وكبروا قدام عينه ونادوه قبلي بكلمة " ابوي " وتشاركوا حضنه
وحنانه